Category Pin post

لاہور کی انسداد دہشتگردی عدالت کے جج اعجاز احمد بٹر نے درخواست ضمانت پر سماعت کی، پی ٹی آئی رہنما عدالت کے روبرو پیش ہوئے۔ عدالت نے ایک لاکھ روپے کے ضمانتی مچلکوں کے عوض اسد عمر کی 13 جون تک ضمانت منظور کی۔دوسری جانب 9 مئی کے مقدمات میں گرفتار پی ٹی آئی رہنما اعجاز چوہدری سے متعلق پولیس کا کہنا ہے کہ دوران ریمانڈ اعجاز چوہدری سے پستول برآمد کرکے فرانزک لیب بھجوا دی گئی ہے۔پولیس کا کہنا ہے کہ برآمد اسلحے کی فرانزک رپورٹ تفتیش کا حصہ ہوگی، اعجاز چوہدری پر 9 مئی کو مسلح ہو کر احتجاج کا الزام ہے، ملزم کا فوٹو گرامیٹک ٹیسٹ کروایا جا چکا ہے، جو ملزم کی 9 مئی کی ویڈیوز کا تعین کرے گا

سپریم کورٹ ریویو آف ججمنٹس اینڈ آرڈرز ایکٹس 2023 قانون بن گیا۔
تفصیلات کے مطابق صدر مملکت ڈاکٹر عارف علوی کی جانب سے قانون سازی پر دستخط کردیے گئے۔ اٹارنی جنرل نے صدر سے دستخط شدہ نوٹیفکیشن عدالت میں پیش کر دیاقانونی ماہرین کا اس حوالے سے کہنا ہے کہ سابق وزیراعظم نواز شریف اور جہانگیر ترین بھی اپیل دائر کرسکیں گے۔خیال رہے کہ اس سے قبل قومی اسمبلی میں سپریم کورٹ کے فیصلوں پر اپیل کا بل منظور کیا گیا تھا۔ بل کے مطابق سپریم کورٹ کی جانب سے جاری کیے گئے فیصلے کے 2 ماہ کے اندر نظر ثانی کی درخواست دائر کی جاسکے گی۔اسی کے ساتھ ساتھ پرانے فیصلوں پر نظر ثانی کی درخواستیں 30 دن کے اندر اندر دائر کی جاسکیں گی.

سابق وزیراعظم اور چیئرمین پاکستان تحریک انصاف عمران خان کو اپنے ٹوئٹر اکاؤنٹ سے پرانی ویڈیو شیئر کرنا مہنگا پڑگیا، شدید تنقید کے بعد عمران خان نے ویڈیو ہی ڈیلیٹ کردی۔سماجی رابطے کی ویب سائٹ ٹوئٹر پر گزشتہ روز عمران خان کے اکاؤنٹ سے ایک ویڈیو شیئر کی گئی جس میں کئی جلے ہوئے آئل ٹینکرز کو دیکھا جاسکتا ہے۔ عمران خان نے اس ویڈیو کو پی ٹی آئی ایم پی اے ملک شہزاد اعوان سے منسوب کرکے شیئر کیا۔ عمران خان نے اپنی ٹویٹ میں لکھا کہ ‘سندھ سے پی ٹی آئی کے ممبر صوبائی اسمبلی ملک شہزاد اعوان کو پارٹی چھوڑنے پر مجبور کیا گیا۔ انکار کرنے پر انکے بیڑے کو آگ لگا کر تباہ کردیا گیا’۔چیئرمین پی ٹی آئی نے مزید لکھا کہ ‘پی ٹی آئی کے تمام ٹکٹ ہولڈرز اس وقت اس فاشزم کا سامنا کر رہے ہیں۔ ہمارے بنیادی حقوق کی کھلے عام خلاف ورزی کی جارہی ہے جبکہ عدلیہ خاموش تماشائی بنی ہوئی ہے’۔عمران خان کے اس ٹویٹ کے جواب میں پاکستانی اداکار شفاعت علی نے وضاحت کرتے ہوئے لکھا کہ یہ ویڈیو کراچی کی نہیں بلکہ مئی 2022 میں تارو جبا میں پیش آنے والے واقعے کی ہے۔ جس کے بعد عمران خان کی جانب سے فوری طور پر ٹویٹ ڈیلیٹ کردیا گیا جس پر ٹوئٹر صارفین نے انہیں تنقید کا نشانہ بھی بنایا۔

تحریک انصاف کے نو رہنماؤں کے ڈپلومیٹک پاسپورٹ منسوخ کر دیے گئے ہیں۔جن رہنماؤں کے ڈپلومیٹک پاسپورٹ منسوخ کئے گئے ان میں علی امین گنڈا پور، پرویز خٹک، اسد عمر،عون عباس پپی شامل ہیں۔شاہ محمود،علی محمد خان،فرخ حبیب،زرتاج گل، اعظم سواتی اور شیخ رشید کا بھی ڈپلومیٹک پاسپورٹ منسوخ کر دیا گیا.

کراچی : وزیرِ اعظم محمد شہباز شریف سے گورنر سندھ کامران ٹیسوری نے کراچی میں ملاقات کی ،ملاقات میں گورنر سندھ نے وزیرِ اعظم کا وفاقی حکومت کے سندھ بالخصوص کراچی میں جاری ترقیاتی منصوبوں میں خصوصی دلچسپی پر شکریہ ادا کیا،گورنر سندھ نے وزیرِ اعظم کو سندھ میں جاری ترقیاتی منصوبوں پر تفصیلی بریفنگ دی ،ملاقات میں موجودہ ملکی سیاسی صورتحال پر بھی گفتگو ہوئی

کراچی : 9 مئی کو جناح ہاؤس لاہورکے باہر احتجاج کرنے پر سابق آئی جی سندھ اور پنجاب میجر (ر) ضیاء الحسن کے بیٹے کو بھی گرفتار کرلیا گیا۔ پولیس حکام کا کہنا ہے کہ ملزم رضوان کو جناح ہاؤس کے باہر احتجاج اور توڑپھوڑ کے الزام میں پکڑا گیا ہے ۔ پولیس کا کہنا ہیکہ ملزم رضوان ضیاء سابق آرمی آفیسر کا داماد بھی ہے جب کہ ملزم کے دیگر ساتھیوں کی گرفتاری کی کوششیں جاری ہیں۔

کراچی :وزیر اعظم شہباز شریف نے کہاہے کہ ٹیکسٹائل کا شعبہ پاکستا ن کی معاشی ترقی میں ریڑھ کی ہڈی کی حثیت رکھتاہے۔ مشکلات کے باوجود ٹیکسٹا ئل انڈسٹری ترقی کررہی ہے، انڈ سٹری کو تمام معاونت فراہم کریں گے۔ کراچی میں ٹیکسٹائل ایکسپو تقریب س سے خطاب کرتے ہوے وزیراعظم نے کہاایکسپومیں بیرونی سرمایہ کاروں کی بڑی تعداادشریک ہے۔ سرمایہ کار پاکستان آکر اب خوشی محسوس کر تے ہیں۔ انہوں نے کہاکہ آئندہ ہفتے پری بجٹ میٹنگز شروع ہو رہی ہیں۔ انہوں نے کہا مسائل کے باوجود ٹیکسٹائل کا شعبہ ترقی کی راہ پر گامزن ہے۔ انہوں نے کہا کراچی ٹیکسٹائل کا شعبہ ملکی برآمدات کا ساٹھ فیصد ہے۔ انہوں نے کہا کاروباری
افرادکی انتھک محنت سے ٹیکسٹائل کا شعبہ ترقی کر رہاہے۔ انہوں نے کہا تاجروںکو برآمدات بڑھانے کیلئے جومحنت درکارہو گی فراہم کریں گے۔

اسلام آباد : پاکستان تحریک انصاف کے رہنما اسد عمر نے پی ڈی ایم حکومت پر پاکستان میں بڑھتی مہنگائی پر تنقیدکرتے ہوئے کہا ہے کہ ایسی تباہی پاکستان کی تاریخ میں نہیں آئی۔ اپنے ایک بیان میں تحریک انصاف حکومت خاتمے پر اور آج کی قیمتوں کا موازنہ کرتے ہوئے اسد عمر نے کہا کہ دیکھئے عوام کی زندگی میں یہ حکومت کیا تبدیلی لائی، آٹے کی قیمت میں 132% اضافہ، چاول کی قیمتوں میں 88% اضافہ ہوا، مرغی 72% ،دال مسور 71%، دودھ 44%، اور چینی 37% اضافہ ہوچکا ہے ۔ ایسی تباہی پاکستان کی تاریخ میں نہیں آئی، شاید اسی لئے آپ آج کل میڈیا میں مہنگائی کا تذکرہ نہیں سن رہے۔

پاکستان تحریک انصاف کے مزید 2 رہنما احسان الحق چودھری اور ڈاکٹر محمد افضل نے پارٹی چھوڑنے کا اعلان کر دیا۔پی ٹی آئی چھوڑنے کا اعلان کرنے والے احسان الحق چودھری اور ڈاکٹر محمد افضل صوبائی اسمبلی کے امیدوار تھے۔پارٹی کا ساتھ چھوڑنے والے پی ٹی آئی رہنما اور حلقہ پی پی 247 سے امیدوار احسان الحق نے کہا کہ 9 مئی کے واقعات کی پرزور مذمت کرتے ہیں۔انہوں نے کہا کہ سانحہ 9 مئی کے ذمہ داروں کو قانون کے کٹہرے میں لایا جائے۔پی ٹی آئی رہنما اور پی پی 248 سے امیدوار ڈاکٹر محمد افضل نے کہا کہ افواج پاکستان ہے تو یہ ملک ہے میں پی ٹی آئی اور چودھری پرویز الہٰی گروپ چھوڑنے کا اعلان کرتا ہوں

محکمہ موسمیات کے مطابق ملک کے بالائی اور مغربی علاقوں میں آج سے مغربی ہوائیں داخل ہوں گی، پی ڈی ایم اے نے الرٹ جاری کردیا ہے۔مغربی ہوائیں وقفے وقفے سے اثر انداز ہوں گی، رپورٹ کے مطابق آج رات سے 26 مئی تک لاہور، اسلام آباد، مری، راولپنڈی میں آندھی، بارش اورژالہ باری کا امکان ہے۔پی ڈی ایم اے نے اپنی رپورٹ میں کہا ہے کہ خوشاب، بھکر، فیصل آباد، جھنگ، ٹوبہ ٹیک سنگھ، شیخوپورہ، ننکانہ، گوجرانوالہ میں بارش کا امکان ہے۔23سے 25 مئی کے دوران پنجاب میں آندھی سے فصلوں اور کمزورعمارات کو نقصان پہنچنے کا خدشہ ہے، الرٹ میں کہا گیا ہے کہ کسان موسمیاتی پیشگوئی کو مد نظر رکھتے ہوئے اپنے معاملات ترتیب دیں۔بارش کے باعث جاری گرمی کی شدت میں کمی کا امکان ظاہر کیا گیاہے۔محکمہ موسمیات کے مطابق آج ملک کے بیشتر علاقوں میں موسم شدید گرم اور خشک رہے گا جبکہ بلو چستان، زیریں خیبر پختونخوا، جنوبی پنجاب اور خطہ پوٹھوہار میں بارش کا امکان ہے۔اسلام آباد میں چند مقامات پر گرج چمک کے ساتھ بارش کا امکان ظاہر کیا گیاہے، کوئٹہ، قلات، تربت، لسبیلہ، خضدار، کیچ، پنجگور، پشاور، کوہاٹ، کرم، وزیرستان، بنوں اور ڈیر ہ اسماعیل خان میں بارش متوقع ہے۔