Category پاکستان

اسلام آباد: سابق وفاقی وزیر اور پاکستان تحریک انصاف ( پی ٹی آئی) کے سیکرٹری اطلاعات فواد چودھری کی اپنے بھائی فیصل چودھری ایڈووکیٹ سے گفتگو کی مبینہ آڈیو لیک ہوگئی ہے۔

منظر عام پر آنے والی مبینہ آڈیو لیک میں فواد چودھری اپنے بھائی فیصل چودھری سے بات کر رہے ہیں، جس میں ججز اور وکیل سے متعلق بات چیت کی گئی۔

مبینہ آڈیو میں بظاہر فواد چودھری لگنے والا شخص اپنے بھائی ( فیصل چودھری ) سے کہتے ہیں کہ اچھا ! میں نے کہا کہ ’سی جے‘ (چیف جسٹس) لاہور کہہ رہا ہے کہ میری کوئی جنرل بات کرائیں بندیال کے ساتھ۔

انہوں نے اپنے بھائی سے مزید کہا کہ دوسرا اپنا، مظاہر کے ساتھ ڈار صاحب کے ذریعے، ان کو زرا مل لیں، اُن سے کہیں کہ آپ کے ساتھ پورا ٹرک کھڑا ہے، آپ بتائیں کیا کریں؟

فواد چودھری نے فیصل چودھری ایڈووکیٹ سے کہا کہ میری ذاتی تجویز یہ ہے کہ تارڑ پر تین چار جگہ استغاثہ کرائیں اور اس پر 228 لگوا کر اسے سزا دلوائیں تاکہ ان پر پریشر تو آئے۔

جس پر فواد چودھری کے بھائی فیصل چودھری نے کہا کہ میں صبح کرلیتا ہوں، فواد چودھری نے کہا کہ صبح ان سے پوچھ کر مجھے بتانا، جس پر فیصل چودھری نے کہا کہ ٹھیک ہے۔

فواد چودھری کا ردعمل

مبینہ آڈیو لیک پر سابق وفاقی وزیر اور پی ٹی آئی رہنما فواد چودھری نے ردعمل دیتے ہوئے کہا ہے کہ ایک اور جعلی آڈیو میرے نام سے مارکیٹ میں پھینک دی گئی ہے،اس آڈیو کا مجھ سے کوئی تعلق نہیں۔

لاہور ہائیکورٹ نے پاکستان تحریک انصاف کی جیل بھرو تحریک میں گرفتار ہونے والے رہنماؤں کو رہا کرنے کا حکم دے دیا۔

جسٹس طارق سلیم شیخ نے فواد چوہدری کی درخواست پرحکم جاری کیا۔ عدالت نے شاہ محمود قریشی، اسدعمر سمیت تحریک انصاف کے دیگر رہنماؤں کی نظربندی کے احکامات معطل کردیے۔

عدالت نے نظربند رہنماؤں کو رہا کرنے کا حکم دے دیا۔

عدالت نے پنجاب حکومت سمیت فریقین سے 7 مارچ کو جواب بھی طلب کرلیا۔

خیال رہے کہ گزشتہ دنوں پی ٹی آئی رہنما شاہ محمود، اسد عمر سمیت دیگر رہنماؤں اور کارکنوں کو لاہور سے گرفتار کیا گیا تھا اور انہیں صوبے کی دوسری جیلوں میں منتقل کیا گیا تھا۔

چیف سیکرٹری پنجاب زاہد اختر زمان نے میاں فاروق نذیر کی تقرری کا نوٹیفکیشن جاری کر دیا ہے، وہ تیسری بار آئی جی مقرر ہونیوالے جیل خانہ جات کے واحد آفیسر ہیں۔

میاں فاروق نذیر جیل خانہ جات پنجاب کے 21 گریڈ کے واحد آفیسر ہیں، وہ پہلی بار 2008ء سے 2009ء ، دوسری بار 2012ء سے 2017ء تک تعینات رہے اور اب انہیں تیسری بار مارچ 2023ء میں بطور آئی جی جیل خانہ جات پنجاب تعینات کیا گیا ہے۔

میاں فاروق نذیر 2024ء میں 22 ویں گریڈ میں پروموٹ ہونیوالے محکمہ جیل خانہ جات پنجاب کے واحد آفیسر بن جائیں گے، ان کے دونوں ادوار جیل خانہ جات پنجاب میں دور رس اصلاحات کے اعتبار سے ایک مثال تھے

میاں فاروق نذیر نے جیل خانہ جات کے آفیسرز کو پیشہ ورانہ تربیت و مہارت کیلئے امریکا بھجوایا، ان کے دور میں جیل خانہ جات سے پرانا اسلحہ تبدیل کرتے ہوئے نیا اسلحہ دیا گیا اور آفیسرز کو نئی گاڑیاں دی گئیں۔

میاں فاروق نذیر میرٹ یقینی بنانے، بدعنوانی کیخلاف سخت ایکشن اور ڈسپلن پر سمجھوتہ نہ کرنیوالے آفیسر کی شہرت رکھتے ہیں، ان کے دور میں جیل خانہ جات پنجاب کے آفیسرز اور اہلکاروں کی تنخواہوں میں ریکارڈ اضافہ ہوا۔

اسلام آباد: (ایمرا نیوز) الیکشن کمیشن نے خیبرپختونخوا و پنجاب کے انتخابات کرانے کا فیصلہ کرتے ہوئے انتخابی شیڈول 54 دن کا رکھنے پر اتفاق کیا ہے۔

چیف الیکشن کمشنر کی زیر صدارت الیکشن کمیشن کا اجلاس ہوا جس میں خیبرپختونخواہ اور پنجاب میں انتخابات سے متعلق سپریم کورٹ کے فیصلے پر غور کیا گیا۔

الیکشن کمیشن نے خیبرپختونخوا و پنجاب کے انتخابات سپریم کورٹ کے حکم کی روشنی میں کرانے کا فیصلہ کیا، اجلاس میں دونوں صوبوں کی مجوزہ تاریخوں پر مشاورت کی گئی۔

ذرائع کے مطابق الیکشن کمیشن نے انتخابی شیڈول 54 دن کا رکھنے پر اتفاق کیا، انتخابی تاریخوں کی تجویز میں رمضان اور عید کو بھی مدنظر رکھا جائے گا۔

انتخابی تاریخوں پر سٹیک ہولڈرز سے حتمی مشاورت ہو گی، صدر اور گورنر نے مشاورت کی تو الیکشن کمیشن اس میں شریک ہوگا۔

ایس ایس پی ملیر حسن سردار کے مطابق گرفتار ملزم انتظار مقتولہ بچی کا پڑوسی اور پیشے کے لحاظ سے رنگ ساز ہے جس نے بچی کو بہلا پھسلا کر اغوا کیا اور زیادتی کا نشانہ بنایا۔

 ایس ایس پی نے بتایا کہ واردات کے بعد ملزم کے ساتھی اللہ رکھا نے لاش ٹھکانے لگانے میں انتظار کی مدد کی۔ 

ولیس کے مطابق واردات کے بعد 24 گھنٹوں سے کم وقت میں مرکزی ملزم اور اس کے سہولت کار کو گرفتار کیا گیا ہے، مرکزی ملزم انتظار پنجاب کے شہر وہاڑی کا رہائشی ہے اور کراچی میں رنگ سازی کے کام کی وجہ سے رہائش پذیر ہے۔

دوسری جانب بچی کے والد نے مطالبہ کیا کہ گرفتار ملزمان کو کیفر کردار تک پہنچایا جائے اور سخت سے سخت سزا دلوائی جائے۔

اسلام آباد :حکومت نے کے الیکٹرک کے صارفین کے لیے بجلی مزید مہنگی کرنے کا فیصلہ کر لیا۔دستاویز کے مطابق کے الیکٹرک کے بجلی کے ریٹ دو طرح سے بڑھانے کا فیصلہ کیا گیا ہے جس کے تحت صارفین کے لیے یکساں ٹیرف کا اطلاق کیا جائے گا۔دستاویز کے مطابق یکساں ٹیرف کے نفاذ سے کے الیکٹرک صارفین کے لیے بجلی اوسط 3.21 روپے فی یونٹ مہنگی ہو گی۔کے الیکٹرک کے 100 یونٹ والے صارفین کے لیے بجلی 1.4 روپے فی یونٹ اور 700 یونٹ والے صارفین کے لیے بجلی 3.2 روپے فی یونٹ مہنگی ہوگی جبکہ کے الیکٹرک کے عارضی رہائشی صارفین کے لیے بجلی 4.45 اور صنعتی صارفین کے لیے 4.45 روپے فی یونٹ مہنگی ہو گی۔کے الیکٹرک صارفین کے لیے سہ ماہی بنیادوں پر بھی بجلی کے ریٹ 1.55 روپے بڑھانے کا فیصلہ کیا گیا ہے، اس کے علاوہ کے الیکٹرک کے صارفین کے جولائی 2022 سے ستمبر 2022 تک اور مارچ 2023 سے مئی 2023 تک سہ ماہی ریٹ بڑھانے کا فیصلہ کیا گیا ہے۔کے الیکٹرک کے 100 یونٹس والے صارفین کے لیے بجلی سہ ماہی بنیاد پر 1.55 روپے اور صنعتی صارفین کے لیے سہ ماہی ٹیرف میں بھی 1.55 روپے اضافہ ہوگا۔

اسلام آباد :اتحادی حکومت نے مہنگائی کے ستائے شہریوں کو رمضان سے قبل ایک اور تحفہ دیتے ہوئے یوٹیلیٹی اسٹورز پر وزیراعظم پیکج کے تحت فروخت ہونے والے گھی کی قیمت میں 115 روپے فی کلو اضافہ کردیا ۔یوٹیلیٹی اسٹورز پر سبسڈی والے گھی کی قیمت 375 روپے سے بڑھا کر490 روپے کردی گئی۔وزیر اعظم پیکچ کے تحت گھی کی قیمت میں دو ماہ میں دوسری بار اضافہ کیا گیا ہے۔ اس سے قبل یکم نوری2023 کوگھی کی قیمت میں فی کلو 75روپے اضافہ کیا گیا تھا۔ گھی دو مہینوں کے اندر مجوعی طورپر190 روپے مہنگا ہوا ہے۔بینظیر انکم سپورٹ پروگرام( بی آئی ایس پی) کے مستحقین گھی کی قیمتوں میں اضافے سے مستثنیٰ ہوں گے اور ان کے لیے گھی کی فی کلو قیمت 300 روپے برقرار رہے گی۔

لاہور:وزارت پٹرولیم کی جانب سے پٹرول کی قیمت میں 5 روپے فی لیٹر کمی کے اعلان کے بعد لاہور کے شہریوں نے ملے جلے ردعمل کا اظہار کیا ہے، پٹرول کی قیمت کم ہونے پر شہریوں کی خوشی کے ساتھ ساتھ عدم اطمینان بھی دیکھنے میں آیا ہے، شہریوں کا کہنا ہے کہ حکومت نے 30 روپے فی لیٹر پٹرول کی قیمت بڑھا کر صرف 5 روپے فی لیٹر کم کر کے عوام پر کوئی بڑا احسان نہیں کیا، شہریوں کے مطابق پٹرول کی قیمت میں کمی بے شک آٹے میں نمک کے برابر ہے مگر حکومت کو پٹرول کی مزید قیمت کو کم کرنا چاہیے اور کم از کم 100 روپے فی لیٹر پٹرول کی قیمت میں کمی ہونی چاہیے، شہریوں کا یہ بھی کہنا تھا کہ پٹرولیم مصنوعات کی قیمتوں میں کمی کے ساتھ ساتھ حکومت کو دیگر اشیائے ضروریہ کی قیمتوں میں کمی لانے کے لئے سخت مانیٹرنگ سسٹم شروع کرنا چاہیے تاکہ گلیوں اور محلوں میں موجود دکاندار شہریوں سے خود ساختہ مہنگائی کے مطابق قیمتیں وصول نہ کر سکیں۔

لاہور: محکمہ خزانہ پنجاب نے تمام صوبائی محکمہ جات کو رواں مالی سال کے چوتھے کوارٹر کا بجٹ جاری کر دیا ہے، بتایا گیا ہے کہ تمام صوبائی محکمے وصول کئے جانے والے بجٹ سے ملازمین کی تنخواہوں اور پنشن سمیت دیگر انتظامی اخراجات پورے کریں گے، محکمہ خزانہ نے صوبائی سرکاری ملازمین کی تنخواہوں کی مد میں 6 ارب روپے جاری کر دیئے ہیں۔

سلام آباد :نیشنل پاور ریگولیٹری اتھارٹی (نیپرا) نے بجلی کی قیمتوں میں 48 پیسے فی یونٹ اضافے کی منظوری دیدی۔
سی پی پی اے کی جانب سے جنوری کیلئے بجلی مہنگی کرنے کی درخواست پر سماعت مکمل ہوئی ،سماعت مکمل ہونے کے بعد نیشنل پاور ریگولیٹری اتھارٹی(نیپرا) نے بجلی کی قیمتوں میں 48 پیسے فی یونٹ اضافے کی منظوری دیدی،بجلی جنوری کی ماہانہ فیول پرائس ایڈجسٹمنٹ کی مد میں مہنگی کی گئی ،بجلی مہنگی کرنے سے بجلی کے صارفین پر 9.2 ارب روپے کا اضافی بوجھ پڑیگا۔نیپرا ڈیٹا کا جائزہ لینے کے بعد تفصیلی فیصلہ جاری کریگا ۔سی پی پی اے نے بجلی ایک روپے17 پیسے فی یونٹ مہنگی کرنے کی درخواست کی تھی