Category سیاست

اسلام آباد:وفاقی وزیر اطلاعات و نشریات مریم اورنگزیب نے عمران نے پٹرول بم پولیس اور رینجرز پر نہیں ،عدالتی احکامات پر پھینکے ہیں۔سماجی رابطے کی ویب سائٹ ٹوئٹر پر اپنے ٹوئٹ میں مریم اورنگزیب نے کہاکہ پولیس اہلکاروں کے سر پھاڑے گئے، عدالتی نظام کا مذاق اڑایا گیا،ریاست پر حملہ آور دہشت گرد کو ضمانت کا بنڈل پیکج ملا۔وفاقی وزیر اطلاعات کا مزید کہناتھا کہ ریاست کے لئے زخم کھانے والوں کو پیغام ہے کہ فارن ایجنٹ گھڑی چور آئین، قانون اور نظام عدل سے بالا تر ہے، ان کامزید کہناتھا ک دہشتگردعمران نے پٹرول بم پولیس اور رینجرز پر نہیں عدالتی احکامات پر پھینکے ہیں۔

چیئرمین پاکستان تحریک انصاف (پی ٹی آئی) عمران خان توشہ خانہ کیس میں پیشی کے لیے زمان پارک لاہور سے قافلے کے ہمراہ میں براستہ موٹروے اسلام آباد کی جانب گامزن ہیں۔

لاہور اسلام آباد موٹر وے پر ٹول پلازہ کا کنٹرول پولیس نے سنبھال لیا ہے اور پولیس نے اسلام آباد ٹول پلازہ پرکام کرنے والے ملازمین کو ہٹا دیا ہے۔

اسلام آباد آنے والے راستے پرکنٹینر لگا دیےگئے ہیں، پولیس کاکہنا ہےکہ عمران خان اور سکیورٹی عملےکی گاڑیوں کےعلاوہ کسی کو داخل نہیں ہونے دیا جائےگا، پولیس ٹیم کے پاس آنسو گیس کے تین سو شیل موجود ہیں۔

اسلام آباد ٹول پلازہ پر پولیس نے عمران خان کے قافلےکو روک دیا، پولیس حکام کا کہنا تھا کہ صرف عمران خان کی گاڑی ٹول پلازہ  سے آگے جائےگی، بعد ازاں عمران خان کی گاڑی کو دیگر رہنماؤں کے ہمراہ جانے کی اجازت دے دی گئی۔

یہ بھی پڑھیں

• توشہ خانہ کیس کی سماعت ایف 8 کچہری سے جوڈیشل کمپلیکس منتقل کردی گئی
• اسلام آباد کچہری میں ممکنہ پیشی، عمران کی سکیورٹی کیلئے چیف سکیورٹی آفیسر تعینات کرنیکا فیصلہ
• عمران خان نے 18 مارچ کو عدالت میں پیش ہونے کی تحریری یقین دہانی کرا دی

اسلام آباد پولیس کی جانب سے توشہ خانہ کیس میں عمران خان کی پیشی کے حوالے سے ایس او پیز جاری کیےگئے ہیں۔

اسلام آباد پولیس کی جانب سے جاری اعلامیےکے مطابق اسلام آباد میں دفعہ 144 نافذ ہے اس کی پابندی کرنا ہوگی، عدالت، احاطہ یا قریب کوئی مسلح شخص موجود نہیں ہوگا، عدالت میں ساتھ جانے والے افراد اور گاڑیوں کی چیکنگ کروائی جائےگی۔

توشہ خانہ کیس کی سماعت آج جوڈیشل کمپلیکس کی نیب کورٹ نمبر ون میں ہوگی، ایڈیشنل سیشن جج ظفر اقبال نے عمران خان کو فرد جرم عائد کرنےکے لیےطلب کر رکھا ہے۔

عمران خان ممکنہ طور پرآج جوڈیشل کمپلیکس جی الیون میں پیش ہوں گے۔

سیشن عدالت نے31 جنوری کو عمران خان پر فردجرم عائد کرنےکے لیےتاریخ مقررکی تھی، مسلسل عدم حاضری پرسیشن عدالت نے 28 فروری کو ان کے ناقابل ضمانت وارنٹ گرفتاری جاری کیے، سیشن عدالت نے7 مارچ کے لیے وارنٹ گرفتاری پر عمل درآمدکراتے ہوئے عمران خان کوپیش کرنے کا حکم دیا، اسلام آباد ہائی کورٹ نے7 مارچ کو وارنٹ گرفتاری معطل کرتے ہوئے 13 مارچ کوپیش ہونےکا حکم دیا۔

عمران خان کے 13 مارچ کو پیش نہ ہونے پرناقابل ضمانت وارنٹ گرفتاری دوبارہ بحال ہوگئے۔

سیشن عدالت نےعمران خان کے18 مارچ کے لیے وارنٹ گرفتاری جاری کرتےہوئے انہیں  پیش کرنےکا حکم دیا تھا، اسلام آباد ہائی کورٹ نے عمران خان کو آج عدالت میں پیش ہونے کے لیے پولیس کو گرفتاری سے روک دیا تھا۔

چیف کمشنر اسلام آباد نے گزشتہ روز توشہ خانہ کیس کی سماعت کچہری سےجوڈیشل کمپلیکس منتقل کی تھی۔

اسلام آباد :مسلم لیگ (ن) اور جے یو آئی (ف) نے خیبر پختونخوا اور پنجاب کے الیکشن میں اپنے اپنے پلیٹ فارم سے حصہ لینے اور عمران خان پر سیاسی دبائو جاری رکھنے پر اتفاق کیا ہے ،تفصیل کے مطابق گزشتہ روزمولانااسعد الرحمن کی رہائش گاہ پر وزیراعظم شہباز شریف اور مولانا فضل الرحمان کی ملاقات کی اندرونی کہانی سامنے آگئی، ملاقات کے دوران نوازشریف سے بھی رابط کیا گیا اور فیصلہ کیا گیا کہ خیبر پختونخوا اور پنجاب میں انتخابات ہونے کی صورت میں پی ڈی ایم میں شامل جماعتیں اپنے اپنے پلیٹ فارم سے الیکشن حصہ لیں گی، پی ڈی ایم کو انتخابی اتحاد نہیں بنایا جائے گا جبکہ عمران خان پر پی ڈی ایم حکومت سیاسی دباؤ جاری رکھے گی،مولانا فضل الرحمان نے کہا کہ جے یو آئی ف اور ن لیگ جہاں ضروری ہوا ایک دوسرے سے تعاون کریں گے۔ پی ڈی ایم میں شامل تمام جماعتیں الگ الگ الیکشن لڑنے میں آزاد ہیں۔ ملاقات میں عمران خان کے خلاف مقدمات اور عدالتی کارروائی پر بھی غور کیا گیا اور اس بات پر تینوں رہنماؤں کا اتفاق تھا کہ عمران خان پر سیاسی دباؤ جاری رکھا جائے گا، نواز شریف نے اس موقع پر کہا کہ قانون کی حکمرانی کا درس دینے والا قانون سے بھاگ رہا ہے ،وزیراعظم شہباز شریف کا کہنا تھا کہ امن وامان کی صورتحال عمران نیازی نے بگاڑی پولیس صرف عدالتی احکامات پر عملدرآمدکیلئے گئی ہے۔ نوازشریف اور فضل الرحمان نے مہنگائی میں کمی پر پھر اصرار کیا اور کہا کہ عام انتخابات میں جانے سے قبل عوام کو ریلیف دینا ہوگاجس پر شہباز شریف نے کہا کہ پنجاب اور اسلام آباد میں غریبوںکیلئے آٹا مفت کردیا باقی صوبوں سے بھی بات کی ہے کہ وہ بھی غریبوں کیلئے ریلیف دینے کے لئے تیار ہیں ۔

اسلام آباد:پاکستان تحریک انصاف کے رہنماء￿ ڈاکٹر بابر اعوان نے کہا ہے کہ عمران خان کے خلاف درجنوں مقدمے اور درجنوں وارنٹ نکل رہے ہیں چند دن کی مہمان حکومت یہ سب کر رہی ہے دو آئی جیز کا کورٹ مارشل ہونا چاہئے، لوگ زخمی ہوئے ایک لاش گری۔ ان خیالات کا اظہار انھوں نے گزشتہ روز اسلام آباد ہائی کورٹ کے باہر میڈیا سے گفتگو کے دوران کیا انھوں نے یہ بھی کہا کہ سیاسی تقرریاں جب بھی ہوتی ہیں تو ایسے کی واقعات ہوتے ہیں دو درجن افراد کے نام لکھ کر دیئے جو وردی میں ملبوس سیاسی شخصیات ہیں دونوں آئی جیز کے بیانات خوفناک ہیں دونوں کو باڈر پر بھیجا جائے کشمیر آزاد کرا لے آئیں گے عمران خان کا ایک اور وارنٹ پنجاب سے نکلا ہے عمران خان کو گھیر کر مارے کی کوشش کی جا رہی ہے کے پی کے بارے میں جو الفاظ استعمال کیے گئے شرم آنی چاہئے ایسے الفاظ استعمال کیے گئے اس سے بڑی دہشتگردی اور کیا ہو گئی پی ڈی ایم کی حکومت چند روز کی حکومت رہ گئی ہے 19 دفعات 85 مقدمات عمران خان کے ہیں وارنٹ کی تعمیر ہو جانی تھی حاضری لگ جانی تھی مگر دونوں آئی جینز نے تشدد کا راستہ اختیار کیا موجودہ حکومت ختم ہوتے ہی یہ باہر بھاگے گے عمران خان سے الیکشن کوئی نہیں چھین سکتا۔

اسلام آباد:وفاقی وزیر داخلہ رانا ثناللہ نے کہا ہے کہ ہماری ترجیح عمران کو گرفتار کرنا نہیں اسے مجبور کرنا ہے کہ عدالت میں پیش ہو ۔ اپنے ٹوئٹ میں وزیر داخلہ نے کہا عمران خان کو جلسہ کرنے میں تو کوئی خطرہ محسوس نہیں ہوتا۔ یہ کوئی طریقہ نہیں عمران خان ریلیاں نکالیں اور عدالتوں پر دھاوا بول دیں۔ ۔۔وزیر داخلہ

اسلام آباد : وفاقی وزیر خزانہ سینیٹر اسحاق ڈار نے آئی ایم ایف ڈیل میں تاخیر کے سوال پر چپ سادھ لی۔صحافیوں سے غیر رسمی گفتگو کے د وران ایک صحافی نے سوال کیا کہ دوست ممالک گارنٹی نہیں دے رہے یہ آپ کی ناکامی نہیں؟ وزیر خزانہ نے جواب میں کہا یہ سوال پوچھنا آپ کی ناکامی ہے۔ صحافی نے دوبارہ پوچھا آئی ایم ایف سے معاملات کیوں تاخیر کا شکار ہورہے ہیں؟وزیر خزانہ سوال کا جواب دیے بغیر گاڑی میں بیٹھ گئے۔

لاہور : چئیرمین تحریک انصاف عمران خان نے مختلف مقدمات میں حفاظتی ضمانت کیلئے عدالت سے رجوع کر لیا۔ تفصیل کے مطابق چیئرمین تحریک انصاف عمران خان کی جانب سے 9 مقدمات میں حفاظتی ضمانت کی درخواستیں لاہور ہائیکورٹ میں دائر کر دی ہیں،اسلام آباد کی 5 اور لاہور کی 4 ایف آئی آرز میں حفاظتی ضمانت کی درخواستیں دائر کی گئیں۔ درخواست میں مؤقف اختیار کیا گیا کہ عمران خان مقدمات میں شامل تفتیش ہونا چاہتے ہیں اور متعلقہ عدالتوں میں پیش ہو کر ضمانتیں کرانا چاہتے ہیں۔عمران خان کی جانب سے درخواست میں خدشہ ظاہر کیا گیا کہ پولیس گرفتار کر لے گی لٰہذا عدالت حفاظتی ضمانت منظور کرے۔ عمران خان کیخلاف تھانہ رمنہ میں 2،تھانہ کھنہ میں 2 اور تھانہ بھارہ کہو میں 1 مقدمہ درج ہے،اسی طرح سابق وزیراعظم کیخلاف تھانہ ریس کورس میں 3 اور تھانہ سرور روڈ میں 1 مقدمہ درج ہے۔دوسری جانب توشہ خانہ کیس میں چیئرمین پی ٹی آ ئی عمران خان کے وارنٹ گرفتاری برقرار رکھنے کے سیشن عدالت کے فیصلے کیخلاف رجوع کیا گیا،عمران خان کے وارنٹ برقرار رکھنے کے فیصلے کیخلاف اسلام آباد ہائیکورٹ میں درخواست دائر کی گئی ،پی ٹی آئی کی قانونی ٹیم کی جانب سے فیصلے کیخلاف باضابطہ نظرِثانی کی درخواست دائر کی گئی ہے۔اسلام آباد ہائیکورٹ عملے کی جانب سے سیشن کورٹ کے فیصلے کیخلاف درخواست کو نمبر لگا دیا گیا،درخواست میں سیشن کورٹ فیصلے پر قانونی اعتراضات اٹھاتے ہوئے نظرِثانی کی استدعا کی گئی۔ جبکہ اس سے قبل تحریک انصاف کے سیکرٹری جنرل اسد عمر نے کہا کہ سیشن جج کے فیصلے کیخلاف ہائیکورٹ میں اپیل دائر کریں گے،عمران خان ہفتے کو اسلام آباد میں عدالت میں پیش ہوں گے، ہم حکومت کے ساتھ بات کرنے کو تیار ہیں،تمام مسائل کا واحد حل الیکشن ہیں۔

دبئی :جے یو آئی (ف) کے رہنما و سابق وزیراعلیٰ بلوچستان نواب اسلم خان رئیسانی بھی عمران خان کی گرفتاری کے حوالے سے بول پڑے اور کہا کہ ان کو گرفتارکر کے ان کی مقبولیت میں اضافہ کیا جارہا ہے۔ دبئی میں میڈیا سے گفتگو کرتے ہوئے انہوں نے کہا کہ توشہ خانہ معمولی کیس ہے، اس میں عمران خان کو گرفتار نہیں کرنا چاہیے۔ عمران خان کو گرفتار کرکے ان کی مقبولیت میں اضافہ کیا جارہا ہے۔ان کا مزید کہنا تھا کہ بروقت الیکشن کا حامی ہوں اس میں تاخیر نہیں ہونی چاہیے ،آئندہ الیکشن جے یو آئی کے ٹکٹ پر ہی لڑوں گا ۔

لاہور: پاکستان تحریک انصاف کے سربراہ عمران خان نے گزشتہ دو روز سے زمان پارک میں واقع اپنی رہائش گاہ کے دروازے پارٹی کارکنوں کے لئے بند کر رکھے ہیں، پی ٹی آئی ذرائع کے مطابق صرف بدھ کے روز عمران خان نے چند کارکنوں سے ملاقات کی جس میں انہوں نے پارٹی کارکنوں کو صورتحال پر شاباش دی اور ان کے حوصلے بلند کئے۔

اسلام آباد:سپریم کورٹ نے گلگت بلتستان میں ججز تعیناتی کیس میں وفاقی حکومت کو جواب جمع کرانے کیلئے مہلت دیتے ہوئے کیس کی مزید سماعت 6 اپریل تک کیلئے ملتوی کر دی ہے۔ بدھ کو عدالت عظمی میں جسٹس اعجاز الاحسن کی سربراہی میں دو رکنی بینچ نے گلگت بلتستان کی عدلیہ میں ججز تعیناتی کیخلاف وزیر اعلیٰ گلگت بلتستان کی درخواست پر سماعت کی،دوران سماعت ایڈیشنل اٹارنی جنرل عامر رحمان نے کیس میں جواب جمع کرانے کیلئے مہلت طلب کرتے ہوئے موقف اپنایا کہ وفاقی حکومت نے ججز تعیناتی کے حوالے سے جواب جمع کرایا تھا جو جواب واپس لیا ہے عدالت وقت دے دوبارہ مزید دستاویزات کے ساتھ جمع کرائیں گے،جسٹس اعجاز الاحسن نے اس موقع پرایڈووکیٹ جنرل گلگت بلتستان سے استفسار کیا کہ ججز تعیناتی درخواست پر صوبائی حکومت کا کیا موقف ہے، ایڈوکیٹ جنرل جی بی نزیر احمد نے کہا ہم درخواست گزار کے موقف سے متفق ہیں اسلئے سپورٹ کرتے ہیں۔بعد ازاں عدالت نے وفاقی حکومت کی استدعا پر کیس کی مزید سماعت 6 اپریل تک ملتوی کردی۔وزیر اعلیٰ خالد خورشید نے گلگت بلتستان کی عدلیہ میں وزیر اعظم کی جانب سے بغیر مشاورت ججز تعیناتی سپریم کورٹ میں چیلنج کررکھا ہے۔