Category پاکستان

اسلام آباد : مہنگائی کی ستائی عوام پر مزید بوجھ ڈالنے کی تیاریاں،آئی ایم ایف کی ایک اور شرط پوری ہوگی،گیس کی قیمتوں میں اضافے کا امکان وزارت پیٹرولیم نے گیس کی قیمتوں میں اضافے کی تیاری شروع کر دی ۔ذرائع کے مطابق اوگرانیگیس کمپنیوں کی درخواست پر منظوری کے لیے گائیڈ لائنز بھجوا دیں ہیں اور قیمتوں میں 667 روپے فی ایم ایم بی ٹی یو تک اضافے کا امکان ہے پنجاب اور خیبرپختونخوا کے شہریوں کے لیے گیس 488 فی ایم ایم بی ٹی یوسندھ اور بلوچستان کے صارفین کے لیے 667 روپے 44 پیسے تک فی ایم ایم بی ٹی یو اضافے کا امکان ہے ذرائع کے مطابق ایل این جی کی قیمتوں میں 1015 روپے فی ایم ایم بی ٹی یو اضافے کا خدشہ ہے سوئی ناردرن گیس کے لیے ایل این جی کی قیمتوں میں 1015 روپے جبکہ سوئی سدرن گیس کمپنی کے لیے ایل این جی کی قیمت میں 26 روپے 23 پیسے فی ایم ایم بی ٹی یو تک اضافے کا امکان ہے ذرائع کے مطابق گیس کی قیمتوں میں اضافے کی منظوری ای سی سی اور کابینہ سے لی جائے گی،اور اضافے سے پہلے اتحادیوں کو بھی اعتماد میں لیا جائے گاآئی ایم ایف نے اگلی قسط جاری کرنے کے لیے گیس اور بجلی کی قیمتوں میں اضافے کی شرط رکھی تھی اور اب حکومت گیس کی قیمتوں میں اضافہ کرکے رپورٹ آئی ایم ایف کو بھجوائے گی

اسلام آباد: وفاقی دارلحکومت میں بلدیاتی انتخابات کے انعقاد پر سوالیہ نشان لگ گیا،وزارت داخلہ نے اسلام آباد میٹرو پولیٹن کارپوریشن میں یونین کونسلز کی تعداد میں اضافے کا نوٹیفیکیشن جاری کردیا ہے ،نوٹیفیکیشن کے مطابق اسلام آباد میں یونین کونسلز کی تعداد101سے بڑھا کر 125کردیا گیا ہے۔وزارت داخلہ کی جانب سے جاری ہونے والے نوٹیفیکیشن کے مطابق وفاقی حکومت نے لوکل گورنمنٹ ایکٹ کے تحت دئیے گئے اختیارات کو استعمال کرتے ہوئے اسلام آباد میٹرو پولیٹن کارپوریشن میں یونین کونسلز کی تعداد میں اضافہ کردیا ہے اور اب یونین کونسلز کی مجموعی تعداد101کی بجائے 125ہوگی واضح رہے کہ وفاقی کابینہ نے سرکولیشن سمری کے زریعے 18دسمبر کو اسلام آباد میٹرو پولیٹن کارپوریشن میں یونین کونسلز کی تعداد میں اضافہ کردیا تھاسمری میں کہا گیا تھا کہ موجودہ یونین کونسلز 2017کی مردم شماری کے تحت بنائے گئے ہیں اور اب آبادی میں اضافہ ہونے کی وجہ سے یونین کونسلز کی تعداد میں اضافہ ناگزیر ہے وفاقی کابینہ سے منظوری کے بعد سمری وزارت داخلہ کو ارسال کردی گئی اور وزارت داخلہ نے اس کا نوٹیفیکیشن جاری کردیا ہے دوسری جانب الیکشن کمیشن نے اسلام آباد میٹرو پولیٹن کارپوریشن میں بلدیاتی انتخابات کے انعقاد کیلئے تمام تیاریاں مکمل کر لی ہیں اور انتخابات میں شرکت کرنے والے امیدواروں کی جانب سے بھی انتخابی مہم زوروں پر جاری ہے الیکشن کمیشن کی جانب سے بلدیاتی انتخابات کیلئے 31دسمبر کی تاریخ مختص کی گئی ہے تاہم موجودہ صورتحال کی وجہ سے اب حکومت نے بال الیکشن کمیشن کے کورٹ میں پھینک دی ہے الیکشن کمیشن کے ذرائع ک ے مطابق انتخابات کا شیڈول جاری ہونے کے بعد کسی بھی انتہائی حساس اور خطرناک صورتحال کے بغیر اس میں تبدیلی ممکن نہیں ہے۔۔۔۔۔اعجاز خان

اسلام آباد:پاکستان نے آئی ایم ایف کے پروگرام کی بحالی کے لیے ایک اور کوشش کی ہے۔ذرائع وزارت خزانہ کے مطابق آ ئی ایم ایف کے پروگرام کی بحالی کی غرض سے عالمی سیاسی رابطوں کے لیے وزارت خارجہ سے کردار ادا کرنے کی درخواست کی گئی ہے۔ پاکستان کا مؤقف ہے کہ آئی ایم ایف سیلاب اور دیگر وجوہات پر معاہدے کی شرائط پر نظرثانی کرے، عالمی سطح پر مہنگائی اور معاشی بحران کے باعث مزید سخت فیصلے نہیں کرسکتے۔پاکستان نے مؤقف اختیار کیا ہیکہ پاکستان نئے ٹیکس لگائے بغیرا?مدن بڑھاسکتا ہے اور سال کے آخرتک کرنٹ اکاؤنٹ خسارہ کم کرلیگا۔ذرائع کے مطابق فیڈرل بورڈ ا?ف ریونیو (ایف بی ا?ر) نے بھی ٹیکس چوروں سے ریکوریز بہتر بنانے کا پلان پیش کیا ہے جس کے تحت پاکستان ٹیکس وصولی بہتر کرکے مقررکردہ 7100 ارب روپے کا ہدف پورا کرے گا۔

کراچی :اسلام آباد سے کراچی آنے والی سیرین ائر کی پرواز کا نوجوان مسافر دوران لینڈنگ انتقال کرگیا۔ 19 سالہ نوجوان حنین فاروق سیرین ائر کی پرواز ای آر 505 کے ذریعے اپنے کزن عمران سومرو کے ہمراہ وفاقی دارالحکومت سے کراچی آ رہا تھا کہ دوران پرواز اچانک دل کی تکلیف ہوئی۔مسافر کی طبیعت بگڑنے پر کراچی ائرپورٹ پر سول ایوی ایشن اتھارٹی اور وفاقی وزارت صحت کے ڈاکٹرز کو انتظامات کی ہدایت کردی گئی تھی، تاہم مسافر کو طیارے سے باہر لانے پر ڈاکٹرز نے چیک کیا تو وہ پہلے ہی انتقال کر چکا تھا۔وفاقی وزارت صحت کے ڈاکٹرز نے مسافر حنین فاروق کا ڈیتھ سرٹیفکیٹ جاری کردیا۔ واضح رہے کہ سیرین ائر کی پرواز ER-505 رات 12 بجے اسلام آباد سے کراچی پہنچی۔ جاں بحق ہونے والا مسافر بلدیہ ٹاؤن مدینہ کالونی کا رہائشی ہے۔

اسلام آباد: وفاقی وزیر قانون سینیٹر اعظم نذیر تارڑ نے کہا ہے کہ آئین اور جمہوریت پر یقین رکھنے والے اسمبلیاں نہیں توڑتے،اسمبلیاں توڑنے کا اعلان عمران خان کی آمرانہ اور فسطائی ذہنیت کا نتیجہ ہے۔اپنے ایک بیان میں وزیر قانون نے کہا 2018 کی “سلیکشن” کے باوجود ہم جمہوریت کے تسلسل کی خاطر پارلیمنٹ میں بیٹھے تھے ۔پارلیمنٹ مدت پوری کرتی ہے تو جمہوریت مظبوط ہوتی ہے۔جمہوریت کے تسلسل سے معیشت ترقی کرتی ہے ۔انہوں نے کہا پارلیمنٹ کے تسلسل سے سیاسی استحکام آتا ہے، عوام کی ترقی کا عمل آگے بڑھتا ہے ۔سیاسی زلزلے اور آمرانہ آفٹرشاکس جاری رہیں تو معیشت مظبوط نہیں ہوتی، مہنگائی بے قابو ہو جاتی ہے ۔ معیشت کی بہتری کے لئے اسمبلیوں کا تسلسل ناگزیر ہے۔

اسلام آباد: وزیراعظم شہباز شریف نے کہا ہےکہ ملک  میں معاشی استحکام کو ملک سے وفاداری اور دوستی کا تقاضا قرار دیا ہے۔

ایک بیان میں وزیراعظم شہباز شریف نے کہا کہ پاکستان سے وفاداری اور دوستی کا تقاضا ہے کہ ملک میں معاشی استحکام ہو، کسی کی کوشش ہےکہ پاکستان ڈیفالٹ کرجائے تو ایسا نہیں ہوگا،نہ کرنے دیں گے، معیشت میں بارودی سرنگیں بچھانے والے اب سیاسی نظام میں یہی کرنےکی سازش کررہےہیں۔

انہوں نے کہا کہ آئین کی طاقت سے ملک کو جھوٹی حکومت سے نجات دلائی تھی اب عوام کو روٹی اور  روزگار کی پریشانیوں سے نجات دلائیں گے  جب کہ سیاسی شرپسند انتشارپھیلا کردنیاکو بتانا چاہتے ہیں پاکستان میں سرمایہ کاری نہ کریں، سیلاب متاثرین کو سردی، بھوک اور  بیماری سے بچانے میں سیاسی شریروں کا حصہ نہیں، یہ سیاسی مطلب پرست اور خودغرض ہیں۔

وزیراعظم کا  کہنا تھا کہ  جب ملک ترقی کرناشروع کرتا ہے تو فسادی لشکرکیوں متحرک ہوجاتا ہے؟ کوئی شک نہیں رہا کہ ایک ایجنڈےکےتحت معاشی تباہی کی گئی، سیاسی عدم استحکام بھی اسی کا تسلسل ہے،عوام کا اعتماد توڑنے والے اب اسمبلیاں توڑ رہے ہیں،اس کا مقصد سیاسی عدم استحکام پیدا کرنا ہے۔

شہباز شریف نے کہا کہ عوام کی حالت پر رحم کریں، مہنگائی اور بیروز گاری کےعذاب سے انہیں نجات دلانا سیاست ہے، پاکستان سابق چار سال کی معاشی تباہی سے  زہرناک مہنگائی کا شکار ہوا، عوام کی زندگیوں سے مہنگائی کا زہر ختم کرنے دیں، رکاوٹیں مت کھڑی کریں، سیاسی استحکام اور میثاق معیشت ہی پاکستان کی قومی سلامتی کو مظبوط کر سکتے ہیں۔

خیبر پختونخواہ کے شہر  پشاور کے 3  بڑے اسپتالوں میں 6 ماہ سے انسولین دستیاب نہ ہونے کا انکشاف ہوا ہے۔

اسپتال ذرائع کے مطابق  لیڈی ریڈنگ اسپتال( ایل آر ایچ )، خیبرٹیچنگ اسپتال اور  حیات آباد میڈیکل کمپلیکس میں  6 ماہ سےانسولین دستیاب نہیں ہے جس کے باعث مریضوں کو مشکلات کا سامنا ہے۔

 ذرائع کا دعویٰ ہے کہ لیڈی ریڈنگ اسپتال میں انستھیزیا کی ادویات بھی دستیاب نہیں ہیں، مریضوں کا شکوہ ہے کہ انستھیزیا کی ادویات نہ ہونے سے ان کے آپریشنز بھی ملتوی کیے گئے ہیں۔

ترجمان ایل آر ایچ کے مطابق ہمارے پاس زیرعلاج مریضوں کے لیے انسولین دستیاب ہیں تاہم اوپی ڈی مریضوں کے لیے مفت انسولین دستیاب نہیں ہیں۔

ترجمان ایل آر ایچ کا بتانا ہے کہ انستیھزیا کی سپلائی میں معمولی کمی آئی تھی، انستھیزیا کی ادویات دستیاب ہیں لیکن ضرورت کے مطابق دے رہے ہیں اور  اسپتال میں سرجریز بھی ہو رہی ہیں۔

تفصیلات کے مطابق وزیراعظم شہباز شریف کی زیر صدارت مسلم لیگ ن کا مشاورتی اجلاس ہوا جس میں مسلم لیگ ن کی قیادت نے حکومت کی جانب سے ریلیف پر توجہ مرکوز کرنے کا فیصلہ کیا۔

دوران اجلاس وزیراعظم شہباز شریف نے ہدایت کی کہ آئندہ سیاسی اجتماعات میں حکومتی معاشی اقدمات اور ریلیف کو اجاگر کیا جائے۔

وزیراعظم نے اجلاس سے خطاب کرتے ہوئے کہا کہ اتحادی حکومت نے تباہ حال معیشت کو آ کر سنبھالا، عمران خان کی پالیسیاں ملک کو سری لنکا کی سی صورتحال کی طرف لے جارہی تھیں، اتحادی حکومت عوام کو مزید ریلیف دینے کے اقدمات کررہی ہے۔

شہباز شریف نے مزید کہا کہ پی ٹی آئی حکومت اور موجودہ حکومت کے درمیان معاشی اقدامات کے فرق کو اجاگر کیا جائے، ورکرز کنونشن میں حکومتی پالیسیوں کو مثبت انداز میں اجاگر کیا جائے۔

وزیراعظم نے پارٹی قیادت کو ہدایت کی کہ حکومتی معاشی اقدامات اور ریلیف کو اجاگر کیا جائے جبکہ ملک کے دیوالیہ ہونے کے حکومت مخالف بیانیے کی جتنا ہو سکے نفی کریں۔
 

پاک افغان بارڈر پر پاکستانی اور افغان فورسز کے درمیان جھڑپیں ہوئی ہیں جس میں خواتین سمیت 15افراد زخمی ہوگئے۔

سکیورٹی حکام کے مطابق پاک افغان بارڈرکلی شیخ لعل محمد میں پاکستانی اورافغان بارڈرفورسز کےدرمیان جھڑپیں ہوئی ہیں جس میں افغان فورسز کی جانب سے شہری آبادی کو دوبارہ نشانہ بنایا گیا ہے۔

لیویز حکام نے بتایا کہ بوغرا اورکسٹم ہاؤس کے علاقے میں آرٹلری کے متعدد گولےگرے جس کے بعد شہریوں کو مال روڈ، بوغرا روڈ، بائی پاس اوربارڈر روڈ خالی کرنےکی ہدایت کی گئی ہے جب کہ ڈی ایچ کیو اسپتال چمن میں ہنگامی حالت نافذ کردی گئی ہے۔

سیکرٹری صحت بلوچستان صالح محمد ناصر کا کہنا ہے کہ کوئٹہ کے اسپتالوں میں بھی ایمرجنسی نافذ کر دی گئی ہے، سول، بی ایم سی اسپتال اور ٹراما سینٹر میں ایمرجنسی نافذ کر دی گئی ہے۔

سیکرٹری صحت کے مطابق جنرل سرجنز، آرتھوپیڈک سرجنز، انستھیزیا اسپیشلسٹ دیگرعملہ چمن روانہ کر دیا گیا ہے، کنسلٹنٹس، ڈاکٹرز، فارماسسٹس، اسٹاف نرسز اورپیرا میڈیکل اسٹاف کو بھی اسپتالوں میں طلب کر لیا گیا ہے۔

حکام کا کہناہےکہ افغان فورسز  کی جارحیت پر پاکستانی فورسز نے بھی بھرپور جوابی کارروائی کی اور بھاری توپ خانےکا استعمال کیا۔

حکام کے مطابق شیخ لعل محمد سیکٹرمیں باڑکی مرمت پر افغان فورسز کی مداخلت پر تصادم شروع ہوا جس دوران بارڈر شاہراہ کے قریب گولا گرنے سے ایک موٹرسائیکل سوار زخمی ہوا ہے جب کہ گھروں میں متعدد گولے گرنے سے خواتین اور  بچوں سمیت 15 افراد زخمی ہوئے۔

پولیس کے مطابق علاقے میں کشیدگی کے باعث بارڈر روڈ، مال روڈ اور  بوغرا روڈ پرشدید ٹریفک جام ہے جب  کہ کسٹم ہاؤس اور کراچی کوچ ٹرمینل خالی کرالیا گیا ہے۔

واضح رہے کہ چند روز قبل بھی افغان فورسز نے چمن میں بارڈر کے قریب واقع شہری آبادی پر فائرنگ کی تھی جس کے نتیجے میں 6  پاکستانی شہری شہید ہوئے۔

ڈائریکٹریٹ آف ملیریا کنٹرول کا دعویٰ ہے کہ موسمیاتی تبدیلیوں کے باعث پاکستان میں ملیریا پھیلانے والا روایتی مچھر غائب ہو گیا ہے، پاکستان کے سیلاب زدہ علاقوں میں “اینافلیس پلچیری مس” مچھر ملیریا پھیلا رہا ہے جو پہلے یہ کام نہیں کرتا تھا۔

وفاقی ڈائریکٹر ملیریا کنٹرول ڈاکٹر محمد مختار کا اس حوالے سے کہنا ہے غالب امکان ہے کہ اس سال شدید گرمی، سیلاب کے باعث ہمارا ملیریا پھیلانے والا روایتی مچھر ختم ہو گیا، سیلاب زدہ علاقوں میں ملیریا 5 سے 10 گنا زیادہ تیزی سے پھیل رہا ہے

ڈاکٹر محمد مختار کا کہنا ہے کہ نئے مچھر کے نمونے ڈی این اے اور بلڈ ٹیسٹ کے لیے سینٹر فار ڈیزیز کنٹرول امریکا بھیجے ہیں، ملیریا کے حوالے سے نئی ڈویلپمنٹ پر امریکی اور عالمی ادارہ صحت کے حکام بھی ریسرچ کر رہے ہیں۔

وفاقی ڈائریکٹر ملیریا کنٹرول کا کہنا ہے کہ نیا مچھر سامنے آنے کے باعث ملیریا کنٹرول کی نئی حکمت عملی بنانی ہو گی۔

وفاقی وزارت صحت کے حکام کے مطابق اس سال اب تک ملیریا کے 50 لاکھ مشتبہ کیس سامنے آچکے ہیں۔