Category تازہ ترین

سپریم کورٹ نے لاہور ہائیکورٹ کا فیصلہ برقرار رکھتے ہوئے قتل کیس کے مجرم کی عمر قید کے خلاف اپیل مسترد کر دی ہے ۔
تفصیلات کے مطابق سپریم کورٹ میں جسٹس منظور احمد ملک کی سربراہی میں تین رکنی بینچ نے قتل کیس کے مجر م کی عمر قید کے خلاف اپیل پر سماعت کی،مجرم کے وکیل نے عدالت میں دلائل دیتے ہوئے کہا کہ آپ نے مجھے دلائل کے آغاز میں ہی دبا دیا ، عدالت نے ریمارکس دیتے ہوئے کہا کہ مولوی اگر دھیمے لہجے میں بات کرے تو مطلب کوئی گڑ بڑ ہے ، جسٹس منظور احمد ملک کے ریمارکس پر عدالت میں قہقہے لگ گئے ۔عدالت نے ریمارکس دیتے ہوئے کہا کہ شہری قتل ہوا جرم بھی ثابت ہے تو ہائیکورٹ نے عمر قید کا فیصلہ ٹھیک دیاہے ۔

فیڈریشن انویسٹی گیشن ایجنسی (ایف آئی اے) نے پاکستان کرکٹ ٹیم کے کپتان بابراعظم کو طلب کر لیا ہے تاہم انہوں نے آئندہ ہفتے تک مہلت طلب کر لی ہے۔
تفصیلات کے مطابق ایف آئی اے سائبر کرائم سرکل کی جانب سے بابر اعظم کو گزشتہ روز طلب کیا گیا تھا تاہم بابر اعظم نے مصروفیت کے باعث پیش ہونے سے معذرت کرتے ہوئے چند دنوں بعد پیش ہونے کی درخواست کی ہے جسے ایف آئی اے نے قبول کرتے ہوئے آئندہ ہفتے پیش ہونے کی مہلت دے دی ہے۔
واضح رہے کہ قومی کپتان پر ایک خاتون کی جانب سے ہراساں اور زیادتی کرنے، مالی غبن اور دیگر الزامات عائد کئے گئے تھے۔ ایف آئی اے کی جانب سے بابر اعظم کو خاتون سے زیادتی کے معاملے میں پوچھ گچھ کیلئے طلب کیا گیا ہے۔

چیئرمین پی ٹی وی تعیناتی کیس میں اسلام آبادہائیکورٹ نے نعیم بخاری کو کام کرنے سے روک دیا۔
نجی ٹی وی سما نیوز کے مطابق اسلام آبادہائیکورٹ میں چیئرمین پی ٹی وی نعیم بخاری کی تعیناتی کیخلاف درخواست پر سماعت ہوئی،چیف جسٹس اطہر من اللہ نے درخواست پر سماعت کی،عدالت نے وکیل سے استفسار کیا کہ سپریم کورٹ فیصلے کے تحت اس عہدے کا اشتہاردیاگیا؟،چیئرمین پی ٹی وی کیس میں زائدعمرسے متعلق رعایت دی؟،آپ نے سمری بھیجتے ہوئے سپریم کورٹ کافیصلہ نہیں پڑھاتھا؟ وزارت اطلاعات نے عطاالحق قاسمی کیس میں جوغلطیاں تھیں وہی کیں،عدالت نے کہاکہ عمرکی حدمیں نرمی کاجوازنہیں دیا،بغیرفیصلہ پڑھے سمری بھجوادی۔
اسلام آبادہائیکورٹ نے حکومت کوتعیناتی پر نظرثانی کا حکم دیدیا،عدالت نے آئندہ سماعت تک نعیم بخاری کو بطورچیئرمین پی ٹی وی کام کرنے سے روک دیا۔
چیف جسٹس ہائیکورٹ نے کہاکہ سپریم کورٹ کی ججمنٹ پڑھے بغیر وفاقی کابینہ کو سمری بھیجی گئی ،قانون سب کیلئے برابرہے،اس معاملے کو وفاقی کابینہ مین بھیج دیتے ہیں ،وفاقی کابینہ اس معاملے کافیصلے کرے۔

پریانکا چوپڑا کا شمار بھارت کی معروف اداکاراؤں میں ہوتاہے جنہوں نے متعدد بالی وڈ فلموں سمیت ہالی وڈ میں بھی اداکاری کے جوہر دکھائے ہیں۔
پریانکا چوپڑا کا شمار بھارت کی سب سے زیادہ معاوضہ لینے والی اداکاراو¿ں میں ہوتا ہے۔وہ 2000ءمیں بھارت کی نمائندگی کرتے ہوئے عالمی مقابلہ حسن کی فاتح بھی رہ چکی ہیں۔
38 سالہ اداکارہ نے حال ہی میں انسٹاگرام اکاؤنٹ پر اپنی 21 سال پرانی تصویر پوسٹ کی ہے۔تصویر کے کیپشن میں پریانکا نے بتایا ہے کہ ان کی17سال کی عمرکی تصویر ہے یعنی مس ورلڈ منتخب ہونے سے صرف ایک سال قبل کی۔

صوبائی دارلحکومت میں آن لائن بینکنگ فراڈ کی بڑی واردات ہوئی ہے جس دوران نجی بینک کے 16صارفین کو اپنی جمع پونجی سے ہاتھ دھونا پڑے ، متاثرین میں بزرگ پنشنرز بھی شامل تھے ۔
نجی ٹی وی چینل کے مطابق لاہور میں نجی ہاﺅسنگ سوسائٹی کی رہائشی خاتون کو ہفتے کی شام بینک کی طر ف سے میسج موصول ہوا کہ آپ کے اکاﺅنٹ سے ڈیڑھ لاکھ روپے ملتان کی رہائشی خاتون کے اکاﺅنٹ میں ٹرانسفر کردیئے گئے ہیں، تھوڑی دیر بعد ہی ایک اور پیغام موصول ہوا کہ اکاﺅنٹ سے مزیدایک لاکھ روپے نکال لیے گئے ہیں۔ خاتون نے بتایا کہ اس سے قبل جب ایک لاکھ روپے کی شاپنگ کریں یا نقدوصول کریں تو بینک کی طرف سے کال موصول ہوتی ہے اور تصدیق کی جاتی ہے کہ خود اکاﺅنٹ استعمال کیایا اس کاغلط استعمال تو نہیں ہوا تاکہ کارڈ بلاک کیا جائے لیکن اس بار بینک کی طرف سے کوئی کال نہیں آئی ۔ خاتون جب بینک پہنچی تو اس وقت صورتحال مزید گھمبیر ہوگئی جب وہاں پہلے سے لوگ اپنی شکایات کے اندراج کے لیے موجود تھے ، کسی کے اکاﺅنٹ سے لاکھوں روپے نکالے گئے تو بزرگ پنشنر بھی اپنے اکاﺅنٹ میں موجود 40ہزار روپے سے ہاتھ دھو بیٹھا۔ بینک منیجر نے بات کرنے سے انکار کردیا اور دلاسہ دیا کہ جلد ازجلد آپ کو رقم فراہم کرنے کی کوشش کریں گے جبکہ بینک کی ہیلپ لائن پر خاتون نمائندہ نے بتایا کہ ہیکرز کا نیٹ ورک مضبوط ہے، بینک کی تمام تر سیکیورٹی کے باوجود ہیکنگ گروپ نے اپنا کام دکھایا۔
ایک بزرگ صارف نے بتایا کہ ہفتے کی شام انہیں میسج موصول ہوا کہ ساڑھے تین لاکھ روپے نکالے گئے، حالانکہ کارڈ ان کے پاس محفوظ تھا ۔

انٹرنیشنل کرکٹ کونسل (آئی سی سی) نے نئی ٹیسٹ پلیئر رینکنگ جاری کر دی ہے اور نیوزی لینڈ کرکٹ ٹیم کے کپتان کین ولیم سن 919 پوائنٹس کیساتھ پہلی پوزیشن حاصل کرنے والے پہلے کیوی پلیئر بن گئے ہیں جبکہ بابراعظم کی پانچویں پوزیشن برقرار ہے۔
تفصیلات کے مطابق آئی سی سی کی جانب سے جاری کی گئی رینکنگ کے تحت کین ولیم سن پاکستان کرکٹ ٹیم خلاف ٹیسٹ سیریز میں عمدہ کارکردگی دکھانے پر 919 پوائنٹس حاصل کر کے پہلی پوزیشن پر براجمان ہو گئے ہیں جبکہ سٹیو سمتھ نے بھارتی کپتان ویرات کوہلی کو پیچھے چھوڑتے ہوئے دوسری پوزیشن پر قبضہ جما لیا ہے اور ویرات کوہلی تیسرے نمبر پر چلے گئے ہیں۔ آسٹریلیا کے مارنوس لابوشین چوتھے، پاکستان کے بابراعظم پانچویں، انگلینڈ کے بین سٹوکس چھٹے، بھارت کے اجنکیا ریحانے ساتویں، بھارت ہی کے چتیشور پجارا آٹھویں، نیوزی لینڈ کے ہینری نکولس نوویں اور آسٹریلیا کے ڈیوڈ وارنر دسویں نمبر پر ہیں۔
باﺅلرز کی فہرست میں آسٹریلیا کے پیٹ کومنز پہلی پوزیشن پر براجمان ہیں جبکہ انگلینڈ کے سٹورٹ براڈ دوسرے، نیوزی لینڈ کے نیل ویگنر تیسرے، نیوزی لینڈ ہی کے ٹم ساﺅتھی چوتھے، آسٹریلیا کے جوش ہیزل ووڈ پانچویں، جنوبی افریقہ کے کاگیسو ربادا چھٹے، انگلینڈ کے جیمز اینڈرسن ساتویں، آسٹریلیا کے مچل سٹارک آٹھویں، بھارت کے روی چندرن ایشوین نوویں اور بھارت کے جسپریت بمرا دسویں نمبر پر ہیں۔
آل راﺅنڈرز میں انگلینڈ کے بین سٹوکس سرفہرست ہیں جبکہ بھارت کے رویندرا جدیجہ دوسرے، ویسٹ انڈیز کے جیسن ہولڈر تیسرے، بنگلہ دیش کے شکیب الحسن چوتھے، نیوزی لینڈ کے کائل جیمی سن پانچویں، آسٹریلیا کے مچل سٹارک چھٹے، بھارت کے روی چندرن ایشوین ساتویں، انگلینڈ کے کرس ووکس آٹھویں، نیوزی لینڈ کے کولن ڈی گرینڈ ہوم نوویں اور آسٹریلیا کے پیٹ کومنز دسویں نمبر پر ہیں۔

کرائسٹ چرچ میں پاکستان کے خلاف 238 رنز کی اننگز کھیلنے والے کیوی کپتان کین ولیمسن نے آئی سی سی ٹیسٹ رینکنگ میں پہلی پوزیشن مزید مستحکم کرنے کے ساتھ ساتھ کسی بھی کیوی بلے باز کی جانب سے سب سے زیادہ ریٹنگ پوائنٹس حاصل کرنے کا کارنامہ بھی سرانجام دیا ۔ دسمبر 2018ء میں 915 پوائنٹس تک پہنچنے والے ولیمسن نے اب 919 ریٹنگ پوائنٹس حاصل کرلیے ہیں، وہ 900 ریٹنگ پوائنٹس حاصل کرنے والے دوسرے کیوی کھلاڑی ہیں۔

اس سے قبل رچرڈ ہیڈلی نے دسمبر 1985ء میں سر رچرڈ ہیڈلی نے بائولرز کی رینکنگ میں 909 پوائنٹس حاصل کیے تھے ۔ آسٹریلیا کے سٹیو سمتھ نے سڈنی ٹیسٹ میں بھارت کیخلاف 131 اور 81 رنز کی باریاں کھیل کر بھارتی کپتان ویرات کوہلی کو پیچھے دھکیلتے ہوئے دوسری پوزیشن اپنے نام کرلی ہے ، جنوبی افریقی اوپنر ڈین ایلگر سری لنکا کے خلاف دوسرے ٹیسٹ میں 127 اور 31 ناٹ آئوٹ رنز سکور کرکے 13 ویں پوزیشن پر پہنچ گئے ، ہنری نکولس نے 157 رنز کی اننگز کھیلنے کے بعد بیٹسمنوں کی رینکنگ میں 9ویں پوزیشن حاصل کرلی ہے جبکہ فاسٹ بائولر کائل جیمیسن نے پاکستان کے خلاف دوسرے ٹیسٹ میں 117 رنز کے عوض 11 شکار کرکے 7 درجے ترقی کے ساتھ 21 ویں پوزیشن سنبھال لی ہے، جیمیسن اب تک صرف 6 ٹیسٹ میچز میں 36 وکٹیں حاصل کرکے آل راؤنڈروں میں 5ویں نمبر پر ہے۔

قومی ٹیم کے سابق کپتان اظہر علی کی 93 اور 37 رنز کی اننگزنے انہیں 7 درجے ترقی کے ساتھ 18 ویں پوزیشن دلوائی،قائم مقام کپتان محمد رضوان پہلی اننگز میں نصف سنچری بنا کر 47 ویں سے 37 ویں پوزیشن پر آگئے،فہیم اشرف 17 درجے ترقی پاکر 77ویں پوزیشن پر پہنچے۔ سڈنی ٹیسٹ میں 91 اور 73 رنز بنانے والے مارنس لبسشین نے 866 پوائنٹس کے ساتھ اپنی چوتھی پوزیشن مستحکم کی،پاکستانی کپتان بابراعظم کی 5ویں پوزیشن برقرار ہے، فاسٹ بولر جوش ہیزل ووڈ نے میچ میں 4 وکٹوں کے ساتھ 3 درجے ترقی پاکر 5 ویں پوزیشن حاصل کی۔

بھارتی بلے باز چیتشور پجارا کی 50 اور 77 رنز کی اننگز نے انہیں 10ویں سے 8ویں پوزیشن پر پہنچایا، رشبھ پانت کے 36 اور 97 کے سکورز نے انہیں 45ویں سے 26 ویں پوزیشن پر پہنچنے میں مدد فراہم کی ۔ سینچورین ٹیسٹ میں انریچ نورٹجے (48ویں سے 38 ویں پوزیشن) ، ویان مولڈر (67ویں سے 45 ویں پوزیشن) ، لوتھو سیپملا (70ویں سے47 ویں پوزیشن) اور لونگی نگیڈی (56ویں سے 49 ویں پوزیشن) ترقی پانے والے بائولرز تھے۔ سری لنکن کپتان دیموت کرونارتنے نے 17ویں سے 15ویں اور کوسل پریرا نے 60ویں سے 56 ویں پوزیشن پر چھلانگ لگائی۔

لندن میں مقیم سینئر صحافی عرفان ہاشمی نے انکشاف کیا ہے کہ اگر عمران خان کیوے مساوے کے ساتھ معاہدہ کریں تو وہ پاکستان کی لوٹی ہوئی دولت واپس لا سکتے ہیں،نجی ٹی وی چینل میں گفتگو کرتے ہوئے انہوں نے کہا کہ براڈ شیٹ کے سی ای او کیوے مساوی نے وزیراعظم عمران خان کو پیشکش کی ہے کہ اگر پاکستان موقع دے تو ہم پاکستان کا لوٹا پیسہ واپس لا سکتے ہیں۔

کیوے مساوی نے ریفرنس بھی دیا کہ اگر 17 سالہ پرانا ریکارڈ لا سکتے ہیں تو آج جب جدید ٹیکنالوجی کا دور ہے تو اس میں یہ سب کرنا آسان ہے۔عرفان ہاشمی نے کہا کہ اب پاکستان کی حکومت پر ہے کہ وہ کیا فیصلہ کرتے ہیں۔انہوں نے بتایا کہ 200 افراد پر مشتمل فہرست کو جنرل پرویز مشرف نے چھوٹا کروایا۔

کیونکہ پرویز مشرف کو سیاسی شخصیت بنے کا بہت شوق تھا اور وہ سیاسی رہنما کے طور پر سامنے آنا چاہتے تھے۔

انہوں نے مزید کہا کیوی مساوے کے حالیہ انٹرویو کا مقصد یہی ہے کہ ان کے پاس ثبوت موجود ہیں،جب کہ کیوے مساوی نے ماضی میں جو ڈیل کی اس کے مطابق ریکور کی جانے والی رقم 20 فیصد حصہ ان کی کمپنی کو ملنا تھا جو کہ نہیں ملا۔

عمران خان کا ایک معاہدہ پاکستان کی لوٹی ہوئی دولت واپس لا سکتا ہے
براڈ شیٹ کے سی ای او کیوے مساوی نے وزیراعظم کو پیشکش کی کہ اگر پاکستان موقع دے تو ہم لوٹا پیسہ واپس لا سکتے ہیں۔ عرفان ہاشمی نے لوٹی ہوئی دولت ملک واپس لانے کا طریقہ بتا دیا

Muqadas Farooq مقدس فاروق اعوان منگل 12 جنوری 2021 10:49
عمران خان کا ایک معاہدہ پاکستان کی لوٹی ہوئی دولت واپس لا سکتا ہے
لاہور (اُردو پوائنٹ تازہ ترین اخبار۔ 12 جنوری 2021ء) لندن میں مقیم سینئر صحافی عرفان ہاشمی نے انکشاف کیا ہے کہ اگر عمران خان کیوے مساوے کے ساتھ معاہدہ کریں تو وہ پاکستان کی لوٹی ہوئی دولت واپس لا سکتے ہیں،نجی ٹی وی چینل میں گفتگو کرتے ہوئے انہوں نے کہا کہ براڈ شیٹ کے سی ای او کیوے مساوی نے وزیراعظم عمران خان کو پیشکش کی ہے کہ اگر پاکستان موقع دے تو ہم پاکستان کا لوٹا پیسہ واپس لا سکتے ہیں۔

کیوے مساوی نے ریفرنس بھی دیا کہ اگر 17 سالہ پرانا ریکارڈ لا سکتے ہیں تو آج جب جدید ٹیکنالوجی کا دور ہے تو اس میں یہ سب کرنا آسان ہے۔عرفان ہاشمی نے کہا کہ اب پاکستان کی حکومت پر ہے کہ وہ کیا فیصلہ کرتے ہیں۔انہوں نے بتایا کہ 200 افراد پر مشتمل فہرست کو جنرل پرویز مشرف نے چھوٹا کروایا۔

کیونکہ پرویز مشرف کو سیاسی شخصیت بنے کا بہت شوق تھا اور وہ سیاسی رہنما کے طور پر سامنے آنا چاہتے تھے۔

انہوں نے مزید کہا کیوی مساوے کے حالیہ انٹرویو کا مقصد یہی ہے کہ ان کے پاس ثبوت موجود ہیں،جب کہ کیوے مساوی نے ماضی میں جو ڈیل کی اس کے مطابق ریکور کی جانے والی رقم 20 فیصد حصہ ان کی کمپنی کو ملنا تھا جو کہ نہیں ملا۔
۔قبل ازیں برطانوی تحقیقاتی ادارے براڈشیٹ کے چیف کیوے ماسوی نے انکشاف کیا کہ نواز شریف نے براڈ شیٹ فیصلے سے متعلق سراسر جھوٹ بولا ہے۔

کیوے ماسوی نے کہا کہ غیر قانونی اثاثوں کی تحقیق سے پیچھے ہٹنے کے لیے رشوت کی پیشکش کی گئی تھی۔ خود کو نوازشریف کا بھانجا بتانے والے نے رشوت کی آفر کی تھی۔ ہم بدمعاشوں سے مذاکرات نہیں کرتے ، اس لیے ہم نے ان کی پیشکش ٹھکرا دی تھی ۔ انہوں نے مزید کہا کہ ہمارے پاس ایون فیلڈ اپارٹمنٹس سے متعلق کافی شواہد ہیں۔ زرداری، شریف خاندان جیسی طاقتور شخصیات کی تحقیقات کرنا تھیں، نواز شریف نے براڈ شیٹ فیصلے سے متعلق سراسر جھوٹ بولا ہے۔ نواز شریف کہتے ہیں کہ وہ الزامات سے بری ہوگئے، یہ بالکل جھوٹ ہے ۔

پاکستان مسلم لیگ ن کے قائد اور سابق وزیراعظم میاں محمد نواز شریف نے کہا ہے کہ عوام کو پہنچنے والی اذیتوں کی جعلی حکومت اور سلیکٹرز کو کوئی پروا نہیں، بجلی مزید مہنگی کردی، آپ غریب عوام پر ظلم کے اور کتنے پہاڑ توڑیں گے؟ انہوں نے ٹویٹرپر اپنے بیان میں کہا کہ سنگدل وزیراعظم اور اس کے سیلیکٹرز جواب دیں کہ آپ غریب عوام پر ظلم کے اور کتنے پہاڑ توڑیں گے؟ انہوں نے کہا کہ آج بجلی مزید مہنگی کرکے آپ نے غربت و مہنگائی تلے کچلےعوام پر وہ بوجھ کیوں ڈال دیا جسے برداشت کرنے کی وہ سکت نہیں رکھتے؟ دکھی عوام کو پہنچنے والی اذیتوں کی جعلی حکومت اور سلیکٹرز کو کوئی پرواہ نہیں ہے۔

واضح رہے نیشنل الیکٹرک پاور ریگولیٹری اتھارٹی (نیپرا) نے بجلی کی قیمتوں میں مزید ایک روپیہ 6 پیسے فی یونٹ کا اضافہ کر دیا ہے۔

نوٹیفکیشن کے مطابق بجلی اکتوبر اور نومبرکی فیول پرائس ایڈجسٹمنٹ کی مد میں مہنگی کی گئی ہے اس کا اطلاق صرف جنوری کے مہینے کے بلوں پر ہوگا۔ آئی پی اے نیوز ایجنسی کے مطابق بجلی مہنگی کا اطلاق ڈسکوز کے تمام صارفین ماسوائے لائف لائن صارفین پر ہوگا۔

فیول پرائس ایڈجسٹمنٹ کا اطلاق کے الیکٹرک صارفین پر بھی نہیں ہوگا۔ قبل ازیں دسمبر2020 میں بھی بجلی 1 روپے 11پیسے فی یونٹ مہنگی کی گئی تھی. خیال رہے کہ ماضی میں نیشنل الیکٹرک پاور ریگولیٹری اتھارٹی (نیپرا) نے مہنگی بجلی پیدا ہونے کا انکشاف کرتے ہوئے سفارش کی تھی کہ پرانے پاور پلانٹس کو بند کردیا جائے نیپرا کی رپورٹ میں بجلی کے ترسیلی نظام کو ناقص قرار دیا اور کہا کہ اور پلانٹس کو مکمل صلاحیت پرنہ چلانے سے مہنگی بجلی پیدا ہوتی ہے. نیپرا رپورٹ میں اس بات کا اظہار کیا گیا ہے کہ لوڈ شیڈنگ سے صارفین کا بجلی کمپنیوں پر اعتماد کم ہورہا ہے رپورٹ میں تجویز پیش کی گئی ہے کہ زیادہ ایفی شینسی والے پاور پلانٹس کو ترجیح دی جائے اور پرانے پاور پلانٹس کو بند کردیا جائے۔

ادھر سوشل میڈیا پر عوام بجلی قیمتوں میں اضافے پر سخت غصے کا اظہار کررہے ہیں کچھ صارفین نے تو یہاں تک لکھا ہے کہ حکومت دو دن تک بجلی کی بندش سے عوام نے جو بجلی استعمال ہی نہیں کی اس کی قیمت وصول کررہی ہے جبکہ کچھ صارفین کا کہنا ہے حکومت اوروزارت پانی وبجلی کی نااہلی سے ٹرانسمیشن لائنزاور پاور ہاﺅسزکو پہنچنے والے نقصانات کا”جرمانہ“عوام سے وصول کررہی ہے۔

ٹیکسی ڈرائیور کو قتل کرنے والے ملزم کا سنسنی خیز اعترافی بیان سامنے آ گیا ۔ تفصیلات کے مطابق پولیس نے گذشتہ روزآن لائن ٹیکسی ڈرائیور کا قاتل حراست میں لے لیا تھا۔ پولیس کا کہنا ہے ک ملزم طاہر کو اس کے دوست محسن کی نشاندہی پر گرفتار کیا گیا۔ پولیس کو دئے گئے بیان میں ملزم طاہرنے ٹیکسی ڈرائیورمحمد علی کے قتل کااعتراف کرلیا۔

دوران تفتیش ملزم نے بیان دیا کہ لڑکی سے ملنے کے لئے رائیڈ بک کی۔ لیکن جب دیرہوئی تو ڈرائیور نے گاڑی سےاترنےکا کہا تھا، اسی بات پر طیش میں آ کر محمد علی کو گولی ماردی۔ پولیس کا کہنا ہے کہ ملزم کے بیان پر شکوک وشہبات ہیں، مزید تفتیش جاری ہے۔ یاد رہے کہ پولیس نے آن لائن ٹیکسی ڈرائیور محمد علی کے قاتل کی شناخت ہوتے اس کو حراست میں لے لیا تھا۔

مقتول کے ساتھ آخری رائیڈ لینے والا طاہرنامی شخص ہی ڈارئیور کا قاتل نکلا۔ ملزم زیر حراست محسن نامی نوجوان کا دوست ہے۔ محسن نے اپنے دوست طاہر کی رائیڈ بک کروائی تھی۔ واقعہ کے بعد سے طاہر فرار ہوگیا تھا۔ یاد رہے کہ تین روز قبل لاہور کے علاقہ باغبانپورہ رہائشی 26 سالہ نوجوان کو مبینہ اغوا کے بعد قتل کیا گیا تھا۔ ملزم نوجوان کی لاش کو ریواز گارڈن پھینک کر فرار ہوگئے تھے۔

لاہور کے علاقہ باغبانپورہ کا رہائشی 26 سالہ نوجوان محمد علی اوبر پر گاڑی چلاتا تھا، قتل کی واردات والے دن گھر سے نکلا مگر واپس نہیں آیا جس کے بعد محمد علی کے اہل خانہ کی مدعیت میں تھانہ شالیمار میں اغوا مقدمہ درج کیا گیا ، تاہم بعد ازاں اسی مقدمے میں قتل کی دفعات بھی شامل کر لی گئی تھیں۔ دو روز قبل آن لائن ٹیکسی ڈرائیور کی پوسٹ مارٹم رپورٹ آنے کے بعد پولیس نے لاش ورثاء کے حوالے کردی تھی۔

پوسٹمارٹم رپورٹ میں انکشاف ہوا تھا کہ مقتول محمد علی کو نا معلوم افراد نے ایک گولی سینے میں مار کر قتل کیا۔ پولیس نے جائے وقوعہ سے شواہد اکٹھے کرتے ہوئے مقتول محمد علی کی گاڑی بھی کچھ فاصلے سے تلاش کرلی۔ پولیس نے بتایا کہ آن لائن ٹیکسی سروس کی انتظامیہ سے بھی رابطہ کیا تھا۔ پولیس نے آن لائن ٹیکسی سروس کی انتظامیہ سے مقتول کی آخری رائیڈ لینے والوں کا ریکارڈ بھی طلب کیا تھا۔

پولیس کے مطابق حاصل شدہ ریکارڈ سے معلوم ہوا کہ 26 سالہ نوجوان ڈرائیور نے 4 جنوری کو لاہور کے علاقے شالیمار سے کسی کسٹمر کی درخواست پر اپنی ٹیکسی بک کی تھی، تاہم چند گھنٹوں بعد لاش ساندہ کے علاقے سے ملی جس پر پولیس نے اہل خانہ کو بھی اطلاع دے دی۔ ان اطلاعات کی بنا پر آخری رائیڈ بُک کروانے والے کو گرفتار کیا گیا۔