Category سیاست

اسلام آباد:سپریم کورٹ نے ارشد شریف قتل کیس میں ریمارکس دیئے کہ یہ جے آئی ٹی کیلئے ٹیسٹ کیس ہے ،تحقیقات میں اثر انداز نہیں ہوں گے ،جے آئی ٹی کو مکمل آزادی دے رہے ہیں معاملے کی صاف شفاف تحقیقات ہونی چاہئیں،عدالت صاف شفاف تحقیقات کیلئے بہت سنجیدہ ہے، کیس کی سماعت چیف جسٹس کی سربراہی میں پانچ رکنی بنچ نے کی،ایڈیشنل اٹارنی جنرل عامر رحمان نے جے آئی ٹی کی جانب سے جمع کرائی گئی رپورٹ پر عدالت کو بتایا کہ سپیشل جے آئی ٹی نے 41 لوگوں کے بیانات ریکارڈ کئے ہیں، تحقیقات کینیا، یو اے ای اور پاکستان سمیت تین حصوں پر مشتمل ہے، جے آئی ٹی نے اب انکوائری کیلئے کینیاجانا ہے، پندرہ جنوری سے قبل جے آئی ٹی کنیا اس لئے نہیں جاسکی کیونکہ وہاں چھٹیاں تھیں،جے آئی ٹی پہلے یو اے ای اور وہاں سے کینیا تحقیقات کیلئے جائے گی، چیف جسٹس آف پاکستان نے کہا کہ مقتول کے پاکستان سے ڈیپارچر کی صورتحال کو دیکھنا ہوگا،لگتا ہے حکومت نے باہمی قانونی معاونت کا خط لکھنے میں تاخیر کی،ممکن ہے کہ باہر کوئی زیادہ وقت نہ ملے اس لئے جے آئی ٹی کو یہاں سے اپنا کام مکمل کرکے جانا چاہیے، جے آئی ٹی نے جن 41 لوگوں سے انکوائری کی، کیا وہ پاکستان میں ہیں؟ کیا جے آئی ٹی نے کسی سے ویڈیو لنک کے ذریعہ انکوائری کی ہے؟ارشد شریف کے کچھ ڈیجیٹل آلات ہیں جو ابھی تک نہیں ملے، کیا جے آئی ٹی کو یہ پتہ چلا کہ وہ آلات کدھر ہیں؟ جے آئی ٹی کے سربراہپتہ چلائیں ۔،جسٹس اعجاز الحسن نے اس موقع پر پوچھا ہے کہ کینیا اتھارٹی متعلقہ لوگوں کو پیش کرنے کے لیے تیار ہے،جس پر عدالت کو بتایا گیا کہ وزارت خارجہ کے ذریعے کینیا کے جن لوگوں سے تحقیقات کرنی ہیں ان کے نام دیئے ہیں ،کل ہی یہ خط لکھا گیا ہے،جے آئی ٹی کو وزارت خارجہ کی مکمل مدد حاصل ہے،کینیا کی اتھارٹیز کے ساتھ رابطے میں ہیں۔ جو لوگ باہر ہیں ان سے پہلے کینیا جاکر انکوائری ہوگی، کینیا میں ان لوگوں سے تحقیقات کے بعد انٹرپول سے رابطہ کیا جائیگا،جسٹس اعجازالحسن نے اس موقع پر کہا تین فیز پر مشتمل تحقیقات میں کیا فیز 1 کی تحقیقات مکمل ہوگئی ہیں،جس پر ایڈیشنل اٹارجی جنرل نے بتایا کہ فیز ون کی تحقیقات تقریبا مکمل ہوچکی ہیں، جسٹس محمد علی مظہر نے کہا کیا تحقیقات مکمل ہونے کا کوئی ٹائم فریم ہے، عدالت کو بتایا گیا کہ تحقیقات مکمل ہونے کی ٹائم لائن نہیں دی جاسکتی، جے آئی ٹی پہلے دبئی، پھر کینیا تحقیقات کریگی،جسٹس مظاہر علی نقوی نے پوچھا کیاجے آئی ٹی نے سب کے سیکشن 161کے بیانات ریکارڈ کئے ہیں، جس پر جے آئی ٹی کے سربراہ نے بتایا کہ تمام لوگوں کے بیانات سیکشن 161 کے تحت ریکارڈ کئے گئے ہیں، ایڈیشنل اٹارنی جنرل نے بتایا کہ 41 لوگوں کے بیان سیکشن 161 کے تحت ریکارڈ ہوئے ہیں، جسٹس اعجازالحسن نے پوچھا کیا امکان ہے کہ تحقیقات میں اقوام متحدہ کو شامل کیا جائے،جس پر ایڈیشنل اٹارنی جنرل نے بتایا کہ ضرورت پڑے گی تو یہ آپشن بھی موجود ہے، جسٹس مظہر علی نقوی نے پوچھا وزارت خارجہ کی طرف سے کینیا کی اتھارٹی کو خط گزشتہ روز کیوں لکھا گیا،وزارت خارجہ خط پہلے بھی لکھ سکتی تھی،تحقیقات میں کسی قسم کی مداخلت نہیں کر رہے ہیں،عدالت جے آئی ٹی کو تحقیقات کیلئے آزادی دے رہی ہے،معاملے کی صاف شفاف تحقیقات ہونی چاہئیں،عدالت صاف شفاف تحقیقات کیلئے بہت سنجیدہ ہے۔اس دوران ،ارشد شریف کی اہلیہ روسٹرم پر آگئیں اور عدالت کو بتایا کہ جے آئی ٹی کے دو ارکان ہمارے نامزد ملزمان کے ماتحت ہیں، اس کیس میں دہشت گردی اور قتل کی سازش کی دفعات شامل ہونی چاہیے،جس پر چیف جسٹس نے کہا کہ آپ کو جے آئی ٹی پر بھروسہ رکھنا چاہیے ، ہم یہاں بیٹھے ہیں تمام پہلوئوں کا جائزہ لے رہیں،کسی ریٹائرڈ لوگوں کو جی آئی ٹی میں شامل نہیں کر سکتے،اے ڈی خواجہ ماضی میں آئی جی رہ چکے ہیں، جے آئی ٹی کو کام کرنے دیں اداروں پر ٹرسٹ کریں،بعض اوقات ماتحت بھی بہت کچھ کر جاتے ہیں،جی آئی ٹی نے جو اقدامات اٹھائے وہ 20 دن پہلے اٹھائے جانے چاہئے تھے، امید ہے اب جے آئی ٹی یہ بات ذہن نشین رکھے گی،رپورٹ میں بڑی گہری باتیں ہیں جو یہاں نہیں کر سکتے۔ ، جسٹس جمال مندوخیل نے کہا کہ جے آئی ٹی اس معاملہ کی تحقیقات کر رہی ہے،جے آئی ٹی تمام پہلوؤں سے تحقیقات کرے گی،عدالت عظمی نے اس موقع پرقرار دیا کہ کہ وفاقی حکومت نے جے آئی ٹی کو تحقیقات کیلئے فنڈز فراہم کئے ہیںجبکہ چار دسمبر کو میوچل لیگل اسسٹنس کے خطوط لکھے ہیں،وفاقی حکومت پرامید ہے کہ باہمی قانونی تعاون کے خطوط پر ممالک سے اچھا رسپانس آئے گا،جے آئی ٹی نے ابتک 41 گواہوں کے بیانات ریکارڈ کئے ہیں،اصل ایشو ارشد شریف قتل کی تحقیقات کا تعلق غیر شواہد کا ہے،امید کرتے ہیں جے آئی ٹی معاملے پر اچھی طرح تیار ہو کر تحقیقات کیلئے بیرون ملک جائے گی،بعد ازں عدالت عظمی نے سماعت فروری کے پہلے ہفتے تک کے لئے ملتوی کر دی ہے۔

اسلام آباد :پاکستان تحریک انصاف کے رہنما فواد چوہدری نے اپنے ٹوئٹر پیغام میں کہا ہے کہ ملک عام انتخابات کی طرف بڑہ رہا ہے، تحریک انصاف کے کارکنان الیکشن کمپیئن کی تیاری کریں، ٹیکنو کریٹ گورنمنٹ جیسی سازشیں ناکامی سے دوچار ہوں گی اور عام انتخابات کے نتیجے میں عمران خان ایک مستحکم حکومت بنائیں گے موجودہ حکومت کے آخری ہفتے شروع ہو گئے ہیں

لاہور:سابق وزیر اعلی پنجاب سردار عثمان بزدار نے کہا ہے کہ لگتا ہے میرے علاوہ اس شہر میں سب معصوم ہیں، بس گہنگار میں ہی ہوں۔ نجی ٹی وی سے گفتگو کرتے ہوئے سابق وزیر اعلیٰ پنجا ب کا کہنا تھا کہ اللہ تعالی کی خاص مہربانی ہے کہ کبھی کوئی ناجائز کام نہیں کیا، پہلے بھی کہا تھا عدالتوں سے انصاف ملے گا، کیوں کی کوئی غلط کام نہیں کیا۔عثمان بزدار سے سوال کیا گیا کہ عمران خان کے علاوہ سب آپ پر کرپشن اور نااہلی کا الزام لگاتے ہیں، اس پر وہ کیا سوچتے ہیں، جس پر ان کا کہنا تھا کہ شہر میں سب معصوم ہیں، بس گہنگار میں ہی ہوں، لگتا ہے میرا علاوہ اس شہر میں سب معصوم ہیں لیکن وقت ثابت کرئے گا، اللہ نے یہاں سرخرو کیا اور آگے بھی کرئے گا۔نیب میں انکوائری کس کی ایما پر شروع کی گئی کہ سوال پر سابق وزیراعلی پنجاب نے کہا کہ میرے بہت سارے دوست ہیں کسی کا نام نہیں لینا چاہتا۔

اسلام آباد :پیپلز پارٹی کی نائب صدرسینیٹر شیری رحمان نے کہا ہے کہ شہید بھٹو کا عدالتی قتل کر کے ان نے دشمنوں نے سمجھا کہ ملک سے آئین، جمہوریت اور پیپلز پارٹی کا خاتمہ ہو جائے گا،اس مائنڈسیٹ کی تمام تر کوششوں، ظلم و جبر کے باوجود شہید ذوالفقار علی بھٹو کا آئین، جمہوریت اور پیپلز پارٹی قائم و دائم ہیں،ان خیالات کا اظہار انہوں نے شہید ذوالفقار علی بھٹو کے 95ویں جنم دن کے موقع پر اپنے ایک پیغام میں کیا ۔ان کا کہنا تھا کہ شہید ذوالفقار علی بھٹو کی یوم پیدائش پر ان کے خاندان، پارٹی قیادت، کارکان اور پاکستان سمیت دنیا بھر میں ان کے چاہنے والوں کو مبارک باد پیش کی ہے ۔شیری رحمان کا کہنا تھا کہ 5 جنوری 1928 کے دن لاڑکانہ میں جنم لینے والے ذوالفقار علی بھٹو تاریخ میں پاکستان کے پہلے آئینی طور منتخب والے وزیراعظم، پیپلز پارٹی کے بانی، آئین پاکستان اور ایٹمی پروگرام کے خالق بنے،ان کے عوامی وڑن، سیاست، جدوجہد اور قربانیوں کی وجہ سے لوگوں نے ان کو قائد عوام کا خطاب دیا،ان کی سیاست کا بنیادی مقصد کچلے ہوئے نچلے طبقے اور مزدور کو بااختیار بناناتھا، شیری رحمان نے مزید کہا کہ انہوں نے پاکستان میں عوامی سیاست اور پارلیمانی جمہورت کی بنیاد رکھی، شہید بھٹو عوام کو انتخابی سیاست مرکزی طاقت اور اقتداردیا جو ملک کی تاریخ میں پہلے کبھی نہیں دیکھا گیا تھا، شہید بھٹو نے اکائیوں کو متحد رکھنے کیلئے  ایک سماجی معاہدہ دیا،سماجی اور اقتصادی انصاف کے ساتھ غریب، خواتین اور اقلیتوں کے حقوق کو یقینی بنایا، انہوں نے پاکستان کو عالمی دنیا میں اہم شراکت دار کے طور پر متعارف کروایا اور ملکی دفاع اور سالمیت کے لئے ملک کو ایٹمی پروگرام دیا، انہوں نے کہا کہ شہید بھٹو کا عدالتی قتل کر کے ان نے دشمنوں نے سمجھا کہ ملک سے آئین، جمہوریت اور پیپلز پارٹی کا خاتمہ ہو جائے گا،اس مائنڈسیٹ کی تمام تر کوششوں، ظلم و جبر کے باوجود شہید ذوالفقار علی بھٹو کا آئین، جمہوریت اور پیپلز پارٹی قائم و دائم ہیں، آج چیئرمین بلاول بھٹو زرداری کی قیادت میں پیپلز پارٹی شہید بھٹو اور شہید بی بی کے مشن پر عمل پیرا ہے، اعلی عدالت سے گزارش اور مطالبہ کرتی ہوں کہ ان کے عدالتی قتل متعلق دائر ریفرنس کی باقاعدہ سماعت کرے اور تاریخی غلطی کودرست کرے

اسلام آباد :وزیر اعظم شہباز شریف نے ملکی برآمدات میں کمی کا نوٹس لے لیا ،برآمدات میں کمی کی وجوہات اور اضافے کیلئے کمیٹی تشکیل دیدی جبکہ کمیٹی سے سفارشات بھی طلب کرلیں،ذرائع نے بتایا کہ وزیر اعظم شہباز شریف نے برآمدات میں کمی پر سخت تشویش کا اظہار کیا ہے اور اس حوالے سے وزیر تجارت نوید قمر کی سربراہی میں کمیٹی تشکیل دیدی ہے تا کہ معلوم ہو سکے کہ کن وجوہات کی بناء پر برآمدات میں کمی واقع ہوئی ہے ، کمیٹی میں گورنر اسٹیٹ بینک،سیکرٹریز تجارت اور خزانہ شامل کیا گیا ہے جبکہ چیئرمین نشاط چونیاں شہزاد سلیم،سی ای او انٹرلوپ مصدق ذوالقرنین کمیٹی کا حصہ ہوں گے ،وزیر اعظم نے برآمدات میں اضافے کیلئے کمیٹی سے 14 روز میں سفارشات بھی طلب کرلیں ہیں،ذرائع نے بتایا کہ رواں مالی سال جولائی تا دسمبر برآمدات میں5.79 فیصد کمی ہوئی ہے،دسمبر میں سالانہ بنیادوں پر برآمدات میں 16.64 فیصد کی کمی رکارڈ کی گئی ،دسمبر میں ماہانہ بنیادوں پر برآمدات 3.64 فیصد کم ہوئیں۔

فیصل آباد:سابق صوبائی وزیراورمسلم لیگ ن کے رکن پنجاب اسمبلی سردارخلیل طاہرسندھونے دعویٰ کیاہے کہ چوہدری پرویزالٰہی صرف4-5دن کے وزیراعلیٰ ہیں،پی ٹی آئی کے15 سے زائدارکان پرویزالٰہی کے مخالف ہیں اوروہ عمران خان کے کہنے پربھی اُنہیں اعتمادکاووٹ نہیں دیں گے بلکہ گھروں میں بیٹھ کرعدم اعتمادکریں گے۔اُنہوں نے پی ٹی آئی ارکان کے نام بتانے سے معذرت کرتے ہوئے کہاکہ قومی اسمبلی میں بھی پی ٹی آئی کے درجنوں ارکان عمران خان کے کہنے پراستعفے نہیں دیناچاہتے جس کی وجہ سے عمران خان پریشان ہیں ،پرویز الہیٰ اعتمادکے لئے بلائے گئے اجلاس میں186 ووٹ حاصل نہیں کرسکیں گے جس کے بعدمیاں نوازشریف کے نامزداور مسلم لیگ ن کے اُمیدوار کا186ووٹ کے ساتھ منتخب ہوں گے۔ مسلم لیگ ن کی حکومت صوبے کے دائرہ اختیارکے تحت نہ صرف مہنگائی کے جن کوبوتل میں بندکرے گی بلکہ پرویزالٰہی اورعمران خان بھی اپنی جماعت سمیت سیاسی تماشے بندکرکے آپس میں جھگڑے اورراہیں جداکریں گے۔اُنہوں نے عمران خان کی طرف سے55لاکھ افرادکونوکریاں دینے کے دعوے کوحسب معمول جھوٹ قراردیتے ہوئے کہاکہ اُن کے دورحکومت میں55لاکھ لوگ بے روزجبکہ55لاکھ لوگ بے گھربھی ہوئے۔اُنہیں جھوٹ بولنے اوروعدوں سے منحرف ہونے کی وجہ سے سیاسی شہرت ملی ہے۔الزام اورانتقام کے بعداب اُن کانام گھڑی خان ہوناچاہئے۔اُنہوں نے کہاکہ مسلم لیگ ن مہنگائی میں عوام کی پریشانی سے شرمندہ ہے جبکہ عمران خان اپنے کردارسے بھی شرمندہ نہیں حالانکہ مہنگا ئی بھی اُن کی پیداکی گئی ہے ۔آئیء ایم ایف کے ساتھ کئے گئے معاہدوں سے پاکستان کوگروی رکھاگیاآج غریب عوام کوریلیف دینامشکل ہوچکاہے۔ اُنہوں نے کہاکہ رواں سال میں عام انتخابات ہوں گے ہم نے میاں نوازشریف کی ہدایت پرعوام سے رابطہ شروع کررکھاہے۔میاں نوازشریف کی قیادت میں انتخابات ہوں گے اورواضح اکثریت بھی حاصل کریں گے

اسلام آباد:سپریم کورٹ نے گاڑی حوالگی کے خلاف کسٹم کی اپیل خارج کردی اور 50 ہزار روپے جرمانہ عائد کر دیا۔کیس کی سماعت سپریم کورٹ کے سینئر جج جسٹس قاضی فائز عیسیٰ کی سربراہی میں دو رکنی بنچ نے کی۔ دوران سماعت جسٹس قاضی فائز عیسیٰ نے ڈی جی کسٹم انٹیلی جنس سے استفسار کیا کہ کیا آپ قانون سے بالاتر ہیں ؟آپ عدالتی احکامات کی خلاف ورزی کیوں کررہے ہیں ؟تین عدالتوں نے حکم دیا کہ گاڑی مالک کے حوالے کریں،پانچ سال سے کسٹم نے شہری کی گاڑی پکڑ کر بند کررکھی ہے،پانچ سال سے وئیر ہاؤس میں کھڑی گاڑی خراب ہوگئی کیا آپ مالک کا نقصان پورا کریں گے ؟97ء￿ ماڈل کی اس گاڑی کی مالیت کیا ہوگی ؟ڈی جی کسٹم انٹیلی جنس فیض احمد نے بتایا کہ یہ گاڑی حوالگی کا بہت منفرد کیس ہے، قبضے میں لی گئی گاڑی کی مالیت 20 سے 25 لاکھ روپے ہوگی،جسٹس محمد علی مظہر نے اس موقع پر پوچھا گاڑی حوالگی میں کیا منفرد ہے ؟ کلیکٹر لکھ رہا ہے کہ مالک نے سارے ٹیکس اور ڈیوٹیز ادا کی۔ جسٹس قاضی فائز عیسیٰ نے کہا کہ گاڑی کی مالیت سے زیادہ رقم اور وقت کیسز پر خرچ کردیے گئے،نان کسٹم پیڈ گاڑی پاکستان میں نہ آئے آپ بارڈر کو محفوظ کیوں نہیں بناتے ؟لوگ اور سامان بلا روک ٹوک آجا رہے ہوتے ہیں کسٹم کے لوگ تفریح کررہے ہوتے ہیں ؟ عدالت عظمی نے اس موقع پر پاکستان کسٹمز کی مقدمہ واپس لینے کی استدعا مسترد کر دی اورغیر ضروری مقدمہ دائر کرکے وقت ضائع کرنے پر پاکستان کسٹمز کو 50 ہزار روپے جرمانہ کرتے ہوئے معاملہ نمٹا دیا ۔

اسلام آباد :تحریک انصاف کے چیئرمین اور سابق وزیر اعظم عمران خان نے عسکری قیادت سے ملاقات کی خواہش کا اظہار کر دیا ہے اور اس حوالے سے انہوں نے صدر عارف علوی کو ٹاسک دیا ہے کہ وہ ایوان صدر میں اس ملاقات کا اہتمام کریں ،باخبر ذرائع کے مطابق تحریک انصاف کے چیئرمین نئی عسکری قیادت سے ملک کی موجودہ سیاسی و معاشی صورت حال پر ملاقات کے خواہش مند ہیں اور اس معاملے پر اپنا موقف ان کے سامنے رکھنا چاہتے ہیں ،اس حوالے سے انہوں نے صدر عارف علوی کی خدمات حاصل کی ہیں ،ذرائع نے بھی بتایا کہ ایوان صدر نے عمران خان کی اس خواہش پر عسکری قیادت سے رابطہ بھی کیا تھا لیکن ان کی جانب سے ابھی تک خاموشی ہے ،ذرائع کا کہنا ہے کہ موجودہ عسکری قیادت فوج اور خود کو مکمل طور پر غیر سیاسی رکھنے کے دو ٹوک فیصلے اور بیانیہ پر کاربند ہے اسی وجہ سے انہوں نے اس معاملے پر ایوان صدر کو کسی قسم کا کوئی جواب نہیں دیا ،ذرائع کا کہنا تھا کہ ایسی کسی بھی ملاقات سے قبل وزیر اعظم کو بھی اعتماد میں لیا جائیگا تاہم ذرائع نے بتایا کہ فوج جو فیصلہ غیر سیاسی رہنے کا کر چکی اس تناظر میں یہ ملاقات مشکل دکھائی دے رہی ہے ،اس کے باوجود صدر عارف علوی کی کوشش ہے کہ اسٹیبلشمنٹ اور عمران خان کے درمیان تعلقات بہتر ہوں اور وہ اپنے طور پر بھی کوششیں کررہے ہیں لیکن ابھی تک انہیں اس میں کامیابی حاصل نہیں ہوئی

اسلام آباد:مرکزی سینیئر نائب صدر پاکستان تحریکِ انصاف شیریں مزاری نے اسرائیلی وزیرِ کے مسجد الاقصیٰ کے دورے پر حکومت کی جانب سے خاموشی اختیار کیے جانے پر اظہارِ تشویش کرتے ہوئے کہاکہ دفترِخارجہ اور امپورٹڈ وزیر خارجہ کی خاموشی سے سب کچھ عیاں ہے ، تبدیلی سرکار کے خفیہ ایجنڈے کا ایک جزو یعنی اسرائیل کو تسلیم کیا جانا، ابھی زندہ ہے۔ اپنے ایک ٹوئٹ میں شیریں مزاری نے اسرائیلی وزیرِ قومی سلامتی کے مسجد الاقصیٰ کے اشتعال انگیز دورے پر امریکا کی جانب سے مذمت کے بارے میں شائع ہونے والی خبر کی تصویر شیئر کی اور ساتھ لکھا کہ صیہونی وزیر کیقابل مذمت اقدام کی امریکا تک نے مذمت کی مگر پاکستان نے چْپ سادھ رکھی ہے۔اْنہوں نے تشویش کا اظہار کرتے ہوئے لکھا کہ’یوں محسوس ہوتا ہے کہ تبدیلء سرکار کے خفیہ ایجنڈے کا ایک جزو یعنی اسرائیل کو تسلیم کیا جانا، ابھی زندہ ہے‘۔اْنہوں نے مزید لکھا کہ دفترِخارجہ اور امپورٹڈ وزیر خارجہ کی خاموشی سے سب کچھ عیاں ہے

کراچی : صوبائی وزیر اطلاعات شرجیل انعام میمن نے کہا ہے کہ پنجاب فرانزک لیب رپورٹ نے عمران خان کے جھوٹے دعوؤں کی قلعئی کھول کر رکھ دی، عمران خان کی اپنی حکومت کے ادارے نے عمران خان کو جھوٹا قرار دے دیا۔وزیر اطلاعات سندھ نے اپنے بیان میں کہا کہ پنجاب حکومت کی فرانزک رپورٹ نے بتا دیا کہ عمران خان کو 4 گولیاں نہیں لگیں ، انہیں گولی اور دھات کے ٹکڑے لگے ، رپورٹ نے یہ بھی واضح کردیا کہ پی ٹی آئی کارکن معظم کنٹینر سے آنے والی گولی سے جانبحق ہوا ، صوبائی وزیر نے کہا کہ عمران خان دھات کے ٹکڑے لگنے سے 2 ماہ سے زمان پارک میں بند ہے ، عمران خان کی بہادری کا اندازہ لگایا جا سکتا ہے ، یہ ڈرپوک شخص کنٹینر پر چڑھ کر معصوم پاکستانیوں کو بڑھکاتا رہتا ہے ، انہوں نے کہا کہ معمولی خراش کے ڈر سے پنجاب حکومت کے خزانے کے منہ زمان پارک کی سیکیورٹی کے لیے کھول دیئے گئے ، شرجیل انعام میمن نے کہا کہ پی ٹی آئی کارکن معظم کے قتل کا پرچہ عمران خان اور ان حواریوں پر کٹنا چاہیے۔