Category تازہ ترین

محکمہ اینٹی کرپشن نے چیئرمین تحریک انصاف عمران خان اور ان کی ہمشیرہ کے خلاف ’30 فروری‘ 2022ء کی تاریخ کو زمین اپنے نام کرانے کا مقدمہ درج کرلیا۔محکمہ اینٹی کرپشن اسٹیبلشمنٹ پنجاب نے سابق وزیراعظم اور چیئرمین تحریک انصاف عمران خان کی بہن عظمیٰ خان اور ان کے شوہر احد مجید کے خلاف کرپشن کی دفعات کے تحت مقدمہ درج کرلیا ہے۔ تاہم ایف آئی آر درج کرتے ہوئے بغیر سوچے سمجھے 30 فروری 2022 کی تاریخ درج کردی گئی ہے جو تاریخ تاقیامت نہیں آسکتی۔ کیونکہ فروری کا مہینہ عمومی طور 28 دنوں کا ہوتا ہے کہ اور ہر چار سال بعد 29 دنوں کا ہوتا جسے لیپ کا سال کہا جاتا ہے۔ترجمان کے مطابق ڈاکٹر عظمیٰ خان پر ضلع لیہ میں 5,261 کنال اراضی کی خریداری میں مبینہ فراڈ کا الزام ہے، جس کی بظاہر قیمت 6 ارب روپے تھی، لیکن اراضی کی خریدداری کے لیے محض 13 کروڑ روپے ادا کیے گئے۔ اینٹی کرپشن اسٹیلشمنٹ نے کہا ہے کہ جوڑے کے خلاف کرپشن کے تحت مقدمہ درج کرلیا گیا ہے۔ڈاکٹر عظمیٰ خان اور ان کے شوہر احد مجید کے خلاف درج ایف آئی آر میں مالیاتی فراڈ سے زیادہ کا الزام لگایا گیا ہے۔کیس میں الزام لگایا گیا ہے کہ ڈاکٹر عظمیٰ خان اور احد مجید نے زمینداروں کو اپنی جائیداد ان کی مارکیٹ ویلیو سے بہت کم نرخوں پر فروخت کرنے پر مجبور کیا۔ اس کے بعد انہوں نے غیر قانونی پراپرٹی ڈیڈز کے ذریعے زمین کی ملکیت حاصل کی۔اس وقت لیہ کے مقامی تھانے میں اراضی کے اصل مالکان کی جانب سے مقدمہ درج کرایا گیا تھا جس پر اب کرپشن کا مقدمہ بھی درج کرلیا گیا ہے

لاہور : آئرش بلے باز ہیری ٹیکٹر نے ون ڈے کرکٹ میں زبردست کارکردگی کے بعد مئی 2023ء￿ کے لیے آئی سی سی مینز پلیئر آف دی منتھ کا ایوارڈ حاصل کیا ہے۔ انہوں نے پاکستان کے سپر اسٹار بابر اعظم اور بنگلہ دیش کے نوجوان ابھرتے ہوئے بلے باز نجم الحسین شانتو سے سخت مقابلے کے بعد یہ ایوارڈ جیتا۔ 23 سالہ ٹیکٹر نے اپنی سپر لیگ مہم کے مایوس کن اختتام کے باوجود ثابت کرنا جاری رکھا کہ وہ آئرلینڈ کی ٹیم کا حال اور مستقبل ہے۔ہیری ٹیکٹر چیمسفورڈ میں بنگلہ دیش کے خلاف پہلے ون ڈے کے دوران بارش سے پہلے 21* تک پہنچ گئے، ٹیکٹر نے دوسرے ون ڈے میں صرف 113 گیندوں پر سات چوکوں اور 10 چھکوں کی مدد سے کیریئر کا بہترین 140 سکور بنایا۔ جس چیز نے ٹیکٹر کی کامیابیوں کو زیادہ متاثر کن بنا دیا وہ یہ تھا کہ نمبر 4 بیٹر اپنی ٹیم کے 7ویں اوور میں 16/2 پر کریز پر آیا اور 42ویں اوور کے اختتام پر اس کے آؤٹ ہونے تک اس نے مقابلے کا رخ موڑ دیا تھا۔ٹیکٹر اور جارج ڈوکریل (47 گیندوں پر 74*) نے 45 اوور کی اننگز میں آئرلینڈ کو 319 تک پہنچا دیا۔ آئرلینڈ کے بلے باز نے تیسرے ون ڈے اور بنگلہ دیش میں 48 گیندوں پر 45 رنز بنا کر اپنی پوزیشن مزید مضبوط بنائی۔

ممبئی :ورلڈ ٹیسٹ چیمپیئن شپ کے فائنل میں آسٹریلیا کے ہاتھوں شکست کے بعد بھارت میں سوگ کا ماحول ہے ا،سابق کرکٹرز نے میچ میں خراب شا ر ٹ سلیکشن پر ویرات کوہلی سے جواب طلبی کا مطالبہ کیا ہے جبکہ سچن ٹنڈولکر نے ٹیم سلیکشن پر سوالات اٹھا دئیے ہیں۔ لائیو ٹی وی پروگرام میں سنیل گواسکر کوہلی کے آؤٹ ہونے پر غصے میں آگئے اور اپنے الفاظ پر قابو نہ رکھ سکے انہوں نے کہا کہ کوہلی نے برا شارٹ کھیلا، وہ ایک عام سا شا رٹ تھا، کوہلی سے پوچھا جانا چاہیے کہ یہ آپ نے کس طرح کا شا رٹ کھیلا ہے۔انہوں نے کہا کہ یہ گیند آف اسٹمپ سے کافی باہر تھی، درحقیقت جب آپ میچ جیتنے کے لیے جا رہے ہوتے ہیں، آپ کو ایک بڑی اننگز، سنچری جیسی باری کی ضرورت ہوتی ہے، آپ آف اسٹمپ سے اتنی باہر جاتی ہوئی گیند کو کھیل کر کیسے سنچری کرنے کی امید رکھ سکتے ہیں۔تاہم بعد میں انہوں نے اس شا ر ٹ کی وجہ بتاتے ہوئے کہا کہ ہو سکتا ہے کہ نصف سنچری کے قریب پہنچ کر سنگ میل عبور کرنے کی کوشش میں جلد بازی میں یہ شاٹ کھیل گئے ہوں۔سابق اوپننگ بلے باز نے کہا کہ پہلی اننگز میں جدیجا کے ساتھ بھی ایسا ہی ہوا تھا، وہ 48 رنز پر کھیل رہے تھے اور انہوں نے اس گیند پر شاٹ کھیلا جس پر کھیلنا نہیں چاہیے تھا، یہی چیز دوسری اننگز میں اجنکیا راہانے کے ساتھ ہوئی جو 45 رنز پر کھیل رہے تھے، سوال یہ ہے کہ آپ نے بہت دیر تک ایسا کوئی شاٹ نہیں کھیلا تھا تو پھر یک دم اتنا برا شاٹ کیسے کھیل دیا۔دوسری جانب سابق بھارتی بلے باز سچن ٹنڈولکر نے ورلڈ ٹیسٹ چیمپیئن شپ کے فائنل کے لیے منتخب کردہ فائنل الیون پر شدید حیرانی کا اظہار کیا ہے۔انہوں نے کہا کہ بھارت کو پہلی اننگز میں لمبی باری لینی چاہیے تھی لیکن وہ ایسا نہ کر سکے، بھارتی ٹیم کے لیے میچ میں کچھ اہم لمحات بھی آئے لیکن میں میچ کی فائنل الیون سے ٹیسٹ کے عالمی نمبر ایک باؤلر ایشون کے اخراج پر حیران ہوں۔ ٹوئٹر پر اپنے پیغام میں ٹنڈولکر نے کہا کہ میں نے میچ سے پہلے ہی کہا تھا کہ ایک باصلاحیت باؤلر محض ٹرننگ وکٹوں پر انحصار نہیں کرتا، وہ ہوا میں ڈرفٹ کرنے کے ساتھ ساتھ وکٹ سے باؤنس کے ذریعے بلے باز کو چکما دینے کی کوشش کرتا ہے۔انہوں نے کہا کہ ہمیں یہ نہیں بھولنا چاہیے کہ ا?سٹریلیا کے 8 ابتدائی بلے بازوں میں سے پانچ بائیں ہاتھ سے بیٹنگ کرتے ہیں۔

اوول : آ سی سی ورلڈ ٹیسٹ چیمپئن شپ کے فائنل میں آ سٹریلیا کے ہاتھوں 209 رنز کے بھاری مارجن سے شکست پر سابق انگلش کپتان ناصر حسین نے بھارتی بلے بازوں کو بابر اعظم اور کین ولیمسن سے سیکھنے کا مشورہ د یا ہے ۔اسپورٹس چینل سے گفتگو کرتے ہوئے ناصر حسین کا کہنا تھا کہ بھارت کے ٹاپ آرڈر بلے بازوں کو پاکستان کے بابر اعظم اور نیوزی لینڈ کے کین ولیمسن سے سیکھنا چاہیے کہ کس طرح سیم اور سوئنگ بال کو کھیلا جاتا ہے۔ ناصر حسین کا کہنا تھا کہ بھارتی کھلاڑیوں کی بیٹنگ دیکھ کر بہت مایوسی ہوئی ہے، بھارتی مداح مجھ پر تنقیدکریں گے لیکن میں کہوں گا کہ بھارتی بلے بازوں کو بابر اور کین ولیمسن سے سیکھنا چاہیے کہ جب گیند سوئنگ ہو رہی ہو تو کیسے کھیلنا چاہیے۔سابق بلے باز کا کہنا تھا کہ بابر اور کین ولیمسن سوئنگ گیند کو کھیلنے میں جلدی نہیں کرتے بلکہ لیٹ کھیلتے ہیں۔

ممبئی :رواں سال بھارت میں ہونیوالے ورلڈ کپ کے شیڈول کا اعلان کردیا گیا ہے۔ایونٹ کا سب سے بڑا ٹاکر روایتی حریف پاکستان اور بھارت کے درمیان 15 اکتوبر کو بھارت کے سب سے بڑے احمد آباد اسٹیڈیم میں ہوگا ۔ کرکٹ ویب سائٹ کی رپورٹ کے مطابق ٹورنامنٹ کا پہلا میچ 2019 کی ورلڈ کپ فائنلسٹ ٹیموں دفاعی چیمپیئن انگلینڈ اور نیوزی لینڈ کے درمیان پانچ جون کو کھیلا جائے گا جبکہ ایونٹ کا میزبان بھارت اپنا پہلا میچ تین دن بعد آسٹریلیا کے خلاف کھیلے گا۔بورڈ آف کنٹرول فار کرکٹ ان انڈیا کی جانب سے ابتدائی طور پر ڈرافٹ کردہ اس شیڈول میں روایتی حریف پاکستان اور بھارت کے درمیان میچ 15 اکتوبر کو رکھا گیا ہے۔اس شیڈول کو انٹرنیشنل کرکٹ کونسل کو بھیجا گیا ہے اور حتمی شکل دینے سے قبل ایونٹ میں شرکت کرنے والے تمام رکن ممالک کو بھیجا جائے گا۔اس ڈرافٹ میں سیمی فائنل کے مقام کا فیصلہ ابھی نہیں کیا گیا جو ممکنہ طور پر 15 اور 16 نومبر کو کھیلا جائے گا جبکہ فائنل کی میزبانی 19 نومبر کو احمد آباد کا ایک لاکھ سے زائد گنجائش کا اسٹیڈیم کرے گا۔بھارت ایونٹ میں اپنے تمام راؤنڈ میچز 9 مقامات پر کھیلے گا جبکہ لیگ مرحلے میں پاکستان کے میچز پانچ مقامات پر کھیلے جائیں گے۔پاکستان کی ٹیم 6 اور 12 اکتوبر کو کوالیفائر ٹیموں کا احمد آباد میں سامنا کرے گی جس کے بعد 20 اکتوبر کو بنگلورو میں آسٹریلیا، چنئی میں 23 اکتوبر کو افغانستان اور 27 اکتوبر کو جنوبی افریقہ، بنگلہ دیش سے 21 اکتوبر کو کولکتہ، پانچ نومبر کو بنگلورو میں نیوزی لینڈ جبکہ 12 نومبر کو کولکتہ میں انگلینڈ کے مدمقابل ہو گی جو لیگ مرحلے کا آخری میچ بھی ہو گا۔ اس کے علاوہ ایونٹ میں کھیلے جانے والے دیگر اہم میچز میں نیوزی لینڈ اور آسٹریلیا کی ٹیمیں 29 اکتوبر کو دھرمشالا، آ سٹریلیا اور انگلینڈ 4 نومبر کو احمد آباد جبکہ نیوزی لینڈ اور جنوبی افریقہ یکم نومبر کو پونے میں آمنے سامنے ہوں گے۔ورلڈ کپ کے آغاز میں چار ماہ سے بھی کم کا عرصہ رہ گیا ہے لیکن اس کے باوجود حتمی شیڈول کا اعلان اب تک نہیں کیا گیا حالانکہ 2019 اور 2015 کے ورلڈ کپ شیڈول کا اعلان ایک سال قبل ہی کردیا گیا تھا۔

کراچی: امریکی جیل میں قید ڈاکٹر عافیہ صدیقی سے ملاقات کے بعد ان کی بہن ڈاکٹر فوزیہ صدیقی واپس کراچی پہنچ گئیں۔کراچی ایئرپورٹ پر میڈیا سے گفتگو کرتے ہوئے ڈاکٹرفوزیہ نے بتایا کہ عافیہ صدیقی کے ساتھ دوسری ملاقات جولائی میں ہے، بہن سے پہلے بھی ملاقات ہو سکتی تھی لیکن اس حکومت نے کرائی، وزیر اعظم شہباز شریف اور وزیر خارجہ بلا ول بھٹو نے مدد کی۔ڈاکٹر فوزیہ صدیقی کا کہنا تھا کہ تصور بھی نہیں کر سکتی تھی کہ عافیہ صدیقی اتنے برے حال میں ہے، اگر کوشش کریں تو عافیہ کی واپسی بہت آسان ہے۔انہوں نے کہا کہ عافیہ صدیقی کے ساتھ ملاقات میں ایک بڑا ہاتھ اسلام آباد ہائیکورٹ کا بھی تھا، فوزیہ نے ایک بار پھر دہرایا کہ عافیہ کی رہائی کی کنجی اسلام آباد میں ہے۔

اسلام آباد :روس سے آنے والا تیل کی ترسیل شروع ہو گئی،پیٹرولیم مصنوعات کی قیمتوں میں 30 سے 40 روپے تک کمی متوقع ہے۔ تفصیلات کے مطابق حکام وزارت پیٹرولیم نے کہا ہے کہ روسی تیل سے پاکستانی میں پیٹرول سستا ہو جائے گا،آئندہ دو ہفتے میں روسی تیل مارکیٹ میں آ جائے گا۔ 45 ہزار ٹن کی پہلی کھیپ پی آر ایل میں ریفائن ہو گی،پارکو بھی روسی تیل کی ریفائنگ میں حصہ لے گا۔ذرائع کے مطابق روسی تیل سے ریلیف کے اثرات یکم جولائی تک آنے کا امکان ہے،پیٹرولیم مصنوعات کی قیمتوں میں 30 سے 40 روپے تک کمی کا امکان ہے۔ جبکہ وزیر مملکت برائے پیٹرولیم مصدق ملک نے بتایا کہ روس سے آنے والا پہلا جہاز لنگر انداز ہو چکا ہے،جہاز کو آف لوڈ کرنے میں 3 دن لگ جائیں گے۔دوسرا جہاز بھی ایک ہفتے میں آجائے گا،دوسرے جہاز میں 60 سے 65 ہزار ٹن تیل ہو گا۔روس سے 1 لاکھ ٹن تیل کا معاہدہ ہے جو دو جہازوں پر آئے گا۔ انہوں نے بتایا کہ آذر بائیجان سے کم قیمت ایل این جی کارگو معاہدہ ہوا،آذر بائیجان ہر ماہ کم قیمت پر ایل این جی کا ایک کارگو دے گا۔ خارجہ پالیسی پر بات کرتے ہوئے مصدق ملک کا کہنا تھا کہ سابق حکومت نے ملک کی خارجہ پالیسی خراب کی،گزشتہ حکومت ٹویٹر پر اپنی خارجہ پالیسی چلا رہی تھی ۔۔

راولپنڈی:جی ایچ کیو کا مونوگرام توڑنے والے شرپسند کی شناخت کر لی گئی۔حملہ آور کی شناخت راجہ دانش وحید کے نام سے ہوئی جو راولپنڈی کا رہائشی ہے۔میڈیا رپورٹس کے مطابق دانش وحید نامی شرپسند لوگوں کو توڑ پھوڑ پر اکساتا آتا رہا اور خود بھی ڈنڈوں سے جی ایچ کیو کا مونوگرام توڑ کر جی ایچ کیو میں داخل ہوا تھا۔شر پسند نے قانون نافذ کرنے والے اداروں پر شدید پتھراؤ کیا۔جبکہ پٹرول پمپ نے والوں میں بھی بھی شامل رہا۔قبل ازیں جناح ہاؤس لاہور پر حملے کا ایک اور شرپسند بے نقاب ہوگیا۔حاشر خان نامی شرپسند سند جو ناحافظ پر حملہ کے دوران انقلاب کے نعرے لگاتے رہا۔حاشر خان درانی انصاف یوتھ ونگ لاہور کا انفارمیشن سیکرٹری ہے جس نے اپنے بیان میں اعتراف کیا ہے کہ میں نے نعرے لگائے کہ لوگوں انقلاب مبارک ہو ہم فوجیوں سے جان چھڑائیں گے۔شرپسند حاشر خان درانی نے اپنے بیان میں مزید کہا کہ کور کمانڈر ہاؤس پر حملہ کی منصوبہ بندی پہلے سے زمان پارک میں کی گئی جس کے تحت ہم نے حملہ کیا۔پی ٹی آئی کی قیادت نے حملے کا منصوبہ بنایا جس میں یاسمین راشد ،محمود رشید اور شیخ امتیاز شامل تھے۔چیئرمین پی ٹی آئی نے فوج کے خلاف ہمارے ذہنوں میں جو بھرا تھا وہ اثرانداز ہوا۔میں نے حملے کے وقت وہاں ویڈیو بھی بنائی تھی۔میں نے جھنڈا لہراتے ہوئے کہا تھا کہ یہ کورکمانڈر ہاؤس نہیں بلکہ خان ہاؤس ہے۔شرپسند نے کہا کہ اس سب عمل کے دوران فوج کا رویہ بہت مثبت تھا، ہماری فوج نے کسی عام شہری کو تنکا برابر بھی نقصان نہیں پہنچایا

لاہور : چیئرمین نیب لیفٹیننٹ جنرل ریٹائرڈ نذیر احمد بٹ نے کہا ہے کہ ماضی میں نیب کو سیاسی مقاصد کیلئے استعمال کیا گیا،نیب کی ساکھ بحال کرنے کیلئے اقدامات کر رہے ہیں۔ لاہور میں ایک تقریب سے خطاب کرتے ہوئے چیئرمین نیب نے کہا کہ نیب کو مکمل طور پر غیر سیاسی بنا کر دم لیں گے،ہم نے جرم کا خاتمہ کرنا ہے ملزم کا نہیں۔سزا دینا یا ریلیف دینا عدلیہ کا کام ہے،بدعنوانی کے خاتمے میں ہمارا کوئی فیورٹ اور دشمن نہیں ہے۔ انہوں نے ہدایت کرتے ہوئے کہا کہ نیب افسران کم سے کم وقت میں کسیز نمٹائیں،کرپشن کیسز میں بالواسطہ اور بلاواسطہ ریکوریز ہو رہی ہیں۔ہمیں اپنی کوتاہیوں اور غلطیوں کا ادراک ہے،ہم عوام کا اعتماد بحال کریں گے۔چیئرمین نیب نے کہا کہ قوم نے جو ذمہ داری دی ہے اسے بخوبی نبھائیں گے،متاثرین کی مدد کیلئے نئی پالیسی بنا رہے ہیں۔دھوکہ دہی کے متاثرین کی رائے مدِ نظر رکھ کر آئندہ کی پالیسی مرتب کی جائے گی۔ لیفٹیننٹ جنرل ریٹائرڈ نذیر احمد بٹ نے بتایا کہ متاثرین کے ساتھ نیب عملہ بیٹھ کر مشاورت سے مسائل کا حل بتائے گا،نیب کو کھویا ہوا مقام واپس دلوانے کا وعدہ کرتے ہیں،کم لوگ ہیں جن کی وجہ سے ہماری نیک نامی پر دھبہ لگتا ہے۔

کراچی: ماضی کی معروف اداکارہ ماہ نور بلوچ نے انکشاف کیا ہے کہ جب وہ بہت چھوٹی تھیں تو کیمرے کے سامنے آنے سے گھبرا کر چھپ جاتی تھیں، ہم ٹی وی کی بانی سلطانہ صدیقی اور سسرال کے اصرار پر انہوں نے اداکاری شروع کی تھی۔ ایک پروگرام میں بات چیت کرتے ہوے اداکارہ نے کہا حامد صدیقی کے ساتھ انکی محبت کی شادی تھی۔ انہوں نے انکشاف کیا کہ ہم ٹی وی کی بانی سلطانہ صدیقی ان کے شوہر کے پھوپھی ہیں۔اداکارہ نے بتایا کہ سلطانہ صدیقی کے اصرار پر انہوں نے شوبزانڈسٹری میں قدم رکھا۔ماہ نور نے بتایا کہ انہیں اداکاری کا کوئی شوق نہیں تھا، کم عمری میں حادثاتی طور پر اداکارہ بنی اور پھر شوبز انڈسٹری کا حصہ بن کر رہ گئیں۔ماہ نور بلوچ نے بتایا کہ چونکہ ان شادی ہوچکی تھی تو انہیں کچھ معلوم نہیں تھا کہ زندگی میں ا ٓگے کیا کرنا ہے، جو مواقع مل رہے تھے وہ ان کا تجربہ کررہی تھی۔انہوں نے بتایا کہ ’کیمرہ کو دیکھ کر میں کسی کونے میں جاکر چھپ جاتی تھی، لیکن سلطانہ صدیقی میرے سْسر کو فون کرکے اصرار کرتی تھیں کہ میں کسی طرح کیمرہ کے سامنے ا ٓجاؤں ، سلطانہ صدیقی نے ہی مجھے اداکاری کرنے پر رضامند کیا۔