Category سائنس اور ٹیکنالوجی

لندن(ٹیکنالوجی ڈیسک/ وقت نیوز) اب موٹے افراد کیلئے دبلا ہونا کچھ مشکل نہیں بس انہیں فاقے اور ورزش کرنا چھوڑ کرڈراﺅنی فلمیں دیکھنا اپنا معمول بنانا ہوگا ۔برطانیہ کی ایک یونیورسٹی کی تحقیق کے مطابق خوفناک فلمیں دیکھنے سے انسانی لوگ جسم کی چربی پگھلتی ہے ۔ایسے لوگ جو ڈیڑھ گھنٹے دورانیے کی ڈراﺅنی فلم دیکھتے ہیں ان کے جسم سے 113 کیلوریز برن ہو جاتی ہیں جو تقریباً آدھے گھنٹے تک کی جانے والی چہل قدمی کے برابر ہے ۔کچھ فلمیں تو موٹے افراد کیلئے زیادہ ہی مفید ہیں جن میں دی کنجورنگ ،دی شائننگ ،اٹ ،دی ایگزارسٹ ،دی رنگ اور انسیڈیئس جیسی فلمیں شامل ہیں جو 184 تک کیلوریز برن کر دیتی ہے ۔دوسرے نمبر پر فلم 161 Jaws کیلوریز اور ایگزار سٹ 158 کیلوریز برن کرتے ہوئے تیسرے نمبر پر موجود ہے ۔

پیرو (ٹیکنالوجی ڈیسک/ وقت نیوز) پیرو میں ایک ہزار تین سو سالہ قدیم انسانی باقیات دریافت کی گئی ہیں ،یہ باقیات ایک بچے اور دو نوجوانوں کی ہیں ۔پیرو کے آثار قدیمہ نے انسانی باقیات کو دو مقامات سے دریافت کیا ،جس میں دو نوجوان اور ایک بچے کی ہڈیاں شامل ہیں ۔آثار قدیمہ کے ماہرین کے مطابق ان افراد کا تعلق لیماثقافت سے تھا ۔ماہرین کو امید ہے کہ نئی دریافت سے قدیم زمانے کے لوگوں کے طرز رہن سہن ،خوراک اور بیماریوں کو جاننے میں مددم ملے گی ۔

یوٹیوب کمپنی کا کہنا ہےکہ اکتوبر سے دسمبر 2017 کے دوران 83 لاکھ ویڈیوز ضائع کی گئیں۔ ویڈیو شیئرنگ ویب سائٹ یوٹیوب کا کہنا ہے کہ اُس نے تین ماہ کے دوران ضوابط کی خلاف ورزی پر مبنی مواد والی 80 لاکھ سے زائد ویڈیوز کو تلف کیا ہے۔
یو ٹیوب نے یہ اعدادوشمار اپنی ’انفورسمنٹ رپورٹ‘ میں جاری کیے ہیں۔رپورٹ کے مطابق جنسی مواد پر مبنی ویڈیوز کو 91 لاکھ جبکہ نفرت انگیز مواد پر مبنی ویڈیوز کی شکایت 47 لاکھ افراد نے کی۔
کمپنی کا کہنا ہے کہ ویب سائٹ کے ضابطۂ کار کی خلاف ورزی پر مبنی مواد زیادہ تر شکایات انڈیا، امریکہ اور برازیل سے آئیں۔ یوٹیوب کا کہنا ہے کہ ضابطہ کار کی نگرانی کے نظام نے 67 لاکھ ویڈیوز کی نشاہدہی کی جسے بعد میں مختلف معائنہ کاروں کو بھیجنے کے بعد تلف کیا گیا۔

کمپنی نے بی بی سی میڈیا کو بتایا کہ ضائع کی گئی ویڈیوز کے ’فنگر پرنٹ‘ محفوظ ہیں تاکہ اگر یہ ویڈیوز دوبارہ اپ لوڈ کی جائیں تو ان کاپتہ لگایا جا سکے۔ یاد رہے کہ رواں سال مارچ میں برطانیہ میں کالعدم قرار دی گئی تنظیم نیو نازی گروپ نیشنل ایکشن کی چار پراپیگنڈہ ویڈیو کو ہٹانے میں ناکامی پر یوٹیوب کو تنقید کا نشانہ بنایا گیا تھا۔
یو ٹیوب نے مطلع کرنے کے طریقہِ کار یا ’رپورٹینگ ڈیش بورڈ‘ کے ساتھ ساتھ اپنے صارفین کے لیے یہ سہولت بھی متعاروف کروانا کا اعلان کیا ہے جس کے ذریعے وہ غیر مناسب مواد پر مبنی ویڈیوز کے حیثیت کا بھی پتہ لا سکتے ہیں۔

ذیل میں ان دس ممالک نے سب سے زیادہ ویڈیوز کے بارے میں شکایت کی اور ان کی نشاندہی کے گئی۔
انڈیا،امریکہ،برازیل.روس.جرمنی،برطانیہ،میکسیکو،ترکی،انڈونیشیا،سعودی عرب

کولاراڈو (ٹیکنالوجی ڈیسک/ وقت نیوز) طب کی دنیا سے ایک اچھی خبر آئی ہے کہ ایک خاص قسم کا اینٹی آکسیڈنٹ خون کی نالیوں اور رگوں کو پھر سے نیا کرنے کی مکمل اہلیت رکھتا ہے ۔یعنی بوڑھے افراد میں بھی خون کی رگں جوان بنائی جاسکتی ہیں ۔اس اینٹی آکسیڈنٹ کو ”میٹو کیو “ کا نام دیا گیا ہے جو خصوصاً مائٹو کو نڈ ریا پر اثر دکھاتا ہے جسے خلیات (سیلز) کا پاور ہاﺅس بھی کہا جاتا ہے ۔ماہرین کے مطابق اس کا مسلسل چھ ہفتے تک استعمال خون کی رگوں میں بڑھاپے کے اثرات کو ختم کرتا ہے اورا ن کی عمر میں15 سے20 سال جتنی کمی کرتا ہے ۔یونیورسٹی کو لارا بولڈ ر کے ماہرین نے اس ضمن میں ایک جتنی کمی کرتا ہے ۔یونیو رسٹی آف کو لاراڈوبولڈ ر کے ماہرین نے اس ضمن میں ایک مطالعہ کی اہے جس کی تفصیلات امریکن ہارٹ ایسوسی ایشن کے ایک بھرپور سپلیمنٹ ہائپر ٹینشن میں شائع ہوئی ہیں ۔ان سے معلوم ہوا ہے کہ غذائیت سے بھرپور سپلیمنٹ دل اور خون کی رگوں کے امراض کو روکنے میں اہم کردار ادا کر سکتے ہیں ۔اگرچہ اینٹی آکسیڈنٹس کی افادیت پر کئی سوالات اٹھائے گئے ہیں لیکن اس تحقیق سے انکشاف ہوا ہے کہ ایک خاص اینٹی آکسیڈنٹ MtoQ دل سے لے کر دماغ تک کی رگوں کو جوان رکھتا ہے اور ان سے وابستہ امراض مثلا امراض قلب اور فالج سے بچاتا ہے ۔اس مطالعے سے وابستہ اہم ماہر ڈاکٹر میتھیو رو سمین کہتے ہیں کہ پہلی مرتبہ مائٹو کو نڈ ریا پر اثر انداز ہونے والے کسی اینٹی آکسیڈ نٹ پر تحقیق کی گئی ہے جو رگوں کو بہتر بناتا ہے ۔اس کی بنا پر امراض قلب کو دور کرنے والے نئے طریقہ علاج میں بھی مدد ملے گی ۔مطالعے میں 60 سے79 سال تک کے 20افراد کو بھرتی کیا گیا اور ان میں سے ایک گروپ کو روزانہ MtoQ کی20 ملی گرام مقدار کھلائی گئی جبکہ بقیہ افراد کو کوئی سپلیمنٹ نہیں دیا گیا اور انہیں ایک فرضی دوایا پلیسیبو دی گئی ۔چھ ہفتے بعد دونوں گروہوں میں رگوں کی لچک ،خون کے بہاﺅ اور دیگر پہلو نوٹ کیے گئے ۔اس کے بعد دو ہفتیتک کوئی دوا انہیں دی گئی ۔اس کے بعد جس گروپ کی فرضی دوا دی تھی اسے اینٹی آکسیڈ نٹ سپلیمنٹ دیا جانے لگا اور دوسرے گروہ کو فرضی دوا دی گئی اور یہ عمل بھی چھ ہفتوں کیلئے دوہرایا گیا ۔اس کے بعد دونوں مطالعات سے معلوم ہوا کہ MtoQسپلیمنٹ سے رگوں کے پھیلنے اور سکڑنے کی شرح 42 فیصد تک بہتر ہوئی جس کا مطلب یہ ہے کہ وہ اتنی جوان ہوگئیں جتنا15 سے 20 سال قبل تھیں ۔ماہرین نے اس تحقیق کے بعد متحاط انداز لگایا کہMtoQ کے مسلسل استعمال سے دل کے امراض کا خطرہ 13 فیصد تک کم ہوسکتا ہے ۔

مونٹریال (ٹیکنالوجی ڈیسک/ وقت نیوز) کینیڈا میں بچوں کے امراض کے ماہرین نے بٹن جیسی گول چھوٹی بیٹریوں کو بچوں کی صحت کیلئے زہر قرار دیدیا ۔چلڈرنز ہسپتالوں کے ڈاکٹروں نے کہا کہ بچے اگر چہ کھلونوں میں ایسی بیٹریاں ہوتی ہیں وہ بچوں کی صحت کیلئے انہتائی خطرناک ہیں اس قسم کی بیٹریاں اب مبارکباد کے کارڈز میں بھی استعمال ہو رہی ہیں اور جب ان کارڈز کو کھولا جاتا ہے اس بیٹری کی مددسے ان میں سے موسیقی سنائی دیتی ہے طبی ماہرین کے مطابق یہ چمکدار بیٹریاں بچوں کیلئے پرکشش ہو سکتی ہے اور وہ انہیں نکال کر منہ میں رکھ سکتے ہیں اگر غلطی سے یہ بیٹری حلق سے اترجائے تو صورتحال خراب ہو سکتی ہے ماہرین کے مطابق یہ بیٹری تین گھٹنے معدے میںموجود رہے تو صحت کو شدید خطرات لاحق ہو سکتے ہیں ڈاکٹر سام ڈینٹل کے مطابق بیٹری نگلنے کے باعث بعض بچوں کو بولنے کی صلاحیت ختم ہوگئی جبکہ کچھ سماعت سے محروم ہوگئے ۔ان بیٹریوں میں مختلف اقسام کی دھاتیں مثلا مینگا ڈال آکسائیڈ ،کیکولیٹرز ،کیمروں اور دیگر آلات میں بھی استعمال ہوتی ہیں ڈاکٹر ڈینٹل نے والدین کو مشورہ دیا کہ وہ تمام اشیا جن میں بٹن بیٹری استعمال ہوتی ہے کو بچوں کی پہنچ سے دور رکھیں ۔

واشنگٹن (ٹیکنالوجی ڈیسک/ وقت نیوز) یوٹیوب پر گزشتہ دنوں کئی سنجیدہ اعتراضات اٹھائے گئے ہیں اور اب تازہ خبر یہ آئی ہے کہ اس مشہور ویڈیو ویب سائٹ پر شدت پسندی اور متنازع معاملات کو ہوا دینے والے چینلز پر دنیا کی ایسی کمپنیوں کے اشتہارات چل رہے ہیں جو عالمی سطح پر مقبول ہیں ۔سی این این نے اپنے ذرائع سے تحقیق کے بعد ایک رپورٹ شائع کی ہے جس میں بڑی ٹیکنالوجی کمپنیوں ،اخبارات ،صارفین کو سہولیات فراہم کرنے والی فرمز یہاں تک کہ حکومتی ایجنسیوں کے اشتہارات بھی ایسی ویڈیو کے درمیان ظاہر ہورہے ہیں جو بچوں سے بدفعلی ،سفید فام نسل پرستی نازی فکر ،سازش نظریات ،نفرت انگیز سوچ اور شمالی کوریا کے پروپیگنڈ ے کو پروان چڑ ھارہی ہیں ۔اشتہارات دینے والے اداروں میں نامی گرامی کمپنیاں شامل ہیں جن میں ایڈیڈ اس ،ایمیز ون ،سسکو ،فیس بک ،ہارشے ،موزیلا ،ہلٹن ،لنکڈ ان ،اور دیگر مشہور فرمز اور ٹیکنالوجی کمپنیاں بھی شامل ہیں ۔علاوہ ازیں متنازع اور شدت پسندی کو فروغ دینے والے ان چینلز پر پانچ امریکی حکومتی تنظیموں کے اشتہار بھی دکھائے جارہے ہیں اور وہ ان تمام معاملات سے بالکل بے خبر ہیں ۔یوٹیوب کے اس قدم سے کئی سوالات جنم لیتے ہیں کہ آیا وہ برانڈ کو ان کے معیارات کے تحت درست چینلز پر دکھانے کی پابند ہے یا پھر یہ کسی خود کار نظام کے تحت ہوتا ہے ۔

بیجنگ(ٹیکنالوجی ڈیسک/ وقت نیوز) غیر ملکی زبانیں سیکھنا آسان نہیں جو اکثر سیاحوں اور مختلف ممالک کا سفر کرنیوالوں کیلئے مشکل کا باعث بنتی ہے ۔ایک چینی فرم نے اس مشکل کا حل نکالتے ہوئے ایک ایسی جدید ترین ڈیوائس متعارف کروا دی ہے جو 33 غیر ملکی زبانوں کا ترجمہ کرنے کی صلاحیت رکھتی ہے ۔مصنوع ذہانت کی شاہکار یہ ایجاد نہ صرف آپ کے لئے بہترین مترجم کا کردار ادا کریگی جو آپ کی جیب میں بھی با آسانی فٹ ہو جاتا ہے بلکہ اس کے مدد سے مختلف ممالک کا سفر کرنیوالے افراد زبان اور کمیونیکیشن میں رکاوٹ سے بھی بچ سکیں گے ۔

ٹیکنالوجی ڈسیک/میڈیا 92 نیوز) ایک مشہور شعر کا مصرعہ ہے کہ “جن پہ تکیہ تھا وہی پتے ہوا دینے لگے”. کچھ یہی حال گوگل کروم براؤزر استعمال کرنے والے ایسے صارفین کا ہوا ہے جنہوں نے اپنے براؤزر میں اشتہارات کو بند کرنے کے لیے ایڈ بلاک (اشتہار روک پروگرام) نصب کیا تھا۔ لیکن اسی ایڈ بلاک میں چھپے خفیہ کوڈ کی مدد سے ان کی معلومات چرا لی گئیں۔

دنیا بھر کے انٹرنیٹ صارفین، ویب سائٹس پر دکھائی دینے والے غیر ضروری اشتہارات سے بچنے کے لیے اپنے براؤزرز میں ایڈ بلاک کو نصب کرتے ہیں۔ تا کہ سپیمرز اور اشتہاراتی کمپنیوں کی جانب سے استعمال کیے جانے والے مختلف حربوں کا توڑ نکالا جا سکے۔ لیکن خبر ہے کہ ان ایڈ بلاکس میں سے اکثریت نا صرف جعلی ہے۔ بلکہ الٹا انہیں صارفین کے کمپیوٹرز کو ہیک کرنے کے لیے بھی استعمال کیا جاتا رہا ہے۔
یہ خبر ایک تحقیقاتی فرم ایڈ گارڈ کی جانب سے دی گئی ہے۔ جو کہ خود بھی “اشتہار روک” پروگراموں پر کام کرتی ہے۔ ایڈ گارڈ کا کہنا ہے کہ ہیکرز نے گوگل کروم براؤزر پر پانج بڑی ایڈ بلاک ایکسٹنشن کی جعلی کلون اپلوڈ کر کے دو کروڑ سے زائد کروم استعمال کنندگان کو بے وقوف بنایا۔ اور بڑے پیمانے پر معلومات چرائیں۔
ان اشتہار روک ایکسٹنشنز میں ایک کروڑ متاثرین کے ساتھ ایڈ ریموور، اسی لاکھ کے ساتھ یو بلاک پلس اور بیس لاکھ متاثرہ صارفین کے ساتھ ایڈ بلاک پرو سرفہرست ہیں۔ مجموعی طور پر دو کروڑ صارفین کے کمپیوٹرز اور اسمارٹ فونز متاثر ہوئے ہیں۔
خبر کے مطابق ان کروم ایکسٹینشنز کو “ایڈ بلاکر” کی ورڈ کی تلاش کے نتائج میں سرفہرست لانے کے لیے ہیکرز نے مخصوص تکنیکیس استعمال کیں۔ جس کے بعد جونہی کسی کروم صارف نے ان ایکسٹنشنز کو اپنے براؤزر میں نصب کیا تو اس کی جاوا اسکرپٹ لائبریری میں چھپے جے کیوری کوڈ نے براؤزر پر حملہ کرتے ہوئے صارف کی تمام معلومات چرا لیں۔ یوں بجائے مدد کے الٹا آستین کے سانپ کا کردار ادا کیا۔
خبر سامنے آنے کے بعد گوگل نے تمام جعلی اشتہار روک ایکسٹنشنز کو اپنے اسٹور سے ختم کر دیا ہے۔

ہیلسنکی (ٹیکنالوجی ڈیسک/ وقت نیوز) فن لینڈ کے ایک 10 سالہ بچے کو سماجی رابطے کی سائٹ انسٹاگرام میں سیکیورٹی کے نقص کی نشاندہی کرنے پر 10 ہزار ڈالر بطور انعام دیئے گئے ہیں ۔تکینکی طور پر ابھی یہ بچہ مزید تین سال تک خود اس سائٹ کو استعمال نہیں کرسکتا لیکن اس نے ایسے نقص کا پتا چلایا جس کی مدد سے وہ دوسرے صارفین کے کمنٹس کو ڈیلیٹ کرسکتا ہے ۔انسٹاگرام کی مالک کمپنی دیس بک کا کہنا ہے کہ اس نقص کو نشاندہی کے فوراً بعد ٹھیک کردیا گیا ہے ۔جونی نامی یہ بچہ کمپنی کی ’بگ باﺅنٹی ‘ رقم حاصل کرنے والے کم ترین فرد بن گئے ہیں ۔انھوں نے فروری میں اس خامی کا پتا چلانے کے بعد فیس بک کو ای میل کیا تھا ۔سکیورٹی انجینیئر ز نے جونی کے لیے ایک اکاﺅنٹ بنایا تاکہ وہ اپنے اس دعوے کو ثابت کریں جو انھوں نے کردکھایا ۔