Category سائنس اور ٹیکنالوجی

سماجی رابطوں کی سب سے مشہور ویب سائٹ فیس بک نے میانمار میں بغاوت کے بعد ان کی فوج کے زیر سایہ چلنے والا ایک پیج ڈیلیٹ کر دیا ہے۔ یہ اقدام دو افراد کی ہلاکت کے بعد اٹھایا گیا ہے۔
فیس بک حکام کا کہنا ہے کہ فوج کے زیر انتظام چلنے والے اس پیج کے ذریعے قوانین اور ضابطوں کی صریحاً خلاف ورزی کی گئی ہے۔بیان میں کہا گیا ہے کہ ہمارے کمیونیٹی سٹینڈرڈز کی لگاتار خلاف ورزیوں کی وجہ سے فیس بک پر سے ٹیٹماڈاو ٹرو نیوز انفارمیشن ٹیم پیج کو ہٹا دیا گیا ہے۔
خیال رہے کہ میانمار کی فوج کی جانب سے اس فیس بک پیج کے ذریعے مظاہرین کو متنبہ کرنے کا کام لیا جا رہا تھا۔

سام سنگ کے موبائلز کی فہرست میں اس وقت A32 سب سے سستا ترین 5g فون ہے جو کہ حال ہی میں یورپ میں متعارف کروایا گیا تھا لیکن اب یہ موبائل فون تھائی لینڈکے صارفین کیلئے بھی پیش کر دیا گیاہے ، چینی موبائل ساز کمپنیوں کے ساتھ مقابلہ بازی کے باعث سام سنگ نے اس کی قیمت بہت زیادہ نہیں رکھی ہے ۔

پاکستان میں ابھی 5g عوام کیلئے میسر نہیں ہے جس کے باعث A32 کا 5g ورژن بھی پاکستان میں متعارف نہیں کروایا جارہاہے لیکن پاکستانیوں کیلئے سام سنگ A32 کا 4g ورژن جلد ہی متعارف کروانے جارہاہے جس کی ممکنہ قیمت 43 ہزار روپے تک ہو سکتی ہے ۔

کورونا وبا: مزید 28 افراد جاں بحق، فعال کیسز کی تعداد 32 ہزار514 ہوگئی

سام سنگ کے موبائل فون A32 میں 5g واحد خاص بات ہے جو کہ اسے A31 سے منفرد کرتی ہے جب کہ اس میں ” میڈیا ٹیک ڈیمنسٹی 720 “ چپ نسب کی گئی ہے جو کہ اس کا دل ہے ۔موبائل فون تین مختلف ویرنٹس کے ساتھ دستیاب ہے ، آپ اپنی پسند کے مطابق 4،6 یا 8 جی بی ریم کے ساتھ فون کا انتخاب کر سکتے ہیں جبکہ اس کے ساتھ 64 یا 128 جی بی سٹوریج سپیس کی آپشن بھی موجود ہے ۔
سام سنگ کے اس نئے موبائل فون میں 5 ہزار ایم اے ایچ کی بیٹری لگائی گئی ہے جو کہ صارفین کو دیر تک بغیر چارج کیے فون استعمال کرنے کی بہترین سہولت فراہم کرتی ہے جبکہ کم وقت میں زیادہ چارجنگ کیلئے 15 واٹ کا تیز ترین چارجر دیا گیاہے جو کہ اسے مزید کارآمد اور طاقتور بناتاہے ۔سام سنگ A32 میں اینڈرائڈ ورژن 11 ،ون یو آئی 3.0 دیا گیاہے ۔
A32 کا سکرین سائز 6.5 انچ ہے اور اس میں روایتی ٹی ایف ٹی پینل نصب کیا گیاہے جو کہ 720p ریزولوشن رزلٹ فراہم کرتاہے ۔ فون میں چار کیمرے لگائے گئے ہیں جن میں مین کیمرہ 48 میگا پگسل ، 5 میگا پگسل میکرو شوٹر ، الٹر وائڈ کیمرہ 8 میگا پکسل ، ڈیپتھ کیمرہ 2 مگیا پکسل کا ہے ۔اس کے علاوہ سیلفی کے شوقین افراد کیلئے فرنٹ کیمرہ 13 میگا پگسل کا دیا گیاہے ۔
اس کے علا وہ فون میں تھمب پرنٹ ، ڈیول سپیکر ، 3.5 ایم ایم کا ہیڈ فون جیک لگایا گیاہے ، یہ فون سفید ، سیاہ ، نیلے اور وائلٹ رنگ میں دستیاب ہے ،تھائی لینڈ میں اس کی قیمت 333 ڈالر رکھی گئی ہے جو کہ پاکستانی 53 ہزار روپے بنتی ہے ۔
پاکستان میں ابھی 5g عوام کیلئے میسر نہیں ہے جس کے باعث A32 کا 5g ورژن بھی پاکستان میں متعارف نہیں کروایا جارہاہے لیکن پاکستانیوں کیلئے سام سنگ A32 کا 4g ورژن جلد ہی متعارف کروانے جارہاہے جس کی ممکنہ قیمت 43 ہزار روپے تک ہو سکتی ہے ، یہ موبائل فون چار جی بی ریم کے ساتھ پاکستانی موبائل مارکیٹ میں فروخت کیلئے پیش کیا جائے گاجبکہ اس میں 128 جی بی سٹوریج سپیس دی جائے گی ۔

بھارت اپنی روایتی ہٹ دھرمی کو برقرار رکھتے ہوئے پاکستان میں شر انگیزیوں کی سازشیں کرتا رہتا ہے جس کے ثبوت سامنے آنے پر بھارت کو عالمی سطح پر بھی سبکی کا سامنا کرنا پڑتا ہے ۔ بھارت پاکستان کے خلاف دشمنی میں کسی بھی حد تک جا سکتا ہے پھر چاہے وہ الزام تراشی ہو یا بھارت میں پاکستان کی دہشتگردی کے بھونڈے دعوے۔ اس حوالے سے حال ہی میں گلگت کے نوجوان نے بھارت کی پراکسیز کے لیے استعمال ہونے کا اعتراف کر لیا ہے۔ نجی ٹی وی کی رپورٹ کے مطابق سید حیدر شاہ رضوی (مرحوم) کے بیٹے مہدی شاہ رضوی نے اعتراف کیا کہ مافیاز نے ان کے والد کو گمراہ کر کے پاکستان مخالف بیانیے پر مجبور کیا، پیسے کمائے اور پھر وہی کہانی اِن کے ساتھ بھی دہرائی گئی۔اسکاٹ لینڈ میں مقیم ڈاکٹر امجد ایوب مرزا، برطانیہ میں مقیم سجاد راجہ اور شوکت کشمیری بھی گلگت بلتستان کے لوگوں کو پاکستان مخالف بیانیے کے لیے استعمال کر رہے تھے۔
سید حیدر شاہ رضوی کی موت کو ایجنسیوں پر ڈال کر ان کے بیٹے مہدی شاہ کو ورغلایا گیا۔ مہدی شاہ نے پاکستان مخالف بیانیہ اپنا کر فرانس میں سیاسی پناہ کی درخواست دی۔ مہدی شاہ نے بتایا کہ مجھے پاکستان، ریاست، فوج اور اداروں کے خلاف اکسایا گیا، اٹلی سے امجد مرزا نے رابطہ کر کے پاکستان مخالف مظاہروں کے لیے اکسایا جبکہ امجد ایوب مرزا نے پیسے دیئے اور انڈیا کے ساتھ کھڑے ہونے کا یقین دلایا، پاکستان کے خلاف اٹلی میں پاکستانی سفارتخانے کے باہر احتجاج کا لالچ دیا۔
مہدی شاہ کا کہنا ہے کہ میری ویڈیوز میں فوج اور اداروں کے خلاف تمام اسکرپٹ لکھ کر دیا گیا، اس کے بعد فوج مخالف میری ویڈیوز سوشل میڈیا پر وائرل کی گئیں، اقوامِ متحدہ میں نمائندگی کا لالچ اور مودی سے ملاقات کا وعدہ بھی کیا گیا۔ مہدی شاہ نے کہا کہ پاکستان کے خلاف آن لائن کانفرنسوں میں بھی شریک کروایا گیا، مجھے اور دیگر نوجوانوں کو پاکستان اور فوج کے خلاف اکسایا جاتا ہے۔
انہوں نے کہا کہ اقوامِ متحدہ میں ہیومن رائٹس سیشن کے دوران پاک فوج کے خلاف بولنے کا سکرپٹ دیا گیا، فوج اور پاکستان مخالف مظاہروں کے لیے بھرپور مالی معاونت کا یقین دلایا گیا اور کہا گیا کہ فرانس میں کال دو اور پاکستانی سفارتخانے کے باہر پاکستان جھنڈا اور پاسپورٹ کو جلا دو۔ را کے لیے کام کرنے والے شوکت کشمیری، سنگِ سیرنگ حسن اور وجاہت حسن خان سے بھی رابطہ ہوا۔

حکومت سوشل میڈیا رولز میں نظر ثانی کرنے پر تیار ہوگئی۔ اٹارنی جنرل نے اسلام آباد ہائیکورٹ کو آگاہ کر دیا۔ عدالت نے پی ٹی اے اور سٹیک ہولڈرز کو مشاورت کے بعد رپورٹ پیش کرنے کی ہدایت کر دی۔
اسلام آباد ہائیکورٹ میں سوشل میڈیا رولز کیخلاف کیس کی سماعت ہوئی۔ اٹارنی جنرل نے عدالت کو بتایا کہ کسی سوشل میڈیا پلیٹ فارم کو بند کرنا مسئلے کا حل نہیں، یہ رولز حرف آخر نہیں، سٹیک ہولڈرز تجاویز دے سکتے ہیں۔ جس پر چیف جسٹس ہائیکورٹ نے کہا کہ لگ رہا ہے پی ٹی اے نے سٹیک ہولڈرز سے مشاورت نہیں کی، مشاورت کی جائے تاکہ کوئی ابہام ہی نہ رہے۔ اٹارنی جنرل نے عدالت سے استدعا کی کہ سٹیک ہولڈرز سے مشاورت کے بعد رپورٹ پیش کروں گا، عدالتی معاونت کیلئے وقت دیا جائے۔عدالت نے کہا سٹیک ہولڈرز کو بلا کر سننا مناسب تجویز ہے، اٹارنی جنرل رپورٹ پیش کریں گے تو بہتر چیز سامنے آئے گی، اٹارنی جنرل نے کہہ دیا سٹیک ہولڈرز کو سننے کیلئے تیار ہیں۔ اسلام آباد ہائیکورٹ نے سوشل میڈیا رولز سے متعلق کیس کی سماعت 4 ہفتے کیلئے ملتوی کر دی۔

جعلی آئی ڈیز بنا کر فیس بک کے ذریعے لڑکیوں کو بلیک میل کرنیوالا ملزم پکڑا گیا اور مقامی عدالت نے جعلی فیس بک آئی ڈیز بنا کر لڑکیوں کو بلیک میل کرنے کے مقدمے میں ملزم صبیح فرحت کو 21 جنوری تک جسمانی ریمانڈ پر ایف آئی اے کے حوالے کردیا۔
کراچی سٹی کورٹ میں جوڈیشل مجسٹریٹ ساؤتھ کے روبرو جعلی فیس بک آئی ڈیز بنا کر لڑکیوں کو بلیک میل کرنے کے مقدمے کی سماعت ہوئی۔ ایف آئی اے نے ملزم صبیح فرحت کو عدالت میں پیش کیا۔تفتیشی افسر نے موقف دیا کہ ملزم نے 150 جعلی آئی ڈیز بنا رکھی تھیں جن کے ذریعے لڑکیوں کو ہراساں کرتا تھا۔ ملزم نے ایک لڑکی سے شادی کی خواہش ظاہر کی لیکن شادی سے انکار پر لڑکی کی نازیبا تصاویر اسکی بہن کو بھیج دیں۔ ملزم نے لڑکی کو غیر اخلاقی تصاویر سوشل میڈیا پر ڈالنے کی دھمکیاں بھی دیں۔متاثرہ خاندان کی درخواست پر ایف آئی نے بروقت کارروائی کی اور ملزم کو گرفتار کرکے اس سے لڑکیوں کی نازیبا تصاویریں بھی برآمد کرلیں۔ ایف آئی اے نے درخواست کی کہ ملزم سے مزید تفتیش کرنے کے لیے ریمانڈ دیا جائے۔ عدالت نے ملزم کو 21 جنوری تک جسمانی ریمانڈ پر ایف آئی اے کے حوالے کردیا۔

امریکی ریاست کیلیفورنیا میں سانتا کلاز کا روپ دھارنے والا شخص بجلی کے ہائی وولٹیج تاروں میں پھنس گیا۔
شہری نے کرسمس کی آمد کے پیش نظر سانتا کلاز کے کپڑے زیب تن کئے اور بچوں میں ٹافیاں تقسیم کرنے کیلئے نکلا۔ سانتا کلاز نے فضا سے ٹافیاں تقسیم کرنے کا ارادہ کیا جس کیلئے اُس نے اپنا ذاتی ایئر کرافٹ استعمال کیا۔
سانتا کلاز نے ہزاروں فٹ بلندی سے چھلانگ لگائی اور پیرا شوٹ کی مدد سے ہوا میں اڑتے ہوئے بچوں کیلئے ٹافیاں پھینکیں کہ اسی دوران اُس کا پیرا شوٹ بجلی کے تاروں میں پھنس گیا۔

محکمہ فائر بریگیڈ کے رضاکاروں نے کرین اور سیڑھی کی مدد سے تاروں میں پھنسے سانتا کلاز کو ریسکیو کیا اور پھر اُسے ہسپتال منتقل کیا۔ خوش قسمتی سے سانتا کلاز کو حادثے میں معمولی چوٹیں آئیں۔

واشنگٹںن (وقت ٹی وی آن لائن ) واٹس ایپ کمپنی نے دعویٰ کیا ہے کہ اس نے ایپ میں اس سیکیورٹی مسئلے کو دور کردیا ہے جس کی وجہ سے صارفین کے فون نمبرز گوگل سرچ رزلٹ پر دکھائی دے رہے تھے۔

ٹیکنالوجی ویب سائٹ ٹیک کرنچ کی رپورٹ کے مطابق ایک انٹرنیٹ سیکیورٹی محقق اتول جے رام نے کہا کہ صارفین کی جانب سے شکایت کی جارہی تھی کہ جو فون نمبر کلک ٹو چیٹ فیچر کے لیے استعمال کیے جارہے ہیں وہ گوگل سرچ میں نمایاں ہو رہے ہیں۔

جے رام کا کہنا تھا کہ کلک ٹو چیٹ سے ایک لنک بنتا ہے جس میں صارفین کے فون نمبر سادہ ٹیکسٹ میں نظر آتے ہیں تاہم ان لنکس کے لیے سرور روٹ میں robot.txt فائل نہیں ہوتی تو یہ گوگل یا دیگر سرچ انجنز کے انڈیکس میں انہیں شو ہو جاتے ہیں۔

انہوں نے بتایا کہ 3 لاکھ فون نمبروں کو گوگل سرچ رزلٹس میں دیکھا جسے ‘ site:wa.me ‘ سرچ کیا جاسکتا ہے۔

رپورٹ کے مطابق یہ پہلی بار نہیں جب اس مسئلے کو رپورٹ کیا گیا ہے اس سے قبل فروری میں WaBetaInfo نے بھی اس کی نشاندہی کی تھی۔

تاہم اس نئے سیکیورٹی مسئلے پر واٹس ایپ کے ایک ترجمان نے بتایا کہ کلک ٹو چیٹ فیچر صارفین کو مدد دینے کے لیے ڈیزائن کیا گیا خصوصاً چھوٹے اور مائیکرو کاروباری اداروں کے لیے تاکہ وہ اپنے صارفین سے رابطے میں رہ سکیں۔

جب کہ فیس بک نے 2018 میں فون نمبروں کی مدد سے صارفین کو لوگوں کو تلاش کرنے سے پہلے ہی روک دیا تھا۔

لاہور ( وقت ٹی وی آن لائن ) طیارہ حادثے میں جاں بحق ہونے والے افراد کی لاشوں کی شناخت کرنے کے لیے پنجاب فرانزک لیب کی ٹیمیں لاہور سے کراچی پہنچ گئیں۔

اس حوالے سے پنجاب فرانزک سائنس ایجنسی کے سربراہ ڈاکٹر طاہر اشرف نے جیو نیوز سے ٹیلیفونک گفتگو کرتے ہوئے بتایا کہ پنجاب فرانزک سائنس ایجنسی ایشیاء کی سب سے بڑی لیبارٹری ہے اور حکومت پنجاب نے سندھ حکومت کی مشاورت سے فرانزک ٹیمیں کراچی بھیجی ہیں۔

ڈاکٹر طاہر اشرف نے کہا کہ 8 فرانزک سائنسدانوں پر مشتمل تین ٹیمیں کراچی بھیجی گئی ہیں تاکہ لاشوں کے نمونے لے کر شناخت کی جاسکے۔ ان کا کہنا تھا کہ فرانزک ٹیمیں آج نمونے اکٹھا کرنا شروع کریں گی جو میتوں، ان کے والدین، بہن بھائی یا اولاد میں سے کسی کے ہوں گے۔

انہوں نے کہا کہ نمونے لاہورپہنچتے ہی فرانزک ایجنسی دن رات کام کرےگی اور 24 گھنٹوں بعد ڈی این اے نتائج دینا شروع کردیں گے، اس سلسلے میں پنجاب فرانزک سائنس ایجنسی کے سائنسدانوں کی عید چھٹیاں منسوخ کردی گئی ہیں۔

واضح رہے کہ گزشتہ روز پاکستان انٹرنیشنل ائیرلائنز (پی آئی اے) کی لاہور سے کراچی آنے والی پرواز لینڈنگ سے کچھ دیر قبل ماڈل کالونی جناح گارڈن کے علاقے میں حادثے کا شکار ہوگئی جس کے نتیجے میں 97 افراد جاں بحق ہوگئے۔

حادثے میں جاں بحق ہونے والے زیادہ ترافراد کی لاشیں جھلسی ہوئی ہیں جس کے باعث ان کی شناخت میں دشواری کا سامنا ہے۔

امریکہ ( وقت ٹی وی آن لائن ) کورونا وائرس کے پھیلاؤ کو روکنے کے لیے متعدد کمپنیوں کی جانب سے اپنے اپنے ملازمین کی حفاظت کے لیے انہیں گھروں سے کام کرنے کی ہدایت دی گئی ہے۔

متعدد معروف کمپنیاں جس میں گوگل، فیس بک اور ٹوئٹر وغیرہ شامل ہیں، ان کے ملازمین عالمی وبا کے پیش نظر گھروں میں ہی رہ کر کام کر رہے ہیں۔

گزشتہ دنوں فیس بک اور گوگل نے اپنے ملازمین کے لیے گھر سے کام کرنے کی پالیسی میں 7 ماہ کے مزید اضافے کا اعلان کیا تھا۔ دوسری جانب حال ہی میں مائیکرو بلاگنگ سائٹ ٹوئٹر کے سربراہ نے بھی ملازمین کو ہمیشہ گھر سے کام کرنے کا آپشن دیا تھا۔

اب سماجی رابطوں کے مقبول ترین پلیٹ فارم فیس بک کے بانی مارک زکربرگ کی جانب سے بھی اعلان کیا گیا ہے کہ اگر ملازمین چاہیں تو وہ گھروں سے مستقل کام کر سکتے ہیں۔

مارک زکر برگ کا کہنا تھا کہ اگلے 5 سے 10 سالوں کے دوران فیس بک کے 50 فیصد ملازمین گھروں میں رہ کر ہی کام کریں گے۔