Category شوبز

کراچی: اداکار فیروز خان نے ساتھی اداکارہ سجل علی، کبریٰ خان، ماہرہ خان اور مہوش حیات پر لگائے جانے والے نازیبا الزامات پر ردعِمل دیتے ہوئے کہا کہ ’میں الزامات کا سامنا کرنے والی اداکاراؤں کے بارے میں بات کرنا چاہوں گا اور میں اپنی ساتھی اداکاراؤں کے اوپر لگائے گئے الزامات کی شدید مذمت کرتا ہو ں ۔فیروز خان نے سوشل میڈیا پر جاری کئے گئے اپنے ویڈیو پیغام میں مزید کہا کہ میں اپنے سپورٹرز اور مداحوں سے اپیل کرتا ہوں کہ وہ پہلے یہ سمجھ لیں کہ کون قصور وار ہے اور کون بیگناہ اس کے بعد اپنا ردِعمل دیں چاہے وہ الزامات لگانے والے کے بارے میں ہو یا ہو یا الزامات سے متاثر ہونے والے کے بارے میں ہو ۔ فیروز خان کا کہنا تھا کہ پہلے کسی بھی صورت میں خبر کی تصدیق کریں پھر اس پر ردعمل کا اظہار کریں۔ واضع رہے کہ پاکستان شوبز کی 4 بڑی اداکاراؤں ماہرہ خان، سجل علی، کبریٰ خان اور مہوش حیات پر ویلاگر عادل راجہ کی جانب سے نازیبا الزامات لگائے گئے ہیں جس کے بعد سوشل میڈیا پر ایک ہلچل مچی ہوئی ہے جبکہ ان اداکاراؤں نے بھی ویلاگر کو سخت جواب دیا ہے

کراچی : پاکستان شوبز انڈسٹری کی معروف اداکارہ مہوش حیات، کبریٰ خان اور سجل علی نے اداکاراؤں کے کردار پر انگلی اٹھانے والے کو وارننگ بھی دے دی ہے۔حال ہی میں سوشل میڈیا پر ایک شخص نے 4 اداکاراؤں پر یہ الزامات لگائے ہیں کہ ان کی نازیبا ویڈیوز موجود ہیں، اس شخص نے وی لاگ میں اداکاراؤں کے پورے نام نہیں بتائے بلکہ ناموں کے شروع کے حروف کا سہارا لیا۔اداکارہ کبریٰ خان نے اپنی انسٹا اسٹوری میں ان الزامات پر شدید ردِ عمل کا اظہار کیا ہے۔اْنہوں نے اپنی اسٹوری میں لکھا کہ پہلے تو اس لیے خاموشی اختیار کی کہ جعلی ویڈیو میرے وجود کو نہیں مٹا سکتی، لیکن اب بہت ہو گیا، آپ کو لگتا ہے کہ کوئی بھی شخص بیٹھے بٹھائے مجھ پر انگلی اٹھائے گا تو یہ آپ کی سوچ ہے‘۔اداکارہ نے الزام لگانے والے شخص سے مخاطب ہوکر لکھا کہ ’اس سے پہلے کہ آپ کسی پر انگلی اٹھائیں آپ کے پاس ثبوت ہونے چاہئیں۔

لاہور:پاکستانی معروف ماڈل و اداکارہ آمنہ الیاس نے بین الاقوامی سطح پر بھی اپنا لوہا منوالیا۔بین الاقوامی جوتوں کے برانڈ ٹامز‘ نے اپنے آفیشل انسٹاگرام اکاؤنٹ پر پوسٹ اپ ڈیٹ کی ہے جس میں آمنہ الیاس کو دیکھا جاسکتا ہے۔ اداکارہ پہلی پاکستانی ہیں جو بین الاقوامی معروف برانڈ ’ٹامز‘ کے سوشل میڈیا پلیٹ فارم انسٹا گرام پر نظر آ رہی ہیں۔صرف 17 برس کی عمر سے ماڈلنگ کیریئر کا آغاز کرنے والی آمنہ الیاس نے جلد ہی اداکاری کے میدان میں بھی قدم رکھا۔

لاہور: پاکستان شوبز انڈسٹری کے معروف اداکار فیروز خان کو نیو ایئر پارٹی میں شریک ہونے پر شدید تنقید کا سامنا ہے۔فیروز خان نے کچھ روز قبل اپنی انسٹا اسٹوری پر مولانا طارق جمیل کی ایک ویڈیو شیئر کی ہے، جس میں مولانا صاحب روتے ہوئے اس بات پر افسوس کا اظہار کرتے ہوئے نظر آرہے ہیں کہ ابھی سب لوگ نئے سال کا جشن منائیں گے، لڑکے لڑکیاں ناچیں گے، شراب پئیں گے اور اللّٰہ تعالیٰ کو ناراض کریں گے، ایسا نہیں ہونا چاہیئے۔اداکار نے یہ ویڈیو شیئر کرتے ہوئے مداحوں سے اپیل کی کہ ’اس ویڈیو کو آگے پہنچا دو ۔ فیروز خان نے مولانا طارق جمیل کا یہ بیان سننے اور اپنے سوشل میڈیا اکاو نٹ پر شیئر کرنے کے بعد بھی ایک نیو ایئر پارٹی میں شرکت کی جس پر اْنہوں سوشل میڈیا صارفین کی جانب سے شدید تنقید کا سامنا ہے۔ایک صارف نے لکھا کہ فیروز خان صرف دوسروں کو مولانا صاحب کی باتوں پر عمل کروانا چاہتے ہیں لیکن خود ان پر یا ان کی بہنوں پر یہ لاگو نہیں ہوتا۔ایک صارف نے تو اداکار کے اس اقدام پر اْنہیں منافق قرار دے دیا۔

نیویارک:پاکستانی دستاویزی فلم ’دی لوزنگ سائیڈ‘ نے بین الاقوامی اعزاز اپنے نام کرلیا۔بین الاقوامی ’کانز ورلڈ فلم فیسٹیول‘ میں بہترین فلم برائے انسانی حقوق کا ایوارڈ دستاویزی فلم ’دی لوزنگ سائیڈ‘ نے جیت لیا۔جاوید شریف فلمز کے بینر تلے بننے والی دستاویزی فلم ’دی لوزنگ سائیڈ‘ کی کہانی جبری تبدیلی مذہب کے گرد گھومتی ہے، اس میں چار مختلف متاثرین کی جبری تبدیلی مذہب کی کہانیوں کا تذکرہ کیا گیا ہے۔جاوید شریف کے مطابق انسانی حقوق کی تنظیم کی سالانہ رپورٹ برائے 2021 کے مطابق صوبہ سندھ سے 27 جبری تبدیلی مذہب کے کیس رپورٹ ہوئے ہیں۔ یہ ہی وجہ ہے کہ انہیں اس موضوع پر دستاویزی فلم بنانے کا خیال آیا

کراچی: مشہور ڈرامے رانجھا رانجھا کردی کے کردار ’بھولے ‘سے شہرت پانے والے اداکار عمران اشرف نے کہا ہے کہ طلاق کے بعد وہ اور ان کا بیٹا مشکل وقت سے گزر رہے ہیں مداح ان کے لئے دعا کریں۔ نجی ٹی وی کے ٹاک شو‘ میں بات چیت کرتے ہوے انہوں نے کہا ہم تباہی کے مرحلے سے گزر رہے ہیں، مگر طلاق کے بعد ہماری زندگی میں کوئی منفی بات نہیں ہے، میں اور کرن مل کر ہمارے بیٹے روحام کی دیکھ بھال کر رہے ہیں۔اپنے بیٹے روحام کے بارے میں بات کرتے ہوئے عمران اشرف نے کہا کہ ’میری زندگی کا سب سے بڑا مقصد میرے بیٹی کی زندگی ہے، میرا بیٹا مستقبل میں میرے بارے میں کیا سوچے گا؟ وہ بڑا ہوکر کیا سوچے گا کہ میرا باپ ایسا تھا اور یہی وجہ کہ اس ہی لئے میں کبھی کوئی ایسی بات نہیں کہہ سکتا جس سے میرے بیٹے کو نقصان ہو، یا جو میری اخلاقیات کے خلاف ہو۔عمران اشرف نے اپنے مداحوں سے درخواست کی کہ والدین کی حیثیت سے وہ اور کرن ایک مشکل وقت سے گزر رہے ہیں، یہ ان کیلئے ایک مشکل وقت ہے ان کے اور ان کے بیٹے روحام کیلئے دعا کریں

ممبئی:بالی ووڈ کی بلاک بسٹر فلم “کچھ کچھ ہوتا ہے” کی چائلڈ آرٹسٹ “انجلی” کا کردار ادا کرنے والی اداکارہ ثنا سعید نے اپنے بوائے فرینڈ سسبا ویگنر سے منگنی کر لی۔ 1998 کی بلاک بسٹر بالی ووڈ فلم “کچھ کچھ ہوتا ہے” کی اداکارہ ثنا سعید نے انسٹاگرام پر ویڈیو شیئر کی جس میں ان کے منگیتر سسبا ویگنر نے انہیں پرپوزکیا۔ ویڈیو میں دیکھا جا سکتا ہے کہ جوڑینے سیاہ رنگ کا لباس پہنا ہوا ہے۔ سسبا ویگنر کو گھٹنوں کے بل بیٹھے دیکھا جا سکتا ہے، جبکہ دوسری طرف ثناء پروپوز ہونے پر صدمے میں دکھائی دیتی ہے۔ اداکارہ نے ویڈیو کے کیپشن میں کچھ
نہیں لکھا البتہ دل والے ایموجی کے ساتھ انگوٹھی کا ایموجی بنایا۔ ثنا کی پوسٹ پر کئی معروف فنکاروں نے انہیں مبارکباد دی اور جوڑے کے لیے نیک خواہشات کا اظہار کیا۔

لاہور: پاکستانی اداکارہ صحیفہ جبار نے اپنی شادی سے متعلق دلچسپ انکشاف کیا ہے کہ شوہر کو لڑکیاں دکھاتے دکھاتے انہیں وہ خود پسند آگئیں۔ نجی ٹی وی کے پروگرام میں گفتگو کرتے ہوے اداکارہ نے بتایا کہ میں شروع سے ہی’ ٹام بوائے ‘قسم کی لڑکی تھی اسی لیے خواجہ خضر حسین نے مجھے اپنے لیے لڑکی دیکھنے کا کہا تھا، میں نے ان کیلئے بہت کوشش بھی کی اور کئی لڑکیاں بھی دکھائیں لیکن اتفاق سے ساری انگیجڈ تھیں۔اداکارہ نے کہا کہ شوہر کو شادی کے لیے لڑکیاں دکھاتے دکھاتے اِنہیں میں پسند آگئی، بس پھر
لڑکیاں پسند کرنے کا سلسلہ ختم ہوا اور میں خود دلہن بن گئی۔واضح رہے کہ ماڈل صحیفہ جبار نے 2017 میں اپنے قریبی دوست خواجہ خضر حسین سے لاہور میں شادی کی تھی۔

نیویارک : دی لیجنڈ آف مولا جٹ‘ کی ریکارڈ توڑ کامیابی پر امریکی نشریاتی ادارے نے پاکستانی سْپر اسٹار اداکار فواد خان کو مبارک باد دی اور انٹرویو کے لئے مدعو کر لیا۔ اپنے انٹرویو میں فواد خان نے کہا کہ 2022 نہ صرف میرے لئے بلکہ پاکستانی سنیما انڈسٹری کے لئے بہترین رہا اور میں اس کا صرف ایک چھوٹا سا حصہ ہوں۔ جس طرح اس فلم نے بزنس کیا، اس نے معیار کو بلند کر دیا اور امید کرتا ہوں کے مستقبل میں بھی پاکستانی سینما اسی طرح بزنس کرے۔بھارت میں فلم کی ریلیز کے حوالے سے پوچھے گئے سوال کے جواب میں فواد خان کا کہنا تھا کہ بھارت میں فلم کی ریلیز دونوں ممالک کے تعلقات کو بہتر بنانے میں کردار ادا کرے گی، یہ ریلیز اسی طرح ہوگی جس طرح عید یا دیوالی کے موقع پر ہم ایک دوسرے کو مبارکباد اور نیک خواہشات دیتے ہیں۔ اس سے سفارتی تعلقات بھی بہتر ہوں گے۔انہوں نے مزید کہا کہ میں نے سنا ہے کہ فلم ریلیز ہونے والی ہے لیکن پھر یہ بھی خبریں گردش کر رہی ہیں کہ شاید فلم ریلیز نہ ہو، بہتری کے لئے دعا گو ہوں۔دوسری طرف ’دی لیجنڈ آف مولا جٹ‘ کے ہدایت کار بلال لاشاری نے ٹوئٹ کرتے ہوئے اعلان کیا کہ فلم نے مقامی باکس آفس میں 100 کروڑ جبکہ پوری دنیا میں 10 ملین ڈالرز کا بزنس کیا ہے۔

ممبئی:بالی ووڈ اداکاررنبیر کپور کی آنے والی نئی فلم اینیمل کا پوسٹر جاری کردیا گیا۔براہمسٹرا کی شاندار کامیابی کے بعد رنبیر کپور کا نئی فلم’اینیمل‘ میں ادا کئے جانے والے اْن کے کردار کی پہلی جھلک سامنے آگئی۔رنبیر کپور کی فلم کا پہلاپوسٹر سالِ نو کے موقع پر جاری کیا گیا ہے جس میں ان کا مختلف لْک مداحوں کی توجہ کا مرکز بنا ہوا ہے۔ٹوئٹر پر فلم کے ہدایتکار سندیپ ریڈی کی جانب سے شیئر کئے گئے پوسٹر میں دیکھا جا سکتا ہے کہ رنبیر خون میں رنگی ہوئی سفید شرٹ پہنے ہوئے ہیں جبکہ بغل میں کلہاڑی دبائی ہوئی ہے ان کے چہرے اور بازو پر زخم ہیں اور وہ سگریٹ جلا رہے ہیں۔رنبیر کپور کے ساتھ فلم میں رشمیکا مندانہ ہیروئن کا کردار ادا کریں گی جبکہ اس فلم میں انیل کپور اور بوبی دیول بھی اہم کردار ادا کرتے نظر آئیں گے۔سوشل میڈیا پر رنبیر کپور کے مداحوں کی جانب سے ان کے دبنگ انداز کو بیحد پسند کیا جارہا ہے۔ ایکشن اور تھرلر سے بھرپور یہ فلم 11اگست کو ریلیز ہوگی۔