Category شوبز

کراچی : معروف گلوکارہ حدیقہ کیانی اپنے قول کی پکی نکلیں ۔ اداکارہ نے سیلاب متاثرین کے لیے 100 گھروں کی تعمیر مکمل کر لی۔گزشتہ دنوں حدیقہ کیانی کی جانب سے ان کی سیلابی مہم وسیلہ راہ کے تحت بلوچستان کے سیلاب سے متاثرہ علاقوں میں 200 گھروں کی تعمیر کا اعلان کیا گیا تھا جس میں سے 100 گھرو ں کی تعمیر مکمل کر لی گئی ہے۔گلوکار و اداکارہ حدیقہ کیانی نے گھروں کی افتتاح کے موقع پر میڈیا سے گفتگو کرتے ہوئے ان کی مہم کا حصہ بننے والوں کا شکریہ ادا کیا۔گلوکارہ نے بتایا کہ ان کی مہم کے تحت 100 گھروں کی تعمیرات مکمل کر لی گئی ہے جس میں ایک اسکول ایک میٹرنٹی ہوم شامل ہے۔حدیقہ کیانی کا کہنا تھا کہ سیلاب متاثرین میں بڑی تعداد میں حاملہ خواتین شامل تھیں جو موت کا شکار ہو رہی تھیں اس لئیمیٹرنٹی ہوم کا قیام اہم تھا۔ان کا کہنا تھا کہ بہت مشکور ہوں کہ جن لوگوں نے وسیلہ راہ کی اس مہم پر بھروسہ کیا۔ ان کی مدد سے ہم تحصیل تمبو ضلع نصیر آباد بلوچستان میں 100 گھر تعمیر کرنے میں کامیاب ہوئے ہیں۔ساتھ ہی حدیقہ کیا نی نے ان کی مہم میں رہنمائی کرنے اور بھرپور حصہ ڈالنے پر پاک فوج کا بھی شکریہ ادا کیا گلوکارہ کا کہنا تھا کہ پاک فوج کے بغیر یہ کام ممکن نہیں تھا۔

ممبئی : بالی وڈ کے سپر اسٹار رنبیر کپور لیجنڈری بھارتی گلوکار کی زندگی پر بننے والی فلم میں کام کریں گے۔بھارتی میڈیا رپورٹس کے مطابق رنبیر کپور کے حوالے سے خبریں گردش کررہی تھیں کہ وہ بھارتی کرکٹ ٹیم کے سابق کپتان سارو گنگولی کی زندگی پر بننے والی فلم
میں کام کریں گے۔ رنبیر کپور جو اس وقت اپنی فلم تو جھوٹی میں مکار کی پروموشن میں مصروف ہیں نے ان افواہوں کی تردید کرتے ہوئے اپنی نئی بائیو پک کے حوالے سے انکشاف کیا ہے۔تو جھوٹی میں مکارکی پروموشن کے دوران رنبیر سے پوچھا گیا کہ کیا وہ واقعی اپنی اگلی فلم میں گنگولی کا کردار ادا کر رہے ہیں؟ اس پر اداکار نے واضح کیا کہ ابھی تک ان سے اس حوالے سے کسی نے رابطہ نہیں کیا۔تاہم رنبیر کپور نے انکشاف کیا کہ وہ آنجہانی لیجنڈری بھارتی گلوکار و اداکار کشورکمار کی زندگی پر بننے والی فلم میں اداکاری کرتے نظر آئیں گے۔انہوں نے کہا کہ کشور کمار کی زندگی پر بننے والی فلم پر پچھلے 11 سال سے کام جاری ہے جس کی ہدایتکاری انوراگ باسو کریں گے۔

کراچی : پاکستان شوبز انڈسٹری کی معروف و خوب رو اداکارہ سجل علی کا انسٹاگرام اکاؤنٹ بحال ہوگیا ، پہلی سیلفی بھی شیئر کر دی۔فوٹو اینڈ ویڈیو شیئرنگ پلیٹ فارم انسٹاگرام پر سجل علی نے اپنی نئی بین الاقوامی فلم واٹس لو گاڈ ٹو ڈو ود ا ٹ کے سیٹ سے دلہن کے روپ میں سیلفی شیئر کی۔ واضع رہے کہ گزشتہ دنوں سجل علی نے اپنا انسٹا گرام اکاؤنٹ ڈی – ایکٹیویٹ کر دیا تھا اور اب اپنا اکاؤنٹ دوبارہ بحال کر دیا

لاہور : اداکارہ اشنا شاہ گولفر حمزہ امین کے ساتھ شادی کے بندھن میں بندھ گئیں ہیں، انہیں مبارکبادیں ملنے کا سلسلہ تو جاری ہے تو ساتھ ہی شادی کے موقع پر زیب تن کیے جانے والے لباس پر انہیں تنقید کا بھی سامنا کرنا پڑ رہا ہے۔سوشل میڈیا صارفین نے کی جانب سے لباس بارے تنقید پر ردعمل دیتے ہوئے اشنا شاہ نے تنقید کرنیوالوں کو آڑے ہاتھوں لے لیا ہے۔ایک صارف نے لکھا کہ اْشنا شاہ جیسے لوگوں نے ہماری ثقافت کو برباد کر دیا، جو لباس انہوں نے پہنا ،جو رقص کررہی ہیں، یہ واضح پیغام دیتا ہے کہ وہ اسلامی جمہوریہ پاکستان میں ہمارے بچوں کے لیے رول ماڈل نہیں، نہ کبھی ہوں گی ۔اشنا شاہ نے فوٹو اینڈ ویڈیو شیئرنگ ایپ انسٹاگرام پر سٹوری میں تنقید کرنے والوں کو مخاطب کرتے ہوئے کہا کہ ” میں ان لوگوں سے مخاطب ہوں جنہیں میرے شادی کے جوڑے سے مسئلہ ہے، آپ کو شادی میں مدعو نہیں کیا گیا تھا، نہ آپ لوگوں نے میرے برائیڈل ڈریس کے پیسے دئیے، میرا جوڑا اور جیولری پاکستانی ہے، ہاں میرا آدھا دل آسٹرین ہے۔

ممبئی :بھارتی فلمساز رام گوپال ورما کی فلم ’ستیا‘ میں بھیکو ماترے کے کردار نے بالی وڈ اداکار منوج باجپائی کی زندگی تبدیل کر دی تھی۔ اس کردار نے نہ صرف انہیں شہرت کی بلندیوں پر پہنچا دیا تھا بلکہ انہوں نے کئی ایوارڈ بھی اپنے نام کیے۔ لیکن منوج باجپائی سمجھتے ہیں کہ اس کردار سے انہیں ایک بہت بڑا نقصان بھی ہوا تھا۔اداکار منوج باجپائی نے کہا ہے کہ بھیکو ماترے کا کردار ادا کرنے کے بعد فلمسازوں کی جانب سے انہیں صرف ولن کے کرداروں کی پیشکش ہونے لگی تھی اور وہ صرف ولن کے کردار نہیں کرنا چاہتے تھے اس لیے اگلے 8 مہینے تک انہیں کوئی کام نہیں مل سکا تھا۔انہوں نے بتایا کہ مجھے جتنی بھی فلموں کی آفر آ رہی تھی اس میں سپر اسٹارز کے سامنے مجھے ولن کے کردار کی پیشکش کی جانے لگی تھی مگر میں کچھ اور ہی کرنا چاہتا تھا۔منوج باجپائی کا کہنا تھا کہ اس وقت اتنے سارے پیسے اور فلموں کو انکار کرنا میرے لیے بہت مشکل فیصلہ ہوا کرتا تھا کیونکہ مجھے خود بھی معلوم نہیں تھا کہ میں جو کر رہا ہوں وہ درست ہے یا نہیں۔

پاکستان تحریک انصاف کے سینیٹر اعظم سواتی نے کہا ہے کہ میں تو شاہ محمود قریشی سے ملنے آیا تھا تو مجھے بھی گرفتار کرلیا گیا۔

بہاولپور  میں جیل بھرو تحریک میں گرفتاری دینے والے اعظم سواتی اور محمد احمد مدنی کا طبی معائنہ کیا گیا۔

محمداحمد مدنی کو طبی معائنے کے بعدسینٹرل جیل پہنچا دیا گیا جبکہ سینیٹراعظم سواتی چیک اپ کے بعد ڈسٹرکٹ جیل رحیم یارخان روانہ کردیا گیا ہے۔

اس موقع پر میڈیا سے گفتگو میں اعظم سواتی کا کہنا تھاکہ میرا نام تو جیل بھروتحریک کی ویٹنگ لسٹ میں تھا اور میں تو شاہ محمود قریشی سے ملنے آیا تھا، مجھے بھی گرفتار کرلیا گیا۔

انہوں نے کہا کہ مجھےغیرقانونی طورپرگرفتارکیاگیا، میری عمر 76 سال ہے، موت کی چکی والی کوٹھڑی میں رکھاجا رہا ہے۔

اعظم سواتی کا کہنا تھاکہ عدالتوں سےامیدہےوہ انصاف دیں گی اورانتخابات کاحکم دیں گی۔

خیال رہے کہ گزشتہ دنوں اعظم سواتی نے دیگر رہنماؤں کے ہمراہ لاہور سے گرفتاری پیش کی تھی جس کی پی ٹی آئی کے سوشل میڈیا سے تصویر بھی جاری کی گئی تھی۔

کراچی: پاکستان شوبز کے معروف اداکار فیروز خان نے فنکاروں کے نمبرز کیوں لیک کئے یاسر حسین نے انکشاف کر دیا۔ ایک نجی ٹی وی پروگرام میں انہوں نے فیروز خان کے ساتھ تنازع کے معاملے پر کھل کر بات کی۔فیروز خان نے یاسر حسین اور دیگر فنکاروں کے نمبرز اور نجی معلومات کیوں لیک کی اس سوال پر یاسر حسین نے انکشاف کیا کہ ان کی اہلیہ اقراء عزیز نے فیروز کے ساتھ مزید کسی بھی ڈرامے میں کام کرنے سے انکار کر دیا تھا اس لئے فیروز نے بدلہ لیتے ہوئے میرا نمبر اور نجی معلومات لیک کیں۔یاسر حسین نے مزید بتایا کہ انہیں تاحال ان کے فون پر کالز اور پیغامات موصول ہوتے رہتے ہیں جس کی وجہ سے انہیں مشکلات کا سامنا ہے۔

کراچی: سندھ ہائیکورٹ نے اداکارہ مہوش حیات اور کبریٰ خان کی عادل فاروق راجہ کیخلاف درخواستوں کی سماعت پر ایف آئی اے کے جواب کے بعد سماعت ملتوی کردی۔رپورٹ کے مطابق جسٹس نعمت اللہ پھلپھوٹو کی سربراہی میں دو رکنی بینچ کے روبرو اداکارہ مہوش حیات اور کبریٰ خان کی عادل فاروق راجہ کیخلاف درخواستوں کی سماعت ہوئی۔مہوش حیات کے وکیل نے موقف دیا کہ ایف آئی اے نے ابھی تک سوشل میڈیا سے مواد نہیں ہٹایانہ ہی کوئی کارروائی عمل میں لائی گئی ہے۔ ایف آئی اے کی جانب سے پیش رفت رپورٹ عدالت میں پیش کردی۔ایف آئی اے حکام نے بتایا کہ اداکاراؤں کیخلاف مہم چلانے والے تمام اکاؤنٹس بلاک کرنے کیلئے پی ٹی اے کو معاملہ بھیج دیا گیا ہے۔ یوٹیوب، ٹوئٹر اور انسٹا گرام سمیت دیگر اکاؤنٹس بلاک کرنے کیلئے کہہ دیا ہے۔عدالت نے ریمارکس دیئے ایف آئی اے والے تو کہہ رہے ہیں ہم کام کر رہیں ہیں۔ پیش رفت رپورٹ بھی جمع کرائی گئی ہے۔ ایف آئی اے کو اپنے کام کرنے دیں۔ عدالت نے درخواستوں کی سماعت 4 ہفتے کے لئے ملتوی کردی۔اداکارہ مہوش حیات کی جانب سے دائر درخواست میں موقف اپنایا تھا کہ یو ٹیوبر سابق فوجی افسر نے میڈیا انڈسٹری کی چار اداکاراؤں کے خلاف جھوٹے الزامات لگا کر ان کی تذلیل کی۔ جھوٹے اور من گھڑت الزامات سے ان کی اور دیگر اداکاراؤں کی عزت اور وقار کو مجروح کیا گیا۔

سکھر: شہزاد رائے کے ساتھ پرفارم کرنے والے معروف بلوچی لوک گلوکار واسو خان انتقال کرگئے۔خاندانی ذرائع نے بلوچی گلوکار واسو خان کے انتقال کی تصدیق کرتے ہوئے بتایا کہ واسو خان سانس کی بیماری میں مبتلا تھے، گزشتہ شب سکھرکے نجی اسپتال میں دم توڑ گئے۔خاندانی ذرائع کے مطابق واسو خان کی نماز جنازہ اور تدفین گوٹھ رستم گاجانی میں ہوگی۔واضح رہے کہ واسو خان نے پاکستان کی سیاسی تاریخ کو گلوکاری کے ذریعے اپنے منفرد انداز میں بیان کرکے شہرت حاصل کی تھی۔یاد رہے کہ گلوکار شہزاد رائے نے 2011 میں یوٹیوب پر بلوچستان کے ایک گاؤں سے واسوخان کو ڈھونڈا تھا۔ جس کے بعد گلوکار شہزاد رائے نے واسو کے ساتھ مل کر ان کے منفرد انداز میں ایک مشہور گانا ’اپنے الو‘ پیش کیا تھا۔اس کے بعد اس جوڑی نے ٹی وی پروگرام ’واسو اور میں‘ پیش کیا جو واسو خان کی مقبولیت کی وجہ بنا

ممبئی :بھارت کے مشہور گلوکار سونو نگم پر ممبئی میں ایک کنسرٹ کے دوران حملہ ہوا ہے۔بھارتی میڈیا رپورٹ کے مطابق ممبئی میں جاری کنسرٹ کے دوران سونو نگم پر حملہ شِو سینا پارٹی کے ایم ایل اے کے بیٹے اور بھتیجے کی جانب سے کیا گیا۔بھارتی میڈیا کے مطابق سیاسی پارٹی کے ایم ایل اے پرکاش کے بیٹے نے کنسرٹ کے بعد سونو نگم کے ساتھ سیلفی لینا چاہی تاہم گلوکار کے گارڈز کی جانب سے اسے روک دیا گیا جس پر طیش میں آکر ایم ایل اے کے بیٹے اور بھتیجے نے سونو نگم ان کے بھائی اور باڈی گارڈز پر حملہ کردیا اور انہیں سٹیج سے نیچے پھینک دیا۔اس دوران گلوکار خوش قسمتی سے محفوظ رہے تاہم ان کے بھائی اور گارڈز شدید زخمی ہوگئے جس کے بعد انہیں ہسپتال منتقل کیا گیا اور فوری طبی امداد فراہم کی گئی۔گلوکار نے بھارتی میڈیا کو بتایا کہ ’مجھے دھکا دیا گیا جس سے میں سیڑھیوں پر گر پڑا، ربانی خان مجھے بچانے آئے تو انہیں بھی پیچھے سے دھکیل کر اسٹیج سے پھینک دیا گیا وہ مر بھی سکتے تھے۔گلوکار نے مزید کہا کہ ’میں نے اِن لوگوں کے خلاف شکایت درج کروا دی ہے لوگوں کو سوچنا چاہیے کہ وہ کسی کو زبردستی سیلفی لینے پر مجبور نہیں کرسکتے۔