Category سائنس اور ٹیکنالوجی

نیویارک (ٹیکنالوجی ڈیسک/ وقت نیوز) آئس ایج کا ہاتھی اب حقیقت کا روپ دھارے گا ،کیونکہ ہادردرڈ یونیورسٹی کے سائنسدانوں نے معدوم ہاتھیوں کی افزائش نسل کی دوبارہ کوشش شروع کردی ۔سائنسدانوں نے بیالیس ہزار سال پرانے ڈی این اے کی کوننگ پر کام شروع کردیا ہے ۔سائنسدان ایشیائی اور دیوہیکل آئس ایج کے معدوم ہاتھیوں کے باقیات کے منجمدڈی این اے پر کام کررہے ہیں ،جن کی کلوننگ کا کام بھی شروع کردیا گیا ہے ۔ان ہاتھیوں کو روسی سائنسدانوں کی جانب سے سائبریا میں تیار کئے گئے آئس ایج سفاری پارک میں رکھا جائے گا ۔

(ٹیکنالوجی ڈیسک/ایمرا نیوز)
سائنسدانوں نے انکشاف کیا ہے کہ سوڈان کے صحرائے نوبہ میں گرنے والے ہیروں کے ٹکڑے دراصل نظام شمسی کے ابتدائی دور کے ایک سیارے سے تعلق رکھتے ہیں جو آج سے اربوں سال پہلے تباہ ہوگیا تھا۔

سائنسی جریدے نیچر کمیونی کیشنز کے تازہ شمارے میں آن لائن شائع شدہ تحقیقی مقالے کے مطابق دس سال قبل ہیروں سے لدی ایک خلائی چٹان، زمینی فضا میں داخل ہوکر کئی حصوں میں بٹ گئی تھی اور اس کے ٹکڑے شہاب ثاقب کی صورت شمالی سوڈان میں گرے تھے۔ شہاب ثاقب میں ہیروں کی غیرمعمولی مقدار نے سائنس دانوں کو تحقیق پر مجبور کردیا جس سے معلوم ہوا کہ یہ شہاب ثاقب دراصل ایک خلائی چٹان کے ہیں جو نظامِ شمسی کے ابتدائی دور میں ایک سیارے سے تعلق رکھتی تھی جو کسی وجہ سے تباہ ہو کر ان گنت چٹانوں اور پتھروں میں ٹوٹ گیا تھا۔
سائنس دانوں نے شمالی سوڈان میں گرنے والے شہاب ثاقب کا خردبینی جائزہ لیا اور اس میں جڑے ہیروں کی ساخت اور عمر کا تخمینہ لگایا جس نے اس خیال کو تقویت دی کہ نظام شمسی کے کئی سیارے ماضی بعید میں ٹکڑے ٹکڑے ہوچکے تھے اور آج ان کی باقیات خلاء میں چٹان کی صورت تیرتی پھر رہی ہیں۔ مزید یہ کہ اس وقت موجود بڑے سیارے بھی ماضی کے ان ہی سیاروں کی ہی باقیات ہیں۔ سیاروں کے ٹوٹنے اور نئے سیارے بننے کا یہ عمل اربوں سال سے یوں ہی جاری ہے۔
سائنس دانوں کا خیال ہے کہ تباہ ہونے والا یہ سیارہ اربوں برس پہلے نظامِ شمسی کا حصہ تھا جس کی جسامت عطارد یا مریخ جتنی رہی ہوگی کیوں کہ ہیرے صرف اتنے بڑے سیارے ہی میں تشکیل پا سکتے ہیں۔ یہ سیارہ کسی دوسرے سیارے کے ٹکرانے یا کسی اور حادثے کی وجہ سے ٹکڑے ٹکڑے ہوگیا تھا۔ ہیروں سے لدی ہوئی چٹان بھی اسی سیارے کا حصہ تھی۔ یعنی نظامِ شمسی اپنی ابتدا میں درجنوں سیاروں کا مسکن تھا، اور موجودہ سیارے ان ہی سیاروں کی باقیات سے مل کر بنے ہیں۔

سان فرانسکو (ٹیکنالوجی ڈیسک/ وقت نیوز) امریکہ کی الیکڑک کارساز کمپنی ٹیسلا نے گا ڑیوں کی تیزی سے بڑھتی طلب میں اضافے کے باعث سالانہ 5 لاکھ کاریں تیار کرنے کا ہدف پورا کرنے کیلئے کوشش تیز کردیں ۔ٹیسلا کے بانی اور چیف ایگزیکٹو ایلن مسک نے گزشتہ روز جاری ہونے والے ایک بیان میں کہا کہ اگلے دوسال میں موجود ہ پیدا واری صلاحیت کو پانچ گنا بڑھانے کا ہدف ایک چیلنج ہے جس کیلئے کچھ سرمایہ بھی درکار ہے ،تاہم اس کے حصول کیلئے سخت محنت کریں گے ۔انھوں نے رواں سال 80 تا90 ہزار تیار شدہ گاڑیوں کی صارفین کو حوالگی کے منصوبے کی تصدیق کی ۔ایلن مسک نے کہا کہ ماڈل 3 کی تیاری کے پہلے ہفتے میں انھیں 3 لاکھ 25 ہزار گاڑیوں نے خریداری آرڈ رز موصول ہوئے جن کی پیداواری رفتار بڑھانے کی کوششیں جاری ہیں ۔

نیویارک (ٹیکنالوجی ڈیسک/ وقت نیوز) امریکہ کی ایک یونیورسٹی نے بہرہ روم کی تہہ سے ستر ہویں صدی کا خزانہ ڈھونڈ نکالنے کیلئے غوطہ خورروبوٹ تیار کرلیا ہے ۔”اوش ون“ نامی اس روبوٹ کو سٹینفورڈ یونیورسٹی کے پروفیسر اسامہ خطیب نے تخلیق کیا ہے ۔اوش ون نامی پانچ فٹ کے اس روبوٹ کو سوچنے سمجھنے کے لیے مصنوئی دماغ کے ساتھ ساتھ تیز رفتا ری سے تیرنے کے لیے دو ہاتھ اور پیر بھی نصب گئے ہیں ۔مصنوعی ہاتھوں کی اور دماغ کی بدولت یہ روبوٹ کسی بھی چیز کو سمندر کی تہہ میں باآسانی پکڑنے کی صلاحیت رکھتا ہے ۔روبوٹ انسانی غوطہ خور کی طرح سمندر کی تہہ سے ملنے والی چیزوں کو اکٹھا کرکے جہاز تک بہ خوبی لے آتا ہے ۔روبوٹ کے خالق اسامہ جہاز میں ہی بیٹھ کر با آسانی روبوٹ کو کنٹرول کر سکتے ہیں ۔

سان فرانسکو (ٹیکنالوجی ڈیسک/ وقت نیوز) امریکہ کی الیکڑک کارساز کمپنی ٹیسلا نے گا ڑیوں کی تیزی سے بڑھتی طلب میں اضافے کے باعث سالانہ 5 لاکھ کاریں تیار کرنے کا ہدف پورا کرنے کیلئے کوشش تیز کردیں ۔ٹیسلا کے بانی اور چیف ایگزیکٹو ایلن مسک نے گزشتہ روز جاری ہونے والے ایک بیان میں کہا کہ اگلے دوسال میں موجود ہ پیدا واری صلاحیت کو پانچ گنا بڑھانے کا ہدف ایک چیلنج ہے جس کیلئے کچھ سرمایہ بھی درکار ہے ،تاہم اس کے حصول کیلئے سخت محنت کریں گے ۔انھوں نے رواں سال 80 تا90 ہزار تیار شدہ گاڑیوں کی صارفین کو حوالگی کے منصوبے کی تصدیق کی ۔ایلن مسک نے کہا کہ ماڈل 3 کی تیاری کے پہلے ہفتے میں انھیں 3 لاکھ 25 ہزار گاڑیوں نے خریداری آرڈ رز موصول ہوئے جن کی پیداواری رفتار بڑھانے کی کوششیں جاری ہیں ۔

دلچسپ وعجیب(میڈیا 92نیوز) دنیا کی پہلی اُڑن کار چند روز قبل جنیوا میں منعقدہ ایک موٹر شو میں نمائش کے لیے پیش کی گئی ۔ڈچ فرم پال دی انٹر نیشنل کے مطابق 6 لاکھ ڈالر مالیت کی پرسنل ایئر لینڈ وہیکل لبرٹی سڑکوں اور فضا میں 180 کلو میٹر فی گھنٹے کی رفتار سے سفرکر سکتی ہے ۔ماہرین کے مطابق دو انجنوں پر مشتمل کار موٹر بائیک اور ہیلی کاپٹر کی درمیانی شکل کی ایک ہائی برڈ ہے ۔ یہ تین پہیوں کے ذریعے اڑنے والی کار ہے ،جس میں دو افراد کے بیٹھنے کی گنجائش ہے جب کہ اسے یورپ اور برطانیہ دونوں جگہ سڑکوں اور فضا میں اڑنے کے لیے لائسنس دیا جاچکا ہے۔

یہ کارکاربن فائر، ٹیٹانیم اور المونیم کی آمیزش سے تیار کی گئی ہے، جس کا وزن 680 کلو گرام (1500 پائونڈز) ہے۔ اسے فضا میں بلند ہونے کے لیے 540 فیٹ (165 میٹر) رن وے جب کہ اترنے کے لیے صرف 100 فیٹ (30 میٹر) ہموار جگہ کی ضرورت ہوگی۔

اس اُڑن کار میں وہی سسٹم استعمال کیا گیا ہے جو کہ ایک موٹر بائیک کو کنٹرول کرنے کے لیے استعمال کیا جاتا ہے ،جس کا انحصار ڈرائیور پر ہوتا ہے۔ پال ،وی لبرٹی کاروں کی اسمبل اکتوبر میں شروع ہوگئی تھی۔ نیدرلینڈ میں قائم اُڑن کار بنانے والی کمپنی دنیا کی پہلی کار اپنے کسٹمر کو اگلے سال ڈیلیو ر کرے گی ۔کمپنی کے سی ای او ابرٹ ڈنگ مینس کے مطابق فلموں میں بہت سے مواقعے پر اُڑنے والی کاریں نظر آتی ہیں ،اب یہ کارخریداروں کے لیے اگلے سال مارکیٹ میں دستیاب ہوں گی ۔

کمپنی کو اُمید ہے کہ 2019 ء تک 50 سے 100 سے کاریں فروخت کے لیے پیش کی جائیں گی ،جب کہ 2020 ء تک پیداواری صلاحیت کئی گنا بڑھ جائے گی ۔ کمپنی کا آئندہ سال اُڑن کار کا ایک سستا ماڈل بھی متعارف کر ے گی ۔

کمپنی نے کار کو اس طرح ڈیزائن کیا ہے کہ ایک بٹن کو دبانے پر اس کے پروں کو سمیٹا جاسکے گا ،جو کہ کار کے اوپر چمگاڈرکے بازوئوں کی مانند نصب ہوں گے ۔ماہرین کا کہنا ہے کہ یہ کار ہیلی کاپٹر نہیں ہے ،جس کے پروں کو ایک انجن کی طاقت سے جلا یا جائے بلکہ یہ ایک جائرو پلین ہے ،جس کے پر ہوا کے دبائو سے عمودی محور کے گرد گھومتے ہیں۔

اس کی خاص بات یہ ہے کہ اگر دونوں انجن بند کردیئے جائیں تو اس کے پر پھر بھی گھومتے رہیں گے۔ ڈنگ مینس کے مطابق اس کے روٹر کو انجن سے کوئی طاقت نہیں دی جاتی، دراصل یہ ایک پیرا شوٹ ہے ،جو کہ ہر وقت دستیاب ہوتا ہے۔ اڑنے والی کار کے مختلف ماڈلز چیک ریپبلک، سلواکیہ، جاپان، چین اور امریکامیں تیار کئے جاچکے ہیں۔ پال وی لبرٹی کو ایک ڈرائیونگ لائسنس اور ایک پائلٹ لائسنس حاصل کرنے کی ضرورت ہوگی۔ اُڑن کار کی تیاری کے لیے اس کے پرزوں کا آرڈر دیا جاچکا ہے ،جب کہ پہلی کار کے لیے تمام پرزے حاصل کئے جاچکے ہیں۔

ماہرین کے مطابق پہلی کار کسٹمر کے حوالے کیے جانے سے قبل اسے کم سے کم 150 گھنٹے پرواز مکمل کرنی ہوگی اور کولون، جرمنی میں قائم یورپین ایوی ایشن سیفٹی ایجنسی (ای اے ایس اے) سے سرٹیفکیٹ حاصل کرنے کے لیے کئی فٹنس ٹیسٹ دینے پڑیں گے۔ یہ مرحلہ مکمل ہونے کے بعد اسے امریکا میں ایف اے آر 27 ریگولیشنز کے تحت سرٹیفکیٹ حاصل کرنے کی اجازت ملے گی۔ پال وی فلائنگ کار میں 100 ہارس پاور کے دو انجن نصب کئے گئے ہیں، جس میں بغیر سیسہ والا عام پیٹرول استعمال ہوتا ہے۔

کار میں نصب کئے گئے ٹینک میں 27 گیلن پیٹرول کی گنجائش ہے ،جس کے ذریعے یہ 11,500 فیٹ تک کی بلندی پر 400 سے 500 کلو میٹر تک سفر کرسکے گی۔ سڑک پر یہ پیٹرول 1200 کلو میٹر تک کے سفر کے لیے کافی ہے۔ اس کی انتہائی رفتار 170 کلو میٹر فی گھنٹہ ہے، جب کہ یہ ابتدائی 8 سیکنڈز میں صفر سے 95 کلو میٹر فی گھنٹے کی رفتار پکڑ لیتی ہے۔ یہ امر قابل ذکر ہے کہ گزشتہ سال فرم کے چیف مارکیٹنگ آفیسر مارکس ہیس نے کہا تھا کہ کمپنی اُڑن کاریں تیار کرنے کی جو منصوبہ بندی کررہی ہے اس کی تیاری میں تقریباً 100 سال درکار ہوں گے۔

تاہم اگلے سال ہی جینوا موٹر شو میں پال وی فلائنگ کار کی نمائش کا سہرا کمپنی کے تحقیقی ماہرین اور سائنس دانوں کو جاتا ہے جنہوں نے دن رات کی محنت سے دنیا کی پہلی اُڑن کار تیار کرلی ہے۔

قبل ازیں گزشتہ سال اپریل میں سلواکیہ کی ایک فرم نے موناکو میں منعقدہ سپرکاروں کی نمائش کے لیے منعقدہ ایونٹ ’’فرنچ ریویرا‘‘ میں اُڑن کاروں کے دو ماڈلز متعارف کرائے تھے جن کے بارے میں بتایا گیا تھا کہ یہ 260 کلو میٹر کی رفتار سے سفر اور پرواز کرسکے گی۔ 12 سے 15 لاکھ یورو قیمت والی 6 میٹر لمبی یہ کار 2020 میں پہلے کسٹمر کے حوالے کی جائے گی۔ علاوہ ازیں آسڑیا کے دارالحکومت ویانا میں سلواکیہ کے ماہرین بھی ایک اڑن کار کا ماڈل متعارف کراچکے ہیں۔

اسٹیل اور فائبر سے تیار کی گئی اس فلائنگ کار کے بارے میں دعویٰ کیا گیا ہے کہ یہ سڑک پر 124 میل فی گھنٹہ (190 کلو میٹر فی گھنٹہ) کی رفتار سے سفر جب کہ فضا میں 544 میل (875 کلو میٹر) فی گھنٹہ کی رفتار سے پرواز کرسکتی ہے۔ اس ہائبرڈ وہیکل کو بھی جلد مارکیٹ میں پیش کئے جانے کا اعلان کیا گیا ہے۔ اس سے قبل 2014 میں بھی آسڑیا میں ایروموبل نے اُڑن کار کا ایک ماڈل پیش کیا تھا۔ سلواکیہ کی اس فرم کا دعویٰ تھاکہ ایروموبل فلائنگ کار ایک مرتبہ پیٹرول بھرنے کے بعد 430 میل (692 کلو میٹر) تک پرواز کرسکتی ہے۔

نیویارک (ٹیکنالوجی ڈیسک/ وقت نیوز)امریکہ میں کی گئی نئی تحقیق میں کہا گیا ہے کہ شراب کی معمولی مقدار بھی انسانی زندگی کے دن کم کرنے کا باعث بنتی ہے ۔امریکی تحقیق کے مطابق ایک ہفتے میں پانچ سے دس شراب کے پیگ پینے والے افراد کی زندگی کے چھ مہینے ،دس سے پندرہ پیگ پینے والوں کے دوسال اور اٹھارہ سے زیادہ پیگ پینے والے افراد کی زندگی کے پانچ سال کم ہوجاتے ہیں ۔ڈاکٹر انجیلا ووڈ نے اپنی تحقیق کی روشنی میں انتباہ کیا ہے کہ روزانہ کی بنیاد پر الکول پینے والے افراد جیسے جیسے شراب کی مقدار میں اضافہ کرتے ہیں ویسے ویسے ان کی زندگی کے سال مختصر ہوتے جاتے ہیں ۔اس بات کا انکشاف انہوں نے 19 ممالک کے شراب نوشی میں مبتلا 6 لاکھ افراد کی گئی تحقیق سے حاصل ہونے والے نتائج کی بنیاد پر کیا ۔ڈاکٹر انجیلا شراب نوشی کی عادت اور اس کے زندگی پر پڑے والے اثرات کا مطالعہ کرنے کے بعد اس نتیجے پر پہنچی ہیں کہ ایک ہفتے میں 14 یونٹ سے زیادہ شراب نوشی صحت کو تباہ کرنے کے لیے کافی تھیجوکہ ہفتے میں 6 ڈرنکس کے برابر ہوتی ہے ۔

ٹوکیو (سپورٹس ڈیسک/ وقت نیوز)سائنس دانوں نے خبر دار کیا ہے کہ سخت سرد موسم امراض قلب اور پھیپھڑوں میں مبتلا افراد اور حد سے زیادہ گرم موسم گردوں کے امراض میں مبتلا افراد کی شرح اموات میں اضافے کا باعث بنتا ہے ۔موسم کی تبدیلی کے ساتھ معمولی نزلہ زکام یا بخار تو عام سی بات ہے لیکن ماحولیاتی آلودگی ،کمزور ہوتی اوزون تہہ اور بے موسم پگھلتے گلیشیئر سے موسمی تغیرات انسانی جانوں کیلئے خطرہ بنتے جارہے ہیں جس کی حالیہ مثال ’ہیٹ سٹروک ‘ ہے جس نے گزشتہ موسم گرما میں صرف پاکستان میں سیکڑوں افراد کو لقمہ اجل بنا ڈالا تھا ۔سائنس جریدے ’رسک اینا لیسس‘میں شائع ہونے والے تحقیقی مقالے میں ’موسم کی تبدیلی ‘کے انسانی جسم پر اثرات کا مطالبہ کرنے والے سائنس دانوں نے آگاہ کیا ہے کہ سخت سردی اور گرمی کی لہر مختلف امراض کے شکار افراد کے لیے جان لیوا ثابت ہوسکتی ہے ۔

(ٹیکنالوجی ڈیسک/میڈیا 92نیوز)نوکیا سکس (2018) گزشتہ سال کے ماڈل کا اپ ڈیٹ ورژن ہے جسے پاکستان میں متعارف کرایا گیا۔
یہ فون پہلے چین اور پھر فروری میں موبائل ورلڈ کانگریس کے دوران پیش کیا گیا تھا اور اب اس کی پاکستان آمد ہوئی ہے۔

نوکیا کے 4 نئے اینڈرائیڈ اسمارٹ فونز متعارف
نوکیا کا یہ فون 5.5 انچ کے فل ایچ ڈی ڈسپلے کے ساتھ ہے جس میں آئی پی ایس ایل سی ڈی پینل دیئے گئے ہیں جبکہ گزشتہ سال کے مقابلے میں اس بار فنگر پرنٹ سنسر بیک پر منتقل کردیا گیا ہے۔
نوکیا سکس 2018 میں اسنیپ ڈراگون 630 پراسیسر دیا گیا ہے جو کہ پہلے کے مقابلے میں زیادہ طاقتور ہے، گزشتہ سال کے فون میں اسنیپ ڈراگون 430 پراسیسر موجود تھا۔
تھری جی بی ریم اور 32 جی بی اسٹوریج دی گئی ہے جس میں مائیکرو ایس ڈی کارڈ سے اضافہ کیا جاسکتا ہے جبکہ اسٹاک اینڈرائیڈ اوریو آپریٹنگ سسٹم دیا گیا ہے۔

اس فون کے بیک پر 16 میگا پکسل کا کیمرہ موجود ہے جس میں ڈوئل ایل ای ڈی فلیش ہے جبکہ فرنٹ پر 8 میگا پکسل کیمرہ دیا گیا ہے۔
نوکیا نے چپکے سے نیا اسمارٹ فون پیش کردیا
اس میں 3000 ایم اے ایچ بیٹری ہے جس کو فاسٹ چارجنگ کے لیے یو ایس بی ٹائپ سی سپورٹ دی گئی ہے اور کمپنی کے مطابق آدھے گھنٹے میں ہی اسے 50 فیصد تک چارج کیا جاسکتا ہے۔خاص بات یہ ہے کہ اس بیٹری کا اسٹینڈ بائی ٹائم 507 گھنٹے یا 21 دن تک ہے جبکہ لگاتار 16 گھنٹے تک بات کی جاسکتی ہے یا 119 گھنٹے تک میوزک پلے کیا جاسکتا ہے۔اس کی قیمت پاکستان میں 29 ہزار 900 روپے رکھی گئی ہے

فرینکفرٹ: (ٹیکنالوجی ڈیسک/ ایمرا نیوز)جرمن ماہرین نے ایک خاص قسم کی چمگادڑ ’فلائنگ فوکس‘ کا جدید روبوٹ ماڈل بنایا ہے جو ہوبہو اسی انداز میں پرواز کرتا ہے۔

دنیا کے کئی ممالک میں پائی جانے والی اس چمگادڑ کے ماڈل کو ماہرین نے ایک چیلنج سمجھ کر قبول کیا ہے۔ اس کے پروں کی چھلی بہت نفیس ہوتی ہے اور دورانِ پرواز یہ اپنی انگلیوں کی مدد سے اس جھلی کے خم کو قابو کرتی ہے اور بہت پھرتی سے چکر کاٹتی ہے۔ یہاں تک کہ بہت سست پرواز کے دوران بھی فلائنگ فوکس اوپر کی جانب اٹھتی رہتی ہے۔ اسی بنا پر ماہرین نے اس پر تحقیق کرکے اس کا اڑن روبوٹ تیار کیا ہے۔
جرمن کمپنی فیسٹو نے اسے تیار کیا ہے جبکہ اس روبوٹ چمگادڑ کا وزن صرف 580 گرام ہے اور لمبائی 87 سینٹی میٹر ہے۔ اس کے پروں کی لمبائی 228 میٹر ہے۔ اس میں دو طرح کی حرکات کو مدِنظر رکھا گیا ہے جو پرائمری اور سیکنڈری کائنامیٹکس ہیں۔ انہیں سمجھنا بہت مشکل ہوتا ہے لیکن ماہرین نے اس کی طبیعیات کو سمجھتے ہوئے یہ روبوٹ تیار کیا ہے۔
ماہرین نے خاص مٹیریل سے چمگادڑ کے پر بنائے ہیں جو ایک جانب بہت ہلکے لیکن مضبوط اور لچکدار بھی ہیں۔ لچکدار مٹیریل کو 45000 مقامات پر باہم جوڑا گیا ہے، اس طرح مٹیریل کو نقصان پہنچنے کے باوجود بھی چمگادڑ پرواز کرتی رہتی ہے۔

ماہرین کا خیال ہے کہ روبوٹ چمگادڑ کو کئی اہم کاموں میں استعمال کرنے کے ساتھ ساتھ اس سے پرندوں اور دیگر جانداروں کی پیچیدہ اڑان سمجھنے میں بھی مدد مل سکے گی۔