Category تازہ ترین

اسلام آباد : ڈسٹرکٹ اینڈ سیشن کورٹس اسلام آباد نے شہبازگِل کے قابل ضمانت وارنٹ گرفتاری جاری ہونے کا تحریری فیصلہ جاری کردیا ہے ۔ایک صفحے پر مشتمل تحریری فیصلہ ایڈیشنل سیشن جج طاہرعباس سپرا نے جاری کیا۔ فیصلے میں کہا گیا ہے کہ شہبازگِل 6 جنوری کو فردجرم کے لیے عدالت کے سامنے حاضر ہوں۔شہبازگِل کی جانب سے حاضری سے استثنیٰ کی درخواست دائر کی گئی۔وکیلِ ملزم کے مطابق شہبازگِل دمے کے مریض ہیں اور سفر نہیں کرسکتے۔تحریری فیصلے کے مطابق عدالت نے شہبازگِل کو 12 نومبر کو چالان کے نقول فراہم کردیے گئے تھے۔ایک ماہ سے زائد عرصہ ہوگیا، شہبازگِل پر فردجرم عائد نہیں ہوپائی۔شہبازگِل کی جانب سے میڈیکل رپورٹ جمع کروائی گئی جو غیرواضح ہے۔میڈیکل رپورٹ میں نہیں بتایاگیاکہ شہبازگِل کو کتنے دنوں کے آرام کا مشورہ دیاگیا۔بظاہر معلوم ہورہاکہ ملزم شہبازگِل ٹرائل آگے نہیں بڑھانا چاہ رہے۔شہبازگِل کے رویے سے ٹرائل معمول کے مطابق آگے نہیں بڑھ رہا۔لاکھ روپے مچلکوں کے عوض شہبازگِل کے قابل ضمانت وارنٹ گرفتاری جاری کیے جا تے ہیں ۔

اسلام آباد:اسلام آباد کے سیکٹر آئی ٹین فور میں خودکش دھماکے کے بعد وزارت داخلہ نے وفاقی پولیس سے تفصیلات طلب کر لیں۔ پولیس ذرائع کے مطابق وفاقی پولیس نے دھماکے کی ابتدائی تفتیش مکمل کر لی ہے جو وزارت داخلہ اور وزیر اعظم ہائوس کو پیش کی جارہی ہے ۔پولیس ذرائع کے مطابق خود کش حملہ آور راولپنڈی سے اسلام آباد داخل ہوا۔ خود کش حملہ آور نے سبزی منڈی سے ٹیکسی بک کی۔ خودکش حملہ آور افغان نیشنل ہے۔ پولیس نے واقع سے متعلقہ تمام سی سی ٹی وی فوٹیجز حاصل کر لیں۔ حملہ آور سرکاری ادارے یا مسجد کو ٹارگٹ کرنا چاہتا تھا۔ وزارت داخلہ میں بریفنگ کے دوران حساس اداروں کے افسران بھی شامل ہوں گے۔

اسلام آباد : ڈسٹرکٹ اینڈ سیشن کورٹس اسلام آباد میں سابق آرمی چیف جنرل ریٹائرڈ قمر جاوید باجوہ کے مبینہ ٹیکس ڈیٹا لیک کے کیس میں ایف آئی اے کی جانب سے قائم کئے گئے مقدمہ میں گرفتار تین ملزمان کا دو روزہ جسمانی ریمانڈ منظور کر لیا گیا۔ تفصیل کے مطابق اسلام آباد کی ڈسٹرکٹ اینڈ سیشن کورٹس میں سابق آرمی چیف جنرل ریٹائرڈ قمر جاوید باجوہ کے مبینہ ٹیکس ڈیٹا لیک کے کیس میں ایف آئی اے کے مقدمہ میں گرفتار تینوں ملزمان شہزاد نیاز ، ارشد علی اور عدیل اشرف جوڈیشل مجسٹریٹ عمر شبیر کی عدالت میں پیش کو عدالت میں پیش کیا گیا۔ ملزمان کے وکلاء￿ اور تفتیشی افسر ریکارڈ سمیت عدالت میں پیش ہوئے۔تفتیشی افسر کی جانب سے تینوں ملزمان کے پانچ روزہ جسمانی ریمانڈ کی استدعا کی گئی تھی۔عدالت نیایف آئی اے کے مقدمہ میں گرفتار تینوں ملزمان کا دو روزہ جسمانی ریمانڈ منظور کرتے ہوئیایف آئی اے کے حوالے کردیا۔

اسلام آباد : اسلام آباد سیکٹر آئی ٹین فود میں خود کش دھماکے کیس میں اہم پیش رفت ہوئی ہے۔ وفاقی پولیس نے تفتیش کا دائرہ کار وسیع کرنے کا فیصلہ کیا ہے 8 رکنی جے آئی ٹی قائم کرنے کی سفارش بھی کر دی گئی دوسری جانب جڑواں شہروں میں مشترکہ سرچ آپریشن کرنے کا فیصلہ بھی کیا گیا ہے۔ تفصیل کے مطابق تحقیقات کے لیے جوائنٹ انویسٹی گیشن ٹیم بنانے کا مراسلہ جاری کر دیا ہے آئی ٹین فور میں دھماکہ کی تفتیش کے 8 رکنی جے آئی ٹی بنائے جائے ڈی آئی جی نے چیف کمشنر اسلام آباد سے جے آئی ٹی بنانے کی سفارش کر دی ہے جے آئی ٹی کی سربراہی ایس ایس پی سی ٹی ڈی کریں جے آئی ٹی میں 3 ڈی ایس پی ممبران کا حصہ ہونگے تفتیشی آفیسر کے علاوہ حساس اداروں کے دو افسران بھی جے آئی ٹی کا حصہ ہونگے حساس اداروں اور وفاقی پولیس نے بڑا فیصلہ کر لیا ہے جڑواں شہروں کے حساس مقامات پر سرچ آپریشن کئے جائیں گیں سرچ آپریشن کا مقصد امن و امان کو قائم رکھنا ہے۔زرائع کے مطابق سرچ آپریشن میں پولیس اور حساس اداروں کے اہلکار حصہ لیں گے۔

گورنر پنجاب کی جانب سے وزیراعلیٰ پرویز الٰہی کو ڈی نوٹیفائی کرنے کے بعد پنجاب اسمبلی کا اجلاس ہنگامہ خیز رہا، حکومتی اور اپوزیشن ارکان کے ایک دوسرے کے خلاف نعرے بازی کی اور شور شرابا کیا۔

اسپیکر سبطین خان کی زیر صدارت پنجاب اسمبلی کا اجلاس دو گھنٹے 12 منٹ کی تاخیر سے شروع ہوا۔

پنجاب اسمبلی کے ایوان میں 264 اراکین اسمبلی موجود تھے۔ ایوان میں پی ٹی آئی اور ق لیگ کے 149  جبکہ مسلم لیگ ن اور اتحادی جماعتوں کے 115 ارکان موجود تھے۔

ایوان میں حکومتی اور اپوزیشن ارکان نے ایک دوسرے کے خلاف شدید نعرے بازی بھی کی اور شور شرابا کیا جبکہ خواتین ارکان بھی پیش پیش رہیں۔

اسمبلی کی کارروائی میں کئی بلز  منظور کیے گئے، حکومت کی جانب سے گورنر پنجاب بلیغ الرحمان کے خلاف قرارداد بھی منظور کی گئی۔

بعدازاں اسپیکر پنجاب اسمبلی نے اجلاس 26 دسمبر دوپہر 2 بجے تک ملتوی کر دیا۔

دوسری جانب ذرائع کے مطابق اسمبلی اجلاس سے قبل تحریک انصاف اورق لیگ کی پارلیمانی پارٹی کے مشترکہ اجلاس میں 174 ارکان شریک ہوئے۔

ذرائع کا کہنا ہے کہ مشترکہ پارلیمانی پارٹی کے اجلاس میں تحریک انصاف کے 164 اور ق لیگ کے 10 ارکان شریک ہوئے۔

جہانیاں:برصغیر کی معروف گلوکارہ ملکہ ترنم نور جہاں کو اپنے مداحوں سے بچھڑے بائیس برس بیت گئے ان کی برسی23دسمبر جمعہ کو منائی گئی اس سلسلے میں جہانیاں،ٹھٹھہ صادق آباد سمیت مختلف شہروں میں ان کے مداحوں کی جانب سے خصوصی تقریبات کا اہتمام کیا گیا ۔ملکہ ترنم نور جہاں21ستمبر 1926ء کو عظیم صوفی شاعر بلھے شاہ کی دھرتی قصور میں پیدا ہوئیں انہوں نے سٹیج اداکاری سے اپنے کیرئیر کا آغاز کیا ۔ملکہ ترنم نور جہاں کا اصل نام اللہ وسائی تھا جبکہ نور جہاں ان کا فلمی نام تھا انہوں نے گلوکاری کے ساتھ ساتھ اداکاری میں بھی اپنے جوہر دکھائے انہوں نے ایک موسیقار گھرانے میں آنکھ کھولی اس لیے موسیقی انہیں وراثت میں ملی ملکہ ترنم نور جہاں نے اپنے فنی کیرئیر کے دوران ہزاروں گیت گائے انہوں نے 1965ء کی پاک بھارت جنگ کے دوران قومی نغمے بھی گائے جو کہ ہماری قومی تاریخ کا ایک اہم حصہ ہیں۔میڈم نور جہاں کی خوبصورت اور کانوں میں رس گھولنے والی آواز کی وجہ سے انہیں ملکہ ترنم کا خطاب ملا ۔میڈم نور جہاں 23دسمبر 2000ء کو دل کا دورہ پڑنے سے انتقال کر گئی تھیںان کی عمر 74برس تھی

اسلام آباد ،لاہور،کراچی ،پشاور :پاکستان سمیت دنیا بھر میں مسیحی برادری کرسمس کا تہوار 25دسمبر اتوار کوجوش و خروش سے منائے گی، مذہبی تقریبات کا انعقاد اور ملکی ترقی اورخوشحالی کے لیے دعائیں مانگی جائیں گی۔تفصیلات کے مطابق پاکستان سمیت دنیا بھر میں مسیحی برادری 25دسمبر بروز اتوار حضرت عیسیٰ علیہ اسلام کے یوم ولادت کے سلسلے میں کرسمس کا تہوار منائے گی۔اس سلسلے میںجہانیاں،ٹھٹھہ صادق آباد سمیت ملک کے دیگر شہروں میں کرسمس کے موقع پر تقریبات منعقد کرکے ملکی ترقی اورخوشحالی کے لیے دعائیں مانگی جائیں گی۔کرسمس ٹریز کی تیاری کے ساتھ ساتھ تمام چرچز کو انتہائی خوبصورتی سے سجا دیا گیا ہے۔کرسمس کی مناسبت سے گرجا گھروں میں خصوصی عبادات اور دعائیہ تقریبات کا انعقاد کیا جائے گا جہاں مسیحی برادری کے افراد اپنی مذہبی تقریبات کی ادائیگی اور عبادات کریں گے،اس موقع پر ملکی ترقی، قیام امن اور سلامتی و خوشحالی کی خصوصی دعائیں مانگی جائیں گی۔ جبکہ مرد وخواتین اور بچوں نے مذہبی تہوار کے حوالے سے خریداری بھی کی۔اس موقع پر نت نئے انداز، رنگوں اور ڈیزائنوں کے کیکس، چاکلیٹس اور کنڈیز بھی تیار کرلی گئیں ہیں، مسیحی برادری کا کہنا ہے کہ کرسمس خوشیوں کا تہوار ہے۔ یہ امن اور محبت کا پیغام دیتا ہے، میٹھا کھانے سے خوشی کا احساس دوبالا ہوجاتا ہے۔واضح رہے کہ مسیحی برادری حضرت عیسٰی علیہ السلام کی ولادت کی خوشی میں ہرسال 25دسمبر کو کرسمس کا تہوار مناتی ہے ۔ اس دن کو یسوع مسیح کی دنیا میں آمد کو امن و خوشی کے دن کی بشارت کی یاد تازہ کرنے کے لئے منایا جاتا ہے۔ 24اور 25دسمبر کی درمیانی رات مسیحی برادری کے افراد اپنی عبادت گاہوں میں جمع ہوکر اس دن کی یاد تازہ کریں گے۔ اس موقع پر معاشرے،ملک،دنیا بھر کے حکمرانوں اور عوام کی خیر و عافیت کیلئے خصوصی دعائیں مانگی جائیں گی ۔ کرسمس کے اس پرمسرت موقع پر سانتا کلاز کے روپ میں ایک شخص بچوں میں کھلونے اور دیگر تحائف بھی تقسیم کرتا ہے۔ نیز مسیحی اس دن کو بڑا دن یا بڑی عید بھی قرار دیتے ہیں۔کرسمس کے موقع پر جہانیاں سمیت صوبہ بھر میں سکیورٹی کے انتہائی سخت انتظامات کئے گئے ہیں۔ عبادتگاہوں میں آنے والے مسیحیوں کو جامع تلاشی کے بعد اندر داخل ہونے کی اجازت ہو گی۔پولیس کی طرف سے مسیحی عبادتگاہوں کی طرف آنے والے راستوں کی ناکہ بندی کی جائے گی جبکہ عبادتگاہوں کے اندر اور چھتوں پر بھی سکیورٹی تعینات ہو گی۔پولیس افسران سکیورٹی انتظامات چیک کرنے کے لئے پیٹرولنگ بھی کریں گے۔

اسلام آباد :قومی ادارہ صحت ( این آئی ایچ) نے کہا ہے کہ گزشتہ 24 گھنٹوں کے دوران ملک بھر میں 4 ہزار 065 کورونا ٹیسٹ کئے گئے ہیں۔این آئی ایچ کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 4 ہزار 065 کورونا ٹیسٹ کئے گئے جن میں سے 15 افراد کے کورونا ٹیسٹ مثبت آئے ہیں۔ اس طرح گزشتہ 24 گھنٹوں میں کئے گئے مثبت کورونا ٹیسٹ کی شرح 0.37 فیصد رہی ہے، مزید برآں اس دوران کورونا وائرس سے کوئی بھی مریض جاں بحق نہیں ہوا جبکہ 25 مریضوں کی حالت تشویشناک ہے ۔

اسلام آباد :رہنما پاکستان تحریک انصاف اور سابق وفاقی وزیر اطلاعات فواد چودھری نے کہا ہے کہ پی ڈی ایم کی حکومت نے معیشت کے ساتھ جو کھلواڑ کیا اس کی مثال نہیں ملتی۔سماجی رابطے کی ویب سائٹ ٹوئٹر پر فواد چودھری نے کہا کہ سٹیٹ بینک نے زرمبادلہ ذخائر سے متعلق اعداد و شمار جاری کئے ہیں جس نے خطرے کی گھنٹی بجادی ہے، جس دن عدم اعتماد کی تحریک لائی گئی زرمبادلہ ذخائر 16 بلین ڈالر تھے۔ پی ڈی ایم کی حکومت نے معیشت کے ساتھ جو کھلواڑ کیا اس کی مثال نہیں ملتی، اسٹیٹ بینک نے فارن ریزدوز فگرزجاری کی ہیں اس رپورٹ نے خطرے کی گھنٹی بجا دی ہے،جس دن عدم اعتماد کی تحریک لاء گء فارن ریزرو 16 بلین ڈالر تھے جو اب 6.1 بلین رہ گئے ہیں اور حکمران ذاتی مفادات کے علاوہ کچھ نہیں سوچتے ۔سابق وفاقی وزیر کا کہنا تھا کہ زرمبادلہ ذخائراب 6.1 بلین ڈالر رہ گئے ہیں، حکمران ذاتی مفادات کے علاوہ کچھ نہیں سوچتے۔

اسلام آباد:رہنما تحریک انصاف اسد عمر نے کہا کہ اسلام آباد میں خود کش بمبار کی موجودگی بتا رہی کے ملک کس تیزی سے تباہی کی طرف بڑھ رہا ہے.اسد عمر نے اسلام آباد کے علاقے آئی ٹین میں خودکش حملے کے بارے میں ٹوئٹ کرتے ہوئے لکھا کہ خیبر پختون خواہ میں پہلے ہی تیزی سے دہشت گردی پھیل رہی تھی، معیشت تباہ، امن عامہ برباد، یہ ملک کو اقتدار اور طاقت کی لالچ میں کس طرف لے کر جا رہے ہیں؟اسلام آباد میں خود کش بمبار کی موجودگی بتا رہی کے ملک کس تیزی سے تباہی کی طرف بڑھ رہا ہے