Category شوبز

لاہور : اداکارہ میرا نے پاکستان کی صفِ اول کی اداکارہ ماہرہ خان اور ریما خان سے اپنے اختلافات کے حوالے سے پردہ اٹھا دیا ۔ ایک پروگرام میں گفتگو کرتے ہوئے ماہرہ خان اور ریما خان کے ساتھ اپنے اختلافات کے بارے میں بات کرتے ہوئے میرا نے بتایا کہ ان کی ماہرہ اور ریما کے ساتھ کوئی ذاتی لڑائی نہیں ہے بلکہ یہ صرف عوام کیلئے ہے۔ان کا کہنا تھا کہ ’میں ہمیشہ سب کے لیے اچھا سوچتی ہوں چاہے وہ ماہرہ ہو یا ریما، ہماری سوچ میں اختلاف ہو سکتا ہے لیکن ہماری آپس میں کوئی ذاتی رنجش نہیں ہے، یہ تمام لڑائیاں اور رنجشیں عوام کے لیے ہوتی ہیں ۔ انہوں نے کہا استعمال کرنے والوں کے پاس اداکاراؤں اور مشہور شخصیات کے بارے میں ٹرولنگ اور برے تبصروں کے لیے کافی وقت ہوتا ہے۔میرا نے کہا کہ کام کے محاذ پر وہ کسی کی دوست نہیں ہیں اور ان کی پوری کوشش ہوتی ہے کہ وہ اپنی ساتھی اداکاراؤں سے سخت مقابلہ کریں کیونکہ یہ ان کے کام کا حصہ ہے۔

ممبئی : 1998میں ریلیز ہوئی بالی وڈ کی مقبول ترین فلم ’کچھ کچھ ہوتا ہے‘ میں چھوٹے سردار کا کردار نبھانے والے اداکار پرزان دستور نے شاہ رخ خان سے ملاقات کی تصاویر شیئر کی ہیں۔پرزان کی جانب سے انسٹاگرام پر جاری تصاویر میں شاہ رخ خان سیاہ شرٹ اور سیاہ کوٹ پہنے ہوئے ہیں جب کہ پرزان نے سیاہ کوٹ کے ساتھ مہرون رنگ کی شرٹ پہن رکھی ہے۔اگلی تصویر ماضی کی ہے جو کہ فلم کے سیٹ پر لی گئی تھی جس میں بالی وڈ کنگ نے پرزان کو اپنے کندھوں پر اٹھایا ہوا ہے۔

ممبئی :بھارت کے نوجوان اداکار اور باربی ڈول کترینہ کیف کے شوہر وکی کوشل نے اپنی اہلیہ کی تعریفوں کے پل پاندھ دئیے اور بتایا کہ محبت نے کس طرح انہیں خود کو بہترین شخص بنانے میں مدد فراہم کی۔اپنے ایک انٹرویو میں وکی کوشل نے کہا کہ میں اپنی بیوی کترینہ کیف سے بہت محبت کرتا ہوں اس لیے مجھے زندگی سے پیار ہے۔ ان کا کہنا تھا کہ شادی نے انہیں ایک اچھا انسان بنایا ہے، کترینہ کیف سے محبت کرنے کے بعد وہ خود کا ایک بہترین ورڑن بن گئے ہیں۔ وکی کوشل نے کہا کہ ایک محبت کرنے والا شخص ہمیشہ اپنے آپ کا بہترین ورڑن ہوتا ہے اور مجھے لگتا ہے کہ یہی چیز مجھ سے نکل رہی ہے، میں اپنی بیوی اور خاندان سے بہت پیار کرتا ہوں۔

منئی:آنجہانی بھارتی اداکار سشانت سنگھ راجپوت کے بارے میں بھارتی ہدایتکار انوراگ کشپ نے ایک نیا انکشاف کردیا۔انوراگ کشپ نے اپنے ایک حالیہ انٹرویو میں سشانت سنگھ راجپوت کے بارے میں بات کرتے ہوئے کہا کہ سشانت سنگھ راجپوت نے موت سے تین ہفتے قبل اپنے مینجر اْدے سنگھ گوری کے ذریعے مجھ سے رابطہ کرنے کی کوشش کی تھی۔اْنہوں نے بتایا کہ دراصل بہت عرصہ پہلے سشانت سنگھ راجپوت نے مجھ سے رابطہ بالکل منقطع کردیا تھا اور میں یہ فیصلہ کرچکا تھا کہ انڈسٹری کے بڑے ناموں کے ساتھ کام نہیں کروں گا اور میں اب دوبارہ کسی برے تجر بے سے نہیں گزروں گا۔ لیکن جب تین ہفتے کے بعد مجھے یہ خبر ملی کہ اداکار کی موت ہوگئی ہے تو مجھے بہت برا محسوس ہوا اور میں یہ سوچنے لگا کہ جب سشانت نے مجھ سے رابطہ کرنے کی کوشش کی تو میں نے بات کیوں نہیں کی۔انوراگ کشپ نے کہا کہ میں یہ سوچ رہا تھا کہ ہوسکتا ہے کہ اگر میں اس وقت بات کرلیتا تو صورتحال مختلف ہوتی۔اْنہوں نے بتایا کہ اس ایک واقعہ کے بعد میں نے ان تمام لوگوں سے بات کرنا شروع کردیا جن سے میں کئی سالوں سے رابطے میں نہیں تھا۔

ممبئی : بالی وڈ کے میگا اسٹار شاہ رخ خان کے چہرے پر پٹیاں بندھی تصاویر سوشل میڈیا پر وائرل ہوگئیں۔ پٹھان کی شاندار کامیابی کے بعد بالی وڈ کے کنگ شاہ رخ خان نے اپنی نئی فلم جوان کی شوٹنگ کا آغاز کردیا۔ فلم کے سیٹ پر لی گئی شاہ رخ خان کی تصاویر سوشل میڈیا پر وائرل ہوگئیں۔شاہ رخ خان کی وائرل ہونے والی تصاویر میں ان کے آدھے چہرے کو پٹیوں میں ڈھکا دیکھا جا سکتا ہے۔ فینز نے شاہ رخ خان کی تصویروں پر دلچسپ تبصرے کیے۔ ایک سوشل میڈیا صارف کا کہنا تھا کہ ’پٹھان اب جوان ہوگیا‘ جبکہ ایک صارف کا کہنا تھا کہ بادشاہ اب نہیں رکے گا۔

مانگا منڈی:میلوڈی کوئین شاہدہ منی کا نیا سونگ’’میں نہ جمدی‘‘عوامی مقبولیت حاصل کرنے میں کامیاب،تفصیلات کے مطابق معروف گلوکارہ میلوڈی کوئین شاہدہ منی نے گذشتہ دنوں اپنا نیا سونگ’’میں نہ جمدی‘‘کو پاکستان سمیت دنیا بھر میں ریلیز کیا تھاجس نے چند دنوں میں ہی میوزک لورز کے دلوں میں جگہ بنالی اور سوشل میڈیا پر وائرل ہوگیا۔ اس گانے کو خصوصی طور پر ریمکس کیا گیاتھا جس کو نامور میوزک پروڈیوسر نعمان روف حیدر نے پرڈیوس کیاتھا اور میوزک ڈائریکٹر مجتبی علی میوزک ترتیب دیا تھاجس میں گلوکارہ شاہدہ منی اور ماڈل علی جمشید نے ماڈلنگ کی گانے کو فلم انڈسٹری کے نامور میوزک ڈاریکٹر ماسٹر عبداللہ کو ٹربیوٹ پیش کیا گیا ہے ماسٹر عبداللہ نے ماضی کی معروف لالی وڈ فلم ’شریف بدمعاش‘‘ میں شامل گانے ’’میں نہ جمدی‘‘ کا میوزک ترتیب دیا تھا جس کو اب گلوکارہ شاہدہ منی نے اپنی خوبصورت آواز میں ریکارڈ کیا اور اس کی ویڈیو کو دنیا بھر میں ریلیز کردیا گیا ہے اس حوالے سے میلوڈی کوئین گلوکارہ شاہدہ منی نے میڈیا سے گفتگوکرتے ہوئے کہا کہ ہر فنکارکاکوئی نہ کوئی آئیڈیل ہوتاہے جس سے وہ بہت متاثرہوتاہے، گائیکی کی دنیا میں ملکہ ترنم نور جہاں میری پسندیدہ گلوکارہ ہیں اورمیں انہیں اپناروحانی استاد مانتی ہوں آج ان کا گایا ہوا گانااور لیجنڈ موسیقار ماسٹر عبداللہ کا تیار کردہ میوزک کو ریمکس کر کے ان کو ٹربیوٹ پیش کیا ہے جس کو میوزک کی دنیا اور میرے مداحوں کی جانب سے بے حد پسند کیا جارہا ہے اس موقع پر اس گانے کے پروڈیوسر نعمان حیدر روف نے گفتگو کرتے ہوئے کہا کہ پاکستان فلم انڈسٹری کا میوزک ہر لحاظ سے اتنا شاندار ہے کہ ایک ایک ماضی کا گیت اپنی الگ پہچان رکھتا ہے ہم نے دور جدید کے میوزک اور نئے سننے والوں کو ایک خوبصورت گیت تیار کر کے دیا جس کو ریلیز کرتے ہی میوزک کے چاہنے والوں سے بہت اچھا رسپانس حاصل ہورہا ہے اس گیت میں استعمال ہونے والے ملبوسات معروف فیشن ڈیزائنرز بی جی نے تیار کئے جبکہ اس گانے کو ہدایتکارشعیب رائے نے ڈاریکٹ کیا ہے اس کا میوزک مجتبی علی نے ترتیب دیا ہے۔

تھرل سے بھرپور فلم ’کوٹیشن گینگ‘ کے سیٹ پر خود کو زخمی کرلیا۔سنی لیون نے فوٹو اینڈ ویڈیو شیئرنگ ایپ انسٹاگرام پر اپنی ایک نئی ویڈیو شیئر کی ہے۔اس ویڈیو میں اداکارہ کو صوفے پر بیٹھے اپنا زخمی پاو ں پکڑے ہوئے تکلیف میں روتے ہوئے دیکھا جاسکتا ہے۔اداکارہ کی فلم کی پروڈکشن میں شامل دیگر لوگ بھی ان کے زخمی ہونے پر پریشان، زخم پر مرہم پٹی کرتے اور اْنہیں پْرسکون کرنے کی کوشش کرتے نظر آرہے ہیں۔سنی لیون کی نئی فلم ’کوٹیشن گینگ‘ ایک کرائم اسٹوری ہیجس کا ٹیزر جاری کیا جاچکا ہے۔اس فلم میں سنی لیون کے علاوہ اداکار جیکی شراف، سارہ ارجن اور پریامانی شامل ہیں۔

کراچی: اْبھرتی ہوئی اداکارہ بختاور خان اور پروڈیوسر دانش خواجہ نے شادی کرلی۔فوٹو اینڈ ویڈیو شیئرنگ پلیٹ فارم پر تصاویر شیئر کرتے ہوئے اداکارہ بختاور خان نے پروڈیوسر دانش خواجہ سے شادی کا اعلان کر دیا۔ان کی شادی کی تقریب کراچی کے نجی ہوٹل میں منعقد کی گئی جس میں قریبی رشتہ دار اور دوست احباب نے شرکت کی۔سوشل میڈیا پر شیئر کی گئی تصاویر میں اداکارہ کو روایتی سرخ عروسی جوڑے میں دیکھا جاسکتا ہے جبکہ دانش خواجہ نے ہلکے سفید رنگ کے شلوار قمیص کے ساتھ سْنہری واس کوٹ زیب تن کیا۔

لاس اینجلس:پاپ گلوکاری کے بے تاج بادشاہ مائیکل جیکسن کی زندگی پر مبنی بائیوپک میں گلوکار کا کردار ان ہی کے 26 سالہ بھتیجے جعفر جیکسن نبھائیں گے۔ میڈیا رپورٹس کے مطابق آنجہانی گلوکار مائیکل جیکسن کی زندگی کو فلمانے والے لائنس گیٹ اسٹوڈیو کا کہنا ہے کہ فلم مائیکل میں اس پیچیدہ آدمی کو فلمایا جائے گا جو پاپ کا بادشاہ بن گیا،فلم میں ان کی زندگی کے تمام پہلو اور ان کی سب سے قابل ذکر پرفارمنس شامل ہوں گی جنہوں نے اسے موسیقی کی دنیا کا ’آئکن‘ بنا دیا۔موسیقی کی دنیا کے ’آئکن‘ مائیکل جیکسن کی والدہ کا کہنا ہے کہ جعفر میرے بیٹے کی طرح دکھتا ہے، اسے جیکسن کی میراث کو آگے بڑھاتے ہوئے دیکھ کر بہت خوشی ہوگی۔میڈیا رپورٹس کے مطابق ہالی ووڈ کے مایاناز ہدایت کار اینٹون فوکا فلم کی ہدایت کاری جبکہ گراہم کنگ فلم کو پروڈیوس کریں گے۔ گراہم کنگ کے مطابق صرف جعفر جیکسن ہی وہ واحد شخص ہیں جو مائیکل جیکسن کے کردار کو باخوبی سے نبھا سکتے ہیں۔ ان میں اپنے چچا کے کردار کو زندہ کرنے کی فطری صلاحیت ہے اور وہ انتظار نہیں کر سکتے کہ دنیا جعفر جیکسن کو مائیکل جیکسن کے طور پر بڑی اسکرین پر دیکھے۔میڈیا رپورٹس کے مطابق مائیکل جیکسن کی زندگی پر مبنی فلم میں ان کی زندگی کے سب سے زیادہ متنازع پہلوؤں میں سے ایک ان پر 2005 میں بچوں کے جنسی استحصال کے الزامات میں دائر ہونے والا مقدمے کو براہ راست نہیں کیا گیا، جس میں بعدازاں انہیں بری کر دیا گیا تھا۔

لاہور: معروف اداکارہ اریج فاطمہ نے اپنے دوسرے بیٹے کی پیدائش کا اعلان کر دیا۔فوٹو اینڈ ویڈیو شیئرنگ پلیٹ فارم انسٹاگرام پر اداکار و ماڈل نے اپنے دوسرے بیٹے یحییٰ علی کی پیدائش کا اعلان کرتے ہوئے اللہ کا شکر ادا کیا۔یاد رہے کہ اریج فاطمہ نے 2017 میں کینیڈین ڈاکٹر عزیر علی سے دوسری شادی ہوئی تھی جبکہ ان کا پہلا نکاح 2014 میں بزنس مین فراز خان سے ہوئی تھی جو جلد ہی ختم ہو گیا تھا۔اریج فاطمہ امریکا میں رہائش پذیر ہیں جہاں وہ زیورات کے کاروبار سے منسلک ہیں جبکہ اداکاری کے سلسلہ میں ان کا پاکستان آنا جانا رہتا ہے۔