Category پاکستان

کوئٹہ:ایم ڈی واسا حامد لطیف رانا نے کہا ہے کہ عید الضحی کے موقع پر واسا عوام کو پینے کی صاف پانی کے فراہمی کیلئے تمام تر انتظامات مکمل کرلئے گئے ہیں اگر کسی علاقے میں شکایت ہو تو وہ براہ راست مجھ سے شکایت کرسکتے ہیں ٹینکر مافیا کے حوصلہ شکنی کیلئے ضروری ہے کہ عوام واسا کے ماہانہ 300روپے بل کی ادائیگی کو یقینی بنائیں کوئٹہ میں 430ٹیوب ویلوں میں سے صرف ایک دو کی مشینری جل گئی ہے وہ بھی ایک دو دن میں درست کردینگے ان خیالات کااظہارانہوں نے میڈیا کے وفد سے گفتگو کرتے ہوئے کیا ایم ڈی واسا حامید لطیف رانا کا کہنا تھا کہ کچھ ٹیوب ویل جو پبلک ہیلتھ اور کمیونٹی کے حوالے کئے گئے جن کی تعداد 170ہے ان میں سے کچھ ٹیوب ویلوں کے بل کی عدم ادائیگی پر کیسکو نے بجلی منقطع کردی ہے باقی شہر کے تمام ٹیوب ویل فنکشنل ہیں اگر کسی کوکوئی شکایت ہو تو وہ ہم سے براہ راست رابطہ کرسکتا ہے تاکہ ٹینکر مافیا کی حوصلہ شکنی کی جاسکے بلوںکی ادائیگی کے حوالے سے پوچھے گئے ایک سوال کے جواب میں کہا کہ ہم ماہانہ 300روپے بل یعنی روزانہ 10روپے وصول کرتے ہیں لیکن جب ٹیوب ویل خراب ہوتا ہے تو یہی عوام 3000روپے فی ٹینکر دیکر پانی حاصل کرتے ہیں توقع ہے کہ عوام واسا کے بل ماہانہ ادا کرینگے ایک سوال کے جواب میں کہا کہ ہم نے ملازمین کو 30جون تک تنخواہوں کی ادائیگی کردی ہے اس لئے نہ کوئی ہڑتال ہے اور نہ ہی کوئی بندش ہے اس وجہ سے ٹینکر مافیا پریشان ہے عید الضحی کے موقع پر پورے کوئٹہ شہر میں پینے کی صاف پانی کی فراہمی کیلئے واسا نے پلان ترتیب دی ہے تاکہ عوام ٹینکر مافیا کے بلیک میلنگ سے محفوظ ہو عوام کو بھی چاہیے کہ اگر ان کے علاقے میں پانی نہیں آرہا ہے تو وہ ہم سے رابطہ کریں شرط یہ ہے کہ ان کا ماہانہ ادائیگی کے رسید موجود ہوں

اسلام آباد: وفاقی وزیر داخلہ رانا ثناء اللہ نے کہاہے کہ سپریم کورٹ کے ملٹری کورٹ کے حوالے سے بنائے گئے بینچ کے فیصلے کا حال بھی و ہی ہو گا جو 14مئی کو پنجاب میں الیکشن کے فیصلے کا ہوا ہے۔ پاکستان کے موجودہ بحرانوں کی ذمہ دار عدلیہ ہے جو انصاف کے بجائے سیاست کررہی ہے۔5سالوں میں کسی ایک انسانی سمگلر کو سزا نہیں ہوئی قانون میں ترمیم کریں گے۔جمعہ کو قومی اسمبلی اجلاس ڈپٹی سپیکر زاہد اکرم درانی کی زیرصدارت پارلیمنٹ ہاوس میں ہوا۔ وزیر داخلہ رانا ثناء اللہ نے کہاکہ یونان میں کشتی حادثے پر ایوان کو بتانا چاہتا ہوں 10جون کو کشتی میں 700لوگون کو سوار کیا گیا اس کی استعداد 400تھی 350پاکستانی تھے 104لوگ زندہ بچے ہیں جن میں 12پاکستانی ہیں۔کسی بھی حادثے میں اتنے لوگ جا ں بحق نہیں ہوئے ہیں۔ 82لاشیں ملی ہیں ان کے ڈی این اے کیئے جارہے ہیں 281لوگوں نے رابطہ کیا ہے۔ ایک ڈیسک قائم کردیا گیاہے۔ جیسے شناخت کا عمل ہو لاشوں کو واپس لایا جائے گا 193ڈی این اے سمپل کئے ہیں۔ ایک اعلیٰ سطحی کمیٹی بنائی گئی ہے۔اس جرم میں ملوث لوگوں کے خلاف ایکشن لیا جائے قانون میں سقم کو دور کیا جائے 5سال میں کسی کو سزا نہیں ہوئی ہے متاثرین صلح کرلیتے ہیں۔قانون میں ترمیم لائی جارہی ہے تاکہ اس مکروہ دھندے کو روکاجاسکے۔99فیصد لوگوں قانونی راستے سے گئے ہیں لیبیا تک قانونی راستے سے گئے ہیں۔ ہزاروں لوگوں کو و یزے دیئے گئے ہیں۔ اس وقت ہمارے ہمسائے میں انصاف کی سب سے بڑی عدالت میں کل جو واقعات ہوئے ہیں۔سویلین کے فوجی عدالت میں ٹرائل کا معاملہ زیرغور تھا 9رکنی بنچ میں سینئر ترین جج جو نامزد چیف جسٹس ہیں انہوں نے کہاکہ یہ میں اس عدالت کو نہیں مانتا اگر میں کہوں تو توہین عدالت کا مقدمہ بن جائے۔ یہ بات سپریم کورٹ کا سینئر جج کررہاہے کہ اس کی کوئی قانونی حیثیت نہیں ہے۔پارلیمنٹ نے جو قانون بنایا ہے اس پر عمل نہیں ہورہاہے عدالت قانون کے خلاف فیصلہ نہیں کرسکتا ہے۔ قانون کہتا ہے کہ تین سینئر جج بنج بنائے گی جو 9رکنی بنج بنا ہے اس کو اس کمیٹی نے نہیں بنا ہے قانون کو ختم کرنا عدالت کا اختیار نہیں ہے۔ قانون بنا نہیں اس سے پہلے ہی اس کو ختم کردیا گیا۔ دو سینئر ترین وکلاء￿ یہ پٹیشن عدالت میں لائے ان کی ذہنی حالت ٹھیک نہیں ہے وہ عمران فتنے کو لانے کے لیے ہیں یہ دونوں عمران خان کو ملے اور اس کے بعد چیف جسٹس کو ملے ہیں۔جب فائز عیسیٰ نے بنچ میں بیٹھنے سے انکار کیا تو ان کے منہ سے نکلا کہ اس بینچ میں نہ رکھیں چیف جسٹس کے ساتھ ملاقات میں یہ بات ہوئی کہ فائز عیسیٰ کو بینچ میں شامل کیا چیف جسٹس نے ان کو اپنے ساتھ شامل نہیں کیا۔ پچھلے دنوں میں صحافی کے ساتھ ایک وکیل کی گفتگو بھی ایم ہے خواجہ طارق رحیم نے جو گفتگو کی اگلے دن وہی فیصلہ آیا۔قوم اس بات پر تشویش کا اظہار کرتی ہے۔ عمران خان کے جلسے میں تمہارے لیے دعائیں کی گئی ہیں عمران خان کے جلسے میں دعا نہیں ڈانس کی جاتی ہے۔ اور وہ کم بخت مارشل لاء￿ بھی نہیں لگاتے ہیں۔ 14مئی کو پنجاب میں الیکشن کا فیصلہ ہوا۔سپریم کورٹ کے فیصلے پر عمل ہونا چاہیے۔مرضی کے بنیچ بناکر فیصلے کئے جائیں گے تو ان فیصلوں کی اخلاقی قوت نہیں ہوگی۔عدلیہ کے فیصلوں کی طاقت غیر جانبداری میں ہے۔ اگر انصاف ہر مبنی نہ ہوں تو اس کی کوئی طاقت نہیں ہوتی۔ 14مئی کا پنجاب میں الیکشن کا فیصلہ تاریخ کا حصہ ہے۔ 14مئی کے فیصلے سے پہلے سب نے فل بنچ بنانے کی درخواست کی۔کل 9رکنی بنچ سے دو جج علیحٰدہ ہوگئے ہیں۔ آدھے گھنٹے بعد 7رکنی بنچ بناکر سماعت شروع کردی گئی۔ سابق چیف جسٹس ایک سیاسی جماعت کے ٹکٹوں کی دلالی کررہاہے کوئی اس سے ہاتھ نہیں ملاتا ہے۔ اس بحران سے نہ نکلنے کی وجہ عدالتوں کا انصاف نہ کرنا ہے بلکہ وہ سیاست کررہے ہیں۔ کسی جگہ مدر ان لاء￿ اور کسی جگہ سن ان لاء￿ کا معاملہ ہے۔فیصل آباد میں 10اربوں کے کام نہیں ہوئے وہاں پر داماد عدالت جاتے ہیں اور بری ہوتے ہیں۔ وہ مقدمات میں ڈسچارج ہوجاتے ہیں۔ آرمی ایکٹ کے تحت کسی کا ٹرائل نہیں ہوسکتا تو اس کو کالعدم کردیں۔ آرمی تنصیبات پر حملہ ہوگا تو آرمی ایکٹ کے تحت ٹرائل ہوگا۔ کورکمانڈر کے گھر پر کیمپ آفس تھا اس کو جلایا گیا۔ اس کو ریکور اللہ رکھا تھانیدار کرئے گا. شہداء￿ کے یادگاروں کی بیحرمتی کی گئی اس بدبخت ٹولے کو منتقی انجام تک پہنچایا جائے گا۔ سپریم کورٹ کے فیصلوں پر عمل ہونا چاہیے ۔یہ بنچ 9 سے 7 اب 7سے 5 اور پھر 4پر آجائے گا۔ اس طرح تو بچے روندی نہیں مارتے ہیں۔ اس بنچ کا فیصلہ بھی 14مئی کے فیصلے کی طرح ہوگا۔ فیصلہ قوم کی امنگوں کے مطابق ہونا چاہیئے 9مئی کے ملوث ملزمان سے کوئی ہمدردی نہیں ہونی چاہیے۔۔۔۔۔۔طارق ورک

کراچی: پاکستان انٹرنیشنل ایئر لائن حج آپریشن کا پہلا مرحلہ مکمل ہوگیا، کراچی سے آخری پرواز جدہ روانہ ہوگئی۔ میڈیا رپورٹ کے مطابق پی آئی اے حج آپریشن کے دوران کل 268 پروازوں کے ذریعے 61 ہزار 467 حجاج کرام حجاز مقدس روانہ ہوئے، جن میں 41 ہزار سے زائد سرکاری اور 19 ہزار سے زائد پرائیویٹ حجاج اور 600 خدام مدینہ منورہ اور جدہ پہنچے۔پی آئی اے کے قبل از حج آپریشن کا آغاز 21 مئی سے ہوا تھا جو 22 جون تک جاری رہا، پروازیں کراچی، اسلام آباد، لاہور، ملتان، فیصل آباد، سیالکوٹ اور پشاور سے براہ راست روانہ ہوئیں۔ رپورٹ کے مطابق سکھر، رحیم یار خان اور کوئٹہ سے حجاج نے کراچی کے راستے جدہ کا سفر کیا، پی آئی اے کی حج پروازوں کی بروقت روانگی کا تناسب 94 فیصد رہا۔

لاہور : امیر جماعت اسلامی پنجاب وسطی محمد جاوید قصوری نے کہا ہے کہ ماہ جون کے سوئی گیس کے بل 8ہزار تک صارفین کو بھجوائے جا رہے ہیں۔سوئی گیس کے بلوں میں ہوشربا اضافہ قابل مذمت ہے ۔سوئی ناردرن کی جانب سے جاری کردہ نوٹیفکیشن کے مطابق گیس میٹر کا کرایہ 40 روپے سے بڑھا کر 500 روپے ماہانہ کرنے سے صارف گیس استعمال نہ بھی کرے تو بھی اسے ہر ماہ 500 روپے کم ازکم بل دینا ہو گا، چارجز کا اطلاق جنوری 2023 سے ہو چکا ہے۔نوٹیفکیشن کے مطابق صارفین کو 3 ماہ کے بقایا جات، میٹر رینٹ اور گیس ٹیرف کی مد میں اضافی رقم دینا ہو گی، سوئی ناردرن نے رقم ہر ماہ گیس بلوں میں شامل کرکے بھجوانا شروع کردی ہے۔جس سے عوام کی مشکلات میں اضافہ ہو گیا ہے ۔ان خیالات کا اظہار انہوں نے مختلف عوامی وفود سے گفتگو کرتے ہوئے کیا ۔ انہوں نے کہا کہ یوں محسوس ہوتا ہے کہ پی ڈی ایم کی حکومت عوام پر مہنگائی بم گرانے کی غرض سے بر سر اقتدار آئی ہے ان کے پاس عوام کو ریلیف فراہم کرنے کا کوئی معاشی ایجنڈا نہیں۔ گیس بلوں میں ظالمانہ اضافے کے بعد شہریوں کو گیس ہی دستیاب نہیں۔ گیس کی بندش اور لو پریشر سے شہری پریشان ہیں۔ اقبال ٹاون،ٹھوکر نیاز بیگ، داروغہ والا، شادی پورہ،شالیمار،شاد باغ،علی پارک،نیو شاد باغ، بادامی باغ، سمن آباد، بیڈن روڈ کے متعدد علاقوں میں گیس کی بندش کا سامنا ہے۔ رہی سہی کسر بلوں نے پوری کر دی ہے ۔ ان کا کہنا تھا کہ غریب عوام کی زندگی اجیرن ہو چکی ہے ۔ اب وقت آگیا ہے کہ اقتدار ان ظالموں سے چھین کر حقیقی نمائندوں کے سپرد کیا جائے ۔محمد جاوید قصوری نے اس حوالے سے مزید کہا کہ وفاقی و پنجاب کا آئندہ چار ماہ کا بجٹ فراڈ ہے‘ اشرافیہ کومزید مراعات دیں اور عوام پر ٹیکسوں کی بھر مار کی‘ مہنگائی میں کمی کیلیے اقدامات نہیں کیے گئے،انتظامی اخراجات میں اضافہ کیا‘صرف سرکاری ملازمین کونوازا گیا‘بجٹ نے مزدوروں کو مایوسی کے علاوہ کچھ نہیں دیا۔ بجٹ میں مزدور کو کوئی ریلیف نہیں دیا گیا، گزشتہ سال کے مقابلے میں مہنگائی اور ضروریات زندگی کی قیمتوں میں300 فیصد تک کا اضافہ ہو چکا ہے

اسلام آباد :قومی اسمبلی کے اجلاس میں یونان کشتی حادثے میں جاں بحق ہونے والے پاکستانیوں ،سابق ایم۔این اے شیر محمد بلوچ ،کلرکہار بس حادثے میں جاں بحق ہونے والے و دیگر حادثوں میں جاں بحق ہونے والوں کے لیے دعا کی گئی دعا مولانا عبدالاکبر چترالی نے کروائی قومی اسمبلی کا اجلاس سپیکر قومی اسمبلی راجہ پرویز اشرف کی سربراہی میں منعقد ہوا اجلاس شروع ہوا تو تلاوت ،نعت اور ترانے کے بعد سپیکر قومی اسمبلی راجہ پرویز اشرف نے کہا کہ سب سے پہلے یونان میں کشتی حادثے میں جاں بحق ہونے والے 300 کے قریب پاکستانیوں ،کلرکہار بس حادثے میں جاں بحق ہونے والے 13 افراد کے جاں بحق ہونے ،سابق ایم این اے شیر محمد بلوچ اور دیگر حادثوں میں جاں بحق ہونے والوں کے لیے فاتحہ خوانی کی جائے اور انہوں نے کہا کہ مولانا عبدالاکبر چترالی فاتحہ خوانی کروائیں جس پر مولانا عبدالاکبر چترالی نے جاں بحق ہونے والوں کے لیے فاتحہ خوانی کروائی

اسلام آباد:وفاقی وزیر موسمیاتی تبدیلی شیری رحمٰن نے کہا ہے کہ اللہ کا فضل ہے کہ ہم طوفان کی تباہ کاریوں سے بچ گئے ہیں، بحیرہ عرب میں بپرجوائے ماضی کے دیگر طوفانوں سے طویل رہا۔ اپنے ایک بیان میں وفاقی وزیر نے کہا کہ میٹنگ میں غور ہوگا کہ متاثرین کو واپس علاقوں میں کیسے پہنچانا ہے۔شیری رحمٰن نے کہا کہ سجاول میں متاثرین کی واپسی میں شاید کچھ وقت لگ جائے، آبادی اتنی بڑھ گئی ہے، کہاں کہاں ہم پہنچیں؟ ان کا یہ بھی کہنا ہے کہ سجاول میں لوگوں کے پاس ذریعہ معاش کافی حد تک متاثر ہوا ہے، متاثرہ علاقوں سے 8، 9 ہزار مویشیوں کو بھی منتقل کیا گیا

اسلام آباد ٖ: نیشنل الیکٹرک پاور ریگولیٹری اتھارٹی ( نیپرا) نے کے الیکٹرک کے اپریل کے ماہانہ فیول چارجز ایڈجسٹمنٹ کی مد میں 5 پیسے فی یونٹ کمی کی منظوری کا نوٹیفیکیشن جاری کردیا ۔جاری نوٹیفیکشن کے مطابق کے الیکٹرک نے 49 پیسے فی یونٹ اضافے کی درخواست کی تھی جس پر نیپرا اتھارٹی نے 30 مئی 2023 کو ایف سی اے پر عوامی سماعت کی تھی ۔نیپر ا حکام کا کہنا ہے کہ اس سے قبل مارچ کا ایف سی اے صارفین سے 3 روپے 93 پیسے فی یونٹ اضافے کے ساتھ چارج کیا گیا تھا، جو کہ صرف 1 ماہ کے لئے تھا ،اپریل کا ایف سی اے مارچ کی نسبت 3 روپے 98 پیسے فی یونٹ کم چارج کیا جائے گا، اس کا اطلاق صرف 1 ماہ کے لئے ہوگا۔نیپرا حکام کے مطابق لائف لائن صارفین،300 یونٹس تک گھریلوصارفین ،زرعی صارفین اور الیکٹرک وہیکل چار جنگ ا سٹیشنز پر اس کا اطلاق نہیں ہوگا۔

اسلام آباد: امریکی سٹیٹ ڈپارٹمنٹ نے ‘‘ٹریفکنگ ان پرسن ہیرو ایوارڈ’’ کی فہرست جاری کر دی ۔
دنیا بھر سے صرف آٹھ لوگوں کو انسانی سمگلنگ کے خلاف ہیرو قرار دیا گیا ہے ،8 لوگوں میں پاکستان سے ڈائریکٹر ایف آئی اے سردار ظہیر احمد بھی شامل ہیں جنہوں نے ایوارڈ امریکہ میں سیکرٹری سٹیٹ ڈپارٹمنٹ سے وصول کیا،ظہیر احمد کو ایوارڈ 2019 تا 2022 ہیومن ٹریفکنگ کے خلاف کی گئی کاروائیوں پر دیا گیا ،کل 188 ممالک کے اقدامات کا جائزہ لیا گیا اور 8ممالک کے نمائندوں کو ہیرو قرار دیا گیا ،ظہیر احمد بطور ڈی آئی جی راولا کوٹ خدمات سر انجام دے رہے ہیں۔

روسی تیل لانے والے جہاز پیور پوائنٹ سے تیل کی منتقلی کا عمل تا حال مکمل نہ ہو سکا۔

ذرائع کراچی پورٹ ٹرسٹ کے مطابق جہاز میں اب بھی 5 ہزار میٹرک ٹن سے زیادہ تیل موجود ہے۔ حکام نےتیل منتقلی کےعمل کومکمل ہونےکیلئےپہلے آج صبح 10 اور بعد میں 3 بجےکاوقت دیا تھا۔

خام تیل کی منتقلی کی رفتار پی آر ایل کی درخواست پر5 بار سے کم کر کے 2 بار کر دی گئی تھی۔ ذرائع کا کہنا ہے کہ تیل کی منتقلی جاری ہے پی آر ایل ٹینک میں گنجائش کم ہونےسےرفتار میں کمی کی ہے۔

پیور پوائنٹ نامی جہاز45ہزار142میٹرک ٹن تیل لے کر پہنچا ہے، روسی آئل ٹینکر پیور پوائنٹ کو او پی ٹو پر برتھ کیا گیا ہے۔

واضح رہے کہ وزیر مملکت برائے پیٹرولیم ڈاکٹر مصدق ملک نے گزشتہ دنوں روسی خام تیل کی امپورٹ کے بعد پیٹرولیم مصنوعات کے سستا ہونے کی خوشخبری دیتے کہا تھا کہ بحری جہاز عمان پہنچ چکے ہیں اور پاکستان کو سستے تیل کی سپلائی ایک ہفتے میں شروع ہو جائے گی۔

ان کا کہنا تھا کہ روس سے سستا تیل پاکستان آنے والا ہے، جیسے ہی روس سے تیل آئے گا، قیمتیں کم ہونا شروع ہوجائیں گی۔ پاکستان میں توانائی کے شعبے کا زیادہ تر دار و مدار درآمد ہو کر آنے والے ایندھن پر ہے جبکہ ملک میں پیٹرولیم مصنوعات کی قیتمیں ابھی تک کافی زیادہ تصور کی جا رہی ہیں۔

وزیرِ دفاع خواجہ آصف نے کہا ہے کہ پاکستان کا ایک ایک بال قرض میں جکڑا ہوا ہے، آج بھی پتہ نہیں عالمی مالیاتی فنڈ (آئی ایم ایف) کے ساتھ معاہدہ ہو گا یا نہیں۔

قومی اسمبلی کے اجلاس میں اظہار خیال کرتے ہوئے خواجہ آصف نے کہا کہ بجٹ میں جو بنیادی تبدیلی لانے کی ضرورت ہے اس کی کبھی کوشش نہیں کی گئی، 60 فیصد سے زائد بجٹ سود اور قرضوں کی ادائیگی میں خرچ ہو رہا ہے۔

انہوں نے کہا کہ دو انسٹیٹیوٹ کا قرض ایک ہزار ارب روپے سے زائد ہے، ان اداروں کی نجکاری جتنی جلدی کر دی جائے اتنا ہی بہتر ہے، معاشی ابتری وہاں تک پہنچ چکی کہ عوام کا سانس لینا بھی دشوار ہو چکا ہے، حکومت نے عوام کو ریلیف دینے کی کوشش کی ہے، پاکستان کو قرض سے زیادہ سود ادا کرنا پڑتا ہے۔

’’ملک میں غربت ختم نہیں ہوئی‘‘ 

خواجہ آصف کا کہنا ہے کہ ملک میں غربت ختم نہیں ہوئی، سی ای او وغیرہ کی 35 لاکھ روپے تنخواہ ہے، رئیل اسٹیٹ میں 500 ارب روپے ٹیکس نہیں دیا جاتا، چائے امپورٹ میں 45 ارب روپے ٹیکس چوری ہے، اسٹیل سیکٹر میں 30 ارب روپے کی ٹیکس چوری ہے۔

وفاقی وزیر نے کہا کہ ریٹیل سیکٹر میں 2880 ارب روپے کا ٹیکس چوری کیا جا رہا ہے، تمباکو انڈسٹری میں 240 ارب روپے کی ٹیکس چوری ہے، ملک میں ہزاروں ارب روپے کی ٹیکس چوری ہے، بجٹ میں عوام کو ریلیف دے کر اسحاق ڈار نے بڑی بہادری کا کام کیا ہے، غربت ختم کرنے کے لیے جو لوگ آ رہے ہیں وہ پہلے اپنی غربت ختم کر رہے ہیں۔

’’لوگ تین تین وزیرِ اعظم کھا گئے‘‘

ان کا کہنا ہے کہ وائس چانسلر کرپشن کر کے ارب پتی بن گئے اور عہدے پر اسٹے لیتے ہیں، ملک میں لوٹ مار کا بازار گرم ہے کوئی پوچھنے والا نہیں، قاضی فائز عیسٰی کے خلاف ریفرنس دائر ہوا تو اس ادارے میں دراڑ آئی، لوگ تین تین وزیرِ اعظم کھا گئے، ہضم کیا اور ڈکار بھی نہ لی، وزیرِ اعظم کو پھانسی دی گئی اور کسی نے معافی بھی نہیں مانگی، آپ کے ریونیو میں بہت بڑی لیکج ہے مزید کوئی لفظ استعمال نہیں کرتا، بڑے بڑے شاپنگ سینٹر پر کوئی ٹیکس نہیں، جو ادارے نہیں چل سکتے ان کو بند کر کے 300 ارب روپے بچا سکتے ہیں۔

مسلم لیگ ن کے رہنما نے کہا کہ ایف بی آر کے ملازمین کہتے ہیں ہماری تنخواہ کم ہے، یہ ہمارے ساتھ عدلیہ کا بھی کام ہے کہ اسٹے آرڈرز نہ دیں، ہمیں بیرونی خطرہ نہیں ، اندرونی معاشی حالات سب سے بڑا خطرہ ہے، آج بھی سر پر بادل منڈلا رہے ہیں کہ آئی ایم ایف قرض دے گا یا نہیں، ہم اگر ایم این اے نہ رہیں تو پارلیمنٹ لارجز میں بھی نہ گھسنے دیں۔

’’عدلیہ اس ملک کے ساتھ کیا کر رہی ہے کچھ اپنا احتساب کریں‘‘

خواجہ آصف کا کہنا ہے عدلیہ اس ملک کے ساتھ کیا کر رہی ہے کچھ اپنا احتساب کریں، ایک شخص چند ہزار آدمیوں کے ساتھ ریاست کی رٹ چیلنج کرتا ہے، 9  مئی کو بغاوت ہوئی، 75 سال میں کسی نے کیا ایسے ریاست کو چیلنج کیا، ایک شخص کا اقتدار کیا چھن گیا اس نے کوشش کی کہ ریاست کو یرغمال بنالے، کل اس شخص نے ٹوئٹ کیا کہ یہ سب کچھ منصوبہ بندی کر کے کرایا گیا، آپ کی بہنیں اور پارٹی کے ارکان وہاں کھڑے تھے یہ کونسی سازش ہوئی، جس میں سارے افراد آپ کے ہیں۔

انہوں نے کہا کہ 9 مئی کو انہوں نے پاکستان کے خلاف شدید نفرت کا اظہار کیا، ساڑھے تین ہزار کے قریب لوگوں کی نشاندہی ہوئی ہے ابھی سب گرفتار نہیں ہوئے، جن اثاثوں پر حملے کیے گئے وہ قوم اور ملک کے اثاثے ہیں، ملک اور قوم کے اثاثوں پر حملے کرنے والے پاکستانی نہیں ہو سکتے، اس اندرونی دشمن، اس سانپ کو ہم نے خود دودھ پلایا اور اس نے 9 مئی کو ڈسا، اس نے دونوں حکومتیں ہمارے یا نگراں کے حوالے کر دیں، پرویز الہٰی ترلے کرتا رہا کہ اسمبلی نہ توڑ، اس نے کے پی اسمبلی بھی توڑ دی، ہمارے پاس وسائل کی کمی ہے، یہ صورتحال یہاں کیسے پہنچی، غربت مکاؤ کے لیے جو آرگنائزیشنز ہیں انہوں نے غربت ختم نہیں کی۔

وزیرِ دفاع کا کہنا ہے کہ 70، 80 فیصد آبادی دو وقت کا کھانا نہیں کھا سکتی، اس وقت عدلیہ میں ٹیکس کے کیسز چل رہے ہیں، آٹو موبائل میں 50 ارب روپے کی چوری ہو رہی ہے، تعلیمی اداروں میں اس وقت مافیا بیٹھے ہوئے ہیں، گزشتہ چار سال میں مافیاز کو تحفظ دیا گیا، ہم پر تنقید ہوتی ہے تو برداشت کرتے ہیں، جب تک کڑوی گولی کھا کر علاج نہیں کریں گے معاملات ٹھیک نہیں ہوں گے۔

’’لوگوں نے سلیب کا فائدہ اٹھانے کیلئے بجلی کے 3، 3 میٹرز لگائے ہیں‘‘

مسلم لیگ ن کے رہنما نے مزید کہا کہ لوگوں نے سلیب کا فائدہ اٹھانے کے لیے بجلی کے تین تین میٹرز لگائے ہیں، تخفیف غربت کے چیئرمین کی تنخواہ 27 لاکھ ہے، یہاں پھر وہی ہو گا جو 2018 میں ہوا اور پھر وہ ہو گا جو چار سال میں ہوا، بھارتی فوج نے بھی کرنل شیر خان کی عزت کی، آپ نے اس کی بھی بے حرمتی کی اور نفرت کا اظہار کیا، اگر وہ استعفے نہ دیتے تو آج یہاں پر بیٹھے ہوتے، یہاں میں نے کہا تھا کوئی شرم ہوتی ہے کوئی حیا ہوتی ہے، بجٹ ایک ٹرانزیکشننگ ایونٹ ہوتا ہے، اگر کچھ معاملات کو درست نہ کیا تو معاشی حالات درست نہیں ہوسکتے۔

ان کا یہ بھی کہنا ہے کہ ہمارے پاس قومی دولت بڑھانے کے وسائل موجود ہیں لیکن ہمارے پاس عزم نہیں ہے، پرائیویٹائزیشن کی بات کرتے ہیں تو لوگوں کے ہاتھ پیر پھول جاتے ہیں کہ نیب نہ بلا لے، باہر انگریزی بولنے والے کہتے ہیں ریمیٹنس نہیں بھیجیں گے، ریمیٹنس تو خلیجی ممالک میں کام کرنے والے لوگ بھیجتے ہیں، عرب ممالک والے اوورسیز دونوں عیدوں پر ملک آتے ہیں، انگریزی بولنے والے اوورسیز یہاں جائیداد بیچنے آتے ہیں۔