Category شوبز

حقیقی واقعات پر مبنی ہالی وڈ کی نئی بائیگرافیکل ڈرامہ فلم گُڈ بائے کرسٹوفر روبن کا ٹریلر جاری کر دیا گیا ۔
ہدایت کارسائمن کرٹیز کی اس سنسنی خیز فلم کی کہانی مشہور برطانوی رائٹراور وِنی دی پُوہ کی زندگی کے گِرد گھوم رہی ہے جو اپنی بیٹی سے بے پناہ محبت کرتا تھا اور اسی سے متاثر ہو کر اس رائٹر نے یہ کردار تخلیق کیا۔
جس نے رائٹر کے دنیا سے رخصت ہوجانے کے بعد ایسی دھاک بٹھائی کہ کئی نسلیں وِنی دی پُوہ کی دیوانی ہیں۔
اسٹیو کرسٹین اورڈیمیئن جونز کی مشترکہ پروڈکشن میں بننے والی اس فلم کی کاسٹ میں ہالی وڈ اداکارڈوم نال گلیسن ، مارگیٹ روبی، کیلی میکڈونلڈ،ہنی ہومزاورجیسن میتھیو سن سمیت دیگر کئی فنکار شامل ہیں۔
فلم کی نمائش13اکتوبرکوہو گی۔

کراچی (میڈیا پاکستان ) کوک سٹوڈیو نے جشن آزادی کے موقع پر سیزن 10 میں پرفارم کرنیوالے تمام 40 گلوکاروں کے ہمراہ قومی ترانہ ریلیز کرنے کا اعلان کیا ہے ۔ اس حوالے سے جنرل منیجرکوکا کولا پاکستان رضوان یو خان اور کوکا کولا پاکستان کے ڈائریکٹر مارکیٹنگ عباس ارسلان نے بتایا کہ ہر گزرتے سال کیساتھ نہ صرف یہ پلیٹ فارم مستحکم ہورہا ہے بلکہ مزید بہتر بھی ہوتا جارہا ہے ۔
سٹرنگزبینڈ کوک سٹوڈیو کے 7ویں سیزن سے بطور ایگزیکٹو پروڈیوسر وابستہ ہے جس نے خصوصی طور پر تیار کئے گئے قومی ترانے کے بارے میں کہا ہم یہ امید کرتے ہیں کہ مشترکہ قومی ترانہ ریلیز کرنے سے ہر پاکستانی کے دل میں جذبہ حب الوطنی اور قومی شعور کا احساس اجاگر ہوگا۔ واضح رہے کہ کوک سٹوڈیو کا 10واں سیزن 11 اگست کو ریلیز ہوگا۔

ممبئی: بالی ووڈ کے مسٹر پرفیکشنسٹ عامر خان کا کہنا ہے کہ شاہ رخ اور سلمان خان بہت بڑے اسٹارز ہیں اور وہ ان دونوں کی اداکاری کے مداح ہیں البتہ وہ اپنے کام کا موازنہ دونوں خانز سے نہیں کرتے کیوں کہ ہر کوئی ایک دوسرے سے منفرد ہے۔
بالی ووڈ میں نئے اور مختلف کردار نبھانے میں عامر خان کا کوئی ثانی نہیں جب کہ ان کی ہر فلم کی کہانی مختلف اور کسی خاص معاشرتی موضوع پر ہوتی ہے جس میں وہ حقیقت کا رنگ بھرنے کے لیے کسی بھی حد تک چلے جاتے ہیں اور مسٹر پرفکیشنسٹ نے ’لگان‘، ’دنگل‘، ’پی کے‘، ’تھری ایڈیٹس‘، ’تارے زمین پر‘ جیسی فلموں میں نہ صرف معاشرے بلکہ بچوں، خواتین اور نوجوان نسل کے مسائل کو اجاگر کیا۔
عامر خان کی نئی فلم ’سیکریٹ سپر اسٹار‘ بھی ان کی کامیاب ترین فلم ’دنگل‘ کی طرح خواتین کے گرد گھومتی ہے جس میں ’دنگل‘ میں ادکاری کے جوہر دکھانے والی اداکارہ زائرہ وسیم بھی اہم کردار میں دکھائی دیں گی جب کہ فلم کی کہانی ایک ایسی لڑکی پر محیط ہے جو اپنے والد کی مخالفت کے باوجود بڑی گلوکارہ بننا چاہتی ہے۔
فلم ’سیکریٹ سپر اسٹار‘ کی پروموشن کے موقع پر عامر خان سے سوال کیا گیا کہ ان کی کبھی خواہش نہیں رہی کہ انہیں بھی مداحوں کی جانب سے سلمان اور شاہ رخ خان جیسی پذیرائی ملے جس پر بالی ووڈ کے مسٹر پرفیکشنسٹ کا کہنا تھا کہ شاہ رخ خان اور سلمان خان بہت بڑے اسٹارز ہیں اور وہ خود بھی ان کی اداکاری کے مداح ہیں البتہ وہ اپنے کام کا موازنہ دونوں خانز سے نہیں کرتے کیوں کہ ہر کوئی ایک دوسرے سے منفرد ہے جب کہ ان کا مداحوں سے ایک خاص رشتہ ہے جو کئی سالوں میں بنا ہے اور آج وہ جس جگہ ہیں اس پربہت خوش ہیں۔
اس خبر کو بھی پڑھیں؛ عامر خان کی نئی فلم ’’سیکرٹ سپر اسٹار‘‘ کا پہلا ٹریلر جاری
سلمان خان کی فلم ’ٹیوب لائٹ‘ کی ناکامی پر عامر خان نے کہا کہ ہم سب اچھی کوشش کرتے ہیں البتہ تخلیقی کام غیر متوقع ہوتا ہے جس میں ہم کامیاب ہو جاتے ہیں مگر کبھی کبھار ناکامی کا بھی سامنا کرنا پڑتا ہے، میں نہیں سمجھتا ایک یا دو فلموں کی ناکامی سے کسی کی شہرت میں کمی آتی ہے۔
واضح رہے ’’سیکریٹ پر اسٹار‘‘ رواں سال دیوالی کے موقع پر سینما گھروں کی زینت بنے گی جب کہ گزشتہ دنوں فلم کا ٹریلر جاری کر دیا گیا تھا۔

ممبئی(میڈیا پاکستان) شاہ رخ خان کو شیونگ کریم کے اشتہار میں اس کی جھوٹی تعریفیں کرنے پر بھارتی عدالت نے نوٹس جاری کردیا ہے۔بھارتی فلم انڈسٹری کے تقریباً تمام سپر اسٹارز اضافی آمدنی کی مد میں اشتہارات کے ذریعے کروڑوں کماتے ہیں لیکن اضافی آمدنی کے چکر میں یہ اسٹارز بھول جاتے ہیں کہ عام آدمی یہ اشتہارات دیکھ کر جو بھی چیز خریدتا ہے اس پر اس کے کتنے منفی اثرات مرتب ہوں گے۔
بھارتی میڈیا کے مطابق حال ہی میں بھارتی شہر بھوپال سے تعلق رکھنے والے ایک شہری راجکمار پانڈے نے بولی وڈ سپر اسٹار شاہ رخ خان کے خلاف شکایت درج کروائی ہے، جس میں انہوں نے مؤقف اختیار کیا ہے کہ انہوں نے ٹی وی پر شاہ رخ خان کو ایک شیونگ کریم کے اشتہار میں دیکھا تھا وہ اس اشتہار سے اتنے متاثر ہوئے کہ فوراً کریم خرید کر گھر لے آئے تاہم کریم استعمال کرنے پر نہ صرف انہیں نقصان ہوا بلکہ ان کے چہرے پر بھی زخم آئے۔

ممبئی: (ویب ڈیسک )بھارتی فلم انڈسٹری کے لیجنڈ اداکار دلیپ کمار کی طبیعت اچانک خراب ہوگئی جس کے بعد انہیں ممبئی کے لیلاوتی اسپتال منتقل کردیا گیا۔
بھارتی میڈیا کی رپورٹ کے مطابق دلیپ کمار اپنے گھر میں موجود تھے جب انہیں گردے میں تکلیف محسوس ہوئی جس کے بعد انہیں فوری طور پر لیلاوتی اسپتال لے جایا گیا۔ ڈاکٹرز کا کہنا ہے کہ دلیپ کمار کے جسم میں پانی کی کمی ہوگئی ہے جس کی وجہ سے انہیں گردے میں تکلیف محسوس ہوئی۔ اسپتال میں دلیپ کمار کے متعدد ٹیسٹ کیے گئے جن کی رپورٹ آنے کے بعد ہی حتمی طور پر کچھ کہا جاسکے گا۔
ڈاکٹرز کا کہنا ہے کہ دلیپ کمار کو اسپتال میں داخل کرلیا گیا ہے اور اس وقت ان کی طبیعت بہتر ہے تاہم انہیں زیر نگرانی رکھا گیا ہے۔ خیال رہے کہ 94 سالہ اداکار دلیپ کمار کی صحت رواں برس تیزی سے گری ہے اور انہیں کئی بار اسپتال میں داخل ہونا پڑا ہے۔ گزشتہ برس اپریل میں دلیپ کمار کو بخار اور متلی کی وجہ سے اسپتال میں داخل کیا گیا تھا جبکہ دسمبر میں ان کے دائیں پاؤں میں سوجن ہوگئی تھی جس کی وجہ سے انہیں اسپتال لے جایا گیا تھا۔
دلیپ کمار 6 دہائیوں پر مشتمل اپنے فلمی کیریئر میں 65 سے زائد فلموں میں اداکاری کے جوہر دکھائے ہیں جن میں دیوداس، نیا دور، مغل اعظم، گنگا جمنا، کرانتی اور کرما جیسی شاہکار فلمیں بھی شامل ہیں۔ 1991 میں بھارتی حکومت نے دلیپ کمار کو پدما بھوشن ایوارڈ سے نوازا تھا۔

(میڈیا پاکستان )بالی وڈ کے مسٹر پرفیکٹ عامر خان کی نئی آنے والی فلم سیکریٹ سپر اسٹار کے پوسٹرز اور جھلکیاں دیکھنے کے بعد ٹریلر بھی جاری ہوگیا۔

عامر خان نے ٹوئٹ کے ذریعے فلم ’’سیکریٹ سپر اسٹار‘‘ کا ٹریلر جاری کیا جب کہ فلم کی کہانی 14 سالہ اسکول جانے والی بچی پر مبنی ہے جس کا خواب گائیکی کی دنیا میں قدم رکھنا ہے لیکن والد کے دباؤ کی وجہ سے اسے اپنے خوابوں کی تعبیر میں مشکل کا سامنا کرنا پڑ رہا ہے جس کے تحت وہ اپنا گا نا برقعہ پہن کر ریکارڈ کرتی ہے اور یو ٹیوب پر جاری کر دیتی ہے۔

فلم میں 14 سالہ اسکول جانے والی بچی کا کردار زائرہ وسیم نے کیا اور یہ دنگل کے بعد ان کے کیریئر کی دوسری فلم ہے۔

اس سے پہلے بھی عامر خان نے 2007 میں بچوں کی دماغی مشکل پر مبنی فلم تارے زمین پر کر چکے ہیں جس میں انہوں نے ایک ٹیچر کا کردار ادا کیا تھا۔ فلم میں ان کے ہمراہ چائلڈ آرٹسٹ ایشان ’’درشیل سفاری‘‘ نے اداکاری کے جوہر دکھائے تھے۔

واضح رہے کے فلم سیکریٹ سپر اسٹار پہلے 4 اگست کو نمائش کے لیے پیش کی جانی تھی تاہم اب فلم دیوالی پر سینما گھروں کی زینت بنے گی۔

معروف ماڈل و اداکارہ ماہرہ خان نے کہا ہے کہ تحریک انصاف کی سابق رکن عائشہ گلالئی کیخلاف سوشل میڈیا پر جو مہم چلائی جا رہی ہے اور جس قسم کے منفی ردعمل کا مظاہرہ کیا جا رہا ہے وہ قابل افسوس ہے ، ماہرہ خان نے کہا کہ عائشہ گلالئی کیخلاف جس قسم کے ردعمل کا اظہار کیا جا رہا ہے وہ بیمار اور بدبو دار ذہنیت کا عکاس ہے ۔ انہوں نے سماجی رابطے کی ویب سائیٹ پر عائشہ گلالئی کے ایک مخالف کی ٹویٹ شیئر کرتے ہوئے کہا کہ ایسے ردعمل سے ان لوگوں کی سوچ اور ذہنیت کا اندازہ لگایا جا سکتا ہے ۔ ماہرہ خان نے ایک مخالف کی جانب سے عائشہ گلالئی پر تیزاب پھینکے جانے کی دھمکی کی شدید الفاظ میں مذمت کرتے ہوئے کہا کہ یہ ایک غیر انسانی فعل ہے ، اس طرح کی دھمکیاں انسانیت کی توہین ہیں ۔

لاہور: شوبز حلقوں نے اداکارہ وماڈل عروہ حُسین کا نئی فلم ’’ میں پنجاب نہیں جاؤنگی ‘‘ کے لیے شوٹ کیا گیا گیت ’ 24/7 لک ہلنا ‘ میں پرفارمنس کو ’ناچ نہ جانے آنگن ٹیڑھا‘ قرار دیدیا۔
اداکارہ عروہ حسین کے مقابلے میں احمد بٹ کی پرفارمنس کوسراہا جارہا ہے جبکہ دوسری جانب سوشل میڈیا پربھی عروہ حسین کی ڈانس پرفارمنس کوخاصی تنقید کا سامنا ہے۔ اداکارائیں صرف خوش شکل نہیں بلکہ فنکارانہ صلاحیتوں کیساتھ ساتھ اعضاء کی شاعری سے بھی مالا مال ہونی چاہئیں۔
خیال رہے کہ عروہ حسین جیسی اداکارائیں جوخود کو ’’سُپراسٹار‘‘ سمجھتی ہیں جس کے لیے انھیں خود کواس قابل بنانے کے لیے سخت محنت کرنے کی ضرورت ہے۔ اگروہ بڑی اسکرین کی اسٹاربننا چاہتی ہیں توانھیں بڑی توجہ کیساتھ رقص کی تربیت حاصل کرنا ہوگی۔ ان کی گیت ’ 24/7لک ہلنا ‘ میں پرفارمنس کسی بھی اعتبار سے سلوراسکرین کے معیار کے مطابق نہیں ہے۔

ممبئی(میڈیا پاکستان)بالی ووڈ کی نامور اداکارہ عائشہ ٹاکیہ کے شوہر اور بھارتی سیاسی جماعت سماج وادی پارٹی کے رکن ابواعظمی کے بیٹے فرحان اعظمی کو ہندو اداکارہ سے شادی کرنے پر انتہا پسندوں کی جانب سے دھمکیاں موصول ہورہی ہیں۔

پریانکا چوپڑا نے امریکہ میں مادھوری ڈکشٹ کی حقیقی زندگی پر اپنے ذاتی پروڈکشن ہاؤس کے بینر تلے سیریل بنانے کا اعلان کر دیا
بھارتی میڈیا کے مطابق عائشہ ٹاکیہ اور فرحان اعظمی 2009میں شادی کے بندھن میں بندھے تھے،دونوں کا ایک 5سال کا بیٹا میکائل اعظمی بھی ہے، تاہم ہندو لڑکی کی ایک مسلمان سے شادی بھارتی انتہا پسندوں کو ہضم نہ ہوئی اور شادی کے 8سال بعد بھی انہوں نے اس جوڑے کی زندگی میں مشکلات کھڑی کررکھی ہیں ، فرحان اعظمی نے ممبئی پولیس میں شکایت درج کرواتے ہوئے موقف اختیار کیا ہے کہ دو روز قبل انہیں نامعلوم شخص کی جانب سے فون کال موصول ہوئی جس نے انہیں عائشہ سے شادی کرنے پر جان سے مارنے کی دھمکی دی، فرحان نے نامعلوم شخص کے متعلق بتاتے ہوئے کہا کہ اس شخص کا تعلق ممکنہ طور پر راجستھان ہندو سینا کے انتہا پسند گروپ سے ہوسکتا ہے۔
دوسری جانب عائشہ ٹاکیہ نے اس معاملے پر موقف اختیار کرتے ہوئے کہا کہ مجھے نہیں لگتا اس معاملے پر مجھے اپنی رائے پیش کرنے کی کوئی ضرورت ہے کیونکہ میں فرحان کے ساتھ شادی کرکے بہت خوش ہوں اور دوسرے لوگ ہمارے بارے میں کیا سوچتے ہیں اس بارے میں میں کچھ نہیں کہہ سکتی۔

ممبئی (میڈیا پاکستان آن لائن) خواتین کو نرم و نازک تصور کیا جاتا ہے بالخصوص اداکاراؤں کو تو کچھ زیادہ ہی نازوں پلی گردانا جاتا ہے لیکن اب بالی ووڈ اداکارہ کترینہ کیف نے بغیر ہاتھوں کو استعمال کیے پش اپس لگا کر اس تصور کو بدل کر رکھ دیا ہے۔
بالی ووڈ اداکارہ ان دنوں موروکو میں دبنگ خان کے ساتھ ٹائیگر زندہ ہے فلم کی شوٹنگ میں مصروف ہیں، جہاں سے وہ سوشل میڈیا پر اپنے خوشگوار لمحات کی یادوں میں مداحوں کو بھی شریک کرتی رہتی ہیں۔ خوشگوار لمحات کی ایک ایسی ہی ویڈیو کترینہ کیف نے سوشل میڈیا پر شیئر کی ہے جس میں انہیں پش اپس لگاتے ہوئے دیکھا جا سکتا ہے۔ ویڈیو میں دیکھا جا سکتا ہے کہ کترینہ کیف پہلے عام روٹین کی طرح پش اپس لگاتی ہیں اس کے بعد صرف ایک ہاتھ سے یہی عمل دہراتی ہیں اور بعد میں وہ دونوں ہاتھ کمر پر رکھ لیتی اور پش اپس لگانا شروع کر دیتی ہیں۔
جن لوگوں نے بھی کترینہ کی یہ ویڈیو دیکھی وہ سب حیران رہ گئے لیکن جن لوگوں نے اس ویڈیو کو آخر تک دیکھا تو وہ مزید حیران ہو گئے کیونکہ کترینہ کیف کے پش اپس درحقیقت جعلی تھے۔ ویڈیو کے اختتام پر دیکھا جا سکتاہے کہ اداکارہ لکڑی کے ایک تختے پر لیٹی ہوئی ہیں اور ان کی پشت کی طرف کھڑا ایک شخص اس تختے کو اوپر نیچے کرتا ہے جس سے یونہی لگتا ہے کہ اداکارہ بغیر ہاتھوں کے پش اپس لگا رہی ہیں۔