Category سیاست

لاہور:معروف صحافی اور اینکر پرسن عمران ریاض کو وفاقی تحقیقاتی ادار ے نے لاہور سے گرفتار کر لیاہے۔ذرائع سے دعویٰ کیاہے کہ عمران ریاض کے وکیل اشفاق نے بتایا کہ ان کے کلائنٹ کو علامہ اقبال ایئر پورٹ پر ایف آئی اے کے سائبر کرائم سیل کی جانب سے حراست میں لیا گیاہے۔وکلاء کا کہناہے کہ عمران ریاض کے خلاف مقدمے کی تفصیل سامنے نہیں آ سکی ہے ، ان کی گرفتاری کو عدالت میں چیلنج کیا جائے گا۔عمرا ن ریاض کے علاوہ روالپنڈی سے شیخ رشید کو بھی حراست میں لیا گیاہے

اسلام آباد :وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ صاف چلی شفاف چلی کرپشن سرے عام چلی، عالمی ادارے ٹرانسپیرنسی انٹرنیشنل کی کرپشن پرسیپشن انڈیکس رپورٹ 2022 تحریک انصاف کے بیانیہ کے تابوت میں آخری کیل ہے، اپنے ایک بیا ن میں ان کا کہنا تھا کہ عمران خان اور تحریک انصاف کا کرپشن کے حوالے سے بیانیہ صرف تقریروں اور مشہوری تک محدود تھا،ان کے چار سالا دور حکومت میں کرپشن کم نہیں بلکہ مسلسل بڑھتی رہی، تحریک انصاف کی حکومت سے پہلے پاکستان کرپشن پرسیپشن انڈیکس میں 117ویں نمبر پر تھا،عمران خان کے اقتدار کے دوران پاکستان 2019 میں 120 ویں، 2020 میں 124ویں اور 2021 میں 140ویں نمبر پر آگیا،تحریک انصاف کے بدترین دور اقتدار کی وجہ سے پاکستان اس فہرست میں 140ویں نمبر پر پہنچ گیا،ان کی کرپشن کی وجہ سے پاکستان کرپشن انڈیکس میں مجموعی طور پر 23 درجے اوپر چلا گیا، انہوں نے مخالفین پر جھوٹے کیسز بنائے جبکہ خود میگا کرپشن اسکینڈلز میں ملوث رہے، اب عمران خان دعوہ کرتا ہے کہ ان کے دور میں کوئی کرپشن اسکینڈل سامنے نہیں آیا۔

اسلام آباد:سابق وفاقی وزیر داخلہ شیخ رشید نے کہا ہے کہ پولیس کی پوری کوشش ہے کہ مجھے گرفتار کیا جائے پولیس نے بھی میڈیا کے ذریعے مجھے طلب کیا ہے میں اپنے بیان پر قائم ہوں عمران خان نے جو بیان دیا ہے کہ آصف زرداری ایک منصوبے کے ذریعے قتل کروانا چاہتے ہیں آصف زرداری عمران خان کو دہشتگرد تنظیم کے زریعے قتل کروانا چاہتا ہے لال حویلی پر انھوں نے قبضہ کیا جو میری ملکیت ہے ان خیالات کا اظہار انھوں نے اسلام آباد ہائی کورٹ کے باہر میڈیا سے گفتگو کرتے ہوئے کیا۔انھوں نے یہ بھی کہا کہ 16 وزراتوں میں سے کچھ نہیں ملا تو لال حویلی کے ساتھ ملحقہ عمارت بند کرد ی میری نشست پر بھی عمران خان الیکشن لڑیں گے ان کے ڈبوں میں سے ہوں کی آواز آئے گی ہمارے جیل میں جانے سے کوئی فرق نہیں پڑھتارینجر اور ایف سی نہیں آئی ایف آئی اے کی بسوں میں آکر لال حویلی پر قبضہ کیا گیا کے پی میں الیکشن کی تاریخ آگئی ہے پنجاب میں بھی آجائے گی میرے وکیل نعیم حیدر پنجوتھہ تھانے گئے تو بیان لینے سے پولیس نے انکار کر دیاگھر گھر میں ایک قیامت کا پہلو ہے لوگ جو مر رہے ہیں ان کے پاس قبر کے پیسے نہیں ہیں اوورسیز ووٹرز کے لئیے سپریم کورٹ گئے ہوئے ہیں

اسلام آباد: وزیراعظم شہباز شریف نے کہا ہے دہشتگردی کی لہر دوبارہ سر اٹھارہی ہے مناسب اور فی الفور اقدامات نہ کیئے تو یہ نہ ناسور پورے ملک میں پھیل جائیگا،انسداددہشتگردی کیلئے کے پی کے کو 417ارب دیئے گئے خدا جانے وہ کہاں گئے؟قوم سوال کر رہی ہے ان دہشتگردوں کو دوبارہ کون واپس لایا؟کس نے کہا تھا کہ یہ جہادی ہیں اور پاکستان کے دوست ہیں۔ وفاقی کابینہ کے اجلاس کے بعد میڈیا سے گفتگو کرتے ہوئے وزیراعظم نے کہا کہ خیبرپختونخوا کے بہادر اور غیور عوام کی ہمت کو الفاظ میں بیان نہیں کر سکتے، پشاور حملے میں جانیں قربان کرنے والے شہدا کو پاکستان ہمیشہ یاد رکھے گا۔ دہشتگردوں کے خلاف قوم اورادارے متحد اور یک آواز میں کھٹرے ہیں ، تاریخ خیبر پختونخواہ کی مائوں، بہنوں کی قربانیوں کو فراموش نہیں کر پائے گی، پوری قوم اپنی بہادر فورسز کے ساتھ شانہ بشانہ کھڑی۔انہوں نے کہا کہ انسداد دہشتگردی کے اقدامات کی مد میں این ایف سی ایوارڈ کے تحت گزشتہ 10 برسوں میں 417 ارب روپے خیبرپختونخوا کو ادا کیے جا چکے ہیں تاکہ اس حوالے سے ان کی جائز ضروریات پوری ہوسکیں۔وزیر اعظم نے کہا کہ یہ 417 ارب روپیہ خاص طور پر انسداد دہشتگردی کے اقدامات کے لیے مختص تھا، خدا جانے اتنے بڑی رقم کہاں چلی گئی، 10 سال وہاں پاکستان تحریک انصاف (پی ٹی آئی) کی حکومت رہی، آج وہ کہتے ہیں کہ ہمارے پاس وسائل نہیں ہیں تو یہ 417 ارب روپے کہاں گئے؟ کہاں استعمال ہوئے؟انہوں نے کہا کہ اس تمام عرصے کے دوران کسی اور صوبے کو اس مد میں کوئی رقم نہیں دی گئی، صرف خیبرپختونخوا کو یہ رقم ادا کی گئی، میں یہاں سیاسی پوائنٹ اسکورنگ نہیں کررہا بلکہ حقائق پر بات کررہا ہوں۔وزیر اعظم نے کہا کہ آپ کو 40 ارب سال کا مل رہا ہو تو پھر آپ کا یہ شکوہ بنتا نہیں ہے کہ ہمارے محکمہ انسداد دہشتگردی میں کمزوریاں ہیں یا ان کے پاس مطلوبہ سامان اور تربیت نہیں ہے، یہ سب باتیں ناقابل یقین ہیں، فنڈز نہ ملنے کا شکوہ کرنا حقائق کو مسخ کرنے کی کوشش ہے،ہمارے پاس وسائل تھے تو ہم نے سی ٹی ڈی قائم کی۔ خیبر پختونخوا دہشت گردی کے خلاف فرنٹ لائن اسٹیٹ ہے۔ انہوں نے کہا کہ آپریشن ردالفساد اور آپریشن ضرب عضب کے ذریعے دہشتگردوں کو کاری ضرب لگی، دہشتگردی کے خلاف جنگ میں سب نے حصہ ڈالا ہے، سابق وزیراعظم محترمہ بینظیر بھٹو دہشتگردی کا شکار ہوئی، راولپنڈی کی کسی مسجد میں ہونے والے ایک دھماکے میں فوجی افسران اور ان کے بچے بھی شہید ہوگئے تھے۔وزیراعظم نے کہا کہ اس سے زیادہ بدقسمتی کی کوئی بات نہیں ہوسکتی کہ دہشتگردی کی لہر دوبارہ سر اٹھا رہی ہے، قوم سوال کر رہی ہے ان دہشتگردوں کو دوبارہ کون واپس لایا؟،کس طرح پاکستان کا امن خراب کیا گیا۔کس نے کہا تھا کہ انہوںنے ہتھیار ڈال دیئے ہیں اور ملکی ترقی میں حصہ لیں گے ، یہ وہ حقائق ہیں جو کسی سے ڈھکے چھپے نہیں،کس نے کہا تھا کہ یہ جہادی ہیں اور پاکستان کے دوست ہیں یہ وہ چبھتے ہو ئے سوالات ہیں قوم اس کاجواب چاہتی ہے اس کا جواب دیں۔ وزیراعظم نے کہا کہ دہشت گردی کے واقعے پر کراچی سے خیبر تک ہر آنکھ اشکبار ہے۔ ہم نے مناسب اقدامات نہ کیے تو دہشت گردی پاکستان میں پھیل جائیگی۔

اسلام آباد:رجسٹرار سپریم کورٹ نے پی ٹی آئی کے بعد شیخ رشید کی نگران وزیر اعلی کے خلاف درخواست اعتراضات اٹھاتے ہوئے واپس کر دی ۔ رجسٹرار سپریم کورٹ کی طرف سے شیخ رشید کی درخواست پر اعتراض اٹھایا ہے کہ درخواست گزار کی جانب سے عوامی اہمیت بنیادی حقوق کے کسی معاملہ کی نشاندہی نہیں کہ گئی ہے اور نہ درخواست گزار نے متعلقہ فورم سے بھی رجوع نہیں کیا،آرٹیکل 248 کے تحت وزیر اعلی کو فریق نہیں بنایا جا سکتا،شیخ رشید نے نگران وزیر اعلی پنجاب محسن نقوی کی تعیناتی کو چیلنج کیا تھا۔

پشاورؔ:گورنر خیبر پختونخوا نے صوبے میں عام انتخابات کی تاریخ سے قبل مشاورت کی تجویز دیتے ہوئے کہا ہے کہ عام انتخابات کے انعقاد سے پہلے امن و امان کی صورتحال کو مد نظر رکھا جائے۔چیف الیکشن کمیشن کو لکھے گئے خط میں گورنر کے پی نے کہا ہے کہ انتخابات کے انعقاد سے پہلے قانون نافذ کرنے والے اداروں کی رائے لی جائے جبکہ قانون نافذ کرنے والے اداروں کے ساتھ ساتھ سیاسی جماعتوں کو بھی اعتماد میں لیا جائے۔خط میں کہا گیا کہ صاف اور شفاف انتخابات کے انعقاد کے لیے تاریخ دینے سے قبل تمام فریقین کو اعتماد میں لیا جائے، سیاسی جماعتوں اور سیکیورٹی اداروں سے مشاورت کے بعد الیکشن کی تاریخ کا اعلان کیا جائے۔گورنر کے پی نے کہا کہ حالیہ دہشتگردی کے واقعات کے بعد صوبے میں الارمنگ صورتحال ہے اس لیے الیکشن کمیشن کو قانون نافذ کرنے والے اداروں سے مشاورت کرنی چاہیے۔

گجرات: پنجاب پولیس کی جانب سے مسلم لیگ ( ق ) کے رہنما ء اور سابق وزیر اعلیٰ پنجاب چوہدری پرویز الٰہی کے گھر پر چھاپہ مارا گیا ہے جبکہ پولیس کی درجنوں گاڑیوں اور سینکڑوں اہلکاروں نے رہائش گاہ کو حصار میں لئے رکھا۔ذرائع کے مطابق پنجاب پولیس کی جانب سے گجرات میں چوہدری پرویز الٰہی کی رہائش گاہ کنجاہڑی ہائوس پر چھاپا مارا گیا اور بھاری نفری نے رہائش گاہ کو حصار میں لئے رکھا جبکہ پولیس کی کچھ گاڑیاں رہائش گاہ کے قریب بھی گشت کرتی رہیں۔مسلم لیگ ق کے رہنماؤں کے مطابق چوہدری پرویز الٰہی اور انکے بیٹے مونس الہٰی گھر پر نہیں بلکہ لاہور میں موجود ہیں، صرف گھریلو ملازمین گھر پر موجود ہیں، یہ بھی نہیں بتایا جا رہا ہے کہ پولیس نے کس مقدمہ میں اور کیوں چھاپہ مارا ہے۔قبل ازیں 28 جنوری کو پولیس نے سابق وزیر اعلیٰ پنجاب چودھری پرویز الہیٰ کے ڈرائیور اور گن مین کو شراب کی بوتلیں لے جاتے ہوئے گرفتار کیا جس پر ان کے خلاف مختلف دفعات کے تحت تھانہ سیکرٹریٹ میں مقدمہ درج کیا گیا تھا۔دوسری جانب سابق وزیراعلیٰ چوہدری پرویز الٰہی کے بعد سابق وفاقی وزیر مونس الٰہی نے بھی گجرات میں اپنی رہائش گاہ کنجاڑی ہاؤس پر چھاپے کی شدید الفاظ میں مذمت کی ہے۔پنجاب پولیس کی کئی گاڑیوں نے گجرات میں سابق وزیراعلیٰ پنجاب چوہدری پروزی الٰہی کی رہائش گاہ کنجاڑی ہاؤس پر چھاپہ مار کر ملازمین سے پوچھ گچھ کی تھی۔اس حوالے سے چوہدری پروزی الٰہی کا کہنا تھا پولیس نے ملازمین کو ہراساں کیا، ہم ان کے خلاف قانونی کارروائی کریں گے۔اب اس حوالے سے مونس الٰہی نے بھی سوشل میڈیا پر ایک بیان جاری کیا ہے جس میں انہوں نے کہا ہے کہ پولیس نے گزشتہ رات گجرات میں ہمارے گھر پر چھاپہ مارا، نہ کوئی وارنٹ نہ کوئی کیس، پولیس کی 25 گاڑیاں آئی تھیں۔مونس الٰہی نے اپنی ٹوئٹ میں لکھا کہ پولیس کی 25 گاڑیاں تو سمجھ آتی ہیں لیکن ساتھ میں 2 کالی گاڑیاں کیا کر رہی تھیں؟ کیا بھارتی جاسوس ڈھونڈ رہے ہیں

اسلام آباد:چیئرمین تحریک انصاف عمران خان نے مبینہ بیٹی کو کاغذات نامزدگی میں ظاہر نہ کرنے کے کیس کو خارج کرنے کی استدعا کی ہے۔مبینہ بیٹی کو کاغذات نامزدگی میں ظاہر نہ کرنے کے کیس میں نامزد چیئرمین تحریک انصاف عمران خان نے اسلام آباد ہائی کورٹ میں نااہلی کیس میں ابتدائی جواب جمع کرا دیا ہے۔چیئرمین تحریک انصاف نے عمران خان نے اپنے خلاف کیس کو خارج کرنے کی استدعا کرتے ہوئے موقف پیش کیا ہے کہ بطور رکن اسمبلی آفس چھوڑ چکا، اس لئے میرے خلاف درخواست قابل سماعت نہیں۔عمران خان نے اپنے جواب میں یہ بھی موقف اختیار کیا ہے کہ اسلام آباد ہائی کورٹ اس درخواست کو نہیں سن سکتی۔واضح رہے کہ ساجد نامی شہری نے اسلام آباد ہائی کورٹ میں مقف پیش کیا ہے کہ عمران خان نے کاغذات نامزدگی جمع کراتے وقت غلط معلومات فراہم کیں، اور انہوں نے بچوں کی تفصیل میں 2 کا ذکر کیا بیٹی کی معلومات چھپائیں۔درخواستگزار کے وکیل حسنین ایڈوکیٹ نے دستاویزات کا حوالہ دیتے ہوئے کہا کہ عدالت اس معاملے کو دیکھ سکتی ہے، خان صاحب ہمیشہ انکار کرتے آئے ہیں کہ میری کوئی بیٹی نہیں۔ لیکن انہوں نے کیلفورنیا میں جو بیان حلفی جمع کروا رکھا اس کی ہم نے تصدیق شدہ کاپی منگوائی ہے اور چیف جسٹس کو پیش کی ہے۔ بیان حلفی چونکہ لاہور سے بن کر گیا تھا اس لیے پاکستانی عدالت اس کیس کو سن سکتی ہے۔

اسلام آباد:سابق وزیر اعظم شاہد خاقان عباسی کے ترجمان حافظ عثمان نے شاہد خاقان عباسی کے استعفے کی تردید کر دی۔ترجمان نے بیان دیا ہے کہ شاہد خاقان عباسی پارٹی کے سینئر نائب صدر ہیں استعفے کی خبر بے بنیاد ہے، مشکل حالات میں پارٹی نہیں چھوڑی آج کیوں چھوڑیں گے۔انہوں نے کہا کہ ہم نے 1998 میں آزاد حیثیت سے انتخاب لڑا جیتا اور مسلم لیگ میں شامل ہوئے، شاہد خاقان عباسی نے 1999 میں پرویز مشرف دور میں زندگی مشکل میں ڈالی، انہوں نے جیل کاٹی لیکن اپنے مشن سے نہ ہٹے، نواز شریف نے شاہد خاقان عباسی کو وزیر اعظم بنایا اور بطور وزیر اعظم شاہد خاقان عباسی نے کہا تھا میرا لیڈر نواز شریف ہے ۔

واشنگٹن: آرمی چیف جنرل عاصم منیر کو امریکی سینٹرل کمانڈ کے کمانڈر جنرل کوریلا نے ٹیلی فون کیا۔سینٹ کام کے مطابق سینٹ کام کمانڈر جنرل کوریلا نے ٹیلی فونک گفتگو میں پاکستان کے آرمی چیف جنرل عاصم منیر سے پشاور پولیس لائنز میں دہشت گرد حملے پر تعزیت کا اظہار کیا۔سینٹ کام کے مطابق جنرل عاصم منیر اور جنرل کوریلا کے درمیان انسداد دہشتگردی اور سرحدی سلامتی پربھی بات چیت کی گئی۔