Category پاکستان

وزیراعظم عمران خان نے بڑا بیان دیتے ہوئے کہا ہے کہ میں چوہوں کی طرح حکومت نہیں کر سکتا، جس کو مجھ پر اعتماد نہیں سامنے آکر اظہار کرے. وزیراعظم کے زیر صدارت حکومتی وزرا اجلاس کی اندرونی کہانی سامنے آ گئی ہے۔ اس اہم اجلاس میں وزیراعظم کو سینیٹ انتخابات کے نتائج پر تفصیلی بریفنگ دی گئی۔

ذرائع کے مطابق وزیراعظم نے اجلاس کے شروع میں ہی اعتماد کا ووٹ لینے کے فیصلہ سے آگاہ کیا۔ ان کا کہنا تھا کہ اعتماد کا ووٹ لینے کا مقصد اپوزیشن کی پیسہ کی سیاست کو بے نقاب کرنا ہے۔

وزیراعظم کا کہنا تھا عبدالحفیظ شیخ پر عدم اعتماد حکومت پر عدم اعتماد ہے۔ فیصلہ کیا ہے کہ اسی ایوان سے اعتماد کا ووٹ حاصل کروں گا۔ میں چوہوں کی طرح حکومت نہیں کر سکتا، جس کو مجھ پر اعتماد نہیں سامنے آ کر اظہار کرے۔

عمران خان کا کہنا تھا کہ مجھے اقتدار عزیز ہوتا تو خاموش ہو کر بیٹھ جاتا۔ وزیراعظم کا عہدہ اہم نہیں، نظام کی تبدیلی میرا مشن ہے۔ اگر عوامی نمائندوں کو مجھ پر اعتماد نہیں تو کھل کر سامنے آئیں۔

ان کا کہنا تھا کہ آج میرے موقف کو مکمل طور پر تقویت ملی ہے۔ ووٹ بیچنے اور خریدنے والوں کو بے نقاب کروں گا۔ شفاف الیکشن کروانا الیکشن کمیشن کی ذمہ داری ہے۔ یہ جنگ ابھی ختم نہیں ہوئی، شفافیت کے لیے ہر فورم پر جائیں گے

سینیٹ الیکشن کی 37 نشستوں کیلئے قومی اسمبلی اور تین صوبائی اسمبلیوں سندھ، بلوچستان اور خیبر پختونخوا میں صبح 9 سے شام 5 بجے تک پولنگ ہوئی جس کے بعد نتائج آنے کا سلسلہ جاری ہے۔

اسلام آباد کی جنرل نشست پر قومی اسمبلی میں ووٹنگ ہوئی جس میں اپوزیشن امیدوار سابق وزیراعظم یوسف رضا گیلانی کامیاب قرار پائے۔ حکومت کی جانب سے دوبارہ ووٹنگ کرائی گئی تاہم دوبارہ ووٹنگ میں بھی یوسف رضا گیلانی کامیاب قرار پائے۔

یوسف رضا گیلانی حفیظ شیخ کو پانچ ووٹوں سے شکست دے کر اسلام آباد سے سینیٹر منتخب ہوگئے۔

قومی اسمبلی اور صوبائی اسمبلیوں میں خفیہ بیلٹ کے ذریعے ووٹنگ ہوئی۔

لاہور: ایمرا ممبران اور ان کے بچوں کے لیے خوشخبری ایمرا سنٹر سمیت لاہور کے تین علاقوں سبزہ زار،مرغزاراور ایمرا سنٹر میں کرکٹ نیٹ بنائیں گے ہیں. سبزہ زار اور مرغزار گراؤنڈ میں کرکٹ نیٹ پریکٹس جاری ہے. دس مارچ سے ایمرا سنٹر میں کرکٹ نیٹ پریکٹس کے لئے وکٹ بنائی جائے گی .جو دس مارچ کو مکمل ہوجائے گی اس حوالے سے ایمراباڈی کی جانب سے صدر ایمرا محمد آصف بٹ اور سیکرٹری ایمرا سلیم احمد شیخ اور پاک کرکٹ اکیڈمی کی جانب سے طارق منیراوروسیم احمد نے ایم او یو پر دستخط کیے ہیں. اس موقع پر سئنیر صحافی عامر مرزا اور ایمرا کے جوائنٹ سیکرٹری خواجہ قادر، ممبر گورننگ باڈی اسرار خان بھی موجود تھے.

لاہور: ڈی آئی جی آپریشنز ساجد کیانی نے 04 تھانوں میں نئے ایس ایچ اوز تعینات کر دیئے۔ ایڈیشنل ایس ایچ اواچھرہ سب انسپکٹر رضا عباس ایڈیشنل ایس ایچ اوریس کو رس تعینات۔انویسٹی گیشن ونگ سے سب انسپکٹر اظہر اسحاق کو ایڈیشنل ایس ایچ اواچھرہ تعینات کیا گیا۔ایڈیشنل ایس ایچ او مصطفی آباد سب انسپکٹر محمد ذکاءایڈیشنل ایس ایچ او سمن آباد تعینات۔
تھانہ سمن آباد سے سب انسپکٹر راو نعیم کو ایڈیشل ایس ایچ اومصطفی آباد تعینات کیا گیا۔ایس ایچ او ریس کورس انسپکٹر طارق علی کو پولیس لائنز رپورٹ کرنے کے احکامات جاری۔ ڈی آئی جی آپریشنزساجد کیانی کا تمام افسران کو فوری طور پر اپنی اپنی نئی تعیناتی کے مقام پر رپورٹ کرنے کا حکم۔

لاہور: پاکستان کی مشہور گلوکارہ ریشماں کا بیٹا انتقال کر گیاہے۔ 42 سالہ ساون کا اچانک دل کا دورہ پڑنے سے انتقال ہوا۔ ساون خودبھی اچھے گلوکارتھے ۔

پاکستان فلم انڈسٹری کے سینئر اداکار اعجاز درانی طویل علالت کے بعد 88 برس کی عمر میں انتقال کرگئے۔

اہل خانہ کے مطابق اعجاز درانی کی عمر 88 برس تھی، وہ طویل عرصے سے بیمار تھے، اعجاز درانی کی نماز جنازہ بعد نماز ظہر گارڈن ٹاؤن میں ادا کی جائے گی۔

اعجاز درانی نے فلم ’ہیر رانجھا ‘ میں رانجھا کا کردار ادا کیا تھا۔

کورونا وائرس سے 64 افراد جاں بحق ہوگئے، جس کے بعد اموات کی تعداد 12 ہزار 772 ہوگئی۔ پاکستان میں کورونا کے تصدیق شدہ کیسز کی تعداد 5 لاکھ 75 ہزار 941 ہوگئی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران ایک ہزار 361 نئے کیسز رپورٹ ہوئے، پنجاب میں ایک لاکھ 69 ہزار 474، سندھ میں 2 لاکھ 57 ہزار 89، خیبر پختونخوا میں 71 ہزار 490، بلوچستان میں 19 ہزار 10، گلگت بلتستان میں 4 ہزار 955، اسلام آباد میں 43 ہزار 901 جبکہ آزاد کشمیر میں 10 ہزار 22 کیسز رپورٹ ہوئے۔

لاہور(کامرس رپورٹر) پاکستان کی پہلی ورچوئل (آن لائن) ایکسپو 25 فروری کو شروع ہوگی۔ تفصیلات کے مطابق پاکستان میں پہلی بار رئیل اسٹیٹ اور کنسٹرکشن کی آن لائن نمائش رواں ماہ کی 25 تاریخ سے شروع ہوگی۔ ورچوئل ایکسپو پاکستان کی تاریخ میں پہلی بار منعقد کیا جانے والا ایک ایسا پلیٹ فارم ہے جس میں حقیقی نمائش کی طرح عصر حاضر کے جدید تقاضوں کو مد نظر رکھتے ہوئے آن لائن نمائش کی جائے گی۔ ورچوئل ایکسپو میں ملک بھر کے بڑے تعمیراتی ادارےاپنے کاروباری، رہائشی منصوبہ جات نمائش کیلئے پیش کریں گے۔ ورچوئل ایکسپو کے انعقاد کا بنیادی مقصد کورونا کے اس وبائی دور میں تعمیراتی و کاروباری سرگرمیوں کو فروغ دینا ہے ۔ ورچوئل ایکسپو سے صارفین حقیقی نمائش کی طرح گھر بیٹھے نمائش میں شامل ہونے اور منصوبہ جات کو دیکھنے کے علاوہ معلومات، سرمایہ کاری، خرید و فروخت کر سکیں گے ۔ ورچوئل ایکسپو دنیا بھر میں کاروبار کو فروغ دینے اور گھر بیٹھے صارفین تک پہنچنے کا سب سے موثر ذریعہ ہے۔
ورچوئل پلیٹ فارم کی خاص بات یہ ہے کہ نمائش میں شرکت کے لیے وقت کی قید نہیں ہے۔ چوبیس گھنٹے میں کسی بھی وقت کوئی بھی سٹال ہولڈر یا وزیٹرآن لائن پلیٹ فارم پر نمائش میں شرکت کر سکے گا۔ نمائش میںخصوصی طور پر پراپرٹی، کنسٹرکشن کے حوالے سے بلڈرز ،ڈویلپرز ، رئیل اسٹیٹ ایجنٹس اور رئیل اسٹیٹ سیکٹرسے وابستہ کمپنیاں اپنی مصنوعات کا ڈسپلے کر سکیں گی۔ورچوئل ایکسپو میں دنیا کے کسی بھی کونے میں موجود شخص صرف ایک Click سے شرکت کر سکتا ہے اور اسی وجہ سے ایکسپو کے ذریعے منصوبہ جات اور مصنوعات کی رسائی پوری دنیا تک با آسانی ممکن ہے۔ خاص طور پر بیرون ملک مقیم پاکستانی جو وطن عزیز میں سرمایہ کاری کرنا چاہتے ہیں لیکن پاکستان آنے سے قاصر ہیں یا مصروف ہیں وہ ورچوئل ایکسپو کو ترجیح دیتے ہیں اور بیرون ملک سے با آسانی ایکسپو میں شرکت کر سکتے ہیں۔
نمائش کا ذریعہ چونکہ آن لائن ہے اس لئے نمائش کے ذریعے اتنی بڑی تعداد میں لوگوں تک پیغامات و مصنوعات کوپہنچا جا سکتا ہے جو حقیقی نمائش میں ممکن نہیں ہوتا، ورچوئل میڈیم کی وجہ سے نمائش میں لاکھوں افراد بیک وقت شرکت کر سکتے ہیں اور ہزاروں Exhibitiorsاپنی مصنوعات کی نمائش کر سکتے ہیں۔ ورچوئل ایکسپو میں شامل ہونے والے افراد کو مختلف منصوبہ جات پر خصوصی رعایت دی جائے گی اور صارفین کی دلچسپی کو مد نظر رکھتے ہوئے خصوصی انعامات، لکی ڈراز وغیرہ بھی نمائش کا حصہ ہوں گے۔
واضح رہے کہ ورچوئل ایکسپو کے انعقاد کو وفاقی وزرا، اہم سیاسی شخصیات، کاروباری و سماجی شخصیات سمیت عام شہریوں نے خوب سراہا ہے اور خود کو نمائش میں رجسٹرڈ کروا رہے ہیں۔ شہری اس حوالے سے تمام تفصیلات اور رجسٹریشن کیلئے ورچوئل ایکسپو کی ویب سائٹ www.vexpo.pkوزٹ کر سکتے ہیں۔

سماجی رابطوں کی سب سے مشہور ویب سائٹ فیس بک نے میانمار میں بغاوت کے بعد ان کی فوج کے زیر سایہ چلنے والا ایک پیج ڈیلیٹ کر دیا ہے۔ یہ اقدام دو افراد کی ہلاکت کے بعد اٹھایا گیا ہے۔
فیس بک حکام کا کہنا ہے کہ فوج کے زیر انتظام چلنے والے اس پیج کے ذریعے قوانین اور ضابطوں کی صریحاً خلاف ورزی کی گئی ہے۔بیان میں کہا گیا ہے کہ ہمارے کمیونیٹی سٹینڈرڈز کی لگاتار خلاف ورزیوں کی وجہ سے فیس بک پر سے ٹیٹماڈاو ٹرو نیوز انفارمیشن ٹیم پیج کو ہٹا دیا گیا ہے۔
خیال رہے کہ میانمار کی فوج کی جانب سے اس فیس بک پیج کے ذریعے مظاہرین کو متنبہ کرنے کا کام لیا جا رہا تھا۔

بالی ووڈ اداکارہ کنگنا رناوت اپنے متنازع بیانات کے باعث شہ سرخیوں میں جگہ بناتی ہیں اور اکثر اوقات ان کے باعث وہ مشکلات میں بھی گھِر جاتی ہیں تاہم اب اداکارہ نے ٹویٹر پر نہایت حیران کن واقعہ سناتے ہوئے بتایا کہ ایک مرتبہ ان کے والد نے انہیں تھپڑ مارنے کی کوشش کی تو انہوں نے آگے سے جواب دیا کہ آپ مجھے ماریں گے تو جواب میں ، میں بھی آپ کو تھپڑ ماروں گی ۔
تفصیلات کے مطابق ٹویٹر پر جاری پیغامات میں اداکارہ کنگنا رناوت کا کہناتھا کہ میرے والد کے پاس لائسنس یافتہ رائفل اور بندوق تھی ،جوانی کے دنوں میں وہ کالج میں گینگ وار کے لیے مشہور تھے اور ان کی شناخت ایک غنڈے کی تھی۔اداکارہ نے بتایا کہ میرے والد جب مجھے ڈانٹے تو میں کانپ کر رہ جاتی تھی، پھر میں نے صرف 15 سال کی عمر میں ان سے لڑائی کی گھر چھوڑ دیا، اس طرح میں 15 سال کی عمر میں بغاوت کرنے والی پہلی راجپوت عورت بن گئی۔