Category شوبز

ممبئی َ:بالی ووڈ اداکارہ کنگنا رناوت نے سیٹ پر خودکشی کرکے جان گنوا بیٹھنے والی اداکارہ تونیشا شرما کی موت کو قتل قرار دے دیا۔بھارتی میڈیا رپورٹ کے مطابق متنازع بیانات کیلئے مشہور اداکارہ کنگنا رناوت نے تونیشا شرما کی موت کو قتل قرار دیتے ہوئے بھارتی وزیرِاعظم نریندر مودی سے درخواست کی ہے کہ اداکارہ کی موت کی تحقیقات کروائیں۔کنگنا رناوت نے اپنے آفیشل انسٹاگرام پر اسٹوری پوسٹ کی جس میں انہوں نے لکھا خواتین ہر چیز کا مقابلہ کر سکتی ہیں چاہے وہ محبت کا نقصان ہو، شادی ہو یا رشتہ ہو مگر اس سے نہیں نمٹ سکتی کہ اس کی محبت اور کمزوری کا فائدہ اٹھایا گیا ہے ۔ اداکار نے لکھا کہ تونیشا کو محبت میں دھوکہ ملا وہ ایسی حالت میں تھی جس میں وہ خود پر بھی بھروسہ نہیں کر سکتی تھی ایسی حالت میں زندہ یا مردہ ہونے کا بھی فرق محسوس نہیں ہوتا اور وہ اپنی زندگی ختم کرنے کا فیصلہ کر لیتی ہے، براہ کرم جان لیں کہ یہ اس نے اکیلے نہیں کیا یہ قتل ہے۔کنگنا رناوت نے وزیرِ اعظم مودی سے درخواست کی کہ خواتین کو ٹکڑوں میں کاٹ کر پھینکنے والوں، ان پر تیزاب پھینکنے والوں اور انہیں خود کشی پر اْکسانے والوں کے خلاف سخت قانون بنائیں اور انہیں بغیر مقدمے فوری موت کی سزا دیں۔

ممبئی:بالی وڈ کے آنجہانی اداکار سشانت سنگھ راجپوت کی موت کے حوالے سے مردہ خانہ کے ملازم کے قتل کا دعویٰ کیے جانے کے بعد ان کی گرل فرینڈ اداکارہ ریا چکرورتی کی ذو معنی انسٹاگرام اسٹوری کے سوشل میڈیا پر چرچے ہیں۔14 جون 2020 کو 34 سالہ اداکار سشانت سنگھ راجپوت ممبئی میں اپنے فلیٹ میں مردہ حالت میں پائے گئے تھے جس کے بعد ان کے مداحوں کی جانب سے سشانت سنگھ راجپوت کی موت کے معاملے پر سی بی آئی سے تفتیش کرنے کا مطالبہ کیا جا رہا تھا۔بعد ازاں سشانت کے گھر والوں نے ان کی دوست ریا چکرورتی کو اداکارکی خودکشی کی وجہ قرار دیا تھا اور ان کے خلاف بہار میں مقدمہ بھی درج کرایا تھا جس کے بعد معاملہ سپریم کورٹ پہنچا تھا۔اب اداکارہ نے انسٹاگرام پر ایک ذو معنی پوسٹ شیئر کی، انہوں نے ایک انسٹاگرام پیج کے حوصلہ افزا الفاظ الفاظ شیئر کیے جس میں لکھا تھا کہ اگر اگلی مرتبہ آپ کو اپنی طاقت پر شک ہو تو اتنا یاد رکھیں کہ آپ آگ سے گزر چکے ہیں، آپ طوفان سے بچ نکلے ہیں اور کئی دشمنوں پر فتح حاصل کی ہے’۔ساتھ ہی ریا نے ‘گڈ مارننگ’ لکھا اور دل والا ایموجی بنایا۔

لاہور:اداکار، پروڈیوسر اور ہدایتکار یاسر حسین نے کہا ہے کہ اْنہیں اگر دوبارہ بھی موقع ملا تو وہ اقراء سے ہی شادی کریں گے۔شادی کی سالگرہ کے موقع پر اقراء اور یاسر نے اپنے سوشل میڈیا اکاؤنٹس انسٹاگرام پر تصویروں، ویڈیو اور منفرد کیپشنز کے ساتھ ایک دوسرے کو مبارکباد دی ہے۔یاسر حسین نے اہلیہ، اقراء عزیز کے ساتھ تصویریں شیئر کرتے ہوئے لکھا کہ اْنہیں اگر دوبارہ بھی موقع ملا تو وہ اقراء سے ہی شادی کریں گے کیوں وہ اقراء سے محبت کرتے ہیں، اقراء عزیز ایک بہترین روح کی مالک ہیں

لاہور: پاکستان شوبز انڈسٹری کے خوب رو اداکار منیب بٹ اپنے نئے ڈرامہ سیریل میں پہلی بار منفرد موضوع پر فلمائے گئے ڈرامے میں خواجہ سرا کا رول ادا کریں گے۔فوٹو اینڈ ویڈیو شیئرنگ پلیٹ فارم انسٹاگرام پر اداکار نے ایک تصویر شیئر کرتے ہوئے اپنے نئے ڈرامہ سیریل کو لے کر جوش و خروش کا اظہار کیا، جس میں وہ خواجہ سرا کا کردار ادا کر رہے ہیں، جو اعلیٰ تعلیم کے بعد سی ایس ایس کا امتحان پاس کرکے اسسٹنٹ کمشنر تعینات ہوتا ہے۔اداکار نے اپنے انسٹاگرام پر تصاویر شیئر کرتے ہوئے اپنے منفرد کردار کے حوالے سے اعلان کیا کہ وہ جلد ہی ساتھی اداکارہ صبا قمر کے ساتھ ایک ڈرامے میں پہلی بار خواجہ سرا کے روپ میں دکھائی دیں گے، جس کے لئے وہ بہت پْرجوش ہیں۔انہوں نے مذکورہ پوسٹ کے کیپشن میں مزید لکھا کہ وہ شوبز کیریئر میں پہلی بار ایک مشکل کردار ادا کرنے جا رہے ہیں جو معاشرے کے دقیانوسی تصورات کو توڑ دے گا۔انہوں نے یہ بھی لکھا کہ میں اس کردار کو اسکرین پر دیکھنے کا بے چینی سے انتظار کر رہا ہوں، جو میں جلد ہی ادا کروں گا۔ اس کے لئے مجھے واقعی اپنے کمفرٹ زون سے باہر نکلنا پڑا۔ امید ہے کہ آپ لطف اندوز ہوں گے۔ آپ کے تاثرات کا انتظار رہے گا۔

کراچی:معروف ٹی وی اینکر مرحوم عامر لیاقت کی سابقہ اہلیہ طوبیٰ انور کا موبائل نمبر لیک ہوگیا۔حال ہی میں شوبز کی دنیا میں قدم رکھنے والی طوبیٰ انور نے انسٹاگرام پر اسٹوریز پوسٹ کیں جس میں انہوں نے بتایا کہ انہیں واٹس ایپ پر متعدد نمبرز سے غلط پیغامات بھیجے جارہے ہیں جس کی وجہ سے وہ کافی پریشان ہیں۔ انہوں نے کہا کہ کسی نامعلوم شخص نے میرا نمبر لیک کردیا ہے جس کے بعد مجھے سیکڑوں کی تعداد میں فحش اور غیر اخلاقی پیغامات بھیجے جارہے ہیں، مجھے حیرانی ہے کہ کیسے لوگ ان سب فضول چیزوں کے لیے وقت اور توانائی ضائع کرتے ہیں،ان کا کہنا تھا کہ طوبیٰ انور نے مجھے ملنے والے پیغامات اس قدر غلیظ ہیں کہ میں انہیں یہاں شیئر بھی نہیں کرسکتی، میں پچھلے کئی ماہ سے یہ سب برداشت کررہی ہوں، یہ حرکت دوسروں کر پریشان کرنے والی ہے،طوبیٰ نے خوفزدہ ہوتے ہوئے کہا کہ مجھے ڈر ہے کہ کہیں کوئی میرا نمبر ٹریس کرکے میرے گھر تک نہ پہنچ جائے اور مجھے کوئی نقصان نہ پہنچا دے، یہ سب حد سے زیادہ پریشان کن اور تکلیف دہ ہے،انہوں نے مزید لکھا کہ ’دوسروں کی ذاتی معلومات شیئر کرکے انہیں ہراساں کرنا بند کریں۔

لاہور:پاکستان کرکٹ ٹیم کے سابق لیگ اسپنر دانش کنیریا کی قومی کرکٹ ٹیم کے چیف سلیکٹر شاہد آفریدی کے خلاف طنزیہ ٹوئٹ کرنے پر اداکار فہدمصطفیٰ میدان میں آگئے۔گزشتہ دنوں پاکستان کرکٹ بورڈ کی منیجمنٹ کمیٹی کے چیئرمین نجم سیٹھی نے عبوری سلیکشن کمیٹی کا اعلان کرتے ہوئے سابق کپتان شاہد آفریدی کو نیوزی لینڈ کے خلاف ہوم سیریز کے لیے عبوری سلیکشن کمیٹی کا چیئرمین مقرر کیا۔شاہد آفریدی کو عبوری سلیکشن کمیٹی کا چیئرمین مقرر کیے جانے پر دانش کنیریا نے طنز کرتے ہوئے 2010 میں آسٹریلیا کے خلاف ون ڈے میچ میں آفریدی کی گیند چبانے کی تصویر اپ لوڈ کرتے ہوئے ہنسنے والے ایمو جی کے ساتھ’چیف سلیکٹر’ لکھا۔واضح رہے کہ 2010 میں دورہ آسٹریلیا کے دوران ون ڈے میچ میں قومی ٹیم کے کپتان شاہد آفریدی کو فیلڈنگ کے دوران گیند کو دانتوں کے ساتھ چباتے ہوئے دیکھا گیا تھا۔آفریدی کے اس عمل پر ایکشن لیتے ہوئے آئی سی سی کی جانب سے بال ٹیمپرنگ کے الزام میں شاہد آفریدی پر 2 ٹی ٹوئنٹی میچز کی پابندی لگائی گئی تھی۔تاہم دانش کنیریا کے طنزیہ ٹوئٹ پر جہاں سوشل میڈیا صارفین نے انہیں آڑے ہاتھوں لیا وہیں اداکار ومیزبان فہد مصطفیٰ بھی سابق کپتان کی حمایت میں بول پڑے۔فہد مصطفیٰ نے سوشل میڈیا پر آفریدی کے خلاف ٹوئٹ کرنے پر دانش کنیریا کو کراکرا جواب دیتے ہوئے لکھا کہ’آفریدی آپ کی طرح فکسر نہیں ہیں ‘۔

لاہور:پاکستانی شوبز انڈسٹری کی معروف اداکارہ ارمینہ خان کی بیٹی کا نام سامنے آنے پر ان کے مداح الجھن میں پڑ گئے۔ارمینہ خان نے فوٹو اینڈ ویڈیو شیئرنگ ایپ انسٹا گرام پر گزشتہ روز اپنے مداحوں کو اپنی ننھی پری کی پیدائش کی خوش خبری دی ہے۔اْنہوں نے بیٹی کے ہمراہ تصویر شیئر کرتے ہوئے لکھا ہے کہ ہمارے خیر خواہوں، مداحوں، فیملی اور دوستوں کے لیے ایک خوش خبری ہے کہ ہمارے گھر ننھی پری’ایمیلی اسلا (ا?ہمیہلی ا?ئیلہ)‘ کی پیدائش ہوئی ہے۔اْنہوں نے یہ بھی لکھا ہے کہ ماشاء اللّٰہ، بیٹی کی پیدائش پر ہم بہت خوش ہیں۔اداکارہ کی اس پوسٹ پر مداحوں اور شوبز انڈسٹری کی معروف شخصیات کی جانب سے بیٹی کی پیدائش پر مبارک بادیں دینے کا سلسلہ بھی جاری ہے۔دوسری جانب کچھ سوشل میڈیا صارفین اداکارہ کی بیٹی کا نام پتہ چلنے پر تھوڑی الجھن میں مبتلا نظرآئے۔جس کے بعد ارمینہ خان کے شوہر فیصل خان نے اپنے انسٹا گرام اکاونٹ پر اپنی بیٹی کے ہمراہ ایک تصویر شیئر کرتے ہوئے بیٹی کا مکمل نام، مطلب اور صحیح تلفظ بتا دیا۔اْنہوں نے اپنی پوسٹ کے کیپشن میں لکھا ہے کہ میں آپ سب کو اپنی بیٹی ’آہمیہلی آئیلہ رضا خان سے متعارف کروا رہا ہوں۔فیصل خان نے اپنی بیٹی کے معنی اور صحیح تلفْظ بتاتے ہوئے لکھا ہے کہ آہمیہلی کے معنی ہیں’محنتی اور جفاکش‘ جبکہ ا?ئیلہ کے ہسپانوی معنی ’خدا کے لیے وقف ہونا‘ اور عبرانی معنی ’روشنی کا دائرہ‘ ہیں۔

 لاہور: اداکارہ صنم چوہدری نے کہا ہے کہ انہیں اپنی ماضی میں گزاری زندگی پر پچھتاوا ہے۔ اپنے ایک بیان میں ادکارہ نے کہا کہ ماضی میں متعدد ایسے کام کیے جن کی اسلام میں اجازت نہیں۔ اپنی پچھلی زندگی پر ندامت ہے۔ انہوں نے کہا کہ جب بھی اپنی گزشتہ زندگی پر نظر ڈالتی ہوں تو اپنی غلطیوں اور گناہوں پر پچھتاوا ہوتا ہے۔ مسلمان ہونے کے باجود میرا طرز زندگی سیکولر تھا۔ اپنی غلطیوں اور گناہوں کے باجود خود پر اللہ تعالیٰ کا کرم اورمہربانیوں پر میری آنکھوں میں آنسو آجاتے ہیں۔صنم چوہدری نے کہا کہ مجھے یہ سوچ کر ندامت ہوتی ہے کہ اسلام میں حرام قرار دیے گئے کاموں پرمجھے برا محسوس نہیں ہوتا تھا۔

لاہور : حال ہی میں رشتہ اذدواج میں منسلک ہونے والے پاکستانی فاسٹ بولر حارث رؤف نے اپنے مداحوں اور فالوورز کو مخاطب کرتے ہوئے کہا ہے کہ اْن کی اہلیہ مزنا مسعود ملک کسی بھی سوشل میڈیا پلیٹ فارم کا استعمال نہیں کر رہی ہیں۔حارث روف نے اپنے ٹوئٹ میں لکھا ہے کہ سب کو سلام، میں صرف یہ واضح کرنا چاہتا ہوں کہ میری اہلیہ مزنا مسعود ملک کسی بھی سوشل میڈیا پلیٹ فارم پر نہیں ہیں، مزنا کا کوئی بھی آفیشل اکاؤنٹ نہیں ہے۔ انہوں نے مزید کہا کہ براہ کرم کسی بھی دھوکا دہی سے محتاط رہیں، آپ سب کی دعاؤں اور نیک خواہشات کا بہت بہت شکریہ۔

لندن : شوہر کی ٹرولنگ کرنے پر ریحام خان نے خاتون صارف کو آڑے ہاتھوں لے لیا۔ ریحام خان کی تیسری شادی کے بعد سے اْن کی اور اْن کے شوہر کی عمر سوشل میڈیا پر زیرِ بحث ہے۔ایسی ہی ایک مثال شیئر کرتے ہوئے ریحام خان نے سوشل میڈیا ٹوئٹر پر اپنے شوہر مرزا بلال کی عمر سے متعلق پوچھے گئے سوال پر جواب دیا ہے۔ریحام خان نے ایک ٹوئٹ شیئر کی ہے جس پر ایک خاتون صارف کا پوچھنا ہے کہ اْن کا شوہر کہاں سے 36 سال کا لگتا ہے؟ریحام خان نے خاتون کے سوال پر طنزیہ انداز میں جواب دیتے ہوئے لکھا ہے کہ آپ کو جاب پر پہلے دن کا مطلب بھی پوچھنا چاہیے، کچھ لوگ کم عمری سے جاب کرنا شروع کر دیتے ہیں، مفت کے برگر نہیں توڑتے۔