Category پاکستان

صوبائی وزیر برائے اعلی تعلیم و انفارمیشن ٹیکنالوجی پنجاب راجہ یاسر ہمایوں سرفراز کو ضلع لاہور کے حوالے سے اہم ذمہ داری سونپ دی گئی اس ضمن میں کیے گئے صوبائی وزیر راجہ یاسر ہمایوں سرفراز پرائس کنٹرول کمیٹیاں ہسپتالوں پولیس اسٹیشنز صفائی ستھرائی کے نظام لینڈ ریکارڈ کے دفاتر اور دیگر انتظامی امور کا جائزہ لیں گے کھلی کچہریاں لگائیں گے نوٹیفکیشن جاری کر دیا گیا راجہ یاسر ہمایوں سرفراز کے علاوہ 35 دیگر وزراء اور مشیران کو ذمہ داریاں سونپی گئی

نیشنل کالج آف آرٹس کے بیچلر زڈگر ی شو2020کاآغاز ہو گیا۔ بیچلرز ڈگری شو 2020میں کالج کے تمام شعبوں کے پاس آؤٹ طلبا و طالبات کے آرٹ ورکس ڈسپلے کئے گئے۔ جسے آرٹ کے شائقین نے نہایت متاثر کن قرار دیا۔ آرٹ کے شائقین کی کثیر تعداد ہونے کے باوجود سب نے ایس او پیز کو مدنظر رکھتے ہوئے سماجی دُوری اختیارکیے رکھی اور ماسک کے استعمال کو یقینی بنایا گیا۔بیچلرز ڈگری شو2020 کے حوالے سے پرنسپل نیشنل کالج آف آرٹس پروفیسر ڈاکٹر مرتضیٰ جعفری کا کہنا تھا کہ این سی اے کا بیچلرز ڈگری شو پاکستا ن کا سب سے بڑا ڈگری شو ہوتا ہے، جس میں شعبہ فائن آرٹ،ویژول کمیونیکیشن ڈیزائن، ٹیکسٹائل ڈیزائن، سرامکس ڈیزائن، پروڈکٹ ڈیزائن، آرکیٹکچر، فلم اینڈ ٹیلی ویژن اور میوزیکالوجی سے پاس آؤ ٹ ہونے والے طلبا و طالبات کو اپنی بھر پور تخلیقی صلاحیتوں کے اظہار کا مو قع ملتا ہے۔ نیشنل کالج آف آرٹس کا یہ بیچلرز ڈگری شوایک منفرد مقام رکھتا ہے جسے ہر سال نہ صرف پاکستان بلکہ مختلف ممالک سے ہزاروں افراد کی تعداددیکھنے کے لئے آتی ہے اور طلبہ و طالبات کے کام کی تعریف کرتی ہے۔ این سی اے بیچلرزڈگری شو کو یہ اعزاز بھی حاصل ہے کہ اس شو میں رکھے گئے فن پارے شوکے دوران ہی آرٹ کے شائقین کی جانب سے نہ صرف بے حد سراہے جاتے ہیں بلکہ خرید بھی لئے جاتے ہیں۔ انہوں نے مزید کہا کہ پاکستان کی نوجوان نسل ذہانت اور تخلیقی صلاحیتوں میں کسی سے کم نہیں ہیں۔این سی اے میں فراہم کی جانے والی فنون لطیفہ کی تعلیم عالمی معیار کے عین مطابق ہے۔

نیشنل کالج آف آرٹس 2018ِِسے ڈیجیٹلائزیشن کی جانب گامزن ہے۔ اس مقصد کےلئے این سی اے کی جانب سے پیش رفت کی جاچکی ہیں جس کا مقصد قومی اور بین لاقوامی سطح پر آن لائن ڈگری پروگرام فراہم کرنا ہے۔ تاکہ اس ضمن میں نہ صرف فیصلہ سازی میں آسانی ہو بلکہ روزمرہ کے کام میں کارکردگی ، شفافیت اور احتساب کے عمل کو بھی بہتر بنا یا جاسکے ۔ڈیجیٹلائزیشن کےلئے بہت سے مسائل اور چیلنجز کے باوجود این سی اے نے آئی سی ٹی (انفارمیشن اینڈ ٹیکنالوجی) کے کلچر کو اپنانے کےلئے بطور رول ماڈل کام جاری رکھا۔ جس سے مسائل نہ صرف فور ی حل ہوجاتے ہیں بلکہ کسی بھی قسم کا فیصلہ بھی فوری اور آسانی سے کیا جاسکتا ہے۔ این سی اے کو پاکستان کے دیگر آرٹ کے تعلیمی اداروں کے حوالے سے یہ انفرادیت حاصل ہوچکی ہے کہ این سی اے نے وزارت انفارمیشن ٹیکنالوجی بورڈ (این آئی ٹی بی) کے ساتھ مفاہمت نامہ (MOU)پر دستخط کرنے میں پہل کی ہے۔اس مفاہمت نامے سے این سی اے نے ای آفس کے عنوان سے پروجیکٹ دی گورننس پروگرام میں باقاعدہ شمولیت اختیار کرلی ہے۔ اب این سی اے ای گورننس پروگرام اور اس جدید حکمت عملی کا لازمی جزو بن گیا ہے۔ہمیں یقین ہے کہ اس مفاد اور مثبت پیش رفت سے این سی اے ای آفس کے ذریعے اپنی کارکردگی کو بہتر سے بہترین تک لے جانے میں کامیاب ہوجائے گا۔
تقریب میں پرنسپل این سی اے پروفیسر ڈاکٹر مرتضٰی جعفری، ڈی جی این آئی ٹی بی فیصل رٹیال، رجسٹرار این سی اے فخراللہ طاہر، ایڈیشنل رجسٹرار بشریٰ سعید، ڈائریکٹر بلال عباسی، ڈپٹی ڈائریکٹر این آئی ٹی بی سیف الرحمن ، ڈپٹی رجسٹرار این سی اے شہزاد تنویر اور دیگر عہدیداروں نے شرکت کی

سندھ کے وزیرتعلیم سعید غنی نے صوبے میں کورونا کیسز بڑھنے کے امکانات کا خدشہ ظاہر کرتے ہوئے کہاہے کہ تاہم اس وقت سندھ میں کرونا کیسز کی شرح تشویشناک نہیں ہے۔
چنیسرگوٹھ میں میڈیا سے گفتگومیں وزیرتعلیم سندھ سعید غنی نے بتایا کہ پنجاب، خیبر پختونخوا میں کورونا کے کیسز میں اضافہ ہو رہا ہے تاہم صوبہ سندھ میں کورونا کیسز کی شرح تشویشناک نہیں ہے۔انہوں نےواضح کیاکہ ملک کےدیگرشہروں میں کورونا کیسزمیں اضافہ ہواہے اوراس وقت صوبہ سندھ میں بھی کورونا کیسز بڑھنے کے امکانات ہیں کیوںکہ صوبہ سندھ میں زیادہ تعداد میں لوگ سفر کرتے ہیں اورشہریوں کو احتیاط کرنے کی ضرورت ہے۔سعیدغنی نے کہا کہ کوروناوائرس کی روک تھام کے لیے حکومت سندھ اقدامات کر رہی ہے۔

بھارتی کرکٹ ٹیم کے کپتان ویرات کوہلی ٹی ٹوئنٹی انٹرنیشنل میں تین ہزار رنز بنانے والے پہلے بیٹسمین بن گئے، کوہلی نے یہ سنگ میل احمد آباد میں انگلینڈ کے خلاف ہونے والے ٹی ٹوئنٹی میچ میں عبور کیا۔
خیال رہےکہ بھارتی کپتان کا یہ 87 واں میچ تھا جس میں انہوں نے تین ہزار کا ہندسہ عبور کیا۔
کوہلی کے بعد نیوزی لینڈ کے مارٹن گپٹل ہیں جنہوں نے 99 میچز میں 2839 رنز بنا رکھے ہیں جب کہ تیسرے نمبر پر ان کے ہم وطن روہت شرما ہیں جنہوں نے 109 میچز میں 2773 رنز بنائے ہیں۔واضح رہے کہ کوہلی نے 87 میچز میں 50.86 کی اوسط سے 3ہزار ایک رنز بنائے ہیں اور اب تک کرکٹ کے تینوں فارمیٹس میں ان کی اوسط 50 سے زیادہ ہے۔

شہر قائد میں پولیس نے خود ساختہ طور پرلاپتہ شخص کو برآمد کرلیا، پولیس حکام کے مطابق تفتیش کی تو لاپتہ شخص کا موبائل فون استعمال ہونے کا انکشاف ہوا جس پر سراغ لگایا تو وہ اپنی بہن کےگھرروپوش تھا۔
جیو نیوز کے مطابق شوہر کے لاپتہ ہونے کے بعد اس کی بیوی نے عدالت میں جھوٹی پٹیشن دائر کی کہ اس کے شوہر مجیب کو اغواء کرلیاگیا جبکہ خود ساختہ طور پر لاپتہ مجیب نے بیوی کی مدد سے پٹیشن میں تین سگے بھائیوں کا نام ڈلوادیا اور عدالت کے حکم پر پولیس نے ایف آئی آر درج کرلی ۔ حکام کا کہنا ہے کہ پولیس نے خود ساختہ طور پر لاپتہ شخص کو تحویل میں لیکر تھانے منتقل کردیا۔
کراچی کے علاقے ابوالحسن اصفہانی روڈ کے رہائشی مجیب الرحمان اور دوست کو 2 فروری کوحراست میں لیا تھا اور قانون نافذ کرنے والے ادارے نے پوچھ گچھ کے بعد ملزمان کو رہا کیا۔حکام نے بتایا کہ ملزم کا رہائی پانے والا دوست گھر آگیا جبکہ ملزم مجیب رشتہ داروں کے گھر چھپ گیا اور ملزم مجیب کی اہلیہ نے شوہر کی ملی بھگت سے سندھ ہائیکورٹ میں پٹیشن فائل کی۔

رواں برس پاکستان اور چین سفارتی تعلقات کے قیام کی 70 ویں سالگرہ منا رہے ہیں اور ابھی حال ہی میں دونوں ممالک کے وزراء خارجہ نے اس حوالے سے منعقدہ ایک تقریب میں شرکت کی اور سرگرمیوں کا باضابطہ افتتاح کیا۔ یہ بات خوش آئند ہے کہ جہاں دنیا کے نزدیک دونوں ممالک کی دوستی بے مثال ہے وہاں پاکستان اور چین کی اعلیٰ قیادت بھی اسے ایک عظیم اسٹریٹجک اثاثہ قرار دیتی ہے۔ان ستر برسوں میں مختلف آزمائشوں کا مل کر سامنا کرتے ہوئےپاک۔چین دوستی بلاشبہ خلوص ، ہمدردی، اشتراک ،ہم آہنگی ، باہمی خیر سگالی ، اعتماد ،احترام کے ایک ایسے مضبوط سانچے میں ڈھل چکی ہے جسے توڑا نہیں جا سکتا ہے۔ پاکستان بھی چین کے بیلٹ اینڈ روڈ (بی آر آئی) کا ایک اہم شراکت دار ہے اورچین پاک اقتصادی راہداری بی آر آئی کا ایک فلیگ شپ منصوبہ ہے جو پاکستان کو درپیش اقتصادی مسائل کے حل میں کلیدی کردار ادا کر رہا ہے۔ سی پیک چین اور دیگر اسلامی ممالک کے درمیان اپنی ترقیاتی حکمت عملیوں میں ہم آہنگی کے لئے ایک عمدہ مثال بن چکی ہے ۔ سی پیک کے تحت گوادر بندرگاہ کی تعمیر و ترقی ، نقل و حمل کے بنیادی ڈھانچے میں بہتری ، توانائی اور صنعتی تعاون کے فروغ کو کلیدی اہمیت حاصل ہے۔یہ بات خوش آئند ہے کہ تاحال سی پیک کے تحت 70 ارلی ہارویسٹ منصوبوں میں سے 46 کی تکمیل ہو چکی ہے۔اب تک مجموعی طور پر 25.4 ارب ڈالرز کی سرمایہ کاری کی گئی ہے ہے ۔ عوام سی پیک کے ثمرات سے لطف اٹھا رہے ہیں ،توانائی کے منصوبوں کی بدولت بجلی کی لوڈ شیڈنگ پر قابو پانے میں مدد ملی ہے ،ملک بھر میں شاہراہوں کے نیٹ ورک سے نقل و حمل کی بہتر سہولیات میسر آئی ہیں ،لاہور میں ٹرانسپورٹیشن کا جدید منصوبہ میٹرو ٹرین سروس” اورنج لائن” فعال ہو چکی ہے ،روزگار کے 70ہزار سے زائد مواقع میسر آئے ہیں ،ملک میں خصوصی اقتصادی زونز قائم کیے جا رہے ہیں جبکہ تجارت ، صحت ،تعلیم ،زراعت ،ٹیکنالوجی اور دیگر بے شمار شعبہ جات میں تبادلہ و تعاون کو فروغ ملا ہے۔

ترجمان ایل ڈبلیو ایم سی کے مطابق ورکرز کی تنخواہوں کا چیک تین مارچ کو بنک آف پنجاب میں جمع کروایا گیا تھا۔ بنک آف پنجاب FATFکے قوانین کے مطابق سکرنینگ کے بعد ورکرز کی تنخواہیں ادا کرے گا۔ سی ای او ایل ڈبلیو ایم سی نے بنک آف پنجاب انتظامیہ سے تنخواہوں کی جلد ادائیگی کی درخواست کی ہے۔ترجمان کا مزید کہنا تھا کہ ان مسائل کے پیش نظرمستقبل میں دیگر بنکوں میں بھی اکاو¿نٹ کھلوائیں جائیں گے۔ کاروباری ہفتے کے آغاز کے تین دن کے اندر ہی ورکرز کو تنخواہ جاری ہو جائے گی۔ ایل ڈبلیو ایم سی انتظامیہ ورکرز کی تنخواہوں کی جلد ادائیگی کے لیے بنک آف پنجاب سے مسلسل رابطے میں ہے۔

لاہور ویسٹ منیجمنٹ کمپنی کی انتظامیہ نے ملی بھگت سے اپنے من پسند ٹھیکیدار سے پرائیویٹ مشینری لینے کا فیصلہ کر لیا۔ذرائع کے مطابق لاہور ویسٹ منیجمنٹ کمپنی کی انتظامیہ 6 ماہ کے لیے من پسند پرائیویٹ افراد سے ٹھیکے پر مشینری لے گی ۔ پہلے ہی لاہور میں لاہور ویسٹ منیجمنٹ کمپنی کی نا اہلی کے باعث لاہور میں جگہ جگہ گندگی کے ڈھیر لگے ہوئے ہیں۔پنجاب حکومت بھی لاہور ویسٹ منیجمنٹ کمپنی کی نااہلی کو چھپانے اور اس میں بہتری میں ناکام ہوگئی ہے۔لاہور ویسٹ منیجمنٹ کمپنی کی عدم توجہی کے باعث لاہور کی گلیاں محلے بدبودار ڈمپنگ اسٹیشن میں بدل گئیں۔

تحریر: اسماءملک
نور جہاں 21 ستمبر 1926کو اللہ وسائی میں پیدا ہوئیں۔نور جہاں کو راگ کی ملکہ کے نام سے بھی جانا جاتا ہے۔ایک پلے بیک گلوکار ا اور اداکارہ جو پہلے برٹش انڈیا اور پھر پاکستان کے سینما میں کام کرتی نظر آئیں۔ان کا کیریئر چھ دہائیوں سے زیادہ پر محیط تھا۔وہ خاص طور پر پورے جنوبی ایشیاءمیں ایک بہترین اور بااثر گلوکار کے طور پر مشہور تھیں اور انہیں پاکستان میں ملکہ ترنم کا اعزاز بخشا گیا۔ ان کے پاس ہندوستانی موسیقی کے ساتھ ساتھ دیگر موسیقی کی صنف کی بھی کمانڈ تھی۔
احمد رشدی کے ساتھ،انہوں نے پاکستانی سینما کی تاریخ میں سب سے زیادہ فلمی گانوں کو آواز دینے کا ریکارڈ اپنے نام کیا۔ایک تخمینہ ہے کہ انہوں نے 40 سے زیادہ فلمیں بنائیں اور گلوکاری کے دوران بیس ہزار کے قریب گایا جو نصف صدی سے بھی زیادہ عرصہ تک جاری رہا۔ان کو اب تک کی سب سے مشہور گلوکارہ میں سے ایک سمجھا جاتا ہے۔نور جہاں نے 5سال کی عمر میں ہی گانا شروع کیا ان کی والدہ نے استاد بیچے غلام علی خان کے تحت کلاسیکی گانے کی ابتدائی تربیت حاصل کرنے کے لئے بھیجا۔
1944 میں نور جہاں نے ہندوستان کے یوپی،اعظم گڑھ کے شوکت حسین رضوی سے شادی کی 1948 میں شوکت رضوی نے پاکستان ہجرت کرنے کا فیصلہ کیا اور1982 میں ہندوستان تشریف لے گئیں۔شوکت حسین سے نور جہاں کو طلاق ہوگئی۔ شوکت حسین رضوی سے ان کے تین بچے تھے۔نور جہاں کا کرکٹر نذر محمد کے ساتھ بھی رشتہ تھا۔ نور جہاں نے1959 میں اعجاز درانی سے شادی کی۔دوسری شادی سے بھی تین بچے پیدا ہوئے لیکن 1970 میں طلاق ہوگئی۔ان کی شادی اداکار یوسف خان سے بھی ہوئی۔