Category پاکستان

کراچی: روپے کی مقابلے میں امریکی کرنسی کی قیمت میں ایک بار پھر اضافہ دیکھنے میں آیا ہے۔کاروباری ہفتے کے دوسرے روز انٹر بینک میں امریکی کرنسی کی قدر میں 70 پیسے اضافہ ہوا ہے جس کے بعد انٹربینک میں ڈالر 276 روپے پر ٹریڈ کر رہا ہے۔دوسری جانب اسٹاک مارکیٹ سٹاک ایکسچینج میں بھی مثبت رجحان دیکھا گیا ہے، 509 پوائنٹس اضافے کے بعد 100 انڈیکس 41 ہزار 700 پوائنٹس کی سطح پر آگیا ہے۔

لاہور :پاکستان تحریک انصاف کے فوکل پرسن فوڈ سکیورٹی و خصوصی اقدامات جمشید اقبال چیمہ نے کہا ہے کہ فنانشل ٹائمز جیسے جریدے میں بھی پاکستان کے ڈیفالٹ کی صورتحال بیان کی گئی ہے، تمام معاشی ماہرین بھی یہی بات کر رہے ہیں لیکن یہ بات نام نہاد عقلمندوں کے ٹولے کو سمجھ نہیں آرہی ،اگر کوئی یہ سوچ رہا ہے کہ شہباز شریف ، اسحاق ڈار اور رانا ثنا اللہ معیشت کو چلانے کا ٹاسک کامیابی سے مکمل کر لیں گے تو یہ بیوقوفی کے سوا کچھ نہیں۔ زمان پارک کے باہر عمران خان کی حفاظت کیلئے لگائے گئے کیمپوں کے دورے کے موقع پر گفتگو کرتے ہوئے جمشید اقبال چیمہ نے کہا کہ پہلے ہم صرف یہ سنتے تھے کہ عوام تین سے دو وقت کی روٹی پر آ گئے ہیں لیکن اب امپورٹڈ ٹولہ عوام کو حقیقت میں دو تو کیا ایک وقت کی روٹی پر لے آیا ہے اور اسے بھی پورا کرنے کیلئے جان کے لالے پڑے ہوتے ہیں۔ انہوں نے کہا کہ کپاس کی پیداوار میں پچھلے سال کی نسبت 36 فیصد کمی ریکارڈ کی جا رہی ہے، دوسری طرف پاکستان کے پاس کپاس درآمد کرنے کیلئے ڈالر ہی نہیںجس کا واضح مطلب ہماری ٹیکسٹائل انڈسٹری بند ہونے جارہی ہے جس سے مزید لاکھوں مزدوروں بیروزگار ہو جائیں گے ۔انہوں نے کہا کہ امپورٹڈ حکومت اس وقت عوام دشمنی کی تمام منازل طے کر چکی ہے ،یہ عوام کو کچھ ریلیف تو دے نہیں سکے الٹا جو ہمارے دور میں ریلیف کے منصوبے شروع کئے گئے تھے انہیں عمران خان کے بغض میں بند کر رہے ہیں جس کا ثبوت انصاف صحت کارڈ کی بندش کا فیصلہ ہے۔

جڑانوالہ: مقبول شاعر صوفی تبسم کی 45ویں برسی 7فروری کو منائی جائے گئی ایک تھا لڑکا ٹوٹ بٹو ٹ جی ہاں! یہ نظم ہے بچوں کیمقبول شاعر صوفی تبسم کی،یہ اور جیسی لاتعداد شہرہ آفاق نظموں کے خالق صوفی تبسم. 4اگست 1899 کو ایک علمی اور ادبی گھرانے میں پیدا ہوئے۔ صوفی تبسم شاعر تھے، ادیب تھے اور گورنمنٹ کالج لاہور کے ہر دلعزیز استاد تھے۔ بچوں سے بے حد پیار کرنے والے تھے اسی لیے انہوں نے بچوں کے لیے بے شمار نظمیں لکھیں جن میں جھولنے اور ایک تھا لڑکا ٹوٹ بٹوٹ کو بے حد مقبولیت حاصل ہوئیان کی والدہ صاحبہ اس وقت تقریباً 90برس کی ہوں گی۔اپنی والدہ کے انتقال تک وہ ان کی خدمت میں مصروف رہے۔صوفی تبسم محکمہ تعلیم میں رہتے ہوئے بھی اپنے یا اپنے بچوں کے لیے کوئی رعایت نہیں مانگتے تھے۔ ان کے بچوں نے اعلیٰ تعلیم حاصل کی اور تعلیم کے محکمے سے ہی وابستہ رہیبچوں کے لیے نظمیں لکھنے کے ساتھ ساتھ انہوں نے 1965ء کی جنگ کے وقت جنگی ترانے بھی لکھے۔ وہ اس وقت ریڈیو پاکستان لاہور سے منسلک تھیصوفی تتبسم 7فروری1978کواسلام آباد سے لاہور آرہے تھے کہ ریلوے اسٹیشن پر ان کو دل کا دورہ پڑا اور وہ کسی ہم سفر کے کندھوں پر سر رکھ کر اس خالق حقیقی سے جا ملے

اسلام آباد: اسلام آباد ہائی کورٹ نے الیکٹرانک میڈیا قانون ساز ی کیلئے وزارت اطلاعات اور قانون کو10 فروری جمعہ تک مہلت دیدی ۔اسلام آباد ہائیکورٹ کے چیف جسٹس عامر فاروق نے الیکٹرانک میڈیا کیلئے قانون سازی کی ہائیکورٹ جرنلسٹ ایسوسی ایشن اور دیگر کی درخواستوں پر سماعت کی ۔سیکرٹری اطلاعات شاہیرہ شاہد اور سیکرٹری قانون عدالت میں پیش ہوئے، چیف جسٹس اسلام آباد ہائیکورٹ نے وزارت اطلاعات اور وزارت قانون کے رویے پر برہمی کا اظہار کرتے ہوئے کہا کہ آئندہ جمعے تک کا وقت ہے جو کر سکتے ہیں تو کریں ورنہ فیصلہ دے دوں گا،آپ اگر نہیں کر سکتے تو وزیرقانون اور وزیراطلاعات کو طلب کر لیتا ہوں ،اس موقع پر سیکرٹری اطلاعات نے عدالت کو بتایا کہ عدالت ہدایات دے گی تو ہم ان کی مطابق کام کر لیں گے جس پر عدالت نے کہا کہ وزارت قانون اور وزارت اطلاعات ختم کر دیں اگر سارا کام عدالتوں نے کرنا ہے پھر کہا جاتا ہے کہ عدالتیں ایگزیکٹو کے کام میں مداخلت کرتی ہیں اسکی وجہ یہی ہے کہ ایگزیکٹو اپنا کام کرتا ہی نہیں آپ یہ کہہ رہی ہیں کہ عدالت ہدایت دے گی تو ہی کام کریں گے؟ایسا ہے تو پھر میں نے جو لکھنا ہوا لکھ دونگا پھر کوئی شکوہ نہ کرے جس پر سیکرٹری اطلاعات نے عدالت کو بتایا کہ ہمیں معلوم نہیں تھا کہ اسلام آباد ہائیکورٹ میں یہ کارروائی جاری ہے جس پر عدالت نے کہا کہ آج وزارت اطلاعات کو اطلاع دینے کیلئے ایک نئی وزارت قائم کرنے کا حکم دے دیتا ہوں میڈیا کو چوتھا ستون کہا جا رہاہے اورحکومت صحافیوں کو بنیادی حقوق تک دینے کو تیار نہیں؟اسٹیک ہولڈر یہ صحافی ہیں جن کو تنخواہ نہ ملے تو لاکھ لاکھ روپے کے پیچھے ٹریبونل جاتے ہیں الیکٹرانک میڈیا کے صحافیوںکیلئے تو ایسا فورم بھی موجود نہیں تھا اس موقع پر ایڈیشنل اٹارنی جنرل نے عدالت سے استدعا کی کہ ہمیں تھوڑا وقت دے دیں، ہدایات لے کر عدالت کو آگاہ کرونگا جس پر عدالت نے کہا کہ میں 2031 میں ریٹائر ہو رہا ہوں تب کی تاریخ دے دوں؟پارلیمنٹ اور ایگزیکٹو اپنا کام کریں تو یہ چیزیں ادھر آئیں ہی نہیں اس موقع پر سیکرٹری اطلاعات نے عدالت کو بتایا کہ الیکٹرانک میڈیا کو پیمرا دیکھتا ہے ،کونسل آف کمپلینٹس کو اختیار دیا ہے کونسل آف کمپلینٹس کو اختیار دینے کی کابینہ سے منظوری لے لی ہے جس پر عدالت نے کہا کہ وہ آپ لوگ غلط کر رہے ہیں آپ تو بالکل ہی ایک اور سائیڈ پر چلے گئے ہیں آپ نے کابینہ کو بھی مس گائیڈ کیا ہیایسا نہیں کرنا چاہیے تھاالیکٹرانک میڈیا کیلئے قانون سازی کر کے ایک الگ سے فورم بنا دینا چاہیے یہ کیسز تو عدالتوں میں آنے ہی نہیں چاہئیں حکومت کو یہ کام خود کر دینے چاہئیں دو چار پانچ لاکھ روپے کیلئے ورکرز دھکے کھا رہے ہوتے ہیں ہمارا سسٹم کیسے کام کرتا ہے سب کو معلوم ہے، ورکرز کو مشکلات کا سامنا کرنا پڑتا ہے اگر آپ اس حوالے سے کچھ کرنا ہی نہیں چاہتے تو واضح بتا دیں حامد میر صاحب نے کہا تھا کہ اس قانون سازی میں میڈیا مالکان کا پریشر آئے گا آج یہ نظر آ رہا ہے کہ میڈیا مالکان کا پریشر لیا جا رہا ہے اس موقع پر عدالت نے سیکرٹری اطلاعات سے مکالمہ کیا کہ سٹیک ہولڈرز کا نہیں بلکہ ورکرز کا خیال رکھیں ورکرز ہونگے تب ہی تو سٹیک ہولڈرز ہونگیمیڈیا چوتھا ستون ہے، اس میں کام کرنے والے لوگوں کے حقوق کا تحفظ نہیں کیا جانا چاہئے یہ بہت بنیادی حق ہے اگر نہیں دینا چاہتے پھر تو وزارت اطلاعات اور وزارت قانون کو ختم ہی کر دیں سیکرٹری انفارمیشن اور سیکرٹری قانون تاثر دے رہے ہیں کہ جیسے انہیں ان درخواستوں کا آج ہی علم ہوا ہے انفارمیشن منسٹری کو علم نہیں تو انکی انفارمیشن کیلئے نئی منسٹری کھول لیتے ہیں اس موقع پر سیکرٹری اطلاعات نے عدالت کو بتایا کہ کونسل آف کمپلینٹس کو اختیار دیا ہے سزا کے طور پر لائسنس تک منسوخ ہو سکتا ہے جس پر عدالت نے کہا کہ پیمرا اب تک جتنے لائسنس منسوخ کر چکا ہے اسی طرح یہ بھی کریگا اس موقع پر حامد میر نے عدالت کو بتایا کہ کونسل آف کمپلینٹس کے ممبران خود میڈیا اداروں کے ملازمین ہیں وہ ملازمین تو وہی فیصلہ کرینگے جو پاکستان براڈ کاسٹرز ایسوسی ایشن چاہے گی جس پر عدالت نے کہا کہ صرف میڈیا مالکان ہی سٹیک ہولڈرز کیوں ہیں کیونکہ انکے پاس پیسہ ہے اگر سٹیک ہولڈر صرف مالک ہے تو آئی ٹی این ای سمیت سب کچھ ختم کر دیتے ہیں ہونا تو یہ چاہئے تھا کہ حکومت کو یہ بل دو دن بعد پارلیمان کے ہونے والے اجلاس میں پیش کیا جاتا ایگزیکٹو اگر اپنا کام کر رہی ہو تو اس درخواست کو یہاں لانے کی ضرورت ہی نہیں تھی اس موقع پر اسلام آباد ہائی کورٹ جرنلسٹ ایسوسی ایشن کے صدر قاضی رضوان سیکرٹری حسین احمد عدالت میں پیش عدالت نے وزارت اطلاعات وزارت قانون کو مہلت دیتے ہوئے سماعت اگلے جمعے تک ملتوی کردی۔

اسلام آباد: دہشتگردی اور دیگر قومی چیلنجز سے نمٹنے کیلئے کل جماعتی کانفرنس کی تاریخ تبدیل کر دی گئی،7 فروری کے بجائے 9 فروری کو ہوگی،ذرائع نے بتایا کہ وزیراعظم شہباز شریف کی زیر صدارت آج منگل 7 فروری کو ہونے والی اے پی سی کی تاریخ تبدیل کر دی گئی ہے ،اے پی سی 7 فروری کے بجائے اب جمعرات 9 فروری کو ہوگی۔ اے پی سی میں شرکت کیلئے تحریک انصاف کو بھی باضابط مدعو کیا گیا ہے۔ اے پی سی میں پارلیمنٹ کے اندر اور باہر تمام سیاسی جماعتوں کو دعوت دی جا رہی ہے اور سردار ایاز صادق کے سیاسی جماعتوں سے رابطے جاری ہیں۔ اے پی سی کے انعقاد کیلئے وزیراعظم ہاؤس اور پارلیمنٹ ہاؤس دونوں مقامات کی تجویز زیر غور ہے، اے پی سی میں دہشت گردی کے خلاف متفقہ پالیسی اور اعلامیہ تیار کیا جائے گا۔

جڑانوالہ :فیصل آباد میں بس اور کا ر میں تصادم میں 2خواتین سمیت 14افراد شدید زخمی ہو گئے تفصیلات کے مطابق ملت چوک فیصل آباد میں سیالکوٹ سے فیصل آباد آتے ہو ئے ہفتے کی صح مسافر بس کار میں تصادم ہو گیا جس کی وجہ سے مسافر بس الٹ گئی جس کے نتیجے میں راحیل ولد امجد فاروق عمر 33سال محمد عرفان ولد محمد یوسف عمر 30سال رہائشی گوجرہ طاہر شاہ ولد ناطق حسین عمر 25سال رہائشی حیات پو ر سرگودھا وطن نواب ولد عمر نوید عمر 26سال نوید ولد محمود عمر 30سال فیصل آباد محمد مدثر ولد غلام مصطفیٰ عمر 17سال پیر محل محمد سلیم ولد محمد شفیق عمر 45سال پیر محل شازیہ زوجہ شہباز عمر 30سال احمد آباد شہباز ولد فرید عمر 30سال چک نمبر 412 گ ب آمنہ دختر مقصود عمر 18سال چک نمبر 412گ ب عمران ولد اقبال عمر 40سال فیصل آباد سلطان ولد فضل عمر 50سال فیصل آباد ہارون ولد ہدایت عمر 18سال ٹوبہ اور مدثر ولد غلام رسول عمر 20سال شدید زخمی ہو گئے دو افراد کی حالت تشویشناک بتائی جاتی ہے تمام زخمیوں کو طبی امداد کے لیے ریسکیو کی ٹیم نے الائیڈ ہسپتال منتقل کر دیا گیا ہے

فیصل آباد :فیصل آبادمیں ٹرانسفارمر کی ارتھ تار سے کرنٹ لگنے پر 5سالہ بچہ جاں بحق ہوگیا۔ تفصیلات کے مطابق سرگودھا روڈ پر چک 02 گ۔ب رام دیوالی میں ٹرانسفارمر سے زمین میں دبائی جانے والی ارتھ والی تار سے پاس کھڑے پانچ سالہ بچے جمر ولد عمران کو کرنٹ لگا، بچہ کرنٹ لگنے سے موقع پر ہی جاں بحق ہوگیا۔ اطلاع ملنے پر ریسکیو 1122 کی امدادی ٹیم جائے حادثہ پر پہنچی تاہم مضروب بچہ دم توڑ چکا تھا۔ مرنے والا بچہ چک 46 دھاندرہ کا رہائشی تھا۔ بچے کی نعش ضروری کارروائی کے بعد ورثا کے حوالے کردی گئی۔

راولپنڈی: عوامی مسلم لیگ کے سربراہ شیخ رشید کا کہنا ہے کہ جس نے بھی انہیں گرفتار کیا اس کی حکومت ختم ہوئی۔

پولی کلینک میں میڈیا سے غیر رسمی گفتگو میں شیخ رشید نے کہا کہ پوری رات کا جاگا ہوا ہوں، میری گھڑیاں اور پیسے لیےگئے، ملازموں کو مارا گیا۔

انہوں نے کہا کہ بھٹوکی حکومت ہو یا نوازشریف کی جس نے مجھےگرفتارکیا وہ ختم ہوئی،  ہم امپورٹڈ حکومت ختم کرکے رہیں گے، 15 فروری کے بعد نقشہ بدل جائے گا، ساری قوم عمران خان کے ساتھ ہے، سب سن لیں یہ نواز شریف کی سیاسی موت ہے، ان کو خوف ہے کہ ان کی حکومت جا رہی ہے, شہباز شریف تمہارے دن گنے جا چکے ہیں۔

مسلم لیگ ن کی سینئر نائب صدر اور چیف آرگنائزر مریم نواز  کا کہنا ہے کہ نواز شریف نے واپسی کی تیاری شروع کر دی ہے وہ آئندہ چند ہفتوں میں ملک میں ہوں گے۔

بہاولپور میں میڈیا سے گفتگو کرتے ہوئے مریم نواز کا کہنا تھا نواز شریف بہت جلد وطن واپس آئیں گے، انہوں نے تیاری بھی شروع کر دی ہے لیکن ٹکٹ کنفرم ہونے تک حتمی تاریخ نہیں بتا سکتی۔

سابق وزیراعظم عمران خان کو تنقید کا نشانہ بناتے ہوئے مریم نواز کا کہنا تھا عمران خان کو اقتدار تک پہنچنے کے لیے بیساکھیوں کی ضرورت تھی، چار سال اقتدار میں رہے تو اسٹیبلشمنٹ کی تعریف کرتے رہے، اقتدار سے باہر آئے تو اسٹیبلشمنٹ کو تنقید کا نشانہ بنانا شروع کر  دیا۔

مریم نواز کا کہنا تھا ن لیگ حقائق پر بات کرے گے، ہمارا بیانیہ حقائق پر مبنی ہے، ہمیں کسی کی بیساکھیوں کی کوئی ضرورت نہیں ہے۔

چیف آرگنائزر مسلم لیگ ن کا کہنا تھا گھڑی چور کی کے پی میں 10 سال تک حکومت رہی، سب سے زیادہ فنڈز ملنے کے بعد بھی کے پی میں سہولیات نہیں، کے پی کی پولیس تنہا کھڑی ہے، یہ بات واضح کرتی ہے کہ فنڈز کو کن مقاصد کے لیے استعمال کیا گیا۔

شاہد خاقان عباسی سے متعلق سوال پر مریم نواز نے کیا جواب دیا؟

شاہد خاقان عباسی سے متعلق پوچھے گئے سوال پر مریم نواز کا کہنا تھا شاہد خاقان عباسی ہمارے سینئر ہیں، وہ نواز شریف کے دیرینہ ساتھی اور میرے بڑے بھائی ہیں، ان کی اور دیگر پارٹی رہنماؤں کی سرپرستی میں آگے بڑھوں گی۔

مریم نواز کا کہنا تھا میں شاہد خاقان عباسی سے خود ملوں گی، ہم اپنے دلوں کی باتیں ایک دوسرے کے سامنے رکھیں گے لیکن مخالفین اس میں جو خوشی ڈھونڈنے کی کوشش کر رہے ہیں انہیں وہ خوشی نہیں ملے گی کیونکہ شاہد خاقان عباسی بہت باوفا اور بااصول آدمی ہیں۔

اسلام آباد:قومی ادارہ صحت نے کہا ہے کہ گزشتہ 24 گھنٹوں کے دوران ملک بھر میں 4 ہزار 698 کورونا ٹیسٹ کئے گئے ہیں۔این ا?ئی ایچ کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 4 ہزار 698 کورونا ٹیسٹ کئے گئے جن میں سے 19 افراد کے کورونا ٹیسٹ مثبت ا?ئے ہیں۔اس طرح گزشتہ 24 گھنٹوں میں کئے گئے مثبت کورونا ٹیسٹ کی شرح 0.40 فیصد رہی ہے، مزید برآں اس دوران کورونا وائرس سے کوئی بھی مریض جاں بحق نہیں ہوا جبکہ 09 مریضوں کی حالت نازک ہے۔