Category شوبز

بولی وڈ اداکارہ کنگنا رناوٹ کو صاف گو اور بہادر اداکارہ کہا جاتا ہے، جس کا ثبوت انہوں نے اپنے آنے والی فلم ’سمرن‘ کے ڈائلاگ لکھنے سے متعلق اٹھنے والے تنازع کے حوالے سے وضاحت کرتے ہوئے دیا۔
کنگنا رناوٹ کی فلم ’سمرن‘ کا یہ پہلا ٹریلر ہے، اس سے قبل مئی میں فلم کا ٹیزر جاری کیا گیا تھا
فلم کی ہدایات ہنسل مہتا نے دی ہیں، جب کہ اس کی کہانی امریکا میں بینک ڈکیتی میں سزا پانے والی بھارتی لڑکی کے واقعے کو دیکھ کر تیار کی گئی۔
خیال رہے کہ سمرن کے جاری ہونے والے ایک پوسٹر میں کنگنا رناوٹ کا نام بطور شریک ڈائلاگ لکھاری کے لکھا گیا تھا، جس کے بعد اپروا اسرانی نے سوشل میڈیا پر احتجاج کرتے ہوئے کہا تھا کہ فلم کے ڈائلاگ انہوں نے اکیلے سر لکھے ہیں۔
فلم کے پوسٹر جاری ہونے کے بعد ڈائلاگ رائیٹر کا تنازع کھڑا ہوگیا تھا، تاہم ٹریلر کو جاری کرنے کے موقع پر کنگنا رناوٹ نے اس تنازع کو ختم کردیا۔
ڈی این اے انڈیا کے مطابق ٹریلر جاری کیے جانے کے موقع پر کنگنا رناوٹ نے واضح کیا کہ فلم کے اضافی ڈائلاگ بھی اپروا اسرانی نے لکھے، اور اس حوالے سے ان کے ساتھ باقاعدہ معاہدہ کیا گیا، جس کے تمام بقایاجات لکھاری کو ادا کردیے گئے ہیں۔
کنگنا رناوٹ نے مزید کہا کہ ان کی فلم ’رنگون والا‘ کی ناکامی کے بعد اپروا اسرانی نے انہیں مشورہ دیا کہ ’سمرن‘ میں اضافی ڈائلاگ شامل کیے جائیں، جس پر وہ راضی ہوگئیں۔
کنگنا کے مطابق اپروا اسرانی ڈائلاگ لکھنے کے سلسلے میں کئی ماہ تک مسلسل ان کے گھر آتے رہے، اور اس دوران انہوں نے مل کر کام کیا۔
خیال رہے کہ فلم ’سمرن‘ کو آئندہ ماہ 15 ستمبر کو ریلیز کیا جائے گا، فلم کی کہانی ڈیپارٹمنٹل اسٹور پر کام کرنے والی ایک لڑکی کے ارد گرد گھومتی ہے، جسے جوا کھیلنے اور چوری کرنے کی بھی عادت ہوتی ہے۔
فلم کی کہانی بظاہر امریکا میں چوری کے جرم میں سزا پانی والی بھارتی لڑکی سندیپ کور کے واقعے کو دیکھ کر تیار کیا گیا، تاہم فلم کی ٹیم نے اس حوالے سے باقاعدہ کوئی اعلان نہیں کیا

ممبئی (ایجنسیاں)بولی وڈ فلم ”بادشاہو “ کا گرینڈ ٹریلر ممبئی کے رائل اوپیرا ہاؤس میں جاری کر دیا گیا ۔بھارتی ذرائع ابلاغ کے مطابق فلم ”بادشاہو “ کے حالیہ ٹیزر کے باعث کی پسندیدگی کے بعد فلم ساز فلم ”بادشاہو “ کا گرینڈ ٹریلرممبئی کے رائل اوپیرا ہاؤس میں جاری کردیا گیا ہے ۔اس موقع پر فلم کے کردار اجے دیوگن ،عمران ہاشمی،ودیت جموال،ایلینا ڈی کروز اور ایشا گپتا کے ساتھ ساتھ فلم کے ہدایتکار میلن لوتھریا اور پوری ٹیم نے شرکت کی۔فلم یکم ستمبر کو نمائش کے لئے پیش کی جائے گی ۔

بولی وڈ کی آنے والی فلم ’ڈیڈ پول 2‘ میں سپر ہیرو کے مخالف کا کردار ادا کرنے والے اداکار ریان ریونلڈس کی پہلی جھلک جاری کردی گئی۔
خیال رہے کہ یہ فلم 2016 میں آںے والی بلاک بسٹر سپر ہیرو فلم ’ڈیڈ پول‘ کا سیکوئل ہے، اور ریان ریونلڈس اس میں ہیرو کے خلاف کردار میں نظر آئیں گے۔
ڈیڈ پول 2 ایکس مین سیریز کی بارہویں فلم ہے، جسے آئندہ برس جون میں ریلیز کیا جائے گا۔
فلم کو بیسویں سینچری فاکس کے بینر تلے ریلیز کیا جائے گا، فلم کی ہدایات ڈیوڈ لیچ نے دی ہیں۔
فلم کی کہانی سپر ہیرو کے فکشن کرداروں پر مبنی ہے، جب کہ اس میں ریان ریونلڈس سپر ہیرو مخالف کردار میں نظر آئیں گے۔
ریان ریونلڈس نے ڈیڈپول 2 میں اپنے کردار کی جھلک ٹوئیٹ کرتے ہوئے لکھا کہ ’ہم سب کے پاس ایک مسلح بد مزاج چچا ہوتا ہے‘۔
ریان ریونلڈس نے فلم کے مناظر کی 2 تصاویر ٹوئیٹ کیں، اس سے قبل 31 جولائی کو ہی اداکار نے اپنے ٹوئٹر سے اداکارہ زیزی بیٹز کی فلم کے مناظر کی ایک تصویر بھی ٹوئیٹ کی تھی۔
اداکارہ کے فلمی منظر کی تصویر ٹوئیٹ کرتے ہوئے ریان ریونلڈس کا کہنا تھا کہ ’کچھ لوگ صرف یہ جانتے ہیں کہ ریڈ کارپٹ پر کیسے کام کیا جاتا ہے‘۔
خیال رہے کہ ڈیڈ پول فلم کو فروری 2016 میں ریلیز کیا گیا تھا، جس نے تھوڑی ہے عرصے میں 78 کروڑ ڈالر سے زیادہ بزنس کیا تھا۔

لاہور(ویب ڈیسک)بالی ووڈ اداکار، ہدایتکار اور پروڈیوسر کرن جوہر کے جڑواں بچوں روہی اور یش کی پہلی تصویر سوشل میڈیا پر وائرل ہوگئی۔45 سالہ کرن جوہر اکثر و بیشتر اپنے بچوں کے بارے میں متعدد انٹرویوز میں بات کرتے آرہے ہیں ، انہوں نے خود کبھی ان کی تصویر سوشل میڈیا پر شیئر نہیں کی تاہم گزشتہ روز انہوں نے یش اور روہی کی ایک نہایت پیاری تصویر اپنے انسٹاگرام اکائونٹ پر مداحوں کیلئے شیئرکی ہے اس تصویر میں کرن جوہر کی والدہ بھی موجود ہیں۔ہدایتکار نے اپنے بچوں کی تصویر پر بتایا کہ یہ دونوں 6 ماہ کے ہوچکے ہیں۔خیال رہے کہ کرن کے ہاں رواں سال 7 فروری کو ممبئی کے مسرانی ہسپتال میں سروگیسی عمل کی مدد سے ان جڑواں بچوں کی ولادت ہوئی۔کرن جوہر نے اپنے بیٹے کا نام یش اور بیٹی کا نام روہی رکھا۔

ممبئی (آن لائن) بھارتی اداکار اجے دیو گن نے امیتابھ بچن کی پریشانی دور کرنے کے لئے ’’بگ بی ‘‘ اور ان کے دوست کے موبائل فون ہیک کرکے دونوں کو حیران کر دیا۔
بھارتی میڈیاکے مطابق اجے دیو گن نے امیتا بھ بچن کے موبائل فون کوہیک کرکے ان کے دوست رائے کو پیغام دیا کے مجھے صبح ساڑھے 5 بجے جم میں ملو، امیتابھ بچن کے دوست موبائل پر پیغام ملنے کے بعد جب صبح ساڑھے 5 بجے امیتابھ بچن کو ملنے پہنچے تو وہ انہیں دیکھ کر حیران رہ گئے اور پوچھا کے آپ اتنی سویرے کیوں یہاں آئے ؟اس پر دوست نے جواب دیا کے آپ نے ہی بلایا تھا اور ساتھ ہی انہوں نے وہ موبائل پر اپنے امیتابھ بچن کا مختصر پیغام بھی دکھایا۔ امیتابھ بچن نے اپنے موبائل کو چیک کیا تو اس سے بھی یہ پیغام دیا گیا تھا۔
اجے دیو گن نے اپنے انٹرویو میں بتایا کے میں نے امیتابھ بچن کی پریشانی دور کرنے کیلئے انہیں فون کرکے بتایا کہ یہ شرارت میں نے کی ہے، امیتابھ بچن یہ سن کر حیران تو ہوئے مگر انہوں نے اجے دیوگن کو ڈانٹنے کی بجائے موبائل فون ہیک کرنے کا سافٹ ویئر مانگ لیا، اجے دیو گن نے ایک کامیڈی شو میں بتایا کہ جدید سافٹ ویئر کے ذریعے کسی بھی موبائل کے کسی کو بھی فون کرنا کوئی مشکل کام نہیں رہا۔

بولی وڈ کی خوبرو اداکارہ شردھا کپور ڈائریکٹر اور اداکار فرحان اختر کو اپنی آنے والی فلم ’حسینہ پارکر‘ خصوصی طور پر دکھانا چاہتی ہیں۔
اداکارہ چاہتی ہیں کہ ان کے دوست فرحان اختر فلم ریلیز ہونے سے قبل خصوصی طور پر حسینہ پارکر کو دیکھ کر بتائیں کہ انہوں نے کس طرح اداکاری کی۔
شردھا کپور کو یقین ہے کہ فرحان اختر ہی وہ واحد اور سچے تنقید نگار دوست ہیں، جو انہیں ان کی اداکاری اور فلم سے متعلق اچھے مشورے دے سکتے ہیں۔
نشریاتی ادارے ’دی ایشین ایج‘ نے شردھا کپور کے انتہائی قریبی ذرائع کا حوالہ دیتے ہوئے بتایا کہ اداکارہ نے اپنے کیریئر میں سب سے بہترین اداکاری اس فلم کے لیے کی ہے، اس لیے وہ چاہتی ہیں کہ ان کے دوست فرحان اختر فلم دیکھ کر ان کے کردار سے متعلق رائے دیں۔
خیال رہے کہ ’حسینہ پارکر‘ کو رواں ماہ 18 اگست کو ریلیز کیا جانا تھا، تاہم رواں ماہ بڑی فلمیں ریلیز ہونے کی وجہ سے چوتھی بار اس فلم کی نمائش منسوخ کردی گئی۔
حسینہ پارکر کو سب سے پہلے 14 جولائی 2017 کو ریلیز کیا جانا تھا، تاہم بڑی فلموں کے خوف کی وجہ سے مسلسل اس کی ریلیز 4 بار منسوخ کی گئی۔
اب فلم کی ٹیم نے حسینہ پارکر کو آئندہ ماہ 15 ستمبر کو ریلیز کیے جانے کا اعلان کیا ہے، اور شردھا کپور چاہتی ہیں کہ نمائش سے پہلے ہی فرحان اختر کو خصوصی طور پر فلم دکھائی جائے۔
ہدایت کار اپوروا لاکھیا کی فلم میں شردھا کپور مرکزی کردار میں نظر آئیں گی، اس فلم میں انہوں نے انڈر ورلڈ ڈان داؤد ابراہیم کی بہن حسینہ پارکر کا کردار ادا کیا ہے۔
بولی وڈ میں داؤد ابراہیم کی زندگی پر کئی فلمیں بنائی جاچکی ہیں، تاہم پہلی بار ان کی بہن پر فلم بنائی گئی ہے، فلمی ناقدین کے مطابق انڈر ورلڈ ڈان پر بنائی گئی فلموں کے مقابلے اس کی بہن پر بنائی گئی فلم زیادہ کامیاب ہوگی۔
داؤد ابراہیم پر بنی بیشتر بھارتی فلموں کو ناکامی کا سامنا کرنا پڑا ہے، تاہم خیال کیا جا رہا ہے کہ شردھا کپور کی یہ فلم اس روایت کو توڑنے میں کامیاب ہوگی۔

ممبئی: بالی ووڈ کنگ شاہ رخ خان کی خوبصورت بیوی گوری خان ان دنوں سخت پریشان ہیں اور ان کی پریشانی کی وجہ ہے ان کا خوبصورت چہرہ جو سورج کی تیز شعاعوں کو برداشت نہ کرسکا۔
بھارتی فلم انڈسٹری کے سپر اسٹار شاہ رخ خان کا شمار بالی ووڈ کے مصروف ترین اداکاروں میں ہوتا ہے جو 50 سال سے زائد عمر ہونے کے بعد بھی مسلسل کام میں مصروف ہیں۔ صرف شاہ رخ ہی نہیں بلکہ ان کی خوبصورت بیوی گوری خان بھی اپنے شوہر کے نقش قدم پر چلتے ہوئے مختلف سرگرمیوں میں مصروف رہتی ہیں۔
بھارتی میڈیا کے مطابق شاہ رخ خان اور ان کی اہلیہ اپنے تینوں بچوں آریان، سہانا اور ابرام سمیت حال ہی میں لاس اینجلس سے چھٹیاں گزار کر لوٹے ہیں جہاں انہوں نے سری دیوی اور ان کے بچوں کے ساتھ بھی خوشگوار وقت گزارا۔ تاہم ان چھٹیوں کے دوران ساحل سمندر کی سیر کرتے ہوئے گوری کا چہرہ سورج کی تیز شعاعیں برداشت نہ کرسکا اورجھلس گیا جس کی وجہ سے ان کی جلد متاثر ہوگئی۔
اس خبرکوبھی پڑھیں: شاہ رخ خان کے گھر ’’منت ‘‘ کا مالک کون؟
بھارت واپس آنے کے بعد گوری ممبئی کے علاقے باندرا میں ایک جلدی امراض کے کلینک کے باہر دیکھی گئیں ہیں، جہاں وہ اپنے چہرے کے علاج کی غرض سے آئی تھیں، جھلسی ہوئی اور سوجن زدہ جلد کی وجہ سے گوری خان کو پہچاننا بہت مشکل ہوگیا ہے

بھارتی میڈیا کی رپورٹ کے مطابق عامر خان نے اس بات کی تصدیق کی ہے کہ انہیں اور ان کی اہلیہ کو H1N1 وائرس لاحق ہوگیا ہے جسے عام طور پر سوائن فلو کہا جاتا ہے۔ عامر خان کو ’’ستیامے وجیتے واٹر کپ ایوارڈز‘‘ میں شرکت کرنا تھی تاہم انہوں نے ویڈیو لنک کے ذریعے شرکاء کو یہ پیغام دیا کہ انہیں سوائن فلو ہوگیا ہے۔
ویڈیو میں عامر خان اپنی اہلیہ کرن راؤ کے ساتھ بیٹھے ہوئے ہیں اور کہہ رہے ہیں کہ انہیں افسوس کے ساتھ اپنے مداحوں کو یہ بتانا پڑ رہا ہے کہ سال بھر سخت محنت کے بعد جب خوشی منانے کا وقت آیا تو اس بیماری کی وجہ سے جو کہ بہت تیزی سے پھیلتی ہے انہیں ایک ہفتے تک گھر کے اندر ہی رہنا پڑے گا۔ تقریب میں موجود فلمی ناقد انوپما چوپڑا نے بتایا کہ عامر خان کی اہلیہ کرن راؤ کو بھی سوائن فلو ہوگیا ہے۔
عامر خان نے اپنی بیماری کی وجہ سے شاہ رخ خان سے درخواست کی تھی کہ وہ تقریب میں ان کی جگہ شرکت کریں جس پر شاہ رخ خان تقریب میں شریک ہوئے اور انہوں نے عامر خان کے لیے جلد صحتیابی کی دعا بھی کی۔

بھارتی پنجاب کے شہر لدھیانہ کی مقامی عدالت نے بولی وڈ اداکارہ راکھی ساونت کی ضمانت منظور کرلی، جس وجہ سے وہ گرفتاری سے بچ گئیں۔
لدھیانہ کی عدالت نے پولیس کو حکم دے رکھا تھا کہ اداکارہ کو ہر حال میں 7 اگست تک گرفتار کرکے پیش کیا جائے۔
داکارہ پر گزشتہ برس ایک ٹی وی شو کے دوران اداکارہ والمیکی سماج کے خلاف نازیبا، تضہیک آمیز اور قابل اعتراض گفتگو کیے جانے کا الزام ہے۔
اسی مقدمے کے سلسلے میں اداکارہ لدھیانہ کی اسی ہی عدالت کے سامنے رواں برس جولائی میں بھی پیش ہوئی تھیں۔
جولائی میں عدالت نے پہلے اداکارہ کی ضمانت منظور کرلی تھی، مگر ایک دن بعد ہی ضمانت کو منسوخ کرتے ہوئے پولیس کو حکم دیا تھا کہ راکھی ساونت کو ہر حال میں گرفتار کرکے 7 اگست تک عدالت میں پیش کیا جائے۔
تاہم اداکارہ نے گرفتاری کے احکامات کے خلاف عدالت میں درخواست دائر کر رکھی تھی، جسے عدالت نے منظور کرلیا۔
ہندوستان ٹائمز کے مطابق لدھیانہ کے ڈسٹرکٹ اینڈ سیشن جج گربیر سنگھ نے راکھی ساونت کی ضمانت منظور کرتے ہوئے، انہیں حکم دیا کہ وہ پھر بھی عدالت میں پیش ہوں۔
خیال رہے کہ راکھی ساونت نامناسب گفتگو کرنے پراداکارہ والمیکی سماج سے بھی معافی مانگ چکی ہیں، تاہم معاملہ عدالت میں ہونے کی وجہ سے انہیں بار بار لدھیانہ کی عدالت میں پیش ہونا پڑتا ہے۔
اداکارہ نے گزشتہ ماہ جولائی میں کہا تھا کہ اگر ان کا مقدمہ لدھیانہ کے بجائے ممبئی منتقل کیا جائے تو انہیں آسانی ہوگی۔

ممبئی: بالی ووڈ میں مسٹر پرفیکٹ کے نام سے مشہور اداکارعامر خان نے اپنی اہلیہ کرن راؤ کے بارے میں انکشاف کرتے ہوئے کہا ہے کہ کرن بہترین ہدایت کارہ ہونے کے ساتھ بہت اچھی اداکارہ بھی ہیں میں کئی بار ان سےفلموں میں اداکاری کرنے کی فرمائش کرچکا ہوں۔
ناموربالی ووڈ اداکارعامرخان ان دنوں اپنی نئی فلم ’’سیکریٹ سپراسٹار‘‘کی تشہیر میں مصروف ہیں، اسی سلسلے میں ایک تقریب کے دوران انہوں نے اپنی اہلیہ کرن راؤ کے بارے میں حیرت انگیزانکشاف کیا کہ کرن بہترین بیوی، ماں اور ہدایت کارہ ہونے کے ساتھ بہت اچھی اداکارہ بھی ہیں لیکن ان کے اس ’’سیکریٹ ٹیلنٹ‘‘ کے بارے میں مجھ سمیت بہت کم لوگ جانتے ہیں، کرن کا یہ سیکریٹ ٹیلنٹ اس وقت میرے سامنے آیا جب ہم فلم ’’دھوبی گھاٹ‘‘ کی شوٹنگ کررہے تھے، کرن فلم کی ہدایات دے رہی تھیں، اس وقت فلم میں موجود ایک اداکارہ کو کردار سمجھاتے ہوئے کرن نے اتنی خوبصورت اداکاری کی کہ میں حیران رہ گیا اوران سے فرمائش کی کہ یہ کردارآپ ہی کرلیں کیونکہ آپ سے بہتر کوئی اوریہ کردارنبھا ہی نہیں سکتا لیکن کرن نے میری بات ماننے سے صاف انکار کردیا اورکہا کہ میں ہدایت کاری میں ہی ٹھیک ہوں۔
عامر خان نے مزید کہا کہ وہ دن ہے اورآج کا دن ، میں کرن سے تقریباً روز کہتا ہوں کہ اپنے ٹیلنٹ کو سب کے سامنے لے کرآؤ لیکن وہ ہربار منع کردیتی ہے۔
اس موقع پر جب کرن سے پوچھا گیا تو انہوں نے کہا کہ کالج کے دنوں میں انہیں اداکاری کرنا بہت اچھا لگتا تھا لیکن اداکاری کو بطور پیشہ اپنانے کا ان کا کوئی اراداہ نہیں، ہاں جب وہ ریٹائر ہوجائیں گی تو تھیٹر میں ضروراداکاری کریں گی.
کرن راؤ نے فلم ’’سیکریٹ سپراسٹار‘‘ کے بارے میں اپنی رائے کا اظہار کرتے ہوئے کہا کہ یہ فلم خواتین اوران کے خوابوں سے متعلق ہے، اس فلم میں بتایا گیا ہے کہ خواتین کو اپنے خواب پورے کرنے کیلئے بالکل بھی ہچکچانا نہیں چاہئے، فلم ’’سیکریٹ سپر اسٹار‘‘ 20 اکتوبر2017 کو دیوالی کے موقع پر نمائش کیلئے پیش کی جائے گی۔