Category سائنس اور ٹیکنالوجی

سی پیک اور فی کس آمدن میں اضافے کے باعث طلب بڑھ رہی ہے ،رپورٹ
کراچی (ایمرا نیوز آن لائن)ملکی و کاروباری شعبے میں صارفین کی جانب سے زیادہ طلب کے باعث ملک میں گزشتہ چند برسوں میں برقی مصنوعات کی صنعت میں تیزی آئی ہے جبکہ رواں مالی برس 2018-19کی پہلی سہہ ماہی کے دوران برقی مصنوعات کی طلب میں7.8فیصد کا اضافہ دیکھا گیا ۔اسٹیٹ بینک آف پاکستان کی ایک رپورٹ کے مطابق پاکستان کی تیزی سے بدلتی ہوئی معاشی صورتحال کے باعث ملک بھر میں صارفین کی جانب سے برقی مصنوعات کی طلب میں اضافہ دیکھا جارہا ہے جبکہ اسی رجحان کے باعث برقی مصنوعات کے شعبے میں ملک میں غیر ملکی سرمایہ کاری بھی تیزی سے فروغ پارہی ہے ۔رپورٹ کے مطابق مالی سال2019میں ملک بھر میں الیکٹرک موٹرز کی پیداوار کے ساتھ ساتھ مختلف اقسام کی کولنگ کے سامان کی پیداوار میں بھی اضافہ دیکھا گیا ،ملک میں بڑی اور اونچی عمارتوں کے ساتھ ساتھ رہائشی منصوبوں کی تعمیرات نے ایئر کنڈیشننگ سسٹم کی طلب کو کہیں زیادہ بڑھا دیا ہے ،اس شعبے میں بڑھتی ہوئی طلب نے مقامی سرمایہ کاروں کے ساتھ ساتھ غیر ملکی سرمایہ کاروں کی توجہ بھی اپنے جانب مبذول کردی ہے ،مقامی اور غیر ملکی کمپنیوں کے درمیان اس شعبے میں اشتراک بھی دیکھا جارہا ہے جبکہ متعدد کمپنیوں نے پاکستان میں مینو فیکچرنگ پلانٹ کی تنصیب میں بھی دلچسپی کا اظہارکیا ہے ،سی پیک منصوبے اور فی کس آمدن میں اضافے کے باعث برقی مصنوعات کی طلب بڑھتی جارہی ہے ،ملک میں ماحولیاتی اثرات کے باعث بڑھتی ہوئی گرمی نے بھی برقی مصنوعات (ایئر کنڈیشن،ایئر کولر،ریفریجریٹر ودیگر ) کی مانگ میں اضافہ کردیا ہے ،رپورٹ کے مطابق اس رجحان کے باعث اس شعبے میں نہ صرف سرمایہ کاری میں اضافہ متوقع ہے بلکہ مقامی مینو فیکچرنگ کی سہولت کے بعد برقی مصنوعات کی قیمتوں میں کمی بھی متوقع ہے ۔

رواں سال 14 ستمبر کو بھی چاند زمین سے 4 لاکھ کلومیٹر دور ہوگا‘ناسا
کراچی(ایمرا نیوز آن لائن) پاکستان سمیت متعدد ممالک میں سپرمون کا نظارہ کیا گیا۔تفصیلات کے مطابق سپرمون’ 14ویں کے اس مکمل چاند کو کہتے ہیں جب چاند اور زمین کی باہمی قربت کی وجہ سے وہ بڑا اور روشن دکھائی دے،گزشتہ رات چاند زمین سے صرف 3 لاکھ 56 ہزار 846 کلومیٹر کے فاصلے پر تھا ورنہ عام حالات میں یہ فاصلہ زیادہ ہوتا ہے۔ اس بات کا اندازہ اس امر سے لگایا جاسکتا ہے کہ اس سال 14 ستمبر کو چاند زمین سے بعید ترین فاصلے پر یعنی 4 لاکھ 6 ہزار 248 کلومیٹر دور ہوگا۔ناسا کے مطابق چاند زمین کے گرد مکمل گول دائرے کے بجائے انڈے کی طرح بیضوی مدار میں گردش کرتا ہے اور زمین سے کبھی دور اور کبھی قریب ہوتا جاتا ہے۔ ناسا کے مطابق پاکستان وقت کے مطابق 8 بج کر 55 منٹ پر چاند زمین سے قریب ترین اور خاصا بڑا اور روشن دکھائی دیا۔ اگرچہ اگلے ماہ کی 20 تاریخ کو بھی سپرمون ہوگا لیکن اس کا زمین سے فاصلہ لگ بھگ 3 لاکھ 60 ہزار 772 کلومیٹر ہوگا۔چیف میٹرو لوجسٹ کراچی عبدالرشید کے مطابق ملک کے جو علاقے ابرآلود موسم اور بادلوں کی لپیٹ میں رہے وہاں تو سپر مون کا واضح نظارہ کرنے میں دقت کا سامنا رہا،تاہم جن شہروں میں مطلع صاف تھا وہاں پر سپر مون کا بخوبی نظارہ کیا گیا۔عبدالرشید کے مطابق یہ سال کا دوسرا سپر مون تھا اس سے قبل سال کے پہلے سپرمون کا نظارہ 21 جنوری 2019 کو کیا گیا۔ ان کا کہنا تھا ایسا اس وقت ہوتا ہے جب چاند زمین کے 90 فیصد قریب آجائے اس وقت چاند اپنے حجم سے 14 فیصد بڑا جبکہ 30 فیصد زیادہ روشن دکھائی دیتا ہے۔ شہریوں نے سپرمون کا خوب نظارہ کیا، تصاویر بنائیں اور سوشل میڈیا پر اپ لوڈ بھی کیں۔(صداقت چوہدری)

بیت المقدس(ایمرا نیوز آن لائن) اسرائیل رواں ہفتے پہلا نجی خلائی طیارہ چاند پر بھیجے گا ۔ غیر ملکی خبررساں ادارے کے مطابق اسرائیلی ادارے کی جانب سے جاری ہونے والے بیان میں کہا گیا ہے کہ لینڈنگ کرافٹ شیڈول کے مطابق 22فروری کو روانہ کیا جائے گا جو کہ 11 اپریل کو چاند پر اترنے کی توقع ہے ۔ بیان میں کہا گیا ہے کہ لینڈنگ کرافٹ بیرشیٹ ایک امریکی خلائی ایکس راکٹ سے لیس ہو گا وہ اس کا لانچنگ مقام امریکی ریاست فلوریڈا میں ہے ۔ اسرائیلی خلائی ادارے کے صدر موریس کاہن کا کہنا ہے کہ 8 سال قبل شروع کیا جانے والا یہ مشن اب تکمیل کے آخری مراحل میں ہے اور اس مشن کے چاند پر اترنے کے بعد ہم اپنے ملک کی ایک نئی خلائی تاریخ ختم کریں گے جو کہ ہمارا ایک خواب بھی تھا ۔( جاوید)

متعلقہ اداروں کو اکاونٹس ٹریک کرکے انہیں سمجھانے کی ہدایت اور اکاونٹ بلاک کرنے کا حکم
اسلام آباد(ایمرا نیوز آن لائن) وزارت داخلہ نے وی وی آئی پی وفد کی پاکستان آمد کےخلاف سوشل میڈیا مہم چلانے میں ملوث 5 تنظیموں کی نشاندہی کردی۔وزارت کی جانب سے تمام صوبائی چیف سیکریٹریز، انسپکٹرز جنرل پولیس، چیئرمین پاکستان ٹیلی کمیونکیشن اتھارٹی (پی ٹی اے) اور ڈائریکٹر جنرل فیڈرل انویسٹی گیشن ایجنسی (ایف آئی اے) کو بھیجے گئے مراسلے میں ہدایت کی گئی ہے کہ وہ ان اکاؤنٹس کو ٹریک کریں اور ان تظیموں کو سمجھائیں کہ وفد کےخلاف منفی پروپگینڈے سے باز رہیں۔ان تنظمیوں کی نشاندہی تعمیرِ وطن، امامیہ اسٹوڈنٹس آرگنائزیشن طالبات کراچی، امامیہ اسٹوڈنٹس آرگنائزیشن پشاور، تحریکِ حمایتِ مظلومینِ جہانِ پاکستان اور شیعہ وحدت کے طور پر ہوئی ہے۔یہ مراسلہ جو سوشل میڈیا پر بھی گردش کرتا رہا ہے، اس میں کہا گیا کہ زیادہ تر فزیکل اور ڈیجیٹل سرگرمیاں کراچی سے ہورہی تھیں، ساتھ میں ہی یہ بھی بتایا گیا کہ اب تک 19 فیس بک پیجز اور 20 ٹوئٹر یو آر ایلز کو بلاک کرنے کے لیے کام کا آغاز کردیا گیا۔مراسلے میں متعلقہ انتظامیہ سے کہا گیا کہ وہ فوری طور پر ان اکاؤنٹس کو بلاک کریں۔اس حوالے سے پی ٹی اے اور ایف آئی اے کے سائبر کرائم ونگ کو کہا گیا کہ وہ ان لوگوں کو ٹریک کریں اور اکاو¿نٹس بلاک کریں۔مراسلے میں یہ بھی کہا گیا کہ ’وی وی آئی پی وفد کے پاکستان کے اعلیٰ سطح کے دورے سے متعلق مبینہ طور پر منفی تصور پیش کرنے کے لیے سوشل میڈیا پر ایک مہم چلائی جارہی ہے اور مخصوص مقاصد، مذموم مفادات یا ایجنڈے کے لیے وی وی آئی پی وفد یا پاکستان حکومت کو بدنام کیا جارہا‘۔اس تمام معاملے پر جب وزارت داخلہ کے سینئر حکام سے رابطہ کیا گیا تو انہوں نے اس مراسلے کی تصدیق یا تردید سے انکار کیا۔

ٹیکس وصول کرنے والے اداروں کی کارکردگی بہتر بنانے کے لیے اقدامات اٹھائے جارہے ہیں، جام کمال خان
کوئٹہ (ایمرا نیوز آن لائن) بلوچستان کے وزیر اعلی جام کمال خان نے امید ظاہر کیا ہے کہ گڈ گورننس اور ٹیکس وصولی کا نظام موثر بنا کر صوبے کے مالی ذخائر آئندہ کچھ برسوں میں 15 ارب روپے کی موجودہ سطح سے بڑھا کر 40 ارب روپے سالانہ تک پہنچ جائیں گے۔ایکسائز اینڈ ٹیکسیشن ڈپارٹمنٹ کی جانب سے ٹیکس وصولی کے آن لائن نظام کی افتتاحی تقریب سے خطاب کرتے ہوئے وزیراعلی بلوچستان کا کہنا تھا کہ ٹیکس وصول کرنے والے اداروں کی کارکردگی بہتر بنانے کے لیے اقدامات اٹھائے جارہے ہیں۔اس تقریب میں بلوچستان عوامی پارٹی کے بانی سید سعید احمد ہاشمی، وزیراعلی کے مشیر برائے ایکسائز اور ٹیکسیشن ملک نعیم بزئی، صوبائی وزرا اور متعلقہ حکام بھی شریک تھے۔
وزیراعلی جام کمال خان نے ٹیکس جمع کرنے کے لیے آن لائن نظام کو کامیابی کے ساتھ متعارف کروانے پر محکمہ ایکسائز اینڈ ٹیکسیشن کو مبارک باد دی۔ان کا کہنا تھا کہ آن لائن ٹیکس وصولی کا جدید ترین نظام متعارف کرنے کا مقصد نہ صرف صوبے کو مالی طور پر مستحکم بنانا ہے بلکہ ہم آنے والی نسل کا مستقبل بھی محفوط کرنا چاہتے ہیں’۔وزیراعلی کا کہنا تھا کہ بلوچستان کو مالی بحران کا سامنا ہے چناچہ اصلاحات، اداروں کے ڈھانچوں میں تبدیلیاں اور سروس اسٹرکچر کے موجودہ قوانین میں ترامیم کی ضرورت ہے۔ان کا مزید کہنا تھا کہ بلوچستان میں موجودہ پنشن بل 23 ارب روپے کا ہے جو آئندہ 5 برسوں میں 200 ارب روپے تک پہنچ جائے گا۔

انٹرنیٹ سروسز فراہم کرنے والی کمپنیاں ملک کے اندر تمام ویب ٹریفک کو حکومتی ٹیلی کام ادارے روسکومنازور کے منظور کردہ روٹنگ پوائنٹس پر ری ڈائریکٹ کردیں گی.
ماسکو(ایمرا نیوز آن لائن)روس نے عارضی طور پر پورے ملک کو عالمی انٹرنیٹ سے منقطع کرنے کا فیصلہ کرلیا ہے۔اس منصوبے کے تحت روسی انٹرنیٹ سروسز فراہم کرنے والی کمپنیاں یا آئی ایس پی ایس ملک کے اندر تمام ویب ٹریفک کو حکومتی ٹیلی کام ادارے روسکومنازور کے منظور کردہ روٹنگ پوائنٹس پر ری ڈائریکٹ کردیں گی۔زی ڈی نیٹ کی رپورٹ کے مطابق اس وقت بیشتر ممالک کی طرح روس میں بھی انٹرنیٹ ٹریفک کو عالمی سسٹمز کو استعمال کیا جاتا ہے جو دنیا بھر میں ڈیوائسز کو آن لائن کنکٹ کرنے میں مدد دیتے ہیں۔روس کی جانب سے عارضی طور پر انٹرنیٹ کو منقطع کرنے کا تجربہ اگلے چند ہفتوں میں ہوگا۔اس تجربے کے دوران روس انٹرنیٹ کے لیے اپنے ڈومین نیم سسٹم (ڈی این ایس)، ویب ڈومین ڈائریکٹری اور ایڈریسز پر انحصار کرے گا۔اس تجربے کو یکم اپریل سے پہلے مکمل کیا جائے گا تاہم ابھی کوئی حتمی تاریخ طے نہیں کی گئی ہے۔یہ تجربہ روس کے ڈیجیٹل اکانومی نیشنل پروگرام کے تحت ہوگا، یہ مجوزہ قانون گزشتہ سال پیش کیا گیا تھا جس کا مقصد روسی ڈیجیٹل انفراسٹرکچر کو اس وقت بھی تحفظ فراہم کرنا ہے جب دیگر کمپنیاں روس کے لیے انٹرنیٹ سروسز کاٹ دیں۔روسی حکومت کے اس پروگرام کا مقصد غیرملکی انٹرنیٹ سروس فراہم کرنے والی کمپنیوں پر انحصار ختم کرنا اور روس کو اس حوالے سے خودمختار کرنا ہے تاکہ کسی بھی ممکنہ سائبر حملے سے بھی تحفظ مل سکے۔رپورٹ کے مطابق تمام انٹرنیٹ ٹریفک حکومتی روٹنگ پوائنٹس کے ذریعے کنٹرول کرنے سے ماسکو کو ویب سنسرشپ سسٹم کی تشکیل دینے کا موقع بھی ملے گا جیسا چین میں ہورہا ہے۔رپورٹ کے مطابق تمام انٹرنیٹ ٹریفک حکومتی روٹنگ پوائنٹس کے ذریعے کنٹرول کرنے سے ماسکو کو ویب سنسرشپ سسٹم کی تشکیل دینے کا موقع بھی ملے گا جیسا چین میں ہورہا ہے۔روس نے اس منصوبے پر اس وقت کام شروع کیا جب ناٹو کی جانب روس کے خلاف سالانہ سائبر وار گیمز کا عمل تیز کردیا گیا جبکہ امریکا، برطانیہ اور یورپی یونین کی جانب سے بھی روس پر سائبر حملوں کے بعد پابندیاں لگانے کی دھمکی دی گئی تھی۔

اس دن کے منائے جانے کا مقصد جدید دور میں خبروں اور معلومات کے حصول کیلئے ریڈیو کی اہمیت کو اجاگر کرنا ہے
جہانیاں(ایمرا نیوز آن لائن) پاکستان سمیت دنیا بھر میں ریڈیو کا عالمی دن 13فروری کو منایا جائے گااس دن کے منائے جانے کا مقصد ٹیکنالوجی کے اس جدید دور میں خبروں اور معلومات کے حصول کیلئے ریڈیو کی اہمیت کو اجاگر کرنا ہے اس دن کے حوالے سے پاکستان بھر کے تمام ریڈیو اسٹیشنز سے مختلف پروگرام نشر کیے جائیں گے جس میں ترقی کے اس جدید دور میں بھی ریڈیو کی اہمیت کو اجاگر کیا جائے گا ۔پاکستان بھر میں اس وقت اسلام آباد،لاہور،کراچی،فیصل آباد،پشاور،راولپنڈی،گجرانوالہ،کوئٹہ،سرگودھا،حیدر آباد،بہاولپور اور ملتان سمیت دیگر شہروں میں پاکستان ریڈیو اور ایف ایم کے علاقائی اسٹیشن قائم ہیں جہاں سے مختلف علاقائی،معلوماتی،کرنٹ افیئرز اور دیگر پروگرام نشر کیے جاتے ہیں جو کہ ریڈیو کی وساطت سے سامعین تک پہنچتے ہیں۔ترقی کے اس جدید دور میں جبکہ ریڈیو کی جگہ موبائل فون نے لے لی ہے لیکن آج بھی ریڈیو کی اہمیت میں کوئی کمی واقع نہ ہوئی ہے شہروں سے دور دراز واقع علاقوں میں آج بھی خبروں اور معلومات کے حصول کیلئے ریڈیو ہی عوام میں بے پناہ مقبول ہے۔

لاہور(ایمرا نیوزآن لائن) ذیابیطس دنیا کی خطرناک ترین بیماریوں میں سے ایک ہے، بہت سے پاکستانی ذیابیطس کی بیماری کا شکار ہیں. ایک تحقیق کے مطابق حیران کن بات یہ ہے ہر چوتھا پاکستانی 20 سال کے بعد ذیابیطس کا شکار ہوجاتا ہے، اور 7pc پاکستانیوں کو یہ پتا ہی نہیں ہے کہ ان کو ذیابیطس کی بیماری ہے. ذیابیطس ایک خطرناک بیماری ہے اس کا اگر بروقت علاج نہ کیا جائے تو یہ بیماری کسی کی جان بھی لے سکتی ہے.لیکن ذیابیطس کے مریضوں کے لیے اچھی خبر آگئی ہے، پاکستانیوں نے ذیابیطس کے مریضوں کے لیے ایک ایسا سوفٹ ویئر بنایا ہے.جس کو دیکھ کر سب حیران رہ گئے ہیں.
https://emra.tv/2019/02/01/کترینہ-کیف-اب-کس…-فلمیں-کرنا-چاہت/
میڈیکل ورک، ایک ڈیجیٹل ہیلتھ کیریئر سٹارٹ اپ ہے جو ٹیکنالوجی کی طاقت سے غیر منسلک بیماریوں کو بہتر انتظام مہیا کرتی ہے. یہ ایک گلوبل گلوکوز ماپنے والا آلہ ہے جس کو ایک Android سمارٹ فون میں بدل دیا گیا ہے.
سافٹ ویئر کے علاوہ تمام ڈیٹا مینجمنٹ اور تجزیہ 100٪ پاکستان ہیں.

لاہور(ایمرا نیوزآن لائن) تیز انٹرنیٹ استعمال کرنے والوں کے لیے خوشخبری، 3G اور 4Gکے بعد اب 5G بھی دھوم مچانے کے لیے تیار، موبائل اور اسمارٹ فون صارفین 5G کا استعمال 2020 میں کرسکیں گے، اکثر جو لوگ انٹرنیٹ استعمال کرتے ہیں انہیں اس بات کی بہت شکایت ہوتی کہ انٹرنیٹ بہت آہستہ چل رہا ہے اور انہیں کوئی ویڈیو دیکھتے ہوئے بفرنگ کا سامنا کرنا پڑتا ہے لیکن اب ان صارفین کے لیے 5G اچھی خبر لے کر آئے گا، کیونکہ اس کے استعمال کے دوران صارفین کو کوئی بفرنگ کا سامنا نہیں کرنا پڑے گا اور وہ فل سپیڈ میں انٹرنیٹ استعمال کرسکیں گے.یاد رہے کہ امریکہ میں اس سال 5G آجائے گا جس کے بعد 2020 میں اس کو دنیا بھر میں استعمال کیا جاسکیں گا، 5G نیٹ روک سے آپ صرف موبائل اور اسمارٹ فون استعمال کرنے کے ساتھ ساتھ اس سے آپ خودکار گاڑیوں، روبوٹس، اور بہت سی چیزیں باآسانی سے چلا سکیں گے.آپ سوچ رہے ہوں گے کہ یہ 5G آخر ہے کیا؟ تو ہم آپ کو بتاتے ہیں کہ 5G ایک ففتھ جنریشن وائرلیس ہے جو سیلولر ٹیکنالوجی کی ایک نئی قسم ہے اس کی سپیڈ 3G اور 4G کے مقابلے میں بہت زیادہ تیز ہے بلکہ پانچ گنا زیادہ ہے. اس کی بدولت موبائل صارفین کسی کسی بھی دوسرے ملک باآسانی اور تیز سپیڈ میں بات کرسکیں گے، اور موبائل صارفین کو اسکرولنگ کی شکایت بھی نہیں ہوگی.یہ صرف موبائل اور اسمارٹ فون صارفین کے لیے اچھی خبر نہیں لایا بلکہ اس سے کاروباری افراد بھی فائدہ اُٹھا سکتے ہیں اور اس کی مدد سے خودکار گاڑیاں تیز رفتاری سے کام کرسکیں گی.

لاہور(نیٹ نیوز/ایمرا نیوز) رواں سال کے پہلے مکمل چاند گرہن کا نظارہ افریقہ،یورپ ،جنوبی اور شمالی امریکا کے ملکوں میں دیکھا گیا۔چاند گرہن پاکستان اور بھارت میں نظر نہیں آیا۔چاند گرہن پاکستانی وقت کے مطابق صبح 7 بج کر 36 منٹ پر شروع ہواجبکہ مکمل چاند گرہن صبح کے پونے دس بجے ہوا جو 11 بج کر 45 منٹ تک رہا۔سپر بلڈ وولف مون کا دورانیہ 62 منٹ تک رہا۔جنوری کے پہلے مکمل چاند کو وولف سپر مون کا نام دیا گیا ہے۔

اس گرہن میں چاند زمین کے قریب آجاتا ہے اور سُرخ رنگ کا دکھائی دیتا ہے۔چاند کا زمین کے قریب آنا اور معمول سے بڑا نظر آنا،سپر مون کہلاتاہے جبکہ سورج کی روشنی کے باعث سرخ نظر آنے پر چاند بلڈ مون کہلاتا ہے۔۔