Category شوبز

ممبئی : بالی ووڈ کنگ شاہ رخ خان اپنی فلم پٹھان کی دنیا بھر میں زبردست پذیرائی ملنے پر بیحد خوش ہیں ۔ میڈیا سے گفتگو کرتے ہوے انہوں نے کہا کہ فلم پٹھان کی کامیابی نے انکی گذشتہ چار سال کی وہ تمام تکالیف بھلا دی ہیں جو انہوں نے کورونا کا شکار ہونے کے علاوہ دیگر معاملات کے دوران اٹھائیں ۔ انہوں نے کہا ان چار سالوں کے دوران زیادہ وقت میں نے اپنی بیوی بچوں کو دیا ۔ ان کا کہنا تھا کہ میری گذشتہ فلم بھی باکس آفس پر زیادہ ہٹ نہ ہو سکی اور کچھ لوگوں نے یہ تک کہنا شروع کر دیا تھا کہ میری فلمیں اب زیادہ بزنس نہیں کر سکیں گی ۔ اور پھر میں نے یہ تک سوچ لیا تھا کہ اب فلمیں چھوڑ کر اٹالین کوکنگ سیکھ لوں اور وہ کھانے بنانے کا کام شروع کر دوں ۔

لاہور:معروف گلوکارہ شاہدہ منی نے اپنا نیا سونگ’میں نہ جمدی‘ کو پاکستان سمیت دنیا بھر میں ریلیز کردیا۔اس گانے کو خصوصی طور پر ریمکس کیا گیا ہے جس کو نامور میوزک پروڈیوسر نعمان روف حیدر نے پروڈیوس اور اس کا میوزک، ڈائریکٹر مجتبیٰ علی نے ترتیب دیا ہے جس میں گلوکارہ شاہدہ منی اور ماڈل علی جمشید نے ماڈلنگ کی۔گانے کو فلم انڈسٹری کے نامور میوزک ڈائریکٹر ماسٹر عبداللّٰہ کو ٹربیوٹ پیش کیا گیا ہے، ماسٹر عبداللّٰہ نے ماضی کی معروف لالی وڈ فلم ’شریف بدمعاش‘ میں شامل گانے ’میں نہ جمدی‘ کا میوزک ترتیب دیا تھا۔ اس حوالے سے میلوڈی کوئین گلوکارہ شاہدہ منی نے میڈیا سے گفتگو کرتے ہوئے کہا کہ ہر فنکار کا کوئی نہ کوئی آئیڈیل ہوتا ہے جس سے وہ بہت متاثر ہوتا ہے، گائیکی کی دنیا میں ملکہ ترنم نور جہاں میری پسندیدہ گلوکارہ ہیں اور میں انہیں اپنا روحانی استاد مانتی ہوں۔انہوں نے مزید کہا کہ آج ان کا گایا ہوا گانا اور لیجنڈ موسیقار ماسٹر عبداللّٰہ کا تیار کردہ میوزک کو ریمکس کرکے ان کو ٹربیوٹ پیش کیا ہے جس کو میوزک کی دنیا اور میرے مداحوں کی جانب سے بے حد پسند کیا جارہا ہے۔

لاہور: پاکستان شوبز اندسٹری کی خوب رو اداکارہ مہوش حیات نے ہیلی کاپٹر چلانا بھی سیکھ لیا۔فوٹو اینڈ ویڈیو شیئرنگ پلٹ فارم انسٹاگرام پر اداکارہ مہوش حیات نے اپنے دبئی کے دورے کی تصاویر اور ویڈیو شیئر کی ہیں جس میں انہیں ہیلی کاپٹر اْڑاتے ہوئے دیکھا جاسکتا ہے۔اس پوسٹ کے کیپشن کی میں انہوں نے لکھا کہ خواتین و حضرات آپ کی کیپٹن آپ سے مخاطب ہے۔اداکارہ کی پوسٹ پر کمنٹس میں تبصرہ کرتے ہوئے پاکستانی فیشن ڈیزائنر ایچ ایس وائی، کوریوگرافر عظمیٰ ذکریہ اور بھارتی ہدایت کار مْکل ابھینکر نے بھی تعریف کی جبکہ کچھ سوشل میڈیا صارفین کا خیال ہے کہ اداکارہ جلد کسی سْپر ایکشن کردار میں نظر آنے والی ہیں، جس کے لئے وہ مختلف مہم جوئی سرگرمیاں سیکھ رہی ہیں۔

لاہور: پاکستان شوبز اندسٹری سے وابستہ میزبان اور اداکارہ انوشے اشرف بلاآخر بھارتی میڈیا کی توجہ کا مرکز بن گئیں۔انوشے اشرف نے بالی ووڈ کنگ خان کی تعریف کرتے ہوئے انہیں ’یونیورسل سپر اسٹار‘ قرار دیا تو سوشل میڈیا صارفین نے انہیں ٹرول کرنا شروع کر دیا۔بعض سوشل میڈیا صارفین کے مطابق پاکستانی فنکار بھارتی فنکاروں کی تعریفیں توجہ حاصل کرنے کے لئے کرتے ہیں جبکہ ایسی ہی ایک وائرل پوسٹ پر اداکار و میزبان یاسر حسین نے بھی انوشے اشرف کو ’فین گرل موومنٹ‘ قرار دیا۔ساتھی فنکار کی جانب سے موصول ہونے والے تبصرے پر انوشے اشرف خاموش نہ رہیں اور انہیں آڑے ہاتھوں لیتے ہوئے اسی وائرل پوسٹ پر جواب دیتے ہوئے کہا کہ میں اپنی وال پر اپنی رائے کا اظہار کرتی ہوں لیکن یہاں کے کمنٹ سیکشن میں لوگ بڑے ’شاندار‘ ہیں جو کوئی رائے نہیں رکھتے۔انہوں نے مزید لکھا کہ لوگ سمجھتے ہیں میں خان کی تعریف اس لئے کی کہ میں نوٹس میں آنا چاہتی تھیں حالانکہ نوٹس میں ٓانے کے بہت سارے طریقے موجود ہیں۔

لاس اینجلس:بالی ووڈ اور ہالی ووڈ کی مشہور اداکارہ پریانکا چوپڑا کی بیٹی کی تصاویر سوشل میڈیا پرو ائرل ہوگئیں۔پریانکا چوپڑا پہلی مرتبہ اپنی بیٹی مالتی میری جونس کو منظرِ عام پر لے آئیں، اداکارہ بیٹی اور شوہر نک جونس کے ہمراہ لاس اینجلس میں منعقد ہالی ووڈ واک آف فیم کی تقریب میں شریک ہوئی تھیں جہاں ان کے شوہر کو ایوارڈ سے نوازا گیا۔اداکارہ نے اپنے آفیشل انسٹاگرام اکاؤنٹ پر بھی اپنی بیٹی مالتی کی تصاویر اور ویڈیوز شیئر کیں جبکہ سوشل میڈیا پر بھی پریانکا اور ان کی بیٹی کی ویڈیوز اور تصاویر وائرل ہو رہی ہیں۔

ممبئی : بالی ووڈ کنگ شاہ رخ خان کی فلم ’پٹھان‘ کے ٹائٹل سانگ نے عربی میں بھی دھوم مچادی، سننے والوں نے گانے سے خوب لطف اٹھایا۔فلم پٹھان ریلیز ہوتے ہی باکس ا?فس پر چھا گئی ہے، اس وقت شاہ رخ خان دنیا کی 8 ہزار اسکرینز پر راج کر رہے ہیں۔فلم نے ریلیز کے بعد تین روز کے اندر 313 کروڑ کی کمائی کرلی ہے۔کنگ خان کے دیوانوں نے سنیما ہالز کو ہی ڈانس فلور بنادیا ہے، سوشل میڈیا پر فلم کے گانوں کے ڈانس کی ویڈیوز وائرل ہورہی ہیں۔واضح رہے کہ اس فلم سے کنگ خان کی چار سال بعد بڑی اسکرین پر واپسی ہوئی ہے۔بھارتی میڈیا کے مطابق فلم پٹھان نے ہندی فلموں کا سابقہ ریکارڈ توڑ ڈالا جو کہ کورونا وائرس کی عالمی وبا سے قبل آئی تھیں۔سدھارتھ آنند کی ہدایتکاری میں بننے والی فلم پٹھان نے ریلیز کے ابتدائی دنوں میں شمالی امریکا میں 15 لاکھ امریکی ڈالر، متحدہ عرب امارات اور خلیجی ملکوں میں 16 لاکھ ڈالر جبکہ برطانیہ اور یورپ میں 6 لاکھ 50 ہزار ڈالر کا بزنس کیا۔

ممبئی : بالی وڈ کے کنگ شاہ رخ نے سلمان خان کو’’گریٹسٹ آف آل ٹائم‘‘ قرار دے دیا۔شاہ رخ خان اور دپیکا پڈوکون کی فلم ’پٹھان‘ باکس آفس پر دھوم مچارہی ہے جس کے بعد فلم انڈسٹری پر شاہ رخ کی بادشاہت مزید مستحکم ہوگئی۔باکس آفس پر فلم کھڑکی توڑ بزنس کر رہی ہے، پورے بھارت میں صرف پٹھان کے چرچے ہیں اور فلم لوگوں کو خوب بھا رہی ہے۔بھارتی میڈیا رپورٹس کے مطابق 25 جنوری کو ریلیز کے پہلے ہی روز فلم نے دنیا بھر سے 100 کروڑ بھارتی روپے سے زائد کا بزنس کرکے نیا ریکارڈ قائم کیا تھا جبکہ فلم نے 4 دنوں میں اب تک دنیا بھر سے 400 کروڑ سے زائد کا بزنس بھی کرلیا ہے۔فلم پٹھان کی کامیابی پر اداکار کے مداحوں نے مائیکرو بلاگنگ ویب سائٹ ٹوئٹر پر شاہ رخ خان کے مقبول سیشن میں مختلف سوالات پوچھے۔

ممبئی : بالی ووڈ اداکارہ کرینہ کپور جیدیپ احلاوات اور وجے ورما کے ساتھ سجوئے گھوش کی آنیوالی ان ٹائلٹڈ فلم میں جلوہ گر ہونگی ۔ فلم کی کہانی دی ڈیووشن آف سیسپکٹ ایکس ناول پر مبنی ہے ۔ میڈیا سے گفتگو کرتے ہوے کرینہ نے سجوئے کے اس پرجیکٹ کو ڈرامائی طور پر منفرد قرار دیا ہے ۔ انہوں نے کہا کہ میرے لئے یہ فلم ڈرامائی حد تک مختلف ہے کیونکہ اس سے پہلے میں نے ہمیشہ ایسی فلموں میں کام مکیا ہے جن میں ڈانس ، گانے اور گلیمر لازمی ہوتا ہے تاہم اس میں ایسا کچھ نہیں ہے ۔ انہوں نے کہا فلم کی کہانی ایک ماں بیٹی پر مشتمل ہے جو ایک جرم کی مرتکب ہو جاتی ہیں اور نکا ہمسایہ پولیس تحقیقات سے انھیں بچانے کے لئے معاون کرتا ہے ۔ انہوں نے کہا اسی کے ساتھ انکی ایک اور فلم بلھنگھم میر ڈر بھی آ رہی ہے جس کے ڈائریکٹر ہانسال مہتا ہیں ۔

ممبئی : بالی ووڈ اداکار انو کپور کی طبعیت سنبھل گئی ہسپتال سے ڈسچا رج ہو کر گھر آ گئے ۔ دہلی میں گنگا رام ہسپتال کے منیجمنٹ بورڈ کے چئیرمین اجے سواروپ نے میڈیا کو بتایا کہ ڈاکٹروں نے انو کپور کا زبردست علاج کیا ہے جس سے انکی حالت سنبھل گئی اور انھیں ہسپتال سے ڈسچارج کر کے گھر روانہ کر دیا گیا ہے ۔ انوکپور کے اہلخانہ نے مداحوں کا شکریہ ادا کرتے ہوے کہا ہے کہ یہ سب انکی دعاوں کے طفیل ہے کہ انو کپور صحتمند ہو کر واپس گھر جارہو ہیں ۔ واضع رہے اداکار کو چار روز قبل سینے ک میں درد کے باعث ہسپتال لے جایا گیا تھا جہاں انھیں دل کے مرض کی تشخیص کے بعد داخل کر دیا گیا تھا اور انکا علاج جاری تھا ۔

لاہور:مشہور گلوکار فلک شبیر کا کہنا ہے کہ وہ اپنے کیرئیر کی شروعات سے پہلے عاطف اسلم کے گانے کی دْھن بجا کر گیٹار بیچا کرتے تھے۔ ایک شو میں گفتگو کرتے ہوے گلوکار نے بتایا کہ انہیں عاطف اسلم کا مشہور ترین گانا ’عادت‘ بیحد پسند ہے اور گلوکار بننے سے پہلے جب وہ ایک چھوٹی سی دکان میں گیٹار بیچا کرتے تھے تو عاطف اسلم کے اس گانے کی دھن بجا کر انہوں نے بہت گیٹار بیچے۔ انہوں نے کہا کہ یہ 2005 اور 2006 کی بات ہے جب عاطف اسلم اور علی ظفر کے گانے ہی مشہور تھے اور وہی گانے سن کر ہم انڈسٹری میں آئے ہیں۔