Category شوبز

ممبئی : بالی ووڈ پروڈیوسر اور ہدایتکارہ فرح خان کا کہنا ہے کہ کرن جوہر ریڈ کارپٹ پر فانوس کی طرح نظر آتے ہیں۔ فرح خان نے میڈیا سے بات کرتے ہوئے کرن جوہر کو اپنا ریڈ کارپٹ کا ڈراؤنا ترین خواب قرار دے دیا۔ انہوں نے کہا کرن جوہرجو ریڈ کارپٹ پر فانوس کی طرح نظر آتے ہیں ۔ انہوں نے کہا کہ کرن جوہر بیک گراؤنڈ ڈانسرز کی طرح کپڑے پہنتے ہیں۔اس سے قبل کرن جوہر نے بھی فرح خان کی ایک ویڈیو شیئر کی تھی جس میں فرح خان کو امریکہ کے ایک ڈسکاؤنٹ اسٹور پر میکسیکو کی مشہور ڈِش ناچوزمفت مانگتے دیکھا گیا تھا۔

ممبئی: پاکستان شوبز اندسٹری کی خوب رو اداکارہ سجل علی کی پہلی بین الاقوامی فلم ’واٹس لو گاٹ ٹو ڈو وِد اٹ‘ کو آسٹریلیا میں ریلیز کر دیا گیا۔غیر ملکی میڈیا رپورٹس کے مطابق شیکھر کپور کی ہدایت کاری میں بننے والی اس کلاسک رومانٹک کامیڈی فلم کو دنیا بھر میں مرحلہ وار پیش کیا جائے گا۔تاہم جمائما گولڈ اسمتھ کی اس فلم کا پریمیئر 24 جنوری کو سڈنی میں ہوا اور اسے آسٹریلیا بھر کے سنیما گھروں میں پیش کردیا گیا۔واضح رہے کہ اس فلم کو 24 فروری 2023 کو برطانیہ کے سنیما گھروں میں پیش کیا جائے گا جبکہ پاکستان میں یہ فلم مارچ کے پہلے ہفتے میں ریلیز کیا جائے گا۔

ممبئی : بھارتی فلم انڈسٹری کے دو مشہور کرداروں منا بھائی اور سرکٹ کی مقبول جوڑی ایک بار پھر بڑے پردے کی زینت بننے کو تیار ہے تاہم ابھی یہ معلوم نہیں کہ اس بار یہ جوڑی کس کردار میں نظر آئے گی۔فوٹو اینڈ ویڈیو شیئرنگ پلیٹ فارم انسٹاگرام پر بالی ووڈ کے سنجو بابا نے ایک فلم کا پوسٹر شیئر کیا جبکہ سائٹ پر ٹوئٹ کرتے ہوئے یہ ہی پوسٹر شیئر کیا۔اس پوسٹر میں شائقین فلم کی پسندیدہ جوڑی سلاخوں کے پیچھے ، قیدیوں کے لباس میں ہے۔

نئی دہلی :بھارتی اداکار انو کپور کو سینے کی تکلیف کے باعث دہلی کے اسپتال میں داخل کر لیا گیا۔بھارتی میڈیا رپورٹس کے مطابق اداکار انو کپور کو سینے میں درد کی شکایت ہوئی تھی تاہم اب اسپتال انتظامیہ کے مطابق ان کی صحت یاب بہتر ہو رہی ہے۔اسپتال انتظامیہ کے مطابق اداکار کارڈیالوجی ڈیپارٹمنٹ میں ڈاکٹر سوشانت واٹل کے ماتحت سینے میں تکلیف کی وجہ سے
داخل ہیں۔ انہیں مکمل صحت یابی کے بعد اسپتال سے ڈسچارج کر دیا جائے گا

ممبئی: بالی ووڈ کے معروف اداکار سنیل شیٹی کے ترجمان نے نوبیاہتا جوڑے کو شادی پر ملنے والے پْرتعیش تحائف سے متعلق گردش کرتی تمام خبروں کی تردید کر دی۔بھارتی میڈیا رپورٹس کے مطابق گزشتہ دنوں اداکارہ اتھیا شیٹی اپنے دیرینہ بوائے فرینڈ اور کرکٹر کے ایل راہول کے ہمراہ رشتہ ازدواج میں منسلک ہوئیں۔بعدازاں اس جوڑے کو شادی کے موقع پر بالی ووڈ اور کرکٹ کے سْپر اسٹارز کی جانب سے ملنے والے پْرتعش تحائف کی خبریں انٹرنیٹ پر منظر عام پر آئیں۔تاہم اداکار سنیل شیٹی کے ترجمان نے بیان جاری کرتے ہوئے تمام خبروں کو جھوٹا اور بے بنیاد قرار دے کر مسترد کیا اور ساتھ ہی بھارتی میڈیا کو خبر کی اشاعت سے قبل تصدیق کرنے کی تنبیہ کردی۔انہوں نے کہا کہ اس نوعیت کی معلومات شائع کرنے سے قبل ہم سے تصدیق لازمی کروا لیا کریں۔

کراچی: خوبرو اداکارہ سونیا حسین کے سابق شوہر اور سلیبریٹی فٹنس ٹرینر نے اداکارہ و ماڈل منتشا کیانی سے دوسری شادی کر لی۔ماڈلنگ سیکیرئیر کا آغاز کرنے والی اداکارہ منتشا کیانی نے انسٹاگرام اکاؤنٹ کے ذریعے کراچی کے معروف فٹنس ٹرینر واصف محمد سے شادی کا اعلان کیا۔میڈیا رپورٹس کے مطابق منتشا کیانی اور واصف محمد کے درمیان فٹنس ٹریننگ کے دوران دوستی ہوئی تھی جو رشتہ ازدواج میں تبدیل ہوگئی۔اداکارہ اور فٹنس ٹرینر کو شادی کے موقع پر شوبز فنکاروں کی جانب سے مبارکباد موصول ہونے کا سلسلہ جاری ہے۔واضح رہے کہ سونیا حسین نے 2014 میں فٹنس ٹرینر اور ماڈل واصف محمد سے شادی کی تھی لیکن جلد ہی ان کے درمیان طلاق ہوگئی تھی جب کہ دونوں نے تاحال طلاق کی وجوہات نہیں بتائیں۔

ممبئی :بالی ووڈ کے کنگ خان کی ’پٹھان‘ سے بڑے پردے پر واپسی پر مایاناز بھارتی ہدایت کار و میزبان کرن جوہر نے بھی تعریفوں کے پْل باندھ دیئے۔فوٹو اینڈ ویڈیو شیئرنگ پلیٹ فارم انسٹاگرام پر فلم کا پوسٹر شیئر کرتے ہوئے انہوں نے طویل کیپشن میں اداکاروں سے لے کر فلم ساز آدیتیہ چوپڑا اور سلمان خان کی انٹری تک ہر ایک کی محنت اور کوشش کو سراہا۔انہوں نے فلم کو میگا بلاک بسٹر قرار دیتے ہوئے طویل کیپشن میں لکھا کہ مجھے نہیں یاد کہ فلم پٹھان سے قبل میں نے کسی فلم کو اتنا انجوائے کیا۔ یہ سب سے بڑی بلاک بسٹر بلکہ میگا بلاک بسٹر فلم ہے۔فلم میں شارخ خان کا اسٹار ڈم، پْرکشش ایجنٹ ڈپیکا پڈوکون اور ہینڈسم ولن جان ابراہم کے ساتھ ساتھ سدھارت آنند کی مایانا ہدایت کاری ، فلم ساز آدیتیہ چوپڑا کی ذہانت اور سلمان خان سب کچھ ہے۔انہوں نے شاہ رخ خان کی چار سال بعد فلموں میں واپسی پر تبصرہ کرتے ہوئے لکھا کہ کنگ کہیں نہیں گیا تھا وہ حکمرانی کے لئے صحیح وقت کا انتظار کر رہا تھا۔انہوں نے بھارت میں جاری حالیہ بائیکاٹ ٹرینڈ اور پٹھان مخالف مہم پر تبصرہ کرتے ہوئے لکھا کہ ہوسکتا ہے کہ آپ پر اور فلم پر الزامات لگائے گئے ہوں، اس کے بائیکاٹ کا اعلان کیا گیا ہو لیکن ایک بات واضح ہے کہ جب ٓاپ اپنی کرنے پر آتے ہیں تو کوئی بھی آپ کے آگے کھڑا نہیں ہوسکتا۔ سب کو پٹھان مبارک ہو۔

کراچی: سندھ ہائیکورٹ نے شوشل میڈیا پر قابل اعتراض مواد اپ لوڈ کرنے سے متعلق معروف اداکارہ مہوش حیات، کبری خان کی درخواستوں پر پی ٹی اے، وفاقی حکومت اور ایف آئی اے سے پیش رفت رپورٹ طلب کرلی۔ میڈیا رپورٹ کے مطابق جسٹس نعمت اللہ پھلپھوٹو کی سربراہی میں دو رکنی بینچ کے روبرو سوشل میڈیا پر قابل اعتراض مواد اپ لوڈ کرنے سے متعلق اداکارہ مہوش حیات، کبری خان کی درخواستوں کی سماعت ہوئی۔پی ٹی اے، وفاقی حکومت، ایف آئی اے نے جواب جمع کرا دیئے۔ جسٹس نعمت اللہ پھلپھوٹو نے استفسار کیا کہ گزشتہ سماعت پر مواد ہٹانے کی ہدایت دی تھی، کیا مواد ہٹا دیا گیا؟جس پر سرکاری وکیل نے مؤقف دیا کہ مہوش حیات کا بیان لے لیا گیا ہے تاہم کبری خان کا بیان لینا باقی ہے۔ تفتیشی افسر سائبر کرائم نے بتایا کہ پی ٹی اے کو مواد ہٹانے کا کہہ دیا گیا ہے۔ متعلقہ مواد جلد ہی ہٹا دیا جائے گا۔پی ٹی اے حکام کی جانب سے بتایا گیا کہ قابل اعتراض مواد جو خود ہٹا سکتے تھے وہ ہٹا دیا گیا۔ جس مواد کو بیرون ملک سے ہٹایا جانا ہے اس کے لیے متعلقہ حکام سے رجوع کیا گیا ہے۔تفتیشی افسر نے بتایا کہ ایف آئی اے نے شکایت نمبرز جاری کرکے تحقیقات شروع کردیں ہیں جلد ہی مواد ہٹا دیا جائے گا اور تحقیقات کرلی جائیں گی۔عدالت نے پی ٹی اے، وفاقی حکومت، ایف آئی اے سے پیش رفت رپورٹ طلب کرتے ہوئے سماعت 24 فروری تک ملتوی کردی۔

ممبئی: (ویب ڈیسک) متنازع بیانات کیلئے مشہور بھارتی اداکارہ کنگنا رناوت کا ٹوئٹر اکاؤنٹ 21 ماہ بعد بحال کر دیا گیا۔

گزشتہ دو سالوں سے سماجی رابطے کی ویب سائٹ ٹوئٹر پر پابندی کا شکار اداکارہ کنگنا رناوت کا ٹوئٹر اکاؤنٹ پھر سے بحال کر دیا گیا ہے، کنگنا رناوت نے ٹوئٹر پر پیغام میں مداحوں کو مخاطب کرتے ہوئے لکھا کہ انہیں ٹوئٹر پر واپس آکر اچھا لگ رہا ہے۔

بھارتی میڈیا کے مطابق کنگنا رناوت کے اکاؤنٹ کو مئی 2021 میں معطل کیا گیا تھا اداکارہ سوشل میڈیا پر کھل کر اپنے خیالات کا اظہار کرتی ہیں انہوں نے 2021 میں ریاست بنگال میں ہونے والے انتخابات کے بعد پرتشدد واقعات کے بارے میں مواد ٹوئٹر پر اپ لوڈ کیا تھا جس کے بعد ان کا اکاؤنٹ معطل کر دیا گیا تھا۔

اس سے قبل بھی کئی مرتبہ ’نفرت آمیز اور بد سلوکی پر مبنی‘ مواد کو شیئر کرنے اور متنازع بیانات کے باعث اداکارہ کا ٹوئٹر اکاؤنٹ معطل کیا جا چکا ہے۔

ممبئی: بھارتی اداکارہ عرفی جاوید نئی مصیبت میں پھنس گئیں کوئی انسان گھر کرائے پر دینے کو تیار نہیں۔

بھارتی اداکارہ عرفی جاوید نےسماجی روابط کی ویب سائٹ ٹوئٹر پر جاری بیان میں عرفی جاوید نے بتایا کہ ممبئی میں میرے لیے کرائے کے اپارٹمنٹ کی تلاش مشکل ہوگئی کیونکہ مسلمان مجھے میرے پہناوے اور ہندو مالکان مجھے مسلمان ہونے کی وجہ سے گھر کرائے پر نہیں دینا چاہتے۔

عرفی نے اپنی ٹوئٹ میں مزید لکھا کہ کچھ مالکان کو سیاسی دھمکیاں ملنے کا مسئلہ ہے، ممبئی میں میرے لیے کرائے کا اپارٹمنٹ تلاش کرنا مشکل ہوگیا۔

  واضح رہے کہ عرفی جاوید کو اس سے قبل بھی ان کے کپڑوں کی وجہ سے ریپ اور قتل کی دھمکیاں مل چکی ہیں جب کہ بھارتی وزیر کی جانب سے عرفی کو گرفتار کرنے کا مطالبہ بھی سامنے آچکا ہے۔