Category پاکستان

لاہور: پنجاب حکومت نے آئندہ مالی سال 2023,24کے مالی بجٹ کی تیاریوں کا آغاز کر دیا ہے بتایا گیا ہے کہ ایوان وزیر اعلی نے پنجاب کے تمام صوبائی محکماجات سے سفارشات طلب کر لی ہیں جن میں صوبائی محکموں کو ہدایات کی گئی ہیں کہ وہ ایک ماہ کے اندر اپنے اپنے محکموں کی ترقیاتی اور غیر ترقیاتی سکیموں کی تفصیلات فراہم کریں واضح رہے کہ پنجاب حکومت نے نئے نالی سال کا بجٹ خود پیش کرنے کا فیصلہ کیا ہے جو اس بات کو ظاہر کرتا ہے کہ پنجاب حکومت کو تحلیل نہیں کیا جائے گا

لاہور : لاہور ہائیکورٹ کے حکم کی روشنی میں ڈسٹرکٹ ایجوکیشن اتھارٹی لاہور نے نجی اور سرکاری سکولوں کی ہفتہ میں جمعہ ،ہفتہ اور اتوار تین دن بندش کا نوٹیفکیشن جاری کر دیا ہے جسے پنجاب حکومت کے وکیل نے لاہور ہائیکورٹ میں پیش کر دیا ہے۔ نوٹیفکیشن کا اطلاق صرف لاہور کے سرکاری اور نجی سکولوں پر لاگو ہو گا واضح رہے کہ گزشتہ جمعہ کے روز لاہور ہائیکورٹ نے سموگ سے تدارک سے متعلق کیس کی سماعت کے دوران شہر کے تمام سکولز ہفتہ میں تین روز بند رکھنے کا حکم جاری کیا تھا

لاہور : شہر کے اوپن بازاروں میں واقع کریانہ سٹوروں اور دکانوں پر مختلف اشیاء ضروریہ کی قیمتوں میں اضافہ کر دیا گیا ہے جس سے خریداروں کی چیخیں نکل پڑی ہیں بتایا گیا ہے کہ ان کریانہ سٹوروں پر مختلف کمپنیوں کے بسکٹوں کی قیمت میں 10روپے ،مختلف کمپنیوں کی جانب سے تیار کردہ اچار کی قیمت میں 50روپے ،مختلف کمپنیوں کے تیار کردہ بچوں کی دودھ کی قیمت میں 35روپے سمیت دیگر اشیاء ضروریہ کی قیمتوں میں بھی بھاری اضافہ کر دیا گیا ہے

وفاقی محتسب نے وزارت توا نا ئی اور بجلی سپلا ئی کر نے والی کمپنیوں کے سر برا ہان کو طلب کر لیا

اسلا م آ باد :وفاقی محتسب اعجاز احمد قر یشی نے بجلی فرا ہم کر نے والی کمپنیوں کے خلا ف سال 2022 ء کے دوران56 ہزار سے زائد شکا یات آ نے پر محکمہ کی کا رکرد گی کا جا ئزہ لینے اور عوام النا س کی شکا یات کے ازالے کے لئے وزارت توا نا ئی اور بجلی تقسیم کر نے وا لی کمپنیوں کے سر برا ہان کو اپنے دفتر طلب کر کے ایک اعلی سطحی اجلا س کی صدا رت کی۔ انہوں نے وزارت توا نا ئی کو ہدا یت کی ہے کہ وہ صارفین کی سہو لت کے لئے بجلی سپلا ئی کر نے والی کمپنیوں کے تمام بڑ ے دفا تر میں سہو لتی مرا کز قا ئم کر نے کو یقینی بنا ئے۔وفاقی محتسب نے کہا کہ بجلی کے صارفین اپنی استطا عت سے بڑھ کر بجلی کے بھا ری بل ادا کر رہے ہیں، انہیں سہو لیات بھی ملنا چا ہئیں۔ وفاقی محتسب گز شتہ روز ایک اعلی ٰ سطحی اجلا س کی صدا رت کر رہے تھے۔ اجلا س میں سیکر ٹر ی توا نا ئی، چیئر مین نیپرا، آ ئیسکو، لیسکو اور پیسکو کے چیف ایگز یکٹو افسران اور وفاقی محتسب کے اعلی ٰ افسران نے شر کت کی۔ وفاقی محتسب نے کہا ہے کہ بجلی سپلا ئی کر نے والی کمپنیوں کے خلا ف شکا یات میں تشو یشنا ک حد تک مسلسل اضا فہ ہو رہا ہے، محکمہ کے نظام کودرست کر نے کی ضرورت ہے۔ انہوں نے کہا کہ پو رے ملک میں پھیلے ہو ئے ہمارے17 علا قا ئی دفا تر ساٹھ دن میں مفت اور فو ری انصاف فرا ہم کر کے عدا لتوں اور نیپرا پر شکا یت کے بو جھ کو کم کر رہے ہیں۔ اعجا زاحمد قر یشی نے کہا ہے کہ وفاقی محتسب میں غر یب لوگ شکا یات لے کر آتے ہیں، انہیں ریلیف ملنا چا ہئیے۔ صنعتی اور کمر شل صارفین کی بڑ ی رقوم پر مبنی شکا یات کو عدا لتوں اور نیپرا کی طر ف ریفر کر دیا جا تا ہے۔ زیا دہ ترشکا یات ڈیما نڈ نو ٹس میں تا خیر، بجلی کے غلط بل، خراب میٹر تبد یل کر نے میں تا خیر وغیر ہ سے متعلق تھیں۔ وفاقی محتسب نے کہا کہ کچھ الیکٹر ک سپلا ئی کمپنیاں بہت قلیل بلوں کی مد میں ہا ئی کورٹ میں کیسز دائر کر تی ہیں جس سے نہ صر ف یہ کہ فیصلوں میں طو یل وقت لگتا ہے بلکہ غر یب صارفین کی مشکلا ت میں اضا فہ ہو تا ہے۔ اجلا س میں بجلی کے محکموں کے نظام کو درست کر نے کا بھی جا ئزہ لیا گیا تا کہ غر یب صا رفین کو فوری ریلیف مل سکے۔

لاہور :لاہور میں اسموگ کے باعث اسکول جمعہ اور ہفتے کو بند رہیں گے جس کا نوٹیفکیشن جاری کر دیا گیا ہے ۔ اسکولز ڈیپارٹمنٹ کی جانب سے جمعہ، ہفتہ اور اتوار کی چھٹیوں کا نوٹیفکیشن جاری کیا گیا۔نوٹی فکیشن کے مطابق لاہور میں 3 روز چھٹیوں کے احکامات تاحکم ثانی جاری رہیں گے۔اسموگ کے باعث ہفتہ میں تین روز چھٹیوں کا اطلاق صرف ضلع لاہور میں ہو گا۔

کینیا پولیس نے قتل کی تحقیقات میں کوئی معاونت نہیں کی، کیس میں کئی غیرملکی کرداروں کا کردار بھی اہمیت کا حامل ہے، رپورٹ

اسلام آباد:کینیا میں پاکستانی صحافی ارشد شریف کے بہیمانہ قتل کی تحقیقات سے متعلق فیکٹ فائنڈنگ کمیٹی کی رپورٹ میں یہ انکشاف ہوا ہے کہ یہ قتل غلطی نہیں بلکہ مکمل منصوبہ بندی کی بنیاد پر کیا گیا ہے ۔ڈی جی ایف آئی اے اور ڈی جی آئی بی کے دستخط کے ساتھ فیکٹ فائنڈنگ کمیٹی کی 592 صفحات پر مشتمل رپورٹ میں کہا گیا ہے کہ ارشد شریف کو ایک منصوبہ بندی کے تحت قتل کیا گیا، کینیا پولیس نے قتل کی تحقیقات میں کوئی معاونت نہیں کی، کیس میں کئی غیرملکی کرداروں کا کردار اہمیت کا حامل ہے، ارشد شریف کے کینیا میں میزبان خرم اور وقار کا کردار اس معاملے میں اہم اور مزید تحقیق طلب ہے۔ رپورٹ میں لکھا گیا ہے کہ ارشد شریف کو 20 جون 2022 کو یو اے ای کا ویزا جاری کیا گیا، ویزا 18 اگست 2022 تک کے لیے تھا، ارشد شریف کینیا گئے تو ان کے ویزے میں 20 دن باقی تھے، انہوں نے نئے ویزے کے لیے 12 اکتوبر 2022 کو دوبارہ رجوع کیا، ان کی درخواست کو رد کر دیا گیا۔ فیکٹ فائنڈنگ رپورٹ میں کہا گیا کہ ارشد شریف کے سینے میں لگی گولی ٹریجکٹری فائرنگ پیٹرن سے نہیں ملتی، ان کو ایک گولی کمر کے اوپر حصے میں لگی، گولی گردن سے تقریباً 6 سے 8 انچ نیچے لگی جو سینے کی جانب سے باہر نکلی، اس زخم سے یہ اخذ کرنا مشکل نہیں کہ گولی قریب سے چلائی گئی ہے، جس زاویے سے گولی چلی اس کے نتیجے میں گاڑی کی سیٹ میں بھی سوراخ ہونا چاہیے تھا۔رپورٹ کے مطابق ارشد شریف نے وقار احمد کے گیسٹ ہا ئوس میں 2 ماہ 3 دن قیام کیا، وقار احمد کے کینین پولیس اور وہاں کی انٹیلی جنس ایجنسیوں سے روابط ہیں، ان کے کینیا کی نیشنل انٹیلی جنس ایجنسی سے قریبی تعلقات ہیں۔فیکٹ فائنڈنگ رپورٹ میں کہا گیا کہ وقار کے مطابق حادثے کے بعد پولیس نے ارشد کا آئی فون، آئی پیڈ، پرس، 2 یو ایس بیز حوالے کیں، انہوں نے آئی فون اور آئی پیڈ نیشنل انٹیلی جنس ایجنسی کے افسر کو دے دیا، ایک دن بعد پاکستانی ہائی کمیشن نے ایک افسر کو ارشد شریف کی چیزیں لینے کے لیے بھیجا،رپورٹ کے مطابق وقار کے مطابق اس نے این آئی ایس کے افسر کو کال کر کے بتایا، این آئی ایس کے افسر نے وقار کو پاکستانی ہائی کمیشن کو کسی بھی چیز کو تحویل میں لینے سے روکا، بعد میں ایک اسسٹنٹ ڈائریکٹر پوسٹ کا بندا بھیجا گیا۔ فیکٹ فائنڈنگ رپورٹ میں کہا گیا ہے کہ پاکستانی ہائی کمیشن افسروں کو اہم شواہد ملے، ہائی کمیشن افسروں کو 2 موبائل، ایک کمپیوٹر اور ارشد کی ایک ذاتی ڈائری ملی، ارشد شریف یہ چیزیں کینیا میں رہائش کے دوران استعمال کر رہے تھے، وقار احمد سے پہلی 3 ملاقاتیں کافی مددگار ثابت ہوئیں۔رپورٹ کے مطابق فیکٹ فائنڈنگ ٹیم نے ارشد شریف کی رہائش گاہ کا دورہ کیا، دورے کے دوران ٹیم کوان کا پاسپورٹ ملا، یو ایس بیز، پاسپورٹ کی کمیشن کو حوالگی کے سوال کا جواب تسلی بخش نہیں، وقار احمد نے پہلے سی سی ٹی وی فوٹیج دینے پر آمادگی ظاہر کی، انہوں نے بعد میں فوٹیج دینے سے معذرت کر لی، وقار احمد نے کہا فوٹیج لوکل اتھارٹیز کے حوالے نہیں کی گئی، انہوں یہ بھی نے کہا وکیل اور بیوی نے فوٹیج نہ دینے کا مشورہ دیا ہے۔فیکٹ فائنڈنگ رپورٹ میں وقار کے چھوٹے بھائی خرم کا بھی ذکر ہے، خرم کا کہنا تھا وہ کھانے کے بعد ارشد شریف کو ساتھ لے کر نکلے ، راستے میں انہیں سڑک پر پتھر نظر آئے جس پر خرم نے ارشد کو بتایا کہ یہ ڈاکو ہوں گے، جیسے ہی سڑک پر پڑے پتھروں کو پار کیا تو انہیں گولیوں کی آواز سنائی دی، گولیوں کی آواز سنتے ہی وہ وہاں سے بھاگ گئے، خرم نے محسوس کیا ارشد شریف کو گولی لگی ہے۔ارشد شریف کے قتل سے متعلق پریس کانفرنس پر فیصل واوڈا سے 15 نومبر کو رابطہ کیا گیا، ان سے ارشد شریف کے قتل سے متعلق شواہد طلب کیے گئے، ان کی درخواست پر ٹیم نے انہیں 7 سوال تحریری طور پر دیے، جواب کے لیے دوبارہ رابطے کی کوشش پر فیصل واوڈا نے کوئی جواب نہیں دیا۔ رپورٹ میں یہ بھی کہا گیا ہے کہ کیس میں کئی غیرملکی کردار اہمیت رکھتے ہیں، ارشد شریف کے کینیا میں میزبان خرم اور وقار کا کردار اہم اور مزید تحقیق طلب ہے، دونوں افراد مطلوبہ معلومات دینے سے ہچکچا رہے ہیں

لاہور: انسداد دہشت گردی کی خصوصی عدالت نے تھانہ ریس کورس کی حدود میں خواجہ سرا پر تیزاب پھینکنے کے مقدمہ کی سماعت کرتے ہوئے مقدمے میں ملوث دو ملزمان حمزہ سلیم اور سہیل کو بری کرنے کا حکم جاری کیا ہے۔ گزشتہ روز سماعت کے دوران درخواست گزار خواجہ سراء نے عدالت کے روبرو بیان دیتے ہوئے کہا کہ دونوں ملزمان اس کے ملزم نہیں عدالت اگر ان کو رہا کردے تو اسے کوئی اعتراض نہیں ہوگا۔ جس پر عدالت نے دونوں ملزمان کو بری کرنے کا حکم جاری کردیا ہے۔

لاہور : حکومت نے پنجاب میں گورنر راج لگانے کے بجائے ان ہاؤس تبدیلی کو زیادہ مضبوط آپشن قرار دیتے ہوئے تبدیلی کا ٹاسک آصف علی زرداری کو سونپ دیا ہے ۔حکومتی ذرائع کے مطابق ان ہاؤس تبدیلی کیلئے اعتماد کے ووٹ کا آپشن استعمال کیا جائے گا، اس سلسلہ میں آصف زرداری کو ٹاسک دے دیا گیا ہے،ذرائع کا مزید کہنا تھا کہ ان ہاؤس تبدیلی کے لیے تحریک عدم اعتماد نہیں لائی جائے گی، تحریک انصاف اور ق لیگ اتحاد اعتماد کا ووٹ نہ لے سکا تو وزیر اعلیٰ کا دوبارہ انتخاب ہو گا۔حکومتی ذرائع کے مطابق ق لیگ کے چھ ارکان کی شجاعت کیمپ میں واپسی اس سلسلہ میں گیم چینجر بن سکتی ہے۔

اسلام آباد :اقوام متحدہ کے ذیلی ادارے یونیسف کا کہنا ہے کہ امید ہے کہ پولیو کیخلاف کیے گئے موثر اقدامات کے بعد 2023 کے آخر تک ملک سے پولیو وائرس کا خاتمہ ہو جائے گا۔یونیسف کے ریجنل ڈائریکٹر کا کہنا ہے کہ حالیہ اعداد و شمار بتاتے ہیں کہ ملک میں مستقل معذوری کا سبب بننے والاخطرناک وائرس اب قابو میں ہے۔انہوں نے کہا ہے کہ 3 لاکھ 50 ہزار سے زیادہ ہیلتھ ورکرز کی کوششیں قابل قدر ہیں۔ 2023 میں وائلڈ پولیو وائرس کے پھیلاؤ کو روکنے کے لیے جاری پروگرام دوبارہ ٹریک پر آ گیا ہے اب پاکستان آج پولیو وائرس کے خاتمے کے لیے ایک سال قبل کی نسبت بہت بہتر پوزیشن میں ہے۔ تاہم کچھ ایسے چیلنجز ہیں جو وائرس کے مکمل خاتمے کی کوششوں میں رکاوٹ ہیں۔ تاہم انہوں نے امید ظاہر کی ہے کہ موثر اقدامات کے بعد 2023 کے آخر تک ملک سے پولیو وائرس کا خاتمہ ہو جائے گا۔

جہانیاں: پاکستان سمیت دنیا بھر میں رضاکاروں کا عالمی دن 5دسمبر کو بھر پور طریقے سے منایا جائے گا۔ اس موقع پرمختلف سرکاری و غیر سرکاری تنظیموں اور رضا کار آر گنائزیشنز کے زیر اہتمام جہانیاں سمیت ملک بھر میں خصوصی تقریبات، سیمینارز، کانفرنسز،واکس کا بھی انعقاد کیا جائے گا جس سے مختلف مکاتب فکر سے تعلق رکھنے والی اہم شخصیات خطاب کریں گی۔اس موقع پر رضا کاروں کے عوامی، سماجی زندگی میں مثالی کردار، قدرتی آفات، ناگہانی واقعات میں ان کی خدمات اور معاشی و اقتصادی ترقی میں ان کے توسط سے مثبت پیش رفت پر بھی اظہار خیال کیا جائے گا۔ رضا کاروں کے عالمی دن کے موقع پر الیکٹرانک میڈیا خصوصی پروگرامات نشر کرے گا جبکہ پرنٹ میڈیا میں بھی مضامین شائع کئے جائیں گے۔