Category شوبز

لاہور: سپر ماڈل و اداکارہ عفت عمر نے مداحوں کو بڑھتی ہوئی عمر کے باوجود بھی جوان نظر آنے کا طریقہ بتا دیا۔عفت عمر نے حال ہی میں ایک پوڈ کاسٹ میں بطور مہمان شرکت کی جہاں اْنہوں نے اپنی فٹنس اور نوجوان نظر آنے کے لیے کروائی گئی سرجریوں کے بارے میں بات کی۔اْنہوں نے بتایا کہ مارکیٹ میں آج کل بہت ساری ایسی چیزیں دستیاب ہیں اور خواتین ان تمام چیزوں سے واقف ہیں اور وہ اپنا خیال رکھتی ہیں۔اداکارہ و سپر ماڈل نے کہا کہ آپ کو جوان بنانے کے لیے ڈاکٹرز، لیزر اور اسکن ٹائٹننگ ٹریٹمنٹس اور دیگر پروسیجرز سے کافی مدد ملتی ہے، یہ ہمارے آلات ہیں جن کیاستعمال سے ہم بڑی عمر کے ماڈلز یا اداکار ابھی تک نوجوان نظر آ رہے ہیں۔اْنہوں نے مزید کہا ہے کہ میں اسکن ٹریٹمنٹس کے بارے میں کْھل کر اس لیے بات کرتی ہوں تاکہ لوگوں کو معلوم ہو کہ ہم کس طرح اتنے اچھے لگتے ہیں۔عفت عمر نے اپنی بات مکمل کرتے ہوئے یہ بھی کہا ہے کہ بہت سارے ٹریٹمنٹس ہیں جیسے لیزر، تھریڈ لفٹ، اگر آپ اچھا نظر آنا چاہتے ہیں تو آپ کو سال میں ایک بار یہ ٹریٹمنٹس ضرور کروا لینا چاہیے۔

لاہور:پاکستان میوزک انڈسٹری کے معروف ورسٹائل گلوکار و اداکار علی ظفر نے جنسی ہراسانی کیس کے تنازع سے متعلق بات کرتے ہوئے پرستاروں کی کشمکش کو دور کر دیا۔نجی ٹی وی کو دیے گئے حالیہ انٹرویو میں علی ظفر سے پوچھا گیا کہ پرستاروں کی ایک بہت بڑی تعداد ہے جو اس بات سے لاعلم ہے کہ آپ کے کیس کا کیا ہوا؟ کس کے حق میں فیصلہ آیا؟گلوکار نے ملکی انصاف کے نظام سے مایوسی کا اظہار کرتے ہوئے کہا کہ اس حوالے سے میری ایک دوست سے بات ہوئی، انہیں میں نے اپنی کہانی سنائی تو انہوں نے مجھے یہ ہی مشورہ دیا کہ مجھے یہ پہلے ہی سب کے سامنے لانا چاہئے تھا، لیکن میں چاہتا تھا کہ سب کچھ قانونی طریقے سے ہو جس کے لیے مجھے 5 سال تک انتظار کرنا پڑا اور میں اب بھی انصاف کا منتظر ہوں۔انہوں نے مختصراً اپنی کہانی بتاتے ہوئے کہا کہ بیشتر لوگ جو تمام حقائق سے آگاہ ہیں کہ ایک بہت بڑی ملٹی نیشنل کمپنی کے ساتھ ایک اور آرٹسٹ کی جگہ مجھے سے معاہدہ طے پا گیا تو مجھے مختلف جعلی اکاؤنٹس سے بدنام کرنے کی کوششوں کا آغاز ہو گیا، لیکن میں نے اس وقت اس پر دھیان نہیں دیا پھر مجھے براہِ راست دھمکی موصول ہوئی کہ میں نے معاہدہ ختم نہیں کیا تو مجھ پر جنسی ہراسانی کا الزام عائد کیا جائے گا۔

لاہور:پاکستان شوبز انڈسٹری کی خوب رو اداکارہ و ماڈل مایا علی اور فلمی اسٹار بلال اشرف نے ایک دوسرے سے تعلقات کے حوالے سے بات کرتے ہوئے تمام گردش کرنے والی خبروں کی تردید کر دی۔نجی ٹی وی کو دیے گئی حالیہ انٹرویو میں آن اسکرین جوڑی مایا علی اور بلال اشرف سے ایک دوسرے کو ڈیٹ کرنے سے متعلق سوال کیا گیا۔میزبان کے اس سوال کا جواب دیتے ہوئے دونوں نے اس کی تردید کی اور کہا کہ اس حوالے سے کیا کہیں، لوگوں کا جو دل چاہتا ہے کہتے ہیں، لوگوں کا تو کام ہی کچھ نہ کچھ کہنا ہے۔گزشتہ برس آن اسکرین جوڑی مایا علی اور بلال اشرف نے مشہور ڈیزائنر کے لیے فوٹو شوٹ کروایا تھا جس کے بعد سے ان دونوں کی ایک دوسرے کو ڈیٹ کرنے کی خبریں گردش کر رہی ہیں، جلد یہ جوڑی ڈرامہ سیریل یونہی میں ایک ساتھ نظر آئے گی۔

ممبئی: بھارتی کرکٹر کے ایل راہول اور آتھیا شیٹی کی شادی کی تصاویر اور ویڈیوز منظرِ عام پر آگئیں۔شادی کے بندھن میں بندھنے کے بعد مشہور جوڑی کے ایل راہول اور آتھیا شیٹی کی شادی کی تصاویر اور ویڈیوز سوشل میڈیا پر وائرل ہو گئیں جنہیں مداحوں کی جانب سے بیحد پسند کیا جا رہا ہے۔دونوں کی شادی کو خفیہ رکھا گیا تھا جبکہ ان کی شادی میں صرف خاص رشتہ داروں اور دوستوں کو مدعو کیا گیا تھا۔تاہم گزشتہ روز سے ہی بالی ووڈ اداکاروں نے سنیل شیٹی کو ان کی بیٹی کی شادی کی مبارکباد دینا شروع کر دی تھی جس کے بعد نوبیا ہتا جوڑے نے بھی میڈیا کے سامنے شاندار انٹری دیتے ہوئے تصاویر بنوائیں۔میڈیا میں میٹھائی تقسیم کرتے ہوئے سنیل شیٹی کا کہنا تھا کہ وہ اب آفیشیلی سسْر بن چکے ہیں ولیمے کے حوالے سے پوچھے گئے سوال پر ان کا کہنا تھا کہ ریسیپشن انڈین پریمئیر لیگ کے بعد ہو گا ۔

لاہور:صبا قمر نے سوشل میڈیا پر مداحوں کے ساتھ اپنے آنے والے نئے ڈرامہ سیریل ’ سر راہ ’ کا ایک ٹیزر شیئر کیا ہے۔ ڈرامہ منفرد کہانی کے ساتھ ساتھ اسٹار کاسٹ پر بھی مشتمل ہے۔اداکارہ نے انسٹاگرام پر ٹیزر پوسٹ کیا۔کیپشن میں لکھا : یہ ہے وہ بڑا اعلان جس کا ہم سب کو انتظار تھا۔کہانی کی طرف اشارہ کرتے ہوئے صبا کا کہنا تھا کہ ڈرامہ کئی طوفانی موڑ سے بھرپور ہے۔سوچنے پر مجبور کردینے والی کہانی پر مبنی اس ڈرامہ سیریل کو عدیل رزاق نے تحریر کیا ہے جبکہ اس کی ہدایت کاری احمد بھٹی نے کی ہے۔اسٹار کاسٹ پر مشتمل اس ڈرامہ میں انڈسٹری کے چند بڑے نام کردار نبھاتے نظر آئیں گے جن میں صبا قمر کے علاوہ منیب بٹ ، حریم فاروق ، سنیتا مارشل ، صبور علی اور دیگر شامل ہیں۔صبا قمر اس کے علاوہ آنے والے نئے ڈراموں Tumhare Husn Ke Naam اور Serial Killer میں بھی دکھائی دیں گیں۔

ممبئی :شردھا کپور نے انسٹاگرام اکائونٹ سے اپنی نئی فلم تو جھوٹی میں مکار کا پوسٹر شیئر کیا ہے۔فلم میں ان کے ساتھ رنبیر کپور بھی شامل ہیں، اس رومانوی مزاحیہ فلم کا ٹریلر 23جنوری کو ریلیز ہوگا۔تو جھوٹی میں مکار پوری دنیا میں ہولی تہوار کے موقع پر 8مارچ کو ریلیز ہوگی۔شردھا کپور 3برس بعد بڑے پردے پر مرکزی کردار ادا کریں گی۔اداکارہ نے پوسٹر کے کیپشن میں تحریک کیا کہ تصویر میں نظر آنے والے افراد اتنے قریب نہیں ہیں جیسا کہ نظر آرہے ہیں، ان کا اشارہ فلم میں اپنی اور رنبیر کپور کی طرف ہے۔

ممبئی : بالی ووڈ کے ورسٹائل اداکار رندیپ ہودا نے لال رنگ 2 کا اعلان کر دیا ہے، فلم کی شوٹنگ ہریانہ میں جلد شروع ہوگی۔رندیپ ہودا گھڑ سواری کرتے ہوئے زخمی ہوگئے تھے، وہ اپنی انجری سے روبہ صحت ہو رہے ہیں۔انہوں نے انسٹاگرام پر اپنے نئے پروجیکٹ لال رنگ 2 کا اعلان کیا، وہ پنچالی چکراورتی اور یوگیش راہار کے ساتھ فلم کی پروڈکشن میں بھی حصہ لیں گے۔رندیپ نے فلم کا پوسٹر شیئر کیا جس میں ان کے چہرے پر سرخ رنگ کے چھینٹے نظر آرہے ہیں۔انہوں نے پہلے پارٹ میں شنکر کا کردار ادا کیا تھا، یہ فلم 2016 میں ریلیز ہوئی تھی۔

لاہور:پاکستانی نژاد برطانوی اداکارہ زوہا رحمٰن کی فلم عید مبارک اصل زندگی کی کہانی پر مبنی فلم ہے۔ یہ فلم رواں برس چلڈرن فیسٹول میں بھی پیش کی جائے گی۔فلم عید مبارک شارٹ فلم ہے جس کی ہدایات دیں ہیں ماہ نور یوسف نے۔ اس فلم کی کہانی کو تحریر بھی ماہ نور یوسف نے کیا ہے جوکہ ان کی ذاتی زندگی کے بچپن کی کہانی ہے۔ اس فلم میں زوہا نے دو بچیوں کی والدہ کا کردار ادا کیا ہیعید مبارک فلم کو امریکی شہر سیاٹل کے ایک چلڈرن فلم فیسٹول میں رواں برس فروری میں اسکرین کیا جائے گا۔ زوہا رحمٰن مارول یونیورس کے کریکٹر میں پہلی خاتون ہیں جنہوں نے جوکہ حجابی کریکٹر میں فلم اسپائیڈر مین فار فارم ہوم میں نظر ا?ئیں۔ انہوں نے نیٹ فلکس کے Young Wallande اور ایپل ٹی وی کے لیے بھی کام کیا۔ جبکہ زوہا نے دیپیکا پاڈوکون کی پروڈکشن میں بننے والی فلم 83 میں بھی کام کیا۔

بالی وڈ کے معروف اداکار سنیل شیٹی کی صاحبزادی اتھیا شیٹی جلد ہی پیا دیس سدھارنے والی ہیں۔

بھارتی میڈیا کے مطابق راہول اور اتھیا کی شادی کی تقریب 23 جنوری کو ہوگی جس کے لیے تقریبات کا آغاز کل سے ہو جائے گا۔

بھارتی میڈیا کا بتانا ہے کہ اتھیا اور بھارتی کرکٹر کے ایل راہول کی شادی کی تقریب کیلئے کسی عالیشان وینیو کے بجائے سنیل شیٹی کے کھنڈالا میں قائم بنگلے کا انتخاب کیا گیا ہے اور اب شادی سنیل شیٹی کے بنگلے پر ہونے کے حوالے سے مزید تفصیلات سامنے آئی ہیں۔

بھارتی میڈیا کے مطابق اتھیا اپنی شادی اور سات پھیروں کی تقریب کے لیے زیادہ شورشرابا نہیں چاہتیں اسی لیے  سنیل شیٹی نے بیٹی اور داماد کو خوش کرنے کے لیے شادی کی تقریب اپنے کھنڈالا بنگلے میں رکھنے کا فیصلہ کیا۔

 اتھیا اور کے ایل راہول کے ولیمے کی تقریب فوری ہونے کے بجائے ایک یا دو ماہ بعد ہوگی: بھارتی میڈیا 

میڈیا رپورٹس کے مطابق شادی کی تقریب میں شرکت کرنے والے مہمانوں کو ریڈیسن ہوٹل میں ٹھہرایا جائے گا جس کے لیے ہوٹل میں بکنگ بھی کروائی جا چکی ہے۔

دوسری جانب بتایا جا رہا ہے کہ اتھیا اور کے ایل راہول کے ولیمے کی تقریب فوری ہونے کے بجائے ایک یا دو ماہ بعد ہوگی جس میں بڑی تعداد میں بھارت کی شوبز اور اسپورٹس شخصیات شرکت کریں گی،  اس حوالے شیٹی خاندان کا کے قریبی ذرائع کا کہنا ہے کہ یہ رات یاد رکھنے والی رات ہوگی جس کا ہمیں  بڑی بے صبری سے انتظار ہے۔

بھارتی میڈیا پر اتھیا اور کے ایل راہول کی شادی میں شریک ہونے والے مہمانوں کی فہرست  بھی سامنے آگئی ہے جس میں بھارتی کرکٹر ویرات کوہلی ان کی اہلیہ انوشکا شرما کے علاوہ سلمان خان اور شاہ رخ خان کا نام سامنے آیا ہے۔

بالی وڈ اداکارہ پریانکا چوپڑا نے سروگیسی کے ذریعے بیٹی کی پیدائش پر خاموشی توڑتے ہوئے کہا کہ لوگوں کو ان کی میڈیکل ہسٹری پبلک کرنے کا کوئی حق نہیں۔

معروف برطانوی فیشن میگزین ووگ کے فروری 2023 کے سرورق کے لیے پریانکا اور ان کی بیٹی مالتی میری کی تصویر کا انتخاب کیا گیا ہے جس کی تصویر پریانکا نے  اپنے انسٹا اکاؤنٹ پر بھی شیئر کی۔

حال ہی میں ووگ کو دیے گئے انٹرویو میں ہی پریانکا نے بیٹی مالتی کی سروگیسی کے ذریعے پیدائش پر بھی بات کرتے ہوئے  انکشاف کیا کہ مجھے طبی پیچیدگیاں تھیں اور یہی وجہ تھی کہ ہم نے سروگیسی کا فیصلہ کیا اور میں شکر گزار ہوں کیوں کہ میں اس پوزیشن میں تھی کہ میں سروگیسی کا فیصلہ کرسکی ، ہماری سیروگیٹ بے حد رحم دل اور نرم مزاج تھی جس نے ہمارے اس قیمتی تحفے کی 6 ماہ تک حفاظت کی۔

پریانکا نے  کہا کہ لوگوں کو ان کی میڈیکل ہسٹری پبلک کرنے کا کوئی حق نہیں کیوں کہ وہ نہیں جانتے کہ وہ کس حال سے گزری ہیں، آپ مجھے نہیں جانتے اور  نہ ہی آپ یہ جانتے ہیں کہ میں کن حالات سے، گزری میں اپنی اور بیٹی کی میڈیکل ہسٹری بھی شیئر نہیں کرنا چاہتی، اسی لیے لوگوں کو بھی یہ حق نہیں کہ وہ اس پر بات کریں۔

یاد رہے کہ گزشتہ برس جنوری میں نک جونس اور پریانکا چوپڑا کے ہاں سروگیسی کے ذریعے بیٹی کی پیدائش ہوئی تھی ۔