Category پاکستان

اسلام آباد:دنیا میں کرپشن پر نظر رکھنے والے ادارے ٹرانسپیرنسی انٹرنیشنل نے اپنی تازہ سالانہ رپورٹ ’کرپشن پرسیپشن انڈیکس 2022 میں پاکستان کو درجہ بندی کے اعتبار سے 180 کی فہرست میں گزشتہ سال کی طرح بدستور 140 ویں نمبر پر برقرار رکھا ہے۔نئی رپورٹ میں اس بات کا انکشاف کیا گیا ہے کہ پاکستان میں کرپشن میں اضافہ ہوا ہے، جس کے بعد پاکستان کرپٹ ممالک کی فہرست میں 41 ویں نمبر پر ا?گیا ہے۔ٹرانسپیرنسی انٹرنیشنل کی جانب سے 31 جنوری بروز منگل کرپشن پرسیپشن انڈیکس 2022 کی رپورٹ جاری کی گئی ہے۔ٹرانسپیرنسی انٹرنیشنل کی رپورٹ کے مطابق دنیا کے 95 فیصد ممالک کرپشن میں کمی لانے میں ناکام ہوئے ہیں اور 2 تہائی ممالک میں بدعنوانی سنگین مسئلہ بن گئی ہے۔رپورٹ میں بتایا گیا ہے کہ بھارت اور بنگلا دیش کے سی پی ا?ئی اسکور میں حالانکہ کوئی فرق نہیں ا?یا تاہم یہ ممالک کالے قوانین کے ذریعے ا?زادی اظہار رائیاور حکومت پر تنقید کرنے والوں کو نشانہ بنا رہے ہیں۔پاکستان کے حوالے سے ٹرانسپرنسی رپورٹ میں کہا گیا ہے کہ پاکستان میں کرپشن میں اضافہ ہوا ہے، 10سال میں پہلی بار کرپشن پرسپشن انڈیکس کم ہوکر27 ہوگیا ہے۔رپورٹ میں کہا گیا ہے کہ پاکستان کا کرپشن اسکور 10سال کی کم ترین سطح پر ا?گیا ہے، عمران دور میں کرپشن 6 درجے تک بڑھ گئی تھی۔ عمران خان کے دور میں کرپشن بڑھتی رہی۔رپورٹ میں درجہ بندی کے حوالے سے پاکستان کا تذکرہ کرتے ہوئے بتایا گیا ہے کہ 180ممالک کی فہرست میں پاکستان کی رینکنگ 140 ویں نمبر پر برقرار ہے۔ جب کہ سال 2012 میں پی پی دور میں پاکستان کا اسکور 100میں سے 27تھا۔ سال 2018 میں پاکستان کا کرپشن اسکور 33 ، اور سال 2019 میں پاکستان کا کرپشن اسکور 32 تھا۔اسی طرح سال 2020 میں پاکستان کا کرپشن اسکور 31 رہا، 2021میں پاکستان کا کرپشن اسکور 28 پر پہنچ گیا تھا۔ 2022 میںپی ٹی ا?ئی اور پی ڈی ایم دور میں کرپشن اسکور مزید گر کر 27تک گیا۔

اسلام آباد: پٹرولیم مصنوعات کی قیمتوں میں اضافے کے بعد ٹرانسپورٹر مالکان نے ملک بھر میں کرایوں میں اضافے کا اعلان کر دیا ۔لاہور سے راولپنڈی کا کرایہ 2200 روپے سے بڑھا کر 2450 کر دیا گیا، لاہور سے پشاور کا کرایہ 2500 روپے سے بڑھا کر 3000 کر دیا گیا، لاہور سے فیصل آباد کا کرایہ 980 سے بڑھا کر 1130 روپے کر دیا گیا۔لاہور سے بہاولپور کا کرایہ 2200 سے بڑھا کر 2400 روپے کر دیا گیا، لاہور سے ملتان کا کرایہ 1990 سے 2090 روپے کر دیا گیا ،لاہور سے تونسہ کا کرایہ 2100 روپے سے بڑھا کر 2400 روپے کر دیا گیا،لاہور سے کراچی کا کرایہ 6700 سے 7100 روپے کر دیا گیا،لاہور سے حیدرآباد کا کرایہ 6300 سے بڑھا کر 7000 کردیا گیالاہور سے صادق آباد کا کرایہ 3050 سے بڑھا کر 3450 کر دیا گیا۔ اسی طرح سے لاہور سے سکھر کا کرایہ 4500 سے بڑھا کر 4900 کردیا گیا ،لاہور سے سوات کا کرایہ 2600 سے بڑھا کر 3000 کردیا گیا جبکہ لاہور سے مری کا کرایہ 2450 سے بڑھا کر 2700 کردیا گیا

لاہور:لاہور ہائیکورٹ نے پیٹرولیم مصنوعات میں قیمتوں میں اضافے کے خلاف درخواست پر وفاقی حکومت سمیت دیگر کو نوٹسز جاری کرکے جواب طلب کرلیا۔نجی ٹی وی کے مطابق لاہور ہائیکورٹ میں پیٹرولیم مصنوعات میں قیمتوں میں اضافے کے خلاف درخواست پر سماعت ہوئی،درخواست گزار کی جانب سے موقف اختیار کیا گیاہے کہ وفاقی حکومت نے ٹھوس وجہ کے بغیرپیٹرولیم مصنوعات کی قیمتوں میں اضافہ کیا،درخواست میں استدعا کی گئی ہے کہ عدالت نے پیٹرولیم مصنوعات کی قیمتوں میں اضافے کو کالعدم قرار دے،عدالت نے وفاقی حکومت سمیت دیگر کو نوٹسز جاری کرکے جواب طلب کرلیا۔

اسلام آباد :پشاور پولیس لائنز میں دھماکے کی ابتدائی تحقیقاتی رپورٹ وزیراعظم کو پیش کردی گئی۔ذرائع کے مطابق رپورٹ میں بتایا گیا ہے کہ جائے وقوعہ سے خودکش حملے کے شواہد ملے ہیں، دھماکے کے بعد مسجد کے پلر گرنے سے چھت گری جس سے نقصان زیادہ ہوا۔رپورٹ کے مطابق سکیورٹی لیپس کے حوالے سے اعلیٰ تحقیقاتی کمیٹی قائم کردی گئی ہے، پولیس لائن گیٹ، فیملی کوارٹرز سائیڈ کی سی سی ٹی وی فوٹیجزپر تحقیقات جاری ہیں ۔

لاہور: پٹرولیم مصنوعات کی قیمتوں میں حالیہ اضافہ کے خلاف لاہور ہائیکورٹ میں متفرق درخواست دائر کر دی گئی ۔جوڈیشل ایکٹیو ازم پینل کی جانب سے دائر درخواست میں موقف اختیار کیا گیا ہے کہ عالمی مارکیٹ میں پٹرولیم مصنوعات کی قیمتیں کم ہورہی ہیں۔درخواست گزار نے موقف اپنایا ہے کہ عالمی مارکیٹ کے برعکس ملک میں پٹرولیم مصنوعات کی قیمتیں بڑھا دی گئی ہیں۔درخواست گزار کی جانب سے عدالت عالیہ سے استدعا کی گئی ہے کہ پٹرولیم مصنوعات کی قیمتوں میں حالیہ اضافے کو کالعدم قرار دینے کا حکم دیا جائے۔

اسلام آباد: متحدہ عرب امارات کے صدر شیخ محمد بن زاید النہیان کادورہ اسلام آباد موسم کی خرابی کے باعث منسوخ ہو گیا۔ صدر یو اے ای محمد زاید النہیان نے پیر کو اسلام آباد کا دورہ کرنا تھاتاہم وہ بہاولپور میں بارش اور موسم کی صورتحال کے باعث اسلام آباد نہیں آ سکے ، معزر مہمان صبح ساڑھے 7 بجے ٹیک آف کے منتظر تھے۔صدر یو اے ای شیخ محمد بن زیدالنہیان نے وزیراعظم شہبازشریف سے رابطہ کیا اور دورہ کی منسوخی پراظہار افسوس کیا، وزیراعظم شہباز شریف نے کہاکہ آپ کی سلامتی و حفاظت ہمیں زیادہ عزیز ہے،موسم کی شدت میں پرواز کا خطرہ نہیں لے سکتے۔یو اے ای کے صدر نے وزیراعظم کو یقین دہانی کراتے ہوئے کہاکہ جلد 2 دن کے دورے پر اسلام آباد آئوں گا، انشا اللہ ۔صدر یواے ای کا دورہ منسوخ ہونے پر اسلام آباد کی تمام سڑکیں ٹریفک کیلئے کھول دی گئیں ،پولیس کی وی وی آئی پی سکیورٹی کو بھی کلوز کردیاگیا،تمام حفاظتی سکواڈز کو واپس بھیج دیا گیا۔#/s#

اسلام آباد:وزیر خزانہ اسحاق ڈار نے کہا ہے کہ ملک گزشتہ 5سال کی کوتاہی بھگت رہا ہے ، کوشش ہے کہ حالات بہتر کرسکیں،پاکستان کی ترقی و خوشحالی اللہ تعالیٰ کے ذمے ہے، گرین لائن ٹرین کی افتتاحی تقریب سے خطاب کرتے ہوئے اسحاق ڈار نے کہا کہ یہی وہ ملک تھا جس کے بارے میں 2013 میں کہا گیا یہ مالی طور پر مستحکم نہیں اور جو بھی حکومت آئے گی وہ ڈیفالٹ کا اعلان کرے گی۔انہوں نے کہا کہ قوم کی بدقسمتی ہے آج ہم 5 سال بعد کہاں کھڑے ہیں ؟ ملکی معیشت کے ساتھ جو کیا گیا اس کا احتساب ہونا چاہیے اور تحقیقات ہونی چاہیے۔ وزیر اعظم شہباز شریف کو بے پناہ چیلنجز ملے ہیں مگر وہ بہادر ہیں اور لڑ رہے ہیں۔ہمارے دورمیں مہنگائی کی شرح کم تھی، ہم 2016میں دنیا کی 24ویں بہترین معیشت بن چکے تھے لیکن پاکستان کی معیشت دنیا میں 47ویں نمبر پر آگئی ہے۔اسحاق ڈار نے کہا کہ آج پاکستان ڈان اور پانامہ ڈرامے کو بھگت رہا ہے تاہم ہماری پوری ٹیم دن رات کام کر رہی ہے اور ہم آئندہ عام انتخابات میں جانے سے پہلے ملک میں بہتری لائیں گے۔انہوں نے کہا کہ ہم معاشی دلدل سے نکلیں گے اور پاکستان ترقی کرے گا۔ ریلوے کی ترقی سے ملکی ترقی ہوتی ہے اور بہترین ریلوے بہترین آمدنی کا ذریعہ ہوتی ہے ۔ گرین لائن کا خاتمہ ہوچکا تھا ، وزیر ریلوے نے دوبارہ اس کا آغاز کیا ، ریلوے کا محکمہ جلد اپنے پاؤں پر کھڑا ہوگا۔ ۔ان کا کہنا تھا کہ ملک کو تباہ کرنے والوں کا محاسبہ انتہائی ضروری ہے۔اسحاق ڈار کا مزید کہنا تھا کہ اللہ تعالیٰ نے پاکستان کو دنیا میں رہنے کے لیے قائم کیا ہے ، یہ واحد ملک ہے جو کلمہ طیبہ کے نام پر بنا تھا اگر اللہ نے پاکستان بنایا ہے تو اس کی حفاظت ، ترقی اور خوشحالی بھی اللہ تعالیٰ کے ذمے ہے ، بطور قوم ہمیں سخت محنت کرنا ہوگی

اسلام آباد : سابق وزیراعظم اور پاکستان پیپلز پارٹی کے رہنما سینیٹریوسف رضا گیلانی نے سویڈن میں قران پاک کی بے حرمتی پر شدید الفاظ میں مذمت کرتے ہوئے کہا ہے کہ سویڈن اور نیدر لینڈ میں جو ہوا یہ بہت بڑا المیہ ہے پوری دنیا میں اس کے خلاف احتجاج کیا جا رہاںے ہیمیں بھی احتجاج کرنا چاہئے۔انہوں نے کہا کہ یہ انسانی حقوق کی خلاف ورزی ہے اسلام پر امن مذہب ہے اور پوری دنیا میں امن قائم کرنے کی طاقت رکھتا ہے ان دو ملکوں کے اس اقدام کے خلاف احتجاج کرنا چاہیے پارلیمنٹ کی جانب سے پر زور پیغام جانا چاہیے ۔سینیٹر اعظم تارڑ نے کہا کہ ہم اس کی شدید مذمت کرتے ہیںیہ الہامی کتاب تمام دنیا کے لئے نازل ہوئی تعلیم اور شعور کے رائج کرنے والے ممالک میں ایسی زہنیت ہونا تعجب ہے ایوان میں منظوری کے لئے مذمتی قرارداد تیار کر لی ہے اس معاملے کو بھرپور انداز میں عالمی سطح پر اٹھایا جائے گا۔وزیر اعظم نے ہدایت کی کہ ایوان کو بتاؤ کہ ہم تمام سفارتی راستے اختیار کریں گے ذمہ دار قومی کے طور پر احتجاج کیا جائے گا۔سینیٹر مشتاق احمد نے کہا کہ قرآن کے نظام سے یورپ سے نظام زندگی سیکھا سویڈن میں واقع کی بھرپور مذمت کرتے ہیں پاکستان سوئیڈن اور نیدرلینڈ کو طلب کرکے احتجاج ریکارڈ کرکے مصنوعات کا بائیکاٹ کردیں اگر تمام مسلمان سوئیڈن نیدرلینڈ کی مصنوعات کو تمام مسلمان ممالک اور او آئی سی بائیکاٹ کرے حرمت قرآن اور ناموس رسالت کے لئے 60 ممالک ایک ہوں،مسلم امہ کے حکمران قرآن مجید کی حرمت پر خاموش ہیں انہوں نے کہا کہ ایسے واقعات میں ملوث دہشتگرد ہیں دنیا کو تیسری جنگ کی جانب دھکیلنا چاہتے ہیں سویڈن اور نیدر لینڈحکومت کی اجازت دینے پر مذمت کرتے ہیں ملک میں قرآن کا نظام نافذ کیا جائے سویڈن اور نیدر لینڈ کے سفیروں کی طلبی کر کے ہمارے احساسات سے آگاہ کیا جائے ۔ انہوں نے کہا کہ حکومت کی جانب سے ابھی تک نیدر لینڈ اور سویڈن کے سفیروں کی طلبی نہیں کی گئی سویڈن اور نیدرلینڈ کی مصنوعات کا پاکستان بھی بائیکاٹ کرے اور اس تحریک کو عالمی سطح پر چلائے ۔

جڑانوالہ :گندم کے بعد چائول کولنگ آئل،گھی اور دالوں کا مصنوعی بحران پیدا ہونے کا خدشہ، ہزاروں کنٹینرز ایل سی نہ کھلنے کی وجہ سے کراچی کے سمندر میں کھڑے ہیں، چائول اور مختلف دالوں کی قیمتیں 350 روپے فی کلو تک چلی گئی ہیں، جبکہ آٹا پہلے 140سے 170روپے فی کلو بک رہا ہے۔شہری سستے آٹے کے ایک تھیلا کے لیے ترس رہے ہیں لمبی قطاروں کھڑے ہونے پر مجبور ہیں, پنجاب میں نگران وزیر اعلی سید محسن رضا نقوی کیلئے بڑا چیلنج مصنوعی مہنگائی کو کنٹرول کرناسوالیہ نشان،گندم ہونے کے باوجود آٹے کا بحران اور مہنگاکیو سرکاری گوداموں کی گندم اوپن مارکیٹ 4800روپے من فروخت ہونے کا انکشاف،گھی اور کوکنک آئل بھی ایک بار پھر مہنگاہوگیا، دودھ، انڈے،صابن،چائے، چینی برائلرمر غی کا گو شت،پیاز اور دیگر اشیاء کی قیمتیں کنٹرول سے باہر ہوگئیں فیصل آباد سمیت صوبہ بھر میں 15کلو آٹے کا تھیلا کا 2200 روپے جبکہ فلور ملز کا کھولا اور چکی کا آٹا 140سی170روپے کلو دستیاب ہے سستے آٹے کیلئے شہریوں جگہ جگہ لمبی قطاریں، فیصل آباد سمیت پنجاب بھر میں آٹے کا مصنوعی بحران فلور ملز مالکان اور بلیک میں گندم فروخت کرنے والے پیدا کر رکھا ہے جس مقامی انتظامیہ کنٹرول میں مکمل طور نا کام ہوچکی ہے،جبکہ دیگر اشیا خوردونوش، سبزیوں اور پھلوں کی قیمتیں کسی جگہ ٹھہرنے کا نام نہیں لے رہیں تفصیلات کے مطابق، فیصل آباد سمیت صوبہ بھر میں 15کلو آٹے کا تھیلا کا 2200 روپے جبکہ چکی کا آٹا170روپے کلو دستیاب ہے۔دوسری جانب فیصل آباد سمیت دیگر اضلاع کے تندوروں پر روٹی کی قیمت میں ازخود2 روپے اضافہ کردیا،تندوروں پر روٹی 16 سے 18 روپے میں فروخت ہو رہی ہے۔یاد رہے کہ گزشتہ روز متحدہ نان روٹی ایسوسی ایشن کی جانب سے نان اور روٹی کی قیمت میں اضافے کا اعلان کیا گیا تھا، اس سلسلہ میں جماعت اسلامی کے راہنمائوںپروفیسر محبوب الزماں بٹ،میاںطاہرایوب،شیخ محمدمشتاق،انجینئرعظیم رندھاوا نے کہاکہ مرکزی اور صوبائی حکومتوں نے اپنی لڑائی میںگندم کا مصنوعی بحران پیدا کر کے عوام کو کراچی سے چترال تک آٹے کی لائنوں میں کھڑا کر دیا گیا۔لوگ ایک تھیلا آٹے کے لیے ترس رہے ہیں، ذخیرہ اندوز اور مافیا اربوں کما رہے ہیں۔ تینوں بڑی جماعتوں میں مافیاز موجود ہیں جنہوں نے نے ماضی میں بھی چینی، ادویات، پٹرول کے مصنوعی بحران پیدا کیے۔حکومت کی ناقص پالیسیوں کی بدولت پاکستان گندم برآمد کرنے والے ملک سے گندم درآمد کرنے والا ملک بن گیا ہے۔ انہوں نے کہا کہ ذخیرہ اندوز اور مافیا اربوں کما رہے ہیں۔مافیاز تینوں بڑی جماعتوں میں موجود ہیں، ماضی میں بھی مصنوعی بحران پیدا کر کے حکومتوں میں شامل مافیاز نے اپنی جیبیں گرم کیں۔ حکمرانوں نے ہمیشہ عوام سے دشمنی کی، یہ سیاسی و معاشی دہشت گرد ہیں، ان کی آپس کی لڑائیاں مفادات کے لیے ہیں۔ انہوں نے کہا کہ ملکی وسائل سے استفادہ کرنے کی بجائے حکمران کشکول لے کر در بدر ٹھوکریں کھا رہے ہیں۔یہ سیاسی و معاشی دہشت گرد ہیں۔ ان کی آپس کی لڑائیاں مفادات کیلئے ہیں۔ ملک میں سیاسی افراتفری، آئینی و معاشی بحران پی ڈی ایم، پیپلزپارٹی اور پی ٹی آئی کی بیڈگورننس، نااہلی اور کرپشن کا نتیجہ ہے۔،سیکرٹری جنرل نان روٹی ایسوسی ایشن نے کہاہے کہ اتوارسے روٹی 16، نان 30 روپے میں فروخت کیا جائے گا۔متحدہ نان روٹی ایسوسی ایشن کاکہناہے کہ حکومت سستا آٹا اور فائن فراہم کرنے میں ناکام رہی،فائن آٹے کا 80 کلو تھیلا 12 ہزار روپے میں مل رہا ہے، آٹے کا 15 کلو کا تھیلا 2 ہزار روپے تک مل رہا ہے، ایسوسی ایشن کاکہناہے کہ مہنگا آٹا اور فائن خرید کر سستی روٹی اور نان فروخت نہیں کر سکتے۔اس طرح پیاز 230 سے 260روپے کلومیں فروخت ہور ہاہے ادرک 380 روپے کلو،لہسن 332،ٹماٹر 60 روپے کلو اورآلو 130 روپے دھڑی فروخت ہو رہا ہے،سبز مرچ 56،گاجر 56، مولی 26 اورمٹر 130 روپے کلو میں فروخت ہو رہا ہے۔ضلعی سطح پر مقامی انتظامیہ منافع خوروں اور ذخیرہ اندوزوں کے سامنے بے بس ہوچکی ہے حکومت پنجاب کی جانب سے فلور ملزمالکان کو روزانہ کی بنیادوں ہر لاکھوں ٹن گندم 2300روپے من کے حساب سے دی جارہی ہے اس کے باوجودہ فیصل آباد سمیت پنجاب بھر گندم کی نئی فصل آنے سے پہلے ہی منافع خوروں اور ذخیراندزوں نے پرانی گندم دوگناہ میں ریٹ پرفروخت شروع کردی ہے جبکہ فیصل آباد سمیت پنجاب بھر آٹا چکیوں کا کوٹہ بند کررکھا ہے جس کی وجہ سے چکی مالکان گندم اوپن مارکیٹ سے خریدنے پر مجبور ہیں چکی مالکان کا الزام ہے ایک سازش تحت فلورملز مالکان کو نواز جارہاہے محکمہ خوراک اور ضلعی انتظامیہ کی ملی بھگت سے سرکاری گندم اوپن مارکیٹ فروخت ہورہی ہے اور منافع خوروںچکی مالکان اور شہر یوں کو دونوں ہاتھوں سے لوٹ رہے ہیں جس کی وجہ سے چکی مالکان آٹا مہنگا فروخت کرنے پر مجبور ہیں، سستے آٹے کیلئے شہری لمبی قطاروں میں کھڑے ہونے پر مجبور ہیں اوپن مارکیٹ مین کوکنگ آئل اور گھی کی قیمتوں ایک بار پھر 30سے 40روپے فی کلو اضافہ ہونے بعد 540روپے فی کلو تک قیمت پہنچ گئی ہے

اسلام آباد: ترجمان دفتر خارجہ نے کہا ہے کہ قرآن پاک کی بے حرمتی کے واقعات اسلاموفوبیا ذہنیت کے عکاس ہیں،پاکستان مقبوضہ کشمیرمیں جاری مظالم کیخلاف آواز اٹھاتا رہے گا۔ہفتہ وار نیوز بریفنگ میں ترجمان دفتر خارجہ ممتاز زہرہ بلوچ نے کہا کہ پاکستان سویڈن اور ہالینڈ میں قرآن پاک کی بے حرمتی کی مذمت کرتا ہے۔ ایسی حرکتیں اسلامو فوبیا ذہنیت کی عکاس ہیں۔ پاکستان نے ہالینڈ اور سویڈن کو اپنی تشویش سے آگاہ کردیا ہے۔انہوں نے کہا کہ متحدہ عرب امارات کے صدر نے پاکستان کا دورہ کیا۔ وزیراعظم شہبازشریف نے ان کا استقبال کیا۔ وزیرخارجہ بلاول بھٹو زرداری نے ازبکستان کا دورہ کیا، جہاں انہوں نے ای سی او کانفرنس میں شرکت کی۔ باکو میں چارٹرآف ریسرچ سینٹر کے قیام پر اتفاق کے علاوہ تجارتی وعلاقائی رابطوں کے فروغ اور موسمیاتی تبدیلی پر بات ہوئی۔ وزیرخارجہ نے ایران ازبکستان ترکیہ سمیت خطے کے ممالک کے وزرائے خارجہ سے ملاقاتیں بھی کیں۔ترجمان کا کہنا تھا کہ مقبوضہ کشمیرمیں بھارتی مظالم کا سلسلہ جاری ہے۔ معصوم کشمیریوں کیخلاف انسانی حقوق کی ورزیاں کی جارہی ہیں۔ پاکستان مقبوضہ کشمیرمیں جاری مظالم کیخلاف آواز اٹھاتا رہے گا۔ پاکستان بھارت دونوں ایس سی او کے ارکان ہیں۔ بھارت اس بار کونسل آف فارن منسٹرز اجلاس کی میزبانی کررہا ہے۔ بحیثیت چیئرمین بھارت نے پاکستان کو بھی دعوت نامہ بھیجا ہے، جس کا جائزہ لیا جارہا ہے۔ اجلاس میں شرکت سے متعلق فیصلہ مشاورت کے بعد کیا جائے گا۔