Category پاکستان

یہ مینار حضرت عمر رضی اللہ عنہ کے حکم پر دومۃ الجندل مسجد کے ساتھ تعمیر کیا گیا تھا۔
الریاض(میڈیا پاکستان، مانیٹرنگ ڈیسک) سعودی عرب کی سرکاری ویب سائٹ ’’العربیہ ڈاٹ نیٹ‘‘ پر مریم الجابر کی ایک تحقیقی تحریر میں بتایا گیا ہے کہ اسلامی تاریخ کا پہلا مینار خلیفہ دوم سیدنا فاروق اعظم (رضی اللہ عنہ) کے حکم پر آج سے 1400 سال قبل حالیہ الجوف کے علاقے دومۃ الجندل میں تعمیر کیا گیا جو آج بھی اپنی جگہ موجود ہے۔
یہ مینار حضرت عمر (رضی اللہ عنہ) نے بیت المقدس کے سفر پر روانہ ہوتے وقت تعمیر کروایا تھا جبکہ یہ اسلام کی اولین یادگاروں کے ساتھ ساتھ اس دور کے عرب فن تعمیر کا نادر نمونہ بھی ہے۔
مربع شکل کی بنیاد والے اس پتھریلے اور مخروطی مینار کی چوڑائی 9 مربع میٹر ہے جبکہ اس کا ہر ضلع تین میٹر لمبا ہے۔ اس کی بلندی 13 میٹر ہے جبکہ مینار اور اس سے متصل مسجد دومۃ الجندل کی تعمیر میں ’’الجندل‘‘ نامی پتھر استعمال کیے گئے ہیں جو قدرتی طور نہایت سخت ہوتے ہیں۔ مینار مجموعی طور پر پانچ سطحوں پر مشتمل ہے۔ طویل وقت گزرنے کے بعد اس مینار کے اندرونی پتھر ٹوٹ پھوٹ کا شکار ہوچکے ہیں اس لیے آج اس مینار کے اندر سے اوپر چڑھنا مشکل ہے۔
سعودی ماہر آثار قدیمہ اور الجوف میں قومی ورثہ و سیاحت کے ڈائریکٹر جنرل احمد بن عتیق القعید نے ’’العربیہ ڈاٹ نیٹ‘‘ سے گفتگو میں بتایا کہ 1404ھجری (1983 عیسوی) سے مسجد دومۃ الجندل اور اس سے ملحقہ مینار کو سعودی عرب کے قومی ورثے میں شامل کرلیا گیا ہے جس کے بعد سے مسجد کی صفائی اور مرمت کا کام زیادہ بہتر طریقے سے کیا جارہا ہے۔ اس مسجد میں آج بھی نماز ادا کی جاتی ہے۔
بتاتے چلیں کہ مسجد دومۃ الجندل کا شمار سعودی عرب کی قدیم ترین مساجد میں بھی ہوتا ہے۔

لاہور(میڈیا پاکستان)نماز عید کے فوری بعد قبرستان میں شہریوں کی بڑی تعداد نے اپنے عزیزواقارب کی قبروں پرفاتحہ خوانی کی اور ایصال ثواب کیلئے دعائیں مانگیں، رقت آمیز مناظر دیکھنے میں آئے۔ شہریوں نے اپنے پیاروں کی قبروں پرپھولوں کی چادریں چڑھائیں اور اگر بتیاں روشن کیں۔قبرستان آنیوالے بچوں خصوصاًوالدین یاکسی دوسرے پیارے سے محروم ہوجانیوالوں کو آبدیدہ دیکھ کر قریب کھڑے دیگر افراد بھی اپنے جذبات پرقابو نہ رکھ پائے، شہری اپنے عزیزواقارب کی قبروں پرپھولوں اور آنسوؤں کے نذرانے پیش کرتے رہے۔ شہر کے قبرستانوں کے اردگرد وارڈنز کی عدم موجودگی پر ٹریفک جام رہی، شہریوں کوپریشانی کاسامنا کرنا پڑا۔ شہری میانی صاحب اور دیگر قبرستانوں میں گاڑیوں، موٹرسائیکلوں سمیت داخل ہوگئے قبرستانوں کے باہر پارکنگ کیلئے جگہ نہ ہونے پر شہریوں نے سڑکوں پر گاڑیاں کھڑی کیں جبکہ قبرستانوں میں صفائی کے انتظامات بھی ناقص تھے۔

لاہور(میڈیا پاکستان)ڈائریکٹر جنرل جنگلی حیات و پارکس پنجاب خالد عیاض خان نے کہا ہے کہ عید کے تیسرے روز لاہور چڑیا گھر اور سفاری زو میں 62 ہزار 5 سو 90 لوگ تفریح کے لئے آئے جس سے محکمہ کو 22 لاکھ سے زائد آمدن ہوئی جو گزشتہ سال سے 6 لاکھ 8 سو روپے زائد ہے۔ انہوں نے تفصیلات کا زکر کرتے ہوئے بتایا کہ عید ے تیسرے روز لاہور چڑیا گھر میں 49 ہزار 6 سو 72 افراد تفریح کے لئے آئے جس سے 17 لاکھ پانچ ہزار 480 روپے آمدن ہوئی جبکہ کار پارکنگ کی مد میں ایک لاکھ 30 ہزار سے زائد آمدن ہوئی۔ انہوں نے کہا کہ کار پارکنگ کی مد میں اتنی آمدن کا حصول ایک ریکارڈ ہے۔ انہوں نے کہا کہ گزشتہ سال عید کے تیسرے روز 40 ہزار 6 سو 57 افراد لاہور چڑیا گھر تفریح کے لئے آئے تھے اور 14 لاکھ 10 ہزار 6 سو 80 روپے آمدن ہوئی تھی جبکہ اس سال ہونے والی آمدن گزشتہ سال سے تقریبا 3 لاکھ روپے زائد ہے۔ انہوں نے کہا کہ سفاری زو لاہور میں عید کے تیسرے روز 12916 افراد تفریح کے لئے آئے، 3 لاکھ 66 ہزار 780 روپے آمدن ہوئی جبکہ گزشتہ سال عید کے تیسرے روز 6 ہزار9 سو 82 افراد سفاری زو لاہور تفریح کے لئے آئے تھے جس سے ایک لاکھ 91ہزار روپے آمدن ہوئی تھی۔ انہوں نے کہا کہ لاہور چڑیا گھر اور سفاری زو میں سکیورٹی انتظامات قابل ستائش تھے، ڈیوٹی پر موجود تمام افسران واہلکاران نے پوری تندہی سے فرائض سر انجام دیئے، اعزازیہ دیا جائے گا۔ انہوں نے کہا کہ صوبہ بھر کے چڑیا گھروں اور وائلڈ لائف پارکس میں شائقین کی آمد اور انتظامات کے بارے میں کل صبح ان کے دفتر میں اجلاس منعقد کیا جائے گا۔

امام ابو حنیفہؒ ہوں یا امام مالکؒ، امام شافعیؒ ہوں یا امام احمدؒ، یہ سب حرم شریف کے اسکول کے فیض یافتہ ہیں،شاہ ولی اللہ محدث دہلوی ؒ بھی ان میں سے ایک ہیں
مسجد الحرام اسلام کے عصر اول سے لیکر عصر حاضر تک اسلامی اور عرب علوم و فنون کی عالمی درس گاہ کے طور پر اپنا ایک مقام بنائے ہوئے ہے۔ یہ وہ درس گاہ ہے جس میں صحابہ کرام ؓ نے ایک دوسرے کے سامنے زانوے تلمذ طے کئے۔ یہ وہ تعلیم گاہ ہے جہاں تابعین اور ان کے شاگردوں تبع تابعین نے ایک دوسرے سے حدیث، علوم حدیث ، تفسیر ، علوم تفسیر، فقہ ، اصول فقہ، تاریخ ، عقائد،طب اور سماجی و عمرانی علوم حاصل کئے۔
دنیائے اسلام کے گوشے گوشے سے بڑے بڑے علماء، محدث، مفسر ، فقیہ ، مورخ اور مختلف علوم کے ماہرین اپنے ذہنوں میں دسیوں سیکڑوں سوالات مرتب کرکے حرم شریف کا رخ کرتے، اس جذبے اور اس قصد سے نکلتے کہ حرم شریف پہنچیں گے تو وہاں فلاں علم کے نابغہ روزگار فلاں عالم اور فلاں علم کے سلسلے میں پوری دنیا میں حجت کا مقام رکھنے والے فلاں بزرگ پہنچے ہوئے ہونگے لہذا حج کے عظیم الشان عالمی ، علمی، دینی، فکری ، ثقافتی اور روحانی اجتماع سے فیض یاب ہونگے۔یہی وجہ ہے کہ مسجد الحرام کے مدرسے نے پوری دنیا کو اسلامی اور دنیاوی علوم و فنون کے سلسلے میں ایسی روشنی دی جس سے بنی نوع انساں کی ایک ایک بستی، ایک ایک قریے اور ایک ایک علاقے نے پوری طرح سے فائدہ اٹھایا۔ یہی وہ درس گاہ ہے جہاں اہل سنتہ اور اہل شیعہ کے اسکولوںکے بزرگ آکر فیض حاصل کرتے رہے اور یہاں سے روشنی لیکر پوری دنیا میں پھیلاتے رہے۔ امام ابو حنیفہ رحمتہ االلہ علیہ ہوں یا امام مالک رحمتہ اللہ علیہ، امام شافعی رحمتہ اللہ ہوں یا امام حنبل رحمتہ اللہ علیہ ہوں۔ یہ سب حرم شریف کے اسکول کے فیض یافتہ ہیں۔
مسجد الحرام کے دالان اور اس کے صحن عصر رسالت سے لیکر عصر حاضر تک قال اللہ اور قال رسول اللہ کی صداؤں سے ہمیشہ گونجتے رہے۔ ڈاکٹر عبدالوہاب ابو سلیمان لکھتے ہیں کہ 14ویں صدی ہجری میں مسجد الحرام میں تعلیم کا سلسلہ کئی تاریخی مراحل سے گزرا۔ ہر مرحلے کی اپنی شناخت اور خصوصیات رہیں۔ بعض ایک دوسرے سے مماثل اور دیگر ایک دوسرے سے مختلف رہیں۔سماجی اور سیاسی حالات کے اثر سے تبدیلیاں ہوتی رہیں۔ جب خوشحالی ہوتی اور سیاسی ماحول پرسکون ہوتا تو ایسی صورت میں حرم شریف کے تدریسی حلقے پھلتے پھولتے اور معاشی تنگی اور سیاسی بے چینی ہوتی تو ایسی حالت میں حرم شریف میں درس کے حلقے محدود اور تنگ ہو جاتے اور محرکات بھی مثبت و منفی شکل میں اثر انداز ہوتے رہتے۔
حرم شریف کے اسکول کا امتیاز یہ رہا کہ اسے ایک طرح سے عالم اسلام کی بین الاقوامی درس گاہ کی حیثیت حاصل رہی۔ اس میں نہ صرف یہ کہ نجد و حجاج کے علماء فقہاء علمی مجلسوں کے صدر نشین ہوتے یہاں برصغیر اسی طرح سے انڈونیشیا اور وسطی ایشیا نیز مختلف عرب ملکوںکے ماہر فن اساتذہ اور علماء اپنے علوم و فنون اور تصنیفات و تالیفات کا جادو جگاتے۔ طلبہ بھی پوری دنیا کے ہر خطے سے فیض حاصل کرنے کے لئے آتے تھے۔ ان سب نے مجموعی طور پر حرم شریف کی درسگاہ کو علمی اور روحانی صلاحیتوں سے پروان چڑھایا۔
ابوسلیمان بجا طور پر کہتے ہیں کہ آج انڈونیشیا میں نھضتہ العلماء کے سیکڑوں اسکول ملک کے طول و عرض میں پھیلے ہوئے ہیں۔ پرائمری اسکول سے لیکر یونیورسٹی کے مرحلے تک تشنگان علوم کو سیراب کررہے ہیں۔ اسکا سہرا حرم شریف کی درس گاہ کے سر ہی جاتا ہے۔ اس درس گاہ سے فیض پانے والوں میں برصغیر کی دسیوں ممتاز شخصیات کے نام آتے ہیں۔ کہا جاسکتا ہے کہ ان شخصیتوں نے یہاں سے اسلامی علوم و فنون میں دسترس پیدا کرکے اپنے یہاں جاکر اسلامی علوم کی وہ شمعیں روشن کیں جن کے زریں سلسلے سے آج پاکستان، ہندوستان اور بنگلہ دیش میں مختلف مکاتب فکر کے اسکولوں کے مینارے ساری دنیا کو روشنی فراہم کر رہے ہیں۔
شاہ ولی اللہ محدث دہلوی ؒ ان فیضیافتگان میں سے ایک ہیں جو حرم شریف حج کے پروگرام سے آئے تھے اور انہوں نے یہاں کے علماء سے فیض حاصل کیا تھا اور پھر غیر منقسم ہندوستان پہنچ کر حدیث ، علوم حدیث ، تفسیر اور علوم تفسیر، فقہ اور اصول فقہ نیز عقائد کے حوالے سے ایسا کام کیا کہ آج برصغیر کا کوئی مکتب فکر ایسا نہیں جو شاہ ولی اللہ رحمتہ اللہ علیہ سے انتساب کا دعویدار نہ ہو اور اس انتساب پر نازاں نہ ہو۔
سعودی قیادت نے حرم شریف کی اس درسگاہ کے تاریخی کردار کو محسوس کرکے ایک اسکول قائم کیا جسے معہد الحرم المکی کے نام سے جانا پہچانا جاتاہے۔ بانی مملکت شاہ عبدالعزیزؒ نے مملکت بھر میں علوم کے چراغ روشن کرنے کا عزم صمیم کئے ہوئے تھے۔ اسی تناظر میں حرم مکی میں دینی ادارے کے سربراہ شیخ عبداللہ بن محمد بن حمید نے معہد الحرم مکی کے نام سے دینی درس گاہ کے قیام کی تجویز رکھی تو شاہ عبدالعزیزؒ نے فوراً اسکی تصویب کی۔ اس جذبے کے ساتھ اسکی حمایت کی کہ اس سے حرم شریف کے اندر خصوصی تعلیمی ادارہ کا کردار اجاگر ہوگا۔ فوراً ہی پرائمری، ثانوی اور کالج کے مرحلوں کی تعلیم دینے والی درسگاہ کے قیام کا حکم جاری کیا۔ اس کے لئے اسلامی و عربی علوم کا کورس ماہرین نے تیار کیا۔ اس معہد نے بہت جلد اپنا لوہا منوالیا۔ اس نے حرم شریف کے اہم اور نمایاںمرکز کی حیثیت حاصل کرلی۔
معہد کو مسجد الحرام و مسجد نبوی شریف امور کی جنرل پریذیڈنسی کے ساتھ جوڑ دیا گیا۔پریذیڈنسی کے سربراہ اس کی سرپرستی کرتے رہے۔ عصر حاضرمیں شیخ صالح بن عبدالرحمن الحصین اور ڈاکٹر محمد بن ناصر الخزیم نے اسے پروان چڑھانے کے لئے زیادہ توجہ دی ہے۔ اول الذکر حرمین شریفین کی انتظامیہ کے سربراہ اعلیٰ اور ثانوی الذکر انکے نائب ہیں۔
رفتہ رفتہ معہد کا شہرہ پوری مسلم دنیا میں ہوگیا اور اب دنیائے اسلام کے گوشے گوشے سے فرزندان اسلام دینی و عربی علوم کے حصول کے لئے اس کا رخ کرنے لگے ہیں۔
سعودی یونیورسٹیوں کو مسجد الحرام کے اس تعلیمی ادارہ کی اہمیت کاا حساس ہے۔ اسی کے تحت انہوں نے اس سے سرٹیفکیٹ حاصل کرنے والے طلباء کو اپنے یہاں داخلوں کی سہولتیں دیدی ہیں۔ درس گاہ سے مڈل (اعدادی) ، ثانوی اور بکالوریوس (بی اے) کے سرٹیفکیٹ کو دیگر سرکاری اسکولوں اور کالجوں سے ملنے والی ایسی ہی اسناد کے مساوی تسلیم کرلیا گیا ہے یعنی اگر کسی نے اس درسگاہ سے اعدادی کیا ہو تو وہ عام اسکول میں ثانوی کے پہلے سال میں داخلہ لے سکتا ہے اسی طرح ثانوی اسکول پاس بی اے کے پہلے سال اور بی اے پاس ایم اے کے پہلے سال میں داخلے کا مجاز ہوگا۔ 1430-31ھ تک اس سے فارغ ہونے والے طلباء کی تعداد 2ہزار سے تجاوز کر گئی۔اسکے سرٹیفکیٹ سوڈان کی یونیورسٹیوں اور الازہر یونیورسٹی میں بھی مقبول ہیں۔ ان دنوں اس میں 600طلباء زیر تعلیم ہیں۔ صبح 7بجے سے ظہر کی نماز تک تعلیم کا سلسلہ جاری رہتا ہے۔ زیر تعلیم طلباء کو مفت رہائش فراہم کی جاتی ہے۔ مڈل کے مرحلے کے طلباء کو ماہانہ 200ریال جبکہ ثانوی اور اس سے اگلے مرحلے کے طلباء کو 200سے450ریال ماہانہ وظیفہ دیا جاتا ہے۔ علاوہ ازیں مخیر حضرات بھی طلباء کو نوازتے رہتے ہیں

نبی اکرم نے سب سے پہلا کام مسجد قباء کی تعمیر کا کیا،ا س کا پہلا پتھر نبی اکرم ﷺ نے خود اپنے دست مبارک سے رکھا،اس کے بعد حضرت ابوبکرؓاور حضرت عمر ؓنے ایک ایک پتھر رکھا

قبا وہ قابل دید تاریخی مقام ہے جس میں محبوب آقا ﷺ نے مکہ مکرمہ سے ہجرت کرکے مدینہ منورہ میں داخل ہونے سے قبل آرام کیا تھا۔ قباء وہ تاریخی مقام ہے جہاں اسلامی تاریخ کی پہلی باقاعدہ مسجد تعمیر ہوئی تھی، آج قباء کا تعارف کرایا جائیگا۔ لاکھوں مسلمان، دنیا کے گوشے گوشے سے ہر سال ارض مقدس آتے ہیں۔ آنیوالے وہ بھی ہیں جو ملازمت کے ارادے سے آتے ہیں، آنیوالوں میں عمرہ وزیارت اور حج ویزے والے بھی ہوتے ہیں۔ یہ حضرات مدینہ منورہ پہنچتے ہیں تو مسجد قباء کی زیارت بھی کرتے ہیں۔ وہاں پہنچ کر محبوب آقاﷺ اور صحابہ کرام ؓ کی قربانیوں اور اسلام کی بقا و اشاعت کیلئے ان کی مساعیٔ جمیلہ کی یاد تازہ کرکے اپنے ایمان کو تازگی بخشتے ہیں۔ قباء میں ہوتے ہیں تو تاریخی صفحات کی ورق گردانی کرتے سوچتے ہیں کہ کس طرح صحابہ کرام ؓاسلام کی اشاعت کی خاطر محبوب آقاﷺ کیلئے سینہ سپر ہوگئے تھے اورکیسی کیسی قربانیاں دیکر دین حق کا بول بالا کیا تھا۔

قباء مدینہ منورہ سے ایک فاصلے پر بستی ہے جہاں انصار کے خاندان آباد تھے۔ وہی وہ مقام ہے جہاں آقا ئے نامدارﷺ کی سواری پہنچنے پر مدینہ منورہ کے انصار استقبال کیلئے نکل کھڑے ہوئے تھے جہاں اسلامی تاریخ کی پہلی مسجد تعمیر ہوئی اور جس کی شہادت قرآن پاک نے دی ہے۔

مسجد قباء مدینہ منورہ کے جنوب میں واقع ہے،یہ مسجد نبوی شریف سے 5 کلومیٹر کے فاصلے پر ہے۔ اس میں ایک کنواں ہے جو ابوایوب انصاریؓ کے نام سے مشہورہے۔ قباء محلے میں ہونے کی وجہ سے مسجدکا بھی نام قباء رکھا گیا۔ شروع شروع میں مسلمان بیت المقدس کی طرف رخ کرکے نماز ادا کیا کرتے تھے۔ قبلہ تبدیل ہوا توسب خا نہ کعبہ کی طرف رخ کرکے نماز ادا کرنے لگے۔ قباء کے باسیوں نے مسجد قباء کا رخ تبدیل کرنا تھا تو رسول اللہ ﷺ وہاں تشریف لائے اور سب کے ساتھ ملکر قبلہ کا رخ متعین کیا اور ترمیم و اصلاح میں حصہ لیا۔

معروف مؤرخ ڈاکٹر الفائدی مسجد قباء کی تاسیسی تاریخ پر روشنی ڈالتے ہوئے لکھتے ہیں کہ مدینہ منورہ 2حرّوں پر مشتمل ہے۔ مشرقی حرّہ جسے حرّۃ واقم کہا جاتاہے اور مغربی حرہ جسے حرّۃالوبرہ کہا جاتا ہے۔یہ دونوں حرّے جنوبی مدینہ منورہ میں کئی حروں سے جڑے ہوئے ہیں۔ یہ حرے، بیاضہ،شوران، اور قریظہ ناموں سے مشہور ہیں ۔ قدیم زمانے میں یہاں آنے والے شمالی راستے سے مدینہ منورہ میں داخل ہوتے تھے ۔ رسول اکرم ﷺ کے زمانے میں انصاری قبائل دونوں حروں کے اطراف میں آباد تھے۔ خَزرجی مغربی حرہ میں رہتے تھے، یہ مسجد نبوی شریف کے مغرب اور جنوب میں ہوتے تھے،سارے قبیلے ایک ساتھ نہیں تھے، ایک دوسرے کے آس پاس تھے۔ بعض گھرانے مسجد نبوی شریف کے قریب اور دیگر دور تھے۔ خزرجی قبیلے کی شاخوں میں سے بنو سلمہ ،بنوحرام تھے۔ اوس قبائل کے لوگ مشرقی حرہ کے مغربی اطراف میں آباد تھے۔

جب انصار کو پتہ چلا کہ رسول اکرم ﷺ مکہ مکرمہ سے ہجرت کرچکے ہیں اور مدینہ منورہ پہنچنے والے ہیں تو انصار روزانہ ،صبح سویرے ، مدینہ منورہ سے محبو ب آقاﷺ کے استقبال کیلئے قباء آجاتے ، دھوپ ہوتی تو واپس چلے جاتے تھے۔ رسول اکرم ﷺ ربیع الاول کے مہینے میں قباء پہنچے تو بنو عمرو بن عوف میں قیام کیا۔ آرام کے بعد نبی اکرم ﷺ نے سب سے پہلا کام مسجد قباء کی تعمیر کا کیا۔ یہ مسجد کلثوم بن ہدم کی زمین پرقائم کی گئی۔ اس مسجد کا پہلا پتھر نبی اکرم ﷺ نے خود اپنے دست مبارک سے قبلہ رخ رکھا۔اس کے بعد حضرت ابوبکرصدیقؓاور حضرت عمر ؓنے ایک ایک پتھر رکھا۔ صحابہ ؓ نے اس کی تعمیر میںبڑھ چڑھ کر حصہ لیااور نبی کریم ﷺ خودبھی مسجد کی تعمیر کیلئے کام کرتے رہے۔ اسلام میں سب سے پہلے یہی مسجد تعمیر کی گئی جو 8تا11ربیع الاول کی 1ھ مطابق 3ستمبر 632ء کے درمیان تعمیر کی گئی۔ سورۂ توبہ کی آیت 108میں اسی مسجد کا اس طرح ذکر کیا گیا ہے،ارشاد ربانی ہے:
جو مسجد اول روز سے تقویٰ پر قائم کی گئی تھی وہی اس کیلئے زیادہ موزوں ہے کہ تم اس میں عبادت کیلئے کھڑے ہو، اس میں ایسے لوگ ہیں جو پاک رہنا پسند کرتے ہیں اور اللہ کو پاکیزگی اختیا رکرنے والے ہی پسند ہیں۔(التوبہ108)۔

حضرت عبداللہ بن عمرؓ سے روایت ہے کہ ’’نبی کریم ﷺ مسجد قباء کی زیارت کیلئے کبھی سوار اور کبھی پیدل تشریف لے جاتے اور 2 رکعت نماز پڑھتے‘‘۔

نبی کریم ﷺ کا ارشاد ہے ’’جوشخص اپنے گھر سے وضو کرکے مسجد قباء میں 2رکعت نماز ادا کرے تو اسے ایک عمرہ کا ثواب ملے گا‘‘۔

منافقین نے اس مسجد کے بالمقابل ایک مسجد تعمیر کی تو انہوںنے رسول اللہ ﷺ کواس میں نماز ادا کرنے کی دعوت دی۔حضرت جبریل علیہ السلام آئے اور رسول اکرم ﷺ کو ان کے فریب سے آگاہ کیا اور یہ آیت پہنچائی:’’کچھ اور لوگ جنہوں نے ایک مسجد بنائی اس غرض کیلئے کہ (دعوت حق کو) نقصان پہنچائیں اور (اللہ تعالیٰ کی بندگی کرنے کے بجائے) کفر کریں اور اہل ایمان میں پھوٹ ڈالیں اور (اس بظاہر عبادت گاہ کو) اس شخص کیلئے کمین گاہ بنائیں جو اس سے پہلے اللہ اور اس کے رسول کے خلاف برسرپیکار ہوچکا ہے، وہ ضرور قسمیں کھاکر کہیں گے کہ ہمارا ارادہ تو بھلائی کے سوا دوسری چیز کا نہ تھامگر اللہ گواہ ہے کہ وہ قطعی جھوٹے ہیں، تم ہرگز اس عمارت میں کھڑے نہ ہونا۔‘‘( التوبہ107)۔

قرآن کریم میں منافقین کی مسجد کو مسجدضرارکا نام دیاگیا، رسول اکرمﷺ نے اسے زمین بوس کرنے کا حکم جاری کیاتھا۔
ڈاکٹر الفایدی نے لکھا ہے کہ رسول اللہ ﷺ کے انتقال فرماجانے کے بعد مسجد قباء کی تجدید کی گئی۔ خلیفہ سوم حضرت عثمان بن عفانؓ نے توسیع کرائی جبکہ عمر بن عبداللہ نے ولید بن عبدالملک کے عہد میں توسیع واضافہ کرایا، اس کا مینارہ بنوایا اور دالان بنوائے۔الموصل کے حکام میں سے پہلے جمال الدین الاصفہانی نے 555ھ میں مسجد قباء کی تجدید کرائی، پھر 671ھ میں تجدید ہوئی، آگے چل کر الناصر بن قداودن نے 733ھ میں تجدید کرائی۔

سعودی عہد میں مسجدقباء پر سب سے زیادہ توجہ دی گئی۔ خادم حرمین شریفین شاہ فہد بن عبدالعزیزؒ نے اس کی تعمیر ِنو کا حکم صادر کیاتھا۔ اس موقع پر اس کا رقبہ کئی گنا بڑھا دیا گیا، پرانی عمارت کو ہموار کرکے نئی بنیادں پر کام کرایا گیا،اس کے 4مینارے بنائے گئے ،قدیم نقشے کا خیال رکھا گیا۔ نئی مسجدِ قباء ،جنوبی اور شمالی دالان کی شکل میں بنائی گئی، دونوں کے درمیان کھلا صحن بنایاگیا۔ دونوں دالانوں کو 2طویل دالانوں کے ذریعے کسرقائمہ سے جوڑا گیا، اس کی چھت ایک دوسرے سے مربوط کی گئی، اس میں 6بڑے گنبد ہیں، ہر ایک کا قطر 12میٹر ہے۔مسجد پر 56چھوٹے گنبد ہیں، ہر ایک کا قطر 6میٹر ہے۔ مسجد کی پوری عمارت 13600مربع میٹر رقبے میں پھیلی ہوئی ہے، مسجد کے ساتھ ایک لائبریری اور زائرین کیلئے مارکیٹنگ ایریا بھی رکھا گیا ہے۔

قباء میں میٹھے پانی کا بندوبست ہے۔ قباء کا موسم خوشگوار رہتا ہے، گرمی کے عالم میں اگر مسجد قباء پہنچیں گے تو آپ کو معتدل آب و ہوا کا احساس ہوگا۔مسجد قباء دور ہی سے نظر آتی ہے ،تاریخی ہونے کے علاوہ منظر کے حوالے سے بھی دیکھنے سے تعلق رکھتی ہے۔

اسلام آباد (میڈیا پاکستان)اسلام آباد کے سیکٹر ایچ نائن میں سستے بازار میں آگ بھڑک اٹھی جس سے کپڑوں کے 10 سٹال جل گئے ،فائر بریگیڈ کی گاڑیاں آگ بجھانے میں مصروف میں ہیں، نجی ٹی وی جیو نیوز کے مطابق آگ سیکٹر ایچ نائن میں پشاور موڑ کے قریب سستے بازار میں آگ پٹیوں کے ساتھ بھوسے کو لگائی گئی تھی جس نے دیکھتے ہی دیکھتے کپڑوں کے سٹالوں کو اپنی لپیٹ میں لے لیا اور 10 سٹال جل کر راکھ ہو گئے،نجی ٹی وی کے مطابق فائر بریگیڈ کی 5 گاڑیاں آگے بجھانے کیلئے مصروف ہیں اور مزید گاڑیوں کو بلا لیا گیا، آتشزدگی واقعہ میں کوئی جانی نقصان نہیں ہوا۔

لاہور(میڈیا پاکستان)انسداد دہشت گردی کی عدالت کے جج جاوید اقبال وڑائچ نے تشدد سے ہلاک ہونے واے ملازم اختر کے مقدمہ میں ملوث ایم پی اے شاہ جہاں کی بیٹی ملزمہ فوزیہ کی درخواست ضمانت خارج کردی ۔
انسداد دہشت گردی کی عدالت میں گھریلو ملازم محمد اختر پر تشدد کرنے اور اس کی ہلاکت ہونے کے مقدمہ میں ملوث ایم پی اے شاہ جہاں کی بیٹی فوزیہ کی درخواست ضمانت کی سماعت ہوئی عدالت میں مقتول محمد اختر کے والد ظفر کے وکیل عرفران ریاض گوندل نے بحث کی جس کے بعد عدالت نے وکلا ءکی بحث کے بعد ملزمہ فوزیہ کی ضمانت خارج کردی ۔ فوزیہ کے خلاف تھانہ اکبری گیٹ پولیس نے دہشت گردی ایکٹ کے تحت مقدمہ درج کر رکھا ہے۔

لاہور(میڈیا پاکستان)لاہور ہائی کورٹ کی طرف سے لاہور ہائی کورٹ بار ملتان کے صدر شیرزمان قریشی کے وارنٹ گرفتاری جاری ہونے کے خلاف لاہور ہائی کورٹ ملتان بنچ کے سوا اعلیٰ عدالتوں میں ہڑتال کی کال ناکام ہوگئی تاہم ماتحت عدالتوں میں بھرپور ہڑتال کی اطلاعات ہیں ۔
ہڑتال کی کال سپریم کورٹ بار ایسوسی ایشن ،لاہور ہائی کورٹ بار ،لاہور ڈسٹرکٹ بار اور صوبائی بارکونسلوں نے دی تھی ۔سپریم کورٹ لاہور رجسٹری میں اس وقت دو بنچ کام کررہے ہیں جن میں وکلاءکی عدم پیروی کی بنا پر کسی ایک مقدمہ کی سماعت بھی ملتوی نہیں ہوئی ۔لاہور ہائی کورٹ لاہور پرنسپل سیٹ پر موسم گرما کی تعطیلات کے باعث 10عدالتیں کام کررہی ہیں جن میں وکلاءکی حاضری 95فیصد سے بھی زائد رہی۔ جسٹس سید مظاہر علی اکبر نقوی کی کورٹ میں 36مقدمات میں سے 33مقدمات میں وکلاءپیش ہوئے، جسٹس سید کاظم رضا شمسی کی عدالت میں 17مقدمات کی کاز لسٹ جاری تھی اور تمام مقدمات میں وکلاءپیش ہوئے جن میں سے سات مقدمات کے فیصلے بھی کئے گئے، جسٹس عبدالسمیع خان کی عدالت میں 42 مقدمات میں سے 35 مقدمات میں وکلاءمعمول کے مطابق پیش ہوئے، جسٹس عالیہ نیلم کی عدالت میں 33میں سے 32مقدمات کی سماعت ہوئی اور تمام مقدمات میں فریقین کے وکلاءپیش ہوئے۔ مزید برآں جسٹس عبدالستار کی عدالت میں 76، جسٹس اسجد جاوید گورال کی عدالت میں 61 اور جسٹس جواد حسن کی عدالت میں کاز لسٹ کے مطابق 50 مقدمات کی سماعت ہوئی اور تقریبا تمام مقدمات میں فریقین کے وکلاءمعمول کے مطابق پیش ہوئے۔ اسی طرح جسٹس مامون رشید شیخ کی عدالت میں میاں محمدنوازشریف کا نام ای سی ایل میں ڈالنے سے متعلق بیرسٹراقبال جعفری کی جانب سے دائر درخواست سمیت دیگر مقدمات کی سماعت ہوئی جبکہ جسٹس حبیب اللہ عامر کی عدالت میں بھی زیر سماعت تمام کیسز میں فریقین کے وکلاءحاضر ہوئے۔لاہور ہائی کورٹ کے راولپنڈی بنچ اور بہاولپور بنچ میں بھی وکلاءکی اکثریت عدالتوں میں پیش ہوئی ۔لاہور کی ماتحت عدالتوں میں وکلاءنے ہڑتال کی اور اکثر مقدمات میں وکلاءپیش نہیں ہوئے جس کے باعث جج صاحبان اٹھ کر اپنے چیمبرز میں چلے گئے جبکہ سائلین عدالتوں کے باہراپنے وکلاءکاانتظارکرتے رہے لیکن وکلاءکی ہڑتال کے باعث مقدمات کی سماعت نہ ہوسکی موسم گرما کی 30روزہ تعطیلات ختم ہونے کے بعدگزشتہ روزسیشن عدالت میں کام شروع ہوگیاہے لیکن وکلاءکی ہڑتال سے مقدمات کی سماعت ممکن نہ ہوسکی ہے۔عدالتی اہلکارپیشی کے لئے آوازیں لگاتے رہے لیکن وکلاءعدالتوں میں پیش نہیں ہوئے ۔

راولپنڈی (میڈیا پاکستان)نیب کاشریف خاندان کو روالپنڈی میں بھی بلانے کا فیصلہ کیا ہے۔
نجی چینل ”دنیا نیوز“ کا اپنے ذرائع کے حوالے سے کہنا تھا کہ نیب نے شریف خاندان کو راولپنڈی میںطلب کرنے کا فیصلہ کیا ہے ،اس مقصد کے لیے شریف خاندان کو تین نوٹسز بھیجے جائیں گے۔جبکہ ان سے 16آف شور کمپینوں کے حوالے سے پو چھا جائے گا،اس کے علاوہ عزیزیہ سٹیل ملز کے قیام سے متعلق بھی تحقیقات بھی کی جائیں گی۔