Category تازہ ترین

پاکستان نے چین پر اسٹیل ملز کی بولی کے عمل میں حصہ لینے پرزور دیا ہے۔ اس کے ساتھ ساتھ پاکستان نے 6 سال سے بند اسٹیل ملز کو سی پیک فریم ورک سے باہر رکھنے کے فیصلے کا بھی اعادہ کیا ہے۔ حکومتی ذرائع نے ایکسپریس ٹریبیون کو بتایا کہ ملک کے سب سے بڑے صنعتی یونٹ کی حکومتوں کی سطح پر چین کو فروخت کا معاملہ گذشتہ روز وزیرخزانہ حماد اظہر اور پاکستان میں چینی سفیر Nong Rong کے درمیان ملاقات میں زیربحث آیا۔ سی پیک کی جوائنٹ کوآپریشن کمیٹی ( جے سی سی) کے نویں اجلاس میں پاکستان نے چین سے کہا تھا کہ وہ پاکستان اسٹیل ملز کو سی پیک فریم ورک میں شامل کرنا چاہتا ہے۔
سی پیک فریم ورک کے تحت منصوبے عالمی سرمایہ کاروں کے لیے کُھلے نہیں ہوتے اور بولی کے عمل میں صرف چینی سرمایہ کار ہی شریک ہوسکتے ہیں۔ تاہم ایک سال قبل حکومت نے اس وقت کے مشیرخزانہ عبدالحفیظ شیخ کی رائے پر اسٹیل ملز کو سی پیک فریم ورک سے باہر ہی رکھنے کا فیصلہ کیا تھا۔ت
اہم پاکستان اسٹیل ملز کی مسابقتی بولی کے عمل میں چینی شرکت کا خواہاں ہے۔ وزیراعظم عمران خان پاکستان اسٹیل ملز کی فروخت کا عمل جلدازجلد مکمل کرنے کے خواہاں ہیں مگر یہ معاملہ تکلیف دہ حد تک سست رفتاری سے آگے بڑھ رہا ہے۔ بدھ کے روز وزیرخزانہ حماداظہر نے بیان دیا تھا کہ پاکستان اسٹیل ملز کی نجکاری کے لیے بولی کا عمل رواں ہفتے ہوگا۔

بوسٹن: امریکی سائنسدانوں نے پالک کے پتے استعمال کرتے ہوئے مصنوعی گوشت بنانے کی ایک نئی ٹیکنالوجی پیش کی ہے جو ممکنہ طور پر زیادہ بہتر اور ماحول دوست ثابت ہوسکتی ہے۔
واضح رہے کہ مصنوعی گوشت پر گزشتہ 70 سال سے تحقیق ہورہی ہے جبکہ اس وقت بھی دنیا بھر میں درجن بھر سے زیادہ تجربہ گاہیں اور اسٹارٹ اپ کمپنیاں مصنوعی گوشت کی پیداوار و معیار بہتر بنانے کی کوششوں میں مصروف ہیں۔
یہ بھی بتاتے چلیں کہ گوشت میں کئی طرح کی پروٹین وافر پائی جاتی ہے جو اسے انسانی غذا کےلیے اہم ترین بناتی ہے۔ اسی بناء پر ’’متوازن غذا‘‘ میں گوشت بھی لازماً شامل رکھا جاتا ہے۔
تاہم گوشت کے حصول کےلیے زیادہ جانور پالنے سے ماحول بھی زیادہ آلودہ ہورہا ہے جبکہ ان پالتو جانوروں کی اپنی غذائی ضروریات بھی ایک الگ مسئلہ بنتی جارہی ہیں۔
یہ اور اسی طرح کے متعدد مسائل حل کرنے کےلیے تجربہ گاہوں میں مصنوعی گوشت تیار کیا جارہا ہے۔ لیکن اب تک ایسا کوئی طریقہ موجود نہیں جو مصنوعی گوشت کی بڑے پیمانے پر، اور ماحول دوست انداز میں تیاری کو ممکن بنا سکے۔
دوسری جانب مصنوعی گوشت کے ذائقے اور ظاہری شکل و صورت کو اصل ’’قدرتی گوشت‘‘ جیسا رکھنا بھی اپنی جگہ اہمیت رکھتا ہے۔
یہ تمام نکات مدنظر رکھتے ہوئے بوسٹن کالج کے سائنسدانوں نے پالک کے پتّوں میں مصنوعی گوشت ’اگانے‘ کے کامیاب تجربات کیے ہیں۔
تجربات کے دوران انہوں نے تین مختلف اقسام کی گایوں سے گوشت بنانے والے خلیات علیحدہ کرکے ان کی افزائش پیٹری ڈش میں کی۔
ساتھ ہی ساتھ پالک کے پتوں کو اندرونی طور پر خلیوں سے خالی کردیا گیا، جس کے بعد ان میں صرف جھلی اور کھوکھلی رگیں باقی رہ گئیں۔
اگلے مرحلے میں گایوں کے خلیات کو پالک کے ’’کھوکھلے پتوں‘‘ میں داخل کرکے سازگار حالات فراہم کیے گئے۔
14 دن گزرنے کے بعد گایوں کے خلیات نے تقسیم در تقسیم ہو کر اپنی تعداد بڑھانی شروع کردی؛ اور چند دن بعد پالک کے کھوکھلے پتے، مصنوعی گوشت سے بھر چکے تھے۔
آن لائن ریسرچ جرنل ’’فوڈ بایوسائنسز‘‘ کے تازہ شمارے میں بوسٹن یونیورسٹی کے گلین گاڈت اور ان کے ساتھیوں نے واضح کیا ہے کہ ان کے حالیہ تجربات کا مقصد صرف یہ ثابت کرنا تھا کہ پالک کے پتوں میں مصنوعی گوشت کی افزائش ممکن ہے۔
آئندہ تجربات میں وہ اس عمل کو تیز رفتار بنا کر مصنوعی گوشت کی پیداوار بڑھانے کے علاوہ دیگر جانوروں کے خلیات اور دوسری سبزیوں کے پتّوں کو آزمانے کا ارادہ بھی رکھتے ہیں۔

کروشیا: عام انسان صرف دو منٹ بھی سانس نہیں روک سکتا لیکن کروشیا کے 54 سالہ غوطہ خور، بودیمیر بودا شوبات نے پورے 24 منٹ 33 سیکنڈ تک سانس روک کر ایک نیا عالمی ریکارڈ قائم کردیا ہے۔
شوبات پچھلے چند سال سے اپنے جسم کو انتہائی نوعیت کے مختلف حالات میں آزمانے کی کوششوں میں مصروف ہیں۔ ان کا حالیہ ریکارڈ بھی اسی سلسلے کی ایک کڑی ہے۔
یہ ریکارڈ قائم کرنے سے پہلے شوبات نے اپنے پھیپھڑوں میں وافر آکسیجن جمع کرنے کےلیے پانچ منٹ تک خالص آکسیجن میں گہرے گہرے سانس لیے۔
اس کے بعد انہوں نے تالاب میں اتر کر پانی کے اندر اپنا سر کر لیا تاکہ وہ چاہیں بھی تو سانس نہ لے سکیں۔ کروشیا کے قصبے سیساک میں انجام دی گئی اس تمام کارروائی کی ویڈیو ریکارڈ کرکے یوٹیوب پر بھی رکھ دی گئی ہے، جو تقریباً سوا گھنٹے جتنی طویل ہے:
بتاتے چلیں کہ اس سے پہلے بھی وہ زیرِ آب 24 منٹ 11 سیکنڈ تک سانس روک کر ریکارڈ قائم کرچکے ہیں۔
تازہ کوشش میں انہوں نے پانی کے نیچے رہتے ہوئے، 24 منٹ 33 سیکنڈ تک سانس روک کر اپنا ہی بنایا ہوا ریکارڈ توڑا ہے۔
ذرائع ابلاغ کی مختلف ویب سائٹس نے بھی اس ریکارڈ کی تصدیق کردی ہے لیکن فی الحال گنیز ورلڈ ریکارڈ نے اسے عالمی ریکارڈز کی فہرست میں شامل نہیں کیا ہے۔

کراچی: اداکارہ اقرا عزیز نے اپنے شوہر اور اداکار یاسر حسین کے بارے میں کہا ہے کہ یاسر صحیح معنوں میں عورت کی عزت کرنا جانتے ہیں اس لیے میں نے انہیں شادی کے لیے ہاں کہی۔
حال ہی میں یاسر حسین نے برطانوی نشریاتی ادارے کو انٹرویو دیا جس میں انہوں نے ارطغرل سمیت دیگر فنکاروں کے ساتھ ہونے والے تنازعات اور اقرا عزیز کو شادی کی پیشکش کے بعد ہونے والی تنقید پر کھل کر بات کی تھی۔
اقرا عزیز نے اسی انٹرویو کا ایک مختصر کلپ شیئر کرواتے ہوئے بتایا کہ انہوں نے یاسر حسین میں ایسا کیا دیکھا کہ فوراً شادی کے لیے ہاں کردی تھی۔ اقرا عزیز نے اپنے شوہر یاسر حسین کی تعریف میں ایک لمبی چوڑی پوسٹ انسٹاگرام پر شیئر کی اور یاسر سے شادی کرنے کی وجہ بتاتے ہوئے کہا،
’’میں نے یاسر کا انتخاب اپنے لیے کیا کیونکہ یہ سچ بولتے ہیں ہمیشہ، لوگوں میں فرق نہیں کرتے، سب کی عزت کرتے ہیں اور لوگوں کو ان کے کام کا کریڈٹ بھی دیتے ہیں۔ اس سب سے بڑھ کر یہ کہ عورت کی صحیح معنوں میں عزت کرنا جانتے ہیں۔ میری امی اور بہن کے بعد یاسر سے زیادہ خوداعتمادی مجھے کسی نے نہیں دی۔
اقراعزیز نے مزید لکھا آج کل کے زمانے میں یہ ایک بڑی بات ہے کہ ایک مرد، آپ کا شوہر آپ کو آپ کے کام، آپ کے خواب پورے کرنے میں آپ کی سپورٹ کرے اور چاہے کہ آپ کامیابیوں کی بلندیوں کو سر کریں۔
اقرا عزیز نے یاسر حسین کی تعریف کرتے ہوئے لکھا ایک عورت سے پیار کرنا، اس کی عزت کرنا اور اسے ہزاروں ، کروڑوں لوگوں کے سامنے اپنے گھر کی عزت بنانا، اس کے خوابوں کو پورا کرنے میں نہ صرف اس کی سپورٹ کرنا بلکہ اس کی مدد بھی کرنا، اپنی خوشی سے زیادہ اس کی خوشی کا خیال ہونا، میاں بیوی یا مرد اور عورت میں فرق نہ کرنا،یہ ہر لڑکی کا خواب ہوتا ہے اور میرا یہ خواب پورا ہوا۔ الحمداللہ۔‘‘
واضح رہے اقرا عزیز اور یاسر حسین دو سال قبل 28 دسمبر 2019 کو شادی کے بندھن میں بندھے تھے۔

لاہور: پاکستان نے افریقی شیروں کے دانت کھٹے کرنے کی ٹھان لی پہلا ون ڈے جمعے کو سنچورین میں کھیلا جائے گا۔

گرین شرٹس نئے سال میں پہلی فتح حاصل کرنے کے لیے بے تاب ہیں، مشکل مقامی کنڈیشنز میں بیٹنگ لائن کا سخت امتحان ہوگا، ٹاپ آرڈر کا ذمہ دارانہ کھیل بڑے اسکور کی بنیاد فراہم کرے گا،کپتان بابر اعظم، فخرزمان، امام الحق اور محمد رضوان سے بلند توقعات وابستہ ہوں گی،پاور ہٹرزکو بھی پیس اور باؤنس کا چیلنج قبول کرتے ہوئے رنز بنانا ہوں گے۔

آل راؤنڈرز شاداب خان اور فہیم اشرف امیدوں کا مرکز ہیں،پیس بیٹری میں شاہین شاہ آفریدی اور حارث رؤف سازگار پچز پر تہلکہ خیز کارکردگی دکھانے کیلیے کوشاں ہونگے، حسن علی یا محمد حسنین میں سے کسی ایک کو جگہ ملے گی، کپتان بابر اعظم کا کہنا ہے کہ ہم نے جدیدکرکٹ کو سامنے رکھ کر پلان بنا لیا، بے خوف اور مثبت انداز سے کھیلیں گے، ہماری بولنگ حریف کو300 سے کم رنز تک محدود رکھنے کی صلاحیت رکھتی ہے، سرفراز احمد اور حسن علی سمیت تمام کھلاڑی باصلاحیت اور سلیکشن کیلیے دستیاب ہیں۔
دوسری جانب پروٹیز بھی بھرپور قوت سے مہمانوں کے حوصلے پست کرنے کیلیے پْرعزم ہیں،نئے کپتان ٹیمبا باووما کوابتدائی دونوں میچز میں اسٹار کرکٹرز کی خدمات حاصل ہوں گی۔ تفصیلات کے مطابق پاکستان اور جنوبی افریقہ کے مابین ون ڈے سیریز کا پہلا میچ جمعے کو سنچورین کے سپر اسپورٹس پارک میں کھیلا جائے گا، آئی سی سی سپر لیگ میں شامل ان تینوں مقابلوں کے پوائنٹس ورلڈکپ کوالیفائنگ کیلیے بھی کار آمد ثابت ہوں گے۔
گرین شرٹس نے ورلڈکپ2019کے بعد صرف 5ون ڈے میچز کھیلے ہیں،ٹیم آخری بار زمبابوے کیخلاف ایکشن میں نظر آئی تھی،ہوم کنڈیشنزکے باوجود گرین شرٹس کی کارکردگی قابل رشک نہیں تھی،سیریز تو 2-1سے جیت لی لیکن بھارت، انگلینڈ،آسٹریلیا اور نیوزی لینڈ جیسی جدید کرکٹ کا مظاہرہ دیکھنے میں نہیں آیا،آخری میچ ٹائی ہونے پر سپر اوور میں مہمان ٹیم نے فتح حاصل کرلی تھی،ہوم سیریز کے اسکواڈ میں تبدیلیاں کرتے ہوئے پاکستان نے اب نئے چہروں کو بھی اسکواڈ میں شامل کیا ہے،ٹیم مینجمنٹ کو کمبی نیشن کے حوالے سے چند اہم فیصلے کرنا ہوں گے۔
کپتان بابر اعظم، فخرزمان، امام الحق، محمد رضوان تو بیٹنگ لائن کا لازمی حصہ ہیں،حیدر علی،آصف علی اور دانش عزیز میں سے دیگر کا انتخاب ہوگا، اسپن بولنگ کا شعبہ شاداب خان سنبھالیں گے جو بیٹ سے بھی کارآمد ثابت ہوسکتے ہیں، پیس آل راؤنڈر کے طور پر فہیم اشرف کی جگہ پکی نظر آ رہی ہے،فاسٹ بولرز میں شاہین شاہ آفریدی اور حارث رؤف کی خدمات ٹیم کو میسر ہوں گی،اگرچہ حسن علی کو بابر اعظم نے سو فیصد فٹ قرار دیا ہے مگر کورنا سے نجات پانے والے پیسر کو کھلانے کا خطرہ مول نہ لیا گیا تو محمد حسنین کو میدان میں اتارا جائے گا، مہمان کرکٹرز نے ملک میں انٹرااسکواڈ میچز سے ون ڈے کرکٹ کی کمی سے ہونے والے نقصان کا ازالہ کرنا چاہا تھا مگر جنوبی افریقہ کنڈیشنز میں کوئی پریکٹس میچ کھیلنے کا موقع نہیں ملا،اس لیے خاص طور پر بیٹنگ کو مشکل کا سامنا کرنا پڑ سکتا ہے۔
البتہ کپتان بابر اعظم نے سیریز میں گرین شرٹس کو فیورٹ قرار دیتے ہوئے فتح کی امیدیں وابستہ کرلی ہیں، ورچوئل میڈیا کانفرنس میں انھوں نے کہا کہ جنوبی افریقہ میں بھی پریکٹس اچھی رہی، تمام کھلاڑی خود کو کنڈیشنز سے ہم آہنگ کرنے کیلیے کوشاں رہے،پوری ٹیم جیت کیلیے پْراعتماد ہے،ہم نے اس سیریز کیلیے جدیدکرکٹ کو سامنے رکھ کر پلانز بنائے اور پریکٹس بھی کی، بہتری کی گنجائش ہمیشہ رہتی اور اس پر کام جاری رہتا ہے، ہمیں بے خوف اور مثبت کرکٹ کھیلنا ہے۔
ہم اسٹرائیک ریٹ اچھا رکھتے ہوئے 350 رنز کے ٹوٹل تک پہنچنے کی کوشش کریں گے، ٹاپ 4 میں شراکتیں بنیں تو اسٹرائیک ریٹ بھی اچھا ہو گا، فخرزمان، امام الحق اور محمد رضوان سے امیدیں وابستہ ہیں،انھوں نے کہاکہ مجھے اپنی بولنگ لائن پر اعتماد ہے کہ وہ حریف ٹیم کو 300 سے کم رنز تک محدود رکھ سکتی ہے، آئی سی سی سپر لیگ میں شامل سیریز ہونے کی وجہ سے پوائنٹس ورلڈکپ کوالیفائنگ کیلیے بھی اہم ہیں، جنوبی افریقی ٹیم اپنی کنڈیشنز میں اچھا کھیلتی ہے، ہماری کوشش ہوگی کہ فتح سے قیمتی پوائنٹس حاصل کریں، بابر اعظم نے کہا کہ ٹیم کمبی نیشن ہمارے ذہن میں ہے، 1 یا2 تبدیلیاں ہوتی ہیں، سرفراز احمد اور حسن علی سمیت تمام کھلاڑی باصلاحیت اور سلیکشن کیلیے دستیاب ہوں گے۔
دیکھیں گے کہ پچ کی صورتحال کے مطابق کس کا انتخاب مناسب ہوگا۔ دوسری جانب جنوبی افریقی ٹیم کی قیادت نئے کپتان ٹیمبا باووما کے سپرد ہوگی،کوئنٹن ڈی کک، ڈیوڈ ملر، کاگیسو ربادا،اینرچ نورکیا اور لونگی نگیڈی کو تیسرے ون ڈے سے قبل آئی پی ایل میں شرکت کیلیے بھارت جانا ہے، البتہ ابتدائی دونوں مقابلوں میں میزبان ٹیم بھرپور قوت کے ساتھ میدان میں اترے گی،اگرچہ پاکستان ٹیم گذشتہ سیریز میں بہتر مقابلہ کرتے ہوئے ناکام ہوئی تھی لیکن اس بار بابر اعظم کو کئی تجربہ کار کھلاڑیوں کی خدمات حاصل نہیں ہیں،پروٹیز اسی کمزوری کا فائدہ اٹھاتے ہوئے پہلے ہی میچ میں گرین شرٹس کا اعتماد متزلزل کرنے کی کوشش کریں گے۔

کورونا کی تیسری لہر شدت اختیار کرگئی مثبت کیسز میں ہر گزرتے دن کے ساتھ اضافہ ہورہا ہے ملک بھر میں کورونا کے مثبت کیسز کی تعداد 5 ہزار سے بڑھ گئی۔
نیشنل کمانڈ اینڈ آپریشن سینٹر کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 50 ہزار 170 کورونا ٹیسٹ کئے گئے، جس کے بعد مجموعی کووڈ 19 ٹیسٹس کی تعداد 10,297,54 ہوگئی ہے۔
کورونا کے مصدقہ مریضوں کی تعدادگزشتہ 24 گھنٹوں کے دوران ملک بھر میں مزید 5 ہزار 234 مثبت کیسز رپورٹ ہوئے ہیں۔ اس طرح پاکستان میں کورونا کے مصدقہ مریضوں کی تعداد 6 لاکھ 78 ہزار 165 ہوگئی ہے۔
سرکاری اعداد و شمار کے مطابق اب تک سندھ میں 2 لاکھ65 ہزار 917 ، پنجاب میں 2 لاکھ 25 ہزار 953، خیبر پختونخوا میں 89 ہزار 255، اسلام آباد میں 59 ہزار 401، بلوچستان میں 19 ہزار 610، آزاد کشمیر میں 12 ہزار 984 اور گلگت بلتستان میں 5 ہزار 045 افراد میں کورونا وائرس کی تشخیص ہوئی ہے۔
کورونا کے فعال مریضوں کی تعداد
سرکاری اعداد و شمار کے مطابق اس وقت ملک بھر میں کورونا کے فعال مریضوں کی تعداد 56 ہزار 347 ہے۔ جب کہ 3 ہزار سے زائد مریضوں کی حالت تشویشناک ہے۔
کورونا سے جاں بحق ہونیوالے افراد کی تعداد
گزشتہ 24 گھنٹوں کے دوران ملک بھر میں کورونا سے مزید 83 افراد جاں بحق ہوگئے ہیں جس کے بعد اب اس وبا سے جاں بحق ہونے والے افراد کی تعداد مجموعی طور پر 14 ہزار 613 ہوگئی ہے۔
صحت یاب مریضوں کی تعداد
این سی او سی کے مطابق کورونا سے ایک دن میں ایک ہزار 931 مریض صحت یاب ہوئے جس کے بعد صحت یاب ہونے والے مریضوں کی تعداد 607,205 ہوگئی ہے۔
کورونا وائرس اوراحتیاطی تدابیر
کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔
سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔
پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔

برطانوی کمپنی براڈ شیٹ سے قومی احتساب بیورو (نیب) کے معاہدے کی تحقیقات کے لیے بنائے گئے جسٹس (ر) عظمت شیخ پر مشتمل ایک رکنی کمیشن نے حکومتی اداروں پر تعاون نہ کرنے کا الزام عائد کرتے ہوئے کہا ہے کہ حکومتی نظام کی وجہ سے ملک کی بدنامی اور مالی نقصان بھی ہوا۔

وفاقی کابینہ کی منظوری کے بعد براڈشیٹ کمیشن کی رپورٹ جاری کردی گئی ہے، جس میں کمیشن نے بیوروکریسی کی جانب سے عدم تعاون کی قلعی کھول دی ہے۔

رپورٹ میں کئی محکموں حتی کہ دوسرے براعظم تک ریکارڈ غائب کرنے کا بھی انکشاف کیا گیا ہے اور کہا گیا کہ سیاسی کرپٹ لوگوں کی فہرست براڈ شیٹ کو دی گئی جبکہ فہرست کی سیاہی خشک ہونے سے قبل ہی نواز شریف اور ان کے خاندان کو رات کے اندھیرے میں بیرون ملک بھجوا دیا گیا۔

براڈشیٹ تحقیقاتی کمیشن رپورٹ میں انکشاف کیا گیا ہے کہ نیب کے سوا تمام متعلقہ حکومتی اداروں نے کمیشن سے تعاون نہیں کیا، براڈشیٹ کا ریکارڈ تقریباً ہرجگہ بشمول پاکستان لندن مشن سے غائب تھا۔

رپورٹ میں کہا گیا ہے کہ کمیشن کے سربراہ نے طارق فواد اور کاوے موسوی کا بیان ریکارڈ کرنا بھی مناسب نہیں سمجھا، براڈشیٹ سے ایسٹ ریکوری معاہدہ حکومتی اداروں کی بین الاقوامی قانون کو نہ سمجھنے کا منہ بولتا ثبوت ہے۔

براڈ شیٹ تحقیقاتی کمیشن نے کہا کہ حکومتی اداروں کے عدم تعاون پر موہن داس گاندھی کو فخر محسوس ہوا ہوگا۔

رپورٹ میں بتایا گیا کہ بیوروکریسی نے ریکارڈ چھپانے اور گم کرنے کی ہر ممکن کوشش کی، ریکارڈ کو کئی محکموں حتیٰ کہ دوسرے براعظم تک غائب کیا گیا۔

رپورٹ میں کہا گیا ہے کہ کاوے موسوی سزا یافتہ شخص ہے اور اس نے بعض شخصیات پر الزامات لگائے ہیں، ان کے الزامات کی تحقیقات کمیشن کے ٹی او آرز میں شامل نہیں لیکن حکومت چاہے تو کاوے موسوی کے الزامات کی تحقیقات کروا سکتی ہے۔

براڈ شیٹ تحقیقاتی کمیشن نے کہا کہ سوئس کیسز کا 12 ڈپلومیٹک بیگز میں ریکارڈ نیب کے پاس موجود ہے، نیب جائزہ لے کہ ریکارڈ اس کے کام آ سکتا ہے یا نہیں۔

براڈشیٹ کمیشن نے رولز آف بزنس میں ترمیم کی سفارش کرتے ہوئے رپورٹ میں یہ بھی کہا کہ حکومتی نظام کی وجہ سے ملک کی بدنامی اور مالی نقصان بھی ہوا، سیاسی دباؤعام طور پر حکام سے غلط فیصلے کرانے کا باعث بنتا ہے۔

رپورٹ میں جسٹس (ر) عظمت سعید کا نوٹ بھی شامل ہے جس میں انہوں نے کہا ہے کہ مارگلہ کے دامن میں رپورٹ لکھتے وقت، گیدڑ بھبھبکیاں مجھے کام کرنے سے نہیں روک سکتیں۔

خیال رہے کہ وزیراعظم عمران خان کی زیر صدارت وفاقی کابینہ کے اجلاس میں براڈشیٹ کمیشن کی رپورٹ جاری کرنے کی منظوری دی گئی تھی، جس کے بعد وفاقی حکومت نے براڈشیٹ کمیشن رپورٹ پبلک کردی ہے۔

وفاقی وزیر فواد چوہدری نے کابینہ اجلاس کے بعد میڈیا سے گفتگو کرتے ہوئے کہا تھا کہ براڈ کمیشن کی رپورٹ جاری کی گئی اور کابینہ نے 5 لوگوں کے خلاف فوری طور پر کریمنل کارروائی کا حکم دیا ہے، جن میں احمر بلال صوفی اور حسن ثاقب شیخ شامل ہیں، جو اس وقت ایف بی آر میں ہیں، غلام رسول بھی شامل ہیں جو وزارت قانون کے جوائنٹ سیکریٹری تھے، برطانیہ میں سابق ڈپٹی ہائی کمشنر عبدالباسط، شاہد علی بیگ جو اس وقت لندن سفارت خانے میں ڈائریکٹر آڈٹ اینڈ اکاؤئنٹس تھے، طارق فواد ملک جنہوں نے یہ معاہدہ کروایا تھا ان کے خلاف کارروائی عمل میں لائی جائے گی۔

ان کا کہنا تھا کہ کمیشن نے اپنی رپورٹ میں ان 5 افراد کو مرکزی ملزمان قرار دیا ہے، اس کے علاوہ کمیشن نے نکتہ اٹھایا ہے کہ 2011 سے 2017 کے دور کو نیب کا تاریک ترین دور قرار دیا ہے، اس وقت قمر زمان اور دیگر پراسیکیوٹر کی مجرمانہ غفلت کی وجہ سے سوئس اکاؤنٹس اور ان کی دستاویزت غائب ہوگئیں اور لوگوں کو پتا بھی نہیں چلا۔

انہوں نے کہا کہ کمیشن کی تجاویز کے مطابق قمرزمان اور نیب کے اس وقت کے دیگر اعلیٰ عہدیداروں کی مجرمانہ ذمہ داری کا تعین کیا جائے گا اور آصف زرداری اور پیپلزپارٹی کی دیگر قیادت اس وقت اس لیے بری ہوئی تھی کہ نیب کے پاس سوئس اکاؤنٹس کا اریجنل ریکارڈ نہیں ہے جو ایک جھوٹ بات تھی لیکن جسٹس عظمت سعید شیخ نے اوریجنل ریکارڈ دریافت کیا جس پر ہم ان کے مشکور ہیں۔

فواد چوہدری نے کہا کہ اب سوئس اکاؤنٹس کے حوالے سے اوریجنل ریکارڈ حکومت کے پاس موجود ہے اور اس کی بنیاد پر سابق صدر آصف علی زرداری کے خلاف سوئس اکاؤنٹس دوبارہ کھولے جا سکتے ہیں اور اس کے لیے ہمارے قانونی ماہرین جائزہ لے رہے ہیں۔

انہوں نے کہا کہ کمیشن نے کہا ہے کہ شہادتوں کو ضائع کرنا یا چھپانا مجرمانہ فعل ہے لہٰذا اس کے وقت کے ڈائریکٹر جنرل نیب اور پراسیکیوٹر جنرل اور دیگر لوگوں کے خلاف بھی کریمنل کارروائی قابل عمل بنایا جا رہا ہے۔

یاد رہے کہ رواں برس جنوری میں وفاقی کابینہ نے براڈشیٹ معاملے کی تحقیقات اور اس سے ناجائز فائدہ اٹھانے والوں کے تعین کے لیے 5 رکنی انکوائری کمیٹی تشکیل دی تھی جس کے بعد بعد وزیر سائنس و ٹیکنالوجی فواد چوہدری اور وزیر انسانی حقوق شیریں مزاری کے ہمراہ پریس کانفرنس میں کہا تھا کہ ‘کمیٹی ہائی کورٹ یا سپریم کورٹ کے ایک سابق جج، وفاقی تحقیقاتی ادارے (ایف آئی اے)، اٹارنی جنرل کے دفتر سے ایک سینئر افسر، ایک سینئر وکیل اور وزیر اعظم کے نامزد کردہ افسر پر مشتمل ہوگی۔

انہوں نے کہا تھا کہ کمیٹی کے ٹرمز آف ریفرنس (ٹی او آرز) تیار کر لیے گئے ہیں جس کے تحت وہ 45 دن کے اندر اپنی تحقیقات مکمل کرے گی۔۔

بعد ازاں وزیر اعظم عمران خان نے جسٹس ریٹائرڈ شیخ عظمت سعید کو براڈشیٹ انکوائری کمیٹی کا سربراہ مقرر کر دیا تھا اور کمیشن کو 1990 سے منظر عام پر آنے والے میگا کرپشن کیسز کی تحقیقات کا اختیار دیا گیا تھا۔

ٹی او آرز میں کہا گیا تھا کہ کمیشن مقامی اور بین الاقوامی عدالتوں میں چلنے والے مقدمات اور اسکینڈل مثلاً پاکستان پیپلز پارٹی کی قیادت کے خلاف سرے محل اور مسلم لیگ (ن) کی قیادت کے خلاف حدیبیہ پیپر ملز کے ساتھ ساتھ سابق وزیراعظم نواز شریف اور ان کے اہل خانہ کے خلاف ان کیسز کی دوبارہ تحقیقات کرے گا جن کا ذکر برطانوی اثاثہ برآمدگی کمپنی براڈ شیٹ نے کیا۔

مرکزی شق میں کہا گیا تھا کہ کمیشن حکومت پاکستان کی جانب سے سال 1990 سے کی جانے والی ان قانونی کارروائیوں اور برآمدگی کی کوششوں سے متعلق واقعات اور کیسز کی شناخت کرے گا جو بیرونِ ملک غیر قانونی طور پر منتقل کیے گئے اثاثوں اور رقم کے لیے کی گئی لیکن بعد میں بند کردی گئی، چھوڑ دی گئی یا بغیر کسی ٹھوس وجہ کے واپس لے لی گئیں جس کے نتیجے میں ملک کو بڑا نقصان پہنچا۔

حکومت کی جانب سے جاری نوٹیفکیشن میں کہا گیا تھا کہ انکوائری کمیشن کو کرپشن کے خطرے اور اعلیٰ سرکاری عہدوں کے حامل افراد کی بدعنوانیوں کی تحقیقات کرنے کی ذمہ داری دی گئی ہے جس کے نتیجے میں اربوں ڈالر پاکستان سے بیرونِ ملک محفوظ مقامات پر منتقل ہوئے اور پاکستان کے عوام کو ناقابل تلافی مالی نقصان پہنچا۔

تحقیقات کے حوالے سے واضح کیا گیا تھا کہ کمیشن ان معاملات میں کارروائی کرے گا جس میں پاکستان کے عوام غیر قانونی طور پر بیرونِ ملک بھیجی گئی رقوم کی واپسی اور قانون کے مطابق نتیجہ خیز احتساب کی خواہش رکھتے ہوں۔

دوسری جانب پاکستان مسلم لیگ (ن) اور پاکستان پیپلز پارٹی (پی پی پی) نے براڈ شیٹ اسکینڈل کی تحقیقات کے لیے قائم کمیشن کے سربراہ کی حیثیت سے جسٹس (ر) عظمت سعید کا تقرر مسترد کردیا تھا۔

وفاقی وزیر سائنس و ٹیکنالوجی فواد چوہدری نے کہا ہے کہ براڈ شیٹ کمیشن نے سوئس کیس کے حوالے سے نشان دہی کی ہے اور دستاویزات کے تحت آصف علی زرداری کے خلاف سوئس اکاؤنٹس کیس دوبارہ کھل سکتا ہے۔

وفاقی کابینہ کے اجلاس کے بعد میڈیا کو بریفنگ دیتے ہوئے بھارت سے تعلقات پر بات کرتے ہوئے فواد چوہدری نے کہا کہ یہ خطے کے لیے گیم چینجر تعلق ثابت ہوسکتا ہے۔

انہوں نے کہا کہ یہ نہیں ہوسکتا ہے کہ بھارت کے اندر مسلمانوں کو دوسرے درجے کا شہری سمجھیں، مسلمانوں کا قتل عام کیا جائے، کشمیر کے لوگوں کو ان کے حقوق نہ دیں اور ہم یہ سمجھیں کہ اس سب کے باوجود ہم اور بھارت ہنسی خوشی رہ سکتے ہیں تو یہ ممکن نہیں ہے۔

ان کا کہنا تھا کہ آج کابینہ میں حکومت کی یہی پوزیشن ہے اور وزیراعظم عمران خان نے بالخصوص اس پوزیشن کا اعادہ کیا اور زور دیا ہے، اسی پوزیشن کو لے کر ہم آگے بڑھیں گے۔

فواد چوہدری نے کہا کہ ہم اب بھی بھارت کے ساتھ تعاون، دوستی اور معیشت میں آگے بڑھنا چاہتے ہیں لیکن بھارت کی طرف سے پہلی شرط یہی ہوگی کہ کشمیر پر 5 اگست کی پوزیشن پر واپس جائے۔

انہوں نے کہا کہ کابینہ نے دوسرا اہم فیصلہ کووڈ کے حوالے سے کیا، ہم تیسری لہر کا سامنا کر رہے ہیں، پاکستان دنیا میں کورونا کا مقابلہ کرنے والا ان چند ممالک میں سے شامل ہے جس کی مثال دی گئی، شروع میں جب کووڈ پاکستان میں آیا تو ہم نے ایئرپورٹ اور اندرونی سطح پر جو اقدامات کیے اس کی دنیا میں مثال نہیں ملتی۔

ان کا کہنا تھا کہ حکومت پاکستان کی کوشش کی ہے کہ کورونا کی تیسری لہر کا اسی منظم انداز میں مقابلہ کریں جس طرح پہلی دو لہروں کا کیا تھا، آج کابینہ نے دو ویکسین کے حوالے سے اہم فیصلہ کیا، 98 فیصد پاکستانیوں کو ویکسین مفت دستیاب ہوگی، یہ تمام ویکسین حکومت پاکستان اپنے پیسوں سے منگوا کر یا عطیات کے ذریعے 98 فیصد پاکستانیوں کو مفت ملے گی۔

وفاقی وزیر نے کہا کہ جو دو فیصد لوگ قطار میں نہیں لگنا چاہتے ہیں ان کے لیے نجی سطح پر ویکسین درآمد کرنے کی اجازت دی تھی لیکن لوگوں کو لوٹنے کی اجازت نہیں دی جاسکتی، اس وقت روسی ساختہ اسپتنک اور چینی کی کینسائینو دو ویکسین درآمد کی گئی ہیں۔

ان کا کہنا تھا کہ اسپتنک کی قیمت پر تنازع ہے اور سندھ ہائی کورٹ میں معاملے چل رہا ہے، جیسے ہی عدالت کا حتمی فیصلہ آئے گا تو قیمت فکس ہوجائے گی، اور کینسائینو کی قیمت 4 ہزار 225 روپے مقرر کی گئی ہے۔

انہوں نے کہا کہ کابینہ نے گلگت بلتستان اور اسلام آباد میں صحت کارڈ دینے کی منظوری دی اور 43 دوائیوں کی نئی قیمت کا تعین ہوا ہے لیکن کسی دوائی کی قیمت میں اضافہ نہیں کیا گیا ہے۔

ان کا کہنا تھا کہ بیوروکریسی کی کارکردگی بہتر بنانے کا بھی فیصلہ کیا گیا، نااہل بیوروکریٹس کو نکالنے کے طریقہ کار کو سہل بنا دیا گیا ہے اور وزیراعظم نے ہدایت کی ہے کہ اپنے اپنے محکموں میں نظر ڈالیں اور جو افسران سہل پسند ہیں اور کام نہیں کرنا چاہتے ہیں انہیں فارغ کریں۔

انہوں نے کہا کہ براڈ کمیشن کی رپورٹ جاری کی گئی اور کابینہ نے 5 لوگوں کے خلاف فوری طور پر کریمنل کارروائی کا حکم دیا ہے، جن میں احمر بلال صوفی ہیں، حسن ثاقب شیخ شامل ہیں، اس وقت ایف بی آر میں ہیں، غلام رسول شامل ہیں جو وزارت قانون کے جوائنٹ سیکریٹری تھے، برطانیہ میں سابق ڈپٹی ہائی کمشنر عبدالباسط، شاہد علی بیگ جو اس وقت لندن سفارت خانے میں ڈائریکٹر آڈٹ اینڈ اکاؤئنٹس تھے، طارق فواد ملک جنہوں نے یہ معاہدہ کروایا تھا ان کے خلاف کارروائی عمل میں لائی جائے گی۔

ان کا کہنا تھا کہ کمیشن نے اپنی رپورٹ میں ان 5 افراد کو مرکزی ملزمان قرار دیا ہے، اس کے علاوہ کمیشن نے نکتہ اٹھایا ہے کہ 2011 سے 2017 کے دور کو نیب کا تاریک ترین دور قرار دیا ہے، اس وقت قمرزمان اور دیگر پراسیکیوٹر کی مجرمانہ غفلت کی وجہ سے سوئس اکاؤنٹس اور ان کی دستاویزت غائب ہوگئیں اور لوگوں کو پتہ بھی نہیں چلا۔

انہوں نے کہا کہ کمیشن کی تجاویز کے مطابق قمرزمان اور نیب کے اس وقت کے دیگر اعلیٰ عہدیداروں کی مجرمانہ ذمہ داری کا تعین کیا جائے گا اور آصف زرداری اور پیپلزپارٹی کی دیگر قیادت اس وقت اس لیے بری ہوئی تھی کہ نیب کے پاس سوئس اکاؤنٹس کا اریجنل ریکارڈ نہیں ہے جو ایک جھوٹ بات تھی لیکن جسٹس عظمت سعید شیخ نے اوریجنل ریکارڈ دریافت کیا جس پر ہم ان کے مشکور ہیں۔

فواد چوہدری نے کہا کہ اب سوئس اکاؤنٹس کے حوالے سے اریجنل ریکارڈ حکومت کے پاس موجود ہے اور اس کی بنیاد پر سابق صدر آصف علی زرداری کے خلاف سوئس اکاؤنٹس دوبارہ کھولے جا سکتے ہیں اور اس کے لیے ہمارے قانونی ماہرین جائزہ لے رہے ہیں۔

انہوں نے کہا کہ کمیشن نے کہا ہے کہ شہادتوں کو ضائع کرنا یا چھپانا مجرمانہ فعل ہے لہٰذا اس کے وقت کے ڈائریکٹر جنرل نیب اور پراسیکیوٹر جنرل اور دیگر لوگوں کے خلاف بھی کریمنل کارروائی قابل عمل بنایا جا رہا ہے۔

وفاقی وزیر نے کہا کہ شوگر اسکینڈل میں جو لوگ ملوث ہیں، ان کے ذمہ داران کے خلاف کارروائی کا بھی حکم دیا گیا ہے، پیٹرولیم بحران کی رپورٹ کے تحت دیے گئے فیصلوں کے مطابق ندیم بابر کو فرانزک تک عہدے سے الگ کیا گیا ہے اور اب تین انتظامی، کریمنل اور قانونی ایکشن کی اجازت دی گئی ہے۔

ان کا کہنا تھا کہ انتظامی حوالے سے ڈائریکٹوریٹ جنرل آئل کے افسران، پورٹ قاسم اتھارٹی پر تعینات افسران کو برطرف کر کے پروفیشنل لوگ تعینات کیا جائے گا اور پیٹرولیم ڈویژن میں ایک مانیٹرنگ سیل قائم کرنے کی تجویز دی ہے۔

انہوں نے کہا کہ وزیراعظم ای وی ایم سے متعلق اقدامات کو سراہا اور کابینہ کو کہا ہے کہ سمندر پار پاکستانیوں کی شراکت داری اور انتخابات کو ای وی ایم میں منتقل کرنے کے لیے اقدامات کیے جائیں اور ہماری کوشش ہے کہ کشمیر کے انتخابات کا ایک حصہ ای وی ایم پر لاسکیں۔

فواد چوہدری نے کہا کہ مجھے خوشی ہے کہ اسپیکر اور اپوزیشن کی آج ملاقات ہوئی ہے اور ہم چاہتے ہیں کہ یہ عمل آگے بڑھے، اپوزیشن اس عمل میں شامل ہو اور اپوزیشن اور ہم مل کر انتخابات کا ایسا نظام وضع کریں کہ نتائج کو سب مانیں۔

اسلام آباد: وزیراعظم کے مشیر برائے داخلہ و احتساب شہزاد اکبر کا کہنا ہےکہ کوئی پسندیدہ نہیں اور جہانگیر ترین کےخلاف کیس قانون کے مطابق چلے گا۔

اسلام آباد میں نیوز کانفرنس کرتے ہوئے شہزاد اکبر نے کہا کہ چینی کی قیمتیں گزشتہ ادوار میں بھی بڑھیں اور ایف آئی اے نے کچھ دن پہلے سٹہ مافیا کے خلاف کام شروع کیا، لاہور میں سٹہ مافیاکےلیجرکےفارنزک سے معلوم ہوا کہ سٹہ مافیا کام کیسے کرتاہے، سٹہ مافیا واٹس ایپ پرچینی کے دام طے کرتی ہے۔

انہوں نے کہا کہ مہنگی چینی کے ذمے دار ناجائز منافع خور ہیں، منی لانڈرنگ اور سٹہ مافیا چینی مہنگی کرنے میں ملوث ہیں، اپریل میں چینی کے نرخ ابھی سے طے کرائے جارہے تھے، سٹے بازوں سے حاصل معلومات میں کئی نام سامنے آئے، لاہور اور کراچی میں ایف آئی اے نے سٹے بازوں کے خلاف کارروائی کی۔

مشیر داخلہ نے مزید کہا کہ ہم سب ان آٹھ دس لوگوں کے یرغمال ہیں جن کےخلاف کارروائی ضروری ہے، سبسڈی لینا ہو تو ایکس مل پرائس راتوں رات طے کرلی جاتی ہے، عوام کو چینی کتنےکی بیچنی ہے اس کی راہ میں رکاوٹ کی جاتی ہے۔

شہزاد اکبر کا کہنا تھا کہ اطلاعات ہیں سٹہ مافیا رمضان میں چینی کے دام بہت زیادہ کرنے جا رہے تھے، رمضان کے لیے چینی کی فروری، مارچ کی قیمت سے 20 سے 25 فیصداضافہ کیا جارہا تھا لیکن حکومت کوشش کررہی ہے رمضان میں قیمتوں کو قابو میں رکھاجاسکے اس کے لیے وفاق اور صوبوں کا ہم آہنگی سےکام کرناضروری ہے۔

انہوں نے مزید کہا کہ کوئی پسندیدہ نہیں، جہانگیر ترین کےخلاف کیس قانون کے مطابق چلے گا، حکومت نےشوگرانکوائری کمیشن کی رپورٹ پرمختلف ایکشن کیے ہیں اور تمام چیلنجز کا مکمل دفاع کیا، عدالت نے بھی ہمیں کارروائی کرنے کی اجازت دی ہے۔

لاہور: احسن اقبال نے کہا ہے کہ پیپلزپارٹی نے ایک سرکاری جماعت سے اتحاد کر کے گھاٹے کا سودا کیا۔

پاکستان مسلم لیگ ن کے مرکزی جنرل سیکرٹری احسن اقبال نے احتساب عدالت لاہور کے باہر میڈیا سے گفتگو کرتے ہوئے کہا کہ یہ حکومت 3 سال بعد بھی وزیر خزانہ تلاش کر رہی ہے جو ملکی سالمیت کیخلاف اقدام ہے، موجودہ حکمران کے پاس “میں” کے علاوہ کچھ نہیں ہے، اس خود پسندی نے ملک کو تباہ کر دیا ہے۔

احسن اقبال کا کہنا تھا کہ پاکستان کو کسی دشمن کی ضرورت نہیں ہے کیونکہ عمران نیازی نے ملک کو وہ نقصان پہنچایا ہے جو دشمن اربوں ڈالر خرچ کر کے بھی نہ کر سکتا، شوگر و آٹا مافیا کیخلاف کارروائی کا ناٹک کیا جاتا ہے لیکن نیب کدھر ہے، اربوں روپے کے غبن کی تحقیقات ہو جانے کے بعد بھی کس کو گرفتار کیا گیا ہے؟۔

ن لیگی رہنما نے بتایا کہ نواز شریف قومی مفاد کو مدنظر رکھتے ہوئے بھارت سے تعلقات کی بات کرتے تھے تو ان کیخلاف نعرے لگائے جاتے تھے، آج مجاہد ملت مفتی عمران خان صاحب اس بات کا جواب دیں کہ ہواؤں کا رخ کیسے بدل گیا ہے؟، کیا بھارت نے مقبوضہ کشمیر کی متنازعہ حیثیت واپس کر دی ہے؟، بھارت سے تجارت شروع کرنے کے پیچھے کیا ہے، یہ قومی مفاد کا سودا کرنے پر آئے ہوئے ہیں۔

احسن اقبال نے کہا کہ پیپلزپارٹی نے ایک سرکاری جماعت سے اتحاد کر کے گھاٹے کا سودا کیا ہے، ہماری جدوجہد صرف عمران خان کو نکالنا نہیں بلکہ 73 سال سے جاری میوزیکل چیئر کے کھیل سے نکال کر ملک کو دوبارہ کھڑا کرنا ہے۔

احسن اقبال نے مزید کہا کہ یہ حکومت کورونا ویکسین کی حفاظت نہیں کر سکی، کہیں اسے ضائع تو کہیں اسے خرد برد کر کے اسے وی آئی پیز کو لگا دیا گیا ہے، عمران خان کی آخری اننگز چل رہی ہے کیونکہ ان کا جانا ٹہر گیا ہے، پی ڈی ایم کی جماعتیں یکسو ہیں۔