Category پاکستان

استحکام پاکستان پارٹی (آئی پی پی) کے پیٹرن انچیف جہانگیر خان ترین کے بھائی عالمگیر ترین کی لاش کے قریب سے ملنے والی تحریر سامنے آگئی۔

عالمگیر خان نے خط میں اپنے بھائی جہانگیر ترین کو مخاطب کرتے ہوئے لکھا تھا کہ میں نے بھرپور زندگی گزاری ہے، ڈاکٹروں کے چکر نہیں لگانا چاہتا۔ جہانگیر میرے نوکر عالم کا خیال رکھنا، میرے ملازم نے ساری زندگی خدمت کی، اسے پولیس پریشان نہ کرے۔

جہانگیر ترین کے بھائی عالمگیر ترین نے تحریر میں خودکشی کی وجہ اپنی بیماری بتائی۔

تحریر کے متن میں کہا گیا کہ میں اپنی زندگی سے پیار کرتا ہوں، 6 مہینے پہلے تک میری زندگی اطمینان بخش تھی، مجھے جِلدی بیماری ہے جس کی وجہ سے مستقل اسٹیرائڈز  لینا پڑتی ہیں، جِلدی بیماری کے علاج کے باعث چہرے کی بائیں جِلد کو نقصان ہوا ہے، مجھے کوئی فائدہ نہیں ہورہا تھا، چہرے کی جِلد کو نقصان پہنچ رہا تھا، جِلدی بیماری سے آنکھیں متاثر ہوئیں جس کے باعث پڑھنا تک بند کر دیا۔

متن کے مطابق  کمر درد کے باعث رات کو نیند کی گولیاں تک کھانی پڑیں، بھرپور زندگی گزاری ہے، ڈاکٹروں کے چکر نہیں لگانا چاہتا۔

یاد رہے کہ عالمگیر ترین نے پستول سے اپنے سر میں گولی مار کر خودکشی کی۔

پولیس ذرائع کا کہنا تھا کہ خودکشی کے وقت عالمگیر ترین لاہور کے علاقے گلبرگ میں واقع اپنے گھر میں تھے۔

جہانگیر ترین کے بھائی عالمگیر ترین معروف بزنس مین اور پاکستان سپر لیگ (پی ایس ایل) کی ٹیم ملتان سلطانز کے مالک اور منیجنگ ڈائریکٹر بھی تھے۔

63 سالہ عالمگیر ترین غیر شادی شدہ تھے، ان کی منگنی ہوئی تھی اور وہ رواں برس دسمبر میں شادی کرنے والے تھے۔

فیصل آباد:پاکستان ریلوے کی ملک بھرمیں آن لائن جعلی ٹکٹیں فروخت ہونے کا انکشاف, ملت ایکسپریس کراچی سے فیصل آباد آنے والی ٹرین میں 50مسافر جعلی ٹکٹوں پر سفر کرتے پکڑے گئے, مسافروں سے ایک لاکھ دس ہزار روپے کرایہ اور جرمانہ وصول جبکہ پولیس نے مقدمہ درج کرکیآن لائن جعلی ٹکٹیں جاری کرنے والے گروہ کے چارملزمان کوگرفتار کرلیامزید ملزمان کی گرفتاری کیلئیچھاپیمارجارہیہیں محکمہ ریلوے نے مزیدتحقیقات شروع کردی آن لائن کے مطابق پاکستان ریلوے کو مختلف طریقوں سے نقصان پہنچایا جارہاہے جس میں مبینہ طور پر محکمہ کے کرپٹ ملازمین بھی شامل ہیں ریلوے کے ٹکٹوں کی مد میں ہرسال کروڑوں روپے کرپشن اور لوٹ مار کی جارہی ہے اوراسطرح محکمہ ریلوے کو نقصان پہنچایا رہاہے بتایا گیا ہے کہ محکمہ ریلوے پاکستان کے گروپ انسپکٹر آف اسپیشل ٹکٹ ایکیزامیرفیصل آباد محمد طلحہ نے ایس ٹی ای محمدارشاد اور ایس ٹی ای شاہد پرویز کے ہمراہ کراچی سے آنے والی ملت ایکسپریس کے ٹکٹ چیک کرنے شروع کئے تو دوران چیکنگ 50مسافرآن لائن جعلی ٹکٹوں پر سفر کرتے ہوئے پکڑے گئے مسافروں سے کرایہ اور جرمانے سمیت ایک لاکھ دس ہزار ایک روپے وصول کیا گیا جبکہ آن لائن جعلی ٹکٹیں جاری کرنے والے ملزمان علی مراد, شہزاد,احسان علی,اورمجھدی کے خلاف محمدطلحہ کی درخواست پرمقدمہ درج کرکے گرفتار کرلیا ہے بتایا گیا کہ ملزمان ایک عرصہ سے جعلی آن لائن ٹکٹیں تیار کرکیفروخت کررہیتھے ملزمان سے تفتیش شروع کردی گئی ہے جبکہ جعلی ٹکٹوں سے پاکستان ریلوے کو کروڑوں روپے کا نقصان پہنچایا جا رہا تھا

اسلام آباد :یوم تقدیس قرآن پاک آج جمعہ کو منایا جائے گا ،وفاقی حکومت نے عوام سے باہر نکلنے کی اپیل کر دی ۔تفصیل کے مطابق یوم تقدیس کے حوالے سے وفاقی حکومت کی جانب سے خصوصی لوگو جاری کردیا گیا ہے ،وفاقی وزیر اطلاعات مریم اورنگزیب نے عوام سے آج جمعہ کو یوم تقدیس قرآن پاک کیلئے باہر نکلنے کی اپیل کرتے ہوئے کہا کہ ہر شہری سویڈن میں قرآن پاک کی بے حرمتی کی مذمت کرے اور اس پیغام کو زیادہ سے زیادہ شئیر کرے،نماز جمعہ کے اجتماعات میں اس واقعہ کی شدید مذمت کی جائے گی اور عظمت قرآن کو اجاگر کیا جائے گا مساجد اور امام بارگاہوں میں بھی اسلامو فوبیا کے حوالے سے علماء اظہار خیال کرینگے۔

کوئٹہ:کوئٹہ میں خاتون نے زہریلی چیز کھا کر خودکشی کرلی تفصیلات کے مطابق گزشتہ روز کوئٹہ کے رہائشی واجد احمد کی بیوی نے گھر میں پڑی ہوئی زہریلی چیز کھا کر خودکشی کرلی نعش ہسپتال منتقل کردی گئی مزید کاروائی پولیس کررہی ہے

لاہور میں بارش کا 30 سالہ ریکارڈ ٹوٹ گیا، 10 گھنٹوں میں 291 ملی میٹر بارش ریکارڈ کی گئی۔

شہر بھر کے درجن سے زائد علاقوں میں 200 ملی میٹر سے زائد بارش ریکارڈ کی گئی ہے۔

لاہور کے کمشنر محمد علی رندھاوا کا کہنا ہے کہ شہر بھر کی انتظامیہ اور واسا لاہور کے تمام افسران و اسٹاف نکاسی آب کے لیے مکمل متحرک ہیں۔

انہوں نے کہا کہ اس سے قبل رواں سال لاہور میں زیادہ سے زیادہ 256 ملی میٹر بارش 26 جون کو ہوئی تھی۔

محمد علی رندھاوا کا کہنا ہے کہ گزشتہ سال 2022 میں لاہور میں 238 ملی میٹر جبکہ 2018 میں 288 ملی میٹر بارش ریکارڈ کی گئی تھی، گزشتہ 30 سالوں میں لاہور میں اتنے کم وقت میں اتنی بارش نہیں ہوئی۔

’’بارش تھمنے کے چند گھنٹوں میں نشیبی علاقے کلیئر کر دیے جائیں گے‘‘

ایم ڈی واسا غفران احمد نے کہا ہے کہ بارش تھمنے کے چند گھنٹوں میں ہی تمام نشیبی علاقے کلیئر کر دیے جائیں گے، سسٹم اپنی مکمل استعداد پر نکاسی آب کو ممکن بنا رہا ہے۔

لاہور میں سب سے زیادہ بارش لکشمی چوک کے علاقے میں ریکارڈ کی گئی ہے۔

اس کے علاوہ نشتر ٹاؤن، تاج پورہ، قرطبہ چوک، جوہر ٹاؤن اور گلشن راوی سمیت کئی دیگر علاقوں میں بھی بادل جم کر برسے۔

گوجرانوالہ میں بارش کا پانی سڑکوں پر جمع ہو گیا ہے، جس کی وجہ سے ٹریفک کی روانی متاثر ہو گئی ہے۔

 فیصل آباد، جہلم، خوشاب، شکر گڑھ، ملاکنڈ اور مظفر آباد میں بھی بارش کا سلسلہ وقفے وقفے سے جاری ہے۔ 

نگراں وزیرِ اعلیٰ پنجاب کا شدید بارش میں مختلف علاقوں کا دورہ 

نگراں وزیرِ اعلیٰ پنجاب محسن نقوی نے شدید بارش میں لاہور شہر کے مختلف علاقوں کا ہنگامی دورہ کیا۔

محسن نقوی نے قذافی اسٹیڈیم، گلبرگ، لبرٹی، کلمہ چوک انڈر پاس، گارڈن ٹاؤن، فیروز پور روڈ اور قرطبہ چوک میں بارش سے پیدا ہونے والی صورتِ حال کا جائزہ لیا۔

نگراں وزیرِ اعلیٰ پنجاب نے نکاسی آب کے لیے کمشنر لاہور ڈویژن اور ایم ڈی واسا کو موقع پر ہی ہدایات دیں۔

انہوں نے کہا کہ مختصر مدت میں ریکارڈ بارش ہوئی، انتظامیہ اور واسا کو متحرک کر دیا ہے۔

محسن نقوی کا کہنا ہے کہ نکاسی آب کے کام کی خود نگرانی کر رہا ہوں، شہریوں کی مشکلات کا احساس ہے۔

 لاہور: درخت گرنے سے بجلی کے تار ٹوٹ گئے

لیسکو چیف نے کہا ہے کہ لاہور میں موسلادھار بارش سے مال روڈ اور جی او آر کے علاقوں میں متعدد درخت گر گئے، درخت گرنے سے بجلی کے تار ٹوٹ گئے اور متعدد پول گر گئے۔ 

لیسکو چیف نے کہا کہ بجلی کے تار ٹوٹنے اور پول گرنے سے بجلی کی فراہمی معطل ہو گئی ہے، فیلڈ اسٹاف بجلی کا ترسیلی نظام بحال کرنے میں مصروف ہے۔

خیبرپختونخوا، آندھی، بارش اور درخت گرنے سے 3 افراد جاں بحق

خیبرپختونخوا کے مختلف اضلاع میں آندھی، بارش اور درخت گرنے سے تین افراد جاں بحق ہو گئے۔

پراونشل ڈیزاسٹر مینجمنٹ اتھارٹی (پی ڈی ایم اے) کی رپورٹ کے مطاق دو افراد شانگلہ اور ایک خاتون کرک میں جاں بحق ہوئی۔

پی ڈی ایم اے کا کہنا ہے کہ 8 افراد زخمی ہوئے جبکہ 7 گھروں کو جزوی اور ایک گھر کو مکمل نقصان پہنچا ہے۔

سیکریٹری محکمۂ ریلیف نے کہا کہ متاثرین کو حکومتی پالیسی کے مطابق ریلیف دیا جائے گا۔

کراچی:آئل اینڈ گیس ڈیولپمنٹ کمپنی لمیٹڈ نے ملک میں توانائی کی بڑھتی ہوئی ضروریات کوپورا کرنے کے تناظر میں جھل مگسی گیس منصوبے پر کام دوبارہ شروع کردیا ہے۔جدید ترین گیس پراسسنگ پلانٹ جو یومیہ پیداوار 13.7 ایم ایم ایس سی ایف گیس پیدا کرنے کی صلاحیت رکھتا ہے کے دوبارہ کام کے آغاز سے پاکستان کی بڑھتی ہوئی توانائی کی ضروریات کو کچھ حد تک پوری کرنے میں مدد ملے گی، اس پلانٹ کی تنصیب آئل اینڈ گیس ڈویلپمنٹ کمپنی کے اس علاقے میں تیل اور گیس کی مزید دریافت اور پیداوار کے عزم کی عکاس ہے۔کمرشل آپریشنز کے علاوہ کمپنی نے تعلیم، صحت، پانی اور انفرا اسٹرکچر کے شعبوں میں سماجی فلاح وبہبود کے کاموں کے ذریعے جھل مگسی میں مقامی آبادی کے معیار زندگی کو بہتر بنانے کے اپنے عزم کو بھی اجاگر کیا۔ صحت کی سہولیات کو بڑھانے کی کوششوں کے طور پر او جی ڈی سی ایل نے جھل مگسی میں ڈسٹرکٹ ہیڈ کوارٹر اسپتال کو ایمبولنس فراہم کی ہے، اس کے علاوہ او جی ڈی سی ایل نے پینے کے صاف پانی کی اہمیت کو مدنظر رکھتے ہوئے ریورس اوسموسس (آر او) پلانٹ بھی نصب کیا ہے۔کمپنی ملک میں توانائی کی ضروریات کو پوراکرنے اور کمیونٹی کی بہتری کے اقدامات کیلیے اپنے عزم کے ساتھ جھل مگسی کی سماجی و معاشی ترقی کیلیے فعال کردار ادا کررہا ہے، کمپنی کی کثیر جہتی سوچ جو قابل اعتماد توانائی کی فراہمی کو محفوظ بنانے اور علاقہ مکینوں کے معیار زندگی کو بڑھانے کیلیے وقف ہے، پاکستان کی انرجی سیکیورٹی اور پائیدار ترقی کے حصول میں ایک اہم سنگ میل ہے…

اسلام آباد:ڈسکوز کے لیے بجلی فی یونٹ 1 روپے 25 پیسے مہنگی کر دی گئی ،مالی سال 2022/23 کی تیسری سہ ماہی ایڈجسٹمنٹ کی مد فیصلہ جاری کیا گیا ہے، نیپرا کی جانب سے جاری اعلامیہ میں کہاگیا ہے کہ فیصلے کا اطلاق جولائی، اگست اور ستمبر کے بلوں پر ہو گا ، ڈسکوز نے نیپرا کوسہ ماہی ایڈجسٹمنٹ کی درخواست دی تھی ،اتھارٹی نے ڈسکوز کی درخواست پر 24 مئی کو عوامی سماعت کی تھی ،اس سے قبل صارفین سے سہ ماہی ایڈجسٹمنٹس کی مد میں 47 پیسیایوریج فی یونٹ چارج کیا جا رہا تھا جو کہ جون 2023 تک تھا، ڈسکوز کے لائف لائن صارفین فیصلے سے متاثر نہیں ہوں گے،فیصلے کا اطلاق کے الیکٹرک صارفین پر بھی نہیں ہوگا۔

اسلام آباد :گرمی کی شدت میں اضافہ، ملک بھر میں لوڈشیڈنگ نے عوام کا جینا دوبھر کر دیا ،بجلی کا شارٹ فال 6 ہزار 516 میگاواٹ ہو گیا،بجلی کی مجموعی پیداوار 21 ہزار 484 میگاواٹ ہے،ملک بھر میں بجلی کی طلب 28ہزار میگاواٹ تک پہنچ گئی، ذرائع پاور ڈویژن کے مطابق پن بجلی کی پیداوار7ہزار73 میگاواٹ ہے، سرکاری تھرمل پاور پلانٹس956 میگاواٹ بجلی پیدا کر رہے ہیں ،نجی شعبے کے بجلی گھروں کی پیداوار 8 ہزار9 سو میگاواٹ ہے، ونڈ پاور پلانٹس سے بجلی کی پیداوار 1ہزار 119 میگاواٹ ہے، سولر بجلی گھروں کی پیداوار 120 ہے،بگاس سے 152 میگاواٹ بجلی پیدا کی جا رہی ہے،نیوکلیئر پاور پلانٹس کی پیداوار 3 ہزار1سو 64میگاواٹ ہے،ملک بھر میں 8 سے 10 گھنٹے تک کی لوڈ شیڈنگ جاری ہے

اسلام آباد :پاکستان کے فضائی دفاع میں نئے دور کا آغاز،،، پاکستان نے ففتھ جنریشن لڑاکا طیاروں کی تیاری کے میدان میں قدم رکھ دیا۔ پاکستان ترکی کے ساتھ مل کر ففتھ جنریشن اسٹیلتھ air superiority فائٹر جیٹ تیار کرے گا۔ پاکستان ترک ایرو اسپیس انڈسٹری کے “خان” طیارے کے پروگرام کا حصہ بن گیا۔ پاکستان ترکی کے ساتھ مل کر جدید ٹوئن انجن ففتھ جنریشن طیارے تیار کرے گا۔ذرائع کے مطابق ترک ایرو اسپیس انڈسٹری نے 2010 میں ففتھ جنریشن طیارے کی تیاری کے پروگرام کا آغاز کیا تھا۔ ترکی کے “ٹی ایف ایکس” طیارے نے رواں برس اپنی پہلی ٹیکسی کی تھی۔ ٹی ایف ایکس طیارے کی پہلی باضابطہ پرواز رواں برس کے آخر میں متوقع ہے۔ پاک فضائیہ میں پہلا ففتھ جنریشن طیارہ 2030 میں شامل کیا جائے گا۔ ترک ایرو اسپیس انڈسٹری کے “ٹی ایف ایکس اسٹیلتھ طیارے” میں امریکی ساختہ جنرل الیکٹرک ایف ون ٹین انجن استعمال کئے جائیں گے۔ ذرائع کے مطابق امریکہ کے اعتراض کی صورت میں پاکستان کے پاس برطانوی ساختہ رولز رائس انجن کا آپشن بھی موجود ہے۔ ترک کمپنی برطانیہ کی رولز رائس کمپنی کے ساتھ مل کر نئے انجن کی تیاری پر بھی کام کر رہی ہے۔ پاک ترک ففتھ جنریشن طیارہ 21 میٹر طویل اور اس کے پروں کا پھیلائو 14 میٹر تک ہو گا۔ طیارے کا ٹیک آف وزن 27 ہزار 215 کلو گرام ہو گا۔ ذرائع کے مطابق طیارے کی زیادہ سے زیادہ رفتار ملک 1.8 جبکہ کومبیٹ رینج 1100 کلومیٹر ہو گی۔ طیارے پر فضا سے فضا میں مار کرنے والے بی وی آر میزائلز کے ساتھ فضا سے زمین پر مار کرنے والے کروز میزائل بھی نصب کئے جائیں گے۔ جدید AESA ریڈار کے ساتھ طیارے کا ایڈوانسڈ کاک پٹ اس کو جدید حربی تقاضوں کے مطابق فضائی جنگ میں دشمن کو پچھاڑنے کی صلاحیت دے گا۔ پاک فضائیہ ٹی ایف ایکس طیاروں کی شکل میں طویل عرصے بعد دو انجن والے فائٹر جیٹس استعمال کرے گی۔ پاکستان ترکی کے ساتھ نہ صرف ففتھ جنریشن اسٹیلتھ فائٹر جیٹ بلکہ بغیر پائلٹ کے فضائی پلیٹ فارمز کی بھی مشترکہ پیداوار کا آغاز کرے گا۔ ترک ائیرفورس کے سربراہ جنرل اتیلا گولان کے حالیہ دورہ پاکستان میں ففتھ جنریشن طیاروں اور بغیر پائلٹ فضائی پلیٹ فارمز کی مشترکہ پیداوار کے بارے میں ٹھوس پیشرفت سامنے آئی۔

راولپنڈی:وطن کیلئے جان کا نذرانہ پیش کرنے والے شہداء کو پوری قوم خراجِ عقیدت پیش کرتی ہے، لانس نائیک عبد المناف شہیدانتہائی نڈر انسان تھے جنہوں نے وطنِ عزیز کی خاطر شہادت کو گلے لگایا،لانس نائیک عبد المناف نے 13 مئی 2023 کومسلم باغ ، بلوچستان میں دہشتگردوں سے مقابلے میں وطن عزیز کا دفاع کرتے ہوئے جام شہادت نوش کیا۔لانس نائیک عبد المناف شہیدکے سوگواران میں بیوہ ، والدین اور بھائی شامل ہیں، شہید کے ورثاء نے 9مئی کو شہداء کی یادگاروں کی بے حرمتی کرنے والے شرپسند اور ظالموں کووطن عزیز کا دشمن قرار دیتے ہوئے سخت سے سخت سزا دینے کا مطالبہ کیا، لانس نائیک عبد المناف شہیدکی والدہ نے مطالبہ کیا کہ سانحہ 9مئی کو شرپسندوں نے جو ظلم کی انتہا کی ان کو سخت سے سخت سزا دینی چاہئے، میرے بیٹے عبدالمناف کو بچپن سے ہی آرمی میں جانے کا شوق تھا اور شہادت کے لئے دعا کا کہتا تھا، لانس نائیک عبد المناف شہید کی بیوہ نے کہا کہ سانحہ 9 مئی کو جو شہداء￿ کی بے حرمتی کی گئی اس سے ہمارے دل بہت رنجیدہ ہوئے، 9مئی کے سانحہ کی شدید مذمت کرتے ہیں اور اس واقع میں ملوث تمام کردار کو کڑی سے کڑی سزا کا مطالبہ کرتے ہیں، لانس نائیک عبد المناف شہید کے بھائی نے کہا کہ ہمیں اپنے بھائی کی جدائی پر دکھ تو ہے مگر اس کے رتبہ پر فخر ہے، سانحہ9 مئی پر شہداء کی جو بے حرمتی کی گئی ہم اس کی بھرپور مذمت کرتے ہیں شہداء ہمارے ملکِ پاکستان کا اثاثہ ہیں، لانس نائیک عبد المناف شہید اپنا آج وطنِ عزیز پر قربان کرکے آنے والی نسلوں کے لئے مشعل راہ بن گیا۔