جڑانوالہ :اداکار، لکھاری، ہدایت کار و پروڈیوسر محب مرزا نے تصدیق کی ہے کہ انہوں نے گزشتہ سال والد کی خواہش پر شادی کرلی تھی اور اب وہ تنہا زندگی نہیں گزار رہے۔محب مرزا کے والد محسن مرزا جنوری 2022 میں انتقال کر گئے تھے اور گزشتہ ایک سال سے محب مرزا کی صنم سعید سے شادی کی افواہیں بھی ہیں۔اب اداکار نے صنم سعید کا نام لیے بغیر اور اپنی نئی شریک حیات کا نام بتائے بغیر تصدیق کی ہے کہ انہوں نے ایک سال قبل ہی شادی کرلی تھی۔محب مرزا حال ہی میں نجی ٹی وی کے ایک پروگرام میں شریک ہوئے، جہاں انہوں نے شادی کے سوال پر وضاحت کی مگر یہ نہیں بتایا کہ انہوں نے ایک سال قبل کس سے شادی کی تھی۔محب مرزا نے شادی کے سوال پر بتایا کہ خدا کا شکر ہے، انہوں نے ایک سال قبل ہی شادی کرلی تھی اور اب وہ تنہا زندگی نہیں گزار رہے۔اداکار نے مزید بتایا کہ ان کے والد کی خواہش تھی کہ وہ اکلوتے بیٹے کو زندگی میں ہی شادی شدہ دیکھ کر جائیں، اس لیے انہوں والد کے انتقال سے قبل ہی گزشتہ برس شادی کرلی تھی۔

امریکی گلوکارہ لیزا میری پریسلے 54 برس کی عمر میں انتقال کرگئیں

معروف امریکی گلوکار اور روک اینڈ رول میوزک کے بانی ایلوس پریسلے کی بیٹی لیزا میری پریسلے 54 سال کی عمر میں چل بسیں۔

غیر ملکی میڈیا رپورٹس کے مطابق لیزا میری پریسلے امریکی گلوکار ایلوس کی اکلوتی بیٹی تھیں،انہیں لاس اینجلس میں ان کی رہائش گاہ پر حرکت قلب بند ہونے پر اسپتال لے جایا گیا تھا جہاں وہ چل بسیں ۔

گلوکارہ نے رواں ہفتے گولڈن گلوب ایوارڈ کی تقریب میں بھی شرکت کی تھی، وہ مائیکل جیکسن کی اہلیہ بھی رہ چکی ہیں۔

  پروگرام میں محب مرزا نے بطور مہمان شرکت کی، اس مو قع پر پروگرام کے میزبان کی جانب سے ہنسی مزاح سے بھرپور گفتگو کی گئی جس سے ناصرف حاضرین بلکہ ناظرین بھی محظوظ ہوئے۔

ہوسٹ نے اپنی باتوں  میں اداکار سے بائیک چلا کر کراچی سے خنجراب تک کے سفر کے حوالے سے پوچھا جس پر انہوں نے بتایا کہ ان کا یہ سفر 6 دن کا تھا جس میں ان کے 14 دوستوں کا گروپ شامل تھا اور صبح سویرے 6 بجے سہراب گوٹھ سے سفر کا آغاز کیا تھا۔

انہوں نے یہ بھی بتایا کہ 6 دن بعد وہ اپنے دوستوں کے ہمراہ شام کے وقت خنجراب پہنچے تھے، جسے دیکھ کر ان کی آنکھوں سے آنسو بہہ رہے تھے لیکن سردی کی وجہ سے آنسو خشک ہورہے تھے۔

انہوں نے بتایا کہ سفر میں استعمال ہونے والی ان کی بائیک ہارلے بریک آؤٹ تھی جو 1900 سی سی تھی۔

قصہ سننے کے بعد ہوسٹ نے ایک مزاحیہ تصویر بھی دکھائی جس پر اداکار محب مرزا نے خوب قہقہے لگائے۔

بھارتی اداکارہ و رقاصہ راکھی ساونت کے کلمہ پڑھ کر نکاح کرنے ، فاطمہ نام رکھنے اور عادل درانی سے شادی کرنے پر ان کے بھائی راکیش کا ردعمل سامنے آگیا۔

حال ہی میں راکھی نے عادل خان سے شادی کی تصاویر اور ویڈیوز سوشل میڈیا پر شیئر کرتے ہوئے مداحوں کو حیران کردیا تھا، تصاویر میں راکھی اور عادل خان کو پھولوں کی مالا جب کہ نکاح کی ویڈیو میں راکھی کو کلمہ پڑھ کر نکاح قبول کرتے دیکھا گیا۔

راکھی اور عادل کے نکاح نامے پر اداکارہ کے نام کے ہمراہ ‘فاطمہ’ لکھا ہے جس کے بعد راکھی نے بھی اپنا نام تبدیل کرنے سے متعلق خبریں سوشل میڈیا پر شیئر کیں جس سے ان خبروں کی صداقت کا اندازہ لگایا جاسکتا ہے۔

اب اداکارہ کے بھائی راکیش نے اس حوالے سے خاموشی توڑی ہے۔

راکیش نے بھارتی میڈیا کو انٹرویو دیتے ہوئے کہا ‘مجھے اس کے اسلام قبول کرنے اور نام تبدیل کرنے سے متعلق علم نہیں، یہ شوہر اور بیوی کی آپسی باتیں ہیں’۔

راکیش نے کہا ‘اگر راکھی نے ایسا کیا بھی ہے تو بہت سوچ سمجھ کر کیا ہوگا، اس نے اپنے حساب سے یہ قدم اٹھایا ہوگا، ہم سب اس وقت ٹینشن میں ہیں، راکھی گھر میں سب سے چھوٹی ہے اور پوری زندگی اس نے بہت دکھ دیکھے ہیں’۔

اداکارہ کے بھائی نے کہا ‘بگ باس میں رتیش (پہلے شوہر) نے راکھی کو استعمال کرنے کی کوشش کی جس سے راکھی کو افسوس ہوا، اسی لیے راکھی نے اب مکمل طور پر شادی کی ہے’۔

دوسری جانب راکھی کے شوہر عادل درانی نے نکاح کی تمام ویڈیوز اور تصاویر کو جعلی قرار دیتے ہوئے راکھی سے نکاح کا انکار بھی کردیا۔

اس حوالے سے راکھی کی ایک ویڈیو بھی وائرل ہے جس میں وہ اشک بار ہیں اور دہائی دے رہی ہیں کہ میری سمجھ سے باہر ہے کہ اپنی ماں کو سنبھالوں جو اسپتال میں ہیں، یا عادل کا انکار کرنا دیکھوں۔

لاہور : پاکستانی اداکار شہروز سبزواری اور اداکارہ سائرہ یوسف کی فلم ’’ بے بی لیشیس ‘‘ کا ٹریلیر ریلیز کر دیا گیا ہے جبکہ فلم آئندہ ماہ 10 فروری کو سینما گھروں کی زینت بنے گی۔فوٹو اینڈ ویڈیو شیئرنگ پلیٹ فارم انسٹاگرام پر جاری کئے گئے ٹریلر سے اندازہ لگایا جاسکتا ہے کہ فلم میں بیک وقت رومانس ، ایکشن ، ٹریجڈی ، کامیڈی بریک اپ سمیت مختلف رنگ نظر آئیں گے۔فلم کے مرکزی اداکار شہروز سبزواری اور سائرہ یوسف کے علاوہ عامر قریشی ، سلمان شیخ (مانی )، آدی سمیت دیگر شامل ہیں۔خیال رہے کہ عیسیٰ خان کی ہدایتکاری میں بننے والی اس فلم کی پروڈکشن اور عکسبندی کا آغاز کورونا سے قبل کیا گیا تھا تاہم اسی فلم کے دوران سائرہ اور شہروز نے طلاق کا فیصلہ لیتے ہوئے راہیں جدا کر لی تھیں جسکی وجہ سے فلم کی ریلیز تاخیر کا شکار رہی۔

ممبئی: فلمساز کرن جوہر کا کہنا ہے کہ ایک بار والد نے مجھے چیک سائن کرنے کیلئے دیے تو میں نے ان پر ’lots of love‘ لکھ دیا۔انہوں نے کہا کہ مجھے صرف آٹوگراف دینے کی عادت تھی، میں مالی معاملات سے اس قدر لاتعلق تھا۔کرن نے کہا کہ والد (یش جوہر) کے انتقال کے چند دن بعد ایک دوست نے ان کا خط لا کر دیا۔انٹرویو میں کرن جوہر نے بتایا کہ اس خط کو میں نے انجیل کا درجہ دیا، یہ 6 صفحوں پر مشتمل خط تھا۔انہوں نے کہا کہ اس خط میں ہمارے فنڈز، سرمایہ کاری، بینک اکاؤنٹ کی تفصیلات تھیں۔کرن کا کہنا تھا کہ خط میں یہ تک درج تھا کہ کس پر بھروسہ کرنا ہے، کس پر نہیں۔انہوں نے کہا کہ والد کی زندگی میں کبھی ان سے ان تمام موضوعات پر بات نہیں ہوئی۔

ممبئی: بالی ووڈ کے اداکار سدھارتھ ملہوترا کی فلم ’مشن مجنوں‘ کا ٹریلر ریلیز ہونے کے بعد اداکار کو شدید ٹرولنگ کا سامنا ہے۔سدھارتھ ملہوترا نے سوشل میڈیا اکاؤنٹس پر اپنی نئی فلم ’مشن مجنوں‘ کا ٹریلر شیئر کیا ہے جس میں وہ ایک بھارتی ایجنٹ کا کردار ادا کر رہے ہیں جو پاکستان میں ایک مسلمان کا بھیس بدل کر جاسوسی کر رہا ہے۔مشن مجنوں ایک بھارتی ایجنسی کے ایسے مشن کی کہانی ہے جس میں وہ اپنے ایجنٹ یعنی سدھارتھ ملہوترا کے ذریعے پاکستان کو نیوکلیئر بم بنانے سے روکتے ہیں۔تاہم وہ ایک پاکستانی لڑکی کی محبت میں گرفتار ہو جاتے ہیں جس کے بعد ان کا مشن مشکلات کا شکار ہو جاتا ہے۔فلم میں سدھارتھ ملہوترا نے بھی روایتی بالی ووڈ فلموں کی طرح شلوار قمیض ٹوپی اور رومال پہن کر آنکھوں میں سرمہ اور گلے میں تعویز پہن کر خود کو مسلمان دکھانے کی کوشش کی ہے جس پر پاکستانی صارفین سدھارتھ کے روپ پر خوب طنز ومزاح کرتے نظر آرہے ہیں۔سوشل میڈیا پر پاکستانی صارفین کا کہنا ہے کہ انڈیا والوں کو لگتا ہے کہ ہم ہر وقت یہی کپڑے پہنتے ہیں۔یاد رہے کہ سدھارتھ ملہوترا اور رشمیکا کی فلم مشن مجنوں 20 جنوری کو آن لائن سٹریمنگ پلیٹ فارم نیٹ فلکس پر ریلیز کی جائے گی۔

لاہور / کراچی: سندھ ہائی کورٹ نے مشہور اداکارہ مہوش حیات کے خلاف سوشل میڈیا پر موجود مواد ہٹانے کا حکم دے دیا۔مشہور اداکارہ مہوش حیات نے یوٹیوبر اور سابق فوجی افسر عادل راجا کے خلاف سندھ ہائی کورٹ میں درخواست دائرکی تھی۔مہوش حیات کی طرف سے دائر درخواست پر سماعت کے دوران ان کے وکیل بیرسٹر خواجہ نوید احمد نے کہا کہ عادل راجا نامی شخص جھوٹے الزامات لگا رہا ہے۔وکیل نے کہا کہ اداکارہ مہوش حیات پر سوشل میڈیا پر من گھڑت الزامات لگائے گئے، جس پر وفاقی تحقیقاتی ادارہ (ایف آئی اے) اور سائبر کرائم سے رجوع کیا مگر کارروائی نہیں ہوئی۔عدالت نے اداکارہ کی درخواست پر وفاقی حکومت، پاکستان ٹیلی کمیونیکیشن اتھارٹی (پی ٹی اے) اور ایف آئی اے کو نوٹسز جاری کردیے۔عدالت نے فریقین کو دو ہفتے میں جواب جمع کرانے کا حکم دے دیا۔مہوش حیات کے وکیل بیرسٹر خواجہ نوید احمد نے کہا کہ عادل راجا نامی شخص خود کو سابق فوجی افسر کہتا ہے اور بے بنیاد الزامات لگا رہا ہے، جس نے چار اداکاراؤں کے خلاف پروپیگینڈا کیا ہے۔مہوش حیات نے کہا کہ کبریٰ خان کے خلاف الزامات واپس لے لیے ہیں اور اس نے میرا نام ’ایم ایچ‘ لکھا ہے۔

ممبئی: بالی ووڈ کنگ شاہ رخ خان گزژتہ چار 4 سالوں سے کوئی بھی فلم ریلیز نہ ہونے کے باوجود دنیا کے امیر ترین اداکاروں کی فہرست میں چوتھی پوزیشن پر موجود ہیں۔شاہ رخ خان کے نہ صرف بھارت بلکہ دنیا بھر میں بڑی تعداد میں مداح موجود ہیں اور ان کا شمار چند امیر ترین بھارتی اداکاروں میں ہوتا ہے کیونکہ وہ فلموں میں اداکاری اور مختلف برانڈ انڈورسمینٹس سمیت آمدنی کے کئی بے شمار طریقوں سے پیسے کماتے ہیں۔فوربز میگزین کی ایک رپورٹ کے مطابق شاہ رخ خان کی اوسط سالانہ آمدنی 38 ملین ڈالرز یعنی 313 کروڑ بھارتی روپے ہے۔ اداکار کی گزشتہ 4 سالوں میں کوئی بڑی فلم ریلیز نہیں ہوئی ہے لیکن اس کے باوجود بھی وہ دنیا کے امیر ترین اداکاروں کی فہرست میں چوتھے نمبر پر ہیں۔ورلڈ آف اسٹیٹسٹکس کی جانب سے مائیکرو بلاگنگ ویب سائٹ ٹوئٹر پر جاری کردہ ’دنیا کے امیر ترین اداکاروں‘ کی فہرست کے مطابق، شاہ رخ خان 770 ملین ڈالرز یعنی 6,306 کروڑ بھارتی روپے کی مجموعی مالیت کے ساتھ فہرست میں شامل واحد بھارتی اداکار ہیں۔اس فہرست میں پہلے نمبر پر امریکی کامیڈین اور اداکار جیری سین فیلڈ موجود ہیں، جن کی مجموعی مالیت 1 بلین ڈالرز ہے۔

لاہور:کوک اسٹوڈیو سیزن 14 کے گانے ’پسوڑی‘ سے شہرت کی بلندیوں کو چھونے والے علی سیٹھی کے دامن میں ایک اور اعزاز آنے والا ہے، اب وہ امریکی میوزک فیسٹیول ’ کوچیلا ‘ میں پرفارم کرنے والے دوسرے پاکستانی بن گئے۔فوٹو اینڈ ویڈیو شیئرنگ پلیٹ فارم انسٹاگرام کے ذریعے اپنے مداحوں کو میوزک فیسٹیول ’ کوچیلا ‘ میں آنے کی دعوت دیتے ہوئے علی سیٹھی نے میوزک فیسٹیول کا شیڈول شیئر کیا اور کیپشن میں لکھا کہ آجاؤ سارے کوچیلا 13 جنوری سے ٹکٹس پر سیل لگ رہی ہے ۔ واضح رہے کوچیلاامریکی میوزک فیسٹیول ہے جو کہ کیلیفورنیا کے صحرا کولوراڈو میں سالانہ بنیاد پر منعقد کیا جاتا ہے۔ اس میوزک فیسٹیول میں دنیا بھر سے بڑے اور نامور گلوکاروں اس فیسٹیول میں پرفارم کرتے ہیں۔رواں برس منعقد ہونے والے اس میوزک فیسٹیول میں پاکستان سے علی سیٹھی جبکہ بھارت سے دلجیت دوسنجھ سمیت کئی معروف گلوکار اس فیسٹیول کا حصہ بنیں گے۔علی سیٹھی 14 اپریل سے شروع ہونے والے اس فیسٹیول کے دوسرے روز اپنے سْروں کا جادو بکھیریں گے۔