Category سیاست

وزیراعظم شہباز شریف کا کہھا ہے کہ جنیوا کانفرنس میں 9.7 ارب ڈالر کی امداد کے وعدے کیے گئے۔

اسلام آباد میں وفاقی وزراء کے ہمراہ پریس کانفرنس کرتے ہوئے وزیراعظم کا کہنا تھا کانفرنس کی کامیابی قوم کی دعاؤں اور اخلاص کا نتیجہ ہے

لاہور میں میڈیا سے گفتگو  کے دوران رانا ثنااللہ نے جنیوا کانفرنس پر بات کرتے ہوئے کہا کہ دنیا شہباز شریف کی اپیل پر پاکستان کے ساتھ کھڑی ہے، پاکستان کی توقعات پوری ہوئیں اور  دنیا نے توقعات سے بڑھ کرمدد کی۔

انہوں نے کہا کہ اب تک 11 ارب ڈالر کی مدد ہوچکی ہے جس میں مزید اضافہ ہوگا، دنیا کی مدد پاکستان  اور اتحادی حکومت پر اعتماد کا اظہار ہے، یہ اعتماد ان کے منہ پر طمانچہ ہے جو کہتے تھے پاکستان ڈیفالٹ کرجائے گا۔

وفاقی وزیر داخلہ نے بتایا کہ  یہ امداد ہے، قرض نہیں ہے، یہ امداد عمران خان کی تباہی سے ملک کو نکالنے میں مدد کرے گی جس سے ڈالر سستا ہوگا، مہنگائی کم ہوگی اور لوگوں کی ناراضی ختم ہوگی۔

رانا ثنا اللہ نے پی ٹی آئی پر تنقید کرتے ہوئے کہا کہ عمرانی ٹولے نے ملک کی معیشت کا برا حال کیا، پرویز الٰہی اس وقت مسلط ہیں، دو تین ماہ میں پنجاب کو اس طرح لوٹا کہ اس کی مثال نہیں ملتی، لوٹ مار میں عمرانی ٹولہ ، پرویز الٰہی اور ان کا برخوردار شامل ہے۔

انہوں نے پرویز الٰہی اور عمران خان کو ڈالر مہنگا ہونے کا ذمہ دار قرار دیتے ہوئے کہا کہ ان لوگوں نے ڈالر خرید کر بیرون ملک اسمگل کیا، ڈالر مہنگے ہونے کے ذمہ دار یہ ہیں، ان لوگوں نے منی لانڈرنگ کی، مہنگائی کے ذمہ دار یہ ہیں، مونس الٰہی واپس آئیں اور بات کا جواب دیں۔

پنجاب اسمبلی کی صورتحال پر بات کرتے ہوئے رانا ثنااللہ کا کہنا تھا کہ کل چور آپس میں دست و گریبان ہوئے ہیں، ان کا مکروہ چہرہ عوام کے سامنے عیاں ہوگا،  ہم نے کبھی نہیں کہا کہ ہمارے نمبر 186 ہیں، ہمارے نمبر 179 ہیں، اسمبلی آنے سے روکنا غیر آئینی اور غیر قانونی اقدام ہوگا، انہیں اعتماد کا ووٹ ہر قیمت پر لینا پڑے گا، غیر قانونی عمل کرتے ہیں تو خود ہی خسارے میں رہیں گے۔

وزیر داخلہ کا کہنا تھا کہ پی ٹی آئی کے پاس نمبر پورے نہیں ہیں، اس صورتحال میں گورنر راج کا بھی امکان پیدا ہوگیا ہے، عمران خان کہتا ہےکہ الیکشن کراؤ، الیکشن الیکشن کی رٹ لگا رہا ہے، اگر عمران خان  الیکشن میں کامیاب ہوا تو ملک میں تباہی ہوگی ہو انتقامی کارروائیاں کرے گا جو ساڑھے چار سال کیا وہی کرے گا،  الیکشن میں ناکام ہوگا تو رزلٹ تسلیم نہیں کرے گا، گند کرے گا،ضرورت اس بات کی ہے کہ ملک میں معاشی استحکام پیدا کیا جائے۔

جنیوا:وزیرِ اعظم شہباز شریف سے جینیوا میں ورلڈ بینک ایشیا ریجن کے نائب صدر مارٹن ریزر اور ایشیائی ترقیاتی بنک کے نائب صدر شیڑن چن اوریوایس ایڈ کی ڈپٹی ایڈمنسٹریٹرازابیل کول مین نے الگ لاگ ملاقاتیں کیں،ملاقات میں وزیرِ اعظم نے پاکستان میں حالیہ سیلاب کی وجہ سے بڑے پیمانے پر تباہی اور حکومت کے سیلاب زدگان کی مدد و بحالی کیلئے اقدامات پر روشنی ڈالی، وزیرِ اعظم نے ورلڈ بنک اور ایشیائی ترقیاتی بنک کی سیلاب متاثرین کی بحالی کیلئے امداد پر شکریہ ادا کیا، بین الاقوامی ترقی کے امریکی ادارے (یوایس ایڈ) کی ڈپٹی ایڈمنسٹریٹرازابیل کول مین نے بھی ملاقات کی ،ملاقات میں وزیرِ اعظم نے امریکی حکومت، یو ایس ایڈ اور امریکی عوام کا سیلاب زدگان کی مدد پر شکریہ ادا کیا. وزیرِ اعظم نے ملاقات کے شرکاء کو بتایا کہ سندھ اور بلوچستان کے متعدد علاقوں میں ابھی بھی بارشوں اور سیلاب کا پانی جمع ہے اور موسمِ سرما سیلاب متاثرین کی مشکلات میں مزید اضافے کا باعث ہے. وزیرِ اعظم نے حکومت کے سیلاب زدگان کے بحالی کیلئے اقدامات پر بھی تفصیلی روشنی ڈالی. وزیرِ اعظم نے کہا کہ حکومت مستقبل میں پاکستان میں سمارٹ ایگریکلچر اور پائیدار ترقی پر کام کار رہی ہے. وزیرِ اعظم نے کہا کہ حکومت زراعت کے شعبے میں جدت لا کر کسانوں کو خوشحال اور ملک کیلئے زرِ مبادلہ کا ذریعہ بنانے کیلئے کوشاں ہے. وزیرِ اعظم نے شرکاء￿ کو حکومت کے 10 ہزار میگاواٹ سولرآئیزیشن منصوبے کے بارے آگاہ کرتے ہوئے بتایا کہ اس کی شروعات وفاقی حکومت کی عمارتوں سے کی جارہی ہے. اس منصوبے سے نہ صرف ایندھن کا درآمدی بِل کم ہوگا بلکہ کم لاگت اور ماحول دوست بجلی پیدا ہوگی،وزیرِ اعظم نے امریکہ پاکستان تعلقات کی مضبوطی پر زور دیتے ہوئے کہا کہ پاکستان امریکہ تعلقات کے نئے دور کا آغاز ہو چکا ہے جو باہمی عزت اور پائیدار ترقی پر مبنی ہیں. انہوں نے کہا کہ دھشتگردی اور انتہا پسندی کے خلاف جنگ امریکہ اور پاکستان کا مشترکہ نصب العین ہے اور پاکستان اس پر دو ٹوک اور واضح مؤقف رکھتا ہے،وزیرِ اعظم نے یو ایس ایڈ کے پاکستان میں صحت، تعلیم اور انفراسٹرکچر کی ترقی میں گراں قدر کام کو سراہا،ازابیل کول مین نے وزیرِ اعظم کو یو ایس ایڈ کی طرف سے پاکستان کے سیلاب زدگان کی مدد کیلئے اقدامات، آج جینیوا میں سیلاب زدگان کیلئے اعلان کی گئی 100 ملین ڈالر کی مزید امداد اور مستقبل میں پاکستان سے بھرپور تعاون کی خواہش سے آگاہ کیا،وزیرِ اعظم نے یو ایس ایڈ کی ایڈمنسٹریٹر سماتھا پاور کیلئے نیک خواہشات کا پیغام دیا اور انکی سیلاب زدگان کی مدد کیلئے کوششوں کو سراہا۔

جنیوا،اسلام آباد:وزیر اعظم شہبازشریف نے جنیوا میں مسلم لیگ (ن) کے قائد و سابق وزیر اعظم میاں نواز شریف اور سینئر نائب صدر مریم نواز سے ملاقات کی ،اس ملاقات میں وفاقی وزیر خزانہ سینیٹر اسحاق ڈار بھی موجود تھے ،ملاقات میں پارٹی اور سیاسی امور پر تفصیلی تبادلہ خیال کیا گیا ،پارٹی کو فعال اور متحرک کرنے کے لئے بعض اہم فیصلوں کی منظوری دی گئی جس کے تحت مریم نواز کو پارٹی سے متعلق فیصلوں کے لئے مکمل فری ہینڈ دیا جائیگا ،مریم نواز اس ماہ کے آخر میں پاکستان پہنچ جائیں گی ۔ذرائع نے بتایا کہ وزیراعظم شہباز شریف اور نواز شریف کے درمیان ملاقات رات کے کھانے پر ہوئی ،شہباز شریف نے مریم نواز کی صحت بارے دریافت کیا اور انہیں پارٹی عہدہ سنبھالنے پرمبارکباد پیش کی ،شہباز شریف نے عالمی رہنمائوں سے ہونے والی ملاقاتوں اورعالمی کانفرنس کے مثبت ریسپانس پر نواز شریف کو اعتماد میں لیا ،ملاقات میں پارٹی امور اورملک کی مجموعی سیاسی ،معاشی صورتحال پر تفصیلی تبادلہ خیال کیا گیا ،ملاقات میںپارٹی کو فعال اور متحرک کرنے سے متعلق امور پر بھی گفتگو کی گئی جبکہ پنجاب کی صورت حال پر بھی تبادلہ خیال کیا گیا،ذرائع نے بتایا کہ نواز شریف نے سیاسی اور معاشی صورتحال میں بہتری کیلئے ضروری احکامات بھی جاری کئے ،ذرائع کا کہنا ہے کہ نواز شریف نے رواں ماہ کے آخر تک مریم نواز کے وطن واپسی سے متعلق شہباز شریف کو آگاہ کیا ۔

اسلام آباد :وزیراعظم شہباز شریف جنیوا سے واپسی پر متحدہ عرب امارات جائیں گے جہاںیو اے ای کی قیادت سے ملاقات کرینگے ،پاکستان کیلئے بڑے معاشی پیکیج کا اعلان متوقع ہے ۔ذرائع نے بتایا کہ وزیر اعظم شہباز شریف اس وقت جنیوا میں موجود ہیں اور پاکستان واپسی پر متحدہ عرب امارات میں ایک روزہ قیام کریں گے ،اپنے قیام کے دوران وزیر اعظم شہباز شریف اماراتی ہم منصب اور صدر سے ملاقات کریں گے جس میںدونوں ملکوں کے درمیان دوطرفہ تعلقات کے فروغ پر تبادلہ خیال کرینگے جبکہ مختلف شعبوں میں تعاون بڑھانے پر بھی گفتگو ہوگی،ذرائع نے بتایا کہ وزیراعظم یو اے ای کے صدر اور دوبئی کے حکمران سے ملاقاتوں میں معاشی پیکیج پر بھی بات چیت ہوگی اور اس حوالے سے پاکستان کیلئے بڑے معاشی پیکیج کا علان متوقع ہے ۔دوسری جانب وزیرا طلاعات و نشریات مریم اورنگزیب نے بھی وزیر اعظم کے دورہ یو اے ای سے متعلق خبروں کی تصدیق کرتے ہوئے کہا کہ شہباز شریف 12 جنوری کو متحدہ عرب امارات پہنچیں گے ۔واضح رہے کہ اس وقت آرمی چیف جنرل سید عاصم منیر متحدہ عرب امارات کے دورے پر ہیں ،انہوں نے یو اے ای کے صدر اور دیگر اعلیٰ حکام سے ملاقاتیں کیں ۔

اسلام آباد: ایڈیشنل ڈسٹرکٹ اینڈ سیشن جج ظفر اقبال کی عدالت نے عمران خان پر قاتلانہ حملے کے خلاف احتجاج کیس میں ڈپٹی سپیکر پنجاب اسمبلی واثق قیوم عباسی کی عبوری ضمانت میں توسیع کردی۔اسلام آباد کی مقامی عدالت میں سماعت کے دوران واثق قیوم عباسی کے وکیل علی بخاری عدالت پیش ہوئے اور استثنی کی درخواست دائر کرتے ہوئے کہاکہ پنجاب اسمبلی میں اجلاس کے باعث واثق قیوم عباسی عدالت نہیں آئے،استدعا ہے کہ حاضری سے استثنی دیا جائے، عدالت نیحاضری سے استثنیٰ کی درخواست منظور کرتے ہوئے عبوری ضمانت میں توسیع کردی اور سماعت14 جنوری تک کیلئے ملتوی کردی۔ واضع رہے کہ ڈپٹی سپیکر پنجاب اسمبلی واثق قیوم پر تھانہ انڈسٹریل میں مقدمہ درج ہے۔

ممبر الیکشن کمیشن نثار درانی کی سربراہی میں 4 رکنی بینچ نے عمران خان، اسد عمر اور فواد چوہدری کے خلاف توہین الیکشن کمیشن کے کیس کی سماعت کی ۔

الیکشن کمیشن نے پارٹی رہنماؤں اور چیئرمین کی حاضری سے استثنیٰ کی درخواستوں پر محفوظ فیصلہ سنایا۔

الیکشن کمیشن نے عمران خان، اسد عمر اور  فواد چوہدری کی حاضری سے استثنا کی درخواست کو مسترد کرتے ہوئے تینوں کے قابل ضمانت وارنٹ جاری کردیے۔

الیکشن کمیشن نے کیس کی مزید سماعت 17 جنوری تک ملتوی کردی۔

اسلام آباد:ایڈیشنل ڈسٹرکٹ اینڈ سیشن جج ظفر اقبال نے الیکشن کمیشن کے باہر احتجاج کیس میں سابق وزیر اعظم عمران خان کی عبوری ضمانت میں توسیع کردی۔اسلام آباد کی مقامی عدالت میں سماعت کے دوران عمران خان کی جانب سے بابر اعوان ایڈووکیٹ عدالت پیش ہوئے اور عمران خان کی استثنیٰ کی درخواست دائر کی جسے عدالت نے منظور کرلیا اور استفسار کیاکہ 31 جنوری کو عمران خان عدالت آجائیں گے؟،جس پربابر اعوان ایڈووکیٹ نے کہاکہ جی اب ریکور کر رہے ہیں، عدالت نے عمران خان کی عبوری ضمانت میں توسیع کرتے ہوئے کیس کی سماعت 31 جنوری تک کیلئے ملتوی کردی۔

جنیوا:وزیر خارجہ بلاول بھٹو زرداری نے کہا ہے کہ سیلاب کی تباہ کاریوں سے نمٹنے کے لیے آنے والے کئی برسوں تک پاکستان کو عالمی برادری کے نمایاں تعاون کی ضرورت ہوگی۔سیلاب زدہ علاقوں کی تعمیر نو اور بحالی پر جنیوا میں ہونے والی عالمی کانفرنس سے خطاب کرتے ہوئے بلاول بھٹو نے کہا کہ جیسا کہ آپ سب جانتے ہیں کہ گزشتہ برس پاکستان نے مون سون بارشوں کے سبب بدترین سیلاب کا سامنا کیا، یہ قدرتی آفات کے نتیجے میں پاکستان میں ہونے والی تاریخی تباہ کاری تھی،انہوں نے کہا کو جب بارشوں کا سلسلہ تھما تو ملک کے بیچوں بیچ 100 کلو میٹر طویل ندی بن چکی تھی، اس قدرتی آفت سے ہر 7 میں سے ایک پاکستانی متاثر ہوا، یہ تعداد 3 کروڑ 30 لاکھ بنتی ہے جن میں ہزاروں بچے اور حاملہ خواتین بھی شامل ہیں۔وزیر خارجہ نے کہا کہ پاکساتن کے کئی علاقے تاحال زیر آب ہیں، ہمارے ریلیف آپریشنز جاری ہیں اور ہم بحالی اور تعمیر نو کے اقدمات کے لیے کوشاں ہیں۔انہوں نے کہا کہ ہم اس کانفرنس میں شرکا کا استقبال کرتے ہیں جہاں عالمی دنیا پاکستان کو سیلاب کے سبب درپیش مسائل کے ادراک کے لیے ایک جگہ جمع ہوئی ہے۔بلاول بھٹو زرداری نے کہا کہ عالمی دنیا کی جانب سے ہنگامی بنیادوں پر امداد اور تعاون فراہم کرنے پر ہم دنیا کے شکرگزار ہیں، سیلاب زدہ آبادی کی ضروریات پوری کرنے کے ساتھ ساتھ ہم بحالی کے لیے پائیدار اقدامات بھی اٹھا رہے ہیں۔وزیر خارجہ نے کہا کہ حکومتِ پاکستان نے اقوام متحدہ، عالمی بینک اور یورپی یونین سمیت عالمی اداروں کے ساتھ مل کر بحالی کے اقدامات کے لیے 4 اسٹریٹجک ریکوری مقاصد پر مشتمل ایک پالیسی فریم ورک تیار کیا ہے جو مستقبل میں بھی قدرتی آفات سے نمٹنے کی پائیدار حکمت عملی فراہم کرتا ہے۔انہوں نے کہا کہ حکومت اور پاکستان اور عوام اس صورتحال سے بذات خود نمٹنے کے لیے ہرممکن اقدامات کریں گے، مذکورہ فریم ورک کے نصف فیصد میں ہمارے اپنے وسائل بروئے کار لائے جائیں گے۔بلاول بھٹو زرداری نے کہا کہ اس کے باوجود اس فراہم ورک کو لاگو کرنے کے لیے آنے والے کئی برسوں تک پاکستان کو عالمی شراکت داروں کے نمایاں تعاون کی ضرورت ہوگی، ہم اس صورتحال کو پاکستان کو قدرتی آفات سے نمٹنے کی صلاحیت سے بھرپور ملک بنانے کے موقع کے طور پر دیکھتے ہیں۔وزیر خارجہ نے کہا کہ اس کانفرنس کا مقصد پاکستان کے لیے عالمی برادری کی یکجہتی کا مظاہرہ کرنا ہے، ہم اس کانفرنس کو صرف ایک تقریب کے طور پر نہیں بلکہ ایک طویل شراکت داری کے آغاز کے طور پر دیکھتے ہیں، ہم آپ سب سے مخلصانہ اور مستقل تعاون کے عزم کی توقع کرتے ہیں۔

جنیوا: وزیراعظم شہباز شریف نے سیلاب متاثرین کی تعمیر نو اور بحالی کیلئے عالمی برادری سے امداد کی اپیل کرتے ہوئے کہا ہے کہ پاکستان تاریخ کے اہم موڑ پر کھڑا ہے ،سیلاب سے بڑے پیمانے پرتباہ ہوئی، سیلاب سے متاثرین کی بحالی اور تعمیر نو کیلئے 16.3ارب ڈالر کی فوری ضرورت ہے۔ ملکی معیشت کی بحالی بھی ایک بڑا چیلنج ہے ۔پاکستان کے سیلاب متاثرین کی بحالی اور تعمیر نو کے موضوع پر جنیوا میں ہونیوالی کانفرنس میں اظہار خیال کرتے ہوئے وزیراعظم نے کہا کہ کانفرنس میں شرکت کرنیوالے تمام معزز شرکاء کاپاکستانی عوام کا دکھ درد بانٹنے پر بھی شکر گزار ہوں، میں پاکستان کے لوگوں کے احساسات آپ تک پہنچانا چاہتا ہوں، جس طرح آپ نے ان سیلاب متاثرین کے لیے آواز بلند کی ، ان کے مسائل کو مؤثر انداز میں روشناس کرایا ہے۔گزشتہ سال 10ستمبر 2022،کو سیکرٹری جنرل کے ساتھ سیلاب سے متاثرہ علاقوں کا دورہ کیاتھا، اس دوران آپ نے یتیموں، بیواؤں سے بات کی تھی، اسی طرح یونیسیف کی جانب سے عارضی اسکول چلایا گیا، پاکستان کے عوام سیکرٹری جنرل کے تعاون کو ہمیشہ یاد رکھیں گے،آج ہم تاریخ کے اہم موڑ پر کھڑے ہیں ۔اقوام متحدہ، عالمی بینک، ایشین ڈیولپمنٹ بینک، عالمی مالیاتی ادارے (آئی ایم ایف)، اے آئی آئی بی، یورپین یونین سمیت دیگردوست ممالک کی جانب سے دی گئی سپورٹ کرنے پر شکر گزار ہیں، بحالی اور تعمیر نو کی سرگرمیاں ابھی ختم نہیں ہوئیں، سندھ اور بلوچستان کے کچھ اضلاع میں اب بھی سیلاب کا پانی کھڑا ہے۔میں پاکستان کو سیلاب سے درپیش مسائل پر بات کرنے آیا ہوں،سیلاب سے متاثرہ علاقوں کی تعمیرنو اور بحالی کیلئے فریم ورک تیار کیا ہے ،سیلاب متاثرین کی بحالی کیلئے 16.3ارب ڈالر کی ضرورت ہے ، پاکستان میں سیلاب نے متاثرین کی زندگی بدل کر رکھ دی ہے ، سیلاب سے بڑے پیمانے پر تباہی ہو ئی سیلاب کے ساتھ ہماری میعشت تباہی ہوئے ۔ انہوں نے کہا کہ پاکستان میں آنیوالے سیلاب سے 33ملین لو گ متاثر ہوئے،سیلاب سے فصلیں تباہ ہو ئیں جس سے خوراک کی قلت پیدا ہوئی،1700اموات ہوئیں مشکل کی اس گھڑی میں یورپی یونین سمیت جن دوست ممالک نے امداد کی ان کے شکرگزار ہیں ،ہم ان کو نہیں بھولیں گے سیلاب متاثرین کو دوبارہ پائوں پر کھڑا کر کے اچھا مستقبل دینا ہے ، سیلاب سے متاثرہ علاقوں میں کاروبار کو بحال اور بچوں کو تعلیمی اداروں میں دوبارہ بھیجنا ہے، تعمیرنو کے ساتھ ساتھ ملکی معیشت کی بحالی ہمارے لیے سب سے بڑ ا چیلنج ہے ، سیلا ب کے دوہ ماہ بعد ہمارے پائوں سے زمین نکل گئی ، گزشتہ اکتوبر میں ہم نے اپنے شراکت داروں کے ساتھ سیلاب کے نقصانات کا تخمینہ لگایا تھا، جو 30 ارب ڈالر سے زائد کے ہو چکے ہیں، یہ پاکستان کی جی ڈی پی کا 8 فیصد بنتا ہے، جس نے 90 لاکھ کو شدید غربت میں دھکیل دیا ہے۔