Category پاکستان

اسلام آباد: چینی وزیر خارجہ چن گانگ اپنے عہدے کا چارج سنبھالنے کے بعد 5 مئی کو پاکستان کا پہلا دورہ کریں گے۔ذرائع کے مطابق چینی وزیر خارجہ چن گانگ 5 مئی کو اسلام آباد پہنچیں گے، چینی وزیر خارجہ گوا کانفرنس کے فوراً بعد اسلام آباد پہنچیں گے جس کے بعد پاکستان اور چین کے درمیان 6 مئی کو سٹرٹیجک مذاکرات ہوں گے،دونوں ممالک کا 6 مئی کو افغانستان کے ساتھ سہ فریقی مذاکرات کا بھی امکان ہے، وزرائے خارجہ کے موجودہ میکنزم کا سہ فریقی اجلاس اسلام آباد میں ہوگا، اس حوالے سے افغانستان کے عبوری وزیر خارجہ کی 6 مئی کو اسلام آباد آمد متوقع ہے۔

اسلام آباد: چینی وزیر خارجہ چن گانگ اپنے عہدے کا چارج سنبھالنے کے بعد 5 مئی کو پاکستان کا پہلا دورہ کریں گے۔ذرائع کے مطابق چینی وزیر خارجہ چن گانگ 5 مئی کو اسلام آباد پہنچیں گے، چینی وزیر خارجہ گوا کانفرنس کے فوراً بعد اسلام آباد پہنچیں گے جس کے بعد پاکستان اور چین کے درمیان 6 مئی کو سٹرٹیجک مذاکرات ہوں گے،دونوں ممالک کا 6 مئی کو افغانستان کے ساتھ سہ فریقی مذاکرات کا بھی امکان ہے، وزرائے خارجہ کے موجودہ میکنزم کا سہ فریقی اجلاس اسلام آباد میں ہوگا، اس حوالے سے افغانستان کے عبوری وزیر خارجہ کی 6 مئی کو اسلام آباد آمد متوقع ہے۔

لاہور: (ایمرا نیوز) سیکرٹری جنرل پاکستان تحریک انصاف اسد عمر نے بیرون ملک دولت رکھنے کے الزام پر امیر جماعت اسلامی سراج الحق کو قانونی نوٹس بھجوا دیا۔

رہنما تحریک انصاف اسد عمر نے کہا ہے کہ میری قانونی ٹیم نے سراج الحق کو الزام عائد کرنے پر قانونی نوٹس بھجوا دیا ہے، سراج الحق الزام پر فوری معافی مانگیں، سراج الحق اپنے الزام پر کھلے عام معافی مانگیں گے یا انہیں قانونی کارروائی کا سامنا کرنا ہوگا۔

اسد عمر کا مزید کہنا تھا کہ سراج الحق قوم کو یہ بھی بتائیں کہ انہیں یہ غلط معلومات کس نے فراہم کیں۔ 

فیصل آباد:سرکاری مزدورملازمین کی تنظیم ایپکا نے مزدوروں کے عالمی دن پر وفاقی وزیرمحنت سے مطالبہ کیاہے کہ تمام ملازمین کو اپ گریڈ ایشن کی جائے، سالوں سے منتظر PM پیکیج اورو TLA ملازمین کو مستقل کیا جائے تاکہ ان ملازمین کا مستقبل محفوظ ہوسکے،وہ ملازمین جو مدت ملازمت پوری کرنے کے بعد ریٹائرڈ ہونے ہونے کے بعدفوت ہوگئے ہیںان ریٹائرڈ ملازمین اور بیوائوں کوابھی تک ان کے واجبات کی ادائیگی ممکن نہیں ہوسکی ان تمام ملازمین کے واجبات فوراً ادا کیے جائیںمحنت کش طبقہ مہنگائی میں پس رہا ہے، سرمایہ دارانہ نظام مزدور طبقہ کا استحصال کررہا ہے، محنت کشوں کی محنت کا پورا معاوضہ ادا نہیں کیا جاتا۔انہوں نے کہا کہ محنت کشوں کے مسائل کو ترجیحی بنیادوں پر حل کیا جائے۔ پاکستان کے تمام ملازمین بالحصوص کلاس فور کیٹیگری کو خراج تحسین پیش کرتا ہوں جو دن رات اپنی محنت سے پاکستان کی ترقی اور پاکستان کی خوشخالی کے لیے لگن اور محنت سے اپنا کردار ادا کر رہے ہیں ۔سرکاری مزدورملازمین کی تنظیم ایپکاکے ڈویژنل صدر چوہدری شہباز احمد چٹھہ ،جنرل سیکرٹری محسن رندھاوا نے اوردیگرعہدیداران نے کہا کہ مزدورملازمین کے بند TA بحال کیے جائیں ۔ انہوں نے کہکاہ آج کے دن ہم یہ عہد کرلیں کہ محنت اور لگن سے پاکستان کی ترقی اور خوشحالی میں اپنا کردار ادا کریں گے اپنے ماتحت اسٹاف سے اچھا سلوک رکھے اور ان کے حقوق کا بھرپور خیال رکھیں۔انہوں نے کہاکہ جب تک ظلم و جبر کا یہ استحصالی نظام مسلط ہے، ملک ترقی نہیں کر سکتا۔ مزدور سالانہ بیس ارب ڈالر کا زر مبادلہ کما کر پاکستان بھیجتے ہیں لیکن ان کی فیملیز اور ان کو وہ حقوق حاصل نہیں ہیں جو ان کو ملنے چاہیے۔ حکمرانوں نے ان مزدوروں کو حالات کے رحم و کرم پر چھوڑ دیا۔ مزدور کے بچوں کے لیے تعلیم کا کوئی انتظام ہے نہ اسے علاج کی سہولت ملتی ہے،حکمران اپنا علاج بیرون ملک کراتے ہیں اس لیے انہیں تباہ حال اسپتالوں سے کوئی سروکار نہیں۔ انہوں نے کہاکہ نبی مہربانؐ مزدوروں سے بہت محبت کرتے تھے، انہوں نے غزوہ خندق کے موقع پر خندق کھودنے میں مزدوروں کی طرح کام کیا،اسی لیے ہم سمجھتے ہیں کہ مزدوروں کے ساتھ اظہار یکجہتی کا اصل دن غزوہ خندق کا دن ہے۔ انہوں نے کہا کہ گوادر کے ہزاروں ماہی گیروں کو درپیش مشکلات کی طرف آتا ہوں۔ پاک چائنا اقتصادی راہداری بلا شبہ گیم چینجر اور خطے کی معاشی ترقی کیلیے ایک انقلابی منصوبہ ہے جس سے علاقے کی تقدیر بدل جائے گی،لیکن کیا تقدیر ہمیشہ سرداروں،جاگیر داروں اور سرمایہ داروں کی ہی بدلتی رہے گی یا اس کا کوئی فائدہ غریب مزدور کو بھی پہنچے گا۔ضرورت تو اس بات کی ہے کہ کھانا سب سے پہلے ان لوگوں کو ملے جو بھوک سے نڈھال ہیں لیکن یہاں سب سے پہلے کھانے پر وہ ٹوٹ پڑتے ہیں جن کی پہلے ہی توندیں نکلی ہوئی ہیں۔

لاہور :لیسکو سینٹرل سرکل کی ٹیم نے کارروائی کرتے ہوئے ڈریم ہاؤسنگ سوسائٹی کا بجلی کا کنکشن منقطع کر دیا ہے، بتایا گیا ہے کہ ڈریم ہاؤسنگ سوسائٹی رائیونڈ کا عارضی کنکشنز مقررہ تاریخ مکمل ہونے پر منقطع کیا گیا ہے۔کنکشن منقطع ہونے سے سوسائٹی میں دو روز سے بجلی کی فراہمی معطل ہے جبکہ بجلی کی عدم دستیابی کے باعث مکینوں کو شدید مشکلات کا سامناکرنا پڑ رہا ہے۔ ایس ڈی او جیا بگا سب ڈویژن کا کہنا ہے کہ ڈریم ہاؤسنگ سوسائٹی منظور شدہ لوڈ سے زائد بجلی استعمال کر رہی تھی جبکہ سوسائٹی نے عارضی کنکشن میں توسیع نہیں لی جس کے باعث بجلی کا کنکشن منقطع کرنا پڑا۔

لاہور: پاکستان مسلم لیگ ن کے رہنما اور وزیر اعظم کے معاون خصوصی عطا تارڑ نے کہا ہے کہ پاکستان تحریک انصاف کے ٹکٹ فروخت کیے گئے اور زیادہ بولی لگانے والوں کو دیئے گئے۔

عطا تارڑ کا کہنا تھا کہ تمام پیسے زمان پارک میں رکھے ہوئےغلے میں جمع کیے جا رہے ہیں، انہوں نے کہا کہ ثاقب نیازی گٹھ جوڑ، نیب نیازی گٹھ جوڑ سے زیادہ خطرناک ہے۔

ن لیگی رہنما نے کہا کہ نواز شریف کو پاناما نہیں اقامہ پر نکالا گیا، نواز شریف کو نااہل کر کے ملکی معیشت کا بیڑہ غرق کیا گیا۔

اسلام آباد: وزیر اعظم شہباز شریف سے سے چیئرمین بلوچستان نیشنل پارٹی سردار اختر مینگل نے وزیر اعظم ہاؤس میں ملاقات کی۔

ملاقات کے دوران سردار اختر مینگل نے وزیر اعظم شہباز شریف پر بلوچستان کے عوام اور منتخب نمائندوں کی جانب سے ملکی بقاء اور بلوچستان کی ترقی کیلئے اقدامات پر مکمل اعتماد کا اظہار کیا۔

اس موقع پر وزیر اعظم محمد شہباز شریف نے کہا کہ پاکستان کی ترقی بلوچستان کی ترقی سے مشروط ہے، باصلاحیت بلوچ نوجوان پاکستان کا قیمتی اثاثہ ہیں جن کی ترقی حکومت کی اولین ترجیح ہے۔

لاہور: پاکستان تحریک انصاف کے رہنما فرخ حبیب کو بیرون ملک جانے سے روکنے کی وجہ سامنے آگئی۔

بتایا گیا ہے کہ پی ٹی آئی رہنما فرخ حبیب کو سی سی پی او لاہور کے مراسلے کی وجہ سے بیرون ملک جانے سے روکا گیا، جس میں کہا گیا کہ فرخ حبیب تھانہ ریس کورس اور تھانہ شادمان کے 2 مقدمات میں نامزد ہیں۔

فرخ حبیب پر دہشت گردی سمیت سنگین دفعات کے مقدمات درج ہیں، سی سی پی او لاہور نے مراسلہ میں فرخ حبیب کی بیرون ملک فراری کا اندیشہ ظاہر کیا تھا۔

سی سی پی او لاہور نے 28 اپریل کو ڈی جی ایف آئی اے کو سٹاپ لسٹ میں ڈالنے کا مراسلہ بھجوایا تھا، مراسلے کی وجہ سے فرخ حبیب کو ایف آئی اے نے بیرون ملک جانے سے روکا۔

راولپنڈی:ضلع خیبر کے علاقے تیرہ میں شہید ہونے والے سپاہی باسط اور وقاص کی نمازجنازہ ادا، شہداء پورے فوجی اعزاز کیساتھ آبائی علاقوں میں سپرد خاک کر دیا گیا۔آئی ایس پی آر کے مطابق سکیورٹی فورسز اور دہشت گردوں کے درمیان ضلع خیبر کے علاقے تیرہ میں فائرنگ کے تبادلے کے دوران جام شہادت نوش کرنے والے پشاور کے 24 سالہ سپاہی باسط علی شہید اور چارسدہ کے 26 سالہ سپاہی وقاص علی شاہ شہید کی نماز جنازہ ادا کردی گئی، شہداء کو ان کے اپنے آبائی علاقوں میں پورے فوجی اعزاز کے ساتھ سپرد خاک کر دیا گیا، نماز جنازہ میں حاضر سروس اور ریٹائرڈ فوجی و سول افسران، عزیز و اقارب اور تمام شعبہ ہائے زندگی سے تعلق رکھنے والے افراد نے بڑی تعداد میں شرکت کی، ترجمان کے مطابق مسلح افواج مادر وطن کے چپے چپے سے دہشت گردی کی لعنت کے خاتمے کے لئے پرعزم ہیں، جوانوں کی یہ قربانیاں دہشت گردی کی لعنت کو ختم کرنے کے ہمارے عزم کو مضبوط کرتی ہیں۔

جڑانوالہ:آل پاکستان ٹیکسٹائل ملز ایسوسی ایشنریجنل(اپپٹما)کے چیئرمین حافظ شیخ محمد اصغر قادری نے کہا ہے کہ سیاسی لڑائی نے سارے ملک کو اپنی لپیٹ میں لے رکھا ہے جسکی وجہ سے کوئی بھی اہم ادارہ محفوظ نہیں رہا۔ پورا ملک میدان جنگ بناہواہے اور دنیا میں جس کی الگ جگ ہنسائی الگ ہو رہی ہے ان حالات میں ملک میں معاشی اصلاحات کا ایجنڈہ پس پشت چلا گیاہے۔حالات کا بہتر ہونا اور معیشت کا چلنا ناممکن ہو چکاہے۔ آئی ایم ایف کے مطابق پاکستان کی شرح نمو اس سال صرف آدھا فیصد رہنے کا امکان ہے اگرسیاسی کشمکش جاری رہی تو عوام کی مشکلات میں مزید اضافہ ہو جائے گا۔ بے روزگاری اور مہنگائی نت نئی حدوں کو عبو ر کر رہی ہے۔پنجاب اور کے پی میںقبل از وقت الیکشن ہونے یا نہ ہونے کی سیاسی جنگ کے ساتھ حکومت اپوزیشن اور عدلیہ کے مابین قانونی جنگ بھی شروع ہو گئی جس نے عوام کو پریشان اور کاروبار و صنعت کاروں کو خوفزدہ کر رکھا ہے۔سیاسی معاملات کو غیر سیاسی انداز میں حل کرنے کے رجحان نے اہم عہدیداروں اور اہم اداروں کے مابین خلیج کی لکیر کھینچ دی ہے جس سے جمہوریت مسلسل کمزور ہو رہی ہے اور سارے نظام کی ساکھ دائو پر لگی ہوئی ہے۔ انہوں نے کہا کہ یہ بدقسمتی ہے کہ ملک میں بجلی‘ گیس‘ پانی کی لوڈشیڈنگ مسلسل جاری ہے جبکہ مہنگی بجلی‘ گیس اور پٹرولیم مصنوعات نے عوام کی کمر توڑ مروڑ کر رکھ دی ہے