Category سیاست

اسلام آباد:شریف فیملی نے جنیوا دورے کے دوران سابق وزیر اعظم نواز شریف ،مریم نواز اورخاندان کے دیگر افراد کے اخراجات سے متعلق میڈیا رپورٹس کو مسترد کردیا اور کہا کہ مریم نواز ،نواز شریف اور خاندان کے دیگر افراد نے جنیوا نجی دورے کے اخراجات خود برداشت کیے ہیں،مریم نواز کی سرجری کے بعد نواز شریف بھی اپنا میڈیکل چیک اپ کروائیں گے،ذرائع شریف فیملی نے مزید بتایا کہ مریم نواز کے علاج پر کتنے اخراجات آئے یہ ہمارے خاندان کا نجی معاملہ ہے،مریم نواز یا نواز شریف کے پاس کوئی سرکاری عہدہ نہیں تو وہ کیوں سرکاری اخراجات کرینگے،نواز شریف کے ساتھ ان کے صاحبزادگان اور مریم نواز کی بیٹی ہیں،حکومتی ذرائع کا کہنا تھا کہ وزیر اعظم شہباز شریف اور وزیر خارجہ بلاول بھٹو زرداری بھی عالمی کانفرنس میں اپنے خرچ پر شریک ہیں جبکہ وفد کے باقی اراکین وزارت خارجہ کے طے شدہ طریقہ کار کے مطابق اخراجات کرینگے۔

اسلام آباد:نائب امیر جماعت اسلامی میاں اسلم نے کہا ہے کہ اسلام اباد کے اکیس لاکھ لوگوں کو ان بلدیاتی حق ملنا چاہیے اسلام
اباد جو مسائلستان بن چکا ہے ان کے مسائل حل ہو جائیں گے عدالت کا بھی یہ موقف تھا کہ یہاں انتخابات ہونے چاہیں۔ ان خیالات کا اظہار انہوں نے اسلام آباد ہائی کورٹ کے باہر میڈیا سے گفتگو کرتے ہوئے کیا انھوں نے یہ بھی کہا کہ موجودہ اور گزشتہ حکومتوں نے وہ پالیسی اپنائی جو عوام کے مسائل حل نہیں کر سکتیں عدالت نے کہا یہاں صوبائی حکومت بننی چاہیے تاکہ یہاں کے مسائل حل ہوں اکتیس کو الیکشن ہونا تھے ہم سب تیار تھے لیکن حکومت بھاگ گئی حکومت کے وکیلوں کے پاس اج کوئی جواب نہیں تھا چیف جسٹس نے الیکشن کمیشن سے پوچھا کہ کب الیکشن کروا سکتے ہیں الیکشن کمیشن نے کہا کہ سات دن میں کروا سکتے ہیں آج حکومت کے ساتھ رعایت کی اور حکومت سے تحریری جواب طلب کیا ہے انیس تاریخ کو پیشی ہے جس پر الیکشن کا اعلان ہو جائے گا، میں تمام ووٹرز سے کہوں گا کہ وہ الیکشن کی تیاری کریں امید ہے 26 تاریخ کو اسلام اباد میں الیکشن ہو جائیں گے ہم ان لوگوں سے الیکشن چھین کر رہیں گے۔

اسلام آباد:الیکشن کمیشن نے کراچی اور حیدرآباد میں بلدیاتی الیکشن کے حوالے سے ایم کیو ایم کی درخواست مسترد کرتے ہوئے بلدیاتی الیکشن 15 جنوری کو ہی کرانے کا حکم دیدیا۔چیف الیکشن کمشنر سکندر سلطان کی سربراہی میں تین رکنی بینچ نے فیصلہ سنایا جس میں الیکشن کمیشن نے بلدیاتی انتخابات کے حوالے سے جماعت اسلامی کی درخواست منظور کرلی۔الیکشن کمیشن نے اپنے حکم میں کہا ہے کہ کراچی، حیدرآباد میں بلدیاتی انتخابات شیڈول کے مطابق 15 جنوری کو ہوں گے۔الیکشن کمیشن میں ایم کیوایم کا مؤقف تھا کہ الیکشن میں دوہری ووٹر فہرستیں استعمال ہورہی ہیں اس لیے بلدیاتی الیکشن نئی ووٹر فہرست پر کرائے جائیں۔الیکشن کمیشن نے کہا ہے کہ کراچی اور حیدرآباد میں بلدیاتی انتخابات کا 15 جنوری کو انعقاد یقنیی بنایا جائے

اسلام آباد :الیکشن کمیشن نے اسحاق ڈار کے خلاف تحریک انصاف کے رہنما شہزاد وسیم کی درخواست مسترد کر دی۔ الیکشن کمیشن نے کہا کہ منتخب ہونے کے بعد دو ماہ حلف نہ اٹھانے پر نااہلی کے آرڈیننس کا اطلاق اسحاق ڈار پر نہیں ہوتا۔ الیکشن کمیشن نے اسحاق ڈار کیخلاف ازخود کارروائی شروع کی تھی۔ الیکشن کمیشن نے اسحاق ڈار سے متعلق 26 ستمبر 2022 کو فیصلہ محفوظ کیا تھا۔ حلف نہ اٹھانے پر اسحاق ڈار کی نشست خالی قرار دینے پر فیصلہ محفوظ کیا گیا تھا۔ اسحاق ڈار کی کامیابی کا نوٹیفکیشن 29 مارچ 2018 کو معطل ہوا تھا۔ سپریم کورٹ سے درخواست خارج ہونے پر نوٹیفکیشن بحال کیا گیا تھا۔ اسحاق ڈار نے پاکستان پہنچ کر بطور ممبر سینیٹ اور وزیر خزانہ حلف لیا تھا

لاہور : ترجمان وزیر اعلیٰ و پنجاب حکومت مسرت جمشید چیمہ نے کہا ہے کہ پاکستان دیوالیہ ہونے کی نہج پر ہے، کوئی عالمی ادارہ اسحاق ڈار کو قابل بھروسہ نہیں سمجھ رہا اور ہماری مدد کرنے کو تیار نہیں۔سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ اس وقت پاکستان بقا کے مسئلے سے دوچارہے اور الیکشن ہی اس مسئلے کا حل ہیں، پاکستان کے زرمبادلہ کے ذخائر 5.6 ارب ڈالر سے کم رہ گئے ہیں۔مسرت چیمہ نے کہا کہ وزیر دفاع نہایت بے شرمی سے میڈیا پر آ کر کہہ رہے ہیں کہ ملک اندھیروں میں ڈوب جائے گا، اس سیالکوٹی رنگ باز نے پہلے دھاندلی سے الیکشن جیتا اور اب اس کا دماغی توازن بھی بگڑ گیا ہے اور الٹ پلٹ بیانات دے رہا ہے۔

اسلام آباد:پاکستان تحریک انصاف کے سیکرٹری جنرل اسد عمر نے اپنے ایک ٹویٹ میں کہا ہے کہ 2023میں فیصلہ ہو گا کے آج کی نوجوان نسل ایک حقیقی طور پر آزاد ملک میں زندگی گزارے گی ِیا پھر طاقتور طبقوں کے شکنجے میں جکڑے ہوئے،بیرونی طاقتوں کی غلامی میں زندگی بسر کرے گی۔

لاہور : تحریک انصاف نے پنجاب اسمبلی کی تحلیل میں مزید تاخیر ہونے کی صورت میں استعفے دینے کا فیصلہ کرلیا۔عمران خان نے صوبائی اور مرکزی لیڈرشپ کو اپنے حتمی فیصلے سے آگاہ کردیا۔ تفصیلات کے مطابق چیئرمین پی ٹی آئی عمران خان سے پارٹی لیڈر شپ کی ملاقات کی اندرونی کہانی سامنے آگئی ہے ۔ ذرائع کا کہنا ہے کے مطابق عمران خان نے صوبائی اور مرکزی لیڈرشپ کو اپنے حتمی فیصلے سے آگاہ کردیا۔ذرائع کے مطابق پنجاب اسمبلی میں اعتماد کے ووٹ یا اسمبلی کی تحلیل میں تاخیر پر عمران نے نئی حکمت عملی بناتے ہوئے کہا ہے کہ اگر اسمبلی کی تحلیل میں تاخیر ہوئی تو ہمارے ارکان استعفے دے کر پنجاب اسمبلی سے باہر آجائیں گے۔عمران خان نے ایک بار پھر ہدایت دیتے ہوئے کہا ہے کہ پارٹی 11 جنوری سے پہلے وزیر اعلیٰ کے اعتماد کے ووٹ کا عمل یقینی بنائے۔پارٹی ارکان اسمبلی میں مزید نہیں رہنا چاہتے اور اگر اسمبلی کی تحلیل میں کوئی رکاوٹ پیدا کی گئی تو پھر ہمارے ایم پی ایز مستعفی ہوجائیں گے۔علاوہ ازیں پی ٹی آئی کی سینئر لیڈرشپ نے عمران خان کو ارکان اسمبلی سے رابطوں کے حوالے سے بھی بریفنگ دی، جس میں انہیں بتایا گیا کہ مزید 2 آزاد ارکان اسمبلی سے حمایت کے لیے بات چیت چل رہی ہے۔ عمران خان نے ہدایت کی کہ پارٹی اعتماد کے ووٹ کا عمل تیزی سے مکمل کرے۔

کراچی : سندھ کابینہ نے بلدیاتی کونسلز کے لیے مخصوص نشستوں کی منظوری دیدی۔سندھ کابینہ کے مطابق یہ مخصوص نشستیں 6 کیٹیگریز کے لیے ہیں جن میں خواتین، نوجوان، مزدور، کسان، غیرمسلم، خصوصی افراد، مزدور اورٹرانسجینڈر شامل ہیں۔اس کے علاوہ کابینہ نے تخفیف غذائیت پروگرام کا کنٹرول پی پی ایچ آئی کو دینے کی بھی منظوری دی ہے، سندھ حکومت نے ایکسلریٹڈ ایکشن پلان کے تحت غذائی ایمرجنسی پروگرام 2016 میں شروع کیا تھا۔محکمہ صحت نے ایکسلریٹڈ ایکشن پلان کے عالمی بینک کے اہداف کو حاصل کیا ہے، اب غذائی قلت پروگرام کے یونٹ کو پی پی ایچ آئی چلائے گی۔

لاہور : پاکستان مسلم لیگ (ن) کے رہنما ارسلان حیات کی جانب سے مریم نواز کو پارٹی کی سینئر نائب صدر اور چیف آرگنائزر کا عہدہ ملنے کی خوشی میں مٹھائی تقسیم کرنے کی تقریب کا اہتمام کیا گیا ۔ اس موقع پر خطاب کرتے ہوئے انہوں نے کہا کہ عمران خان اور ان کے حواری اپنی سیاست چمکانے کیلئے ملک میں خوف و ہراس اور انتشار کی فضاء پیدا کرنے کیلئے دن رات منفی پراپیگنڈا کرنے میں مصروف ہیں ، عمران خان کی حکومت کے پونے چار سالہ دور پر وائٹ پیپر جاری کرنے کا سلسلہ شروع کیا جائے تو ہر گھنٹے بعد ان کی ناکامیوں اور کالے کرتوتوں پر وائٹ پیپر کیلئے مواد میسر آ سکتا ہے ۔ انہوں نے کہا کہ مریم نواز نے پارٹی کی مضبوطی کیلئے بے پناہ کام کیا ہے ، ان کی قیادت میں پارٹی تنظیمیں مزید مضبوط ہوں گی اور تمام کارکنان ان کے شانہ بشانہ چلیں گے۔ انہوں نے کہا کہ عمران خان اپنی مقبولیت کے زعم میں مبتلا ہیں جب نواز شریف واپس آ کر انتخابی مہم کی قیادت کریں گے تو عمران خان کی مصنوعی مقبولیت جھاگ کی طرح بیٹھ جائے گی ۔

لاہور : سینئر صوبائی وزیر میاں اسلم اقبال نے کہا ہے کہ ترقی کرتی ہوئی معیشت کا پہیہ روک کر نا اہلوں کو ملک پر مسلط کر کے ظلم کیا گیا ہے۔اپنے ایک بیان میں سینئر صوبائی وزیر میاں اسلم اقبال کا کہنا تھا کہ اقتدار کے نشے میں پی ڈی ایم کی حکومت کو عوام کی مشکلات دکھائی ہی نہیں دے رہی، امپورٹڈ حکومت مشکل فیصلے کرنے کا مینڈیٹ نہیں رکھتی، عوام کا اعتماد رکھنے والی حکومت ہی مشکل فیصلے کرسکتی ہے۔میاں اسلم اقبال نے کہا کہ معاشی بد حالی نے امپورٹڈ سرکار کی نااہلی ثابت کر دی ہے، شریف اور زرداری خاندان نے ادارے مضبوط نہیں ہونے دیئے، ادارے مضبوط ہوتے تو یہ دونوں خاندان کبھی قومی وسائل نہ لوٹ سکتے، ذاتی مفادات کے لئے بننے والے حکمران اتحاد کا شیرازہ بکھرنے والا ہے۔سینئر صوبائی وزیر کا مزید کہنا تھا کہ 27 کلو میٹرپر مسلط 13 جماعتوں کا اتحاد اسلام آباد میں بھی الیکشن سے بھاگ رہا ہے، عمران خان کی مقبولیت سے خوفزدہ چوروں کا ٹولہ عوام کا سامنا نہیں کرسکتا، انتخابات سے ہی سیاسی استحکام آئے گا اور بے یقینی کا خاتمہ ہوگا۔