Category سائنس اور ٹیکنالوجی

سان فرانسسكو(ویب ڈیسک) انسٹاگرام کی مالک کمپنی فیس بک نے اعتراف کیا ہے ان کی ایپ ’انسٹاگرام‘ بالخصوص نوعمر لڑکیوں کے دماغ پر منفی اثرات مرتب کررہی ہے کیونکہ اس میں جسمانی خدوخال اور چہرے پر زور دیا جاتا ہے۔ انسٹاگرام نے کہا ہے کہ وہ اس رحجان کو کم کرنے اور صارفین کو ظاہری جسمانی کیفیات پر متوجہ ہونے کی حوصلہ شکنی کرے گا۔

وال اسٹریٹ جرنل اخبار میں چند روز قبل ایک رپورٹ شائع ہوئی ہے جس میں کہا گیا ہے گزشتہ تین برس سے فیس بک کے ماہرین 2012 میں خریدے جانے والے انسٹاگرام پر تحقیق کررہے تھے۔ اس کا خلاصہ یہ ہے کہ فوٹو شیئرنگ ایپ نوعمر اور کمسن لڑکیوں پر ’زہریلے اثرات‘ مرتب کررہی ہے۔ یہاں تک کہ یہ پلیٹ فارم باڈی امیج اور ظاہری شباہت پر زور دیتے ہوئے لڑکیوں کو دماغی و نفسیاتی مریض بنارہا ہے۔
اخبار کے مطابق برطانیہ میں 13 فیصد اور امریکہ میں 6 فیصد لڑکیوں نے کہا کہ انہیں انسٹاگرام دیکھنے کے بعد اپنی زندگی ختم کرنے کا خیال آیا۔ یعنی انسٹاگرام سے وابستہ ہونے کے بعد مجموعی طور پر ہر تین میں سے ایک نوعمر لڑکی اپنی جسمانی شباہت سے غیرمطمیئن دکھائی دی۔
تاہم انسٹاگرام میں عوامی پالیسی کی سربراہ کرینہ نیوٹن نے کہا ہے کہ اگرچہ بعض افراد انسٹاگرام پر’منفی تجربات‘ کی بات کررہے ہیں تو دوسری جانب محروم طبقات ایپ سے جڑ کر اپنے پیارے اور اہلِ خانہ سے جڑ رہہے ہیں۔

فیس بک کے مطابق ان کا ادارہ نوعمر لڑکے اور لڑکیوں میں پیچیدہ اور مشکل مسائل کو سمجھنے کی کوشش کررہا ہے۔ کمپنی نے کیا ہے کہ وہ اس مسائل کے حل میں مدد بھی فراہم کریں گے۔

وال اسٹریٹ جرنل نے کہا ہے کہ نوعمر لڑکیاں اپنا موازنہ دوسروں سے کرتی ہیں۔ مثلاً کوئی قیمتی شے یا دولت کی نمائش کرتا ہے تو دیکھنے والے اس سے اپنا موازنہ کرتے ہیں اور یوں اداس رہنے لگتے ہیں۔ انسٹاگرام کے مطابق شرکا سے کہا جائے گا کہ وہ اس طرح کے رحجان سے ہٹ کر دیگر مثبت پہلو اور موضوعات پر گفتگو اور پوسٹ کریں۔ کرینہ نیوٹن کے مطابق انسٹاگرام کے پورے کلچر کو بدلنے کی کوشش کی جائے گی۔

تاہم فیس بک کی تحقیق سے 2020 میں ادارے کے ممتاز سربراہان بشمول مارک زکربرگ کو بھی آگاہ کیا گیا تھا۔تاہم دیگر تجزیہ کار فیس بک کی طفلِ تسلیوں سے مطمئین نہیں کیونکہ وہ بار بار اپنے بلاگ اور مضامین میں فیس بک اور انسٹاگرام سے اپنی پالیسی پر نظرثانی کرنے کا کہتے رہے ہیں۔ ان تجزیہ کاروں کے مطابق اب بچوں کے لیے انسٹاگرام پیش کرنے کی تیاری جاری ہے جو بچوں کے لیے مزید مسائل پیدا کرسکتی ہے۔

سان فرانسسكو(ویب ڈیسک) اس وقت دنیا میں سوشل میڈیا کا دور ہے.دنیا میں شاید ہی کوئی ایسا ہو جو سوشل میڈیا استعمال نہ کرتا ہو.مختلف ایپس اس وقت کام کر رہی ہیں مگر جہاں اس کے بے شمارفوائد ہیں وہیں نقصانات بھی موجود ہیں .اسی سلسلے میں ایک سوشل میڈیا کمپنی فیس بک نے اس بات کا اعتراف کیا ہے کہ ان کی ایپ ’انسٹاگرام‘ نوعمر لڑکیوں کے دماغ پر منفی اثرات مرتب کررہی ہے ۔ انسٹاگرام نے اگرچہ اس کا حل بھی نکالنے کا کہا ہے .ان کا کہنا ہے کہ وہ اس رحجان کو کم کرنے اور صارفین کو ظاہری جسمانی کیفیات پر متوجہ ہونے کی حوصلہ شکنی کرے گا۔
چند روز قبل ایک غیر ملکی جریدے میں ایک رپورٹ شائع ہوئی جس میں کہا گیا ہے پچھلے 3 برس سے فیس بک کے ماہرین انسٹاگرام خریدنے کے بعد اس پر تحقیق کررہے تھے۔ جس کے بعد خلاصہ یہ ہے کہ فوٹو شیئرنگ ایپ کم عمر اوربالخصوص کمسن لڑکیوں پر منفی اثرات مرتب کررہی ہے۔ یہاں تک کہ یہ پلیٹ فارم لڑکیوں کو دماغی و نفسیاتی مریض بنارہا ہے۔
فیس بک کے مطابق وہ اس مسئلے کو سمجھنے اور حل کرنے کی کوشش کریں گے اور کمپنی پوری مدد بھی فراہم کریں گے۔

امریکا (ویب ڈیسک)امریکی ٹیکنالوجی کمپنی ایپل نے نئی سمارٹ واچ سیریز7 پیش کردی جس میں نیند کے دوران سانس کی رفتار کو بھی ٹریک کیا جا سکتا ہے.
کمپنی کا کہنا ہے کہ سمارٹ ایپل واچ کا بنیادی ڈیزائن 2015 سے تبدیل نہیں ہوا تھا لہذٰا ایپل واچ سیریز 7 کے لیے ڈیزائن کو تبدیل کیا گیا ہے۔
ایپل سیریز 7 کے دو ورژن متعارف کرائے گئے ہیں .جن میں 41 ایم ایم اور 45 ایم ایم کے بڑے کیسز کے ساتھ ساتھ زیادہ بڑی اور پائیدار اسکرینیں بھی موجود ہیں۔
کمپنی کے مطابق یہ پہلی ایپل واچ ہے جس کی ڈسٹ ریزیزٹنس ریٹنگ آئی پی 6 ایکس ہے۔
سمارٹ ایپل واچ کےسکرین پر خراشوں کی روک تھام کے لیے بھی نئی ٹیکنالوجی استعمال کی گئی ہے. علاوہ ازیں اس کو 50 میٹر گہرے پانی میں بھی تیراکی کے دوران استعمال کیا جاسکتا ہے۔سمارٹ واچ 13 فیصد زیادہ تیز چارجنگ کی سہولت فراہم کرتا ہے۔یہ سمارٹ ایپل سیریز واچ جلددستیاب ہوگی جس کی قیمت 399 ڈالرز سے شروع ہوگی۔

بیجنگ(ویب ڈیسک) چین نے دنیا کا پہلا ایسا تجارتی ایٹمی بجلی گھر تیار کرلیا ہے جس میں نیوکلیائی ایندھن کے طور پر یورینیم یا پلوٹونیم کی جگہ تھوریئم استعمال کی جاتی ہے۔
یہ ایٹمی بجلی گھر اس لحاظ سے بھی منفرد ہے کیونکہ اسے ٹھنڈا رکھنے کےلیے روایتی ایٹمی بجلی گھروں کے برعکس، پگھلا ہوا نمک استعمال ہوتا ہے۔’’مولٹن سالٹ ری ایکٹر‘‘ کہلانے والی یہ ٹیکنالوجی آج سے تقریباً 60 سال پہلے امریکا میں ایجاد کی گئی تھی لیکن 1969 میں اس پر کام ترک کردیا گیا تھا۔
اس ٹیکنالوجی میں عام نمک کو بجلی گھر کے مرکزی حصے (core) کے اندر، مائع حالت میں، نیوکلیائی ایندھن کے ساتھ حل کیا جاتا ہے جو نہ صرف ری ایکٹر کا درجہ حرارت قابو میں رکھتا ہے بلکہ بجلی بنانے میں نیوکلیائی ایندھن کی مدد بھی کرتا ہے۔چین نے اسی ٹیکنالوجی کو مزید ترقی دیتے ہوئے ایک ایسا تجارتی ایٹمی بجلی گھر تیار کرلیا ہے جس کا ایندھن ’’تھوریئم‘‘ دھات ہے۔

حفاظتی نقطہ نگاہ سے یہ بجلی گھر شمالی چین میں صحرائے گوبی کے ایک ایسے ویران علاقے میں بنایا گیا ہے جو انسانی آبادی سے بہت دور ہے۔ماہرین کا کہنا ہے کہ یورینیم اور پلوٹونیم ایندھن والے ایٹمی بجلی گھروں کے مقابلے میں تھوریئم ایندھن والے ایٹمی بجلی گھر زیادہ بہتر ثابت ہوسکتے ہیں جبکہ ’’مولٹن سالٹ‘‘ ٹیکنالوجی سے انہیں اور بھی زیادہ محفوظ اور ماحول دوست بنایا جاسکتا ہے۔

اگرچہ تھوریئم ایندھن والے ایٹمی بجلی گھروں (تھوریئم نیوکلیئر ری ایکٹرز) کے معاملے میں بھی خطرات و خدشات موجود ہیں لیکن وہ روایتی (یورینیم/ پلوٹونیم ایندھن والے) ایٹمی بجلی گھروں کے مقابلے میں خاصے کم ہیں۔دنیا کے اس پہلے تھوریئم نیوکلیئر ری ایکٹر سے نہ صرف چین بلکہ عالمی ماہرین کو بھی بہت امیدیں وابستہ ہیں کیونکہ اگر یہ ری ایکٹر کامیاب رہا تو ایٹمی طاقت کے پرامن اور ماحول دوست استعمال کا ایک نیا راستہ ہمارے سامنے ہوگا۔چینی ذرائع کے مطابق، صحرائے گوبی میں بنایا گیا پہلا تھوریئم نیوکلیئر ری ایکٹر اسی مہینے میں کام شروع کر دے گا۔ البتہ اس حوالے سے کسی خاص دن اور تاریخ کا اعلان نہیں کیا گیا ہے۔

لندن(ویب ڈیسک) دنیا بھر میں بالخصوص کارسازی کے شعبے میں مائیکروچپ کی کمی ایک بحران کی شکل اختیار کرچکی ہے۔ اس میں کووڈ وبا، عالمی تجارتی تناؤ اور ممالک کی بدلتی ہوئی ترجیحات بھی شامل ہیں۔

لگتا یوں ہے کہ ایک ساتھ کئی عناصرنے مائیکروچپ کے بحران کو جنم دیا ہے۔ پہلے کووڈ کی وجہ سے لوگ گھروں تک محدود رہے اور کاروں کی عالمی فروخت میں نمایاں کمی واقع ہوئی جس سے بڑی کمپنیوں نے پیداوارنصف کردی۔ اسی لحاظ سے متعلقہ چپ ساز کمپنیوں نے اپنی پیداوار کم کردی تاہم کئی ممالک میں حالات بہتر ہونے کے بعد گاڑیوں کی فروخت میں اضافہ ہوا تو اب چپ کی کمی شدت سے محسوس ہورہی ہے۔

واضح رہے کہ کاروں، بسوں اور دیگر سواریوں کے برقی نظام، سینسر اور دیگراہم امور کے لئے برقی چِپ لگائی جاتی ہیں۔ مائیکروچپ ہی کی بدولت جدید کاروں کے بریک کام کرتے ہیں اور اسٹیئرنگ گھومتے ہیں۔ یہی وجہ ہے کہ آب اوڈی، بی ایم ڈبلیو سمیت کئی کارساز کمپنیوں میں مائیکروچپ کی شدید کمی پیدا ہوچکی ہے۔

بحران کی ایک اور وجہ اشیا کی ترجیحی خریداری بھی ہے یعنی کووڈ لاک ڈاؤن میں لیپ ٹاپ، کیمروں، ٹیبلٹ کی فروخت کئی گنا بڑھی۔ والدین کو بچوں آن لائن کلاسوں کے لیے لیپ ٹاپ درکارتھے تو گھروالوں کو دوردراز عزیزوں سے بات کرنے کے لیے ٹیبلٹ خریدنا پڑے۔ یوں چپ ساز اداروں نے آٹو انڈسٹری پر توجہ کم کرکے گھریلو مصنوعات سازی میں منتقل ہوگئی۔ یہاں تک کہ پاکستان میں بھی لیپ ٹاپ اور ٹیبلٹ کی قیمتوں میں نمایاں اضافہ دیکھا گیا۔ سیمی کنڈکٹر انڈسٹری ایسوسی ایشن (ایس آئی اے) کے مطابق جنوری 2021 تک مائیکروچپ سازی کی صنعت 40 ارب ڈالر تک جاپہنچی کیونکہ ان چپس چھوٹے آلات میں لگائی جارہی ہیں۔

اب یہ حال ہے کہ ایک بڑٰی کارساز کمپنی نے تائیوان کی چپ ساز کمپنی سے کہا ہے کہ وہ فوری طور پر ان کی پیداوار بڑھائیں ورنہ ان کی کمپنی دم توڑدے گی۔ واضح رہے کہ دنیا کی 80 فیصد مائیکروچپ تائیوانی کمپنیاں بناتی ہیں اور اس میں پانی کی بڑی مقدار درکار ہوتی ہے۔ تائیوانی چپ ساز کمپنیوں کی تنظیم (ٹی ایس ایم سی) کے مطابق ملک کے درجن چپ ساز ادارے ایک روز میں ڈیڑھ لاکھ ٹن پانی استعمال کرتے ہیں۔ لیکن تائیوان میں ایک عرصے خشک سالی کا راج رہا جس سے چپ سازی پر بھی فرق پڑا۔

تاہم کارسازی کے سے ہٹ کر اس وقت مائیکروچپ کا بحران ہمہ وقت بڑھ رہا ہے۔ اس ضمن میں پہلی خبریہ ہے کہ کل ریلیز ہونے والے آئی فون 13 کی قیمت کچھ زیادہ ہوسکتی ہے اور ایپل کمپنی نے اس کا ذمے دار بھی چپ کے بحران کو ٹھہرایا ہے۔ اسی لیے ماہرین اس دور کو ’مائیکروچپ کا عالمی قحط‘ قرار دے رہے ہیں جو اگلے برس مزید شدید ہوجائے گا اور یوں 2023 کے آخرتک ہی حل ہوسکے گا۔

سلیکان ویلی(ویب ڈیسک) ٹوئٹر کی جانب سے ایک نئے فیچر ’’کمیونٹیز‘‘ کا اعلان کیا گیا ہے جو بظاہر فیس بُک ’’گروپس‘‘ اور ریڈٹ میں ’’سبریڈیٹ‘‘ سے ملتا جلتا ہے۔آسان الفاظ میں کوئی ’’ٹوئٹر کمیونیٹی‘‘ ایک خاص موضوع سے دلچسپی رکھنے والے ٹوئٹر صارفین کا ایک گروپ ہوگی۔اس کمیونیٹی میں کی جانے والی ٹویٹس کو اگرچہ تمام ٹوئٹر صارفین دیکھ سکیں گے تاہم صرف کمیونٹی ممبرز (ارکان) ہی ان پر تبصرے کرسکیں گے۔ یہ فیچر بالکل ویسا ہی ہے جیسا کہ فیس بُک میں ’’کلوزڈ گروپس‘‘ میں ہوتا ہے۔

فیس بُک گروپ کی طرح اس میں بھی ایڈمنز اور ماڈریٹرز ہوں گے جو کمیونیٹی میں کی جانے والی ٹویٹس پر نظر رکھیں گے اور یقینی بنائیں گے کہ کمیونیٹی میں شامل تمام ارکان اس کے ضابطہ اخلاق کی پابندی کریں۔ٹوئٹر انتظامیہ کی جانب سے کمیونٹیز کےلیے ایک علیحدہ ٹوئٹر اکاؤنٹ بھی تخلیق کردیا گیا ہے جس کی تعارفی ٹویٹ میں ایک مختصر ویڈیو کے ذریعے ’’کمیونٹیز‘‘ کا طریقہ کار واضح کیا گیا ہے:

اس کے علاوہ، ٹوئٹر کی آفیشل ویب سائٹ پر ایک بلاگ بھی موجود ہے جس سے پتا چلتا ہے کہ فی الحال ’’کمیونٹیز‘‘ کا فیچر آزمائشی مرحلے پر ہے جس میں آئی او ایس (ایپل) اور ڈیسک ٹاپ ٹوئٹر صارفین کی ایک محدود تعداد ہی شریک ہے۔اینڈروئیڈ کےلیے یہ فیچر بعد میں متعارف کروایا جائے گا۔آپ صرف اسی صورت میں کسی کمونیٹی کا حصہ بن سکتے ہیں کہ جب اس کا ماڈریٹر یا کوئی رکن آپ کو مدعو (انوائٹ) کرے۔
البتہ، اس کےلیے آپ کے پاس ٹوئٹر کا عوامی (پبلک) اکاؤنٹ ہونا ضروری ہے۔ یعنی ایک ایسا اکاؤنٹ جسے تمام صارفین دیکھ سکیں۔ممبر بن جانے کے بعد آپ مزید پانچ افراد کو اُس کمیونیٹی میں شمولیت کےلیے مدعو کرسکیں گے۔

سان فرانسسكو(ویب ڈیسک) فیس بک نے بہت انتظار کروانے کے بعد آخرکار اپنی اسمارٹ عینک پیش کردی ہے جسے مشہور لگژری عینک ساز کمپنی رے بین نے اپنے اسٹور پر رکھا ہے۔

عینک کی دونوں جانب 5 میگاپکسل کیمرے نصب ہیں جنہیں ایک ساتھ استعمال کرتے ہوئے تصاویر اور ویڈیوز بنائی جاسکتی ہیں۔ دوکیمروں کی بدولت اب صارفین تھری ڈی تصاویر اور ویڈیو تیار کرسکتے ہیں۔ اس میں موجود طاقتور اسپیکر موسیقی سناتے ہیں جبکہ اس عینک سے آپ فون کال کرسکتے ہیں اور وصول بھی کرسکتے ہیں۔ لیکن اسے چلانے کے لیے اینڈروئیڈ یا آئی او ایس ایپ اور ڈیوائس (فون یا ٹیبلٹ) درکار ہوگی۔ تمام خوبیوں کے باوجود یہ عینک صرف 50 گرام وزنی ہے اور قیمت 299 ڈالر کے لگ بھگ رکھی گئی ہے۔ اس قیمت کا مقصد زیادہ سے زیادہ صارفین کو راغب کرنا ہے۔
دلچسپ بات یہ ہے کہ اس کا کیس خالص چمڑے کا ہے کہ لیکن اس میں عینک رکھ کر اسے چارج کیا جاسکتا ہے اور بیٹری پورے دن چل سکتی ہے۔ دیکھنے پر یہ فیشن اور اسٹائل سے بھرا دھوپ کا جشمہ لگتا ہے لیکن کئی بٹنوں سے آپ میڈیا ریکارڈنگ یا فون کال وصول کرسکتے ہیں۔ ویڈیو ریکارڈنگ کی صورت میں ایک سفید ایل ای ڈی روشن ہوجاتی ہے جس کے بعد آپ کے دوست ویڈیو کےلیے تیار ہوسکتے ہیں۔

رے بین کمپنی نے تمام برقی آلات اور سرکٹ کو بہت سہولت سے اپنے اندر سمویا ہے جبکہ سن گلاس کی خوبصورتی کو ہر صورت برقرار رکھا گیا ہے۔ لوگوں کی اکثریت کا خیال تھا کہ اس میں ڈیجیٹل آگمینٹڈ ریئلٹی کا آپشن ہوگا لیکن ایسا نہیں۔ یہی وجہ ہے کہ اس کی قیمت کم ہے اور عینک کے اندر کسی قسم کا کوئی ڈسپلے موجود نہیں؛ اور سادہ ڈسپلے بھی نہیں کہ جس سے آپ ویڈیو وغیرہ دیکھ سکیں۔

رے بین نے کہا ہے کہ اس اختراع کی بدولت اب فون کو ایک نیا روپ دینا ممکن ہوجائے گا۔

(ویب ڈیسک)سوشل میڈیا پلیٹ فارم ٹوئٹر ایک نئے فیچر پر کام کررہا ہے جس کے ذریعے الٹے سیدھے کمنٹس کرنے والے فالوورز کو بلاک کیے بغیر ہی ان سے پیچھا چھڑایا جاسکتا ہے۔

اس فیچر کی وضاحت ٹوئٹر سپورٹ ٹیم نے گزشتہ روز اپنی ایک ٹویٹ میں کی ہے۔ٹویٹ میں مختصر عبارت اور اسکرین شاٹس سے وضاحت کی گئی ہے کہ نئے فیچر ’’ریموو‘‘ کو کس طرح استعمال کیا جاسکتا ہے۔

اس مقصد کےلیے آپ کو اپنے ٹوئٹر اکاؤنٹ میں پروفائل پر جانا ہوگا اور فالوورز کی لسٹ (فہرست) کھولنا ہوگی۔ لسٹ کے سامنے آنے پر ہر فالوور کے ساتھ تین نقطوں والا ایک آئیکن بھی دکھائی دے گا۔اس آئیکن پر کلک کریں گے تو آپ کے سامنے مختلف آپشنز آجائیں گے جن میں سے ایک Remove this follower یعنی ’’اس فالوور کو ہٹا دیں‘‘ بھی ہوگا۔

یہ آپشن منتخب کرنے پر ایک وارننگ نمودار ہوگی جس میں بتایا جائے گا کہ اس فالوور کو ریموو کردیا جائے گا اور آپ کی نئی ٹویٹس کے بارے میں اسے اطلاع (نوٹی فکیشن) نہیں بھیجی جائے گی۔ البتہ یہ مستقبل میں آپ کو دوبارہ فالو کرسکے گا.وارننگ کے نیچے دو بٹن ہوں گے جن میں سے ایک کینسل اور دوسرا ریموو کا ہوگا۔ریموو پر کلک کرکے آپ اس ناپسندیدہ فالوور کو اس فہرست میں سے نکال باہر کرسکیں گے۔یہ فیچر ابھی صرف ڈیسک ٹاپ کمپیوٹرز کےلیے ہے جسے جلد ہی ٹوئٹر ایپ (اینڈروئیڈ اور آئی او ایس) پر بھی متعارف کروا دیا جائے گا۔

ٹوکیو(ویب ڈیسک)آپ مانیں یا نہ مانیں، اسمارٹ فون کا جارچ ختم ہونا ہمارے عہد کا سب سے بڑا دردِ سر بلکہ خوف بن چکا ہے۔ اس کا حل اب جاپانی ماہرین نے ایک انقلابی کمرے کی صورت میں پیش کیا ہے جو حدود میں موجود ہر برقی آلے کو کسی تار کے بغیر(وائرلیس)چارج کرسکتا ہے۔

اگرچہ وائرلیس چارجنگ والے فون، اسمارٹ واچ اور ایئرفون عام ہوچکے ہیں لیکن ٹوکیویونیورسٹی کے پروفیسر ٹاکویا ساساتانی نے ایک نئی طرح کی ٹیکنالوجی وضع کی ہے جسے ’ملٹی موڈ کواسی اسٹیٹک کیویٹی ریزوننس‘ کا نام دیا گیا ہے۔ اس میں انہوں نے تین میٹر چوڑے، دو میٹر لمبے اور تین میٹر اونچے کمرے میں جگہ جگہ کیپیسٹر کوائلیں لگائی ہیں۔ اس طرح پورے کمرے میں ان دیکھا مقناطیسی میدان قائم ہوجاتا ہے۔ تاہم برقی میدان کیپیسٹر میں ہی پھنسا رہتا ہے۔ پھر کمرے کے عین درمیان بچھی ہوئی تانبے کے گول چھلے (دائرے) کو بچھایا جس سے نکلنے والا مقناطیسی میدان گھڑی وار اور مخالف گھڑی وار گھومتا ہے۔ یوں کمرے میں کوئی جگہ خالی نہیں رہتی اور ہرجگہ چارج پہنچتا ہے۔ اب وہاں فون سے لے کر ٹیبلٹ تک جو بھی شے رکھی جائے وہ بجلی پاتی رہتی ہے اور چارج ہوتی رہتی ہے۔

لیکن کمرے کے دو فیصد علاقے یا کونوں میں وائرلیس سگنل پہنچتے رہتے ہیں اور لگ بھگ 50 واٹ بجلی ملتی رہتی ہے۔ دوسری جانب کمرے میں موجود مقناطیسی میدان اتنا طاقتور نہیں کہ وہ انسان پر اثرڈال سکے اور یوں پورا بجلی بھرا کمرہ ہی انسانوں کے لیے بالکل بے ضرر ہے۔ اگرچہ چارج ہونے والے آلے کو درست زاویے پر رکھا جائے تو یہ بھرپور انداز میں چارج ہوتا ہے لیکن رخ سے ہٹنے پر بھی کچھ نہ کچھ چارجنگ جاری رہتی ہے۔
واضح رہے کہ 2017 میں ڈزنی کے شعبہ تحقیق نے بھی چارجنگ کمرہ بنایا تھا جس میں بعد ازاں تانبے کی مرکزی کوائل بھی ہٹادی گئی تھی۔ تاہم اس اہم کامیابی کے بعد بھی ڈزنی سے اب تک کوئی پیشرفت کی خبر نہیں مل سکتی ہے۔

تجزیہ کاروں نے ٹوکیو یونیورسٹی کے چارجنگ روم کو مزید عملی اور بہتر قرار دیا ہے۔ جاپانی ماہرین کا اصرار ہے کہ اگر آپ کمرہ نہ بنانا چاہیں تو وائرلیس چارجنگ الماری اور ڈبے سے بھی عین یہی کام لیا جاسکتا ہے۔ اس ضمن میں شیاؤمی نے ایئرچارج بکس بنایا ہے جس کے اندر رکھا ہر آلہ بے تار چارج ہوجاتا ہے۔ شیاؤمی نے بھی اب تک اسے مارکیٹ میں لانے کا کوئی اعلان نہیں کیا ہے۔

زیورخ(ویب ڈیسک) پاکستان میں تو یہ رحجان کم ہے لیکن امریکہ اور دیگر ممالک کے گھروں اور دفاترمیں فرش پر لکڑی کی پرت چڑھائی جاتی ہیں۔ اب لکڑی کے اس فرش پر سلیکن کی باریک تہہ چڑھا کر اس میں دھاتی آئن ملاکر اب چلتے پھرتے بجلی بنائی جاسکتی ہے۔

نظری طور پر اس ماحول دوست ٹٰیکنالوجی سے یہ ممکن ہے کہ لوگوں کی چلت پھرت سے ایک ایل ای ڈی بلب بھی جلایا جاسکتا ہے۔ اس طرح کسی تقریب اور کانفرنس وغیرہ میں اس فرش اور قدموں سے اس سے بھی زیادہ بجلی پیدا کی جاسکتی ہے۔ہم جانتے ہیں کہ بعض اقسام کے مٹیریئل جب دوسری قسم کے مادوں سے ملتے یا جدا ہوتے ہیں تو چارج پیدا کرتے ہیں۔ اس مظہر کو ’ٹرائبو الیکٹرک اثر‘ کہتے ہیں۔ اس میں ایک سطح سے الیکٹران اتر کر دوسرے مٹٰیریئل پر جاتے ہیں۔ جو مادہ الیکٹرون لے وہ ٹرائبو نگیٹوو کہلاتے ہیں اور جو الیکٹرون دیتے ہیں وہ ٹرائبوپازیٹوو کہلاتے ہیں۔
اسی بنا پر ای ٹی ایچ زیورخ کے پروفیسر گوئیڈو پینزراسا اور ان کے محقق ساتھیوں نے لکڑی کی ٹائل نما چادر پر سلیکن لگایا۔ اب سلیکن والی لکڑی کسی شے سے متصل ہونے پر الیکٹران لینے لگی۔ اس کے بعد دوسرے پینل میں نینوکرسٹل شامل کئے گئے۔ یہ نینو کرسٹل ’زیولیٹک آئمائی ڈیزولیٹ فریم ورک8 پرمشتمل تھے جسے مختصراً زیڈ آئی ایف ایٹ کا نام دیا گیا ہے۔ یہ ایک ایسا مرکب ہے ہے جس میں دھاتی آئن اور کچھ نامیاتی سالمات ہوتے ہیں۔ ان کرسٹلز کی خاصیت یہ ہوتی ہے کہ وہ الیکٹرون کھودیتے ہیں۔ فزکس کی زبان میں یہ عمل ’فنکشنلائزیشن‘ کہلاتا ہے۔
اس طرح عام لکڑی کے مقابلے میں الیکٹرون لینے اور دینے کی شرح 80 فیصد تک بڑھ گئی اس طرح لکڑی کی دو پرتوں پر چلنے سے اتنی بجلی ضرور بنی کہ اس سے ایک ایل ای ڈی بلب جلایا جاسکتا ہے۔ اس طرح 2 سینٹی میٹر چوڑے اور 5 سینٹی میٹر لمبے لکڑی کے ٹکڑے پر جب 50 نیوٹن کی قوت لگائی جائے تو اس دباؤ سے 23 وولٹ بجلی پیدا ہوتی ہے۔ اس طرح عام اے فور کاغذ کی جسامت کی لکڑی سے چھوٹے بلب اور دیگر دستی آلات مثلاً کیلکیولیٹر چلائے جاسکتے ہیں۔سائنسدانوں کا خیال ہے کہ سلیکن کی تہہ چڑھانا ایک ماحول دوست عمل ہے اور اس سے بجلی بنائی جاسکتی ہے۔