Category سائنس اور ٹیکنالوجی

ایک کیڑا مارنے والی زیریلی دوا سے آلودہ چند ہزار انڈے رواں سال کے اوائل میں برطانیہ پہنچے۔
فرانس کی وزارت زراعت کا کہنا ہے کہ پہلی بار نیدرلینڈ میں وجود میں آنے والے یہ انڈے فرانس میں بھی پائے گئے ہیں۔
برطانیہ میں فوڈ کا معیار طے کرنے والی ایجنسی ایف ایس اے کا کہنا ہے کہ اس سے عوام کو خطرہ نہ ہونے کے برابر ہے۔
٭ گھوڑے کے گوشت کے غیرقانونی کاروبار کےخلاف آپریشن
ایجنسی فوری طور پر اس معاملے کی جانچ کر رہی ہے لیکن ان کی معلومات کے مطابق اب یہ انڈے ملک میں کہیں نہیں ہیں۔ ایجنسی کا کہنا ہے کہ برطانیہ کے عوام کو انڈے کھانا بند نہیں کرنا چاہیے کیونکہ ممکنہ طور پر اس کے کھانے کے بعد بھی کوئی نقصان نہیں پہنچے گا۔
یہ معاملہ اس وقت سامنے آیا جب جرمنی میں سپرمارکیٹ کے ایک سلسلے آلڈی نے تمام انڈے اپنی دکان سے ہٹا لیے۔
جانچ میں فپرونل نامی کیمیائی مادے کی انڈے میں موجودگی کا پتہ چلا ہے جس سے گردے، کلیجی اور تھائرائڈ گلینڈ متاثر ہو سکتے ہیں۔
نیدر لینڈ کی کاشتکاری کی تنظیم ایل ٹی او کا کہنا ہے کہ انڈے سے اس کیڑا کش دواؤں کے اثرات کو ختم کرنے کے لیے انھیں اندیشہ ہے کہ لاکھوں مرغیوں کو مارنا ہوگا۔
برطانیہ فوڈ سٹینڈرڈ ایجنسی نے کہا ہے کہ تمام حاصل معلومات کی بنیاد پر ہمارا یہ تجزیہ ہے کہ اس کے کھانے سے صحت پر کوئی مضر اثرات مرتب نہیں ہوں گے۔
نیدرلینڈ میں تقریبا 180 پاؤلٹری فارم کو عارضی طور پر بند کر دیا گیا ہے
اس کے ساتھ اس نے یہ بھی کہا: ہمارا یہ مشورہ ہے کہ لوگ جس طرح انڈے کھاتے یا بناتے تھے اس میں کوئی تبدیلی لانے کی ضرورت نہیں ہے۔
بیلجیئم کے حکام کا کہنا ہے کہ انھیں جون میں اس بات کا پتہ چل گيا تھا کہ ہالینڈ سے آنے والے انڈے فپرونل سے آلودہ ہیں۔
خیال رہے کہ فپرونل کا مرغیوں میں جوؤں اور خون چوسنے والے چھوٹے کیڑے کو مارنے کے لیے استعمال کیا جاتا ہے لیکن اس کا غذا میں موجود ہونا خطرناک ہے۔
نیدرلینڈ، جرمنی اور بیلجیئم میں دکانوں سے ان انڈوں کو ہٹا لیا گیا ہے اس کے علاوہ نیدرلینڈ میں تقریبا 180 پولٹری فارمز کو عارضی طور پر بند کر دیا گیا ہے۔
برطانوی ایجنسی کا کہنا ہے کہ مارچ اور جون کے دوران برطانیہ میں نیدرلینڈ سے تقریبا 21 ہزار آلودہ انڈے آئے تھے جو کہ سالانہ درآمد کیے جانے والے پونے دو ارب انڈوں میں بہت کم تعداد ہے۔ ویسے برطانیہ میں استعمال ہونے والے 85 فیصد انڈے ملک میں ہی پیدا ہوتے ہیں۔

کمپیوٹرز میں متعدد پروگرام انسٹال ہوتے ہیں جن میں سے بیشتر کبھی استعمال بھی نہیں ہوتے بلکہ آپ کو ان کی موجودگی کا ہی علم نہیں ہوتا۔ کچھ پروگرام اُس وقت چلنا شروع ہوجاتے ہیں جب آپ کمپیوٹر آن کرتے ہیں حالانکہ آپ انہیں استعمال بھی نہیں کرتے۔ اس طرح کے بے مقصد پروگرامز کو ختم کرنے کے لیے کنٹرول پینلز میں پروگرامز اینڈ فیچرز کے پیج کو اوپن کریں اور انسٹال سافٹ ویئرز کی فہرست کا جائزہ لیں۔ ان میں جو غیرضروری ہو انہیں اَن انسٹال کردیں، اگر آپ کو اندازہ نہ ہو کہ کن پروگرامز کو رکھنا ضروری ہے تو تھرڈ پارٹی آپشنز جیسے PC Decrapifier کو آزما کر دیکھیں۔
ٹیمپراری فائلز کو ڈیلیٹ کرنا
ہارڈ ویئر اسٹوریج
اگر آپ ٹمپراری فائلز کو ڈیلیٹ کرنا معمول بھی بنالیتے ہیں تو بھی ہارڈ ڈرائیو کا بھر جانا کمپیوٹر کی رفتار پر اثرانداز ہوسکتا ہے۔ اگر آپ اکثر ویڈیوز ڈاﺅن لوڈ کرتے ہیں یا ٹی وی پروگرامز ریکارڈ کرتے ہیں تو آپ کو زیادہ گنجائش والی ہارڈ ڈرائیو کی ضرورت ہوتی ہے۔
غیر ضروری اسٹارٹ اپس کی روک تھام
کمپیوٹر یا لیپ ٹاپ چلانے کے بعد اسٹارٹ اپس پروگرام کمپیوٹر میموری کو استعمال کرتے ہیں جن کی روک تھام ضروری ہوتی ہے۔ اس کی روک تھام کے لیے اسٹارٹ پر کلک کرکے رن پر جائیں اور وہاں ‘ msconfig ‘ ٹائپ کریں اور پھر انٹر کریں۔ وہاں آپ اسٹارٹ اپ ٹیب کو دیکھ سکتے ہیں جن پر ٹک لگا ہوگا۔ اس بات کے قوی امکانات ہوسکتے ہیں کہ ان میں متعدد پروگرامز ایسے ہوں جن کے بارے میں آپ کو معلوم ہی نہیں کہ وہ کمپیوٹر اسٹارٹ اپ کا حصہ ہیں، آپ جن کو غیرضروری سمجھیں ان کے آگے سے ٹک ہٹا دیں۔
مزید ریم
ریم وہ چیز ہے جو مختلف پروگرامز کو چلانے کا کام کرتی ہے، اگر آپ زیادہ پروگرامز استعمال کرتے ہیں تو ریم کی ضرورت بھی زیادہ ہوتی ہے اور اگر وہ کم ہو تو کمپیوٹر بھی سست ہوجاتا ہے۔ اس کا واضح اشارہ اُس وقت سامنے آتا ہے جب آپ کوئی بڑی فائل پراسیس کرنے کی کوشش کریں اور ہر بار کمپیوٹر سست ہوجائے یا مختلف ایکشنز بیک وقت کرنے پر جام ہوجائے۔
ڈسک defragment چلانا
اس سے آپ جان سکتے ہین کہ ہارڈ ڈرائیو میں اسٹور انفارمیشن کس حد تک موثر ہے۔ مائی کمپیوٹر میں جاکر ہارڈ ڈرائیوپر رائٹ کلک کریں اور پراپرٹیز کو سلیکٹ کریں، وہاں ٹولز کے ٹیب میں جاکر defragment کا آپشن مل جائے گا۔
ڈسک کلین اپ چلانا
ونڈوز میں ایک ڈسک کلین اپ کا آپشن موجود ہوتا ہے جو غیر ضروری بڑی فائلوں جیسے عارضی انٹرنیٹ فائلز، پروگرام انسٹالر اور دیگر کو صاف کرنے کا کام کرتا ہے۔ اس کے لیے اسٹارٹ میں جائیں وہاں آل پروگرامز، ایسیسریز، سسٹم ٹولز اور ڈسک کلین اپ پر چلے جائیں۔
مٹی کا جمع ہوجانا
سننے میں تو عجیب لگے مگر مٹی آپ کے کمپیوٹر کی دشمن ہوتی ہے، یہ ایئرفلو (ہوا کے گزر) پر اثر انداز ہوسکتی ہے جو کہ کمپیوٹر کے درجہ حرارت کو کم رکھنے کے لیے بہت ضروری ہے اور زیادہ گرم ہونے پر کمپیوٹر کی کارکردگی سست روی کا شکار ہوجاتی ہے۔ تو کمپیوٹر کی صفائی کو یقینی بنانا بھی بہت ضروری ہے۔

اسلام آباد: (میڈیا پاکستان )مایہ ناز چینی کمپنی ہوا وے نے اپنا جدید ترین سمارٹ فون وائی 7 پرائم متعارف کرا دیا۔ وائی سیون پرائم موبائل پریمیم صنعتی ڈیزائن کے ساتھ 4000 ایم اے ایچ بیٹری، پاور سیونگ ٹیکنالوجی اور شاندار کیمرہ جیسی سہولیات سے مزین ہے۔
کمپنی کے مطابق ہوا وے وائی سیون پرائم کو شاندار طریقے سے ڈیزائن کیا گیا ہے، مٹیلیک باڈی اور مختلف رنگوں کے ساتھ ہوا وے وائی سیون پرائم ایک مضبوط، خوبصورت اور صنعتی خوبصورتی کا حامل ہے۔ صارفین کی ضرورت کے مطابق اس کے فیچرز تیار کئے گئے ہیں۔اس کے رنگوں اور گرافکس کو شاندار بنانے کے لئے 5.5 انچ بڑا ایچ ڈی ڈسپلے دیا گیا ہے، گلاس سکرین 2.5 ڈی اور خمدار ڈیزائن کی وجہ سے اس کی گرفت زیادہ آرام دہ بن گئی ہے۔ اپنی طاقتور 4000 ایم اے ایچ بیٹری کے ساتھ ہوا وے سمارٹ پاور سیونگ ٹیکنالوجی پورے دن کے لئے کافی ہے۔ ہوا وے وائی سیون پرائم طاقتور کوالکوم اوکٹا کور پروسیسر کا حامل ہے۔ اس جدید ترین موبائل میں 12 میگا پکسل رئیر کیمرہ اور 8 میگا پکسل F2.0 فرنٹ لینس سے لیس ہے۔
بہترین سیلفی فیچرز میں 10 لیولز بیوٹی موڈ سے دیگر بیوٹی ایپ کو استعمال کئے بغیر سیلفی بنائی جا سکتی ہے۔ اسی طرح پینورامک سیلفی کے ذریعے دوستوں کے ساتھ بڑی تصویر بنائی جا سکتی ہے۔ ہوا وے وائی سیون پرائم 1.25 ایم پکسلز کا حامل ہے جس سے کیمرہ تیزی سے حرکت کرتے ہوئے مناظر اور کم روشنی میں تصاویر بنا سکتا ہے۔ ہوا وے کے ایموشن یوزر انٹر فیس سگنیچر (ای ایم یو آئی) کو ہوا وے وائی سیون پرائم میں اپ گریڈ کیا گیا ہے جس سے صارفین کو براہ راست ای ایم یو آئی 5.1 کی سہولت فراہم کی گئی ہے۔ہوا وے وائی سیون پرائم کی قیمت 24999 روپے ہے اور یہ منگل سے فروخت کے لئے دستیاب ہے۔

کمپنی نے اپنے نئے پراجیکٹ کیلئے محض 5لاکھ ڈالر فنڈ اکٹھا کرنے کا آغاز کیا تھا مگر ’ پیبل واچ‘ کے نام سے مشہور اس پراڈکٹ نے اتنی مقبولیت حاصل کی کہ کمپنی کو فوری طور پر 4 ارب ڈالر سے بھی زائد فنڈز کی پیشکش ہو چکی ہے۔ پیبل واچ کا نمایاں ترین پہلو یہ ہے کہ اس کی سکرین ہمیشہ آن رہے گی اور اس کے باوجود اس کی بیٹری ایک ہفتے تک چلے گی۔
اس کی سکرین فل کلر ای پیپر ٹیکنالوجی سے بنائی گئی ہے جو بہت کم توانائی خرچ کرے گی۔ یہ واٹر پروف ہے اور وائس سرچ کیلئے مائیکرو فون کا استعمال بھی کر سکتی ہے۔ اسے ایپل اور انڈرائیڈ فون کے ساتھ بآسانی استعمال کیا جا سکتا ہے۔ اس پر آپ کی کالز ، میسج اور دیگر معلومات ٹائم لائن کی صورت میں ظاہر ہوتی ہیںاور اسے سکرول اپ اور سکرول ڈاﺅن کے ذریعے آگے یا پیچھے کر کے دیکھا جا سکتا ہے۔
سب سے اہم بات یہ ہے کہ ان شاندار خوبیوں کے باوجود اسے محض 120 پاﺅنڈ (تقریباً 20ہزار پاکستانی روپے) میں فروخت کیا جا رہا ہے۔

ایک سال سے زائد عرصے تک آزمائش کے بعد آخرکار یوٹیوب نے تمام صارفین کے لیے میسجنگ کا فیچر متعارف کرادیا ہے۔
یوٹیوب نے اینڈرائیڈ اور آئی او ایس ڈیوائسز کے لیے اپنی ایپ کو ویڈیو شیئرنگ فیچر کے ساتھ اپ ڈیٹ کیا ہے جو لوگوں کو پرائیویٹ ونڈو میں چیٹ کی سہولت فراہم کرتی ہے۔
کمپنی کے مطابق اس اپ ڈیٹ کا مقصد شیئرنگ کو آسان، تیز تر اور فون پر صارفین کے لیے زیادہ تفریح فراہم کرنا ہے۔
اس اپ ڈیٹ کے بعد صارفین اپنے دوستوں کے ساتھ ویڈیوز کو ایک لنک کے ذریعے شیئر کرسکیں گے جبکہ تیس افراد پر مشتمل گروپ کو بھی تشکلیل دیا جاسکے گا۔
جو ویڈیوز شیئر کی جائیں گی وہ میسجنگ ونڈو کے اندر ہی پلے ہوسکیں گی جبکہ ٹیکسٹ اورر ایموجی کے ساتھ انفرادی پیغامات کو لائیک بھی کیا جاسکے گا۔
آسان الفاظ میں یوٹیوب فیس بک میسنجر جیسا بننے والی ہے جس میں ایپ کے اندر رہتے ہوئے لوگوں سے چیٹ بھی کی جاسکے گی جبکہ ویڈیوز بھی شیئر کی جاسکیں گی۔
یوٹیوب کو توقع ہے کہ میسجنگ کے ساتھ صارفین کا اس ایپ پر گزارے جانے والا وقت مزید بڑھے گا اور وہ دیگر حریف نیٹ ورکس جیسے ٹوئٹر، اسنیپ چیٹ اور فیس بک کے مقابلے میں گوگل کی اس ایپ کو ترجیح دیں گے۔
واضح رہے کہ اس وقت ہر ماہ ڈیڑھ ارب سے زائد افراد یوٹیوب ایپ کو استعمال کرتے ہیں جبکہ یوٹیوب کے ذریعے ہی گوگل سوشل نیٹ ورکس کی دنیا میں قدم رکھنا چاہتا ہے، جس میں اب تک اسے ناکامی کا سامنا ہوا ہے۔
یوتیوب کی جانب سے اس فیچر کی آزمائش گزشتہ سال مئی سے کی جارہی تھی تاہم اب یہ ہر ایک کے لیے دستیاب ہے۔

کیا آپ جانتے ہیں گوگل اور فیس بک سمیت دیگر سماجی رابطے کی ویب سائٹس آپ کو مفت سہولت کیوں فراہم کرتی ہیں؟
اس دنیا میں کچھ بھی مفت نہیں۔ نہ گوگل نہ فیس بک اور نہ ہی انٹرنیٹ۔
تو سوال یہ ہے یہ کمپنیاں انٹرنیٹ کے زریعے اربوں ڈالرز کیسے کما رہی ہیں؟
کیونکہ کہ ان کا پروڈکٹ ان کی سروس نہیں بلکہ ہم ہیں۔ یہ تمام ویب سائٹس ہماری پہچان ایڈورٹائزر کو بیچتی ہیں۔ ہم کیا لائک کرتے ہیں، کیا شئیر کرتے ہیں اور کیا سرچ کرتے ہیں۔ یہ تمام ڈیٹا ایڈورٹائزرز کو بیچا جاتا ہے۔
جس کے بعد ہماری پروفائل پر ان سے وابستہ اشتہارات کی بھرمار ہوجاتی ہے۔
مثال کے طور پر اگر آپ کسی برگر کی تصویر کو لائک کرتے ہیں یا شئیر کرتے ہیں تو آپ کی پروفائل پر مکڈانلڈز اور کے ایف سی جیسے فوڈز پروڈکٹس کے اشتہارات آںے شروع ہو جائیں گے۔
یہ اربوں ڈالرز کا بزنس ہے، جس سے ہم چاہ کر بھی نہیں بچ سکتے۔

ایپل نے فائیو جی ٹیکنالوجی کو ٹیسٹ کرنے کا اجازت نامہ حاصل کرلیا ہے۔
فائیو جی ایسی ٹیکنالوجی ہے جس پر کئی برسوں سے کام جاری ہے اور اب تک مختلف کمپنیوں کے تجربات سے یہ بات سامنے آئی ہے کہ اس کی مدد سے 4 گیگا بائٹس فی سیکنڈ کی رفتار سے ڈیٹا کو ٹرانسمٹ کیا جاسکتا ہے۔
آسان الفاظ میں آپ ایک منٹ میں فل ایچ ڈی دس سے پندرہ فلمیں اس ٹیکنالوجی کی مدد سے ڈاﺅن لوڈ کرسکیں گے۔
ایپل نے اس ٹیکنالوجی کے تجربے کے لیے رواں سال کے شروع میں درخواست دی تھی اور اسے اب اپنے صدر دفتر کے قریب اس کے تجربے کی اجازت مل گئی ہے۔
ایپل اس ٹیکنالوجی سے ایسی ڈیوائسز بنانا چاہتی ہے جو کہ مستقبل میں فائیو جی نیٹ ورکس پر کام کرسکیں گے یا آسان الفاظ میں فائیو جی آئی فون۔
ایپل کے لیے یہ ٹیکنالوجی اس لیے بھی اہمیت رکھتی ہے کیونکہ وہ اگیومنٹڈ رئیلٹی ٹیکنالوجی کو مستقبل قرار دیتی ہے اور فائیو جی اس کے لیے تمام امکانات کھولنے کا راستہ ہے۔
یہ واضح نہیں کہ ایپل کس طرح اس ٹیکنالوجی کو استعمال کرے گی یا کس طرح اسے مستقبل قریب میں آئی فون کا حصہ بنائے گی۔
تاہم یہ واضح ہے کہ ایپل کا بنیادی مقصد ایک فائیو جی اسمارٹ فون بنانا اور اس پر یہ ٹیکنالوجی چلانا ہے۔

لاہور پاکستان کے بیشترعلا قوں میں انٹرنیٹ بند ہے یا پھر اس قدر سست رفتار ہے کہ استعمال کرنا ممکن ہی نہیں ہے۔ بالخصوص پی ٹی سی ایل کا انٹرنیٹ استعمال کرنے والے صارفین یہ شکایت کر رہے ہیں کہ ان کا انٹرنیٹ چل رہا ہے اور نہ ہی شکایت کیلئے مخصوص ہیلپ لائن پر فون سنا جا رہا ہے اور اس وجہ سے پاکستانیوں کا غصہ اور بھی زیادہ ہو گیا ہے تاہم اب اس سارے معاملے کے پیچھے چھپی اصل وجہ بھی سامنے آ گئی ہے۔
ذرائع نے دعویٰ کیا ہے کہ سسٹم بریک ڈاﺅن کے باعث پی ٹی سی ایل کے سیٹلائٹ گیٹ وے لنک میں، جو پاکستان میں انٹرنیٹ کی فراہمی میں ریڑھ کی ہڈی کی حیثیت رکھتا ہے، بہت زیادہ شور ہے اور یہی وجہ ہے کہ پاکستان کے تقریباً 95 فیصد حصے میں انٹرنیٹ ”کوما“ کا شکار ہے، یعنی یا تو بند ہے یا انتہائی سست رفتار ہے۔
ذرائع کا کہنا ہے کہ ایسی صورتحال میں جن لوگوں کا انٹرنیٹ اب بھی چل رہا ہے وہ ڈاﺅن لوڈنگ کرنے یا اس طرح کے دیگر معاملات سے اس وقت تک گریز کریں، جب تک مسئلہ حل نہیں ہو جاتا۔ ذرائع نے کا یہ بھی کہنا ہے کہ یہ مسئلہ اتوار کے روز سہ پہر 3 بجے تک حل ہونے کا امکان ہے۔
یہ اطلاعات موصول ہونے کے بعد روزنامہ پاکستان نے پی ٹی سی ایل سے رابطہ کر کے اصل صورتحال جاننے کی کوشش کی لیکن ہیلپ لائن مسلسل مصروف ملی اور یوں سوشل میڈیا پر سامنے والی صارفین کی شکایت بھی درست ثابت ہوئی کہ پی ٹی سی ایل کی ہیلپ لائن پر فون ہی نہیں مل رہا۔
سماجی رابطوں کی ویب سائٹ پر ہزاروں پاکستانیوں نے اب تک انٹرنیٹ بند ہونے کی شکایت کی ہے اور ان میں زیادہ تعداد ان صارفین کی ہے جو پی ٹی سی ایل کا ڈی ایس ایل انٹرنیٹ یا پھر ایوو استعمال کر رہے ہیں۔
سمیر نے یہ دعویٰ بھی کیا کہ یہ انٹرنیٹ زیر سمندر بچھائی گئی فائبر کیبل کٹنے سے پیدا ہوا ہے۔ اس کا کہنا ہے ”زیر سمندر کیبل کٹنے سے پی ٹی سی ایل ڈاﺅن ہے۔ آج صبح 5 بجے سے پاکستان میں انٹرنیٹ کی انتہائی ابتر صورتحال ہے۔“

نیویارک(مانیٹرنگ ڈیسک) امریکہ میں ایک خاتون نے غلطی سے اپنے شوہر کا فون اٹھا لیا اور جیسے ہی اس نے فون کھولا ایسی تصویر سامنے آ گئی کہ خاتون کو زندگی کا سب سے بڑا جھٹکا لگ گیا اوران کی خوشگوار ازدواجی زندگی طلاق کے راستے پر چل نکلی۔ ڈیلی سٹار کی رپورٹ کے مطابق اس 26سالہ خاتون نے اپنی کہانی بحث و مباحثے کی ویب سائٹ Redditپر صارفین کے ساتھ شیئر کی ہے۔ اس نے لکھا ہے کہ ”مجھے اپنے 32سالہ شوہر پر بہت اعتماد تھا، کبھی اس پر شک نہیں ہوا۔ کچھ دن قبل میں سو رہی تھی اور وہ نہانے کے لیے باتھ روم میں موجود تھا۔ اسی دوران فون پر کوئی پیغام آیا اور اس کی گھنٹی بجی، جس پر میری آنکھ کھل گئی۔ میں نے نیند میں ہی فون اٹھا کر دیکھا تو سنیپ چیٹ پر کسی بے حیا خاتون نے اپنی انتہائی شرمناک تصویر بھیجی ہوئی تھی۔“
”اس خاتون کا نام راکسی لکھا آ رہا تھا۔ پہلے تو میں پریشان ہوئی کہ یہ راکسی کون ہے اور مجھے تصویر کیوں بھیج دی۔ پھر مجھے احساس ہوا کہ یہ میرا نہیں بلکہ میرے شوہر کا فون تھا۔ یہ احساس ہوتے ہی میرے پیروں تلے زمین نکل گئی۔ میں 12ہفتے کی حاملہ تھی اور ایسی صورت میں شوہر کی بے وفائی کا انکشاف میرے لیے بہت تکلیف دہ تھا۔ میں نے اپنے شوہر سے پوچھا کہ راکسی کون ہے؟ تو پہلے تو اس نے ایک بار پھر جھوٹ بولنے کی کوشش کی لیکن پھر سچ بتا دیا۔ اس نے بتایا کہ ’یہ لڑکی میرے دوست کی لاءفرم میں سیکرٹری ہے۔ وہیں سے اس کے ساتھ دوستی ہوئی اور پہلی ہی ملاقات میں ہمارے درمیان جسمانی تعلق قائم ہو گیا۔ کئی مہینوں سے ہم ملاقاتیں کر رہے ہیں۔‘ شوہر کے اس اعتراف کے بعد میں نے اس سے طلاق کا فیصلہ کر لیا اور اب قانونی کارروائی جاری ہے۔ اب میں اس شخص کے ساتھ نہیں رہوں گی لیکن اپنے بچے کو ضرور جنم دوں گی۔“

نیویارک(مانیٹرنگ ڈیسک) پیاز کاٹتے ہوئے اس کی بُو کے آنکھوں میں چبھنے اور آنسو بہہ نکلنے کا تجربہ آپ میں سے بہت سوں کو ہو گا لیکن آج تک کوئی اس کی وجہ نہیں سمجھ پایا۔ اب سائنسدانوں نے اس کی وجہ جاننے کے لیے تحقیق کی ہے جس میں ایسا انکشاف ہوا ہے کہ سن کر آپ ششدر رہ جائیں گے۔ میل آن لائن کی رپورٹ کے مطابق امریکی سائنسدانوں نے تحقیقاتی رپورٹ میں بتایا ہے کہ ”پیاز میں ایک ’قدرتی دفاعی نظام‘ موجود ہوتا ہے ، جو اسے کاٹنے پر خودکار طریقے سے عمل پذیر ہوتا ہے اور ایک عنصر پیدا کرنا شروع کر دیتا ہے جو آنکھوں میں چبھتا ہے اور آنسو آنے کاسبب بنتا ہے۔“
بازار سے ڈبل روٹی خریدنے کے بعد اسے لمبے عرصے تک محفوظ رکھنے اور خراب ہونے سے بچانے کا آسان ترین طریقہ جانئے
امریکی ریاست اوہائیو کی کیس ویسٹرن یونیورسٹی کے سائنسدانوں کا کہنا تھا کہ ”پیاز میں لیکریمیٹری فیکٹر سنتھیز (Lachrymatory factor synthase)نامی خامرہ (enzyme)پایا جاتا ہے جوپیاز کٹنے پر اس قدرتی دفاعی نظام کو شروع کرتا ہے جس کے نتیجے میں لیکریمیٹری فیکٹر نامی عنصر پیدا ہوتا ہے جو آنکھوں میں چبھن پیدا کرتا ہے۔“ تاہم سائنسدانوں کی یہ ٹیم بھی یہ معلوم کرنے میں ناکام رہی ہے کہ لیکریمیٹری فیکٹر سینتھیز کس طرح لیکریمیٹری فیکٹر کو پیدا ہونے میں مدد دیتا ہے۔تحقیقاتی ٹیم کے سربراہ ڈاکٹر مارسین گوکزک کا کہنا تھا کہ ” لیکریمیٹری فیکٹرنامی یہ خامرہ انتہائی متعامل اور بخارات بن کر اڑنے کی بہت زیادہ صلاحیت رکھتا ہے چنانچہ اس کی ہیئت کو سمجھنا انتہائی مشکل ہے۔ تاہم ہماری ٹیم اسے سمجھنے کے لیے مزید تحقیق کر رہی ہے۔“