Category سائنس اور ٹیکنالوجی

(میڈیا 92 نیوز آن لائن) اگر آپ کو گھر میں مائیکرو ویو یا ویکیوم کیلنر بار بار بند کرنا یا کھولنا مشکل لگتا ہے تو اس کا حل معروف ٹیکنالوجی کمپنی سونی نے نکال لیا ہے۔

سونی کے روبوٹک کتے کا نام آئبو ہے، یہ اسمارٹ آلات سے مصنوعی ذہانت کے ذریعے بات چیت کرسکتا ہے اور یہ گھر میں موجود ویکیوم کلینر، مائیکروویو اور واشنگ مشین جیسے اسمارٹ آلات کو ضرورت پڑنے پر کھولنے یا بند کرنے کی صلاحیت رکھتا ہے۔

’آئبو‘ کو وائی فائی کی مدد سے اسمارٹ آلات کے ساتھ کنیکٹ کیا جا سکتا ہے، سونی کے اس روبوٹک آئبو کتے کی قیمت 2 ہزار 900 ڈالر ہوگی۔ سونی نے ماضی میں ’روبوٹک کتا آئبو‘ متعارف کرایا تھا اور کمپنی اب اس کی خصوصیات میں مزید جدّت لا رہی ہے اور حال ہی میں انہوں نے اس روبوٹک کتے میں ایسے فیچرز شامل کردیے ہیں جو کہ صارفین کے گھر کے کام کاج میں مدد کرنے میں معاون ثابت ہوں گے۔

گیزموڈو کی ایک رپورٹ کے مطابق ٹوکیو میں منعقد کیے جانےوالے جاپان کے سب سے بڑے آئی ٹی اور الیکٹرانکس ٹریڈ شو ’سی ای اے ٹی ای سی‘ میں ’آئبو‘ کے ان نئے فیچرز کی نمائش کی جائے گی۔ ’آئبو‘ اسمارٹ واشنگ مشین سے آنے والے سگنلز کو سمجھے گا اور کپڑے دُھل جانے کی صورت میں بھونک کر مالک کو آگاہ کرے گا۔

واضح رہے کہ سونی نے سب سے پہلا روبوٹک کتا آئبو 1999 میں متعارف کرایا تھا، آئبو ایک پالتو جانور کو دیکھتے ہوئے بنایا گیا ہے جو کہ مصنوعی ذہانت کا استعمال کرتے ہوئے اپنے مالک اور اس کے آس پاس کے لوگوں کے ساتھ ایک پالتو کتے کی طرح برتاؤ کرتا ہے۔

چین ( میڈیا 92 نیوزآن لائن) میں7ویں عالمی ملٹری گیمزکےاختتام پر رنگوں سے بھری تقریب سجائی گئی۔

چین:عالمی ملٹری گیمز کےاختتام پر رنگ رنگ تقریب
چین میں منعقد ہونے والے بین الاقوامی ملٹری گیم کی اختتامی تقریب کے موقع پر فنکاروں کی جانب سے شاندار میوزک پرفارمنس، لائٹ شو، فوک ڈانس و دیگر پرفارمنس پیش کی گئیں۔

اس دس روزہ ملٹری گیم میں 109ممالک کے دس ہزار اہلکاروں نے شرکت کی۔

(میڈیا 92 نیوز آن لا ئن) عموماً ہم نے کسی لڑکی کو شادی کی پیشکش یا بطور تحفہ ہیرے یا سونے کی انگوٹھی دینے کے بارے میں تو اکثر سنا ہے لیکن ایسا شاید ہی سنا ہو کہ کسی شخص نے اپنی منگیتر یا بیوی کو تحفے میں ناخنوں سے بنی انگوٹھی دی ہو۔

ہم آپ کو آج ایک ایسی انگوٹھی کے بارے میں بتائیں گے جس کے اوپر ہیرے کی جگہ ناخنوں سے بنا ہوا نگینہ لگا ہوا ہے جاپان میں اپنی ویڈیوز کی وجہ سے مشہور کیوامی نامی شخص نے حال ہی میں بے حد مختلف چیلنج کیا جس میں اس نے انگوٹھی کے اوپر لگے ہیرے یا نگینے کو اپنے ایک سال سے جمع کیے ہوئے ناخنوں سے بنا کر سب کو حیران کر دیا۔

کیوامی نے اس انگوٹھی کے نگینے کو بنانے کے لیے سب سے پہلے ایک سال تک ناخن جمع کیے۔۔۔اسکرین گریب
کیوامی نے ایک سال تک اپنے ناخنوں کو ایک برنی میں جمع کیا جس کے بعد ان ناخنوں سے انہوں نے انگوٹھی پر لگے ہیرے یا نگینے کو بنایا۔ ناخنوں سے بنے اس کالے رنگ کے نگینےکو دیکھ کر ہر خاتون اس انگوٹھی کو پہننے کی خواہش کرے گی کیونکہ یہ دکھنے میں بے حد خوبصورت ہے۔

کیوامی نے یہ ویڈیو جولائی میں بنائی تھی جس کے بارے میں حال ہی میں ہانگ کانگ کے اخبار میں خبر شائع کی گئی۔ ساؤتھ چائنہ مارننگ پوسٹ میں شائع ہونے کے بعد یہ یوٹیوبر اسٹار بے حد مقبول ہو گیا اور اس کی ویڈیو بھی خوب وائرل ہوگئی۔ لوگوں نے اس انگوٹھی کو بنانے کی ویڈیو کو دیکھنے کے بعد کیوامی کے کام کو خوب سراہا اور انہیں داد بھی دی۔

کیوامی نے اس انگوٹھی کے نگینے کو بنانے کے لیے سب سے پہلے ایک سال سے جمع کیے جانے والے ناخنوں کو گرائنڈر کی مدد سے بالکل باریک پیسا۔

ناخنوں کو پیسنے کے بعد انہوں نے اس میں پانی ملا کر اسے یکجا کرلیا جس کے بعد اسے ایک نٹ بولٹ کے سانچے میں ڈال کر اس پر مشین کی مدد سے دباؤ ڈالا۔ کیوامی نے دباؤ ڈالنے کے بعد اسے 150 ڈگری سینٹی گریڈ پر چند منٹ کے لیے پکایا جس کے بعد ناخنوں سے بنی یہ چیز کالے رنگ کے پتھر کی طرح دکھنے لگی۔

انگوٹھی کے نگینے کو دیکھ کر کوئی بھی یہ نہیں پہچان سکتا کے آیا یہ نگینہ کس چیز سے بنایا گیا ہے۔۔۔۔اسکرین گریب
بعد ازاں انہوں نے ایک سلور کی انگوٹھی پر ناخنوں سے بنی پتھر نما شے کو پالش کیا جس کے بعد وہ بالکل کالے رنگ کے نگینے کی طرح دکھنےلگی اور اسے دیکھنے کے بعد کوئی بھی اس بات کا اندازہ نہیں لگا سکتا کے یہ ناخنوں سے بنی ہے۔

اس ویڈیو کو وائرل ہونے سے قبل ہی لاکھوں لوگوں نے دیکھا تھا مگر اخبار میں شائع ہونے کے بعد سے اس ویڈیو کو مزید پذیرائی حاصل ہوئی۔

(میڈیا 92 نیوز آن لائن ) اورل بی نے حال ہی میں ایسا الیکٹرک ٹوتھ برش متعارف کرایا ہے جو دانتوں کی صفائی میں مکمل رہنمائی فراہم کرتا ہے۔

’اورل بی جینیس ایکس الیکٹرک ٹوتھ برش‘ کی قیمت 220 ڈالر ہے جس سے متعلق کمپنی کا کہنا ہے کہ یہ صارفین کو بہتر طریقے سے دانت صاف کرنے میں مدد فراہم کرے گا۔

’اورل بی جینیس ایکس الیکٹرک ٹوتھ برش‘کیسے کام کرتا ہے؟ یہ جدید الیکٹرک ٹوتھ برش کی ایک ایپ ہے جسے اسمارٹ فون میں ڈاؤن لوڈ کرکے الیکٹرک ٹوتھ برش کو بلو ٹوتھ کے ذریعے فون سے کنیکٹ کیا جاسکتا ہے۔

جب صارفین الیکٹرک برش کو اسمارٹ فون سے کنیکٹ کرنے کے بعد دانت صاف کریں گے تو یہ ایپ انہیں بتائے گی کہ آپ نے کتنی دیر دانت صاف کیے ہیں جب کہ یہ ایپ صارفین کی مدد بھی کرے گی کہ اب آپ کو کہاں سے دانت صاف کرنے کی ضرورت ہے۔ کمپنی کا کہنا ہے کہ ٹوتھ برش میں ایسے سینسر لگائے گئے ہیں جن کے ذریعے اس بات کا فوراً علم ہوجائے گا کہ آپ کب صحیح سے برش نہیں کر رہے یا آپ ایک ہی جگہ پر دباؤ ڈالے ہوئے ہیں۔

یہ سینسر دانت صاف کرنے کے حوالے سے تمام تر معلومات ایپ کو بھیجیں گے، ایپ معلومات موصول ہونے کے بعد صارفین کو آگاہ کرے گی کہ انہیں کہاں برش کرنے کی ضرورت ہے اور ایپ اس حوالے سے درجہ بندی بھی کرے گی کہ آج آپ کے دانت کتنے اچھے صاف ہوئے ہیں۔
واضح رہے کہ یہ اورل بی کا پہلا الیکٹرک ٹوتھ برش نہیں ہے، اس سے قبل بھی کمپنی نے 2014 میں ایک بلو ٹوتھ ان ایبل ٹوتھ برش متعارف کرایا تھا۔

( میڈیا 92 نیوز آن لا ئن ) ایک نئی تحقیق سے یہ بات سامنے آئی ہے کہ صابن، پلاسٹک، ڈیٹرجینٹ اور دیگر کاسمیٹک میں استعمال ہونے والے کیمیکلز حاملہ خواتین کے بچوں کے آئی کیو لیول کو نقصان پہنچا سکتے ہیں۔

بین الاقوامی ماحولیاتی جریدے میں شائع ہونے والی ایک تحقیق کے مطابق صابن، پلاسٹک، ڈیٹرجینٹ اور دیگر کاسمیٹک میں ایسے 26 کیمیکلز پائے جاتے ہیں جو بچوں کے آئی کیو لیول کو کمزور بنانے کا سبب بن سکتے ہیں۔ ماہرین نے طویل دورانیے پر مشتمل تحقیق کے لیے سوئیڈن میں 718 حاملہ خواتین کے بلڈ اور یورین کے نمونے لیے جس سے معلوم کیا گیا کہ یہ کیمیکلز حاملہ ہونے کے تین ماہ کے دورانیے میں ہارمونز کی خرابی پیدا کرسکتے ہیں۔

کارلرسٹاڈ یونیورسٹی سوئیڈن اور ماؤنٹ سینائی ہیلتھ نیویارک کے محقیقین کے مطابق ان اشیاء میں Bisphenol a bpa کیمیکل پایا جاتا ہے جو انتہائی مضر صحت ہے، اس کیمیکل کو زیادہ تر پلاسٹک کا سامان بنانے کے لیے استعمال کیا جاتا ہے جس سے پلاسٹک کی چیزوں کا ٹوٹنا ناممکن ہوجاتا ہے۔
تحقیق کے مطابق بی پی اے کیمیکل اتنا خطرناک ثابت ہوسکتا ہے کہ اس سے کینسر اور اسپرم کمزور ہونے کا خدشہ لاحق ہوجاتا ہے یہی وجہ ہے کہ اس کا استعمال یورپ میں بچوں کی پلاسٹک بوتلوں میں استعمال کرنے پر پابندی عائد ہے۔

اس کیمیکل کے علاوہ ایک نئی تحقیق سے bisphenol f bpf کیمیکل بھی سامنے آیا ہے جو بی پی اے سے بھی زیادہ خطرناک ثابت ہوا ہے۔ سائنسدانوں کا کہنا ہے کہ جب حاملہ مائیں تین ماہ کے دورانیے میں اس کا استعمال کرتی ہیں تو ان کا ہارمونز سسٹم خراب ہوجاتا ہے جس کا اثر پیدا ہونے والے بچے کے آئی کیو لیول پر ہوتا ہے اور جب وہ 7 برس کا ہوتا ہے تو اس کی دماغی صلاحیت کمزور پائی جاتی ہے۔ ماہرین نے مشورہ دیا ہےکہ حاملہ خواتین کو چاہیے کہ وہ دوران حمل ان تمام اشیاء کو احتیاط سے استعمال کریں جن میں کیمیکلز کی مقدار زیادہ ہو۔

( میڈیا 92 نیوز آن لا ین) خواتین اور مردوں کو آئے دن بالوں سے جُڑے بے شمار مسائل کا سامنا رہتا ہے اور سردیوں کا موسم آتے ہی سر میں خشکی جیسے مسائل بہت زیادہ بڑھ جاتے ہیں جو خواتین اور مرد دونوں کے لیے پریشانی کا باعث بنتے ہیں۔

آج ہم آپ کو ادرک کے استعمال کے ذریعے بالوں سے جُڑے مسائل ختم کرنے سے متعلق بتائیں گے۔ ادرک ایک ایسی سبزی ہے جو کہ خون کی روانی کو بہتر کرنے میں بے حد معاون سمجھی جاتی ہے، یہی وجہ ہے کہ خون کی روانی بہتر ہوگی تو بالوں کی نشونما بھی اچھی ہو گی۔ ادرک میں اینٹی اسیپٹک اجزاء پائے جاتے ہیں جو کہ سر میں خشکی اور دیگر انفیکشنز کو ٹھیک کرنے میں مددگار ثابت ہوتی ہے۔ بالوں کے مسائل کو حل کرنے کے لیے ادرک کافی مفید سمجھی جاتی ہے، ادرک سے بالوں کے مسائل حل کرنے کے طریقے۔

بالوں میں خشکی کا حل:

ادرک میں اینٹی سیپٹک اجزاء پائے جاتے ہیں جو کہ انفیکشن جیسے سر میں خشکی کو ٹھیک کرتی ہے۔۔۔۔فوٹو:فائل
اگر آپ کے سر کی جلد میں خشکی جمی ہوئی ہوتی ہے جو کہ ختم کرنا بہت مشکل ہوتا ہے تو یہ ٹوٹکا ضرور کریں۔

1۔ 4 سے 5 قطرے سرسوں کا تیل لیجیے، اس میں 2 چمچ ادرک کا پیسٹ شامل کیجیے اور اس کے ساتھ ہی 1 چمچ لیموں کا رس بھی ملا لیجیے۔

2۔ ان تمام چیزوں کو اب اچھی طرح سے ملا لیں۔

3۔ اب اپنے بالوں کو چند حصوں میں تقسیم کر دیجیے، اور ان حصوں کی جڑوں میں اچھی طرح سے اس پیسٹ کو لگا لیں۔

4۔ اس پیسٹ کو تقریباً 15 منٹ کے لیے سر میں لگا رہنے دیں اور 15 منٹ بعد سر کو اچھی طرح سے دھو لیں۔

بالوں کی نشونما:

1۔ اگر آپ اپنے بال لمبے اور گھنے کرنا چاہ رہے ہیں تو ایک چمچ زیتون کا تیل لیجیے، اس میں ایک چمچ ناریل کا تیل اور آدھا چمچ بادام کا تیل بھی شامل کر لیجیے۔

2۔ ان تینوں اجزاء کو ملانے کے بعد اس میں 2 چھوٹے چمچ ادرک کا پیسٹ بھی شامل کرلیں اور اسے اچھی طرح ملا لیں۔

3۔ اس آمیزے کو سر میں 20 منٹ تک لگائیں اور 20 منٹ بعد سر کو اچھی طرح سے دھو لیں، یہ عمل ہفتے میں ایک بار کریں، بہت جلد آپ کو خشکی جیسے مسائل سے نجات مل جائے گی۔

نوٹ: یہ تمام معلومات تحقیق سے حاصل کی گئی ہیں۔ اگر آپ کسی بھی طبی مسئلے یا انفیکشن کا شکار ہیں تو کسی بھی قسم کے ٹوٹکے کے استعمال سے قبل اپنے معالج سے ضرور مشورہ کریں۔

(میڈیا 92 نیوز آن لا ئن ) سوشل میڈیا کی مقبول فوٹو شیئرنگ سائٹ انسٹاگرام نے پبلک پوسٹ کو دیکھنے کے لیے فیس بک کے طرز کی پرائیویسی لگادی۔

صارفین کو انسٹاگرام براؤزر اور موبائل پر یہ سہولت تھی کہ وہ کسی بھی پبلک پوسٹ کو بغیر اپنا اکاؤنٹ لاگ ان کیے دیکھ سکتے تھے مگر اب ایسا ممکن نہیں ہوگا۔ ٹیکنالوجی ویب سائٹ میش ایبل کی رپورٹ کے مطابق انسٹاگرام پر اب کوئی بھی صارف اپنا اکاؤنٹ لاگ ان کیے بغیر کوئی پبلک پوسٹ دیکھنے کے قابل نہیں ہوگا۔ انسٹاگرام نے بھی فیس بک کی طرح یہ قدم صارفین کی پرائیوسی کو مد نظر رکھتے ہوئے اٹھایا ہے۔

تاہم اب اگر صارفین بغیر لاگ ان کے کوئی پبلک پوسٹ دیکھنا چاہیں گے تو اس سے قبل ہی اسکرین پر لاگ ان آئی ڈی پاس ورڈ کا آپشن ان کے سامنے آجائے گا۔ اس لیے اب فوٹو شیئرنگ ایپ انسٹاگرام کے صارفین کو پبلک پوسٹ دیکھنے کے لیے بھی اپنا اکاؤنٹ لاگ ان کرنا لازمی ہوگا۔ واضح رہے کہ انسٹاگرام کمپنی نے پرائیوسی کا خیال کرتے ہوئے رواں ماہ کے اوائل میں ’Shadow Banning‘ فیچر متعارف کروایا تھا جس کے تحت صارفین نازیبا گفتگو یا کمنٹ کرنے والوں پر پابندی لگا سکتے ہیں۔

اسلام آباد(ایمرا نیوز آن لائن)معروف امریکی ٹیکنالوجی کمپنی ایپل نے حال ہی میں اپنا نیا فون آئی فون 11 اور 11 پرو متعارف کروایا تھا جو ریکارڈ توڑ تعداد میں فروخت ہوا جس کے بعد کمپنی کی جانب سے آئی فون 11 کی پیداوار میں اضافے کا اعلان کیا گیا ہے۔Nikkei Asian Review کے مطابق ایپل کمپنی نے اپنے سپلائرز سے کہا ہے کہ وہ اپنے آئی فون 11 کی پیداوار میں 10 فیصد تک اضافہ کریں جو تقریباً 8 ملین یونٹس ہے۔

کمپنی کے آؤٹ لیٹ کا دعویٰ ہے کہ ایپل نے یہ فیصلہ خریداروں کی جانب سے نئے آئی فونز کے پُر زور مطالبے کے بعد کیا ہے۔اس سے قبل کمپنی آرڈر دینے کے حوالے سے کافی محدود تھی لیکن اب کسٹمرز کے اضافے کے بعد آئی فون کی پیداوار گزشتہ سال کے مقابلے میں زیادہ ہوگی۔ایپل کمپنی کے مطابق آؤٹ لیٹ کا دعویٰ ہے کہ سستے ماڈل کے فون جن میں آئی فون 11 اور آئی فون 11 پرو شامل ہے، ان کی مانگ میں بے حد اضافہ ہوا ہے اور یہی وجہ ہے کہ ان کی پیداوار بڑھانے کا فیصلہ کیا گیا ہے جب کہ آئی فون 11 پرو میکس توقع سے قدرے کم فروخت ہورہا ہے جس کی وجہ سے ان فون کی پیداوار کو گھٹانے کے احکامات جاری کیے گئے ہیں۔

ایپل کے نئے آئی فون 11 کی پاکستان میں قیمت کیا ہوگی؟واضح رہے کے گزشتہ دنوں ایپل نے اپنی سالانہ تقریب میں آئی فون 11 اور تین کیمروں پر مشتمل 11 پرو اور 11 پرو میکس سمیت دیگر مصنوعات متعارف کروائی تھیں، نئے آئی فون ماڈلز کو پہلے سے بہتر اور تیز ٹیکنالوجی کی مدد سے تیار کیا گیاتھا۔

لندن(ایمرا نیوز آن لائن)مائیکرو بلاگنگ ایپ ٹوئٹر کے غیر فعال ہونے کے باعث دنیا بھر میں صارفین کو مشکلات کا سامنا ہے۔دنیا میں کروڑوں کی تعداد میں صارفین سوشل میڈیا پلیٹ فارم ٹوئٹر کو ویڈیوز اور پیغام رسانی کے لیے استعمال کرتے ہیں اور مختلف ممالک میں ٹوئٹر لوگوں کو مختلف پروگرامز کے لیے متحرک کرنے میں بھرپور کردار بھی ادا کرتا ہے جس کی تازہ ترین مثال کلائمیٹ چینج کے حوالے سے دنیا کے 156 ممالک میں ایک ہی روز مظاہرے ہیں۔

لیکن اطلاعات ہیں کہ دنیا بھر میں صارفین کو مائیکرو بلاگنگ ایپ استعمال کرنے میں مشکلات پیش آ رہی ہیں۔ٹوئٹر انتظامیہ کی جانب سے جاری اپنے پیغام میں بھی اس بات کی تصدیق کی گئی ہے کہ صارفین کو ٹوئٹر اور ٹوئٹ ڈیک کے استعمال کرنے میں مشکلات درپیش ہیں۔

لاہور(ایمرا نیوز آن لائن نیوز)معروف ٹیکنالوجی کمپنی ایپل جدید ڈسپلے والی ’میک بُک‘ اور ’آئی پیڈ‘ آئندہ ایک سے دو سال میں متعارف کرائے گا۔ایپل کمپنی کے تجزیہ کار ’منگ چی کوؤ‘ کے مطابق اِن ڈیوائس میں ایک نئے قسم کا جدید ڈسپلے ہوگا جس کو ’منی ایل ای ڈی‘ کہا جاتا ہے۔ایپل کمپنی کی جانب سے بنائی گئی ڈیوائس کی ڈسپلے میں عام طور پر صرف 576 ایل ای ڈی ہوتے ہیں جب کہ اب اِن نئے ’آئی پیڈ‘ اور ’میک بُکس‘ کی پرو ڈسپلے میں لگ بھگ 10،000 ایل ای ڈی ہوں گی۔

’منی ایل ای ڈی‘ کی یہ خاصیت ہوتی ہے کہ یہ پروڈکٹ کے ڈیزائن کو ہلکا پھلکا رکھتی ہے اور ڈیوائس کو جلنے سے بچاتی ہے۔تجزیہ کار ’منگ چی کوؤ‘ نے مزید بتایا کہ نئے ’آئی پیڈ‘ کی ڈسپلے 10 سے 12 انچ کی ہوگی جب کہ ’میک بُک‘ کی ڈسپلے کا سائز 15 سے 17 اِنچ کا ہوگا۔کمپنی کا کہنا ہے کہ نئے ’آئی پیڈ‘ کو پہلے متعارف کروایا جائے گا جو کہ 2020 کے آخر یا 2021 کے شروع میں پیش کیا جائے گا، جبکہ ’میک بُک‘ 2021 کے اختتام تک مارکیٹ میں آئی گی۔