Category شوبز

لاہور: پاکستان کے ایٹمی پروگرام پر بنی بھارتی فلم مشن مجنوں پر پاکستانی ٹوئٹر صارفین نے سوشل میڈیا پر دلچسپ میمز کے انبار لگا دیے ہیں۔اداکار سدھارتھ ملہوترا کی فلم ’مشن مجنوں‘ کے ٹریلر نے ریلیز ہوتے ہی پاکستانی صارفین کو اپنی طرف متوجہ کرلیا ہے۔اس فلم کی کہانی ایک امن دیپ سنگھ نامی ایک ایسے بھارتی ایجنٹ کے گرد گھومتی ہے جسے یہ معلومات اکٹھی کرنے کی ذمہ داری لگائی گئی ہے کہ پاکستان کو ایٹم بم بنانے کے لیے مدد کون فراہم کررہا ہے۔جیسے ہی سدھارتھ ملہوترا نے اپنے سوشل میڈیا اکاو نٹس پر اس فلم کا ٹریلر شیئر کیا، پاکستانی صارفین نے اس پر دلچسپ تبصروں اور میمز کے ڈھیر لگا دیے۔کچھ صارفین بھارتی فلموں میں دکھائے جانے والے مسلمانوں کے حلیے اور گفتگو کے انداز پر مذاق اْڑاتے جبکہ کچھ صارفین فلم کی کہانی میں تاریخ پنوں کو توڑ مروڑ کر پیش کرنے پر بھارتی فلم رائٹرز، پروڈیوسرز اور ڈائیریکٹرز پر تنقید کرتے نظر آرہے ہیں۔واضح رہے کہ اداکار سدھارتھ ملہوترا کی یہ فلم رواں ماہ 19 جنوری کو سنیما گھروں کی زینت بنے گی۔

ممبئی: بالی ووڈ کے اداکار سدھارتھ ملہوترا کی فلم ’مشن مجنوں‘ کا ٹریلر ریلیز ہونے کے بعد اداکار کو شدید ٹرولنگ کا سامنا ہے۔سدھارتھ ملہوترا نے سوشل میڈیا اکاؤنٹس پر اپنی نئی فلم ’مشن مجنوں‘ کا ٹریلر شیئر کیا ہے جس میں وہ ایک بھارتی ایجنٹ کا کردار ادا کر رہے ہیں جو پاکستان میں ایک مسلمان کا بھیس بدل کر جاسوسی کر رہا ہے۔مشن مجنوں ایک بھارتی ایجنسی کے ایسے مشن کی کہانی ہے جس میں وہ اپنے ایجنٹ یعنی سدھارتھ ملہوترا کے ذریعے پاکستان کو نیوکلیئر بم بنانے سے روکتے ہیں۔تاہم وہ ایک پاکستانی لڑکی کی محبت میں گرفتار ہو جاتے ہیں جس کے بعد ان کا مشن مشکلات کا شکار ہو جاتا ہے۔فلم میں سدھارتھ ملہوترا نے بھی روایتی بالی ووڈ فلموں کی طرح شلوار قمیض ٹوپی اور رومال پہن کر آنکھوں میں سرمہ اور گلے میں تعویز پہن کر خود کو مسلمان دکھانے کی کوشش کی ہے جس پر پاکستانی صارفین سدھارتھ کے روپ پر خوب طنز ومزاح کرتے نظر آرہے ہیں۔سوشل میڈیا پر پاکستانی صارفین کا کہنا ہے کہ انڈیا والوں کو لگتا ہے کہ ہم ہر وقت یہی کپڑے پہنتے ہیں۔ایک صارف نے کہا کہ میرا ایک سوال ہے، آپ کو لگتا ہے کہ بھارتی ایجنٹ پاکستان میں آداب کہے گا اور آسانی سے چلا جائے گا؟ ایک ٹوئٹر صارف نے شاہین شاہ آفریدی کی مسکرانے کی میم شیئر کرتے ہوئے کہا کہ ’مشن مجنوں فیل ہو گیا، پاکستان نیوکلیئر ریاست بن گیا۔ایک اور صارف نے طنزیہ انداز میں لکھا کہ ’ہماری تو اْردو کی ٹیچر بھی آداب نہیں کہتی ہیں، کیا انڈین مسلمان ایک دوسرے سے ایسے ملتے ہیں؟

کراچی :ڈسٹرکٹ اینڈ سیشن جج شرقی نے معروف ٹی اینکر عامر لیاقت حسین کی نازیبا ویڈیوز وائرل کرنے کے مقدمے میں دانیہ شاہ کی درخواست ضمانت سے متعلق آئندہ سماعت پر مدعی مقدمہ دعائے عامر کو طلب کرلیا۔ میڈیا رپورٹ کے مطابق کراچی سٹی کورٹ میں ڈسٹرکٹ اینڈ سیشن جج شرقی کی عدالت کے روبرو عامر لیاقت کی نازیبا ویڈیوز وائرل کرنے کے مقدمے میں ملزمہ دانیہ شاہ کی درخواست ضمانت پر سماعت ہوئی۔عدالت نے مدعی مقدمہ دعائے عامر کو آئندہ سماعت پر طلب کرتے ہوئے ایف آئی اے سمیت دیگر کو نوٹسز جاری کردیئے اور سماعت 14 جنوری تک ملتوی کردی۔دانیہ کی جانب سے دائر کی گئی درخواست ضمانت میں موقف اپنایا گیا تھا کہ دانیہ شاہ بے گناہ ہیں ویڈیوز انہوں نے وائرل نہیں کیں ان کی ضمانت کی درخواست منظور کی جائے۔

لاہور: پاکستان میوزک انڈسٹری کے معروف گلوکار علی ظفر کو سوشل میڈیا صارف نے سجاد علی سے مقابلہ کرنے کا دلچسپ چیلنج دے دیا۔مائیکرو بلاگنگ سائٹ ٹوئٹر پر جنید قادر نامی ٹوئٹر صارف نے معروف و سینئر گلوکار سجاد علی کی ایک ویڈیو کو ری شیئر کرتے ہوئے علی ظفر کو ٹیگ کیا اور انہیں چیلنج کر دیا کہ کیا آپ ایسا کر سکتے ہیں۔تاہم علی ظفر نے چیلنج قبول کرنے سے معذرت کرتے ہوئے کہا کہ ’یہ استاد لوگ ہیں۔ ہم اپنے سینئرز اور خاص کر ایسے سینئرز سے صرف سیکھتے ہیں ۔

ممبئی : بھارتی فلم ’آرآرآر‘ کے گانے ’ناٹو ناٹو‘ کو گولڈن گلوب ایوارڈز میں بیسٹ ریجنل سانگ کے ایوارڈ سے نوازا گیا۔بھارتی میڈیا رپورٹس کے مطابق جنوبی ہند سنیما کی فلم ’آرآرآر‘ لاس اینجلس میں منعقدہ 80 ویں گولڈن گلوب ایوارڈ کی دو مختلف کیٹیگریز میں نامزد تھی۔ جن میں بہترین نان انگلش لینگویج فلم اور بہترین ریجنل سانگ شامل ہیں۔ گولڈن گلوب ایوارڈ ز کی تقریب میں ایس ایس راجامولی کی فلم ’آرآرآر‘ کا گانا ’ناٹو ناٹو‘ بہترین آریجنل سانگ کا اعزازحاصل کرنے میں کامیاب ہو گیا تاہم بہترین نان انگلش لینگویج فلم کی کیٹیگری میں مذکورہ فلم کچھ خاص کمال نہ دکھا سکی۔

کراچی :پاکستان شوبز انڈسٹری کی خوبرو اداکارہ سونیا حسین نے بتیا ہے کہ پہلی تنخواہ ایک لاکھ روپے لی تھی ۔ میڈیا سے گفتگو کرتے ہوے انہوں نے بتایا کہ جب انہیں پہلا کمرشل ملا اس وقت ان کے بال بہت لمبے تھے ان سے کہا گیا کہ انہیں ایک شاٹ میں لمبے جبکہ دوسرے شاٹ میں بال کٹوا کر چھوٹے کرنے ہوں گے۔سونیا نے اس کیلئے فوری حامی بھرلی اور بال کٹوا لیے کیونکہ انہیں اس کمرشل کیلئے 1 لاکھ روپے ادا کئے گئے تھے جو اس وقت کی ایک بہت بڑی رقم تھی۔اداکارہ نے بتایا کہ ان کے گھر والے خاص طور پر ان کے والد چھوٹے بالوں میں انہیں دیکھ کر حیران ہوگئے کیونکہ ان کے والد سونیا کے لمبے بال بہت پسند تھے مگر وہ خوش تھیں کیونکہ ان کیلئے لمبے بال سنبھالنا مشکل ہوتا تھا اور انہیں پہلے کمرشل پر 1 لاکھ روپے کی بڑی رقم ملنے کی بھی بیحد خوشی تھی۔

دبئی: پاکستانی اداکارہ و ماڈل سعدیہ خان نے آریان خان سے تعلقات کی افواہوں پر خاموشی توڑ دی۔اماراتی میڈیا کو دیئے گئے ایک انٹرویو میں سعدیہ خان نے آریان خان سے قریبی تعلقات کی خبروں کی تردید کرتے ہوئے ان افواہوں کو بے بنیاد قرار دے دیا۔ انہوں نے کہا کہ وہ دبئی میں مقیم ہیں اور آریان سے اتفاق سے نیو ائیر پارٹی کے دوران ملاقات ہوئی تھی آریان کے ساتھ اور بھی بہت لوگوں نے تصاویر بنوائی تھیں مگر معلوم نہیں کہ صرف ان کی تصویر ہی کیوں وائرل ہوئی۔سعدیہ خان نے کہا کہ یہ عجیب بات ہے کہ لوگ مکمل بات جانے بغیر آریان اور ان کے بارے میں کہانیاں بنا رہے ہیں انہوں نے مزید کہا کہ خبروں کے نام پر جو کچھ ہوتا ہے اس کی ایک حد ہونی چاہیے۔سعدیہ خان نے کہا کہ صرف ایک تصویر میں ایک ساتھ نظر آجانے کا مطلب یہ ہرگز نہیں ہے کہ ہم ایک دوسرے کو ڈیٹ کر رہے ہیں۔ انہوں نے کہا کہ آریان بہت پیارا اور انتہائی خوش اخلاق لڑکا ہے اس لیے ان افواہوں کو ختم کردینا چاہیے۔

ماضی کے مزاحیہ ڈرامے ‘ففٹی ففٹی’ میں لوگوں کے چہروں پر مسکراہٹیں بکھیرنے والے سینیئر اداکار ماجد جہانگیر انتقال کر گئے۔

ڈرامہ سیریل ‘ففٹی ففٹی’ سمیت دیگر ڈراموں میں ناظرین کو اپنی بے ساختہ اداکار ی اور ہنسی سے لوٹ پوٹ کرنے والے اداکار ماجد جہانگیر کا انتقال لاہور میں ہوا۔

اہل خانہ کے مطابق ماجد جہانگیر ایک ماہ قبل گھر پر بیڈ سے گر گئے تھے، بیڈ سے گرنے سے ان کی ریڑھ کی ہڈی فریکچر ہوگئی تھی، انہیں سانس کا مرض پہلے ہی تھا جو شدت اختیار کر گیا تھا۔

بیٹے فہد ماجد کا کہنا ہے کہ والد ماجد جہانگیر کی تدفین کراچی میں ہوگی۔

واضح رہے کہ ماجد جہانگیر نے 80 کی دہائی میں ڈراما سیریز ففٹی ففٹی سے شہرت پائی تھی۔

بھارتی انٹرٹینمنٹ ویب سائٹ ای ٹائمز نے انسٹاگرام پر دو تصاویر شیئر کیں اور اطلاع دی کہ راکھی ساونت نے اپنے بوائے فرینڈ علی درانی سے شادی کرلی ہے۔

حال ہی میں بگ باس مراٹھی کھیل کر آنے والی راکھی نے ایک روز قبل انسٹاگرام پر ویڈیو شیئر کی تھی جس میں انہوں نے روتے ہوئے مداحوں سے والدہ کی صحتیابی کی دعا کی تھی۔

راکھی ساونت کا کہنا تھا کہ ان کی ماں کی حالت ٹھیک نہیں ہے، ان میں برین ٹیومر کے ساتھ کینسر کی دوبارہ تشخیص ہوئی ہے جس کے بعد وہ اسپتال میں زیرِ علاج ہیں۔

جاری کردہ اعلامیے کے مطابق چکیوں اور فلار ملزپر فی کلو آٹا 75 روپے میں فروخت کیاجائے گا۔

اس کے علاوہ  اسسٹنٹ کمشنرز، مختیار کار اور محکمہ خوراک کو مقررہ ریٹ پر آٹے کی فروخت کو یقینی بنانے کی ہدایات بھی جاری کی گئی ہیں۔

نوٹیفکیشن میں مزید کہا گیا ہے کہ خلاف ورزی پر سخت قانونی کارروائی کی جائے گی جب کہ اسٹالز پر اب بھی دس کلو آٹے کا تھیلا 650 کا ملے گا۔