Category سائنس اور ٹیکنالوجی

نیویارک: (نیٹ نیوز/ایمرا نیوز) امریکہ میں سائنسدانوں نے انسانوں کو لگانے کیلئے لیبارٹری میں مصنوعی گردے تیار کئے ہیں لیکن ان گردوں نے ایسا کام شروع کر دیا کہ دیکھ کر سائنسدانوں کے بھی ہوش اڑ گئے۔رپورٹ کے مطابق واشنگٹن یونیورسٹی سکول آف میڈیسن کے سائنسدانوں نے انسانوں کے بنیادی خلیوں کے ذریعے ٹیسٹ ٹیوبز میں یہ گردے پیدا کئے۔ گردے انسانی جسم کا انتہائی اہم عضو ہیں جو خون کے اندر موجود زہریلے مواد کے اخراج، سیال کے صحت مند توازن اور ہارمونز بنا کر بلڈ پریشر کنٹرول کرنے میں مدد دیتے ہیں۔ گردے اپنے افعال سرانجام نہ دے سکیں تو پھیپھڑوں میں خون اور پانی میں زہریلا مواد جمع ہونے لگتا ہے جس کا نتجہ جان لیوا نکلتا ہے، اس مسئلے کے حل کیلئے سائنسدانوں نے گردے تو تیار کر لئے لیکن اس وقت ان کی حیرت کی انتہا نہ رہی جب خودبخود ان میں انسانی دماغ اور مسلز کے خلیے پیدا ہونا شروع ہو گئے۔سائنسدانوں کے مطابق ان گردوں کو آرگنائیڈز کا نام دیا گیا ہے۔ تحقیقاتی ٹیم کے سربراہ بنیامین ڈی ہمفریز کا کہنا تھا مجموعی طور پر ہم اس تجربے کو لیکر بہت پرجوش ہیں اور مستقبل میں اسکی کامیابی کیلئے پرامید ہیں۔

(نیٹ نیوز/ایمرا نیوز)
مقبول فوٹو شیئرنگ ایپ انسٹاگرام پر جعلی لائکس اور فولوورز کے لیے سخت سیکیورٹی اقدامات کیے جارہے ہیں تاکہ صارفین کا ڈیٹا چوری ہونے سے محفوظ رکھا جا سکے۔انسٹاگرام کے مطابق ایپ میں مشین لرننگ پاور ماڈریشن ٹولز (machine learning power moderation tools) شامل کیے گئے ہیں جس کی مدد سے صارفین کے اکاؤنٹس میں جعلی فولوورز اور لائکس خودکار طور پر ڈیلیٹ ہوجائیں گے۔

یعنی کسی بھی اکاؤنٹ میں موجود جعلی فولوورز اور لائکس، جس میں کسی تھرڈ پارٹی ایپ کی مداخلت زیادہ ہو اور وہ کمیونٹی گائیڈ لائنز اور اصول ضوابط کی خلاف ورزی کرتے ہوں، انہیں حذف کردیا جائے گا۔انسٹاگرام کمپنی نے اس اقدام کو سیکیورٹی پالیسی کے اہم حصے کے طور پر متعارف کروایا ہے۔کمپنی کی جانب سے یہ بھی واضح کیا گیا کہ اگر کسی اکاؤنٹ میں تھرڈ پارٹی ایپ کے تحت سیکیورٹی خدشات موصول ہوئے تو صارف کو خفیہ کوڈ یعنی اکاؤنٹ پاس ورڈ تبدیل کرنے کا آپشن بھی مہیا کیا جائے گا۔میش ایبل کی ایک رپورٹ کے مطابق انسٹاگرام نے اپنی ایک بلاگ پوسٹ میں بتایا کہ ’لوگ ہر دن انسٹاگرام پر اپنے تجربات شیئر کرتے ہیں اور ایک دوسرے سے رابطہ کرتے ہیں، اس قسم کا رویہ ہرگز برداشت نہیں کیا جائے گا، جس سے کمیونٹی متاثر ہو اور اصول و ضوابط کی خلاف ورزی کی جائے‘۔بلاگ پوسٹ میں مزید کہا گیا کہ تھرڈ پارٹی ایپ سے صارف کی لاگ اِن اور پاس ورڈ کی معلومات چوری کی جاتی ہیں جس کے بعد اکاؤنٹ ہیک ہونے کا خدشہ بڑھ جاتا ہے۔
تاہم انسٹاگرام کمپنی کی جانب سے صارفین کے ڈیٹا کے تحفظ کے لیے جعلی فولوورز، لائکس اور تبصروں پر کڑی نظر رکھی جائے گی۔

دبئی:(نیٹ نیوز/ایمرا نیوز) ایران کے دو طالب علموں نے صنعتی پروجیکٹ ڈیزائن کے تحت ایک دلچسپ اختراع کی ہے جس کے تحت ٹرک کے چلتے ہوئے ٹائر کو ایک مؤثر واشنگ مشین میں بدلا جاسکتا ہے۔ دونوں طلبا کا دعویٰ ہے کہ ٹرک ٹائر والی واشنگ مشین گندے ترین کپڑوں کو بھی دھو کر صاف کرسکتی ہے۔اس اختراع کو سی مائل کا نام دیا گیا ہے اور یہ ایسے ٹرکوں کے لیے موزوں ہے جو بہت طویل فاصلہ طے کرتے ہیں۔ اس کے ذریعے دن رات ٹرک چلانے والے سفر کے دوران اپنے کپڑے خود دھوسکتے ہیں۔

خود پاکستان کی طرح ایران میں بھی ٹرک ڈرائیور کئی دنوں بلکہ ہفتوں تک گھروں سے دور رہتے ہیں جس میں ان کا لباس میلا ہوجاتا ہے۔اکثر ٹرک ڈرائیوروں نے بتایا کہ وہ کسی بھی مقام پر رک کر کپڑے دھوتے ہیں جس سے ایک جانب صاف پانی آلودہ ہورہا ہے تو دوسری جانب وقت بھی صرف ہوتا ہے۔اس مسئلے کے حل کے لیے آرٹ یونیورسٹی آف تہران کے طالب علم مسعود سیستانی اور محمد غاسمی نے انڈسٹریل ڈیزائن کے تحت یہ اہم اختراع کی ہے۔ بڑے ٹرکوں کے ٹائروں کے رِم میں اندر کی جانب بہت جگہ ہوتی ہے۔سی مائل میں اس خالی جگہ پر ایک واشنگ ٹب لگادیا گیا ہے،اس کے اوپر ایک مضبوط ڈھکنا لگا کر اسے بند کیا جاسکتا ہے اور اندر واشنگ مشین کی طرح کی ساخت لگائی گئی ہے۔ اس طرح خالی ٹب میں پہلے میلے کپڑے رکھے جاتے ہیں پھر ڈھکنا لگا کر نوزل سے پانی اور صابن داخل کیا جاتا ہے۔ اس کے بعد ٹرک چلتا رہتا ہے اور واشنگ ٹب کسی کپڑے دھونے والی مشین کی طرح گھومتا رہتا ہے۔ یہ مشین گندے ترین کپڑے بھی دھوسکتی ہے۔دونوں طلبا نے اپنی ایجاد کو دبئی میں ہونے والے شو گریڈ گلوبل شو میں پیش کیا ہے اور توقع ہے کہ اسے پائیدار ترقی (سسٹین ایبل ڈولپمنٹ) کے زمرے میں انعام کا حق دار قرار دیا جائے گا۔ اس طرح واشنگ مشین کو کمرشل تیاری کے لیے مزید رقم ملنے کی توقع ہے۔

اسکندریہ:(نیٹ نیوز/ایمرا نیوز) دنیا بھر میں تیزی سے معدوم ہونے والے جانوروں کو بچانے والے ماہرین نے ایک خبر پر سکون کا سانس لیا ہے جس کے تحت پہاڑی گوریلوں کی تعداد میں خاطر خواہ اضافہ دیکھا گیا ہے۔2008 میں گوریلوں کی تعداد 600 تھی جو اب بڑھ کر 1000 تک ہوچکی ہے۔ فطرت کے اس اہم اور حیرت انگیز جاندار کا شکار کیا جارہا تھا اور اس کا قدرتی مسکن سکڑ رہا تھا۔ اسی بنا پر بین الاقوامی ماہرین نے گوریلا گارڈز اور ڈاکٹروں کا گشت بڑھایا، شکار پر پابندیاں عائد کیں اور ان کے ماحول کو بچانے کی کوشش کی جس کے مثبت نتائج برآمد ہوئے ہیں۔تیزی سے ناپید ہوتے ہوئے جانوروں پر بنائی جانے والی سرخ فہرست (red list of endangered species) پر نظرثانی کے بعد دو بڑی وھیل کی تعداد میں بھی اضافہ دیکھا گیا ہے جن کے شکار پر سخت پابندی عائد کی جاچکی ہے جس کے بعد مغربی سرمئی وھیل اور فِن وھیل کی تعداد بڑھی ہے۔

مصر میں منعقدہ عالمی حیاتیاتی تنوع پر ہونے والی کانفرنس میں انٹرنیشنل یونین فار کنزرویشن آف نیچر(آئی یو سی این) کے سربراہ انگر اینڈرسن نے بتایا کہ گوریلا اور وھیل کی خبریں جانوروں کے تحفظ کی کوششوں کی افادیت ثابت کرتی ہیں۔اس وقت گوریلے صرف تین ممالک میں موجود ہیں جن میں کانگو، روانڈا اور یوگینڈا شامل ہیں۔ تاہم شکار، خانہ جنگی اور فسادات اور انسانوں سے لگنے والے امراض ان کی بقا کےلیے اب بھی ایک خطرہ ہیں۔ البتہ ایک اور قسم کے بوزنے ’گریٹ ایپ‘ کی تعداد خاطر خواہ نہیں بڑھ سکی اور یوں وہ اب بھی معدومیت کے خطرے سے دوچار ہیں۔اس موقع پر آئی یو سی این میں بوزنوں (پرائمیٹ) کے ماہر ڈاکٹر لز ولیم سن نے کہا کہ اگرچہ رقم جمع کرنے کےلیے گوریلا سیاحت کی اجازت ہے لیکن اس کی رہنما ہدایات پر سختی سے عمل کرنا ہوگا اور انسانوں کو گوریلا سے دور رکھنا ضروری ہے تاکہ کوئی انسانی بیماری انہیں متاثر نہ کرسکے۔

میسا چیوسیٹس:(نیٹ نیوز/ایمرا نیوز) امریکی ماہرین نے کہا ہےکہ موسمیاتی تبدیلیاں قدیم تہذیب سندھ کے زوال کی اہم وجہ ہیں اور ان ہی کے باعث موہن جودڑو اور ہڑپہ تہذیب دھیرے دھیرے تباہی سے دوچار ہوکر فنا ہوگئیں۔ہم جانتے ہیں کہ سندھ کی قدیم تہذیب کے دو بڑے مراکز ہڑپہ اور موہن جودڑو ہیں اور اس کے علاوہ پاکستان اور بھارت میں بھی اس کے مختلف آثار ملے ہیں۔ امریکا میں واقع وُوڈز ہولز اوشیانو گرافک انسٹی ٹیوشن کے ایک نئے تجزیے کے مطابق عمدہ شہر، گودام، نکاسی کے نظام اور بہترین شہری سہولیات ہونے کے باوجود چار ہزار سال پرانی یہ تہذیب آب و ہوا میں تبدیلی (کلائمیٹ چینج) کی وجہ سے روبہ زوال ہوکر فنا ہوگئی تھی۔1800 قبل مسیح میں قدیم تہذیب کے باشندوں نے اس شہر کو خیرباد کہنا شروع کیا اور ہمالیہ کے دامن میں جاکر چھوٹے چھوٹے گاؤں میں رہنا شروع کردیا۔ ووڈ ہولز انسٹی ٹیوٹ کے مطابق موسمیاتی تبدیلیوں سے یہ خطہ ناقابلِ رہائش ہونے لگا تھا۔2500 قبل مسیح میں ہڑپہ تہذیب کا موسم بدلنا شروع ہوا اور موسمِ گرما کا مون سون نظام دھیرے دھیرے کمزور پڑا۔ زراعت مشکل ہوگئی اور غلہ بانی بھی کم ہوتی گئی اور یوں یہ عظیم تہذیب اپنے اختتام کو پہنچی تھی۔اس ضمن میں وُوڈز ہولز اوشیانو گرافک انسٹی ٹیوشن کے ارضیات داں ڈاکٹر لائی ویو گایوسِن اور ان کے ساتھیوں نے اس پر تحقیق کرکے مقالہ شائع کیا ہے جو 13 نومبر 2018ء کے ’کلائمٹ آف دی پاسٹ‘ نامی جرنل میں شائع ہوا ہے۔

ماہرین کہتے ہیں کہ مون سون کے بگاڑ نے پوری وادی میں کھیتی باڑی کو ناممکن بنادیا تھا۔لیکن اس دوران بحیرہ روم کے طوفان ہمالیائی سلسلے سے ٹکراتے تھے اور پاکستانی علاقوں میں تھوڑی بہت بارش کی وجہ ضرور بنتے تھے لیکن مون سون نہ ہونے کی وجہ سے دریاؤں کا بہاؤ شدید متاثر ہوا۔ اسی لیے وادی سندھ کے لوگوں نے دیگر علاقوں میں سکونت اختیار کی اور یوں دھیرے دھیرے پوری بستی ہی خالی ہوگئی۔اگرچہ اس کے آثار آج کی مٹی میں نہیں ملتے لیکن ماہرین نے پاکستانی ساحلوں اور سمندر کے کئی مقامات پر مٹی کے نمونے جمع کیے اور ان کا مطالعہ کیا۔ انہوں نے ان نمونوں میں یک خلوی (سنگل سیل) پلانکٹن کا جائزہ لیا جنہیں ’فورا مینی فیرا‘ یا مختصراً فورمز کہا جاتا ہے۔ اس سے معلوم ہوا کہ کونسا پلانکٹن سرد موسم اور کونسا موسمِ گرما میں پروان چڑھا۔اس طرح انہوں نے خطے کے قدیم جینیاتی مادے کا بغور مطالعہ کیا ۔ اس دوران دریا اور سمندر کے کنارے کے علاقے میں موجود قدیم مٹی اور خود اس میں موجود قدیم پلانکٹن سے ہزاروں سال قدیم موسم کا ایک نقشہ مرتب کیا جس سے معلوم ہوا کہ کس طرح گرمیوں کا مون سون کمزور اور سردیوں کا مون سون توانا ہوا اور اس سے زراعت ناممکن ہوگئی۔اگلے مرحلے میں لوگوں نے ماضی کے ان عظیم شہروں کو چھوڑنا شروع کیا اور یوں وہ کئی صدیوں میں تتربتر ہوکر علاقے کے دیگر مقامات پر منتقل ہوگئے اور یوں یہ موئن جودڑو اور ہڑپہ ویران ہوتے چلے گئے۔

کیلفورنیا:(نیٹ نیوز/ایمرا نیوز) اسمارٹ فون اور ٹیبلٹ بنانے والی مشہور کمپنی ایپل نے اعتراف کیا ہے کہ اس کی 13 انچ میک بک پرو (بغیر ٹچ بار کے) اور آئی فون ایکس میں کچھ ہارڈویئر مسائل ہیں، سب سے پہلے بلومبرگ ویب سائٹ نے اس پر ایک مضمون شائع کیا تھا جس کے ردِعمل میں کمپنی کا اعتراف سامنے آیا ہے۔ایپل نے کہا ہے کہ میک بک پرو اور آئی فون ایکس میں ڈسپلے اسکرین پر ٹچ کے مسائل سامنے آئے ہیں جو کچھ اس طرح ہیں:جیسے ہی کوئی اسکرین پر ٹچ کرتا ہے تو اسکرین یا اس کا کچھ حصہ اس کا ردِعمل نہیں دیتا اور جامد ہوجاتا ہے۔

دوسری جانب نہ چھونے کے باوجود بھی اسکرین تبدیل ہوتی ہے اور ہدایات پر عمل کرتی ہے۔ایپل نے مزید کہا ہے کہ جن افراد کے آئی فون ایکس اور میک بک پرو میں ایسے مسائل سامنے آرہے ہیں وہ مجاز اسٹور سے مفت میں اسے تبدیل کروا کر نیا فون یا میک بک پرو حاصل کرسکتے ہیں۔اس سے قبل بھی ایپل کے صارفین کئی آن لائن پلیٹ فارمز پر مصنوعات کی خرابی کی شکایت کرچکے تھے۔ 2016ء میں بھی آئی فون 6 پلس میں ٹچ اسکرین کے عین ایسے ہی مسائل سامنے آئے تھے اور ایپل نے اس وقت یہ مسئلہ حل کرنے کے لیے صارفین سے 149 ڈالر کی رقم مانگی تھی۔13 انچ والی میک بک پرو کی فروخت جون 2017ء میں شروع کی گئی تھی اور دوبارہ جون 2018ء میں اسے بیچا گیا تو معلوم ہوا کہ اس میں ڈیٹا ضائع ہورہا ہے اور ہارڈ ڈرائیو بھی فیل ہورہی ہے پھر کمپنی نے اس کی مرمت کی مفت پیشکش کی تھی۔

لاہور(نیٹ نیوز/ایمرا نیوز) سام سنگ نے کتاب کی طرح فولڈ ہونے والا اسمارٹ فون متعارف کرادیا۔سام سنگ کی جانب سے لچکدار موبائل اسکرین ٹیکنالوجی متعارف کرائی گئی ہے .

جسے infinity flex display کا نام دیا گیا ہے۔فون کی اسکرین کا سائز 7.3 انچ ہے، اس فون کو کتاب کی طرح فولڈ کیا جاسکتا ہے اور کھولنے کی صورت میں یہ ٹیبلٹ کی شکل اختیار کرلیتا ہے۔فون کو فولڈ کرنے کے بعد اس کی فرنٹ اسکرین پاکٹ اسمارٹ فون کی طرح آن ہوجائے گی۔سام سنگ کی جانب سے فون سے متعلق دیگر معلومات نہیں دی گئی ہیں البتہ فون جلد ہی صارفین کے لیے مارکیٹ میں پیش کرنے کا کہا گیاہے۔

پیساڈینا، کیلیفورنیا:(نیٹ نیوز/ایمرا نیوز) ہماری کائنات لامحدود حیرت انگیزیوں سے بھری ہوئی ہے اور اب ماہرین نے کائنات کے ایک گوشے میں قدیم ترین ستاروں میں سے ایک دریافت کیا ہے جو بگ بینگ کے عمل کے بعد کائنات کی پیدائش کے فوراً بعد وجود میں آیا تھا اور یہ ستارہ ساڑھے 13 ارب سال پرانا ہے۔ماہرین نے کہا ہے کہ یہ ستارہ ساڑھے 13 ارب سال قدیم ہے لیکن ہماری ملکی وے کہکشاں کے پڑوس میں موجود ہے اور اس خبرکا یہ پہلو سب سے حیرت انگیز ہے۔ فلکیات دانوں نے اسے 2MASS J18082002–5104378 B کا پیچیدہ نام دیا ہے اور شاید یہ اب تک ہماری معلومات کے مطابق کائنات کا سب سے پرانا ستارہ بھی ہوسکتا ہے۔اس کا اہم ثبوت یہ ہے کہ ابتدائی کائنات میں دھاتیں موجود نہیں تھیں اور اس نودریافت ستارے میں ہماری اب تک کی معلومات کے مطابق سب سے کم دھاتیں ملی ہیں۔ کائناتی ارتقا کے تحت پہلی نسل کے ستاروں میں دھیرے دھیرے دھاتیں بننا شروع ہوئیں جو ان کے ہولناک اختتام پر پھٹ پڑنے سے پوری کائنات میں پھیلتی چلی گئیں۔بگ بینگ کے بعد سے جو ستارے بنتے گئے ان کی نسلیں بھی وجود میں آتی گئیں مثلاً ہمارا سورج بگ بینگ سے کائنات کے آغاز کے بعد ایک لاکھویں نسل کا ستارہ ہے اور ہر نسل کے ستاروں میں دھاتوں کی تعداد درجہ بہ درجہ بڑھتی چلی گئی۔ اس ستارے میں دھاتوں کی مقدار بہت کم ہے یعنی ہماری زمین پر موجود دھاتوں کی مقدار کا صرف دس فیصد اس بڑے ستارے میں دیکھا گیا۔ اس مشاہدے سے ماہرین نے یہ نتیجہ نکالا ہے کہ ہماری اپنی ملکی وے کہکشاں کی ستاروں کی طشتری (اسٹار ڈسک) ہمارے اندازوں سے بھی 8 سے 10 ارب سال مزید پرانی ہے۔یہ ستارہ کہکشاں کے کنارے پر موجود ہے اور اس کی کمیت ہمارے سورج کے 10 فیصد حصے کے برابر ہے۔ اس کی دریافت سے ہمیں پتا چلا کہ کائنات کے ابتدائی ستارے ضروری نہیں کہ اتنے بھاری بھرکم اور بڑے تھے کہ ان کا تیزی سے خاتمہ ہوگیا بلکہ یہ

مانچیسٹر:(نیٹ نیوز/ایمرا نیوز) عین انسانی دماغ کی طرز پر کام کرنے والے دنیا کے طاقت ور ترین سپر کمپیوٹر میں بجلی دوڑا کر اسے کھول دیا گیا ہے۔سپرکمپیوٹر کے 10 لاکھویں پروسیسر کی تنصیب کے بعد اسے اسٹارٹ کردیا گیا ہے۔ اس مشین کو spiNNaker کا نام دیا گیا ہےجو ایک سیکنڈ میں 20 کروڑ ملین ملین آپریشن (حسابی سوالات) حل کرسکتی ہے۔ اس کی ہرایک چپ میں 10 کروڑ متحرک پرزے لگائے گئے ہیں۔

پہلے ایک تنظیم ای پی ایس آر سی نے اس کے لیے رقم فراہم کی لیکن اخراجات ڈیڑھ کروڑ برطانوی پاؤنڈ ( دوارب دس کروڑ روپے) تک پہنچ گئے تو یورپی ہیومن برین پروجیکٹ نے اس کی ذمے داری سنبھال لی جس کے بعد 10 برس کی مسلسل محنت کے بعد دو نومبر کو اس کا افتتاح کردیا گیا۔
اسپنیکر مشین یونیورسٹی آف مانچسٹر اسکول آف کمپیوٹر سائنس کے ماہرین نے ڈیزائن کی ہے جو حقیقی وقت میں حیاتیاتی خلیات (نیورونز) کی طرز پر کام کرتی ہے۔ دماغی عصبیے بجلی کے جھماکوں کے تحت ایک دوسرے سے رابطہ کرتے ہیں اور یہ سپر کمپیوٹر بھی اسی اصولوں پر کام کرتا ہے لیکن نیورو کیمیکلز کی بجائے بجلی کو استعمال کرتا ہے۔یہ سپر کمپیوٹرروایتی کمپیوٹروں کے برخلاف ایک مقام سے دوسرے تک ڈیٹا کی بڑی مقدار نہیں بھیجتا بلکہ متوازی (پیرالل) کمیونی کیشن آرکیٹیکچر کے تحت عین دماغ کی طرح برتاؤ کرتا ہے جس میں ایک وقت میں اربوں خلیات چھوٹی چھوٹی معلومات دوسرے خلیات کو بھیجتے رہتے ہیں۔اس کے خالق اسٹیوفربرکہتے ہیں کہ عین دماغ کی طرح کام کرنے والا یہ سپر کمپیوٹر کئی لحاظ سے روایتی کمپیوٹروں سے مختلف ہے۔ اسی بنا پر اسے دماغی سطح پرکام کرنے والا کمپیوٹر کہا گیا ہے۔ اگرچہ اس میں ایک ارب خلیات کے برابر قوت ہے جو اب بھی تعداد کے لحاظ سے انسانی دماغ کا ایک فیصد حصہ ہے تاہم ماہرین پرامید ہیں کہ وہ اس طرح مستقبل میں انسانی خلیات کی درست مقدار والا سپرنیورل کمپیوٹر بناسکیں گے۔تاہم اربوں روپے سے بنائے گئے اس کمپیوٹر کو دیکھ کر دماغی ماہرین انسانی ذہن اور دماغی خلیات کو سمجھ سکیں گے۔ اسے دیکھتے ہوئے دماغ کے مختلف پہلوؤں کو سمجھنے میں مدد ملے گی۔ اسی طرح خلیات کے سگنلز کو دیکھتے ہوئے مختلف امراض اور دماغی بیماریوں کے علاج میں مدد ملے گی۔

(نیٹ نیوز/ میڈیا 92 نیوز)ماہر نوجوانوں کی ٹیم نے ایک ایسی کا ر تیار کر لی ہے جو کسی دھا ت سے نہیں بلکہ پلا سٹک کے لیگو بلا کس سے بنا ئی گئی ہے جو اب لندن میں نمائش کے لئے پیش کر دی گئی ہے ۔

لگژری بوگاٹی کا حقیقت سے قریب تر ماڈل نمائش کیلئے پیش
لگژری کار بوگاٹی کا یہ لیگو ماڈل حقیقی کار اس قدر مشابہت رکھتا ہے کہ ایک نظر دیکھنے پر لگتا ہے بیش قیمتی بوگاٹی آپ کے سامنے موجود ہے ، اہم با ت یہ ہے کہ یہ صرف ما ڈل نہیں بلکہ اس میں سفر کر نا بھی ممکن ہے ۔

دنیا کی اس انو کھی ترین کا ر کی تیا ری میں لاکھوں لیگو بلاکس استعمال ہو ئے جبکہ اسے چلانے کے لیے کسی قسم کی فیول کی بھی ضر ورت نہیں کیو نکہ یہ ہو ا کی طا قت سے اٹھارہ میل فی گھنٹہ تک کی رفتار سے دو ڑ سکتی ہے ۔

لگژری بوگاٹی کا حقیقت سے قریب تر ماڈل نمائش کیلئے پیش
لندن میں نمائش کے لئے پیش کئے گئے اس ماڈل کو دیکھنے درجنوں افراد نمائشی ہال میں پہنچے اور اس گاڑی کو دیکھ کر حیران رہ گئے ۔