Category پاکستان

خیبرپختونخواہ حکومت نے فیصلہ کیا ہے کہ شادی کی تقریبات میں شرکت اور بند مقامات میں کھانے کے لیے صرف ویکسین لگوانے والے افراد کو جانے کی اجازت ہوگی۔

رپورٹ کے مطابق مذکورہ فیصلہ حکام کے اجلاس میں کیا گیا جس میں صوبائی داخلی اور قبائلی محکموں کے نمائندے، ریسٹورانٹس اور شادی ہال ایسوسی ایشن کےنمائندے شریک ہوئے۔

اجلاس میں ایس او پیز کے نفاذ کے حوالے سے بات چیت کی گئی۔

وزیر اعلیٰ ہاوس سے جاری کردہ بیان کے مطابق اجلاس میں ریسٹورینٹ مالکان اور شادی ہال مالکان کو درپیش مسائل پر بھی تبادلہ خیال کیا گیا اور فیصلہ کیا گیا کہ نیشنل کمانڈ اور آپریشن سینٹر (این سی او سی) کے مقرر کردہ ایس او پیز پر عمل درآمد کروایا جائے۔

ایسوسی ایشنز کے نمائندگان نے فیصلے کی حمایت کرتے ہوئے حکومت کو یقین دہانی کروائی کہ وہ اپنے عملے کی ویکسینیشن کروائیں گے اور شادی کی تقریبات اور انڈور ڈائن اِن کی اجازت صرف ان افراد کو ہوگی جو ویکسین لگوا چکے ہیں۔

شادی ہال اور ریسٹورنٹ مالکان نے حکام سے ایس او پیز کے حوالے سے تبادلہ خیال کیا اور عملے کو ویکسین لگوانے کے عزم کا اظہار کیا۔

ایسوسی ایشن نے بیان دیا کہ وہ اپنے اراکین کو ایس او پیز کے نفاذ کے حوالے سے آگاہی دیں گے اور حکومتی ہدایت پر عمل درآمد نہ کرنے والوں کےخلاف سخت کارروائی کی جائے گی۔

اجلاس میں کورونا وائرس کے بڑھتے ہوئے کیسز اور چوتھی لہر پر تشویش کا اظہار کیا گیا، خیبر پختونخوا کے چیف سیکریٹری ڈاکٹر کاظم نیاز نے ہدایت دی ہے کہ متعلقہ انتظامیہ عید الاضحیٰ کے موقع پر ایس او پیز کی پاسداری کو یقینی بنائیں۔

جاری کردہ بیان میں کہا گیا کہ ڈاکٹر کاظم نیاز نےصوبائی حکومت کے اعلیٰ سطحی اجلاس میں ہدایت دی کہ کورونا وائرس کی چوتھی لہر سے بچاو کے لیے احتیاطی تدابیر اختیار کرنا لازمی ہے۔

اجلاس میں محکمہ صحت کے ایڈمنسٹریٹو سیکریٹریز کے علاوہ مقامی حکومت، ٹرانسپورٹ اور محکمہ اطلاعات کے نمائندگان بھی شامل ہوئے۔

انہیں مطلع کیا گیا کہ پشاور میں کورونا کیسز کی تعداد بڑھ رہی ہے جبکہ خیبر پختونخوا میں برطانیہ جنوبی افریقہ اور بھارتی قسم کے وائرس کی بھی تصدیق ہوئی ہے۔

چیف سیکریٹری نے عید الاضحیٰ کے موقع پر کورونا وائرس کی چوتھی لہر کا خدشہ ظاہر کیا اور اس موقع پر کورونا وائرس کی ایس او پیز کے سختی سے نفاذ اور محکمہ صحت کی انتظامیہ کو کورونا ویکسینیشن کے حوالے سے مہم چلانے کی خاص طور پر ہدایت کی۔

اجلاس میں فیصلہ کیا گیا کہ آئندہ ہفتے کورونا وائرس کی ایس او پیز پر عمل درآمد سے متعلق آگاہی کا ہفتہ منایا جائے گا۔

ڈاکٹر کاظم نیاز نے کمشنرز اور ضلعی انتظامیہ کو ہدایت کی کہ مارکیٹس، عوامی مقامات اور مساجد میں ایس او پیز کے نفاذ حوالے سے مؤثر اقدامات کیے جائیں۔

انہوں نے عوام کو یہ بھی تاکید کی ہے کہ عید الاضحیٰ کے موقع پر کورونا سے بچاؤ کے لیے ایس او پیز پر عمل پیرا ہوں۔

انہوں نے خبردار کیا کہ کورونا وائرس کے بڑھتے ہوئے کیسز کے پیش نظر تیسری لہر کی طرح حکومت کو مشکل فیصلے کرنے ہوں گے اور ایک بار بھر بازار اور سیاحت پر پابندی عائد کرنی پڑے گی۔

اجلاس میں بتایا گیا کہ مقامی حکومت نے صوبے بھر میں 142 مویشی منڈیاں قائم کی ہیں، اور قربانی کے بعد آلائشوں کو ٹھکانے لگانے کے لیے عوام میں تھیلے بھی تقسیم کیے ہیں۔

چیف سیکریٹری نے مقامی حکومت کو ہدایت کی کہ مویشی منڈیوں میں ایس او پیز پر عمل درآمد کو یقینی بنایا جائے۔

عید الاضحیٰ کے موقع پر اندورن ملک سفر کرنے والے شہریوں کے حوالے سے انہوں نے ٹرانسپورٹ ڈپارٹمنٹ کو ہدایت دی ہے کہ گاڑیوں میں دی گئی گنجائش سے 70 فیصد سے زائد نہ بھرا جائے۔

چیف سیکریٹری نے خبر دار کیا کہ لاپرواہی کے باعث صوبے میں مشکل صورتحال پیدا ہوسکتی ہے یہ ضروری ہے کہ شہری ذمہ دارانہ رویہ اختیار کریں اور احتیاطی تدابیر پر عمل پیرا ہوں ۔

چیئرمین نادرا نے کراچی میں ریجنل ہیڈ آفس کے دورے کے موقع پر ایجنٹ مافیا کے ساتھ ملی بھگت اور خواتین کے ساتھ ناروا سلوک پر 39 ملازمین کومعطل کر دیا۔

چیئرمین نادرا نے کراچی میں ریجنل ہیڈ آفس اور مختلف نادرا دفاتر کے ہنگامی دورے کئے۔ طارق ملک نے کراچی میں نادرا دفاتر کی کارکردگی بہتر اور مؤثر بنانے کے لئے نئے اقدامات کا جائزہ لیا۔ چیئرمین نادرا نے سائلین سے ان کے مسائل دریافت کئے اور موقع پر حل کرنے کے احکامات جاری کیے۔ طارق ملک نے ملازمین سے ان کی کارکردگی کے حوالے سے بھی بات چیت کی۔

اس موقع پر چیئرمین نادرا طارق ملک نے خطاب کرتے ہوئے کہا کہ 39 ملازمین کو ایجنٹ مافیا کے ساتھ ملی بھگت اور خواتین کے ساتھ ناروا سلوک کرنے پر معطل کیا گیا، بدعنوان عناصر کو قوائد و ضوابط کے مطابق سزا دی جائے گی، قومی ادارہ میں ناقص کارگرگی، بدعنوانی اور کرپشن کرنے والے کو برداشت نہیں کیا جائے گا، ادارے کے محدود وسائل کے باوجود ملازمین کی بلا تفریق تنخواہیں بڑھا کر ملازمین کے بہترین مفاد کو یقینی بنایا۔

راولپنڈی: خاتون پر تشدد کرنے والے شخص کو ٹریس کر کے گرفتار کرلیا گیا۔

ملزم خاتون کا کزن ہے اور اس کو طلاق دلوا کر شادی کرنا چاہتا تھا۔ شادی سے انکار پر تشدد کیا۔ کزن اور اس کے خاوند کی خفیہ ویڈیو بھی بنائی اور وائرل کردی ۔ ملزم کے خلاف خاتون کی مدعیت میں مقدمہ بھی درج کر لیا گیا۔

راولپنڈی میں سوشل میڈیا پر خاتون کی ویڈیو وائرل ہوئی جس میں خاتون خدا کا واسطہ دیکر دُہائی دیتے سنی جاسکتی ہے کہ جیسے کہو گے ویسے ہی رہوں گی ۔ ویڈیو منظر عام پر آنے پر سی پی او راولپنڈی نے نوٹس لیا اور پولیس حکام کو تحقیقات کرکے قانونی کارروائی کا حکم دیا۔

پولیس ترجمان کے مطابق ایئرپورٹ پولیس نے ملزم حماد شاہ کو ٹریس کر کے گرفتارکرلیاجبکہ متاثرہ خاتون نے پولیس کو مقدمہ درج کراتے ہوئے دعویٰ کیا کہ ملزم اسکا (کزن)ہے اور واقعے کے روز 15 جون کو جب میرے خاوند بھی گھر تھے۔ ملزم زبردستی گھر میں گھس آیا اور خاوند کو میرے خلاف بھڑکایا کہ وہ مجھے طلاق دے کیونکہ وہ طلاق دلوا کر مجھ سے شادی کرنا چاہتا تھا ۔ انکار پر تھپڑ مارے اور تشدد کیا ۔

ملزم نے خفیہ طور پر میری اور میرے خاوند کی ویڈیو بھی بنائی جو بعد میں خاوند کو بھی بھجوائی اور سوشل میڈیا پر بھی وائرل کردی جس پر ائیرپورٹ پولیس نے مقدمہ درج کیا ۔

ایس پی پوٹھوہار تصور اقبال کا کہنا تھا کہ خواتین پر تشدد کسی صورت قابل برداشت نہیں،ملزم کو ٹھوس شواہد کے ساتھ چالان کرکے قرار واقعی سزا دلوائی جائے گی۔

اسلام آباد: وفاقی وزیر اور نیشنل کمانڈ اینڈ آپریشن سینٹر (این سی او سی) کے سربراہ اسد عمر نے کورونا کی چوتھی لہر شروع ہونے سے متعلق خبردار کرتے ہوئے ایس او پیز پر عمل نہ ہونے کی صورت میں شادی ہالز اور ریسٹورینٹس بند کرنے کا عندیہ دے دیا۔

ٹوئٹر پر جاری بیان میں اسد عمر نے کہا کہ 2 ہفتے پہلے بتایا تھا کہ آرٹیفیشل انٹیلی جنس کورونا کی چوتھی لہر کے امکانات ظاہر کررہی ہے، چوتھی لہر سے متعلق 2 ہفتے پہلے ہی خبردار کردیا تھا، اب کورونا کی چوتھی لہر شروع ہونے کی علامات ظاہر ہونا شروع ہوگئی ہیں۔

انہوں نے کہا کہ شادی ہالز اور ریسٹورینٹس میں ویکسی نیشن سرٹیفکیٹ سے متعلق ایس اوپی پر عمل نہیں ہورہا، ایس اوپیز پرعمل نا ہوا تو شادی ہالز اور انڈور ڈائیننگ بند کردیں گے۔

اسد عمر کا کہنا تھا کہ ہوٹل اور جم مالکان نے ذمہ داری نا دکھائی تویہ سہولت بند کرنے کے سوا کوئی راستہ نا ہوگا۔

واضح رہےکہ پاکستان میں کورونا کیسز میں مسلسل اضافہ دیکھنے میں آرہا ہےکہ اور گزشتہ 24 گھنٹوں کے دوران ملک بھر میں مثبت کیسز کی شرح 3.65 فیصد ریکارڈ کی گئی ہے۔

وفاقی وزیر تعلیم شفقت محمود نے کہا ہے کہ جو طلبہ مزید وقت مانگ رہے ہیں، وہ ضمنی امتحان میں شرکت کر سکتے ہیں۔

سماجی رابطوں کی ویب سائٹ ٹویٹر جاری اپنے بیان میں شفقت محمود کا کہنا تھا کہ امتحان کیوں ملتوی کیے جائیں؟ جو طلبہ پڑھ رہے ہیں ان کو کیوں سزا دی جائے؟

شفقت محمود نے سیاسی مخالفین کو تنقید کا نشانہ بناتے ہوئے کہا کہ مسلم لیگ (ن) سستی مقبولیت کے لئے طلبہ کے ساتھ سیاست کھیل رہی ہے۔ احسن اقبال اور سعد رفیق جیسے لوگ جانتے ہیں کہ بلوچستان اور سندھ میں امتحانات پہلے ہی ہو چکے ہیں۔

انہوں نے واضح کیا کہ پچھلے امتحانات کی بنیاد پر طلبہ کو ترقی نہیں دی جا سکتی کیونکہ پچھلے سال امتحانات نہیں ہوئے۔ سعد رفیق اور احسن اقبال کو معلوم ہونا چاہیے کہ امتحانات طلبہ کی اہلیت جاننے کا پیمانہ ہیں۔

وفاقی وزیر تعلیم نے اپنی ٹویٹس میں لکھا کہ بارہویں کلاس اہم ہے، کیوں کہ اس کے بعد طلبہ نے یونیورسٹیوں اور پروفیشنل کالجوں میں جانا ہوتا ہے۔

صوبہ پنجاب کے ضلع اوکاڑہ کے علاقے کوٹ باری میں پولیس مقابلہ کے دوران ڈاکوؤں کی فائرنگ سے ایک پولیس اہلکارشہید ہو گیا ہے جبکہ دو ڈاکو بھی ہلاک ہو گئے۔

ڈسٹرکٹ پولیس آفیسر (ڈی پی او) اوکاڑہ فیصل شہزاد کے مطابق ڈاکو راہ گیروں کو لوٹ رہے تھے کہ پولیس موقع پر پہنچی گئی جس پے ڈاکوؤں نے فائرنگ کر دی۔

ڈی پی او نے بتایا کہ ڈاکوؤں کی فائرنگ سے ایلیٹ فورس کا اہلکاراسد جمیل شہید ہو گیا جبکہ 2 ڈاکو بھی اپنے ساتھیوں کی فائرنگ سے مارے گئے۔

ڈی پی او کے مطابق شہید کانسٹیبل اورڈاکوؤں کی لاشیں اسپتال منتقل کردی گئی ہیں جبکہ فرار ڈاکوؤں کی گرفتاری کیلئے چھاپے مارے جا رہے ہیں۔

انسداد کورونا کے ادارے نیشنل کمانڈ اینڈ آپریشن سینٹر (این سی او سی) نے یکم اگست سے اندرون ملک ویکسینیشن سرٹیفکیٹ کے بغیر فضائی سفر پر پابندی عائد کردی۔

این سی او سی اعلامیے کے مطابق ڈیلٹا وائرس درحقیقت انڈین وائرس ہے جو انتہائی خطرناک ہے، ملک میں ڈیلٹا وائرس کے کیسز سامنےآنے لگے ہیں جو کوروناکی چوتھی لہربھی ہوسکتی ہے۔

این سی او سی کا کہنا ہے کہ ڈیلٹا وائرس اورپاکستان میں موجوددیگروائرس سےمتعلق حکمت عملی ترتیب دے دی۔

این سی او سی نے خبردار کیا کہ ڈیلٹا وائرس پرقابو پانےکیلئے احتیاطی تدابیراختیارنہ کیں توخطرناک نتائج کاسامناکرناپڑسکتاہے، ڈیلٹاوائرس کی وجہ سے بھارت نے لاکھوں اموات کا سامنا کیا اور بھارت میں اسپتالوں میں آکسیجن کی کمی سےعوام اذیتیں جھیلتے رہے۔

این سی او سی کے مطابق ایس اوپیزپرعمل درآمداورویکسین لگوانےکی رفتارکو تیز کرنے پر زور دیا گیا ہے جبکہ ایس او پیز کا شدت سے نفاذ 9 سے 18 جولائی تک یقینی بنایا جائے گا، اس کے علاوہ عید پرغیرضروری نقل وحرکت محدودرکھنے کیلئے مختلف تجاویز زیر غورہیں اور ان تجاویز پر عملدرآمد کا فیصلہ کورونا کاپھیلاؤ مدنظر رکھ کرکیا جائے گا۔

نیشنل کمانڈ اینڈ آپریش سینٹر کے اعلامیے میں کہا گیا ہے کہ بڑھتی ہوئی وبا کے پیش نظر سیر و سیاحت پر پابندی کا بھی امکان ہے۔

این سی او سی نے ہدایت کی کہ پرائیویٹ،کارپوریٹ سیکٹر، چھوٹی، درمیانی اور بڑی انڈسٹری جبکہ زراعت، میڈیا، وکلا، فیکٹری مزدور، مارکیٹ میں کام کرنے والوں کو 31 جولائی سے قبل ویکسین لگوائی جائے۔

این سی اوسی کے مطابق یکم اگست سے ویکسینیشن سرٹیفکیٹ کے بغیر فضائی سفر پر پابندی عائد کردی گئی ہے جبکہ سیاحتی مقامات پرجانے والے 30 سال یا زائد عمر کے افراد پر بغیرویکسینیشن سرٹیفیکٹ کے پابندی لگادی گئی ہے۔

این سی او سی اعلامیے میں کہا گیا ہے کہ بغیرویکسینیشن سرٹیفیکٹ کےہوٹل بکنگ پر بھی پابندی ہوگی اور یکم اگست سے پابندی کا اطلاق18 سے 30 سال تک کے افراد پر بھی ہو گا جبکہ اس حوالے سے تمام متعلقہ اداروں کو ہدایات جاری کر دی گئی ہیں۔

اسلام آباد: عدالت نے لڑکا لڑکی تشدد کیس میں عثمان مرزا سمیت دیگر ملزمان کا مزید 4 روزہ جسمانی ریمانڈ منظور کرلیا۔

ڈسٹرکٹ اینڈ سیشن کورٹ اسلام آباد میں ای الیون کے علاقے میں لڑکے لڑکی کو برہنہ کرکے تشدد کرنے سے متعلق کیس کی سماعت ہوئی۔

مرکزی ملزم عثمان مرزا اور دیگر ملزمان کا دو روزہ جسمانی ریمانڈ مکمل ہونے پر پولیس نے انہیں جوڈیشل مجسٹریٹ وقار گوندل کی عدالت میں پیش کیا۔

پولیس نے ملزمان کے مزید جسمانی ریمانڈ کی استدعا کرتے ہوئے کہا کہ ملزمان کے قبضے سے واردات میں استعمال ہونے والے موبائل فونز برآمد کرنے ہیں۔ ادھر ملزمان کے وکیل نے جسمانی ریمانڈ کی مخالفت کرتے ہوئے عدالت سے جوڈیشل کرنے کی استدعا کی۔

عدالت نے عثمان مرزا سمیت تین ملزمان کا چار روزہ جسمانی ریمانڈ منظور کرتے ہوئے انہیں مزید چار روز کے لیے پولیس کے حوالے کردیا۔ جوڈیشل مجسٹریٹ نے ہدایت کی کہ چار روزہ جسمانی ریمانڈ کے دوران پولیس تفتیش مکمل کرے۔

واضح رہے کہ ملزمان کی تشدد کی ویڈیو وائرل ہوئی تھی جس پر پولیس نے انہیں گرفتار کیا تھا۔ واقعے میں اب تک چار ملزمان گرفتار ہو چکے ہیں۔ وزیراعظم عمران خان نے بھی گزشتہ روز واقعے کا نوٹس لیاتھا۔ تفتیشی آفیسر شفقت محمود ریکارڈ کے ساتھ عدالت کے سامنے پیش ہوئے۔ ملزمان کے وکیل نے کہا کہ اس کے موکل پراپرٹی ڈیلر ہیں اور وقوعہ چھ ماہ پرانا ہے۔

وزیر اعظم عمران خان نے کہا ہے کہ ہمیں خطرہ ہے کہ کورونا وائرس کی چوتھی لہر آنے والی ہے لہٰذا کیسز میں اضافے کے پیش نظر میں پاکستان کے عوام سے اپیل کرتا ہوں کہ وہ ماسک پہنیں تاکہ ہم اس وائرس کی چوتھی لہر سے ملک کو بچا سکیں گے۔

ملک میں کورونا کی صوررتحال پر اظہار خیال کرتے ہوئے وزیر اعظم نے کہا کہ سب سے بڑا مسئلہ وائرس کی بھارتی قسم بنی ہوئی ہے، یہ وہ وائرس ہے جو بھارت سے مختلف شکل اختیار کر کے دنیا بھر میں پھیل رہاہے، اس وقت بنگلہ دیش میں بہت برے حالات ہیں، وہاں گئی ہے، ہندوستان میں ہم سب کو معلوم ہے کہ اس نے کتنی تباہی مچائی ہے۔

ان کا کہناتھا کہ یہ وائرس کی یہ طرز اب افغانستان پہنچ گئی ہے،افغانستان کے ہسپتالوں میں آکسیجن کی کمی ہو گئی ہے اورایک موقع پر ہندوستان کو بھی یہی صورتحال درپیش تھی۔

انہوں نے کہا کہ اب یہ وبا انڈونیشیا پہنچ گئی ہے اور وہاں بھی صورتحال خراب ہے اور آکسیجن کی کمی سمیت دیگر مسائل کا سامنا ہے جبکہ روزانہ بڑی تعداد میں لوگ اس وائرس سے مررہے ہیں۔

عمران خان نے کہا کہ اب تک اللہ نے ہم پر خاص کرم کیا ہے، انسان جتنی مرضی کوشش کرے، آخر میں اوپر والا کوشش کرتا ہے کہ آپ کی وہ کوشش کامیاب ہو گی یا نہیں، اللہ نے ہمیں اب تک بہت کامیابی دی ہے۔

انہوں نے کاہ کہ اکانومسٹ کی سروے کے مطابق پاکستان تیسرے نمبر پر وہ ملک ہے جس نے سب سے بہتر طریقے سے اپنے ملک کو بچایا ہے اور اس میں ہماری محنت کے ساتھ ساتھ قوم کا بھی بہت بڑا ہاتھ ہے کہ ہم اتنے برے حالات سے بچ گئے۔

انہوں نے کہا کہ اب یہ وبا انڈونیشیا پہنچ گئی ہے اور وہاں بھی صورتحال خراب ہے اور آکسیجن کی کمی سمیت دیگر مسائل کا سامنا ہے جبکہ روزانہ بڑی تعداد میں لوگ اس وائرس سے مررہے ہیں۔

عمران خان نے کہا کہ اب تک اللہ نے ہم پر خاص کرم کیا ہے، انسان جتنی مرضی کوشش کرے، آخر میں اوپر والا کوشش کرتا ہے کہ آپ کی وہ کوشش کامیاب ہو گی یا نہیں، اللہ نے ہمیں اب تک بہت کامیابی دی ہے۔

انہوں نے کاہ کہ اکانومسٹ کی سروے کے مطابق پاکستان تیسرے نمبر پر وہ ملک ہے جس نے سب سے بہتر طریقے سے اپنے ملک کو بچایا ہے اور اس میں ہماری محنت کے ساتھ ساتھ قوم کا بھی بہت بڑا ہاتھ ہے کہ ہم اتنے برے حالات سے بچ گئے۔

ان کا کہنا تھا کہ ساری مسلم دنیا میں پاکستان واحد ملک ہے جہاں لگاتار دو سال رمضان المبارک میں اس وبا کے باوجود تمام مساجد کھلی رہیں، باقی مسلمان ملکوں میں انہوں نے مساجد بند کردی تھیں، آج اگر ہم یہاں پہنچے ہیں تو ہمارے نیشنل کمانڈ اینڈ آپریشن سینٹر کی بڑی محنت اور مانیٹرنگ تھی اور انہوں نے پہلے سے چیزیں پرکھ کر ہمیں بتایا لیکن ساتھ ساتھ عوام بھی حکومت کے ساتھ کھڑے ہوئے اور اسی وجہ سے آج ہم اپنے اردگرد کی دنیا سے بہتر ہیں۔

وزیر اعظم نے ہمارے کیسز نیچے آتے آتے اب پھر اوپر جانا شروع ہو گئے ہیں اور اوپر اس لیے جا رہے ہیں کیونکہ ہمیں خطرہ ہے کہ وائرس کی بھارتی قسم پاکستان میں بھی آنی شروع ہو گئی ہے۔

ان کا کہنا تھا کہ مجھے معلوم ہے کہ پاکستان سمیت دنیا بھر میں لوگ ایس او پیز پر عمل کر کے تھک چکے ہیں لیکن ہمیں خطرہ ہے کہ وائرس کی چوتھی لہر آنے والی ہے لہٰذا کیسز میں اضافے کے پیش نظر میں پاکستان کے عوام سے اپیل کرتا ہوں کہ ماسک کی احتیاط کر لیں تو ہم اس وائرس کی چوتھی لہر سے ملک کو بچا سکیں گے۔

انہوں نے کہا کہ بند کمروں، شادیوں، ریسٹورنٹ وغیرہ میں وائرس پھیلنے کا خطرہ زیادہ ہے، اگر آپ پارک میں پھر رہے ہیں اور آپ کے درمیان فاصلہ ہے تو پھر آپ ماسک سے بچ سکتے ہیں لیکن بسوں وغیرہ میں ماسک پہن کر احتیاط کریں، یہ ماسک پہننا کوئی مسکل کام نہیں ہے لیکن ہم اس سے ہم اپنے ملک اور معیشت کو بچا سکیں گے جو اب تک ہم کرنے میں کامیاب رہے ہیں۔

عمران خان نے کہا کہ ساری دنیا میں اس وائرس کی وجہ سے غربت پھیل گئی ہے، غریب کچلا گیا ہے، صرف اس لیے کہ جب آپ لاک ڈاؤن لگاتے ہیں تو سب سے بڑا نقصان کمزور اور غریب طبقے کو ہوتا ہے، اس لیے اپنی قوم، اپنے بزرگوں اور معیشت کی خاطر عید کے موقع پر احتیاط کریں اور ماسک پہنیں۔

انہوں نے کہا کہ پچھلے سال کی طرح اس سال بھی قربانی سوچ سمجھ کر شہر سے باہر کرنی ہے تاکہ اس کی وجہ سے بھی نہ پھیلے اور عید پر بھی پوری کوشش ہے کہ ماسک پہنے رکھیں اور احتیاط کریں۔

وزیراعظم نے انتظامیہ کو خراج تحسین پیش کرتے ہوئے کہا کہ ہم نے آپ پر بہت دباؤ ڈالا ہے کہ آپ لوگوں سے احتیاط کرائیں اور ہم آپ کا مزید امتحان لیتے ہوئے چاہتے ہیں کہ عید کے دوران آپ دیکھیں عوام ماسک پہنیں اور اگر ہم نے صحیح معنوں میں کر لیا تو ہم اپنے کو بچا لیں گے۔

انہوں نے کہا کہ اگر وائرس کی چوتھی لہر آ گئی اور کیسز تیزی سے اوپر جانے لگے تو پھر ہمیں لاک ڈاؤن کرنے پڑیں گے، ریسٹورنٹ بند کرنے پڑیں گے، شادی ہال بند کرنے پڑیں گے، لوگوں کے روزگار متاثر ہوں گے۔

معروف عالم دین مفتی تقی عثمانی کے پیچھے آنے والے مشکوک شخص کو گارڈز نے پکڑ لیا۔

ایس ایس پی کورنگی شاہ جہاں کا کہنا ہے مفتی تقی عثمانی پر حملہ نہیں ہوا، دارالعلوم کورنگی میں فجر کی نماز کے بعد نامعلوم شخص نے مفتی صاحب سے ملاقات کی اجازت مانگی، محافظوں نے تلاشی لی تو اس کی جیب سے چاقو برآمد ہوا۔

ایس ایس پی کورنگی کا کہنا ہے کہ زیر حراست شخص نے بتایا کہ وہ گھریلو جھگڑے سے پریشان تھا اور دعا کروانے آیا تھا، گرفتار شخص سے مزید تفتیش بھی کی جا رہی ہے۔