ممبئی : بھارتی فلمساز اور ریئلٹی شو بگ باس کے سیزن 16 کے کنٹیسٹنٹ ساجد خان پر ایک اور بھارتی اداکارہ نے جنسی ہراسانی کا الزام لگا دیا ہے۔ میڈیا رپورٹ کے مطابق اداکارہ آہنا کمار، مندنہ کریمی اور شرلین چوپڑا کے بعد اب ایک مراٹھی اداکارہ جے شری گیکود نے بھی ساجد خان پر جنسی ہراسانی کا الزام عائد کردیا ہے۔جے شری گیکود نے سوشل میڈیا پر شیئر کی گئی ایک ویڈیو میں دعویٰ کیا ہے کہ ساجد خان نے اْنہیں 8 سال قبل جنسی ہراسانی کا نشانہ بنایا تھا۔اْنہوں نے بتایا کہ 8 سال قبل جب ایک کاسٹنگ ڈائریکٹر نے میری ملاقات ایک تقریب میں ساجد خان سے کروائی تو ان جیسے بڑے نام سے ملکر مجھے بہت خوشی ہوئی۔اْنہوں نے مزید بتایا کہ اس ملاقات کے دوران ساجد خان نے مجھ سے کہا کہ میں آج کل ایک فلم پر کام کر رہا ہوں، اس فلم میں تمہارے لیے بھی ایک کردار نکل سکتا ہے بس تم میرے آفس آجانا۔جے شری گیکود نے بتایا کہ جب میں ساجد خان کے آفس پہنچی تو اس وقت وہاں پر وہ اکیلے تھے، اْنہوں نے مجھے چھوا اور پوچھا کہ یہ بتاو کہ میں اپنی فلم کے لیے تمہارا انتخاب کیوں کروں، جس پر میں نے اْنہیں جواب دیا کہ میں بہت اچھی اداکارہ ہوں۔اْنہوں نے بتایا کہ ساجد خان نے میرا جواب سننے کے بعد کہا کہ صرف اچھی اداکاری سے کچھ نہیں ہوتا، تمہیں ہر وہ کام کرنا پڑے گا جو میں کہوں گا۔

ممبئی:بالی ووڈ اداکارہ کنگنا رناوت نے کہا ہے کہ بڑی بڑی رقم ٹھکرائی لیکن شادیوں میں ڈانس کبھی نہیں کیا۔ ادکارہ نے اپنے انسٹاگرام پر سینئر گلوکارہ آشا بھوسلے کا ایک ویڈیو کلپ شیئر کیا جس میں وہ اپنی بہن آنجہانی لتا منگیشکر کا ذکر کرتے ہوئے کہتی ہیں کہ لتا کو شادی میں پرفارم کرنے کے لیے لاکھوں ڈالرز کی پیشکش ہوئی تھی لیکن لتا نے اسے ٹھکرادیا۔کنگنا نے اسٹوری شیئر کرتے ہوئے کیپشن میں لکھا کہ میں آشا جی کی بات سے متفق ہوں، میں نے بھی کئی پرائیویٹ پارٹیز اور شادیوں میں ڈانس کرنے سے انکار کیا۔ اداکارہ نے لکھا میں نے اس کے لیے بڑی بڑی رقم ٹھکرائیں، مجھے یہ ویڈیو دیکھ کر انتہائی خوشی ہوئی، لتا جی ہم سب لوگوں کے لیے ایک متاثر کْن شخصیت تھیں۔واضح رہے اداکارہ کنگنا رناوٹ کی فلموں کے بہت ا سے گانے عوام میں مقبول ہیں اور ان کا لندن ٹھمک دا گانے کو شادی کی تقریب میں پسند کیا جاتا ہے۔

کراچی:مرحوم عامر لیاقت حسین کی تیسری اہلیہ ملزمہ دانیہ شاہ نے ضمانت کے لیے کراچی میں سیشن کورٹ سے رجوع کرلیا۔درخواست گزار کے مطابق دانیہ شاہ پر لگائے الزامات جھوٹے ہیں، ایف آئی اے کے پاس ملزمہ کے خلاف کوئی شواہد نہیں۔گزشتہ روز جوڈیشل مجسٹریٹ شرقی نے دانیہ شاہ کی ضمانت مسترد کی تھی۔واضح رہے کہ اس وقت دانیہ شاہ عدالتی ریمانڈ پر جیل میں ہیں۔

ممبئی : بالی ووڈ اداکار سلمان خان اپنے باڈی گارڈ ’شیرا‘کے بیٹے ابیر سنگھ کو اپنی اگلی فلم میں ہیرو کے کردار کے لئے سائن کر لیا ۔بھارتی میڈیا رپورٹ کے مطابق سلمان خان کے26 سالوں سے وفادار باڈی گارڈ شیرا کا بیٹا ابیر سنگھ بھی اب بالی ووڈ میں قدم رکھنے کو تیار ہے، ابیر سنگھ کو ان کے گاڈ فادر سلمان خان اپنی آنے والی فلم میں بطور ہیرو لانچ کریں گے۔سلمان خان نے ابیر کو فلموں میں لانچ کرنے کے لیے ہدایت کار ستیش کوشک سے بھی رابطہ کیا ہے۔میڈیا رپورٹ کے مطابق فلم کا اسکرپٹ مکمل ہوچکا ہے جبکہ فلم کی ادکارہ کی تلاش جاری ہے جو کہ ممکنہ طور پر کوئی نئی ہیروئن ہوگی جس کو لانچ کیا جائے گا،فلم کی شوٹنگ جنوری 2023 میں شروع ہونے کا امکان ہے۔

بیروت : لبنانی عدالت نے لبنان کی اسٹار اداکارہ اسٹیفنی سلیباکی جائیداد اور اثاثے منجمد کر دیئے۔غیر ملکی میڈیا رپورٹ کے مطابق عدالت نے لبنان کے مرکزی بینک کے گورنر ریاض سلامے کے کرپشن کیس میں شاملِ تفتیش اداکارہ اسٹیفنی سلیبا کی تمام جائیداد اور اثاثے منجمد کر دیئے ہیں۔غیر ملکی میڈیا سے بات کرتے ہوئے پراسیکیوٹر نے بتایا کہ سلیبا کی ملکیت میں بیروت کے دو بہت پرتعیش اور مہنگے فلیٹ ہیں جنہیں عدالت نے منجمد کرنے کا حکم دے دیا ہے۔ واضع رہے کہ کچھ دن قبل پراسیکیوٹر غدیٰ عون نے سلیبا کو تفتیش کیلئے طلب کیا تھا تاہم بعد ازاں سلیبا کو رِہا کر دیا گیا تھا۔

ممبئی : بھارت میں فحش فلموں میں کام کرنے والی اداکارہ کی دھمکیوں سے تنگ آکر ایک شخص نے اپنی ماں اور بیوی کے سمیت زہر کھا لیا۔بھارتی میڈیا رپورٹ کے مطابق ریاست مدھیہ پردیش کے ایک خاندان نے فحش فلموں کی اداکارہ کی دھمکیوں سے تنگ آکر خودکشی کرنے کی کوشش کی ہے۔مذکورہ شخص نے اپنی بیوی اور ماں سمیت زہر کھایا اور ویڈیو بنا کر سوشل میڈیا پر ڈال دی جوکہ آگ کی طرح پھیل رہی ہے۔ویڈیو میں دیکھا جا سکتا ہے کہ ایک شخص بتا رہا ہے کہ ممبئی سے تعلق رکھنے والی اداکارہ جو غیر اخلاقی فلموں میں کام کرتی ہے وہ انہیں مسلسل دھمکیاں دے رہی ہے اور ان سے رقم کا مطالبہ کر رہی ہے۔متاثرہ شخص ویڈیو میں کہتا دکھائی دے رہا ہے کہ ’رم جھم نامی فحش فلموں کی اداکارہ نے اسے پہلے بھی جیل میں بند کروایا تھا اور اب دوبارہ سے رقم کا مطالبہ کر رہی ہے لیکن ہمارے پاس اتنی رقم نہیں کہ اسے دیں، ہم اداکارہ کی روز روز کی دھمکیوں سے تنگ آکر زہر کھا رہے ہیں۔تاہم متاثرہ شخص کی جانب سے ویڈیو میں یہ نہیں بتایا گیا کہ اداکارہ ان سے رقم کا مطالبہ کیوں کر رہی ہے۔ بھارتی میڈیا کے مطابق متاثرہ خاندان کو فوری طور اسپتال منتقل کر دیا گیا ہے جبکہ انکی حالت تشویش ناک بتائی جارہی ہے۔پولیس حکام کا اس حوالے سے کہنا ہے کہ معاملے کی تحقیقات جاری ہے جلد اس کی جڑ تک پہنچ کر مذکورہ اداکارہ کے خلاف کارروائی کی جائے گی

مانگا منڈی:اداکار مائوکانگ پاکستانی ویب سیریز میں جلوا گر ہونگے پاکستانی ڈائریکٹر عبداللہ نے کاسٹ کرلیا۔تفصیلات کے مطابق لوگNetflixمائو کانگ کے مخلص، غیر پولش فنکاروں کی طرف راغب ہوتے ہیں، جنہوں نے اپنے اداکاری کے پورے کیرئیر کو اس جذبے سے نکالا ہے۔ جیسا کہ وہ اپنی مہم جوئی کو جاری رکھے ہوئے ہے، ہم بطور اداکار ان کی شاندار ترقی کو دیکھنے کے منتظر ہیں۔ اگر آپ ایکشن فلکس سے لطف اندوز ہوتے ہیں تو آپ Maverick Kangسے واقف ہوں گے۔ وہ ایک مشہور اسٹنٹ پرفارمر ہیں جو کئی معروف فلموں میں نظر آئے ہیں جن میں RRR اور S.W.A.T. (2022)۔ انہوں نے ان کامیاب فلموں کے لیے اپنا تعاون فراہم کیا تھا۔ اپنے اداکاری کے کیریئر کے علاوہ وہ ہمیشہ میوزک انڈسٹری میں کام کرنے کی خواہش رکھتے ہیں۔ وہ ہمیشہ ایک بہت بڑے سامعین کے سامنے پرفارم کرنے کا تصور کرتے تھے اور انہیں اپنے! گانوں کی تعریف کرتے ہوئے سنتے تھے۔ ایک اداکار کے طور پر کامیابی حاصل کرنے کے بعد یہ مقصد ان کے لیے دوبارہ زندہ ہو گیا، اور اس نے اسے پورا کرنے کے لیے سخت محنت کی۔ اس نے بہت زیادہ وقت موسیقی بنانے میں صرف کیا جس سے لوگ تعلق رکھ سکتے ہیں، جس کی وجہ سے ان کا البم ریلیز ہوا۔ وہ سوچتا ہے کہ اس کے البم کی کامیابی اس کی جڑوں سے سچے رہنے سے منسوب ہو سکتی ہے۔ وہ لوگوں کو ایسی کہانیاں سنانے کے لیے اس قسم کے اظہار کا استعمال کرنا چاہتا تھا جو متعلقہ ہوں گی۔ نتائج کامیاب نظر آتے ہیں۔Mavاپنے سامعین کو اصل اور موجودہ مواد فراہم کرنے کے لیے پرعزم ہے۔ اس کے تازہ ترین ریکارڈ ٹاپنگ اسٹریم چارٹس کے ساتھ، 2022 Mav کا سال معلوم ہوتا ہے۔ مداح یہ سننے کے لیے پرجوش ہیں کہ وہ کس قسم کے گانے ریلیز کریں گے۔ ان کا حال ہی میں ریلیز ہونے والا البم، جس نے اس خصوصی صلاحیت کا مظاہرہ کیا کہ وہ جدید، عصری گانوں کے پہلوؤں کو سنہری دور کی آوازوں کے ساتھ ملانے کی صلاحیت رکھتا ہے۔ اس کے اگلے ریکارڈز میں ایسے موضوعات ہیں جو بہت سے شاندار موسیقاروں کی یاد تازہ کرتے ہیں، لیکن ایک مخصوص انداز میں۔ اس کے البمز تمام غیر پولش اور پرانی یادوں کے حامل ہیں۔ ان گانوں کے ریلیز ہونے کے بعد، وہ پچھلے کچھ ہفتوں سے موسیقی کو فعال طور پر چلا رہے ہیں۔ ہمیں کوئی شک نہیں کہ وہ جاری رہے گا۔ سچائی اور سکون کا تاثر ناظرین یا کاروباری ساتھیوں تک پہنچایا جا سکتا ہے۔ لوگ حقیقی، غیر پولش اداکاروں کی طرف راغب ہوتے ہیں، جو بالکل وہی ہے جو ماو کانگ اپنے پورے کیرئیر میں دکھا رہے ہیں۔ ہم اس کی ناقابل یقین ترقی اور اس کے اپنے سفر کو جاری رکھتے ہوئے پیدا ہونے والے اثرات کا مشاہدہ کرنے کی توقع کرتے ہیں۔ مزید برآں، ماو کانگ کی سوشل میڈیا پر مضبوط پیروی ہے اور وہ وہاں پر دلچسپ مواد تیار کرتی ہے۔ اس کے ہزاروں چاہنے والے ہیں، اور ان کی تعداد بڑھ رہی ہے۔

لاہور: پاکستانی شوبز انڈسٹری کے معروف اداکار فواد خان نے سال 2022ء میں ایشیا کے 50 بہترین فنکاروں کی فہرست میں دوسری پوزیشن حاصل کرلی ہے۔برطانوی جریدے ’ایسٹرن آئی‘ نے 2022ء کے 50 بہترین ایشین فنکاروں کی فہرست جاری کی ہے جس میں پاکستانی اسٹار فواد خان کو دوسری پوزیشن ملی ہے۔اس فہرست میں پہلے نمبر پر بھارتی بلاک بسٹر فلم ’RRR‘ کی جوڑی
جونیئر این ٹی آر اور رام چرن موجود ہیں۔ایسٹرن آئی کی رپورٹ کے مطابق، فواد خان فلم ’دی لیجنڈ آف مولا جٹ‘ کے ساتھ بڑی اسکرین پر بہت شاندار انداز میں واپس آئے ہیں اور ان کی یہ فلم دنیا بھر میں ریکارڈ توڑ بزنس کرنے میں بھی کامیاب رہی۔اس فہرست میں 5 ویں نمبر پر پاکستانی نڑاد کینیڈین اداکارہ ایمان ویلانی کا نام شامل ہے، جنہوں نے سیریز ’مس مارول‘ سے دنیا بھر میں زبردست مقبولیت حاصل کی ہے۔فواد خان اور ایمان ویلانی کے علاوہ پاکستانی گلوکار عاطف اسلم 13 ویں، سجل علی 16 ویں جبکہ صوفیہ علی 24 ویں نمبر پر موجود ہیں۔ایشیا کے بااثر 50 فنکاروں کی فہرست میں پاکستان سے علی سیٹھی، شائے گل، رضوان احمد، ہمایوں سعید، حدیقہ کیانی اور کمیل ننجانی بھی شامل ہیں۔

لاہور:پاکستانی فلم و ٹی وی انڈسٹری کے معروف اداکار فیروز خان کی سابقہ اہلیہ علیزا نے سوشل میڈیا پر اپنی نئی تصویریں اپلوڈ کی ہیں۔علیزا سلطان کی جانب سے شیئر کی گئی اپنی نئی تصاویر میں ایک پاکستانی کلوتھنگ برانڈ کی تشہیر کرتے ہوئے اْنہیں ٹیگ بھی کیا ہے۔سیدہ علیزا سلطان کا اپنی اس پوسٹ کے کیپشن میں لکھنا ہے کہ ’سورج نے ہمیں سنہری رنگ سے رنگ دیا ہے‘۔واضح رہے کہ سیدہ علیزا سلطان کا تعلق شوبز انڈسٹری سے نہیں ہے۔علیزا سلطان نے اس سے قبل کبھی اپنی ایسی تصویریں بھی سوشل میڈیا پر اپلوڈ نہیں کی ہیں۔

کراچی :پاکستان شوبز کی خوبرو اداکارہ حنا الطاف نے کہا ہے کہ ہمارے یہاں شادی کیلئے ہر کسی کو 18 اور 19 سال کی لڑکی چاہیے ہوتی ہے عمر بڑھ جائے تو شادی نہیں ہوتی۔ اپنے ایک انٹرویو میں اداکارہ حنا الطاف نے پاکستانی والدین کو مشورہ دیا ہے کہ وہ بیٹیوں کو معاشی طور پر آزاد ہونا سکھائیں کیونکہ یہ بہت زیادہ ضروری ہے۔اداکارہ نے کہا کہ ’لڑکیوں کی شادیاں اس سوچ کے ساتھ جلدی کر دی جاتی ہیں کہ ان کی خوبصورتی ختم ہو جائے گی، ان کے بال سفید ہو جائیں گے، عمر بڑھ جائے گی تو ان سے کون شادی کرے گا؟ یہاں تو شادی کے لیے ہر کسی کو اٹھارہ سے انیس سال کی لڑکی چاہیے‘۔حنا الطاف کہتی ہیں کہ ’ہمارے کلچر میں جب لڑکی 22، 23 سال کی عمر کو پہنچتی ہے تو ہم کہنا شروع کر دیتے ہیں کہ اس کی عمر بڑھ رہی ہے، اس کی جلدی جلدی شادی کر دو‘۔اداکارہ نے کہا کہ والدین کی بیٹیوں کی شادی کو لے کر فکر اچھی بات ہے مگر یہ لڑکیوں کا فیصلہ ہونا چاہیے کہ انہیں کب شادی کرنی ہے اور کس سے کرنی ہے۔ انہوں نے کہا کہ ’لڑکیوں پر دباؤ نہیں ڈالنا چاہیے کہ شادی کرو شادی کرو انہیں پہلے پڑھا لکھا کر معاشی خود مختار بنانا چاہیے۔ ہم ایسی کئی شادیاں دیکھ رہے ہیں جو کہ آگے جا کر نہیں چل پاتی ہیں اور گھر ٹوٹ جاتے ہیں اور لڑکیوں کو دلدل میں ڈال دیا جاتا ہے‘۔#/s#