Category شوبز

ممبئی : بالی ووڈ کے سپر اسٹار اکشے کمار نے سیکورٹی رکاوٹ کو پھلانگ کر ملنے کیلئے آنے والے مداح نوجوان کو گلے لگالیا۔واقعہ ممبئی میں پیش آیا جہاں بھارتی اداکار اپنی نئی فلم’ ’سیلفی‘‘ کی تشہیری مہم کیلئے ایک تقریب میں شرکت کیلئے آئے تھے۔سوشل میڈیا پر وائرل ویڈیو میں دیکھا جاسکتا ہے کہ اکشے کمار اپنے مداحوں کے سلام کا جواب دے رہے ہیں اور اچانک ایک نوجوان رکاوٹ کو پھلانگ کر اداکار تک پہنچنے کی کوشش کرتا ہے۔اکشے کمار کی سکیورٹی ٹیم نے فورا نوجوان کو زمین کی طرف گرادیا اور اسے دور رہنے کا حکم دیا لیکن اداکار نے اپنے محافظوں کو اس کام سے منع کیا اور نوجوان کے قریب جاکر اسے گلے لگالیا۔

لندن :برطانوی شہزادہ ولیم اور کیٹ مڈلٹن نے 2 سال بعد برٹش اکیڈمی فلم ایوارڈز (بافٹا) کی تقریب میں شرکت کی ہے۔برطانوی میڈیا کی رپورٹ کے مطابق، شاہی جوڑے نے کورونا وبا کے بعد 2 سال بعد اور بطور پرنس اور پرنسز آف ویلز پہلی بار لندن کے رائل فیسٹیول ہال میں منعقدہ ایوارڈز کی اس تقریب میں شرکت کی۔شاہی جوڑے نیکورونا وبا کے پھیلاو کے پیشِ نظر لگنے والے لاک ڈاون سے قبل آخری بار 2019ء میں بافٹا ایوارڈز کی تقریب میں شرکت کی تھی۔کیٹ مڈلٹن اس تقریب میں نامور فیشن برانڈ الیگزینڈر میک کوئین کے سفید رنگ کے لباس کے ساتھ سیاہ رنگ کے لمبے دستانے اور زارا کی سنہری بالیاں پہنے بہت خوبصورت نظر آرہی تھیں جبکہ شہزادہ ولیم سیاہ رنگ کا کوٹ سوٹ پہنے بہت ہی دلکش لگ رہے تھے۔رپورٹ میں یہ بھی بتایا گیا ہے کہ کیٹ مڈلٹن نے تقریب میں شرکت کے لیے کچھ تبدیلیاں کرنے کے بعد وہی لباس دوبارہ پہنا جوکہ اْنہوں نے 2019ء کے ایوارڈز کی تقریب میں پہنا تھا۔پرنس آف ویلز، شہزادہ ولیم نے جوکہ 2010سے بافٹا کے صدر ہیں، گزشتہ سال ذاتی طور پر ایوارڈز کی تقریب میں شرکت کرنے کے بجائے ایک انوکھا ویڈیو پیغام دیا تھا اور شرکاء کو بتایا کہ وہ کچھ مجبوریوں کی وجہ سے تقریب میں شریک نہیں ہو سکے۔

ممبئی :تنازعات میں گِھرے پاکستان شوبز انڈسٹری کے اداکار فیروز خان نے آسکر ایوارڈ یافتہ فلمساز شرمین عبید چنائے سے معافی کا مطالبہ کر دیا۔فوٹو ایند ویڈیو شیئرنگ پلیٹ فارم انسٹاگرام پر قانونی دستاویزات شیئر کرتے ہوئے انہوں نے سوشل میڈیا؎ صارفین کو آگاہ کیا کہ انہوں نے شرمین عبید چنائے سے مطالبہ کیا ہے کہ وہ اْن کو بدنام کرنے اور بے بنیاد الزامات لگانے پر ان سے معافی مانگیں۔فیروز خان نے دعویٰ کیا ہے کہ شرمین عبید چنائے نے اْن کا موقف سنے بغیر صرف بے بنیاد الزامات پر اْن کے خلاف نفرت آمیز مہم چلائی اور ایوارڈ واپس کیا۔ اداکار نے ہفتے کے روز انسٹاگرام پر قانونی دستاویز کی ایک تصویر شیئر کی اور لکھا کہ شرمین عبید چنائے خود کو ایک تحقیقی صحافی کہتی ہیں جبکہ ان کا عمل دعوے کی نفی کرتا ہے۔فیروز خان کے مطابق شرمین عبید نے جھوٹے الزامات پر فوری ردعمل دیتے ہوئے میرے خلاف مہم چلائی اور انہوں نے ایک مرتبہ بھی میرا موقف سننے کے لئے مجھ سے رابطہ کرنے کی ضرورت محسوس نہیں کی

ممبئی : بھارت کے رئیلٹی شو بگ باس سیزن 16 کے فاتح الطاف نے مقبولیت میں شاہ رخ خان اور ویرات کوہلی کو پیچھے چھوڑ دیا۔بھارتی میڈیا کے مطابق سوشل میڈیا پر راج کرنے والے بالی ووڈ کے کنگ شاہ رخ خان اور اسٹار کرکٹر ویرات کوہلی مقبولیت کی دوڑ میں بگ باس 16 کے فاتح الطاف جو ایم سی اسٹین کے نام سے مشہور ہیں پیچھے رہ گئے۔ایم سی اسٹین کی بگ باس جیتنے کے بعد شئیر کی گئی انسٹا گرام پوسٹ کو 69 لاکھ52 ہزار 351 لائیکس ملے جب کہ ایک لاکھ سینتالیس ہزار 545 افراد نے کمنٹس کیے۔ لائیکس اور کمنٹس کی یہ تعداد اس سے قبل کبھی کسی بگ باس کے فاتح کی پوسٹ پر نہیں تھی۔ایم سی اسٹین نے انسٹاگرام پر پہلا ‘لائیو سیشن’ کیا تو 10 منٹ میں اسے 5 لاکھ 41 ہزار افراد نے دیکھا۔ یہ لائیو سیشن دنیا کے 10 لائیو سیشنز میں شامل ہوا۔ شاہ رخ خان کے لائیو سیشن کو سب سے زیادہ ویوز 2 لاکھ 55 ہزار ملے تھے۔ایم سی اسٹین کی پوسٹ کا موازنہ ویرات کوہلی کی پوسٹ سے بھی کیا گیا جس میں کوہلی پیچھے رہ گئے۔

جڑانوالہ:پاکستانی اداکارہ انعم فیاض نیاسلام کی خاطر شوبز انڈسٹری کو خیر باد کہہ دیا۔ انعم فیاض کچھ عرصے سے ٹی وی اسکرین سے غائب ہیں اور اب ان کی حجاب میں تصاویر سامنے آرہی ہیں۔ پاکستانی اداکارہ انعم فیاض نے اسلام کیلئے شوبز انڈسٹری کو چھوڑنے کا اعلان کیا ہے۔ اداکارہ نے پاکستانی ڈراموں سے اپنے کیریئر کا آغاز کیا اور متعدد کامیاب پروجیکٹ بنائے، شادی اور ایک بچے کی ماں بننے کے بعد بھی وہ شوبز سے منسلک رہیں۔انعم فیاض کچھ عرصے سے ٹی وی اسکرین سے غائب ہیں اور اب ان کی حجاب میں تصاویر سامنے آرہی ہیں۔ اداکارہ نے انسٹاگرام پر پوسٹ میں لکھا کہ یہ پیغام لکھنا بہت مشکل ہے کیوں آپ سب لوگ میرے کیریئر میں میرے ساتھ رہے ہیں۔ انہوں نے لکھا کہ اب میں شوبز انڈسٹری کو چھوڑ کر اسلامی زندگی گزانے کا فیصلہ کیا ہے، اور آپ سب سے گزارش ہے کہ اپنی دعاؤں میں مجھے یاد رکھیں۔

لاہور:پاکستانی خوبرو اداکارہ اْشنا شاہ اور ان کے منگیتر معروف گالفر حمزہ امین رواں ماہ شادی کے بندھن میں بندھ جائیں گے۔گزشتہ ماہ وائرل ہونے والی ویڈیو میں اشنا شاہ کو ڈیزائنر وردہ سلیم کی جانب سے ذیزائین کردہ عروسی جوڑے کے خاکے کو دیکھ کر جذباتی ہوتے ہوئے دیکھا گیا تھا، جس سے با خوبی اندازہ لگایا جاسکتا ہے کہ اداکارہ اپنے اس خاص دن پر وردہ سلیم کا تیار کردہ عروسی جوڑا زیب تن کریں گی۔تاہم اب اداکارہ نے نجی ٹی وی چینل کے گیم شو میں بطور مہمان شرکت کی۔ دوران شو میزبان نے اداکارہ کو مبارک باد دیتے ہوئے اعلان کیا کہ اْشنا شاہ اور حمزہ امین اگلے دس دنوں میں شادی کرنے والے ہیں اور شادی کی تیاریاں زور و شور سے چل رہی ہیں۔ واضع رہے کہ حمزہ امین پاکستان کے پہلے گالفر ہیں جنہوں نے عالمی ٹورنامنٹ وَن ایشیا گالف ٹور کے لیے 2015ء میں کوالیفائی کیا تھا ، انہیں کئی مرتبہ اشنا شاہ کے ساتھ دیکھا گیا۔

نیو یارک: امریکی گلوکار کائل جیکبز نے مبینہ طور پر انچاس سال کی عمر میں خودکشی کرلی۔غیرملکی میڈیا کے مطابق کائل جیکبز مشہور ٹی وی شخصیت اور گلوکارہ کیلی پکلر کے شوہر تھے۔رپورٹس کے مطابق کائل جیکبز امریکی شہر نیش ول میں اپنے گھر میں مردہ حالت میں پائے گئے جس کے بعد امکان ظاہر کیا جارہا ہے کہ انہوں نے خودکشی کی۔کائل جیکبز کی اہلیہ کیلی پکلر نے پولیس کو بتایا کہ سو کے اٹھنے کے کچھ دیر بعد شوہر کو گھر میں نہ پاکر انہیں ڈھونڈنا شروع کیا۔انہوں نے پولیس کو بیان دیا کہ وہ اور گھر میں کام کرنے والے ایک شخص نے اوپر کی منزل پر کمرے کا دروازہ نہ کھولے جانے پر پولیس کو اطلاع دی۔

ممبئی:تیلگو فلم انڈسٹری کے بڑے دل والے اداکار وجے دیوراکونڈا نے کرسمس کے موقع پر اپنے ایک سو مداحوں سے کیا وعدہ پورا کر دیا۔بھارتی میڈیا کی رپورٹس کے مطابق تیلگو فلموں کے سْپر اسٹار ہر سال کرسمس کے موقع پر اپنے پرستاروں کے لیے سرپرائز کا اعلان کرتے ہیں اور گزشتہ برس انہوں نے اپنے ایک سو پرستاروں کو اپنے خرچے پر چھٹیوں پر بھیجنے کا اعلان کیا تھا۔اس سلسلے میں انہوں نے مائیکروبلاگنگ سائٹ ٹوئٹر پر صارفین سے ان کی من پسند جگہ جاننے کے لئے پول کا آغاز کیا تھا جس میں بیشتر صارفین نے پہاڑی علاقہ جات کا انتخاب کیا تھا۔جگہ کے انتخاب کے بعد مذکورہ جگہ پر ریزوٹ بْک کروانے کے بعد، اس حوالے سے بھی گزشتہ ماہ مداحوں کو بذریعہ ٹوئٹر آگاہ کیا تھا۔تاہم اب انہوں نے اپنا یہ وعدہ پورا کرتے ہوئے رواں ماہ کے آغاز میں چھٹیوں کی تاریخوں کا اعلان کرتے ہوئے ٹوئٹر پر ایک سو خوش نصیب پرستاروں کی ایک فہرست جاری کی تھی۔جنہیں اداکار کی جانب سے مکمل طور پر 5 دنوں کی مفت چھٹیاں گزارنے کے لئے، جس میں سفر، کھانے اور رہائشی اخراجات شامل ہیں، پہاڑی علاقے منالی میں بھیجا جائے گا۔تاہم گزشتہ روز یہ 100 خوش نصیب پرستار چھٹیوں کے لئے منالی روانہ ہوگئے ہیں اور ایک مداح نے ہوائی جہاز سے ویڈیو بناکر ٹوئٹر پر شیئر کر دی ہے۔

ممبئی: بالی ووڈ کے مشہور کپور خاندان کے پہلے سْپر اسٹار راج کپور کا ایک ایکڑ پر محیط بنگلہ ایک سو کروڑ میں فروخت کر دیا گیا۔بھارتی یڈیا رپورٹ کے مطابق اداکار راج کپور کے ممبئی میں واقع ایک ایکٹر پر محیط بنگلے کو نجی ہاؤسنگ سوسائٹی گودریج پراپرٹیز نے خرید ا ہے ۔گودریج پراپرٹیز اس بنگلے کو 500 کروڑ مالیت کے ہاؤسنگ پراجیکٹ میں تبدیل کریں گے۔ گودریج پراپرٹیز کے ایگزیکیٹو چیئرمین پیروجشا گودریج کا کہنا ہے کہ ’اس پورے زمین کا سائز ایک ایکڑ ہے۔ ہم یہاں پر ایک مہنگا ہاؤسنگ پراجیکٹ بنائیں گے۔ اس پراجیکٹ کی مالیت 500 کروڑ تک ہوگی۔‘ودریج پراپرٹیز نے اس بنگلے کو راج کپور کے خاندان سے خریدا ہے۔

ممبئی :بھوجپوری اداکارہ سپنا گل نے کہا ہے کہ بھارتی کرکٹر پرتھوی شاہ نے انہیں سینے اور بازو پر مارا تھا۔ بھارتی میڈیا رپورٹ کے کرکٹر پرتھوی شاہ پر حملے اور لڑائی جھگڑے کے مقدمے میں گرفتار اداکارہ سپنا گل نے عدالت میں پیش ہوکر بیان ریکارڈ کروا دیا۔بھوجپوری اداکارہ نے عدالت میں بیان دیتے ہوئے کہا کہ پرتھوی شاہ نے انہیں مارا جبکہ معافی مانگتے ہوئے یہ بھی کہا ہے کہ پولیس میں شکایت مت کرنا اور پھر معافی مانگ کر وہاں سے چلے گئے۔ انہوں نے کہا کہ ’مجھے پرتھوی شاہ نے بازو اور سینے پر مارا تھا ہم پولیس کی مدد کیلئے وہاں موجود رہے پرتھوی اپنے سات آٹھ دوستوں کے ساتھ تھے جبکہ ہم صرف دو تھے ۔ پرتھوی کے ساتھ سیلفی بنوا نے کے حوالے سے اداکارہ کا کہنا تھا کہ وہ پرتھوی شاہ کو نہیں جانتی نہ انہوں نے کبھی انہیں دیکھا تھا اور انہوں نے سیلفی لینے کا نہیں کہا تھا۔