Category پاکستان

ڈی جی آئی ایس آئی لیفٹننٹ جنرل فیض احمد کی میزبانی میں افغانستان کی صورت حال پر علاقائی ملکوں کے انٹیلی جنس اداروں کے سربراہوں کا اہم اجلاس اسلام آباد میں ہوا
ذرائع کے مطابق اجلاس میں چین،ایران، روس کے انٹیلی جنس چیفس نے شرکت کی، اجلاس میں قازقستان، تاجکستان، ترکمانستان اور ازبکستان کے انٹیلی جنس چیفس نے بھی شرکت کی۔
ذرائع کے مطابق افغانستان میں امن و استحکام کے لیے سیکیورٹی صورت حال پر غور کیا گیا۔
ملاقات میں افغانستان کی سیکیورٹی صورتحال پرتبادلہ خیال کیا گیا۔ خطے میں دیرپا امن وسلامتی کی صورتحال پر تفصیلی بات چیت ہوئی ہے۔

صدر مسلم لیگ(ن) شہباز شریف نے اپنے ایک بیان میں کہا ہے کہ بنیادی اشیا میں 23 فیصد اضافہ عوام سے زیادتی اور بدترین استحصال ہے جبکہ مہنگائی کی اوسط شرح 13.64 فیصد ہونا حکومت نہ ہونے کا ثبوت ہے۔ انہوں نےکہاکہ ملکی غربت میں انتہائی تیزی سے اضافہ ہو رہا ہے۔ 20 کلو آٹا 58 روپے مہنگا ہوا جس سے ثابت ہوتا ہے کہ ملک میں حکومت نام کی کوئی چیز نہیں۔
اپوزیشن لیڈر شہباز شریف نےکہا کہ انڈے، گھی، آئل، دال، دودھ اور گوشت کی قیمتوں میں اضافہ عوام پر بوجھ ہے۔ جوتے 33 فیصد مہنگے ہو چکے ہیں اور اب حکمران قوم کے پیر ننگے کرنے پر تُلے ہوئے ہیں۔ یہ ظلم کی حکومت ہے جو زیادہ چل نہیں سکتی۔ تین سال میں حکومت نے مہنگائی سے عوام کی صرف چیخیں نکلوائی ہیں جبکہ حکمرانوں نے قوم کو ریلیف نہیں بلکہ صرف تکلیف دی ہے۔

ویب ڈیسک: وفاقی وزیراسدعمرنےکراچی میں پریس کانفرنس کرتے ہوئے کہا ہے کہ چیئر مین پیپلزپارٹی بلاول بھٹوزرداری کوتنقید کانشانہ بناتے ہوئے کہا کہ بلاول نے ٹھیک کہا کہ جب بارش ہوتی ہے تو پانی آتاہے۔ جب حکومتیں اپنا کام کرلیں تو بارش کے باعث آ نیوالا زیادہ پانی نقصان پہنچائے بغیر آ کر گزربھی جاتا ہے۔ تجاوزات کےحوالے سے آپریشن جاری ہے،محمود آبادنالے پر آپریشن 100فیصد مکمل ہو چکا ہے جس کے فوائد بھی سامنے آرہے ہیں کہ بارش کا پانی اب یہاں کھڑانہیں ہوتاہے،آگے نکل جاتا ہے،کراچی کے نالوں سے 11 لاکھ ٹن کوڑا نکالنا ہے۔کراچی میں 55 سے 60 کلو میٹر سڑکیں بنائی جائیں گی۔
پی ٹی آئی سندھ کے عوام کے مسائل کوسمجھ سکتی ہے۔ کراچی کو ترسایا جاتا ہے گلی سے صفائی نہیں ہوتی۔ وفاق نےکراچی والوں کےزخموں پرمرہم رکھنے کا فیصلہ کیا ہے۔ اگر میرے حلقے میں پیپلز پارٹی اپنےجھنڈےلگاکرکام کرتی ہےتومیں ویلکم کرتا ہوں۔
وفاقی وزیر اسد عمر کا کہنا تھا کہ کراچی کے اندر سرکلر ریلوے کا منصوبہ ہم پورا کرکے دکھائیں گے،یہ 43کلو میٹر کے اوپر محیط ہوگا، پراجیکٹ آپریشن ہوگاتویومیہ ساڑھے چار لاکھ تک شہری اس سے فائدہ اٹھائیں گے، اس منصوبے کو دو حصوں میں تقسیم کیا گیاہے،سرکلرنظام چلانے کیلئے فنڈزمختص کیے گئے۔ سرکلر ریلوے کو نجی شعبہ چلائے گا۔ وزیراعظم30ستمبرسے پہلے کراچی کادورہ کریں گے۔

ان کا مزیدکہنا تھا کہ کراچی میں اکتوبرسے ٹریڈ کوریڈور منصوبے کاکام شروع کریں گے ۔ کےفورمنصوبہ اکتوبر 2023 تک مکمل ہونے کاامکان ہے۔ رواں سال چھوٹی اسکیموں کیلئے 21ارب روپے مختص کیے گئے۔احساس ایمرجنسی کے تحت کراچی کو 7 اورسندھ میں 65 ارب روپے تقسیم کیے.
انہوں نے کہا ہے کہ کراچی کی بی آرٹی کیلئےمربوط نظام تشکیل دیاہے۔گرین لائن جدید ٹرانسپورٹ کامنصوبہ ہے۔گرین لائن بس منصوبے کے متعدد فیز مکمل ہوچکےہیں۔امید ہے کچھ بسز کل آجائیں گی ،اگلے ہفتے تک 40 بسیں کراچی پہنچ جائیں گی۔گرین لائن منصوبے کے لیے 80 بسیں لائی جا رہی ہیں ۔ بائیس گرین لائن بس اسٹیشن مکمل ہوگئے.
وفاقی وزیر اسدعمر کا پریس کانفرنس کےدوران کہنا تھا کہ ہماری کوشش ہو گی کہ 2023 کے الیکشن نئی مردم شماری پر ہوں۔ کراچی کی مردم شماری دیرینہ مسئلہ رہاہے. کراچی میں مردم شماری کرائیں گے اور موثر کرادر ادا کریں گے۔اس بار مردم شماری میں پہلی مرتبہ جدید ٹیکنالوجی استعمال کی جائے گی۔ مردم شماری پر تمام اسٹیک ہولڈرز سے بات کریں گے.

انہوں نے کہا ہے کہ سندھ حکومت بلدیاتی انتخابات کرانے کو تیار نہیں۔ بلدیاتی انتخابات میں جتنی تاخیرہوگی پی ٹی آئی کےحق میں ہوگا۔سندھ حکومت بلدیاتی انتخابات میں جتنی تاخیر کرے گی ہمیں زیادہ ووٹ پڑیں گے۔ بلدیاتی انتخابات میں تاخیر ہوگی تو پی ٹی آئی کے منصوبے مکمل ہوں گے۔کراچی کے شہریوں کو بہت جلد پی ٹی آئی کے منصوبے نظر آئیں گے.

الیکٹرانک ووٹنگ مشینوں سے متعلق الیکشن کمیشن اور وزرات سائنس اینڈ ٹیکنالوجی کی ٹیکنیکل کمیٹی کا اجلاس 15 ستمبر کو طلب کر لیا گیا ہے
ذرائع وزارت سائنس و ٹیکنالوجی کا کہنا ہے کہ الیکشن ایکٹ مسترد ہونے کے باوجود ٹیکنیکل ٹیموں کا اجلاس ہوگا اجلاس میں وزارت سائنس اینڈ ٹیکنالوجی کی ٹیم الیکشن کمیشن کے اعتراضات پر جواب دے گی۔
اجلاس میں وزارت سائنس اینڈ ٹیکنالوجی37اعتراضات پرجواب دےگی۔الیکشن کمیشن کے اعتراضات میں سے27استعداد،10 مشین سے متعلق ہیں۔
واضح رہے سینیٹ کی قائمہ کمیٹی برائے پارلیمانی امور نے الیکٹرونک ووٹنگ مشین، اوورسیز پاکستانیوں کیلئےآئی ووٹنگ،اوپن بیلٹ کے ذریعے سینیٹ انتخابات سمیت الیکشن ایکٹ میں بیشترحکومتی ترامیم کو مسترد کرچکی ہے
کمیٹی نےسینیٹ انتخابات خفیہ کی بجائےاوپن رائےشماری سےکرانے سےمتعلق ترمیم بھی مسترد کر دی ہے۔
دوسری جانب 60 روز کے اندر حلف نہ اٹھانے والے رکن کی نشست ختم کرنے سے متعلق سیکشن میں ترمیم مستردنہیں کی گئی تاہم اس ترمیم کااطلاق آئندہ الیکشن کے بعد ہوگا۔ اجلاس میں الیکٹرانک ووٹنگ مشین کے معاملے پر وفاقی وزیر اعظم سواتی نے الیکشن کمیشن پر چڑھائی کی اور الزام عائد کیا کہ الیکشن کمیشن حکومت کا مذاق اڑا رہا ہے اس نے پیسے پکڑے ہوئے ہیں۔ اعظم سواتی نےاجلاس میں کہاکہ الیکشن کمیشن جیسےاداروں کوآگ لگا دینی چا ہئے۔جس کےبعدکمیٹی اجلاس میں ماحول گرم ہو گیا اور الیکشن کمیشن ارکان میٹنگ سے اٹھ کر چلے گئے۔ ای وی ایم کے مسئلے پر الیکشن کمیشن اورحکومت کےآمنے سامنےہونےکے باوجود ٹیکنیکل ٹیموں کا اجلاس طلب کر لیا گیا ہے

موٹروے(ویب ڈیسک)ایڈیشنل انسپکٹر جنرل (اے آئی جی) موٹروے کی گاڑی پر فائرنگ کے نتیجے میں بھائی جاں بحق ہوگیا جبکہ اے آئی جی سجاد افضل آفریدی فائرنگ سے زخمی ہوگئے۔

ترجمان کے مطابق ایڈیشنل آئی جی موٹروے سجاد افضل آفریدی کی گاڑی پر فائرنگ فتح جنگ انٹر چینج پر کی گئی۔
ترجمان نے بتایا کہ فائرنگ کے نتیجے میں ایڈیشنل آئی جی کے بھائی نعمان افضل جاں بحق ہوگئے جبکہ واقعے میں اے آئی جی موٹروے زخمی ہوئے جنہیں اسپتال منتقل کردیا گیا۔ترجمان کے مطابق سینیئر پولیس افسران موقع پرپہنچ گئے ہیں اور واقعے کی تحقیقات کی جارہی ہیں۔

ترجمان موٹروے پولیس کے مطابق سجاد افضل آفریدی ایم ون پر مشکوک گاڑی کا پیچھا کررہے تھے اور انہیں دو گولیاں لگیں۔ترجمان موٹروے پولیس نے بتایا کہ سجاد افضل آفریدی کو پمز اسپتال منتقل کردیا گیا۔ترجمان کا کہنا تھاکہ ایڈیشنل آئی جی کے چھوٹے بھائی نعمان جاں بحق ہوگئے اور پی اے ایس افسر تھے۔

پنجاب میں کورونا ویکسین کی غلط ڈیٹا انٹری روکنےکے لیے این سی او سی نے کوڈ سسٹم متعارف کرادیا۔
محکمہ صحت پنجاب کے مطابق کمپیوٹر آپریٹر کوڈ کے بغیر ویکسین ڈیٹا کی انٹر ی نہیں کی جاسکے گی، کئی لوگ بغیر ویکسین لگوائے ڈیٹا انٹری کروا رہے تھے اور چند روپوں کے عوض غلط معلومات سسٹم میں آرہی تھیں جسے روکنے کے لیے این سی او سی نے کوڈ سسٹم شروع کردیا ہے۔محکمہ صحت کا کہنا ہےکہ اب ڈیٹا انٹری سے پہلے کمپیوٹر آپریٹر کو ٹیلی فون پر کوڈ موصول ہوگا جس کی مدد سے ڈیٹا انٹری ہوگی۔

اسلام آباد(ویب ڈیسک)وزیر خارجہ شاہ محمود قریشی نے کہا ہے کہ عالمی برادری کو افغانستان میں معاشی بہتری کیلئے کردار ادا کرنا چاہیے کیونکہ افغانستان میں معاشی بحران کسی کے حق میں نہیں۔

وزیرخارجہ شاہ محمود قریشی نے اسپین کے ہم منصب کے ہمراہ پریس کانفرنس کی اور کہا کہ اسپین کے وزیرخارجہ سے افغانستان کی صورتحال پرتبادلہ خیال ہوا۔
انہوں نے کہا کہ پاکستان اور اسپین کے مقاصد یکساں ہیں اور دونوں ممالک امن کے خواہاں ہیں۔افغانستان کی صورتحال پر وزیر خارجہ کا کہنا تھاکہ افغانستان میں پائیدار امن خطے کے مفاد میں ہے، عالمی برادری کو افغانستان میں معاشی بہتری کیلئے کردارادا کرنا چاہیے کیونکہ افغانستان میں معاشی بحران کسی کے حق میں نہیں۔

ان کا مزید کہنا تھاکہ ہمیں افغانستان کو انسانی بحران کی صورتحال سے بچانا ہوگا۔انہوں نے کہا کہ عالمی برادری افغانستان کی بدلتی صورتحال اوراستحکام میں اپنا کردار ادا کرے، پاکستان عالمی برادری کے ساتھ مل کراپنی ذمہ داریاں ادا کرتا رہے گا۔انہوں نے اپیل کی کہ عالمی برادری اور ادارے افغانستان کیلئے مختص فنڈزبحال کریں۔

لاہور(ویب ڈیسک)پاکستان میں زیادتی کے کیسزائے روز پیش اتے رہتے ہیں اور مجرموں‌کی سرکوبی کے لیے حکومت بھی سرگرم ہے،،،چنیوٹ میں‌ایک افسوسناک واقعہ ہوا..
وزیراعلیٰ پنجاب نے چنیوٹ میں زیادتی کے بعد بچی کےقتل کے واقعے کا نوٹس لے لیا۔ عثمان بزدار نے واقعے میں ملوث ملزم کی 48 گھنٹوں میں گرفتاری کا حکم دےدیا اور آر پی او فیصل آباد سے رپورٹ طلب کرلی۔خیال رہے کہ چھ سال کی بچی کی پوسٹ مارٹم رپورٹ میں زیادتی کی تصدیق ہوئی تھی۔بچی کو سر پر تیز دھار آلے کے وار کرکےقتل کیا گیا تھا، بچی کی لاش دو روز قبل کھیت سے ملی تھی۔

راولپنڈی(ویب ڈیسک)آرمی چیف جنرل قمر جاوید باجوہ کا کہنا ہے کہ افغانستان میں امن کیلیے عالمی برادری کی امداد ضروری ہے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت کور کمانڈر کانفرنس ہوئی جس میں شرکاء نے عالمی، علاقائی اور اندرونی سلامتی کی صورتحال کا تفصیلی جائزہ لیا، اس موقع پر کانفرنس کو افغانستان اور پاک افغان سرحد کی صورتحال سمیت خطرات سے نمٹنے کے لئے اقدامات سے بھی آگاہ کیا گیا۔

آئی ایس پی آر کے مطابق آرمی چیف نے موثر سرحدی انتظام پر اطمینان کا اظہار کیا جس کے باعث خطے میں بحران کے باوجود پاکستانی سرحد اور اندرونی سکیورٹی برقرار رہی جب کہ شرکا نے خوشحال اور پرامن خطے کے لیے تمام علاقائی اسٹیک ہولڈرز کے درمیان قریبی تعاون پر بھی زور دیا۔
اس موقع پر آرمی چیف جنرل قمر جاوید باجوہ نے افغانستان سے غیر ملکیوں کے انخلاء میں فوج کے تعاون اور کردار کو سراہتے ہوئے کہا کہ عالمی برادری کی جانب سے افغانستان کے لیے تعمیری مصروفیات اور انسانی مدد پائیدار امن اور استحکام کے لیے ضروری ہے
آرمی چیف نے محرم کے پرامن طریقے سے انعقاد کے لیے افواج کی کوششوں کو سراہتے ہوئے روایتی اور غیر روایتی خطرات سے نمٹنے کے لیے مکمل تیاری رکھنے کی ہدایت کرتے ہوئے کہا کہ پاکستان میں امن اور استحکام کے لیے بیرونی اور اندرونی قوتوں کے ڈیزائن کو ہر قیمت پر ناکام بنایا جائے گا۔

اسلام آباد(ویب ڈیسک)مہنگائی کے ستائے عوام کے لیے ایک اور بوجھ تیار ہے،نیشنل الیکٹرک پاور ریگولیٹری اتھارٹی (نیپرا) نے بجلی کی قیمت میں اضافے کی منظوری دے دی۔نیپرا کی جانب سے جاری نوٹیفکیشن کے مطابق فیول چارجز ایڈجسٹمنٹ کی مد میں بجلی کی قیمت میں ایک روپے 38 پیسے فی یونٹ اضافے کی منظوری دی گئی ہے۔
نوٹیفکیشن میں بتایا گیا ہےکہ سینٹرل پاور پرچیزنگ ایجنسی کی جانب سے ایک روپے 47 پیسے فی یونٹ اضافے کی درخواست کی گئی تھی اور اتھارٹی نے یکم ستمبر 2021 کو ایف سی اے پر عوامی سماعت کی تھی۔

نوٹیفکیشن کے مطابق بجلی کی قیمت میں اضافے کا اطلاق صرف ستمبرکے مہینے کے بلوں پر ہوگا اور اس کا اطلاق ڈسکوزکے تمام صارفین ماسوائے لائف لائن صارفین پر ہوگا۔نوٹیفکیشن کےمطابق فیول پرائس ایڈجسٹمنٹ کا اطلاق کے الیکٹرک صارفین پربھی نہیں ہوگا۔