Category شوبز

نیویارک : ہالی ووڈ کی مارول سیریز اوینجرز اور ہاکی کے اسٹارجریمی رینر برفانی طوفان میں حادثے کا شکار ہوگئے۔ میڈیا رپورٹس کے مطابق اداکار جریمی رینر نیویارک میں مقیم ہیں جہاں خطے میں نئے سال کے موقع پر موسم سرما کا شدید برفانی طوفان آیا جس سے نظامِ زندگی درہم برہم ہوگیا ہے۔ اداکار برف ہٹانے کے دوران حادثے کا شکار ہوئے اور خود کو زخمی کر بیٹھے جس کے بعد انہیں فوری طور پر ائیر ایمبولینس کے زریعے تشویشناک اسپتال منتقل کیا گیا تاہم یہ حادثہ کہاں اور کیسے پیش آیا اس حوالے سے کوئی معلومات فراہم نہیں کی گئیں۔اداکار کے ترجمان نے میڈیا سے بات کرتے ہوئے کہا کہ ’ہم اس بات کی تصدیق کر تے ہیں کہ جیریمی کی حالت نازک لیکن مستحکم ہے اور وہ برف ہٹانے کے دوران حادثے کا کا شکار ہوکر شدید زخمی ہوئے ہیں ۔

پاکستانی اداکارہ و لکھاری امر خان نے خواہش ظاہر کی ہے کہ آنے والے سال میں پاکستان میں بھی کوئی سنجے لیلا بھنسالی جیسا ہدایتکار سامنے آئے جو خواتین کردار پر مبنی فلمیں بنائے۔

اداکارہ نے جس ٹوئٹ کو شیئر  کیا تھا اس میں لکھا تھا کہ  سنجے لیلا بھنسالی نے گنگو بائی کاٹھیاواڑی جیسی خاتون کے مرکزی کردار کی فلم بنا کر یہ ثابت کردیا کہ اگر فلم اچھی بنائی جائے تو ہیرو کی جگہ ہیروئن کی فلم بھی کامیاب ہو سکتی ہے۔

ٹوئٹ میں یہ بھی کہا گیا تھا کہ گنگو بائی کاٹھیاواڑی سے یہ بات بھی ثابت ہوئی کہ اگر اچھے ڈائیلاگز لکھے جائیں تو پرانے زمانے کے ڈائیلاگز کو بھی پسند کیا جائے گا۔

واضح رہے کہ گنگو بائی کاٹھیاواڑی رواں برس ریلیز کی گئی تھی جس میں عالیہ بھٹ نے مرکزی کردار نبھایا تھا، یہ فلم رواں سال کی کامیاب ترین فلموں میں سے ایک تھی۔

بھارت کی سینئر اداکارہ سشمیا سین نے پاکستان فلم انڈسٹری کی نامور بہن اداکاراؤں سجل علی اور صبور علی کے لیے محبت بھرا پیغام بھیجا ہے۔

اداکارہ سجل علی اور  صبور علی کے بھائی سید علی نے بالی وڈ اداکارہ سشمیتا سین سے ملاقات کی اور ایک ویڈیو بھی بنائی جس میں سشمیتا سین نے پاکستانی اداکاراؤں کے لیے محبت بھرا پیغام دیا۔

بالی وڈ اداکارہ نے اپنے ویڈیو پیغام میں کہا کہ آپ کے بھائی نے کہا ہے کہ میں آپ لوگوں کو ہیلو کہوں، میری خواہش ہے کہ آپ اداکاری میں ایسے ہی کام کرتی رہیں اور آگے بڑھتی رہیں، آپ ہمیشہ امن میں رہیں۔

مانگا منڈی: معروف گلوکار ملک آصف شہزاد نے اپنا نیا قصیدہ’’علی والا‘‘ ریلیز کردیا،تفصیل کے مطابق اس قصیدے کو گذشتہ روز ان کے آفیشل یوٹیوب چینل لوکل ٹی وی HD ودیگرسوشل سائیٹس پر ریلیز کیاگیا۔اس قصیدے کی ریکارڈنگ X-One سٹوڈیومیں مکمل کی گئی تھی جسے ریکارڈنگ و مکس ماسٹرنگ ٹیپو سردارنے کیاتھا جبکہ اس کا میوزک کاشی خان نے ترتیب دیاتھا۔اس کی ویڈیو ایڈیٹنگ نوید رضانے کی تھی ایک ملاقات کے دوران ملک آصف شہزاد نے بتایاکہ انہوں نے یہ قصیدہ ری مکس گایاہے اس سے قبل اس قصیدے کو گلوکار طفیل سنجرانی نے گایاتھا جس نے دنیابھرمیں مقبولیت حاصل کی تھی اس کے بعد اسے بہت سارے گلوکاروں نے گایا اور شہرت حاصل کی۔ملک آصف شہزاد کا کہناتھا کہ انہیں امید ہے کہ ان کے پرستاروں کو یہ قصیدہ بہت زیادہ پسندآئیگا کیونکہ اس کی ویورشپ میں اضافہ ہورہاہے۔

کراچی : پاکستانی معروف سینئر اداکارہ مرینہ خان 60 سال کی ہو گئی ہیں۔60 سال کی عمر میں بھی حسین اور جوان نظر آنے والی مرینہ خان شوبز انڈسٹری کی ایک زندہ دل اداکارہ ہیں۔مرینہ خان نے گزشتہ دنوں بھرپور انداز میں اپنی 60ویں سالگرہ منائی ہے، اپنی سالگرہ کی تقریب میں ناصرف مرینہ خان نے کیک کاٹا بلکہ بھرپور انداز میں انگریزی گانے پر ڈانس بھی کیا جس کی ویڈیو سوشل میڈیا پر خوب وائرل ہو رہی ہے۔مرینہ خان کی سالگرہ پر پاکستان شوبز انڈسٹری کے نامور فنکاروں نے بھی شرکت کی اور خوب انجوائے کیا۔

 لاہور: اداکار عنایت خان بھی اسٹریٹ کرمنلز کا شکار ہوگئے جس کی اطلاع انہوں نے سوشل میڈیا اکاؤنٹ کے ذریعے دی۔عنایت خان نے انسٹاگرام اسٹوری درج کرتے ہوئے بتایا کہ رات کو جم سے گھر واپسی پر تقریباً پر 2 لڑکوں نے پستول دکھا کر میرا سیل فون اور کچھ ضروری سامان چھین لیا۔اداکار نے لکھا کہ میں یہ بات شاید اسٹیٹس پر شیئر نہیں کرتا لیکن یہ میرے ساتھ چوتھی بارہوا ہے۔عنایت خان نے اپنی انسٹااسٹوری پر درخواست بھی کہ میری سندھ پولیس سے مودبانہ گزارش ہے کہ برائے مہربانی اسٹریٹ کرائمز پر قابو پائیں، مجھے پتا ہے کہ آپ کو انصاف دینے میں وقت لگے گا لیکن اپنا 100 فیصد دیں تاکہ باقی لوگ نقصان سے بچ سکیں۔

نیویارک : امریکی سپر ماڈل کم کارڈیشین کا کہنا ہے کہ طلاق کے بعد شریک والدین کے طور پر بچوں کی پرورش کرنا آسان نہیں ہے۔غیر ملکی میڈیا رپورٹ کے مطابق حال ہی میں کم کارڈیشین ایک پوڈکاسٹ میں شریک ہوئیں جہاں انہوں نے امریکی گلوکار کانیے ویسٹ سے علیحدگی کے بعد شریک والدین ہونے اور بچوں کی اچھی پرورش کرنے کی جدوجہد کے بارے میں بات کی۔کِم کا کہنا تھا کہ وہ کبھی اپنے بچوں تک ان کے والد اور اپنے لئے پھیلی ہوئی نفرت انگیز خبریں نہیں پہنچنے دیتیں اور بچوں کی نظر میں ان کے باپ کی عزت کو بنائے رکھنے کی پوری کوشش کرتی ہیں۔ انہوں نے کہا کہ میرے چاروں بچے کانیے ویسٹ کے گانوں کو تیز آواز میں سنتے ہیں اور خوب لطف اندوز ہوتے ہیں اسکول سے واپسی پر بھی گاڑی میں بچوں کیلئے ان کے والد کے گائے ہوئے گانے لگاتی ہوں اور ان کے دل میں والد کی محبت اور عزت کو کم نہیں ہونے دیتی۔ انہوں نے مزید کہا کہ ’میرے گھر میں بچوں کو یہ نہیں معلوم ہوتا کہ باہر کی دنیا میں کیا ہورہا ہے میں ان کے سامنے مسکراتی رہتی ہوں‘۔

لاہور: لاکھوں دلوں پر راج کرنے والے معروف قوال مرحوم امجد صابری کی بڑی صاحبزادی حورین امجد صابری رشتہ ازدواج میں منسلک ہوگئیں۔حورین امجد صابری کا نکاح ہوا۔ مرحوم قوال کی بیٹی کے نکاح کی تقریب 23 دسمبر کو لاہور میں ان کے گھر میں منعقد ہوئی۔حورین کی مہندی کی تقریب 24 دسمبر کو منعقد کی گئی جس میں قریبی رشتہ داروں، دوست احباب کے علاوہ شوبز انڈسٹری سے میزبان و اداکارہ مایا خان نے شرکت کی۔مہندی کی تقریب کے موقع پر جب مرحوم امجد صابری کی قوالی پڑھی گئی تو اہل خانہ سمیت تمام شرکاء￿ جذبات پر قابو نہ رکھ سکے اور آبدیدہ ہوگئے۔ ٹی وی شو ہوسٹ مایا خان بھی اپنے ساتھی قوال کی یاد آج تک نہ بھلا سکیں۔حورین کے شوہر کا نام محمد موسیٰ ہے۔ نکاح کے وقت بھی مایا خان نے اپنی شرکت یقینی بنائی اور خوشی سے تمام رسومات میں حصہ لیا۔

ممبئی: پڑوسی ملک بھارت میں 11 سال بعد پاکستان کی مشہور اور ریکارڈ توڑ بزنس کرنے والی فلم ’دی لیجنڈ آف مولاجٹ‘ کی ریلیز کی تمام تر تیاریاں مکمل کر لی گئی ہیں۔بھارت کی انٹرٹینمنٹ کمپنی کے چیف پروگرام راجیندر سنگھ جیالا نے بھارتی میڈیا کو بتایا کہ بھارت میں 30 دسمبرکو فواد خان اور ماہرہ خان کی فلم دی لیجنڈ آف مولا جٹ ریلیز کی جا سکتی ہے، فلم بھارتی پنجاب اور دہلی کے متعدد تھیٹرز میں ریلیز کی جائیگی۔بھارتی میڈیا کے مطابق پی وی آر سنیما کے انسٹاگرام پیج پر فلم کی ریلیز کے حوالے سے آفیشیل اعلان بھی کیا گیا تاہم اس پوسٹ کو جلد ہی پیچ سے ڈیلیٹ کر دیا گیا۔پوسٹ میں فلم کا پوسٹر شیئر کرنے کے ساتھ ساتھ فلم کی آج ریلیز کے حوالے سے اعلان درج تھا۔

ممبئی:بالی ووڈ کی خوبرو اداکارہ اور چھوٹے نواب سیف علی خان کی اہلیہ کرینہ کپور نے اپنے خاندان کی پسندیدہ ڈش کا نام بتا دیا۔بھارتی میڈیا کے مطابق اپنے ایک انٹرویو میں کرینہ نے بتایا کہ ان کا خاندان کھانے پینے کا بہت شوقین ہے اور جب سارے اکھٹے ہوتے ہیں تو صرف کھانے اور اداکاری پر ہی سب سے زیادہ بات ہوتی ہے۔ انہوں نے کہا ہمارا خاندان ان دونوں چیزوں سے پیار کرتا ہے اور کھانے کے بارے میں کافی بات کی جاتی ہے۔ اداکارہ نے بتایا کہ جب ہم سب ملتے ہیں تو سب سے زیادہ شوق سے پائے کھاتے ہیں یہ ایک سالن ہے جو بیحد ذائقے دار ہوتا ہے۔ دعوتوں کے بارے میں بات کرتے ہوئے اداکارہ نے بتایا کہ جب ہم سب اکھٹے ہوتے ہیں تو ہماری آوازیں اتنی اونچی ہوجاتی ہیں کہ اگر کوئی سْنے تو سمجھے گا کہ لڑائی ہورہی ہے۔اداکارہ نے مزید کہا کہ جب ہم سب ایک جگہ جمع ہوتے ہیں تو کسی اطالوی فیملی کی طرح لگتے ہیں، ہنسی مزاق ہوتا ہے سب شور مچا رہے ہوتے ہیں کسی اور کو کچھ سمجھ نہیں آتی لیکن ہمیں مزہ آ رہا ہوتا ہے۔