Category سائنس اور ٹیکنالوجی

دبئی (ٹیکنالوجی ڈیسک/ وقت نیوز) شہریوں میں کسی بھی مرض کی ابتدائی سٹیج پر نشاندہی کیلئے اب دبئی میں خاص قسم کے ہیلتھ پوڈز لگائے جائیں گے ۔ذرائع کے مطابق دبئی میں ہیلتھ کمپنی کے تیار کردہ یہ ہیلتھ پوڈز سکینر کے ذریعے شہریوں کا ڈیٹا جمع کرکے ہسپتالوں تک پہنچا ئیں گے ۔ابتداءمیں یہ پوڈز تجرباتی بنیادوں پر شہر کے شاپنگ مالز،فٹنس جم اور سپر مارکیٹوں میں لگائے جائیں گے ۔یہ خاص سکینر شہریوں میں کسی بھی بیماری کا ابتدائی سٹیچ پر پتا چلانے میں کار آمد ہوں گے جبکہ ان سکینر سے جمع کیا گیا ڈیٹا ہسپتالوں میں بھیجا جائے گا ۔جہاں طبی ماہرین ان کی مانیٹرنگ کریں گے ۔اس کے بعد بیماری کی تشخیص ہونے پر مریض کو ہسپتال بلایا جائے گا ۔

بیجنگ(ٹیکنالوجی ڈیسک/ میڈیا 92 نیوز) انسان تو انسان اب جدید ٹیکنالوجی کو بھی سستی اور کاہلی کی لت لگ گئی ہے ،چین میں سست اور غلط انداز میں کام کرنے پر روبوٹ کو نوکری سے فارغ کردیا گیا ۔انسانوں کی سستی اور کاہلی کی مثالیں تو بہت مشہور ہیں ،اب روبوٹس بی انسانوں سے گرسیکھتے جارہے ہیں ۔چین کے کئی ریسٹورنٹس میں روبوٹس کسٹمرز کی خدمت پر مامور ہیں ،جس سے نہ صرف لوگ خوش ہوتے ہیں بلکہ اس جدید ماحول میںکھانے سے بھی خوب لطف اندوز ہوتے ہیں ۔تاہم روبوٹس اب ویٹرز کی جگہ سنبھالنے میں ناکام نظر آرہے ہیں ۔آرڈر لینے اور سرو کرنے میں انہتائی سستی کے باعث کئی ریسٹوانٹس سے روبوٹس کو فارغ کردیا گیا ہے ۔ریسٹورنٹ میں ملازمت پیشہ دیگر روبوٹس کی پرفارمنس کی مانٹیرنگ بھی کی جاری ہے ۔انسانوں کی جگہ لینے والے یہ روبوٹ اب کچھ حدتک انسانوں کیلئے درد سر بنتے جارہے ہیں ۔

ٹوکیو(ٹیکنالوجی ڈیسک/ وقت نیوز) سائنس و ٹیکنالوجی کے اس جدید دور میں ڈرون کا استعمال زندگی کے مختلف شعبوں میں کیا جارہا ہے ۔جدید ڈرونز کی اہمیت کے پیش نظر جاپان کے دارالحکومت ٹوکیو میں چوتھی سالانہ انٹرنیشنل ڈرون ایکسپو کا انعقاد کیا گیا ۔مقامی کنونشن سینٹر میں منعقد ہونے والی اس نمائش میں مختلف ممالک سے تعلق رکھنے والی درجنوں کمپنیوں نے اپنے تیار کردہ جدید ٹیکنالوجی سے لیس ڈرون پیش کئے ۔مختلف شعبوں میں استعمال ہونے والے یہ جدید ڈرونز نمائش کا رخ کرنے والے افراد کی توجہ کا مرکز بنے رہے تاہم 3 روز تک جاری رہنے والی یہ نمائش گذشتہ روز اختتام پذیر ہوگئی ۔

ٹوکیو(ٹیکنالوجی ڈیسک/ وقت نیوز) جاپان میں کاربن فائبر سے عمارتوں کو زلزلہ پروف بنانے کا طریقہ دریافت کرلیا گیا ہے ۔جاپانی ماہر تعمیرات ’کینگو کیو مہ ‘ نے عمارت کو زلزلہ پروف بنانے کے لئے انوکھا طریقہ ڈھونڈ نکالا جنوبی جاپان کے شہر ’نومی‘ میں واقع لیب اور آفس کی عمارت کو دوبارہ تعمیر کیا گیا ۔اب کی بار اسے زلزلےسے محفوظ رکھنے کیلئے آرکیٹیکٹ نے ” کاربن فائبر “ سے بنی تاروں کا استعمال کیا ہے ۔طریقہ کار کے تحت عمارت کی بنیادوں ،اندرونی دیواروں اور کھڑکیوں کو کئی تاروں سے باندھا گیا ہے ۔عمارت کے باہر سے تاروں کو باندھا گیا ہے ۔جس کے بعد بلڈنگ سرکس ٹینٹ سے مشابہے دکھائی دیتی ہے آرکیٹیکٹ کے مطابق اگر زلزلہ بلڈنگ سے ٹکرائے گا تو یہ زمین کے ساتھ اپنی جگہ بنائے رکھے گی ۔

لندن(ٹیکنالوجی ڈیسک / وقت نیوز) انسان عموماً اپنے پالتو جانوروں کی حرکات وسکنات سے ان کی باتیں یا ضروریات سمجھنے کی کوشش کرتا ہے تاہم سائنس نے بے پناہ ترقی کرتے ہوئے اب جانوروں کی زبان سمجھنے کا طریقہ بھی ڈھونڈ نکالا ہے ۔لندن میں ایڈم اینڈ ایو ونامی کمپنی نے دعوی کیا ہے کہ ان کا نیا آلہ ”چیٹر باکس “ بلی کی زبان کو سمجھ کر اس کا انگریزی میں ترجمہ مالک تک پہنچا دیتا ہے ۔کمپنی ڈائر یکٹر پیٹی سائمن کے مطابق تحقیق سے پتہ چلا ہے کہ بلی مخصوص آواز ” میاﺅں “ میں انسان سے بہت کچھ کہتی ہے اور یہ آلہ بلی کی زبان کو سمجھ لیتا ہے ۔سمارٹ فون کے ذریعے کنٹرول ہونے والا یہ آلہ بلی کے گلے میں کالر کی طرح باندھا جاتا ہے ۔اس میں مائیکر وفون ،سپیکر ،بلوٹو تھ اور وائے فائے ٹیکنالوجی نصب ہے ۔کمپنی کا کہنا ہے کہ وہ اپنی تحقیق میں مزید بہتری لاتی رہے گی جبکہ ابھی اس کا پہلا تجربہ نیوزی لینڈ اور برطانیہ میں کیاگیا ہے ۔

برمنگم(ٹیکنالوجی ڈیسک/ وقت نیوز) سائیکل چلانے کی عادت ہمارے معاشرے سے ختم ہوتی جارہی ہے لیکن اب ماہرین نے کہا ہے کہ سائیکل چلانے سے بہتر کوئی ورزش اور یہ بڑھاپے سے بھی دور رکھتی ہے ۔ایک مطالعے میں شوقیہ سائیکل چلانے والوں کا باقاعدہ ورزش نہ کرنے والوں سے موازنہ کیا گیا ہے ۔اس سے انکشاف ہوا ہے کہ سائیکل چلانے کا عمل پٹھوں اور ہڈیوں کو مضبوط رکھتا ہے اور بڑھاپے کے باوجود بھی جسم کی چکلنائیوں اور کولیسٹرول کو ایک خاص حد میں رکھنے میں مددگار ہوتا ہے ۔اس کے علاوہ مردوں میں سائیکل چلانے کی عادت ان کے خاص ہار مون ٹیسٹو سٹیر ون کی مقدار بھی بلند رکھتی ہے ۔ایک اور حیرت انگیز بات یہ بھی سامنے آئی ہے کہ سائیکلنگ کے مثبت اثرات امنیاتینظام (امیون سسٹم) تک پہنچتے ہیں جو ہمارے جسم میں بیماریوں سے لڑنے والا فطری نظام بھی ہے ۔طبی معلومات کے مطابق ہمارے جسم میں ایک خاص غدہ (گلینڈ) یعنی تھا ئمس 20 سال کے بعد سے سکڑنا شروع ہوجاتا ہے ۔اس کا کام خاص امنیاتی خلیات ٹی سیلز بنانا ہوتا ہے ۔لیکن باواعدہ سائیکل چلانے والوں میں تھائمس سکڑتا نہیں اور وہ جوانوں کی طرح بڑھاپے میں بھی ٹی سلیز بناتا رہتا ہے ۔

(ٹیکنالوجی ڈیسک/ وقت نیوز)
اگر تو آپ انٹرنیٹ پر سرفنگ کے لیے براﺅزر کروم کو استعمال کرتے ہیں تو اسے فوری اپ ڈیٹ کرلیں ۔گوگل نے کروم ویب براﺅزر کا نیا ورژن ونڈوز ،میک ،اینڈ رائیڈ اور آئی او ایس سمیت دیگر پر متعارف کرادیا ہے ۔اس کے ڈیسک ٹاپ ورژن میں ایک خاص فیچر دیا گیا ہے جس کے تحت آٹو پلے ویڈیو ز خود کار طور پر میوٹ ہوجاتی ہیں ۔درحقیقت اب آواز کے ساتھ پلے ویڈیوز اور اشہتارات بائی ڈیفالٹ بلاک ہوجائیں گے ،یہ وہ فیچر جو رواں سال جنوری میں کروم کے ورژن 64 میںمتعارف کرائے جانے کا مکان تھا ،تاہم اب اسے کچھ ماہ کی تاخیر کے بعد پیش کردیا گیا ہے ۔اس فیچر کی مدد سے صارف بیشتر ویب سائٹس کو خاموش کرنے میں کامیاب ہوسکیں گے ،تاہم اگر کوئی ویب سائٹ پھر بھی آٹو پلے ویڈیوز سے پریشان کرے تو اس کے آڈیو کو ہمیشہ کے لیے بلاک بھی کیا جاسکتا ہے ۔بظاہر تو آٹو پلے ویڈیو کو میوٹ کرنا زیادہ بڑا فیچر نہیں لگتا مگر یہ قابل تعریف ضرور ہے خصوصاً اس وقت جب ایک وقت میں بہت ٹیب میں آڈیو والے ٹیب کو تلاش کرنے کی مشکل کا سامناہو ۔تو اپنے کروم براﺅزر کو ابھی بلٹ اپ ڈیٹر سے اپ ڈیٹ کرلیں ۔خیال رہے کہ گوگل کروم کو استعمال کرنے والے صارفین کی تعداد ایک ایب سے تجاویز کرچکی ہے ۔

سعودی عرب(فارن ڈیسک) میں فلموں کی نمائش پر لگی 35سالہ پابندی کا خاتمہ ہوگیاجہاں سعودی شہرریاض گزشتہ روز سینما گھرکھول دیا گیا ہے۔

اے ایم سی معاہدے کے تحت پہلا سینما گھرکھول دیا گیااور اسی سلسلے میں ٹکٹوں کی فروخت بھی شروع کر دی گئی ہے، عوام جمعے سے بلاک بسٹرہالی وڈ سپر ہیروفلم بلیک پینتھردیکھ سکیں گے۔

اس موقعے پر کئی نامور شخصیات افتتاحی تقریب میں پہنچیں اور خوب لطف اندوز ہوئے۔1970کی دہائی میں لگنے والی پابندی کے تحت سعودی عر ب میں فلموں کی نمائش کی اجازت نہیں تاہم اب فلموں کی نمائش کی اجازت دے دی گئی ہے اور اس پر عمل در آمد کرتے ہوئےاے ایم سی انٹرٹینمنٹ ہولڈنگ سے معاہدہ کرلیا گیا ہے ۔
سینما کی واپسی کے ساتھ دنیا کے سامنے مملکت کی ایک نئی تصویر پیش ہوگی۔ سعودی عرب میں آنے والی اس جیسی متعدد بڑی تبدیلیوں کا سہرا 32 سالہ ولی عہد شہزادہ محمد بن سلمان کو دیا جا رہا ہے جو روایتی طور پر ایک قدامت پسند ملک میں خود کو جدیدیت پسند کی حیثیت سے پیش کرتے ہیں۔گذشتہ سال سعودی عرب میں پہلی مرتبہ خواتین کو ڈرائیونگ کرنے کی اجازت دی گئی تھی۔واضع رہے کہ سعودی عرب میں سنہ 1990 سے خواتین کے ڈرائیونگ کرنے پر پابندی عائد تھی۔

نیویارک (ٹیکنالوجی ڈیسک/ وقت نیوز) امریکی خلائی ادارے ناسا نے 1959 ءمیں بنائی گئی ایک ویڈیو جاریکی ہے جس میں خلابازوں کی چاند پر پراسرار آوازیں سنائی دی گئی ہیں ۔امریکی خلائی ادارے ناسا کی طرف سے چار عشروں سے زیادہ پرانی ایک ریکارڈ نگ منظر عام پر لائی گئی ہے ،جس میں چاند کی طرف بھیجے گئے اپالوٹین میں موجود خلابازوں نے چاند کے دور دراز حصوں کے اوپر پرواز کرتے ہوئے ،وہاں کچھ عجیب وغریب آوازیں سننے کا مشاہدہ کیا تھا ۔

بیجنگ (ٹیکنالوجی ڈیسک/ وقت نیوز) عمارتوں کی تعمیر میں دیواروں پر پلستر کرنے کا عمل ایک لازمی چیز ہے لیکن اس میں خرچ ہونے والا وقت بہت زیادہ ہوتا ہے ۔اسی وجہ سے یہ ایک مشکل مرحلہ بن جاتا ہے ۔لیکن تیو پو 8 نامی ایک مشین نے اب اس عمل کو بہت آسان اور تیز بنا دیا ہے ۔اس مشین کے ذریعہ پلستر میں استعمال ہونیوالا سیمنٹ متواتر تہوں میں بہت ہموار اور یکساں طریقے سے لگا دیا جاتا ہے ۔اس کے علاوہ یہ مشین سیمنٹ اور کرش کو کونٹے اور مکس کرنے کیلئے بھی استعمال کی جاسکتی ہے ۔عمارتوں اور گھروں کا گرم موسم سے بچاﺅ ،یعنی تھرمل انسولیشن بھی کی جاسکتی ہے ۔