Category پاکستان

لاہور کی احتساب عدالت نے مسلم لیگ (ق) کے سربراہ چوہدری شجاعت حسین، چوہدری پرویز الہٰی اور ان کے خاندان کے خلاف آمدن سے زائد اثاثوں اور منی لانڈرنگ انکوائری بند کرنے کا ریفرنس منظور کر لیا۔

احتساب عدالت نے نیب انکوائری بند کرنے کے حوالے سے محفوظ فیصلہ سناتے ہوئے نیب کی انکوائری بند کرنے کہ استدعا منظور کر لی۔

نیب نے چوہدری برادران کے خلاف انکوائریاں بند کرانے کے لیے احتساب عدالت سے رجوع کیا تھا اور ریکارڈ اور تفتیشی رپورٹ عدالت میں جمع کروائی گئی تھی۔

عدالت نے غیر قانونی بھرتیوں کے ریفرنس میں 6 مئی کو نیب کے تفتیشی کو طلب کر لیا۔

نیب لاہور نے چوہدری شجاعت حسین، چوہدری سالک حسین، چوہدری شافع حسین کے خلاف انکوائری بند کرنے کے لیے احتساب عدالت سے رجوع کیا تھا۔

نیب نے چوہدری پرویز الہٰی اور ان کی اہلیہ، مونس الہٰی، راسخ الہٰی اور مزید 2 خواتین کے خلاف بھی انکوائری بند کرنے کا ریفرنس دائر کیا تھا۔

نیب پراسیکیوٹر اسد اللہ اعوان نے کہا کہ نیب چوہدری شجاعت حسین اور ان کے صاحبزادوں کے خلاف آمدن سے زائد اثاثہ جات انکوائری کر رہا تھا۔

انہوں نے کہا کہ چوہدری برادران کے خلاف تین مختلف انکوائریاں نیب میں زیر التوا تھیں دوران تفتیش چوہدری شجاعت حسین اور ان کے صاحبزادوں کے خلاف آمدن سے زائد اثاثہ جات بنانے کے شواہد موصول نہیں ہوئے۔

انہوں نے کہا کہ چوہدری شجاعت حسین پر بطور وفاقی وزیر آمدن سے زائد اثاثہ جات بنانے کا الزام تھا جبکہ چوہدری پرویز الٰہی پر بطور اسپیکر پنجاب اسمبلی آمدن سے زائد اثاثہ جات بنانے کا الزام تھا۔

نیب پراسیکیوٹر کے مطابق اس کے علاوہ چوہدری پرویز الہٰی پر بطور لوکل گورنمنٹ وزیر غیر قانونی تعیناتیوں کا الزام بھی تھا۔

خیال رہے کہ 6 مئی 2020 کو چوہدری برادران نے قومی احتساب بیورو کے چیئرمین کے اختیارات کے غلط استعمال اور اپنے خلاف 20 سالہ پرانی 3 تحقیقات کو عدالت عالیہ میں چیلنج کیا تھا۔

لاہور ہائی کورٹ میں وکیل امجد پرویز کے توسط سے دائر 3 ایک جیسی درخواستوں میں مسلم لیگ (ق) کے رہنماؤں نے مؤقف اپنایا تھا کہ سال 2000 میں مذکورہ بیورو کے چیئرمین نے قومی احتساب آرڈیننس 1999 کے تحت درخواست گزاروں کے خلاف اختیارات کے غلط استعمال، آمدن سے زائد اثاثے سے متعلق انکوائریوں کی منظوری دی۔

یاد رہے کہ چوہدری برادران کے خلاف 4 جنوری 2000 کو تفتیش شروع کی گئی تھی جبکہ جولائی 2015 میں نیب کی جانب سے سپریم کورٹ میں زیر التوا 179 مقدمات پیش کیے تھے جن میں ایک یہ مقدمہ بھی تھا۔

اس کے علاوہ چوہدری پرویز الہٰی اور چوہدری شجاعت حسین پر 2000 میں 28 پلاٹس کی غیر قانونی خریداری پر اس وقت کے ڈپٹی چیئرمین نیب میجر جنرل (ر) عثمان نے انکوائری کی منظوری دی تھی۔

تاہم کئی سال التوا کا شکار رہنے کے بعد 2017 میں دوبارہ انکوائری کا آغاز کیا گیا تھا جس کے بعد عدالت میں رپورٹ جمع کروائی گئی تھی، جس میں مؤقف اختیار کیا گیا کہ چوہدری پرویز الٰہی اور چوہدری شجاعت حسین کے خلاف کوئی بھی دستاویزی یا زبانی شواہد نہیں ملے۔

اس کے بعد لاہور کی احتساب عدالت نے دونوں کے خلاف نیب انکوائری بند کرنے کی منظوری دی تھی۔

اسلام آباد: کوروناوبا کے باعث آج 113 افراد جاں بحق ہوگئے جس کے بعد مجموعی اموات کی تعداد 18 ہزار 070 ہوگئی۔

نیشنل کمانڈ اینڈ آپریشن سینٹر کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 45 ہزار 275 کورونا ٹیسٹ کئے گئے، جس کے بعد مجموعی کووڈ 19 ٹیسٹس کی تعداد 11,882,14 ہوگئی ہے۔

کورونا کے مصدقہ مریضوں کی تعداد
گزشتہ 24 گھنٹوں کے دوران ملک بھر میں مزید 4 ہزار 414 مثبت کیسز رپورٹ ہوئے ہیں۔ اس طرح پاکستان میں کورونا کے مصدقہ مریضوں کی تعداد 829,933 ہوگئی ہے۔

سرکاری اعداد و شمار کے مطابق اب تک سندھ میں 2 لاکھ84 ہزار 738 ، پنجاب میں 3 لاکھ 04 ہزار 889، خیبر پختونخوا میں ایک لاکھ 19 ہزار 277، اسلام آباد میں 75 ہزار 892، بلوچستان میں 22 ہزار 528 ، آزاد کشمیر میں 17 ہزار 297 اور گلگت بلتستان میں 5 ہزار 312 افراد میں کورونا وائرس کی تشخیص ہوئی ہے۔

کورونا کے فعال مریضوں کی تعداد
سرکاری اعداد و شمار کے مطابق اس وقت ملک بھر میں کورونا کے فعال مریضوں کی تعداد89 ہزار 661 ہے۔ جب کہ 5 ہزار سے زائد مریضوں کی حالت تشویشناک ہے۔

کورونا سے جاں بحق ہونیوالے افراد کی تعداد
گزشتہ 24 گھنٹوں کے دوران ملک بھر میں کورونا سے مزید 113 افراد جاں بحق ہوگئے ہیں جس کے بعد اب اس وبا سے جاں بحق ہونے والے افراد کی تعداد مجموعی طور پر 18 ہزار 070 ہوگئی ہے۔

صحت یاب مریضوں کی تعداد
این سی او سی کے مطابق کورونا سے ایک دن میں 5 ہزار 193 مریض صحت یاب ہوئے جس کے بعد صحت یاب ہونے والے مریضوں کی تعداد 722,202 ہوگئی ہے۔

کورونا وائرس اوراحتیاطی تدابیر
کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔

کراچی: سندھ ہائیکورٹ نے فیصلہ دیا ہے کہ قانون میں کوئی ایس شق نہیں ملی جس کے تحت نیشنل ڈیٹا بیس اینڈ رجسٹریشن اتھارٹی (نادرا) کو کمپیوٹرائزڈ قومی شناختی کارڈز (این آئی سی) بلاک کرنے کی اجازت ہو۔

رپورٹ کے مطابق عدالت کا کہنا تھا کہ حالانکہ نادرا آرڈیننس کی دفعہ 18 کے تحت ایک علیحدہ طریقہ کار دیا گیا ہے لیکن عبوری اقدام جیسا کوئی اختیار قانون کے تحت دستیاب نہیں۔

عدالت نے کہا کہ جہاں تک نادرا آرڈیننس کی دفعہ 47 کی بات ہے یہ آرڈیننس کی کسی شق کے نفاذ میں آنے والی رکاوٹ دور کرنے سے متعلق ہے۔

عدالت نے مزید کہا کہ اس کا مطلب یہ نہیں کہ مبینہ مشکلات کے خاتمے کے لیے اس طرح کا کوئی نوٹیفکیشن جاری کیا جائے جس میں اصل قانون کی روح اور دائرہ کار سے آگے بھی ہدایات دی جاسکتی ہیں۔

عدالت کا مزید کہنا تھا کہ یہ قانون میں طے شدہ بات ہے کہ اس میں بنائے گئے قواعد و ضوابط کو اصل قانون سے بڑھ کر لاگو نہیں کیا جاسکتا اور قانون کے تحت اس قسم کے اضافے کو مشکلات ختم کرنے کی شق کی لپیٹ میں یا اس کی علامت کے تحت حاصل نہیں کیا جاسکتا۔

جسٹس محمد علی مظہر کی سربراہی میں عدالت عالیہ کے 2 رکنی بینچ نے سندھ ہائیکورٹ کے ایک سابق ملازم کی جانب سے اس کا اور اس کی اہلیہ کا شناختی کارڈ بلاک کرنے پر نادرا کے خلاف دائر درخواست نمٹاتے ہوئے یہ ریمارکس دیے۔

بینچ نے مزید کہا کہ وزارت داخلہ سے جاری کردہ نوٹیفکیشن میں بھی شناختی کارڈ بلاک کرنے کی ہدایات نہیں دی گئیں بلکہ انہوں نے بلاک کیے گئے این آئی سی سے متعلق میکانزم فراہم کیا تھا۔

عدالت نے کہا کہ ‘نادرا آرڈیننس 2000 کے لیے شناختی کارڈ بلاک کرنا اچھنبے کی بات ہے کیوں کہ اس سے متعلق کوئی دفعہ موجود نہیں’۔

بینچ نے کہا کہ آرڈیننس کی دفعہ 18 کے تحت شو کاز نوٹس جاری کیا جاسکتا ہے لیکن اس کے لیے بھی اس بات پر یقین کرنے کی کچھ وجوہات ہونی چاہئیں کہ جس نے شناختی کارڈ بنوایا وہ اس کا اہل نہیں تھا یا اس کا کارڈ جعلی تھا۔

دنیا بھر میں پھیلی عالمی وبا کورونا وائرس کے حوالے سے پاکستان کے نیشنل ڈیٹا بیس اینڈ رجسٹریشن اتھارٹی (نادرا) کے نظام میں ایک بڑی خرابی کا انکشاف سامنے آیا ہے۔

ذرائع کے مطابق نادرا سسٹم ڈبل ڈوز ویکسین لگوانے والوں کو ہی کورونا سرٹیفکیٹ جاری کر سکتا ہے، سنگل ڈوز کورونا ویکسین کے حامل افراد نادرا سے کورونا کا سرٹیفکیٹ حاصل نہیں کر پا رہے۔

ذرائع کا بتانا ہے کہ کورونا ویکسین ڈبل ڈوز میں بھی لگتی ہے اور سنگل ڈوز کی ویکسین بھی مارکیٹ میں دستیاب ہے، لیکن پاکستان میں صارفین کی اکثریت سنگل ڈوز ویکسین سائنو بائیو استعمال کر رہی ہے۔

حکومت کی جانب سے بھی عوام کو سنگل ڈوز ویکسین کا آغاز ہو چکا ہے تاہم نادرا حکام کا اس حوالے سے مؤقف ہے کہ ہمارے سسٹم میں ڈبل ڈوز والوں کو سرٹیفکیٹ اس لیے دیا جاتا ہے کہ سنگل ڈوز ابھی حکومت نے شروع نہیں کی۔

نادرا حکام کا کہنا ہے کہ ہمارا نظام حکومت کے ویکسین کے نظام سے جڑا ہوا ہے۔

لاہور: سول ایوی ایشن اتھارٹی نے کورونا کے پھیلاؤ کے باعث غیر ملکی پروازوں کی تعداد میں مزید کمی کر دی ہے۔

سول ایوی ایشن اتھارٹی کے مطابق مجموعی طور پرفلائٹ آپریشن 20 فیصد تک محدود کر دیا گیا ہے۔

ذرائع کا کہنا ہے کہ ہفتہ وار پاکستان میں آنے والی غیر ملکی پروازوں کی تعداد 590 سے کم کر کے 123کر دی گئی ہے جبکہ پروازوں میں کمی کا حکم نامہ 5 مئی سے 20 مئی تک نافذالعمل ہے۔

اسلام آباد: نیشنل کمانڈ اینڈ آپریشن سینٹر کی جانب سے یوم علی رضی اللہ تعالیٰ عنہہ ، اعتکاف، شب قدر کی مناسبت سے طاق راتوں میں اجتماعات اور جمعتہ الوداع کے لئے گائیڈ لائنز جاری کی گئی ہیں۔

این سی او سی کی جانب سے عوام کو ہدایت کی گئی ہے کہ یوم علی کرم اللہ وجہہ پر ایس او پیز پر مکمل عمل درآمد یقینی بنایاجائے، یوم علی کرم اللہ وجہہ پر کورونا علامات والے افراد کو مجالس میں شرکت کی اجازت نہ دی جائے، یوم علی کی مناسبت سے مجالس آن لائن ہوں یا پھر آؤٹ ڈور منعقد کی جائیں، علما اور ذاکرین کو کورونا منفی رپورٹ ہونے پر ہی خطاب کی اجازت دی جائے۔

گائیڈ لائنز میں کہا گیا ہے کہ کورونا علامات والے افراد مسجد کے بجائے گھر میں ہی اعتکاف کریں، معتکفین مسجد میں بستر سمیت دیگر سامان گھر سےلائیں اور مشترکہ سحر و افطار سے گریز کریں۔ جمعتہ الوداع کے لئے نمازی جائےنماز ساتھ لائیں اور وضو گھر سے کرکے آئیں، جمعتہ الوداع کے اجتماعات میں نمازیوں کے آنے اور جانے کا الگ راستہ رکھا جائے، داخلی راستے پر تھرمل اسکیننگ اور سینیٹائزر کا بندوبست یقینی بنایا جائے، صفوں کے درمیان فاصلہ رکھا جائے وضوخانوں میں بھیڑ نہ لگائی جائے، مساجد میں شب قدر کی مناسبت سے طاق راتوں میں ہونے والے اجتماعات میں بچے اور 50 سال سے زیادہ عمر کے افراد نہ آئیں۔

نیشنل کمانڈ اینڈ آپریشن سینٹر (این سی او سی) نے یوم علیؓ کے موقع پر ہر قسم کے جلوس پر پابندی کا فیصلہ کیا ہے۔

یوم علیؓ کے حوالے سے این سی او سی کا خصوصی اجلاس ہوا جس کی صدارت وزیر منصوبہ بندی اسد عمر اور قومی کرآرڈینیٹر لیفٹیننٹ جنرل حمودالزمان خان نے کی۔

وفاقی وزیر داخلہ شیخ رشید احمد، وزیر مذہبی امور نورالحق قادری اور وزیراعظم کے معاون خصوصی برائے صحت ڈاکٹر فیصل سلطان نے بھی اجلاس میں شرکت کی۔

صوبائی سیکریٹریز اور قانون نافذ کرنے والے اداروں کے نمائندوں نے ویڈیو لنک کے ذریعے اجلاس میں شرکت کی۔

ملک بھر میں اور بالخصوص شہری علاقوں میں کورونا کے بڑھتے ہوئے کیسز کے باعث پیدا ہونے والے خطرے کی وجہ سے اجلاس میں یوم علیؓ کے موقع پر ہر قسم کے جلوسوں پر پابندی کا فیصلہ کیا گیا، تاہم کورونا ایس او پیز پر سختی سے عملدرآمد کرتے ہوئے مجالس کے انعقاد کی اجازت ہوگی۔

فورمز نے صوبائی اور ضلعی سطح پر ان فیصلوں پر عملدرآمد کے لیے مذہبی اسکالرز اور کمیونٹی رہنماؤں کو بھی اعتماد میں لینے کی ضرورت پر زور دیا۔

واضح رہے کہ پاکستان میں کورونا وائرس کی تیسری لہر کا زور کسی طور ٹوٹتا دکھائی نہیں دے رہا اور ملک میں 5 ہزار 360 مریضوں کی حالت تشویشناک ہے جو وبا کی پہلی لہر کے عروج سے بھی بڑی تعداد ہے۔

ملک میں گزشتہ چوبیس گھنٹے کے دوران وائرس کے 4 ہزار 696 نئے کیسز سامنے آئے جبکہ 146 مریض جاں بحق ہوئے۔

کیسز میں حالیہ اضافے کے پیشِ نظر تعلیمی اداروں کی بندش، کاروبار کے اوقات مختصر، دفاتر میں کم حاضری سمیت متعدد اقدامات کیے گئے ہیں اور صورتحال بہتر نہ ہونے پر لاک ڈاؤن کا عندیہ بھی دیا گیا ہے۔

این سی او سی نے کورونا وائرس کی صورتحال کے پیش نظر ایئر ٹریفک کو 80 فیصد کم کرنے کا فیصلہ بھی کیا ہے۔

اسلام آباد: ملک میں کورونا کی قاتل وبا نے مزید 146 افراد کی جان لے لی ہے جب کہ 4 ہزار 696 کیسز سامنے آئے ہیں۔

نیشنل کمانڈ اینڈ آپریشن سینٹر کے اعداد و شمار کے مطابق گزشتہ روز ملک بھر میں کورونا کی تشخیص کے لیے مجموعی طور پر 48740 ٹیسٹ کیے گئے۔ گزشتہ روز ملک میں مزید 4696 افراد میں کورونا وائرس کی تصدیق ہوئی۔ اس طرح ملک میں کورونا کے مجموعی مصدقہ کیسز کی تعداد 8 لاکھ 25 ہزار 519 ہو گئی ہے۔

کورونا کی حالیہ لہر میں پنجاب سب سے زیادہ متاثر ہے، جہاں اس وبا کے ظاہر ہونے سے اب تک کورونا کے 3 لاکھ 3 ہزار 182 مصدقہ کیسز سامنے آئے ہیں۔ سندھ میں 2 لاکھ 83 ہزار 560، خیبر پختونخوا ایک لاکھ 18 ہزار 413، بلوچستان 22 ہزار 369، اسلام آباد میں 75 ہزار 498، آزاد کشمیر 17 ہزار 187 اور گلگت بلتستان میں کوویڈ 19 کے مصدقہ کیسز کی تعداد 5 ہزار 310 ہے۔
گزشتہ روز ملک میں کورونا کے مزید 5544 مریضوں سے اس وبا کو شکست دے دی ہے، اس طرح اس اب تک کورونا کی وبا سے صحتیاب ہونے والے مصدقہ مریضوں کی تعداد 7 لاکھ 17 ہزار 9 ہوگئی ہے۔

کورونا نے ملک میں مزید 146 مصدقہ مریضوں کی جان لے ہے، جس کے ملک میں اس وبا سے لقمہ اجل بننے والوں کی مصدقہ تعداد 17 ہزار 957 ہوگئی ہے۔

کورونا سے سب سے زیادہ اموات پنجاب میں ہوئی ہیں جہاں 8 ہزار 500 افراد جان کی بازی ہار چکے ہیں، اس کے علاوہ سندھ میں 4 ہزار 645، خیبر پختونخوا 3 ہزار 310، اسلام آباد 683، گلگت بلتستان 107، بلوچستان میں 236 اور آزاد کشمیر میں 476 افراد جاں بحق ہوئے ہیں۔

ملک میں اس وقت کورونا کے مصدقہ فعال مریضوں کی تعداد 90 ہزار 553 ہے، جن میں سے 5490 مریضوں کی حالت تشویشناک ہے، ملک بھر کے مختلف اسپتالوں میں کورونا کے 671 مریض وینٹی لیٹرز پر ہیں۔ مردان میں مختص 80 فیصد وینٹی لیٹرز پر کورونا مریض ہیں، اس کے علاوہ ملتان 76 فیصد، لاہور میں 69 فیصد، بہاولپور 67 وینٹیلیٹرز پر کورونا مریض زیر علاج ہیں،پشاور کے 72 ، صوابی 63 ،سوات 61 فیصد آکسیجن بیڈز پر کورونا مریض ہیں۔

کورونا وائرس اوراحتیاطی تدابیر

کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔

اسلام آباد: حکومت نے ایف آئی اے افسر ڈاکٹر رضوان کو شوگر اسکینڈل کی تحقیقاتی ٹیم کی سربراہی جاری رکھنےکا حکم دے دیا۔

ذرائع کے مطابق وفاقی حکومت نے پیغام دیا ہےکہ ڈاکٹر رضوان اپنی ٹیم کے ساتھ شوگر اسکینڈل کی تحقیقات جاری رکھیں تاہم ان کی ٹیم ایڈیشنل ڈی جی ایف آئی اے ابوبکرخد ابخش کورپورٹ کرےگی۔

ذرائع کا بتانا ہے کہ ایف آئی اے تحقیقاتی ٹیم کے سربراہ ڈاکٹر رضوان نے آج اجلاس طلب کرلیا ہے جس میں جہانگیرترین اور علی ترین کی 3 مئی کوکیس کی سماعت پرلائحہ عمل بنایاجائےگا جبکہ میٹنگ میں شوگر اسکینڈل کی تحقیقات میں پیش رفت کا جائزہ بھی لیا جائے گا۔

ذرائع کے مطابق ایف آئی اے ٹیم نے جمعےکو سینیٹر علی ظفرکو جہانگیر ترین کے خلاف کیس پربریفنگ دی جب کہ اس میٹنگ میں جہانگیر ترین اور دیگر شوگر ملز مالکان کے خلاف کارروائی جاری رکھنے پر اتفاق کیاگیا۔

واضح رہے کہ پنجاب میں شوگر مافیاکے خلاف تحقیقات کرنے والی جوائنٹ انویسٹی گیشن ٹیم کے سربراہ ڈاکٹر رضوان کو تبدیل کرنے کی اطلاعات سامنے آئی تھیں۔

ذرائع کا کہنا تھا کہ وفاقی وزیر خسرو بختیار کے خاندان کی ٹو اسٹار شوگر مل کے خلاف کارروائی کرنے پر چینی تحقیقاتی ٹیم کے سربراہ کو ہٹایا گیا، ایف آئی اے کی ٹیم خسرو بختیار کو ٹو اسٹار شوگر مل میں 13 کروڑ کے شیئرزرکھنے پر طلب کرنا چاہتی تھی۔

ذرائع کے مطابق ٹیم کے سربراہ ڈاکٹر رضوان نے جہانگیر ترین کی شوگر اسکینڈل میں گرفتاری کی اجازت بھی مانگی تھی اور اپنے مؤقف پر قائم رہنے پر ان کو کام سے روک دیا گیا تھا۔

اسلام آباد: سندھ کے بعد وفاقی سطح پر بھی پاکستان میں کورونا وائرس کی دو مزید نئی اقسام کی تصدیق ہوئی ہے۔

وزرات نیشنل ہیلتھ سروسز کا کہنا ہے کہ پاکستان میں کورونا وائرس کی مزید 2 نئی اقسام سامنے آئی ہیں، یہ 2 نئی اقسام افریقی اور برازیلی کورونا وائرس کی ہیں۔

حکام نیشنل ہیلتھ سروسز کا کہنا ہے کہ نیشنل انسٹیٹیوٹ آف ہیلتھ میں کیے گئے ٹیسٹ میں نئی اقسام پائی گئیں، نیشنل ہیلتھ سروسز اور این سی او سی کورونا وائرس کی اقسام پر مکمل نظر رکھے ہوئے ہے۔

وزرات نیشنل ہیلتھ سروسز نے زور دیتے کہا ہے کہ وائرس کی جو بھی قسم ہو، ایس اوپیز پر عمل میں تحفظ ہے، افریقی اور برازیلی اقسام کے کورونا کی کنٹیکٹ ٹریسنگ شروع کر دی ہے۔

وزرات نیشنل ہیلتھ سروسز نے عوام سے اپیل کی ہے کہ ماسک پہننا یقینی بنائیں، گھر سے بلاضرورت باہر مت نکلیں، سماجی فاصلے کو عملی طور پر یقینی بنائیں۔

حکام نیشنل ہیلتھ سروسز کا یہ بھی کہنا ہے کہ 40 سال اور اس سے زائد عمر کے افراد کورونا وائرس کی ویکیسن لگوائیں۔