Category سائنس اور ٹیکنالوجی

کراچی: مائیکروسافٹ نے پاکستان کیلئے نئی لیڈ شپ کا اعلان کر دیا۔ 2007 میں مائیکروسافٹ کا حصہ بنے والے عابد زیدی پاکستان میں کنٹری منیجر مقرر کر دیاجس کے بعد ریجنل لیڈر شپ ٹیم میں شامل ہو گئے ۔
مائیکروسافٹ کا کنٹری منیجر بننے پر عابد زیدی کا کہنا تھا کہ ”میں اس وقت یہ عہدہ ملنے پر بہت خوش ہوں جب مائیکروسافٹ، ہمارے صارفین اور اس صنعت میں پہلے سے بھی زیادہ تیزی سے تبدیلیاں ہو رہی ہیں“، انہوں نے مزید کہا کہ ” میرے لیے یہ ایک بڑا اچھا موقع ہے کہ ہم ایک ایسا کلچر متعارف کرائیں جس کی بنیاد ہمارا وہ مشن ہو جس کا مقصد کرہ ارض پر موجود ہر شخص اور ادارے کو زیادہ کامیابی حاصل کرنے کے قابل بنانا ہے۔نیزیہ موقع ہے کہ میں خاص طور پر پاکستان اور عمومی طور پر پورے ریجن پر گہرا اثر چھوڑ سکوں۔ میں ہمارے صارفین، پارٹنرز، گورنمنٹس اور کمیونیٹیز کی کامیابی کے لیے پرعزم ہوں۔

کیلی فورنیا: مائیکروسافٹ کے بانی اور دنیا کے امیر ترین شخص بل گیٹس نے فیس بک کی فوٹو شیئرنگ ایپ انسٹاگرام پر بھی اپنا اکاونٹ بنا لیا۔
تفصیلات کے مطابق بل گیٹس انسٹا گرام پر اپنے فلاحی ادارے بل اینڈ ملینڈا فاؤنڈیشن کی سرگرمیوں کی تصاویر شیئر کر رہے ہیں۔بل گیٹس کے نسٹاگرام پر اکاو¿نٹ بناتے ہیں چند گھنٹوں میں ان کے فالورز کی تعداد انسٹاگرام پر جیف بیزوس کے فالورز کی تعداد سے بڑھ گئی، حالانکہ بل گیٹس نے صرف ایک پوسٹ کی ہی تھی، اس کے باوجود انہوں نے جیف بیزوس کو دولت کی طرح فالورز میں بھی پیچھے چھوڑ دیا۔

نوکیا نے کئی برس بعد 3310 اور اینڈرائیڈ فونز کے ذریعے اسمارٹ فون مارکیٹ میں واپسی کی ہے اور اب اس کا پہلی فلیگ شپ ڈیوائس بدھ (16 اگست) کو سامنے آنے والی ہے۔
نوکیا 8 (ممکنہ نام) کے ذریعے فن لینڈ کی یہ کمپنی اپنا پہلا فلیگ شپ اینڈرائیڈ فون پیش کرنے والی ہے، لیکن کیا یہ آئی فون یا گلیکسی ایس سیریز کا مقابلہ کرسکے گا؟
جیسا آپ کو علم ہوگا کہ نوکیا برانڈ کے رائٹس اس وقت ایچ ایم ڈی گلوبل کے پاس ہیں اور اس پر پہلے فلیگ شپ فون کے حوالے سے کافی دباﺅ بھی ہے۔
ویسے تو کمپنی کی جانب سے فون کی تفصیلات سامنے نہیں آئیں مگر متعدد لیکس کے ذریعے اس کے فیچرز کا کافی حد تک اندازہ لگایا جاچکا ہے، بلکہ تصاویر بھی آچکی ہیں۔
دلچسپ بات تو یہ ہے کہ نوکیا کے پہلے ‘آئی فون کلر’ فلیگ شپ فون کی تصویر کو گزشتہ ماہ چین میں نوکیا کی آفیشل ویب سائٹ پر جاری کردیا گیا تھا اور غلطی کا احساس ہوتے ہی اسے ڈیلیٹ بھی کردیا گیا۔
اگر لیکس کو درست مانا جائے تو یہ فون 5.3 انچ کے لگ بھگ بیزل لیس ڈسپلے کے ساتھ ہوگا جبکہ میٹل باڈی کے ساتھ پہلی بار یہ کمپنی ڈوئل کیمرہ بھی صارفین کے لیے پیش کرے گی۔
اس کی اسکرین 2650×1440 ریزولوشن کے ساتھ ہوسکتی ہے اور یہ گلیکسی ایس 8 جیسے طاقتور کوالکوم اسنیپ ڈراگون 835 پراسیسر کے ساتھ متعارف ہوگا۔
اس میں ممکنہ طور پر 6 جی بی ریم بھی دی جائے گی جو گلیکسی ایس ایٹ میں بھی نہیں۔
اس کی اسٹوریج کے بارے میں تو تفصیلات سامنے نہیں آئیں مگر یہ امکان ہے کہ اس میں مائیکرو ایس ڈی کارڈ سلاٹ ضرور ہوگا۔
اینڈرائیڈ نیویگیٹ آپریٹنگ سسٹم اور ہیڈ فون جیک کے ساتھ اس کی قیمت 675 ڈالرز (71 ہزار پاکستانی روپے سے زائد) تک ہوسکتی ہے۔
اور ہاں لندن میں اس حوالے سے ہونے والے ایونٹ میں نوکیا ایٹ کے ساتھ نوکیا ٹو نامی اسمارٹ فون بھی متعارف کرائے جانے کا امکان ہے جو اس کمپنی کا سستا ترین فون ہوگا۔
اس فون کے فیچرز تو کچھ زیادہ خاص نہیں، جیسے اسنیپ ڈراگون 212 سسٹم، 2800 ایم اے ایچ بیٹری اور ایک جی بی ریم، البتہ قیمت ضرور 99 پاﺅنڈز (13 ہزار روپے سے زیادہ) ہوسکتی ہے۔

سماجی رابطے کی ویب سائٹ فیس بک اس بات سے واقف ہوتی ہے کہ کروڑوں افراد اپنے فونز میں کیا کررہے ہیں، چاہے وہ لوگ اس ویب سائٹ کا استعمال نہ بھی کررہے ہوں۔
یہ دعویٰ امریکی جریدے وال اسٹریٹ جرنل کی ایک رپورٹ میں سامنے آیا۔
ویسے تو فیس بک خود تسلیم کرتی ہے کہ وہ صارفین کا ڈیٹا جمع کرتی ہے جس کا مقصد ان کے استعمال کا تجربہ بہتر بنانا ہوتا ہے۔
تاہم اس رپورٹ میں دعویٰ کیا گیا ہے کہ فیس بک کسی اور کمپنی کے جمع کردہ ڈیٹا کو صارفین کی ایپ اور ویب سائٹس کے استعمال کی عادات کی تفصیلات جاننے کے لیے استعمال کرتی ہے، جیسے وہ کن ایپس کو استعمال کرتے ہیں، کتنا زیادہ استعمال کرتے ہیں اور کتنی وقت تک استعمال کرتے ہیں، وغیرہ وغیرہ۔
یہ معلومات فیس بک پراڈکٹ روڈ میپ کو شکل دینے کے لیے استعمال کی جاتی ہیں اور اسی وجہ سے واٹس ایپ کو خریدا گیا جبکہ اسنیپ چیٹ کو کچلنے کی کوشش کی جارہی ہے۔
فیس بک کے پاس اتنی زیادہ معلومات ہوتی ہیں کہ اسے علم ہوتا ہے کہ اسنیپ چیٹ صارفین کتنی پوسٹس روزانہ ایک دوسرے کو بھیجتے ہیں۔
اس سیٹ اپ سے فیس بک کو یہ جاننے میں مدد ملتی ہے کہ کونسی ایپس اور ویب سائٹس صارفین کے وقت کے لحاظ سے اس کے مقابل ہیں اور اس سے کمپنی کو انہیں شکست دینے میں کافی آسانی مل جاتی ہے۔
رپورٹ کے مطابق فیس بک Onavo Protect نامی ایپ سے ڈیٹا اکھٹا کرتی ہے جو کہ ایک مفت وی پی این ایپ ہے اور اس کا دعویٰ ہے کہ یہ صارفین کا آن لائن ڈیٹا محفوظ رکھتی ہے، تاہم یہ جس کمپنی نے تیار کی تھی اسے فیس بک نے چند سال پہلے خرید لیا تھا۔
یہ ایپ اس وقت بھی ڈھائی کروڑ کے قریب افراد استعمال کررہے ہیں اور رپورٹ میں بتایا گیا کہ جن لوگوں کے فونز میں یہ انسٹال ہے، وہ جب کوئی ایپ اوپن یا ویب سائٹ کھولتے ہیں، تو یہ ایپ ٹریفک کو فیس بک سرورز کی جانب ری ڈائریکٹ کردیتی ہے۔
Onavo Protect کی شرائط میں درج بھی ہے کہ یہ موبائل ڈیٹا اور ایپ کے استعمال کا تجزیہ کرتی ہے اور اسے ‘ملحقہ اداروں’ سے شیئر بھی کرسکتی ہے تاہم لوگ عام طور پر اسے پڑھتے ہی نہیں۔

جدہ: شاہ عبدالعزیز ہسپتال کے ڈاکٹروں نے مریض کے معدے سے سیکڑوں زنگ آلود کیلیں نکالنے کا کامیاب آپریشن کر لیا ۔
سعودی ذرائع ابلاغ کے مطابق جدہ کے شاہ عبدالعزیز ہسپتال میں ایک مریض کو لایا گیا جسے پیٹ میں شدید تکلیف کی شکایت تھی۔ ڈاکٹروں نے مریض کا ایکسرے کیاجس میں معلوم ہوا کہ اس کے معدے میں غیر معمولی چیز ہے۔
ایکسرے میں واضح طور پر معلوم نہیں ہو رہا تھا کہ معدے میں کیا ہے جس کے بعد اس کا الٹرا ساؤنڈ کیا گیا جس سے معلوم ہوا کہ مریض کے معدے میں کیل نمااجسام ہیں۔
الٹرا ساؤنڈ کی رپورٹ دیکھ کر ڈاکٹروں نے فوری طور پر آپریشن کیا جس کے مریض کے معدے سے سینکڑوں آہنی کیلیں نکال لی گئیں

نیویارک: انٹرنیٹ ٹیکنالوجی کے حوالے سے دنیا کی سب سے بڑی کمپنی گوگل کی جانب سے گزشتہ ہفتے ایک انجنیئر کو ملازمت سے فارغ کرنے پر کمپنی کے سربراہ خلاف امریکا کے مختلف شہروں میں احتجاجی بینر لگ گئے ۔ گوگل کے چیف ایگزیٹو آفیسر (سی ای او) سندر پچائی نے نوجوان انجنیئر جیمز ڈیمور کو کمپنی میں خواتین ملازموں کی تعداد بڑھانے پر تنقید کرنے پر گزشتہ ہفتے 8 اگست کو ملازمت سے فارغ کیا تھا۔

غیرملکی خبررساں ادارے کے مطابق انجنیئر جیمز ڈیمور نے گوگل میں خواتین ملازموں کی تعداد بڑھانے پر کمپنی کی پالیسی کو تنقید کا نشانہ بناتے ہوئے 300 الفاظ پر مشتمل اپنے مضمون میں کہا تھا کہ خواتین ٹیکنالوجی کے شعبے میں اتنی ماہر نہیں ہوتیں، اس لیے ان کی تعداد نہ بڑھائی جائے۔ ملازم کی جانب سے جنسی تعصب پر مبنی تجویز سامنے آنے کے بعد گوگل کے سی ای او نے جیمز ڈیمور کو نوکری سے فارغ کردیا تھا، جس پر سب سے پہلے ملازم نے خود اور اس کے بعد اس کے ساتھیوں نے احتجاج شروع کیا، لیکن اب یہ احتجاج مختلف شہروں میں آویزاں کیے گئے بینرز کی صورت میں سامنے آ رہا ہے۔

ملازمت سے فارغ کیے جانے کے بعد جیمیز ڈیمور نے گوگل کے ہیڈ آفیس کے باہر بینر اٹھاکر احتجاج کیا۔ ملازم کی جانب سے احتجاج کیے جانے کے بعد لاس اینجلس سمیت امریکا کے مختلف شہروں میں گوگل کے بھارتی نڑاد سی ای او سندر پچائی کے خلاف احتجاجی بینر لگ گئے ۔بینرز میں سندر پچائی اور ایپل کے سی ای او کا موازنہ کیا گیا، جب کہ کچھ بینرز صرف گوگل کمپنی کے خلاف لگائے گئے ۔ گوگل کے خلاف احتجاجی بینر لگائے جانے کے ساتھ کچھ مقامات پر گوگل کے دفاتر کی جانب جانے والے راستوں کو بند کرکے سڑک کنارے بینر آویزاں کیے گئے ۔لاس اینجلس کی ایک خاتون نے وینیس علاقے کی تصاویر ٹوئیٹ کیں، جن میں بتایا گیا کہ گوگل کے دفتر جانے والے راستے کو بند کردیا گیا۔

نیو یارک : فیس بک اب یوٹیوب اور ٹی وی نیٹ ورک جیسی مقبول ویب سائٹس سے ٹکرانے کی تیاریوں میں ہے۔مقبول سوشل ویب سائٹ ویڈیو کے لیے خصوصی ویب سائٹ متعارف کروا رہی ہے۔
”واچ ٹیب“ کے ذریعے صارفین اپنی مرضی کے مطابق ویڈیو دیکھ سکیں گے اور وہ یہ بھی دیکھ سکیں گے کہ ان کے دوست کیا دیکھ رہے ہیں۔فیس بک کے مالک مارک زکربرگ نے کہا کہ ویڈیو دیکھنے کا مقصد یہ نہیں ہے کہ آپ غیر متحرک ہیں۔اس سے اپنے تجربات کو شیئر کرنے کا موقع مل سکتا ہے اور لوگوں کو اکٹھا کیا جا سکتا ہے۔

نیویارک: اسمارٹ فونز اور سوشل میڈیا کے اس دور میں جہاں دیگر تصاویر شیئر کرنے کے رجحان میں تیزی ہوئی ہے، وہیں سیلفی کا بخار بھی سر چڑھ کر بولنے لگا ہے۔تاہم کئی لوگ ایسے ہیں، جن کے کیمرے کا رزلٹ صحیح نہ ہونے کی وجہ سے ان کی سیلفی اچھی نہیں آتی۔لیکن متعدد لوگ ایسے بھی ہیں، جن کے پاس اچھے موبائل ہونے کے باوجود انہیں اچھی سیلفی کھینچنا نہیں آتی۔اب اس مسئلے کو حل کرنے کے لیے گوگل میدان میں آچکا ہے، اور کمپنی نے گوگل نیٹو کیمرہ ایپ ( گوگل کیمرہ) نامی ایک ایسی ایپلی کیشن متعارف کرادی، جو بہترین سیلفی لینے میں مدد فراہم کرتی ہے۔
میڈیارپورٹس کے مطابق اس طرح کی کئی اور سیلفی ایپلی کیشنز پہلے سے ہی کام کر رہی ہیں، تاہم گوگل کے مطابق گوگل کیمرہ ایپ کو خصوصی طور پر بہترین سیلفی کے لیے تیار کیا گیا، جو دیگر ایپس کے مقابلے اچھے رزلٹ کی تصویر اور ویڈیوز بنانے میں مدد فراہم کرتی ہے۔ گوگل کیمرہ ایپلی کیشن کو فوری طور پر اینڈرائڈ موبائل کے لیے متعارف کرایا گیا ہے، جب کہ فی الحال یہ ایپ کچھ ممالک میں دستیاب نہیں، لیکن جلد ہی یہ ایپ تمام ممالک میں دستیاب ہوگی۔کمپنی نے یہ وضاحت نہیں کی کہ گوگل کیمرہ کن کن ممالک میں فوری طور پر دستیاب نہیں، تاہم کمپنی کے مطابق اسے پلے اسٹور سے مفت ڈاؤن لوڈ کیا جاسکتا ہے۔
گوگل کیمرہ ایپ نہ صرف سیلفی بلکہ سیلفی ویڈیو بنانے میں بھی مدد فراہم کرتی ہے، ایپلی کیشن کی تیاری میں جدید ٹیکنالوجی کے استعمال کے باعث یہ ازخود روشنی اور رنگوں کو تصویر کے مطابق ڈھالنے کی اہلیت رکھتی ہے۔ گوگل کیمرہ ایپ کو استعمال کرنا نہایت ہی آسان ہے، جس طرح عام سیلفی ایپلی کیشنز استعمال کی جاتی ہیں، اسی طرح اسے بھی استعمال کیا جاسکے گا، تاہم یہ ایپ سیلفی کھیچنے میں چند سیکنڈ زیادہ وقت لیتی ہے۔ گوگل کی ایپلی کیشن کمپنی کے پکسل اور نیکشز موبائل پر فوری طور پر کام کرے گی، جب کہ فی الحال یہ ایپ آئی او ایس پر بھی کام نہیں کرے گی۔کمپنی کے مطابق جلد ہی اس ایپ کو تمام اسمارٹ موبائل کے لیے متعارف کرایا جائے گا۔
خیال رہے کہ فوری طور پر یہ ایپ پاکستانی صارفین کے لیے بھی گوگل ایپ پر دستیاب نہیں تھی، تاہم اسے پاکستان سمیت دیگر ممالک میں متعارف کرائے جانے کا کام جاری ہے۔

نیویارک : امریکی سائنسدانوں نے وائی فائی سے سو گنا تیز الٹرا فاسٹ وائی فائی کا کامیاب تجربہ کر لیا جس سے ڈیٹا کو انتہائی تیزی سے ارسال کیا جاسکتا ہے۔
امریکا کی براون یونیورسٹی کے اسکول آف انجینئرنگ کے سائنسدان اس ٹیکنالوجی کی تیاری پر کام کررہے ہیں ۔ان کا کہنا تھا کہ ہم نے علیحدہ علیحدہ ڈیٹا اسٹریم ٹرانسمیشن کیلئے ٹیرا ہرٹز ویوز کو استعمال کیا جو کہ بہت تیز رفتار ہے جبکہ اس میں خامیوں کی شرح نہ ہونے کے برابر ہے۔انہوں نے روایتی مائیکرو ویوز کی بجائے ٹیرا ہرٹز ویوز کو استعمال کرکے 50 گیگا بائٹ فی سیکنڈ کی رفتار سے ڈیٹا کو ٹرانسفر کیا۔بیشتر وائرلیس نیٹ ورکس میں زیادہ سے زیادہ رفتار 500 میگا بائٹس فی سیکنڈ ہوتی ہے۔
رپورٹ کے مطابق یہ پہلی بار ہے کہ اس طرح کی ویوز کو حقیقی ڈیٹا کی ٹرانسمیشن کے لیے استعمال کیا گیا اور ہمارے نتائج ثابت کرتے ہیں کہ مستقبل میں ٹیرا ہرٹز وائرلیس نیٹ ورکس کام کررہے ہوں گے۔موجودہ وائس اور ڈیٹا نیٹ ورکس میں مائیکرو ویوز کو استعمال کیا جاتا ہے جو سگنلز کو وائرلیس طریقے سے منتقل کرتے ہیں ان تجربات کے نتائج کو جریدے نیچر کمیونیکشن میں شائع کیا گیا۔

ورکس پر استعمال ہونے والے وائی فائی سے سو گنا تیز الٹرا فاسٹ وائی فائی کا کامیاب تجربہ کیا ہے جس سے ڈیٹا کو انتہائی تیزی سے ارسال کیا جاسکتا ہے۔
امریکا میں سائنسدانوں نے روایتی مائیکرو ویوز کی بجائے ٹیرا ہرٹز (terahertz) ویوز کو استعمال کرکے 50 گیگا بائٹ فی سیکنڈ کی رفتار سے ڈیٹا کو ٹرانسفر کیا۔
آج کے بیشتر وائرلیس نیٹ ورکس میں زیادہ سے زیادہ رفتار 500 میگا بائٹس فی سیکنڈ ہوتی ہے۔
اس نئی ٹیکنالوجی کا اندازہ اس بات سے لگایا جاسکتا ہے کہ اس کی مدد سے آپ پلک جھپکنے کے دوران 18 سے 20 فلمیں ڈاﺅن لوڈ کرسکتے ہیں۔
امریکا کی براﺅن یونیورسٹی کے اسکول آف انجینئرنگ کے سائنسدان اس ٹیکنالوجی کی تیاری پر کام کررہے ہیں۔
ان کا کہنا تھا کہ ہم نے علیحدہ علیحدہ ڈیٹا اسٹریم ٹرانسمیشن کے لیے ٹیرا ہرٹز ویوز کو استعمال کیا جو کہ بہت تیز رفتار ہے جبکہ اس میں خامیوں کی شرح نہ ہونے کے برابر ہے۔
ان کے بقول یہ پہلی بار ہے کہ اس طرح کی ویوز کو حقیقی ڈیٹا کی ٹرانسمیشن کے لیے استعمال کیا گیا اور ہمارے نتائج ثابت کرتے ہیں کہ مستقبل میں ٹیرا ہرٹز وائرلیس نیٹ ورکس کام کررہے ہوں گے۔
موجودہ وائس اور ڈیٹا نیٹ ورکس میں مائیکرو ویوز کو استعمال کیا جاتا ہے جو سگنلز کو وائرلیس طریقے سے منتقل کرتے ہیں۔
ان تجربات کے نتائج کو جریدے نیچر کمیونیکشن میں شائع کیا گیا۔
اس سے قبل وائی فائی کی جگہ ایک اور ٹیکنالوجی لائی فائی پر بھی تجربات کیے گئے تھے جو اب بھی جاری ہیں۔
لائی فائی یا لائٹ فیڈیلٹی اب حقیقی دنیا میں آزمائش کے مراحل سے گزر رہی ہے اور اسے ایک دفتر میں ایک جی بی فی سیکنڈ کی رفتار سے چلایا جارہا ہے جو روایتی وائی فائی کے مقابلے میں سو گنا زیادہ ہے۔