Category Pin post

اسلام آباد میں میڈیا سے گفتگو کرتے ہوئے کہا کہ جہانگیر ترین کے ساتھ اچھا ورکنگ ریلیشن ہے۔انہوں نے کہا کہ (جہانگیر ترین کی پارٹی کے ساتھ) سیٹ ایڈجسٹمنٹ کی جاسکتی ہے، الائنس (اتحاد) کا فیصلہ پارٹی قیادت کرے گی۔معاون خصوصی کے مطابق ن لیگ سے صرف پانچ لوگ چھوڑ کر گئے ہیں، جہاں جہاں گنجائش ہوگی وہا ں لوگوں کو لیں گے، جہانگیر ترین سے ہمارا آئیڈیل ریلیشن ہے، ایک ساتھ چلیں گے۔عطا تارڑ نے مزید کہا کہ عبدالرزاق کا معاملہ نہ پیش آتا اگر گڈ ٹوسی یو نہ کہا ہوتا اور عمران جیل میں ہوتا۔عطا تارڑ کا مزید کہنا تھا کہ عمران نے توشہ خانہ، القادر ٹرسٹ، بی آر ٹی کی چوری کی، یہ وہ لوگ ہیں جنہوں نے ریاست پر حملہ کیا، ان کا وجود ریاست سے بڑا ہے، یہ کب تک بہانے بنائیں گے

الیکشن سے متعلق خدشات کا اظہارکرنے والے شیخ رشید نے ایک بیان میں کہا کہ لیڈر جیل کی گرمی نہیں برداشت کرسکے لیکن ورکر قائم ہے اور گھبرایا بھی نہیں ، پارٹیاں ورکروں سے چلتی ہیں لیڈروں سے نہیں۔انہوں نے کہا کہ آئین عمل کے لیے ہوتا ہے، کیبنٹ میں رکھنےکے لیے نہیں۔ آئین کو موم کی ناک بنادیا گیا قانون ہاتھ جوڑ کرکھڑا ہے۔ تُرکیہ نے زلزے معاشی تباہی کے باوجود الیکشن کرایا جس سے اُس کے حالات ٹھیک ہوگئے۔شیخ رشید نے دعویٰ کیا کہ آئی ایم ایف نےدس جون کے ایجنڈے میں پاکستان کونہیں رکھا، آئی ایم ایف کے ساتھ سعودی عرب اور یو اے ای کی مالیاتی امداد بھی خطرے میں ہے۔ آئی ایم ایف کہتا ہے پاکستان میں سیاسی استحکام کی ضرورت ہے، 9 ہفتے کی حکومت کو اندازہ ہے کہ عوام کے دلوں میں اُن کے لیے غم وغصہ اور نفرت ہے۔انہوں کا مزید کہنا تھا کہ الیکشن میں ن لیگ کے ساتھ ہاتھ نہیں ہتھوڑا ہوگا، اگر انتخابات وقت پر نہ ہوئے تو حالات مزید سنگین اور گھمبیر ہوجائیں گے۔

امید ہے رواں ماہ معاہدہ ہو جائیگا، شہباز شریف کی یقین دہانی

وزیر اعظم شہباز شریف نے کہا ہے کہ انٹرنیشنل مانیٹری فنڈ کی پیشگی شرائط پوری کر دی ہیں، امید ہے رواں ماہ آئی ایم ایف کے ساتھ حتمی معاہدہ ہو جائے گا۔ غیر ملکی خبر رساں ادارے کو انٹرویو دیتے ہوئے وزیر اعظم شہباز شریف نے کہا کہ حکومت دوست ممالک کی مدد کے ذریعے معاشی چیلنجز سے نمٹنے میں کامیاب رہی ہے۔ وزیر اعظم نے کہا کہ چیئرمین پی ٹی آئی کو سنگین بدعنوانی اور غیر قانونی لین دین کے الزامات کا سامنا ہے، قانون کے مطابق نمٹا جائے گا۔ شہباز شریف کا کہنا تھا کہ پاکستان اور ترکیہ مستقبل میں بائیو گیس، شمسی توانائی اور پن بجلی کے شعبوں میں تجارت اور باہمی تعاون کو فروغ دیں گے۔۔

سماجی رابطے کی ویب سائٹ ٹوئٹرپرایک پیغام میں وزیراعظم شہباز شریف کا کہنا تھا کہ چیئرمین پی ٹی آئی بین الاقوامی میڈیا کے ساتھ اپنے انٹرویوز میں کھلے عام غلط بیانی کررہے ہیں، 9مئی کے واقعات کے بعد ملک میں انسانی حقوق کی خلاف ورزیوں کے حوالے سے ان کا بیان گمراہ کن ہے، اس کا مقصد پاکستان پر دباؤ ڈالنا ہے۔شہباز شریف نے کہا ان کی پارٹی نے 9 مئی کو جو کیا وہ ریاست پر حملہ تھا، دنیا کا کوئی بھی ملک سالمیت کو تباہ کرنے کی ایسی کوشش کو برداشت نہیں کرے گا، مجرموں سے قانون کے تحت نمٹا جائے گا، اس بات کو یقینی بنایا جائے گا کہ انسانی حقوق کی خلاف ورزی نہ ہو۔وزیراعظم شہباز شریف نے مزید کہا ہے کہ پاکستان انسانی حقوق سے متعلق اپنی آئینی ذمہ داریوں کا مکمل احترام کرتا ہے۔

باغ آزاد کشمیر میں جلسہ سے خطاب کرتے ہوئےمسلم لیگ ن کی چیف آرگنائزر و سینئر نائب صدر مریم نواز نے کہا ہے کہ نوازشریف کی سیاست ختم کرنے والی جماعت کرچی کرچی ہو گئی، بنکر میں چھپ کر بیٹھنے والے کو عوام نشان عبرت بنا دیں گے۔ مریم نواز نے کہا کہ خالص کشمیری ہیں کوئی سیاسی نعرہ نہیں، آج ہم کشمیر کی وادی میں کھڑے ہیں، کشمیر کے ہر گھر میں شہدا موجود ہیں۔ مریم نواز نے کشمیر کے شہدا کو خراج عقیدت پیش کرتے ہوئے کہا کہ کشمیر کے شہدا کو سب کا سلام، وطن کے لیے جانیں قربان کرنے والوں کو سلام، شہدا کی یادگاروں کو جلانے والوں کا احترام نہیں کریں گے، شہدا کی بے حرمتی کرنے والا ہم میں سے نہیں ہو سکتا، شہدا کے مجسموں کو توڑنے والا پاکستانی نہیں ہو سکتا۔ انہوں نے کہا کہ کوئی کتنا بھی غصے میں ہو کوئی پاکستانی ملک کو آگ لگانے کی جرأت نہیں کر سکتا، 9 مئی کو جو کچھ ہوا پورا آزاد کشمیر شرمندہ ہے، شہدا کے ساتھ ایسا سلوک کرنے والے کو قوم معاف نہیں کرے گی، وہ چھپ کر بنکرمیں بیٹھا ہے، عوام اسے نشان عبرت بنا دیں گے۔ نائب صدر ن لیگ نے کہا کہ یہ شخص ٹرمپ کے پہلو میں بیٹھ کر کشمیر کا سودا بھی کر کے آیا تھا، قوم اسے معاف نہیں کرے گی۔

ایف آئی اے اور قانون نافذ کرنے والے ادارے متحرک ہو گئے۔سانحہ 9 مئی میں ملوث شر پسند عناصر کے خلاف کاروائیاں تیز کر نے کا فیصلہ کر لیا گیا۔سانحہ 9 مئی میں ملوث وکلا اور سوشل میڈیا کی آڑ میں انتشار پھیلانے والے شرپسند عناصر کی نشان دہی کے بعد ان کی لسٹیں مرتب کر کے متعلقہ ادروں کے حوالے کر دی گی جبکہ کے قانوں نافذ کر نے والے اداروں کی جانب سے میڈ یا ہاوسز سے 9 مئی کو کوریج کرنے والے صحافیوں کے نام بھی مانگ لیے تاکہ ان کہ نام کو لسٹسے خارج کیا جا سکے 9 مئی کے واقعات مین 40 ہزار لوگوں کا نام آیا تھا جناح ہاؤس اور کورکمانڈر کے گھر پر دھاوا بولنے والوں کے گرد بھی گھیرا تنگ کر دیا گیا ۔ لاہور میں سے 1267 مرد و خواتین کی نشاندہی کےبعدکاررواٸی کے لٸے ٹیمیں تشکیل دے دی گئی

اسلام آباد: سابق وزیر اعلیٰ پنجاب اور تحریک انصاف پنجا ب کے صدر چوہدری پرویز الہی نے کہا ہے کہ میں اللہ تعالیٰ کو حاضر ناظر سمجھ کر یہ بات کر رہا ہوں کہ میں بے گناہ ہوں ۔ ایک ویڈ یو پیغام میں انہوں نے کہا کہ مجھے اپنی عدلیہ پر پورا بھروسہ ہے اور جہاں تک افواج پاکستان کا تعلق ہے میں ہمیشہ سے پاک فوج کا حامی رہا ہوں لیکن ان کے لئے لمحہ فکریہ ہے کہ ان کے ارد گرد بیٹھے لو گ ملک کو کس طرف لے کر جار ہے ہیں ۔ انہوں نے کہا کہ میر ا تما م پی ٹی آئی کارکنان اور رہنمائوں کو یہ پیغام ہے کہ وہ ڈٹے رہیں آپ حق سچ پر ہیں آپ نے پہچھے نہیں ہٹنا فتح آپ کی ہے ۔

ٹیکساس: ڈاکٹر عافیہ کی بہن ڈاکٹر فوزیہ نے امریکی مسلمانوں سے اپنی بہن عافیہ کیلئے مالی قانونی اور اخلاقی مدد فراہم کرنے کی اپیل کی ہے۔ پلانو اسلامک سینٹر میں ڈاکٹرفوزیہ اور سینیٹرمشتاق احمد نے مسلم کمیونٹی سے خطاب کرتے ہوئے کہا کہ امریکا میں جیل حکام نے بہت تعاون کیا۔ڈاکٹر فوزیہ نے کہا کہ امریکی مسلمان اپنی بہن ڈاکٹرعافیہ کیلئے فنڈ اکٹھا کرنے میں مدد کریں۔اس موقع پر سینیٹر مشتاق احمد نے کہا کہ میں اپنی بہن ڈاکٹر عافیہ سے ملنے ذاتی حیثیت میں آیا ہوں، میں پاکستانی حکومت کی نمائندگی نہیں کررہا، امریکا میں مقیم مسلمان انسانی حقوق کیلئے اپنا بھرپور کردار ادا کریں۔اس کے علاوہ ڈاکٹر عافیہ صدیقی کیلئے ٹیکساس کی پلانو مسجد میں دعا بھی کرائی گئی

اسلام آباد : قومی سلامی کمیٹی کا اجلاس ملتوی کر دیا گیا۔ تفصیلات کے مطابق وزیراعظم شہباز شریف نے قومی سلامتی کمیٹی کا اجلاس جمعہ کو طلب کر رکھا تھا تا ہم وزیراعظم نے رجب طیب اردوان کی صدارتی حلف برداری کی تقریب کیلئے ترکیہ روانہ ہو نا تھا جس کی وجہ سے قومی سلامتی کمیٹی کا جمعہ کو ہونے والا اجلاس ملتوی کر دیا گیا۔

پاکستان تحریک انصاف (پی ٹی آئی) کے سابق رہنما جہانگیر ترین نے آنے والے دنوں میں قائد مسلم لیگ ن نواز شریف سے ملاقات کرنے کیلئے لندن جانے کا فیصلہ کرلیا۔
مسلم لیگ ن سے مستقبل کی انتخابی حکمت عملی پر مشاورت اور انتخابی اتحاد کیلئے جہانگیر ترین نے نواز شریف سے ملاقات کا فیصلہ کیا ہے۔ آئندہ عام انتخابات میں ن لیگ سے ایڈجسٹمنٹ کیلئے جہانگیر ترین چند دنوں میں لندن جائیں گے
جہانگیر ترین آج بھی اسلام آباد میں کئی اہم شخصیات سے ملاقاتیں کریں گے۔ اس حوالے سے پنجاب سے تحریک انصاف چھوڑنے والی اہم شخصیات کا بھی رابطہ ہوا ہے جبکہ گروپ کے دیگر ممبران سے بھی ٹیلیفونک رابطے جاری ہیں