Category پاکستان

اسلام آباد(ایمرانیوز) ایشیائی ترقیاتی بینک پاکستان میں سیلاب زدگان کی بحالی کے پیکچ کا جلد اعلان کرے گا، کاشت کاروں کی فصلوں کے نقصان کا ازالہ، انفراسٹرکچر کی تعمیر نو اور متاثرین کی بحالی کیلئے امداد فراہم کی جائے گی۔
تفصیلات کے مطابق ایشیائی ترقیاتی بینک کی جانب سے پاکستان کے سیلاب متاثرین کیلئے بڑے پیکج کی منظوری، اے ڈی بی اعلامیے میں کہا گیا ہے کہ مشکل وقت میں پاکستان کی بھرپور معاونت کی جائے گی۔
اے ڈی بی اعلامیے کے مطابق سیلاب سے متاثرہ علاقوں میں ریلیف کے لیے 30 لاکھ ڈالر کا فنڈ فراہم کیا جائے گا، رقم سے سیلاب میں غریب اور مستحق افراد سمیت بیمار خواتین اور بچوں کی مدد کریں گے۔
فنڈز سے کاشت کاروں کی فصلوں کے نقصان کا ازالہ، دوبارہ فصلوں کی کاشت اور انہیں پاؤں پہ کھڑا ہونے کے لیے مواقع فراہم کیا جائے گا اور سیلاب سے تباہ سڑکوں، پلوں، تباہ حال گھر، سکول، ہسپتال اور دیگر عمارتوں کی تعمیر نو میں مدد کریں گے۔

عمران خان بتائیں ایکس وائےکون ہے اور وہ کن کو فون کر رہے ہیں؟
مسلم لیگ ن کے رہنما جاوید لطیف نےکہا ہےکہ عمران خان بتائیں ایکس وائےکون ہے اور وہ کن کو فون کر رہے ہان خان پاکستان کو سری لنکا بنانے کے لیے آئی ایم ایف کو خط لکھتے ہیں، عمران خان بتائیں ایکس وائے کون ہے اور وہ کن کو فون کررہے ہیں ؟
رہنما ن لیگ جاوید لطیف نے خود پربنائے جانے والے مقدمے پرجوڈیشل کمیشن بنانے کی تجویز بھی دے دی اور کہا کہ انہوں نے عمران کا کوئی کلپ توڑ مروڑ کر پیش نہیں کیا۔

اسلام ٓباد (ایمرا نیوز)چیئرمین تحریک انصاف عمران خان کی جانب سے خاتون جج کو دھمکی دینے سے متعلق کیس کی سماعت میں انسداد دہشت گردی عدالت اسلام آباد کے جج نے ریمارکس دیے کہ ہائی کورٹ کے فیصلے کے بعد ان کا دائرہ اختیار نہیں بنتا۔
انسداد دہشت گردی عدالت اسلام آباد میں خاتون جج زیبا چوہدری کو دھمکی دینے سے متعلق کیس کی سماعت ہوئی، کیس کی سماعت انسداد دہشت گردی عدالت کے جج راجہ جواد عباس حسن نےکی۔
عمران خان کے وکیل بابر اعوان عدالت کے روبرو پیش ہوئے اور دہشت گردی کی دفعات ختم کرنے سے متعلق اسلام آباد ہائی کورٹ کا فیصلہ پڑھ کر سنایا۔
بابر اعوان نے درخواست کی کہ ہائی کورٹ کے آرڈر کے مطابق اب آپ کیس سیشن جج کو منتقل کریں گے، اس پر انسداد دہشت گردی عدالت کے جج کا کہنا تھا کہ ہمارے پاس چالان جمع ہی نہیں کروایا گیا، آپ کو دوبارہ ضمانت کی درخواست دینا ہوگی، نہ ہمارے پاس چالان جمع ہوا نہ گواہ کا بیان ہوا نہ کچھ اور ہوا توکیا منتقل کریں؟
جج راجہ جواد عباس حسن کا کہنا تھا کہ ہمارے پاس اب تک ضمانت کا معاملہ تھا، ہائی کورٹ کے آرڈرکے بعد ہمارا دائرہ اختیار نہیں بنتا۔
بابر اعوان کا کہنا تھا کہ 27 ستمبرکو دیگر ضمانتوں کی درخواستیں لگی ہیں،مزید آپ جو آرڈر کریں۔
جج راجہ جواد عباس حسن نے کہا کہ ضمانت کی درخواست واپس کرلیں تو آپ کے لیے بہتر ہوگا، اس پر وکیل بابر اعوان کا کہنا تھا کہ ہم ضمانت کی درخواست واپس نہیں لے رہے۔
عدالت کا کہنا تھا کہ اسپیشل پراسیکیوٹرکہاں ہیں؟ ان سے بھی رائے لے لیتے ہیں، عدالت نے اسپیشل پراسیکیوٹر رضوان عباسی کے آنے تک سماعت میں وقفہ کردیا۔

اسلام آباد (ایمرا نیوز) وفاقی حکومت کی ایک بار پھر عوام اور عالمی اداروں سے سیلاب متاثرین کی امداد کی اپیل کردی۔ وفاقی وزیر احسن اقبال کا کہنا ہے سیلاب کئی علاقوں میں سمندر کی شکل اختیار کرچکا۔
منگل کو اسلام آباد میں میڈیا کے نمائندوں کو بریفنگ دیتے ہوئے انہوں نے کہا کہ سیلاب میں ہلاک ہونے والوں کی تعداد 1500 سے بڑھ گئی ہے۔ بلوچستان اور سندھ میں اب بھی پانی موجود ہے۔ کئی طیارے مختلف ممالک سے امدادی سامان لا رہے ہیں۔ سیلاب متاثرین کو مزید مدد کی ضرورت ہے۔
انہوں نے کہا کہ حکومت متاثرہ علاقوں میں خواتین کی صحت کی ضروریات کو مدنظر رکھتے ہوئے موبائل کلینک اور میٹرنٹی ہسپتال قائم کرنے کے لیے کام کر رہی ہے۔ میں نے مذہبی علماء سے بھی اپیل کی کہ وہ اپنے جمعہ کے خطبوں میں لوگوں کو سیلاب زدگان کی مدد کرنے کے لیے حوصلہ افزائی کریں۔
اس کے علاوہ وزیر منصوبہ بندی و ترقی احسن اقبال نے تباہ کن سیلاب سے سب سے زیادہ متاثر ہونے والے اضلاع کی مدد کے لیے صوبائی حکومتوں کے تعاون سے ‘ڈسٹرکٹ کو اپنائیں پروگرام شروع کرنے کا اعلان کیا ہے۔
اس پروگرام کے تحت پنجاب کے بڑے اضلاع کے انتظامی، انسانی اور صحت کے شعبے کے وسائل جن کو سیلاب سے کوئی نقصان نہیں پہنچا ہے وہ آفت سے متاثرہ افراد کے لیے چھوڑ دیا جائے گا۔ “یہ سیلاب سے متاثرہ اضلاع کے لوگوں کے ساتھ مکمل ہمدردی اور یکجہتی کا اظہار کرنے کا وقت ہے اور یہ اس ملک کی بہت بڑی خدمت ہوگی۔
اپنے ریمارکس میں چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل اختر نواز نے کہا کہ پاکستان کو اب تک بیس ممالک سے ایک سو چودہ امدادی پروازیں موصول ہو چکی ہیں۔چیئرمین این ڈی ایم اے لیفٹیننٹ جنرل اخترنواز نے کہا مختلف ممالک سے کئی طیارے امدادی سامان لے کر آرہے ہیں، سیلاب متاثرین کو ابھی مزید امداد کی ضرورت ہے۔

اسلام آباد(ایمرا نیوز) نیب قانون میں تبدیلی کے بعد اہم پیشرفت ہوگئی اور نئے ترمیمی ایکٹ کے تحت پرانے مقدمات کا بھی جائزہ لیا جائے گا۔
قومی احتساب بیورو (نیب) نے 25سال پرانے کیسز کا بھی ترمیمی ایکٹ کے تحت جائزہ لینے کا فیصلہ کرلیا۔ آصف زرداری کیخلاف پرانے مقدمات پر بھی نظر ثانی کی جائے گی۔
اُرسس ٹریکٹر ، اے آر وائی گولڈ ریفرنس ،ایس جی ایس کوٹیکنا ، پولو گراونڈ مقدمات کا بھی دوبارہ جائزہ لیا جائے گا۔ نیب نے نظرثانی کے لیے ہائیکورٹ میں زیر التوا اپیلوں پر مہلت لینے کا فیصلہ کرلیا۔
نیب نے پرانے کیسز سے متعلق وزارت قانون سے رائے مانگی تھی لیکن وزارت قانون نے رائے دینے سے گریز کیا اور نیب کو خود فیصلہ کرنے کا کہا تھا۔

لاڑکانہ(ایمرا نیوز) مولانا فضل الرحمن نے ٹرانسجینڈر قانون میں ترامیم پیش کرنے کا اعلان کیا ہے۔لاڑکانہ میں میڈیا سے گفتگو میں جے یو آئی(ف) کے سربراہ مولانا فضل الرحمن نے کہا کہ ٹرانسجینڈر قانون قرآن اور سنت سے متصادم اورقابل مذمت ہے۔ اس میں ترامیم پیش کریں گے۔
مولانا فضل الرحمن نے کہا کہ عمران خان فوج سمیت تمام اداروں پر حملہ کر رہے ہیں۔ عمران خان کی سیاست ختم ہو چکی ہے۔ عمران خان ہوتا کون ہے کہ حکومت کو کہے کہ آرمی چیف کی تقرری کون کرے گا ۔عمران کو بتانا چاہتے ہیں کہ تم لاکھ چیخو وہی ہوگا جو آئین ہے۔
مولانا فضل الرحمن کا مزید کہنا تھا کہ سیلاب سے سب سے زیادہ سندھ متاثر ہوا ہے۔ ابھی تک کئی علاقوں میں پانی جمع ہے لوگ سڑکوں پر ہیں۔ اس صورتحال سے نمٹنے کے لیے مل کر کام کرنا ہوگا۔ متاثرین کی بحالی کے اقدامات سے متعلق سندھ حکومت سے بات کریں گے۔

اسلام آباد (ایمرا نیوز)ہالی وڈ کی معروف اداکارہ اور اقوام متحدہ کے ادارہ برائے پناہ گزین (یو این ایچ سی آر) کی سفیر انجیلینا جولی ایک مرتبہ پھر سیلاب متاثرین کی مدد کے لیے پاکستان کا دورہ کریں گی۔
غیر سرکاری تنظیم انٹرنیشنل ریسکیو کمیٹی (آئی آر سی) کے مطابق انجیلینا جولی پاکستان میں سیلاب سے متاثرہ علاقوں کا دورہ کریں گی اور متاثرین کی مشکلات کو حل کرنے کے اقدامات کریں گی۔
اپنے دورے میں امریکی اداکارہ بے گھر لوگوں اور افغان پناہ گزینوں کی مدد کرنے والی مقامی تنظیموں کا بھی دورہ کریں گی جس میں وہ موسمیاتی تبدیلیوں اور نقل مکانی کے حوالے سے بات کریں گی۔
تاہم انجیلینا جولی کے دورہ پاکستان کی حتمی تاریخوں سمیت شیڈول کا اعلان تاحال نہیں کیا گیا ہے۔
واضح رہے کہ اس سے قبل بھی انجیلینا جولی دو مرتبہ پاکستان کے دورے پر آچکی ہیں، سب سے پہلے وہ 2005 میں آنے والے زلزلے کے بعد متاثرین سے ملنے پاکستان پہنچی تھیں۔اس کے بعد وہ 2010 کے سیلاب متاثرین کا احوال جاننے اور ان کی مدد کرنے بھی پاکستان آچکی ہیں۔

اسلام آباد (ایمرا نیوز) سیلاب نے بستیوں کی بستیاں اجاڑ دیں، متاثرہ علاقوں میں ہر جگہ صرف تباہی ہی تباہی، لاکھوں گھر بہہ گئے۔
سڑکیں کھنڈر، کھڑی فصلیں نیست و نابود، اکثر مقامات پر تاحال کئی کئی فٹ پانی موجود ہے، تعفن اور وبائی امراض سے متاثرین کی مشکلات میں اضافہ ہو گیا ہے جبکہ خوراک اور ادویات کی بھی شدید قلت ہے۔
ادھر سندھ میں سیلاب سے جگہ جگہ المناک مناظر نظر آرہے ہیں، کسانوں کی جمع پونجی لٹ گئی، غریبوں سے چھت چھن گئی ،لاکھوں افراد بے گھر ہیں جبکہ ریلیف کیمپوں اور کھلے آسمان تلے ڈیرے لگائے بے یار و مدد گار متاثرین کو کسی مسیحا کا انتظار ہے۔
دوسری جانب بلوچستان میں بھی ہر طرف تباہی کی داستان ہیں، سیلاب کے بعد بیماریوں سے اموات میں اضافہ ہو گیا ہے۔
این ڈی ایم اے کی رپورٹ کے مطابق ملک بھر میں سیلاب اور بارشوں کے باعث گزشتہ 24 گھنٹے کے دوران مزید 15 افراد زندگی ہار گئے ۔مرنے والوں کی مجموعی تعداد 1559 ہو گئی ۔
رپورٹ کے مطابق سب سے زیادہ سندھ میں 692 افراد لقمہ اجل ہوئے، کے پی ى 306، بلوچستان 299 جبکہ پنجاب میں 191 افراد جاں بحق ہوئے، ملک بھر میں زخمی افراد کی تعداد لگ بھگ تیرہ ہزار ہے ۔
گزشتہ چوبیس گھنٹے میں ملک بھرمیں 21 ہزار سے زائد گھروں کو نقصان پہنچا، مزيد 13ہزار 813 مال مويشی بارش و سيلاب سے متاثر ہوئے، 9 لاکھ 73 ہزار سے زائد مويشيوں کو نقصان پہنچا، حاليہ سيلاب سے اب تک 11 لاکھ 70 ہزار 936 گھروں کو جزوی طور پرنقصان ہوا۔

اسلام آباد(ایمرانیوز) گزشتہ روز پاکستان تحریک انصاف کی کور کمیٹی کے اجلاس کی کارروائی کے دوران عمران خان کی برہمی اور تشویش کے حوالے سے کچھ باتیں میڈیا میں آئیں جن کے مطابق انہوں نے شرکاء کو بتایا کہ ان کے علم میں یہ بات آئی ہے کہ کچھ لوگ اسٹیبلشمنٹ سے ملے ہیں۔
عمران خان نے انہیں تنبیہ کرتے ہوئے کہا کہ انہیں بائی پاس کرنے کی کوشش نہ کی جائے،کمیٹی کے اجلاس کی ہونیوالی ان باتوں کی اب تصدیق بھی ہوگئی ہے۔
ایک تجزیے کے مطابق پارٹی چیئرمین کیلئے یہ برہمی اور تشویش کی بات ہے کہ جنہیں وہ اپنے سمجھتے ہیں وہ درحقیقت ان کے نہیں بلکہ کسی اور کے ہیں لیکن یہ بھی حقیقت ہے کہ ’’ یہ کچھ لوگ نہیں بلکہ یہ بہت سے لوگ ہیں‘‘ جو بقول ان کے انہیں بائی پاس کررہے ہیں۔
اس سے قبل عمران خان کے قریبی ساتھی فیصل واوڈا بھی اس بات کی نشاندہی ان الفاظ میں کر چکے ہیں کہ عمران خان کو دو منہ والے سانپوں نے گھیرا ہوا ہے۔
برسبیل تذکرہ اسلام آباد میں کور کمیٹی کے اس اجلاس کے حوالے سے ایک منظر یہ بھی دیکھنے میں آیا کہ جب باہر آکر شیخ رشید نے کمیٹی کے اجلاس کے بارے میں میڈیا کو بریفنگ دینی شروع کی اور ابھی وہ سوالوں کا جواب ہی دے رہے تھے کہ فواد چوہدری بھی وہاں آگئے اور شیخ رشید کو ڈائس سے ایک طرف کرکے خود بریفنگ دینے لگے، جس پر شیخ رشید سر جھکا کروہاں سے چلے گئے۔
جہاں تک فیصل واوڈا کا یہ کہنا ہے کہ ان کے قریب کئی لوگ کسی صورت میں بھی ان کے وفادار نہیں ہیں، یہ بات اس حوالے سے درست دکھائی دیتی ہے کہ عمران خان کی قیادت میں ہونے والے بعض اجلاسوں اور میٹنگز کے کئی فیصلے قبل از وقت منظر عام پر آجاتے ہیں جس باعث انہیں یہ فیصلے یا تو مؤخر کرنے پڑتے ہیں یا پھر منسوخ۔
اب کور کمیٹی کے اجلاس میں عمران خان کی زیر موضوع گفتگو بھی بلاتاخیر کس طرح لیک ہوئی یہ بھی ایک مثال ہے۔ امر واقعہ ہے کہ احتجاجی تحریکیں جب طوالت اختیار کر جائیں تو رہنماؤں اور کارکنوں میں بددلی اور فرسٹریشن پیدا ہونے لگتی ہے اور وہ دلبرداشتہ ہوجاتے ہیں ایسی صورتحال اور واقعات جنم لیتے ہیں جن کا اس وقت پی ٹی آئی کو سامنا ہے اور اس کا ادراک خود عمران خان کو بھی یقیناً ہوگا اور ان کی طرف سے فوری الیکشن کا بھی مطالبہ اسی صورتحال کی ایک کڑی ہے۔

اسلام آباد(ایمرانیوز) گزشتہ روز پاکستان تحریک انصاف کی کور کمیٹی کے اجلاس کی کارروائی کے دوران عمران خان کی برہمی اور تشویش کے حوالے سے کچھ باتیں میڈیا میں آئیں جن کے مطابق انہوں نے شرکاء کو بتایا کہ ان کے علم میں یہ بات آئی ہے کہ کچھ لوگ اسٹیبلشمنٹ سے ملے ہیں۔
عمران خان نے انہیں تنبیہ کرتے ہوئے کہا کہ انہیں بائی پاس کرنے کی کوشش نہ کی جائے،کمیٹی کے اجلاس کی ہونیوالی ان باتوں کی اب تصدیق بھی ہوگئی ہے۔
ایک تجزیے کے مطابق پارٹی چیئرمین کیلئے یہ برہمی اور تشویش کی بات ہے کہ جنہیں وہ اپنے سمجھتے ہیں وہ درحقیقت ان کے نہیں بلکہ کسی اور کے ہیں لیکن یہ بھی حقیقت ہے کہ ’’ یہ کچھ لوگ نہیں بلکہ یہ بہت سے لوگ ہیں‘‘ جو بقول ان کے انہیں بائی پاس کررہے ہیں۔
اس سے قبل عمران خان کے قریبی ساتھی فیصل واوڈا بھی اس بات کی نشاندہی ان الفاظ میں کر چکے ہیں کہ عمران خان کو دو منہ والے سانپوں نے گھیرا ہوا ہے۔
برسبیل تذکرہ اسلام آباد میں کور کمیٹی کے اس اجلاس کے حوالے سے ایک منظر یہ بھی دیکھنے میں آیا کہ جب باہر آکر شیخ رشید نے کمیٹی کے اجلاس کے بارے میں میڈیا کو بریفنگ دینی شروع کی اور ابھی وہ سوالوں کا جواب ہی دے رہے تھے کہ فواد چوہدری بھی وہاں آگئے اور شیخ رشید کو ڈائس سے ایک طرف کرکے خود بریفنگ دینے لگے، جس پر شیخ رشید سر جھکا کروہاں سے چلے گئے۔
جہاں تک فیصل واوڈا کا یہ کہنا ہے کہ ان کے قریب کئی لوگ کسی صورت میں بھی ان کے وفادار نہیں ہیں، یہ بات اس حوالے سے درست دکھائی دیتی ہے کہ عمران خان کی قیادت میں ہونے والے بعض اجلاسوں اور میٹنگز کے کئی فیصلے قبل از وقت منظر عام پر آجاتے ہیں جس باعث انہیں یہ فیصلے یا تو مؤخر کرنے پڑتے ہیں یا پھر منسوخ۔
اب کور کمیٹی کے اجلاس میں عمران خان کی زیر موضوع گفتگو بھی بلاتاخیر کس طرح لیک ہوئی یہ بھی ایک مثال ہے۔ امر واقعہ ہے کہ احتجاجی تحریکیں جب طوالت اختیار کر جائیں تو رہنماؤں اور کارکنوں میں بددلی اور فرسٹریشن پیدا ہونے لگتی ہے اور وہ دلبرداشتہ ہوجاتے ہیں ایسی صورتحال اور واقعات جنم لیتے ہیں جن کا اس وقت پی ٹی آئی کو سامنا ہے اور اس کا ادراک خود عمران خان کو بھی یقیناً ہوگا اور ان کی طرف سے فوری الیکشن کا بھی مطالبہ اسی صورتحال کی ایک کڑی ہے۔